Gezuar diten e veres, 14 Marsin

[Albo]

Dita e Verës quhet e tillë sepse më 14 Mars bimësia zgjohet nga gjumi dimëror. Në këtë ditë bimësia fillon të thithë lëngjet nga toka dhe kështu të rritet.

Ndonëse festimi i kësaj date ka mbijetuar në Skampa (Elbasan), ajo i përket të gjithë arbërësve-arbanasve (arbëreshëve). Shenjat e festimit të këtij zakoni arbëresh janë:

1) Marrja datën 13 Mars të një tufe të vogël bari të njomë bashkë me rrenjët dhe dheun, me qëllim që të gjendet mëngjezin e datës 14 Mars në shtëpi.

2) Gatimi i ballakumeve, që gatuhen një ose dy ditë përpara datës 14 Mars, me qëllim që mëngjezi i datës 14 Mars t’i gjejë ballakumet në shtëpi.

GATIMI I BALLAKUMEVE

MASAT
1 kg sheqer, 0.4 kg tëlyn (gjalp), 7-8 kokrra vezë, 1 kg miell misri i situr, një dorë miell gruri,
1 fixhan kafeje qumësht; një enë e madhe bakri e pakallajisur ose përndryshe prej qelqi.

GATIMI
Tretet tëlyni dhe lihet te fundërrojnë kripërat e tij. Pastaj tëlyni i vakët dhe pa kripërat e rëna në fund rrihet me sheqerin deri sa të bëhet një masë e bardhë. E mira është që rrahja e masës të bëhet me dorë, sepse përfundimi i përzjerjes ndjehet kur të duket se prek fije me dorën që po përzien masën e krijuar. Ndërkohë vezët janë përzjerë me qumështin më parë dhe shtohen dalëngadalë tek sheqeri i rrahur, duke vazhduar përzjerjen e këtij të fundit.

Pastaj hidhet mielli dalëngadalë duke vazhduar perzjerjen me dorë. Mielli i grurit hidhet nga fundi. Duhet patur kujdes me hedhjen e miellit, sepse mielli i tepërt i bën të forta ballakumet pas pjekjes. Prandaj, pasi është harxhuar sasia e paracaktuar e miellit, brumi lihet 15-30 minuta në qetësi pavarësisht se ai mund të duket i qullët. Kjo kohë mjafton që grimcat e miellit të thithin lagështirën e brumit të qullët. Nëse shihet se brumi ka mbetur përsëri si i qullët, atëhere atij mund t'i shtohet edhe një dorë miell. Kështu me këtë brume ballakumet nuk do të shtrihen gjatë pjekjes.

PJEKJA
Tepsiat lyhen me pak tëlyn dhe spërkaten me pak miell. Pastaj, nga brumi tashmë i gatuar, formohen me dorë gurabiet me madhësi jo të vogël dhe vendosen mbi tepsi të larguara nga njëra tjetra. Paraprakisht furra është nxehur në 170oC. Futet tepsia në furrë dhe lihet aty derisa ballkumet të formojnë pak kore (jo të skuqen). Nxirret pastaj tepsia nga furra dhe lihet të ftohet, me qëllim që ballakumet të shkëputen lehtësisht nga ajo.

[AsgjeSikurHena]

...Gezuar Diten e Veres te gjitheve..!!!

Priten evenimente sot si ne Tirane edhe ne Elbasan me kenge,valle,sport,ekspozita,mbremje Gala per kete feste ..
Mije ballokume ne diten e veres ne Elbasan.Ballokumet njihen si embelsira e kesaj feste ..ato gatuhen me gjalpe,miell misri,veze,sheqer dhe qumesht per me shume ju ka shkruar Albo

Gezuar !!!

[kacaku basket]

Postuar më parë nga Albo

GATIMI I BALLAKUMEVE

MASAT
1 kg sheqer, 0.4 kg tëlyn (gjalp), 7-8 kokrra vezë, 1 kg miell misri i situr, një dorë miell gruri,
1 fixhan kafeje qumësht; një enë e madhe bakri e pakallajisur ose përndryshe prej qelqi.

Hihihihihihihi albo si amvis po me dukesh vallaj po ke bere ca gabime ne masat e ballokumeve ma mire ne e kishe lane neve elbasanllinjve ne dore se na e kan mesu qe sa kemi lind si bahen

Masat.

1kg sheqer (preferohet ai me kokra se ka edhe te bluar por nuk arrin te lidhen mire)

0.5 kg tlyn i fresket
veze 6-7 kokrra (jo te tera me te verdhen vetem 3-4)
0.5 kg miell misri i situr me sit te imet
Nje ene qe mos gerryhet (ne kete rast qelqi eshte ideal)

Pergatija

hidhet sheqeri ne enen e qelqit
shkrihet tlyni (ska krip se eshte i fresket) dhe i hidhet sheqerit ne ene (ena duhet te kete forme U qe te perzihet mire) dhe rrihet mire e mire sheqeri me gjalpin deri sa te krijohet nje mase e lengshme (prova: mbush doren me masen dhe ngrije nqs se te rreshqet eshte gati )
me pas shtohet mielli(pjes pjes) dhe vazhdimisht rrihet me dore masa.

Me pas merret nje tepsi e lyer me tlyn dhe merret masa e bere ne forme kulacesh dhe shtrohet ne tepsi

Furra duhet te jete ne 200°c (sepse krjon menjehere shkrirjen e tlynit dhe ballokumet hapen dhe bajet te medha)
Pjekja me emire do ishte sa te forcohen
Me pas nxirren nga furra dhe lihen te ftohen.
Pasi te keni ba keto futjuni me koke se nuk rezitohet me vallaj

Edhe nje kryezytet per qytetin e elbasanit.
Pas berjes se ballokumeve te tere familjet (miq shok komshij etj etj) shkembejn ballokume dhe te tere shikojn kush i ka me te mirat.(fitonte gjithmone nan hancja te lagja ime se kishte 60 vjet qe i bante)

Gezuar te tereve kete dite te bukur dhe shume te dashur per ne elbasanllinjte.

Me leng ne goje per ballokumet klodi

[kacaku basket]

Postuar më parë nga Albo
MASAT
1 kg sheqer, 0.4 kg tëlyn (gjalp), 7-8 kokrra vezë, 1 kg miell misri i situr, një dorë miell gruri,
1 fixhan kafeje qumësht; një enë e madhe bakri e pakallajisur ose përndryshe prej qelqi.

Nje korigjim per masat Albo

Masat jane per 1 kg sheqer
0.5 kg tlyn te fresket (tlyn katnaresh dmth)
6-7 kokrra veze
0.5 kg miell misri i situr ne sit te imet
pak uje me hi (max nje filxhan)

teknika gati gati eshte e tille po ska nevoje per qumesht dhe miell gruni.

Per me teper po patet nai pytje me thoni te pyes plakes se smaj mend shume u ban 2 vjet qe nuk i kam pa ballokumet si bahen

[elisabet]

Kur kam qene e vogel mezi e prisja Diten e Veres...
Pervec gjerave qe beheshin per te ngrene per ne femijet pjesa me e bukur ishte kur ndizeshin zjarret..
Nje jave para fillonim duke mbledhur dellinja i vendosnim ne nje koder qe zjarri te shihej ..
Kishte raste qe na ndihmonin dhe te rriturit...
Kur vinte darka cdo lagje fillonte te ndizte zjarrin e vet dhe aty zhvillohej gara se kush e kishte bere zjarrin me te madh..
Ishte me te vertete dicka e vecante...Ne cdo koder kishte nje zjarr dhe keshtu te gjithe pershendetnin njeri tjetrin..
Mendoj se ndezja e zjarreve ka ardhur nga koha e Skenderbeut qe sherbente si sinjal kur turqit sulmonin

Pastaj te mos harrojme vezet e zjera, arrat, fiqte e thate, gurabijet e gjera te tjera qe merrnim kur iknim ne shkolle per mesuesit apo shoket e klases..

Jam shume kurioze te di nese ka menyra te tjera festimi te kesaj dite...

[kacaku basket]

elisabeta marove
mos me kujto gjera te tilla se te betohem me vjen te qaj

[HaKeLBeRiFiNi]

Duke qene banon i Elbasanit po ju tregoj si kaloi dita e veres ne qytetin tim:
Festa nisi me naten e 13 marsit ku tere qyteti doli ne bulevardin kryesor dhe festuan me fishekzjarre muzike e party live deri ne oren 23 te mbremjes.Pastaj ishte zor te gjeje nje vend bosh ne pubet dhe restorantet e qytetit mbas asaj ore,festa vazhdoi ne kto ambjente deri ne oren 5 te mengjezit te dates 14 mars.
ne mengjez sipas tradites cdo familje shkembente vizita me dashamiret e fqinjet rreth ores 8 te mengjezit,pastaj tere qyteti doli perseri ne bulevardin kryesor per te pare ate qe kishte organizuar bashkia elbasan per kte feste:karnavalet, parada e qenve me te bukur,dhe nje Deltaplan dhe balona te shumta te ngritura ne qiell.Ishte gje e bukur te shihje 100 mij banore te elbasanit dhe afersisht 200 mij te tjere te ardhur nga qytetet e tjera te shqiperise enkas per kte feste,te leviznin te tere ne rruget e elbasanit shumica me tufa me lule ne dore.
mbas ksaj te tere u drejtuan per te ngrene dreken e dites se veres.Duke filluar nga qafa e krrabes ne afersi te elbasanit,ullishtat e elbasanit,dhe deri ne afersi te librazhdit nuk kishte lendine me bar ose ambjent te lire ne natyre qe nuk ishte i pushtuar nga familjet elbasanase dhe ato te ardhura te cilet me ushqimin e pergatitur ne shtepite e tyre shijuan kte dreke na qetesine e natyres.eshte tradite qe gjithmone dreka e dites se veres te shijohet ne natyre.Mbas kesaj rreth ores 5 mbasdite qyteti ra ne qetesine e zakonshme dhe gjithesecili u largua drejt shtepise me urimin e perhershem `Na gjette dita e veres,mot ma mire ishalla`

[kacaku basket]

hakel pse mi thu re bab kto amon

[Florida Piku]

E kishit pershkruar shume bukur diten e veres dhe se si u zhvillua ajo ne Elbasan, eshte e vertete qe dita e veres ne Elbasan kaloj shume bukur dhe se koha mbajti per mrekulli.Elbasanllinjte e treguan dhe nje here veten qe jane njerez te qyteteruar dhe dine te presim miq dhe ti respektojn ata,pavaresisht neglizhences se shteti qe u mundua qe tja vidhte kete feste pagane qe ka qindra vjet qe festohet ne kete qytet po besoj se dhe ata e moren ate qe meritonin me pritjen qe u beri populli qe tek stadiumi dhe deri kur iken... Ne nuk jemi xheloz qe u festua ne Tirane se dita e veres eshte per te gjithe po menyra se si u servir kjo feste prej tyre na ka indinjuar dhe revoltuar shume.. une ju pershendes te gjitheve dhe ju uroj GEZUAR TE GJITHEVE DITEN E VERES

[Matrix]

Eshte per te ardhur keq qe populli yne akoma feston festa pagane dhe adhuron, ndoshta pa e kuptuar as vete, perendira te kotesise.

Sot Shqiperia nuk e njeh Zotin e vet, ndaj eshte e mjere.

Kthehuni tek Zoti i vertete dhe mos adhuroni perendite e sketerres. Albo, me vjen shume keq qe ti qe e deklaron veten i krishter te besh keto urime, ne emer te nje ekumenizmi abstrakt.

Lavdi Jezus Krishtit.

Ja erdhi Drita ne bote dhe u shemb erresira njehere e pergjithmone!