Pse në orthodoksi dhe në katoliçizëm Maria shihet si virgjëreshë?

[Albo]

Edhe balta ku shkeli kemba e Jezu Krishtit eshte shenjte, e jo me Nena e Tij.

[marcus1]

Ej, ej, ej, Albo, cdo te thuash me kete se Maria qendron me lart se Krishti? Se mua, ajo qe thua ti; "jo me nena e Tij" kete gje me le te kuptoj.

[Seminarist]

Meqe nuk kam as kohe e jam i lodhur se perkthyeri per ju:


ju keshilloj te shihni kete link: behet fjale per nje Kishe ortodokse shqiptare ne Amerike, ku nepermjet Ikones se Shen Marise ne 86-ten u bene mrekulli.


www.visionsofjesuschrist.com/weeping48.htm

[Manulaki]

Postuar më parë nga liveintwoplaces
Ej, ej, ej, Albo, cdo te thuash me kete se Maria qendron me lart se Krishti? Se mua, ajo qe thua ti; "jo me nena e Tij" kete gje me le te kuptoj.

Besoj se e kupton sh. mire qe do te thote qe ajo eshte e shenjte, dmth e shenjteruar nga Perendia per misionin qe iu dha.

Pavaresisht nga diferencat, nuk besoj se eshte e nevojshme te nenkuptojme gjera qe nuk nenkuptohen.

[marcus1]

A me falni, e keqkuptova ate qe kishte shkruar Albo. Tani qe lexova perseri kuptova qe nuk e kishte fjalen per balten ku ka shkelur nena e Jezusi, por per vete nenen e Tij.

Kerkoj te falur per keqkuptimin.

[Shpresmiri]

Për Marinë Shkrimi Shenjt flet ekskluzivisht se ajo ngjizi të Birin e saj nën ndikimin e Shpirtit të shenjtë, dmth. në mënyrë virgjërore. Kisha shpejt e kuptoi se e tërë jeta e Marisë do të ishte në një mënyrë "e ndikuar me Shpirtin e shenjtë", dmth. e karakterizuar me virgjëri. Koncili i II-të i Konstantinopojës në vitin 553 e quan Marinë "gjthmonë virgjër".

Në virgjërinë e Marisë dallojnë tri periudha:

- virgjëria para lindjes dmth. në të zënët e saj
- virgjëria në lindje
- virgjëria deri në fund të jetës

Lindja të cilën e bëri Maria nuk është vetëm një ngjarje fizike sikurse pak a shumë të gjitha lindjet njerëzore, por ajo është vepër e tërë personit. Maria në të është e pranishme dhe efikase me tërë qenien e saj. E ka lindur Birin e vet virgjërisht për arsye se kjo lindje ka qenë në nivelin e personalitetit të saj e mrekullueshme, dmth. krejtësisht e drejtuar kah Zoti, e përshkuar me dorëzimin e pakusht ndaj vullnesës së Zotit.

Shkrimi Shenjt dhe Tradita kishtare nuk flasin për karakteristikat fizike. Ndryshimet që ndodhin në trupin e gruas me rastin e lindjes sikurse edhe dhimbjet e të lindurit janë vërtetë pasojë e mëkatit origjinal (të rrjedhshëm), por nuk janë mëkat personal, kështu që nuk ka arsye që Maria të ketë qenë prej tyre e përjashtuar, sidomos kur e kemi para sysh se ajo në tërë jetën e saj ka vuajtur.
Megjithatë lindja e Marisë ka qenë e ndryshme nga të gjitha të tjerat. Nuk është në pyetje se a i ka pësuar dhimbjet e lindjes Maria, por si i ka pësuar. Pra, me rëndësi është se SI - në ç`mënyrë i ka duruar. Më ndryshe pëson njeriu që është i ngarkuar me mëkat personal, kurse më ndryshe ai që është i pastër nga ai.

Kur Kisha katolike predikon se Maria ka mbetur Gjithmonë Virgjër dtth. se nuk ka pasur as me Jozefin as me askënd tjetër mardhënie martesore. Ky besim nuk ka baza direkte në tekstet biblike, por në Traditën e Kishës. Për të krishterët e parë kjo ishte një fakt i padiskutueshëm, prej nga edhe pak nga pak u zhvilluar rrëfimi i fesë dhe në koncilin e II të Konstantinopojës edhe u vërtetua zyrtarisht. Një zhvillim i këtill do të ishte i pamundur po të kishte kundërshtuar Shkrimi shenjtë kundër këtij besimi.

- Disa e shohin vështirësinë në tekstet ku përmenden "vëllezërit" e tij (Jezusit) (Lk 2,7; Mk 6,3; Mt 12,46; Mk 3,31; Lk 8,19; Vap 1,14). Në këto tekste fjala greke "adelfos" - "vëlla" është përkthim i termit hebraik që mund të ketë domethënien e çdo forme farefisnore "... ne jemi vëllezër" i thotë Abrahami kushëririt të vet Lotit (Zan 3,8; krah. Lev 10,4; 2 Kor 10,13 etj.).

- Në tekstet e përmendura më lartë të BR përmendën vetëm "vëllezërit e Jezusit", kurrë nuk përmenden "fëmijët e Marisë", edhe atëherë kur lajmërohen me Marinë.

- "Biri i Marisë" në Mk 6,3 në origjinalin grek është "ho hyios tes Marias" me artikull (ho) dmth "i vetmi bir".

- Para vdekjes së Jezusit nga kryqi ia jep nënën e vet Gjonit të përkujdeset për të. Kjo do të ishte e pakuptueshme po të kishte pasur Maria fëmijë fizik të tjerë, sidomos sepse "vëllezërit e Jezusit" lajmërohen në Kishën e parë (krhas. Vap 1,14).

Virjgëria e gjithmonshme e Marisë ka një kuptim të thellë teologjik dhe ndriçon udhët e Zotit me njeriun. Është e pakuptueshme - nuk mund ta marrim me mend, që pas përgjigjes së Marisë "më ndodhtë sipas fjalës sate" / FIAT!/ (krhs. Lk 1,38) - pasi ka hyrë në lidhjen personale direkte me Zotin, pasi lindi, të gjitha këto t`i harrojë apo t`i hedh prapa vetes dhe të fillojë një periudhë të re të përkatësisë ekskluzive personale ndaj një njeriu (burri). Meqenëse i ka takuar krejtësisht Zotit, ajo nuk mundet më ta përjetojë njeriun, të cilit do t`i jipej krejtësisht, si shkallë kah Zoti (që është karakteristikë e martesave të rëndomta).
Me virgjërinë e Marisë fillon një periudhë e madhe e përkatësisë së re, të plotë të mbarë njerëzimit ndaj Zotit.

Falëminderit për durim!

[Manulaki]

Faleminderit shume per informacionin tend, me te vertete shume informativ dhe shume pozitiv per mua.
Kuptimplote. Faleminderit

[deshmuesi]

Shpresmire, se pari ju pershendes dhe mirese erdhet, pasi kini bere nje mungese te gjate me deputimin tuja ne kete faqe te krishtere. E lexova me vemendje shkrimin tuaj, dhe nuk kam aspak qellim qe tju kundershtoj apo te hedh poshte ato qe ju kini shkrotur. Ju kini sjelle disa shembuj , te cilat i vendosni si argument per te treguar se Marija mbeti e virgjer deri ne fund. Ju thoni se vellezerit e Jezusit nuk permenden asnjehere si bij te Maries, por une duhet tju deshmoj se , ata nuk permenden as si bij te Jozefit! Fakti qe na ofrojne shkruesat e ungjillit te Krishtit eshte: Vellezerit e Jezusit. Megjithate nuk kam aspak qellim qe te kundershtoj ate qe ju pohoni, pasi edhe mund te jete ashtu. Po keshtu ju jepni nje referim tek Mark:6:3. Ku ne origjinalin grek deshmohet se, Jezusi atje quhet "biri i vetem i MAries". Une e kam origjinalin Grek dhe e hapa pikerisht tek ky varg. NEse do te ishte vertet ashtu sic ti thua, atehere te gjitha debatet do te kishin mare fund, por me vjen keq se ne origjinalin Grek konkretisht thuhet: o jos tis Marias ( o uios tis Marias), qe do te thote: "biri i Maries". Per cudi e hapa dhe biblen katolike te perkethyer nga Dom Simon filipaj dhe atje konrektisht thuhej: " i biri i Maries". Pra nese do te ishte vertet keshtu, atehere perse duhet ta kishin hequr kete varg nga origjinal , dhe aq me shume kotoliket dhe orthodhokset?! Po keshtu kam dhe dicka tjeter: Nese Maria nuk i kishte azgje bijte e Jozefit por kishte burre Jozefin, aq me pak Jezusi i cili nuk e kishte as baba Jozefin , atehere: si mund te quheshin ata vellezerit e Jezusit?!Me e afert ishte Maria me Jozefin se sa Jezusi me te, keshtu qe me lehte do ta kishin ti quanin femijet e jozefti se sa vellezerit e Jezusit, te cilet nuk i kishte as prej nene e as prej babe.
Megjithate une kam nje peytje:
Virgjeria e Maries per cilin moment vlen , per ate te para lindjes se Krishtit apo ate pas lindjes se tij?
deshmuesi

[Shpresmiri]

"Deshmuesi" mirë se të gjej! Kam qenë i pranishëm por më pak se herëve tjera këtu sepse nuk kam edhe aq kohë.

Mirë e ke vërejtur se:
"tek Mark:6:3. Ku ne origjinalin grek deshmohet se, Jezusi atje quhet "biri i vetem i MAries". Une e kam origjinalin Grek dhe e hapa pikerisht tek ky varg. NEse do te ishte vertet ashtu sic ti thua, atehere te gjitha debatet do te kishin mare fund, por me vjen keq se ne origjinalin Grek konkretisht thuhet: o jos tis Marias ( o uios tis Marias), qe do te thote: "biri i Maries".

por të kesh para sysh "ho" hios tes Marias, ku theksi është tek "ho" dmth. artikull shques që e përcakton "të birin" e Marisë. Kjo "ho hios" nuk do shkruhej po të kishte Maria fëmijë të tjerë. Ho hios = kuptimin e ka "i vetmi". Krahasoji vendet tjera ku përdoret "i biri" i... ku nuk ka "ho".
Virgjëria e Marisë tek katolikët vlen gjithmonë, dmth. para, në dhe pas lindjes.

Për të tjerat më vonë, më duhet të shkoj.

Mbetsh mirë.

[marcus1]

Me falni qe po nderhyj por qellon qe te banoj ne Greqi dhe ta njoh pak me mire gjuhen Greke dhe te kem studiuar edhe biblen ne Greqishten e lashte.

Doja te thoja se "o yios tis Marias" nuk do te thote biri i vetem i Maries. Ja se cfare thuhet ne kontekst. "oux outos estin o tekton, o yios tis Marias kai adelfos Jakobou kai Iositos......." A nuk eshte ai marangozi, biri i Maries dhe vellai i Jakobit dhe Iositos........

Kuptimi i fjales O yios tis Marias tregon se ketu shquhet personi per te cilin po flasin. Eshte si ne Shqip. Le te supozojme se ti Shpresmir ke dhe vellezer te tjere. A nuk do thonim per ty: A nuk eshte ky biri i "filanes" dhe vellai i "filanit dhe filanit ..........?
Pra nuk mund te themi a nuk eshte ky bir i "filanes" dhe vella i filanit......., pikerisht per aresye se nena jote ka edhe bij te tjere apo jo. Pra si te kesh vellezer si mos te kesh, si te kete nena jote bij te tjere, si mos te kete, kur te pyesim per ty do themi "o yios tis ......"
Pershendetje