Ja perse behet kaq zhurme per Himaren

[lis]

Kur nuk kuptove ndergjegjesimin ti Albo qe tere diten e kalon ne forumin shqipetar duke lexuar artikuj te ndryshem, si mund te kuptoje nje popull qe eshte bere telef nga te gjitha anet.
Vetem dicka nuk mund te ju besoj juve
Jeni apo nuk jeni Enri? (qe eshte student ne universitetet greke ne Greqi sepse edhe vendndodhjen e ka hequr dhe si duket merr pjese me ndonje nick tjeter)
Demagogjia e Enrit ne nje shkrim te tij te botuar kohe me pare ne kete forum, nderkohe qe ai po na diplomohet, me la nje pershtypje shume te rende dhe anti berishe si dhe nje pershtypje Pro klanit qe mundesoi klimen e sotshme te demshme dhe shume te rrezikshme ne Shqiperi.
I druhem ketij forumi sinqerisht, se mund te ndodhe qe te jete forum i sponzorizuar nga greket ose nga shqipfolesit.
Te pakten do te ishte mire te ju njihnim nese kemi te bejme me shqipetare ose me shqipfoles.

[kolombi]

Lis hipokrizia jote eshte e veshur me petkun e atdhetarit te flakte.E kuptoj se me fjale je ne istikamin e pare po me vepra,diku i fshehur mes ferrave,me nje qiri ne dore,e nje fletore ,duke shkruar e qare hallet e atdheut qe vetem ti e dashkedhe jo shqipfolesit e ketij foreumi.
Nese vertet i druhesh ketij forumi se besoj se as Albo dhe as kush nga stafi drejtues ti ka mbyllur dyert.
Do kisha edhe une deshire te njifja se kush fshihet pas ketij atdhetari te frontit te pare.

[Erik]

quote:
--------------------------------------------------------------------------------
Politikat antishqiptare greke nuk luftohen as me protesta shqiptaresh drejtuar grekerve dhe serbeve, lufton vetem duke ndergjegjesuar shqiptaret ne ate pike qe te kuptojne qe pergjegjese per mbrojtjen e sovranitetit te vendit jane institucionet e shtetit shqiptar. Vetem atehere kur institucionet heshtin perballe provokimeve te tilla, atehere interesat kombetare te shqiptareve mbeten jetime dhe biresohen sa nga mediat me nje histori anti-shqiptare dhe sa nga pseudo-nacionalistet shqiptare.

Ceshtja kombetare ka nevoje per perfaqesim institucional, kjo eshte arsyeja perse greket hedhin valle ne toke shqiptare
--------------------------------------------------------------------------------


Perderisa institucionet shqiptare nuk egzistojne apo punojne per fqinjet tane histerike, atehere ngelet qe nacionalizmi shqiptar te perfaqesohet nga instiktet vetmbrojtes.

[Shpirt Njeriu]

Komisioni i perhershem Parlamentar i Rendit dhe SHISH, ka diskutuar ne mbledhjen e djeshme rreth situates se krijuar mbremjen e 12 tetorit, diten e zgjedhjeve lokale ne Himare. Komisioneret kane degjuar raportime ne lidhje me incidentet e Himares nga Drejtori i Pergjithshem i Policise, Bajram Ibraj dhe zv/drejtori i Pergjithshem i Sherbimit Informativ Shteteror, Ylli Alushi, te cilet mesohet se paraqiten nje pasqyre te veprimeve te forcave te rendit diten e zgjedhjeve ne bashkine jugore te vendit. Sipas komisionerit socialist, Ndre Legisi, anetaret e ketij komisioni kerkuan nga drejtuesit e larte te policise dhe rendit qe "personat pergjegjes per incidentet e ndodhura ne Himare diten e votimeve, te pergjigjen para drejtesise". Legisi u shpreh se "permes informacioneve te marra, deputetet me konsensus arriten ne konkluzionin se strukturat e policise, gjate procesit zgjedhor, kane funksionuar ne menyre te shkelqyer". Ndersa, deputeti demokrat, Shaban Memia, theksoi se "qeveria te kete nje strategji te caktuar per ato zona, sic qe incidenti i Himares". Nderkohe, mungesen e ministrit te Rendit, Memia e ka cilesuar si "nje situate absurde dhe antikushtetuese". Nderkohe, Komisioni ka vleresuar rolin dhe qendrimin e forcave te policise gjate procesit per zgjedhjet vendore.

Mbremjen e 12 tetorit ne Himare, sipas prokurorise, ka patur veprimtari dhe thirrje antishqiptare, ndersa tashme gjykata e Vlores ka lene ne burg pa afat ne mungese 5 persona.

[krokodili_73]

Cuna, se kush tha ktu qe ca pet nga pirro dhima qe gjith jeten e ka shtyre duke ngrit pesh, e di q kishe tedrejte timiku im, ja nje shkrim tjeter

SHQIPERIA DHE GREQIA JANE TEK YNE NE HARMONI

Flet per "KJ", Odise Cenaj

Odise Cenaj vjen para 5 vjeteve bashke me prinderit e tij "Zamirin dhe Aspasine" nga Shkodra, si emigrant ne Greqi. Perveteson gjuhen greke dhe brenda nje kohe te shkurter arrin te jete nxenesi me i mire i klases. Sipas "normes" i takon te ngreje flamurin grek ne paraden shkollore qe organizohet cdo vit. Por flamuri grek ne duart e nje nxenesi Shqiptar shkakton reagime te papara ne shoqerine e Nea Mihaniones, nje qyteze prane Selanikut. Rezultati? Odisea jep doreheqjen. Por njekohesisht debatet qe ngjall nje ngjarje e tille e ben Odisea Cenaj - ose Odi sic e therrasin miqte tij te ngushte - emigrantin me te njohur ne Greqi. Eshte pa dyshim personazhi i vitit ne Greqi. Mediat flasin me shume per te se sa per Kryeministrin grek... Cfare mund te bente me shume se kaq? Zgjoi - edhe pse pa dashje - pasionet e politikaneve, te medias, te njerezve te thjeshte. Per te folen me jave te tera politikanet me te njohur, artistet me te njohur, gazetaret me te njohur. Per te u fol ne Parlamentin grek. Per `hater' te tij hyn ne sherr politikanet dhe Partite politike greke.

Ka emrin e nje personazhi mitik. Dhe nuk e teprojme po te themi se Odisea Cenaj nga Shkodra eshte bere pothuajse nje mit... Ne nje moshe shume me te vogel se sa Odisea nga Itaka... Por cfare eshte "fenomeni Odisea Cenaj"? Nje "produkt" i mediave apo "sindrome" e nje shoqerie e cila ndodhet perballe nje zgjedhje kritike per sa i perket qendrimit ndaj emgiranteve? Apo mos ndoshta nje para-rendes i problemeve akute me te cilat do ndeshet brezi i dyte i emigranteve ne Greqi? Sido qe te jete Odisea Cenaj ka `meriten' qe shkaktoi debatin me te madh publik per emigracionin ne Greqi. Duke hapur deri edhe tema qe deri me sot ishin tabu: sic ishte ajo e nenshtetesise. Pro tij u pozicionua shumica e botes politike dhe akademike e Greqise.

Por kush eshte ne te vertet Odisea Cenaj? Megjithese shume folen per te, vete Odisean rralle here e degjuam. Deklaratat e tij ne te shumtat e rasteve jane lakonike. Prandaj do kishte interes te degjonim dicka me shume nga ai vete. Si i sheh dhe si i ndjen ato qe ndodhen? Cfare konkluzionesh ka nxjerre dhe si e sheh te ardhmen e tij?

Zhurma rreth flamurit mund te ishte nje "koincidence" mediatike apo nje ngjarje e rastesishme. Megjithate kushdo qe flet me Odisean e kupton se behet fjale per nje djalosh aspak te rastesishem. Nje adoleshent qe disponon nje pjekuri qe i tejkalon caqet e moshes se tij. Kete e tregon edhe vete fakti - te cilin shume pak e njohin - qe para dy vjetesh ne nje konkurs mbarekombetar per nxenesin me te mire ne Greqi Odisea zuri vendin e dyte. Ne cdo rast, publiciteti ne nje moshe te tille eshte nje barre e rende. Nuk eshte e lehte te ecesh rruges dhe te te ndaljne ne cdo moment. Nuk eshte e lehte ne moshen 17 vjecare te kesh mbi vehte dritat - shpesh verbuese - te mediave. Eshte nje sfide tjeter e Odiseas. Te dale fitimtar nga efekti konsumues i publicitetit. Ashtu sic doli fitimtar Uliksi i Homerit nga zerat shurdhuese te sirenave...

-Para tre vjetesh mbaj mend qe bashke-nxenesit e tu ishin pro teje. Tani ndodhi krejtesisht e kunderta. Si e shpjegon ndryshimin e sjelljes se bashke-nxenesve te tu?

E- verteta eshte se edhe para tre viteve ka patur reagime te ndryshme nga bashke-nxenesit e mi, por kesaj radhe ato ishin me te dukshme e me serioze. Dua gjithashtu te theksoj se vetem nje pjese e tyre ishte kunder meje. Personalisht dalloj dy variante qe shpjegojne ndryshimin e sjelljes se tyre. E para eshte inkurajimi nga ana e prinderve dhe e dyta mendimet personale te disa bashkemoshatareve te mi greke ne shkolle. Megjithate, keto jane vleresime personale dhe nuk eshte e mundur te them me siguri se cfare ndodhi. As te interpretoje me siguri psikologjine e bashke-nxenesve te mi, aq me teper kur behet fjale per nje grup njerezish.

-Ti nga ana jote a u perpoqe te dialogoje me bashke-nxenesit qe ishin kunder teje?

-Dialogu me menyra demokratike dhe pa ekstreme eshte i nevojshem ne keto raste. Kam diskutuar disa here me bashke-nxenesit qe ishin kunder meje por duhet t'a pohoj se nuk kemi arritur ne nje pike te perbashket. Mbase disa ide nuk ndryshojne lehte...

-Ne nje deklarate tende ne median greke u shprehe "se ne se flamur-mbajtesi do te ishte Italjan nuk do kishte asnje reagim". Mendon se "mekati" yt eshte qe nuk perputhesh me stereotipin qe ekziston ne Greqi per Shqiptaret?

-E kam thene edhe here te tjera se elementin kyc ne gjithe kete histori, nga i cili burojne te gjitha kontradiktat, eshte fakti se ai qe mban simbolin grek eshte nje Shqiptar. Me pak fjale, "njolla ne biografine time". Pra duket se eshte prejardhja ime.

Nje nga argumentet qe perdornin ata qe ishin kunder teje ishte "ai eshte Shqiptar, nuk ka pune te ngaterrohet me flamurin tone".

-Cila eshte pergjigjia jote ndaj tyre?

-Ky eshte nje argument qe perdoret shpesh dhe pergjigjja eshte e thjeshte. Nuk kercenohet, nuk ofendohet flamuri, jo vetem i Greqise por i cdo vendi te botes, kur nje i "huaj" pranon t'a mbeshtese dhe t'a nderoje ate me nje akt simbolik sic eshte parakalimi ne nje feste kombetare. Perkundrazi - te pakten mendimi im eshte ky - vendasit duhet t'a quajne dicka te tille si hap drejt mirekuptimit dhe paqes midis dy popujve. Mandej eshte problemi i ligjit, i cili duhet respektuar nga te gjithe. Ligji e parashikon kete akt. Ne kete menyre e drejta ime mbeshtetet si nga ana morale ashtu edhe nga ana ligjore. Dua te them gjithashtu qe une nuk e shoh vendin e flamurtarit thjesht si shperblim apo cmim per arritjet e mia ne shkolle, por edhe si nje akt mirenjohjeje nga ana ime e te gjithe atyre qe dhane jeten per virtytin me te larte te njeriut, lirine.

-Prefekti i Selanikut z. Psomiadhis tha se "grek lind nuk behesh"...

-Atehere, sipas kesaj logjike emigrantet greke ne Amerike qe sot jane qytetare Amerikane kane tradhtuar origjinen e tyre...

Mentalitete te ketij lloji besoj se i perkasin te kaluares qe aktulisht ndodhet ne grahmat e fundit te eksiztences se saj... Ky lloj arsyetimi bazohet ne "dogmen" e dallimit te njerezve nga raca dhe nga gjaku duke i renditur ata ne kategori te ndryshme. Qe ketu vijne diskriminimi, paragjykimet e deri tek luftrat e pergjakshme, gjenocidet, spastrimet etnike, shuarjet me dhune te identitetit kombetar...

Le t'a zeme se nje njeri lind ne vend te huaj dhe menjehere izolohet nga prinderit e tij dhe ne pergjithesi nga atdheu i prinderve te tij. Pa dyshim qe ky njeri do rritet ne ate vend te huaj, do mesoje gjuhen e atij vendi, do behet vazhdues i traditave dhe do krijoje nje mentalitet perafersisht te njejte me ate te grupit shoqeror ne mes te cilit rritet. Me pak fjale, ai do e quante ate vend atdheun e tij. Ne qofte se ai arrin dikur te njohe atdheun e prinderve te tij, sipas teorise se " races " ai detyrimisht duhet te mohoje vendin ku u rrit dhe te njohe si atdhe ate te prinderve. Teoria e "races' eshte kunder bashke-ekzistences se njerezve dhe kulturave. Kunder lirise se individit, kunder njeriut.

-Disa benin pyetjen "me ke do jesh ne se behet lufte mes Greqise dhe Shqiperise?". Si ndjehesh kur te bejne kete pyetje?

-Personalisht kam mendimin se pyetje te tilla behen nga njerez qe duan t'i shohin individet jo si qytetare por si ushtare. Jo si njerez qe punojne per te kultivuar paqen por urrejtjen.

Per mendimin tim, keto thenie nuk jane gje tjeter pervec se falsitete te atyre qe kerkojne nje vend ne politike dhe te cilet, per t'a realizuar kete qellim shfaqen me deklarata alarmante per "rrezikun e jashtem " dhe " armikun fqinj ". Keshtu sigurojne mbeshtetjen e atyre qe bien lehte viktime e demagogjise. Shume prej tyre jane viktima te keqinformimit dhe miteve. Merrni per shembull burimet historike qe prezantojne popullin shqiptar si armik dhe aleat te fashizmit ne rastin konkret, duke fshehur me qellim qe populli shqiptar kurre nuk ka pasur marredhenie armiqesore te hapta me ate grek; qe ka pasur 28.000 te rene ne rezistencen kunder fashizmit dhe nazizmit. Disa qarqeve ekstremiste dhe supernacionaliste, qe here kane influence ne pushtet e here jo, u leverdis t'i japin historise te ketilla permasa dhe ngjyra qe te krijojne atmosfere te elektrizuar mes dy vendeve dhe shteteve sa here qe behen perpjekje per permiresimin e marredhenieve. Keto ide duhen luftuar me arsim, duke luftuar mitet ne se nuk duam qe historia e pesedhjete vjeteve me pare te mos perseritet me.

Ne fund te fundit, le te marrim pak shembull nga Franca dhe Gjermania te cilat ne Luften e Pare dhe te Dyte boterore i shkaktuan njera-tjetres miliona kufoma. Tani jane aleate te ngushta. Sot Greqia eshte aleate ne Europe me Italine dhe Gjermanine ndersa bente lufte para pesedhjetevjeteve. Dhe neser pjesetare e Europes do jete edhe Shqiperia. Historia ndryshon. Njerezit shkojne perpara. Prandaj mendoj se ata qe bejne pyetje te tilla kane per qellim t'i pengojne njerezit te shohin dhe te shkojne perpara. Keta lloj njerezish nuk jetojne dot pa krijuar armiq dhe pa idene e luftes...

-Megjithate dua te me thuash sinqerisht se cfare ndjehesh me shume Shqiptar apo Grek?

Ne Shqiperi kam kaluar dymbedhjete vjete te jetes sime. Eshte e logjikshme qe nje pjese te madhe te ndjenjave dhe te mbresave t'i kem trasheguar nga vendlindja, atje ku kalova f`mijerine. Kjo me krijon nje nostalgji te pashtershme dhe sic e kam thene shpesh jam krenar per origjinen time, jam krenar qe jam Shqiptar. Nga ana tjeter ne Greqi kam bere shkollen, kam formuar karakterin tim, jam familjarizuar me menyren e jeteses dhe te mendimit ketu. Mbi te gjitha perdor gjuhen greke ne baze te perditshme gje kjo qe te ben te ndihesh vendas. Une besoj se nje pyetje e tille eshte absurde per vete faktin se nuk mund te masesh "sa perqind je Grek apo Shqiptar ", sepse keto jane gjera shpirterore e jo materiale apo formale te cilave nuk u gjendet njesi matese. Elementi shqiptar dhe grek, Shqiperia dhe Greqia ekzistojne tek une ne harmoni, jo njeri ne dem te tjetrit. Gjithashtu, besoj se nje njeri qe njeh nga afer nje qyteterim apo mentalitet tjeter nga ai i tij, del i fituar sepse clirohet nga stereotipet, meson te respektoje te ndryshmen, te huajen.

-Si e sheh te ardhmen tende ne Greqi?

-Te ardhmen ne Greqi e shoh po aq te mundur sa edhe te ardhmen ne Shqiperi. Jetojme ne nje shoqeri te hapur dhe kemi te drejte t'a ndertojme te ardhmen aty ku deshiron seicili

[BOKE]

Fragment nga gazeta "Rimekembja" mbi zgjedhjet lokale ne Himare.

"...Greqia i ka vënë gjithë shqiptarët para një provimi të madh e të vështirë

Turbullirat në Himarë treguan se grekët e stërholluan metodën e ndërhyrjes, por nuk hoqën dorë nga ndërhyrja siç siguronte zëdhënsi i Papandreut në vigjilje të 12 tetorit. Pastaj ditën e votimeve e pamë në Himarë se nuk munguan edhe tani në vitin 2003 emisarët politikë e mercenarët nga Greqia, as agjentët provokatorë, as terroristët.
Pas tre vitesh të tjera me siguri do të dëgjojmë zëdhënësin e MPJ të Greqisë të deklarojë se u bënë gabime në vitin 2003, por nuk do të përsëriten më. Ndërkohë grekët deri atëherë do të kenë sajuar marifete të tjera për të ndërhyrë. Kurse shqiptarët ka shumë të ngjarë që edhe atëherë të jenë po kaq të vonuar sa sot në nxjerrjen e përfundimeve të duhura nga përsëritja pa pushim e këtyrë dukurive antishqiptare me frymëzim, burim e organizim nga Greqia. Pra gjithë shqiptarët pushtetarë, zyrtarë, intelektualë, studiues, qytetarë të thjeshtë janë vënë para provimit të madh që të mos zihen edhe një herë në befasi, të mos gjenden edhe një herë të papërgatitur nga intrigat e ndërlikimet që do të kurdisin grekët.
Tani për tani jemi të etur e duhet të hapim sytë mirë të shohim si do të kryejnë detyrën e tyre prokuroria e Vlorës, prakuroria e përgjitëhsheme, gjykata shqiptare. Do të çojnë deri në fund ndjekjen penale të organizatorëve dhe të ekzekutuesve të veprave penale që u kryen në Himarë, çka nënkupton sigurisht edhe ndëshkimin e nxitësve, që janë politikanë, apo do të lënë çdo gjë në mes të rrugës, do të bëhen mbështetëse të makinacioneve politikee diplomatike për t’i vënë kapak kësaj pune me po ato metoda e arsyetime që prokuroritë e gjykatat shqiptare kanë liruar kontrabandistë grekë dhe lanë të lirë spiunët grekë që organizanoin kryengritje të armatosur qysh në fillium të viteve 1990.
Prokuroria në Tiranë ka arrestuar shtetasin fyromas me kombësi shqiptare Gafurr Adili dhe një shokun e tij nën akuzën se në Shqipëri paskan nxitur urrejtje etnike. Është shpallur në kërkim ndërkombëtar Idajet Beqiri, kryetar i Partisë së Unitetit Kombëtar në Shqipëri, nën të njëjtën akuzë sepse bën në Internet propagandën e Frontit për Bashkimin Kombëtar. Veprimet e paligjëshme që u atribuohen Adilit e Beqirit ngjajnë si punë lojrash për fëmijë në krahasim me ato që ndodhën e që pamë në Himarë, me atë rol që ka luajtur Vangjel Dule për frymëzimin e organizimin e ngjarjeve në Himarë, me atë bashkëpunin që i ka dhënë Dules Sali Berisha. Tani do të shohim se sa zbatohet parimi se qytetarët janë të barabartë para ligjit. Vetëm nëse dhe kur ligji zbatohet njësoj për të gjithë atëherë mund të pranohet se njerëzit janë të barabartë para ligjit. Po a do të zbatohet ligji edhe për Dulen e Berishën njësoj si për Idajet Beqirin?! A do të zbatohet ligji për të gjithë ata që tundën flamujt grekë e lëshuan parrulla antishqiptare në Himarë ose përgatitën këto veprime njësoj si për Gafurr Adilin që ende nuk e kemi marrë vesh se çfarë veprimesh konkrete paska kryer?! Madje veprimet e për të cilat mbahet në burg prej muajsh Gafurr Adili mund të mos i marrim vesh fare se është thënë që gjykimi mud të bëhet me dyer të mbyllura pasi ka sekrete shtetërore (!). Pakëz e çuditshme!
Pra para provimit të madh janë politika, drejtësia, vetëdija kombëtare, ndërgjëgja qytetare, aftësitë profesionale, përkushtimi kombëtar e atdhetar dhe ndershmëria njerëzore
Në këtë betëjë kaq të egër politiko-etnike Sali Berisha e radhiti PD-në në të njëjtën vijë fronti përkrah greqizmës së Dules, mercenarizmit grek të një numri himariotësh, sidomos të atyre që kanë emigruar në Greqi, përkrah bandave terroriste të MAVI-t. Këtu i ka rreshtuar Berisha pasuesit e tij fanatikë. Edhe pse Berisha nuk ishte në Himarë mbëmjen e 12 tetorit, edhe pse nuk pamë portretin real të Berishës të shpërfytyrohej si portreti i Niko Kolilës dhe nuk ishin duart reale të Saliut që tundnin flamurët grekë duhet të themi se ishin pikërisht duart politike berishiane që po i valëvisnin flamujt grekë Ky është “suksesi”i shëmtuar që ka arritur Sali Berisha duke u radhitur pranë Vangjel Dules për ta fituar pushtetin vendor në Himarë..."

[Shpirt Njeriu]

I ndertuar ne pjesen jugore te bregdetit shqiptar, qyteti i Himares ka qene gjithmone qender e nje zone qe ka perfshire jo vetem fshatrat e jugut, por edhe laberine e Kuveleshin. Ajo permendet qe ne kohet e lashta, por historia moderne duket se fillon ne 1199, kur ne qytet u vendos sundimi i Venedikasve. Fqinjet tane veriore nuk munden ta mbenin per shume kohe dhe ne shekullin e XIII zona e Himares u perfshi nga Karli i Anzhuve ne ate qe ai e quajti Mbreteria e Arberise. Zona ka qene gjithmone me nje popullsi autoktone shqiptare, kryesisht me origjine nga ajo qe sot njihet si zona e laberise dhe duke filluar qe nga shekulli i XV edhe me te ardhur nga zonat e Mirdites dhe Krujes. Me 1431 Himara u perfshi si nje nahije e Sanxhakut te Shqiperise. Duke filluar qe nga shekulli i XVI, si pasoje e disa kryengritjeve, Himara siguroi nje sere privilegjesh dhe nje lloj autonomie, qe e lejoi te ruante fene dhe flamurin. Fatkeqesisht, mugesa e rrugeve dhe zona malore krijoi veshtiresi ne komunikimin e saj me zonat e brendshme te vendit. Duke shfrytezuar detin ata vendosen lidhje tregtare me Greqine e kryesisht me Korfuzin dhe si pasoje e ketyre lidhjeve sollen ne qytet edhe gjuhen greke. Duke ruajtur sidoqofte kenget dhe vajet qe gjithmone i thone ne shqip. Ne mars te vitit 1914, nje bregdetas i shkolluar ne Greqi, i quajtur Spiro Spiromilo, shpalli Autonomine e Himares, nje akt politik i mbeshtetur nga bajonetat e ushtrise greke qe kishte zbarkuar atje. Por kjo autonomi u kundershtua dhe nuk u njoh kurre nga forcat nacionaliste vendase. Qe me 1912 Himara kishte ngritur flamurin e pavaresise dhe kishte derguar perfaqesine e saj ne Vlore.

[Shpirt Njeriu]

Pëllumbat vërtiten me qindra në sheshin përpara Parlamentit të Greqisë në Athinë. Kodrat afër Akropolit sjellin aromë ullinjsh. Sheshi vjen erë paqe. Turistët mbajnë radhë për të fotografuar spektaklin e përditshëm të ndërrimit piktoresk të rojeve para godinës. Dy ushtarë shtatlartë me fustanella të shkurtra dhe me hapat e ndërlikuar të një valleje popullore greke i lënë turnin dy rojeve të tjerë. Skena ngjan idilike si e dërguar direkt e nga teatri antik. Por në sfond qëndron një mur i mermertë, ku me gërma stil i vjetër greqisht, radhiten një numër emrash qytetesh, fshatrash a toponimesh të tjera, që përbëjnë nderin e helenizmit dhe për të cilat thuhet se është derdhur gjak grek. Klisura [Këlcyra], Argjirokastro [Gjirokastra], Korica [Korça], Premeti [Përmeti], Saranda, Tomoros [Tomorri]. E vendosur në qendër, përtej të panjohurës së një iksi - greqisht H-ja shkruhet X - shfaqet Himara.
Emri i qytezës shqiptare ka qenë përherë aty, i shpallur faqeza për sytë e kujtdo. Politikanë, ambasadorë, gazetarë, studiues, vizitorë të rastit. Askush nuk mund të bëjë të habiturin sot sesi mund të na vihet në diskutim papritur shqiptariteti i Himarës dhe sovraniteti i Shqipërisë mbi të. Kur nuk bëhet rezistencë ndaj premisës, smund të shpresosh të kursehesh nga pasojat. Ndonëse askush nuk është ndier, të gjithë kanë patur mundësi ta shohin emrin e saj të shkruar publikisht në të njëjtin rresht me një numër qytetesh e vendbanimesh të tjera shqiptare të cilat përmenden midis disa rivendikimeve territoriale të Athinës, një politikë kjo dikur shtetërore, ndërsa tani e nëndheshme.
Sytë e athiniotëve janë mësuar ta shohin Himarën në murin e parlamentit të tyre gjithmonë, si atëherë kur dy vendet ishin de fakto në gjendje lufte edhe tani që në luftë ato janë vetëm de jure dhe midis tyre është nënshkruar madje edhe një traktat miqësie. Mediat greke, përherë një hap më të avancuara se qeveria, kanë treguar më shumë se një herë zell patriotik në këto vite për ta velur opinionin vendas me realitetet e dhimbshme himariote. Reportazhet nga qyteza përhapin jashtë, vuajtjet e popullit grek të Himarës dhe skenat mbyllen përherë me tingujt e një kambane kishe, që kumbon si një thirrje e largët mallëngjyese për zemrat e miliona grekëve që vetëm ata e dinë sesi durojnë që një pjesë e kombit dhe e ortodoksisë të vuajë nën thundrën e islamit. Për këtë arsye, nuk ishte një shfaqje e pazakontë histerie antishqiptare ajo që u pa në ekranet e natës së 12 tetorit midis mizërisë së flamujve grekë në duart e vullnetarëve të ardhur në eufori e sipër me autobuzë e tragete nga Greqia për ti dhënë votat kandidatit të Omonias nën lëkurën e PBDNJ-së. Himara si një ishull grek përbën një përjashtim midis detit etnik shqiptar në zemër të Labërisë. E përsëritur dalëngadalë vit pas viti në mijëra emisione televizive, artikuj gazetash, histori emigrantësh që shesin të shkuarën për të blerë një të ardhme, priftërinjsh pa famulli dhe deklaratash të paverifikueshme politikanësh, ky përjashtim është bërë tashmë një rregull. Përsëritja e shndërron gjithmonë një përjashtim jo vetëm në rregull, por edhe në një mënyrë të jetuari.
Prej disa vitesh Himara ka nisur të shndërrohet në një skenë ku shfaqet i njëjti repertor. Zgjedhjet politike këtu prej disa vitesh kanë marrë ngjyrat e një kompeticioni midis dy kombësive që përbëjnë popullsinë e kësaj zone. Ishin përsëri një palë zgjedhje sivjet, kësaj radhe ato vendore, të cilat e rikthyen Himarën këtë qytetth me afro 8 mijë banorë shumica e të cilëve në emigracion, të zerë faqet e para të gazetave të Tiranës dhe Athinës, të përbëjë lajm për edicionet qendrore informative në TV dhe të shkaktojë një trazim të tillë në politikë sa të provokojë një numër deklaratash të ashpra e madje të rrezikojë edhe ndryshime në qeveri.

Vangjel Dule, kryetari i ri dhe energjik i cili i ka dhënë një sens mjaft pragmatik Partisë së Bashkimit për të Drejtat e Njeriut [PBDNJ] fill pas vdekjes së liderit të saj historik Vasil Melo, lexon nervoz disa artikuj gazetash. Shesin sensacione për të fituar para, thotë teksa përplas për të fundit herë majën e stilolapsit mbi tavolinë. E ka me shtypin. Gazetat kanë disa ditë që shkruajnë për një miting në qendër të Himarës ku janë valëvitur flamuj grekë dhe ku Shqipëria është sharë mbarë e prapë. Nuk i njoh ata njerëz, por ajo që kanë bërë është e turpshme dhe e dënueshme. Nuk ka qenë PBDNJ ajo që i ka organizuar, siç nuk kemi qenë ne ata që i vumë tritolin një qendre votimi. Vihuni në vendin tonë. Do ta shkatërronit një proces zgjedhor që ju ka nxjerrë fitimtarë?, thotë Dule. Logjika e tij është e ftohtë. Faktet, të nxehta.
Fushata ka mbaruar, votimet gjithashtu, por në lojë është lulja e triumfit të partisë së tij. Bashkia e Himarës, e vetmja e këtij rangu, krahas disa komunave dhe dy bashkive të tjera më të parëndësishme dhe simbolike, ka ngacmuar aq shumë emocione saqë sipas tij dikush të cilit nuk i intereson humbja e subjektit të vet politik atje, po i përdor këto emocione me mjeshtëri. Natën e 12 tetorit për herë të parë në histori në Himarë nuk fitoi asnjë nga partitë e mëdha pastërtisht shqiptare, por PBDNJ, një parti që ndonëse thuhet se mbron të drejtat e njeriut, përfaqëson më shumë se gjithçka interesat e minoritetit grek në Shqipëri, më të madhit në numër dhe më të fortit ekonomikisht. Nuk ka asgjë të keqe, por në politikën midis Shqipërisë dhe Greqisë ky është një fakt domethënës. Me një popullsi tërësisht ortodokse por vetëm pjesërisht shqipfolëse, rajoni i Himarës i përbërë nga shtatë fshatra nga të cilat tri [Himarë, Palasë e Dhërmi] të dominuara nga greqishtfolësit, nuk përfshihet në zonat e njohura të minoritetit grek të përqendruar kryesisht në Dropull dhe Sarandë. Nëse PBDNJ arkëtoi disfata aspak interesante në të gjitha zonat tradicionale të minoritetit, ajo korri një fitore mjaft të bujshme pikërisht në Himarë, zonë e diskutueshme kjo e cila ndonëse rivendikohet prej organizatës Omonia si zonë minoritetit, nuk është pranuar kurrë si e tillë nga qeveritë e Tiranës dhe opinioni vendas, i ndërgjegjshëm për historinë e saj thellësisht shqiptare. Në aleancë qeverisëse me Partinë Socialiste, Vangjel Dule i PBDNJ-së ndjehet i tradhëtuar prej aleatëve në betejën që u zhvillua për Himarën. Ka qëndruar për tre vjet në të njëjtin koalicion me PS, ndonëse asnjëherë nuk ka reshtur së akuzuari kolegët rozë për imponimin me forcë në zgjedhjet vendore të 2000-ës dhe ato parlamentare të 2001-shit. Më 2000 socialistët dhe demokratët krijuan një aleancë tërësisht të papranueshme dhe pasi manipuluan dhe ushtruan dhunë fituan në Himarë. E dinim se edhe kësaj radhe mund të kishte tensione dhe i kërkuam Partisë Socialiste të bënim një moratorium për një fushatë pa tubime masive, pa postera, shpallje dhe mitingje. Ne e respektuam, ata e shkelën, thotë i indinjuar Dule. Ai thotë se ishte i detyruar të bënte aleancë me Partinë Demokratike e njohur për praktikat e saj të dikurshme radikale kundër aspiratave greke në Shqipëri. Në të kundërt, sipas kodit zgjedhor nuk do të kishim asnjë mundësi të mbronim votat në komisione, thotë Dule. E megjithatë ai rreshton një numër incidentesh sipas tij me protagonistë socialistët himariotë të instruktuar për të shkëputur me çdo kusht një fitore mbi PBDNJ-në. Në njërin nga fshatrat e Bregut, aktivistë socialistë kanë plaçkitur vulën, sipas Dules. Pas ankesës së PBDNJ-së, policia ka dorëzuar vulën por jo grabitësin. Në një fshat tjetër me predominancë shqiptare, komisioneri socialist ka marrë kutinë e votimit, i ka shtuar disa fletëvotimi fshehurazi dhe pa i numëruar ka dorëzuar në KZQV një rezultat të rrumbullakosur në favor të PS-së. Në mes të Himarës, një shashkë ka përgjakur një polic pranë qendrës së votimit dhe ka lënduar një qytetar tjetër. Kozma Pelo u akuzua për këtë akt dhe u identifikua menjëherë nga Ministria e Rendit dhe PS si një anëtar i PBDNJ. Unë do të tregohesha më i matur në përcaktimin e tij politik. Në zgjedhjet e vitit 2000 ai ka qenë komisioner socialist, thotë Dule.
Në rezultatin ende jodefinitiv të zgjedhjeve, duket se kanë ndikuar jo pak, disa qindra vota të dërguara me porosi nga Greqia. Jam në dijeni të emigrantëve që u kthyen në Himarë, në qytetin e tyre të lindjes për të votuar, por PBDNJ nuk ka qenë në zanafillë të ndonjë organizimi autobuzësh a tragetesh. Por edhe nëse do të ishte, çtë keqe ka. Mund tju tregoj një rast, sesi vetëm në një fshat të Sarandës PS ka organizuar mbërritjen e tetë autobuzëve me simpatizantë, emigrantë në Greqi, thotë Dule. Ai gjithashtu mohon në mënyrë kategorike ndonjë lidhje midis tij ose partisë së tij me Organizatën e Rinisë Vorioepirote e cila është përfolur si organizatore e vullnetarëve himariotë dhe dërgatës së rreth 15 autobuzëve dhe një trageti për të votuar PBDNJ-në në Himarë. Di se disa prej autobuzëve kishin postera të kandidatit tonë në Himarë, Vasil Bollano, thotë Dule i cili kundërshton që në radhët e emigrantëve të jetë shfaqur qoftë edhe një fotografi e vetme e të përfolurit Karathano, lider i rinisë Vorioepirote.
Si Dule, edhe vetë Bollano, refuzojnë të ketë pasur ndonjë lidhje midis fitores së tyre dhe vullnetarëve të financuar nga Greqia, por ka shumë të ngjarë që një pjesë e madhe e kësaj fitoreje eventuale ti dedikohet pikërisht votave të ithtarëve të Karathanos. PBDNJ mund të mos ketë inkurajuar një gjë të tillë, por sidoqoftë ajo nuk ka kundërshtuar që kjo të ndodhë. Referuar mitingut spontan me flamuj grekë pas shpalljes së rezultatit paraprak që nxirrte fitues Bollanon, Dule thotë se nuk mund të njohë fytyrë për fytyrë të gjithë anëtarët dhe simpatizantët e partisë së tij, por megjithatë ai i beson maturisë së PBDNJ-istëve. Ata nuk do të kryenin kurrë akte të tilla.

Nga ana e tij Vasil Bollano ndonëse nuk shprehet nëse flamurvalëvitësit ishin anëtarë të PBDNJ-së apo jo, thotë se një pjesë e tyre janë banorë të Himarës të ardhur me rastin e zgjedhjeve nga Greqia. Bollano, nënkryetar i OMONIA-s, organizatë politike e minoritetit grek, është njëkohësisht edhe një nga sekretarët e PBDNJ-së dhe një nga figurat e reja të kësaj partie, mjaft i diskutuar që nga viti 2000 kur Melo e pranoi atë si kandidat të PBDNJ-së në Himarë pas presioneve të Athinës zyrtare, shfaq një optimizëm të përmbajtur. Mos më quani kryetar të Bashkisë. Po pres rezultatet zyrtare, thotë ai. Në vitin 2000 kandidati socialist fitoi ndaj tij falë Aleancës për Kombin që u shpall nga të gjitha partitë e spektrit politik shqiptar përkundrejt PBDNJ-së së minoritarëve. Rreth 1200 votave pro Bollanos atë vit, iu kundërvunë 1100 vota socialiste, 600 demokrate, 500 socialdemokrate dhe disa të tjerë më minorë. Dule thotë se ky ishte një rezultat kallp që nuk u njoh as nga kongresi i autoriteteve vendore dhe rajonale. Bollano është ndier edhe më i prekur. E akuzuan për përhapës fryme nacionaliste, se kishte tentuar të blinte vota me premtimin e vizave dhe investimeve greke. A mendon ai kësaj radhe të zëvendësojë një frenim eventual të investimeve nga buxheti i shtetit me investime greke? Nuk kemi ndonjë premtim hë për hë, por sbesoj se qeveria do ti mohojë Himarës atë që i takon vetëm sepse fitoi një kandidat i PBDNJ-së, thotë Bollano. A është Himara sipas tij minoritet? Zoti Bollano shmanget duke thënë se dihet kush bën pjesë në minoritetin grek, ndonëse një shkollë greke e mbyllur në këtë zonë më 1946 duhet të rihapet atje, sipas tij. Fundja a është ai, Vasil Bollano një nacionalist grek? Jo. Përkundrazi në mbledhjet e partisë më kritikojnë pse jam kaq i moderuar, thotë ai.
Nëse kishte në zgjedhjet e fundit të Himarës doza nacionalizmi dhe gara force mes dy komuniteteve të zonës, ngjan në të vërtetë si një fakt dytësor përpara manovrave të forcave politike të Tiranës dhe përpjekjeve të tyre më shumë për ti hequr terrenin nga këmbët njëra tjetrës në rang kombëtar, ku Himara luan një rol përqindjesh. Nga ana tjetër, gjithçka ngjan me një përputhje fatkeqe rrethanash. Në luftë për të theksuar edhe më shumë dobësimin e përgjithshëm të PS-së në këto zgjedhje, PD i blaton PBDNJ-së një aleancë në Himarë. Një dhuratë qiellore kjo, por e paarritshme me shifra nëse do të luhet me telat patriotikë të shqiptarëve të cilët numerikisht mund të dominojnë në qendrat e votimit të Bregut. PS bën pikërisht këtë dhe shkel moratoriumin. PBDNJ rrezikon humbjen e radhës në Himarë kur emigrantë të indoktrinuar dhe të instruktuar himariotë shfaqen me autobuzë të financuar në mënyrë të dyshimtë. PBDNJ fiton, por nuk mundet të frenojë dot diskretitimin e imazhit të saj me anë të pamjeve festive të votuesve- mall importi grek, të cilët me një zell të tepëruar pasi fitoja është siguruar, sfidojnë shqiptarët pikërisht në atë mënyrë siç nuk donte PBDNJ të ndodhte. Në një deklaratë të përgënjeshtruar menjëherë më vonë, ministria e jashtme greke e çon deri në fund sfidën, kur kërkon shpalljen e Himarës si zonë minoritare greke. Zemërata shqiptare merr atëherë në mënyrë të menjëhershme formën e një numri autobuzësh dhe makinash të nisur nga Vlora me flamuj shqiptarë që tentojnë dy ditë rresht Himarën, në një orvatje thuajse të hapur për shpagim. Prokuroria e Vlorës hap një hetim për personat që në mitingun e 12 tetorit fyejnë Shqipërinë duke quajtur fitoren e PBDNJ-së në Himarë një triumf mbi një vend turqish, fashistësh dhe çerdheje të Al Kaidës. A mund të shmangej e gjithë kjo? Eshtë një pyetje që përgjigjen zor se mund ta gjejë thjesht në Himarë, arenën ku u luajt melodrama. Interesa partish, qejfmbetje liderësh, pikëpyetje të vëna mbi karriera politike në Tiranë e Athinë. Secila nga këto ka rrezik të ketë qenë strukur kësaj nën ambalazhin gjakndezës të nacionalizmit. Një mënyrë efikase kjo për të krijuar fitimtarë dhe heronj. Por një mënyrë e rrezikshme ama.

[Skerdi Sika]

"Surpriza e mnershme është heshtja e institucioneve evropiane para përndjekjeve të pafshehura greke kundër shqiptarëve. Organizata për Siguri e Bashkëpunim në Evropë, Këshilli i Evropës dhe Unjësimi Evropian, tri institucionet kyçe evropiane që p.sh. e ngrisin zërin përditë për mbrojtjen e 40 mijë romëve të Kosovës, lozin tre majmunat që mbyllin sytë, veshët e gojën para nëpërkëmbjes brutale – sipas OJQ-së greke ”Greek Helsinki Monitor” – të mëse 300 mijë emigrantëve nga Shqipëria, e të më se 200 000 shqiptarëve vendas në Greqi (le t’i quajmë me emrin e tyre të vërtetë, shqiptarë, e jo me termin e urryer ”arvanitë”)."

Lexo krejt artikullin tim te www.pasqyra.com

[Shpirt Njeriu]

Dosja e trazirave te Himares shkon ne gjykate
Shkon ne gjykaten e Faktit te Vlores, dosja e shumeperfolur penale, e trazirave paszgjedhroe ne Himare. Diten e djeshme ne Prokurorine e Vlores eshte mbyllur perfundimisht hetimi i ceshtjes "Himara". Kjo dosje e perfunduar nga ana hetimore nga Prokuroria e Vlores, iu dorezua Gjykates se rrethit te Vlores me te njejten akuze qe ka qene ne fillim te hetimit. Avokatet e vendosur nga Prokuroria e Vlores, per te mbrojtur ne mungese te pandehurit, u njohen me dosjen, me procesverbalet dhe me konkluzionin perfundimtar. Burimet e ketij institucioni ligjor bejne te ditur per "Korrieri"-n, se avokatet e ceshtjes, pasi u njohen me akuzen dhe me konkluzionin perfundimtar firmosen per gjykimin e ceshtjes "Himara". Ne kete proces, gjykohen, vellezerit Vangjel, Kleanthi dhe Edmond Kolila si dhe Koco Llazari, Sotir (Spiro) Karofano.