Digjen magazinat e Kappa Oil!!

[Shpirt Njeriu]

DURRES

Një shkëndijë elektrike ka shkaktuar një zjarr të madh në lagjen numër 14 në Shkozet të Durrësit. Zjarrfikëse nga disa rrethe kanë kaluar në gjendje alarmi për të shuar flakët. Ka qenë ora 05. 30 e ditës së djeshme kur në magazinën e "Kappa Oil" në Shkozet, pronë e ortakëve Sulejman Resuli dhe Krenar Lasku, ka rënë një zjarr i madh. Roja i objektit menjëherë ka njoftuar repartin e MNZ-së. Makinat e zjarrfikësve kanë nisur luftën me flakët. Shtatë makinat e zjarrfikësve kanë punuar pa pushim duke derdhur tonelata me ujë mbi flakët dhe deri në orën 11. 00 ato kishin bërë nga 4 rrugë secila. Në këtë orar kur dukej se situata po dilte jashtë kontrollit është derdhur shkumë mbi flakët për për ti izoluar ajrin, por dukej sikur gjithçka ishte e kotë. Komandanti i MNZ-së Azem Guliqi ka drejtuar vetë operacionin. Ai ka treguar për "Gazetën" gjithë vështirësitë që kanë hasur për të shuar këtë zjarr, i cili, ndoshta është më i madhi që ka rënë ndonjëherë në Durrës.

Cili mendoni se ka qenë shkaku i këtij zjarri?
Mendoj se atë e ka shkaktuar ndonjë shkëndijë elekrike ose ndonjë masë e baterive të makinave.

Cili ka qenë angazhimi i forcave të Mbrojtjes Ndaj Zjarrit?
Kanë ardhur 7 makina nga Durrësi, Tirana, Kavaja e Kruja. Janë derdhur mbi flakët 28 rezervuarët e makinave dhe puna vazhdon ende.

Si u veprua për të luftuar zjarrin?
Situata ishte shumë e rrezikshme pasi vetëm 10 metra më larg është një karburant. U punua për të izoluar flakët dhe arritëm që të paktën të shpëtojmë pikën e karburantit. Megjithatë, për të qenë të sigurtë evakuam fëmijët e konviktit fetar islamik i cili gjendet në krahun tjetër. Edhe atje nuk ka dëme. Tani puna vazhdon për të shuar mbetjet e fundit të flakëve.


Policia: Kishte shkëndijë elektrike

Pronari: Dëmi është shumë i madh
DURRES - Magazinat që u dogjën dje tregtonin vajra për makina, alkool frenash, bateri makinash dhe lëngje të tjera djegëse të cilat janë shumë të ndjeshme ndaj zjarrit. Pronari i tyre Sulejman Resuli tha dje për "Gazetën": "Dëmi është shumë i madh. Magazina është shembur dhe ajo që ka shpëtuar është fare e vogël". Ndërsa shefi i policisë kriminale në Durrës, Artan Cuko deklaroi: "Shërbimet tona policore kanë qenë fare pranë magazinave dhe ato kanë deklaruar se kanë parë një kontakt elektik në magazinë i cili dallohej që jashtë