Çelet Panairi i Agrobiznesit në Tiranë

[ganoid]

Agrobiznesi, prodhimet shqiptare në panarin polak

Shqipëria merr pjesë në Panairin Ndërkombëtar të Agrobiznesit “Polagra-Food” në Poloni

Prof.as.dr. Ago NEZHA

Panairi
Është viti i dytë radhazi që Shqipëria merr pjesë në Panairin Ndërkombëtar të Agrobiznesit “Polagra – Food”, që u organizua në Poznan të Polonisë. Stenda e Shqipërisë përfaqësohej nga Ministria e Bujqësisë dhe Ushqimit dhe nga firma shqiptare prodhuese, si: “Kantina e Verës - Durrës”, “Aquila Liquori” dhe “Sejega”, “Rilindja” dhe “Joy Florina”, “Kondakçi”, “Enzy”, “Sydnei”, “Shpiragu” etj.
Kështu, në kullën e panairit u vendos edhe flamuri shqiptar krahas 31 të shteteve pjesëmarrëse. Stendat ishin shpërndarë në 25 godina, që ngjanin me një miniqytet. Prodhimet shqiptare tërhoqën shumë vizitorë, veçanërisht pijet tradicionale (konjaku, vera, likernat), kompostot, ushqimet e përpunuara dhe bimët medicinale. Interesim të madh shfaqën si përfaqësuesit e biznesit polak, edhe ata të vendeve të tjera evropiane, si kompani angleze, belge, italiane, turke etj. Një vëmendje e veçantë u tregua për verërat, mjaltin dhe bimët medicinale. Kjo eksperiencë tregoi se do të ishte shumë pozitive pjesëmarrja e kompanive private shqiptare që ekspozuan mallrat e tyre në këtë panair, me qëllim shkëmbimin e eksperiencave dhe lidhjen e kontratave me bizneset e huaja.
Vlerësim të veçantë për stendën tonë tregoi edhe ministri i Bujqësisë dhe Zhvillimit Rural të Polonisë, Wojciech Olejnizak, i cili gjatë vizitës së tij u shpreh mjaft mirë për prodhimet tona, si dhe kërkoi më shumë bashkëpunim në të ardhmen. Rol të veçantë në këtë drejtim ka luajtur ambasadori shqiptar në Poloni, Sokol Gjoka, dhe konsulli i nderit për Shqipërinë, Jaroslav Rosochacki, të cilët kanë ndihmuar në realizimin e këtij aktiviteti. Gjatë ditëve të panairit kishte një fluks të madh vizitorësh jo vetëm polakë, por edhe nga vende të ndryshme të botës, që kërkonin informacion për firma dhe prodhime të ndryshme. Ministria e Bujqësisë dhe Ushqimit, për të njohur më shumë prodhimet shqiptare, ka pajisur vizitorët me katalogë, fletëpalosje, postera dhe kartëvizita sipas interesimit të shfaqur.
Poznani, djepi i Polonisë
Gjatë takimeve, konsulli shqiptar i nderit Rosochacki tregon për traditën e qytetit të vjetër. Poznani, i quajtur “Polonia e madhe”, ka qenë kryeqyteti i parë i vendit qysh në shekullin e 10-të, ndërsa në shekullin e 12-të rolin e kryeqytetit e mori Krakovi, që u quajt “Polonia e vogël”. Polonia ka qenë pagane dhe në 966 ajo u pagëzua si kristiane nga kisha çeke.
Poznani është qyteti i kishave pa mbarim, të vendosura në çdo lagje, i universiteteve me tradita qindravjeçare, i tramvajeve para 100 vjetëve, i komplekseve të kinemave, i supermarketeve dhe i parqeve pa fund. Polonia ka fusha pa mbarim. Pronarë të mëdhenj tokash mbi 2 mijë-3 mijë hektarë kishin ndërtuar në pronat e tyre vila-kështjella, biblioteka të pasura që ia dhuronin komunitetit të fshatit. Kopshti botanik i Poznanit ka 2500 lloje drurësh nga e gjithë bota, të klasifikuar sipas llojeve, moshës, origjinës dhe karakteristikave botanike që shkruheshin në një tabelë të vendosur në çdo familje, që ishin të renditur në dy rreshta. Edhe kopshti zoologjik me pasurinë e vetë nuk mbetej prapa.
E gjithë kjo pasuri në larminë e vet e bën Poznanin një vend të admirueshëm për vizitorët e huaj. Poznani është plot jetë. Ky qytet i vjetër dhe i bukur është vendi i panaireve tregtare ndërkombëtare dhe qendra më e madhe akademike e kulturore. Imazhi i tij është duke ndryshuar, megjithëse ruan karakteristika të distriktit me një histori 1000-vjeçare.
Poznani konsiderohet kryeqyteti tregtar i Polonisë. Eshtë qendër e rëndësishme financiare dhe rezidenca për një numër të madh bankash. Mbi të gjitha, rëndësia e tij si qendër shkencore është në rritje. Por ai ka 17 institucione të arsimit të lartë me pothuajse 100 mijë studentë. Jeta kulturore e Poznanit është shumë e pasur me Teatër të Operës dhe Baletit, kori i djemve dhe burrave të Filarmonisë Shtetërore të Poznanit, që i jep kënaqësi publikut në të gjithë botën. Orkestra e dhomës “Amadeus” luan në sallat koncertore më prestigjoze në të gjithë botën. Festivalet teatrore ndërkombëtare vjetore “Malta” dhe konkursi ndërkombëtar i violinës Henryk Wieniaëski, që zhvillohen çdo 5 vjet, janë shumë popullorë.
I gjithë ky sfond kulturor nuk është i rastit, është shprehje e vitalitetit të popullit polak, që ka nxjerrë personalitete me përmasa botërore, si: Shopen, Kopernik, Maria Kyri, Miskeviçi e shumë të tjerë. Poznani është një nga qendrat e panaireve tregtare më të mëdha në Evropë. Në vitin 1921 është hapur panairi i parë i Poznanit. Ekspozita e përgjithshme kombëtare e 1929, e cila paraqiti një panoramë impresionuese të Polonisë së re, ishte një ngjarje tjetër e madhe. Në vazhdën dhjetëravjeçare vazhdon të organizohet Panairi “Polagra – Food”, tepër i suksesshëm, me pjesëmarrjen e shumë vendeve të botës, ku për dy vjet rresht merr pjesë edhe Shqipëria me një paraqitje dinjitoze.

Konjaku, vera, likernat, kompostot, ushqimet e përpunuara dhe bimët medicinale janë prodhimet që tërhoqën vizitorë nga e gjithë bota në stendën e Shqipërisë në Panairin e Agrobiznesit në Poznan




20/10/2003
KATEGORIA: Ekonomi

[HERNAND]

Me behet qefi qe vazhdon rruga e mbare e nisur nga MBU per pjesemarrje ne panaire te ndrysheme,sepse keto panaire te vogla ne dukje luajne nje rol te rendesishem ne perfaqesimin e Shqiperise ne arenen nderkombetare.
Do doja te dija cilet ishin anetaret e delegacionit Shqipetar ne kete eveniment,dhe se au arrit ndonje marreveshje tregetare ne konkluzion te ketij aktiviteti ?
Faleminderit per vemendjen.

[Albo]

Çelet Panairi i Agrobiznesit, Berisha: Do të rriten investimet dhe mbështetja për fermerët

Ditën e sotme u hap në ambientet e Pallatit të Kongëreseve panairi i Agrobiznesit dhe Turizmit 2012. Gjatë fjalës së mbahtur Kryeministri Sali Berisha u shpreh se bujqësia është një nga prioritetet kryesore të qeverisë. Sipas Berishës megjithëse Shqipëria ka pak toka bujqësore ajo ka tokat më pjellore. Kryeministri u premtoi fermerëve se qeveria do ti mbështesë gjersa fshati të marrë pamjen e qytetit. “Dua të garantoj fermerët që në zonat rurale janë investuar miliarda dollarë dhe do vijojmë të investohet gjersa cdo rrugë e fshatiti të ketë pamjen e qytetit, ne do rrismin mbështetjen për prodhmin bujqësor. Ne do ta rrisim dhe zgjerojmë gjithmonë e më shumë. Ne besojmë se prodhimi bujqësor do të dhjetëfishohet dhe të gjenerojë vende të reja pune”,- deklaroi Berisha. Kreu i ekzekutivit theksoi se në një kohë kur kriza ka mbërthyer Europën, prodhimi bujqësor mbetet parësori për njëvend. Sipas kryeministrit Berisha, Shqiëria ka pak sipërfaqe toke bujqësore, por ka tokën më pjellore. “Sot një leksion i madh rezulton nga kriza botërore që prej disa vitesh ka ngërthyer Evropën dhe pjesë të tjera të planetit, ku prodhimi buijqësor mbetet me rëndësi dhe rëndësie parësore. Përqëndrimi tek bujqësia dhe prodhimet e saj janë të një rëndësie të jashtëzakonshme në performancën e një ekonomie dhe në përballimni e cmimeve dhe kushteve të tregut. Shqiëpria është vendi me 150 metër katrorë për frymë tokë bujqësore, por ka tokën më pjellore, dhe potencilet e saj janë të jashtëzakonshme. Shqiëpria ka të gjitha mundësitë që me projektet të rëndësishme të zgjerojë dhe shumëfishojë sipërfaqen e tokës së mbjellë. Shqipëria ka tokë pak, por e ka plot diell dhe ujë dhe prodhimet e saj janë aromatike. Qeveria ka përparësi të madhe prodhimin bujqësor dhe agrobiznesi”,- deklaroi Berisha. Ndërsa në fjalën e tij ministri I Bujqësisë Genc Ruli e quajti këtë ekpoze, dinjitoze për buqësinë e turizmin.
“Ky një panair i i përmasave tepër të mëdhaja. Sot keni mundësi të shijoni produktet më të mira të vendit. Produktet e fermerëve tanë na bëjnë të krenohemi me to”, tha Ruli . Ai shtoi se, e ardhmja e bujqësisë do të jetë edhe më e mbarë pasi ka shumë potenciale të pa shfrytëzuara.. “E ardhmja e sektorit të bujqësisë do jetë edhe më e mbarë, prodhuesit madje kanë arritur të përballojnë edhe krizën e kohëve të fundi, kjo e shoqëruar nga mbështetja që sistemi ynë i ofron fermës dhe fermerëve por edhe përmirësimi i infrastrukturës”, tha Ruli më tej.
Ndërsa ministri i Kulturës dhe Turizmit, Aldo Bumci u shpreh i kënaqur që sot në këtë panair prezantohet Shqipëria turistike. “Sot paraqesim si pjesë të këtij panairi Shqipërinë turistike. Ky është një transformim rrënjësor falë investimeve të qeverisë. Shqipëria turistike, emri i mohuar që sot përfaqëson Shqipërinë. Le ta kthejmë këtë panair në një traditë”, shtoi ai.

MAPO

[Albo]

Takim me drejtorin e USAID, Berisha: Agrobiznesi një fushë me potenciale në rritje

Kryeministri Sali Berisha takoi ditën e sotme Drejtorin e ri të USAID-it në Shqipëri, z. Jim Barnhart. Kryeministri vlerësoi mbështetjen që USAID po i jep së fundmi agrobiznesit. Sipas Berishës agrobiznesi është një fushë me potenciale në rritje në Shqipëri dhe është fusha e dytë ku do të investohet pas investimeve në infrastrukturë. Ndër të tjera Kryeministri theksoi se qeveria, me programin e saj intensiv të investimeve në infrastrukturë, në mënyrë të veçantë në zonat rurale, në mënyrë indirekte ndikon në zhvillimin e sektorit bujqësor, duke e afruar atë me tregun. Ndërsa Drejtori i ri i USAID theksoi se eksperienca botërore ka treguar se mungesa e infrastrukturës rrugore është një nga pengesat kryesore për bujqësinë e për rrjedhojë investimet që po bën qeveria shqiptare do të kenë ndikim të rëndësishëm në zhvillimin e sektorit.

MAPO