Kenget e djepit - Ninullat

[Diabolis]

Nano-nano djalënë

Nano-nano, djalënë,
Nano-nano, moj,
Tatëpjetë shkallënë;
Nano-nano, ta zer’ gjumi,
Të ligat t’ia marrë lumi.
Na vanë zogat në lumë,
T’i sjellinë djalit gjumë,
Na vanë zogat në det,
T’i sjellin djalit shëndet.

Rehovë - Kolonjë, 1966

[Diabolis]

Nina-nina o mor bir

Nina-nina, o mor bir,
Fli, se gjumi të bën mirë,
Fli, se nëna të do keq,
Fli, se dorën nuk ta heq.
Fli, o bir i nënës, fli,
Ti nëna të mban në gji.

Konispol – Sarandë, 1974

[Diabolis]

Nina-nana nin me fjetë

Nina-nana, nin me fjetë,
Ty të martë ni gjumë i lehtë,
Gjumi i lehtë, gjumi sevda,
Ty t’ban nana motër e vlla.

Mushtish – Suharekë, 1974

[Diabolis]

Nina-nana more bir

Nina-nana, more bir,
Flie, se gjumi të bën mirë,
Se nëna dorën s’ta ndan,
Flij, se nëna të ka xhan.
Djalënë ma zuri gjumi,
Të ligat m’ia marrtë lumi,
Zëre gjumë e e mbaj shumë,
Pastaj vinj e e sqonj unë,
Të lërë vërsnikëtë,
Ata purthanikëtë.

Korçë, 1963

[Diabolis]

La-la-la-je lo-lo-lo

La-la-la-je, lo-lo-lo,
Merre gjumë gocën-o,
La-la-la-je, lo-lo-lo,
E ka nana t’vogël-o,
La-la-la-je, lo-lo-lo,
Goca të më rritet-o,
La-la-la-je, lo-lo-lo,
Gjumë-gjumë, gocën-o,
La-la-la-je, lo-lo-lo.

Polis – Librazhd, 1965

[Diabolis]

Nina-nana çunin-o

Nina-nana, çunin-o,
Çunin gjushpëllumbin-o,
Fli, o çun, fli, o bir,
Se, ty, gjumi të bën mirë.
Nina-nana, ullulla,
Nëna të ka turfanda;
Fli, se gjumi të bën mirë,
Fli, o djalë, fli, o bir.
Nina-nana, t’ligat-o,
Të ligat i marrtë lumi,
Se çunin ma zuri gjumi,
Të ligat i marrtë deti,
Çunit të m’i vij’ shëndeti!

Berat, 1964

[Diabolis]

Nin e nin po t’merr gjumi

Nin e nin, po t’merr gjumi,
Vjen të merr-o sikur pllumi,
Pllumi kish-o krahë e fjet-e,
Ti m’i paç-o shnet e jet-e,
Ti ma paç fatin e bardhë!
Çdo dishir’, djal’ t’u maroftë,
Ku të dhimtë, aty t’pushoftë,
E ligë as e keqe n’ty mos koftë!
Nine e nin, shiqer n’letër,
Ti u bafsh-o plak i vjetër!

Poravë – Pukë, 1974

[Diabolis]

Nina-nana more bir

Nina-nana, more bir,
Fli, se gjumi të ban mirë,
Të ban mirë, të rehaton,
Shtatin, bir, ty ta pushon.
Nina-nana, gushpëllum,
Kush të don ma shumë se un’?
Nina-nana, sheqer n’letër,
M’u bafsh, bir, ti plak i vjetër,
Ç’po i knon-o djali gjumit,
Si vida ç’i knon pëllumit,
Ç’po i knono djali, djepit,
Si bilibili në gem t’plepit.

Nënshat – Shkodër, 1972

[shigjeta]

Riti i lindjes së djalit në shtëpinë gjirokastrite

Ç’ka që na gjëmon shtëpia?
- Na jan’ mbledhur gjitonia
Rrush i kuq e rrush i bardhë
Nusja na lindi djalë
Nusja na lindi djalë
U bëfsh si trimat e parë

Nina-nana djalin-o
Djalin tonë që na leu
U ritsh djal’, si deg’ e lisit
T’i ngjaç Bajos e Çerçizit**
O lisi me shumë dega
Djal’ u bëfsh i kuq si shega

Ç’emër t’i vëm’ djalit-o
Moj nën-o
- Emër trimi domosdo
Moj vajz-o
- T’i ngjaj’ Skënderbeut-o
Moj nën-o

Torri furka li e lesh
Vjen xhaxhai me peshqesh
- O xhaxha, ta paçim hua
Gëzime në shtëpinë tuaj

Rritu djal’ e u bëfsh burrë
Për Shqipërin’ e për flamurë
Për Shqipërin’ e për flamurë
Mos t’u trembtë siri kurrë!

Grije, grije bukën-o
Moj nën-o, bukën-o
Të bëjm’ bukëvalen-o
Të mëlsojmë njerëzit-o
Moj nën-o, njerëzit-o

Djepi me këmb’ t’argjenda
Të bukur djal’ që rrit nëna
Djal, të bëhesh i mirë
Të nderosh Shqipërinë

Gjirokastër – 1983

**Bajo e Çerçiz Topulli

[StormAngel]

VALLJA E LEHONËS

Ti,e shoqe e Allaj beut,
që na lindi nandë djel,
nuk kishte shpërgaj me se t`i lidhte,
po me shpërgaj të mëndafshtë.
Të voft` barku mar`,lihono-o!

Ti,e shoqe e Allaj beut,
qi na lindi nandë djel,
s`kishte djepe me se t`i lidhte,
po me djepe të florintë.
Të voft` barku mar`,lihono-o!

Ti,e shoqe e Allaj beut,
qi na lindi nandë djel,
s`kishte dize me se t`i lidhte
po me dize t`ibërshimtë
Të voft` barku mar`,lihono-o!

U rrit kanga me u falë.
Kuj ia fal faqen e bardhë?
Shtëpis` vet me gjithë çka.

Elbasan,1913

TË VOFTË BARKU MOJ LEHON-O

Të voftë barku marë,moj lehon-o,
si të resë s`Allaj beut,moj lehon-o,
me nan` djel,me nan` nuse,moj lehon-o,
sa s`kishte me se t`i rriste,moj lehon-o,
me tul simitje,me palëz dashi,moj lehon-o,
djepen e kishte prej florini,moj lehon-o,
dizjet ishin prej ibëshini,moj lehon-o!

Elbasan,1952