Poezi nga zemra!

[Poeti]

ZEMËR TRATHTARE
1.
E vrava vehten me plumbin e jetës
Gurmazhin nga trupi e nxjerra me duar,
Dhe trurin e kokës e ndydha me forcë
Vetëm zemrën e lash të trazuar!

2.
Le të vuaj thash, pa shpirt e pa mend
E vën në një trung si në lis të thatë,
Le të shijoj vuajtjen që mua më solli
Ta shijoj dhe vet si është t’jesh i ngratë?

3.
E kisha përkëdhelur me shum kujdes
N’të pata brumosur aq shum dashuri,
Dhe kur nga ajo e prisja shpërblimin
Dashurinë e dhënë ma ktheu me trathëti!

[Poeti]

YLLI NGA QIELLI

1.
Në hapësirën e paskaj aty mbi re të bardha
U nisa me rrëmbim një yll ta rrëmbeja,
Nga shumë yjet që i ka qielli
Vetëm një e zgjodha dashurinë të ia rrëfeja!

2.
E vodha me pahir dhe e futa në gji
Me dashuri e ngroha sikur në kamin,
Shpirtin së bashku me zemrën ia fala
Në gjunjë ia dhash përjetë një premtim!

3.
Dhe nuk kam qiellit tani qfarë t’i bëj
Që një yll më pak atje lart bën dritë,
Ngase jetën time tani e ndriqon
Është dritë e zemrës që gjatë e kam pritë!

[Lule_djelli]

YLLI NGA QIELLI

1.
Në hapësirën e paskaj aty mbi re të bardha
U nisa me rrëmbim një yll ta rrëmbeja,
Nga shumë yjet që i ka qielli
Vetëm një e zgjodha dashurinë të ia rrëfeja!

2.
E vodha me pahir dhe e futa në gji
Me dashuri e ngroha sikur në kamin,
Shpirtin së bashku me zemrën ia fala
Në gjunjë ia dhash përjetë një premtim!

3.
Dhe nuk kam qiellit tani qfarë t’i bëj
Që një yll më pak atje lart bën dritë,
Ngase jetën time tani e ndriqon
Është dritë e zemrës që gjatë e kam pritë!

shume e bukur, veq vazhdo

[Poeti]

shume e bukur, veq vazhdo

Lule_djelli,
Të faleminderit që më lexon dhe i komenton shkrimet e mia.
Është kënaqësi imja të jam në mëesin tuaj dhe ju me mua!

[Poeti]

ASGJË S’MË FRESKON SI TI

1.
Rreze e diellit që vjen me shpejtësi
Dhe në çdo skutë të botës depërton,
Nuk më ngoh dot zemrën, shpirtin kurrsesi
Dhe trurin tim dot nuk e freskon!

2.
As dhe valët e detit që sjellin freskim
Së bashku me palmat në plazhet me ranë,
Nuk e sjellin gëzimin, nuk më kënaqin mua
Nuk e ndjej kënaqësin gjersa s’të kam pranë!

3.
Shikoj në lartësi, sytë drejt qiellit
Natën tani e pres që mbi tokë të bie,
Dhe së bashku me natën zemrën t’ma freskoj
Ylli im i rallë që n’zemër më vie!

01.04.2005 / 23:25
Shaban Ajvazi

[Poeti]

GABIM

1.
Kujtova se e zura diellin me duar
Dhe yjet i mblodha veç me një shikim,
Kujtova por shumë gabim e kisha
Sepse nuk e ngroha dot unë shpirtin tim!

2.
Sikur një fëmijë që vrapon pas hijes
Dhe se arrin dot sepse s’mund të arrihet,
Edhe unë zemrën e gënjeva
Kujtova se dashuria me fjalë mund të blihet!?

3.
I stolisa bukur si kurorë me lule
Si karvan i nisa në rrugën pa kthim,
Me lot i ujita, gjak zemre iu dhash
Në to vara shpresën, për shpirtin shpëtim!

4.
Dhe zhgënjimin gjeta sikur gjithënjë
Sepse vara shpresën në gjënë e pa mundur,
Kujtova se pikën e Arkimedit gjeta
Dhe tani jam edhe më i humbur!

[Jona]

Ohh sa poezi te bukura nga te gjihe ju. Pak e inkurajuar nga ju po postoj dhe une nje.

Kush jam?


As veten se njoha
ashtu te braktisur
me koken permbysur
e trupin e krusur.


E verber, e shurdhur
ne erresire katandisur
po pse jam valle
kaq e shashtisur.


Shume ngadale duke levizur
tragjedine perjetoje
por kjo zemer e braktisur
si nje foshnje do te harroje.


Dhe si femije e ckujdesur
me shgarravina une do te luaj
se si nje zemer e plagosur
vargje per ty te shkruaj.

[Poeti]

Jona,

Je e mirëseardhur në temën e hapur nga unë, por që është e të gjithë juve!
Gjithësesi të faleminderit për kritikat në emër të të gjithëve që kanë postuar në këtë temë dhe njëkohësisht përgëzime për kurajon e postimit, për çka edhe dua të të bëjn një shtytje të veçantë dhe një mbështetje të fortë. Vetëm vazhdo…

[Poeti]

ME TY DASHURI

Diellin e jetës sot e robërova
E mbylla në zemër sikur me frengji,
Lotët e shpirtit i thava përgjithmonë
E bërë këtë me ty dashuri!

Lulëkuqeve të shtruara nëpër luadhe
Ua mora ngjyrën, të ngjyrosa ty,
Dhe me pika të gjakut nga zemra ime
Të zbukurova pamjen ty dashuri!

Nga yjet që natën e ndriqojnë botën
E vodha shkëlqimin plotë me bukuri,
Ta bëra kurorë lulesh për në kokë
Nuse nga përrallat, ti dashuri!

Edhe prej ylberit i vodha ngjyrat
Rrugën tek unë ta shtrova ty,
Karrocën me kuajt më të bukur
Para teje e solla e imja dashuri!

[Poeti]

SHQIPONJË NË FLAMUR
1.
Me Shqiponjën garë fluturimi bëj
Sepse krahët e erës i mora me vehte,
Botën e vogël nga lartësi e shikoj
Me bukuritë dhe të metat e kësaj jete!

2.
Ia kam lakminë këtij zogu të lirë
Që horizontet e pafund i zotëron,
Mbretëresh e lartësive të kaltërta
Simbol në flamurin e kombit qëndron!

3.
I njohu trimëritë dhe luftërat e kombit
Ngritjet dhe rënjet që na përcollën,
Dhembjet, vuajtjet, ikjet
Që armiqët e shumtë na i sollën!

4.
Dhe së bashku me ne qëndroi krenare
Kurrnjëherë nuk ra në kthetra armiku,
Mbizotëroi dhe mbizotëron prore
Hapësirat shqiptare buzë Adriatiku!