Poezi nga zemra!

[Poeti]

MIKU

1.Unë nuk dua të urrej
Dashuri unë kam në zemër,
Jeta ime s'është e kotë
Jeta ime ka një emër!

2.Mos më vrit ti me qëllim
Mos më ven pranga çeliku,
Askush dhe asgjë në botë
S'është e shtrenjtë sikur miku!

[GoAheadEagles]

desha te thoja qe poezite nuk vine nga zemra po i thote goja fale shkronjave te arta qe na i mbajti tunxhi gjalle dhe nuk i la ne dore te armikut.tunxh birrrrrrrrrrrrrr

[Poeti]

Miku im e nderuar GoAheadEagles, me vie keq, por këtu nuk mund të pajtohem me ju! Tek unë poezia ime e tillë çfarë është, më buron nga thellësi e zemrës. Nuk kam maska as zbukurime, por realitet që më therr në zemër....

[Poeti]

SONTE
Sonte nuk mendoj në Ty,
Sonte nuk mendoj as në vehten,
Sonte nuk të dua,
Se nuk e dua as dhe jetën!

[Poeti]

MOSHA E BARDHË

Nga dhoma e ngrohtë
Vështroj acarin
Në zemrën time.
Valë-valë fjollat e borës
Bien mbi kokën time.
Bardhësi e zemrës
Dhe e flokëve,
Moshë e bardhë!

[Poeti]

MALLI

Sa shumë nevojë kisha për Ty
Sikur robi për lirinë,
Dita më ishte bërë natë
Qaja i zhytyr në vetmi!

Edhe qielli më ishte ngrysur
Re të zeza vinin n'radhë,
Unë i humbur si n'shretëtirë
Sa shumë për Ty ndjeja mall!

[Poeti]

TI

Më shfaqesh si hije që rrugën ma pren
Mbi kokë më rrin varur, si stuhia më bart,
Më trand, më çmend, me shiqim më vret
Në çdo hap të jetës, si armik më pret!

Frymën po ma zë, forcën ma këputë
Më molis, më ndrydhë, më shkelë sikur baltë,
Diellin e jetës ma shuan, me shiqim më vret
Pse vuaja për ty, pse jetën t'kisha falë!?

Unë vërtetë të desha, si ujin n'shkretëtirë
Sikur i robëruari që ëndërron lirinë,
E urreja botën, ty të doja si jetën
Gjersa ty të ngrisja, e shkilja vetvehten!

[Poeti]

LIRIA PA FORMË

Kjo liri
Me formë të këtillë,
Nuk ka shije
As ka ngjyrë!?

[Poeti]

PUTHJET

Puthjet e mia
Kanë hidhërim në buzë,
Janë si puthja e vdekjes
Që ti e përbuzë!

[Poeti]

TI JE

Ti je ëndërra e pa parë
Ti je dielli që s'ka dalë,
Ti je rrezja që s'ndriqon
Ti je loti që s'loton!