Poezi nga zemra!

[molleendaluar]

DO TË BËHEM

1.
Do të bëhem yll atje lart në qiell
Që gjumin e natës me xhelozi ta ruan,
Do të bëhem era e lehtë e pranverës
Që sikur në ëndërr me flokët e tua luan!

2.
Do të bëhem dielli që të miklon trupin
Kur në rërën e detit qëndron e shtrirë,
Do të bëhem bora e parë e dimrit
Që nga ngrohtësia jote, do të tretet e shkrirë!

3.
Do të bëhem germë në tastierën tënde
Që gishtat e tuaj të luajn me mua,
Do të bëhem fjala e vetme që në ekranin tënd del
Fjala që buron nga thellësi e zemrës: TË DUA!

05. Shtator 2007 / 20:27

Poeti, gjithnje me befason me krijimet e tua! Urime, poezia me pelqeu pa mase!

[Poeti]

PËR NJË LULE QË U SHUA

(Në kujtim të Shqipdon Haradinajt)

Vargjet më të ndjera do të doja ti thurr
Për një zog që u shua ende pa kënduar,
Ngushëllimet më të thella do doja ti shpreh
Për një nënë që kurrë nuk ishte e gezuar!

Dhe një pikë loti po më rrjedh në faqe
Për Shqipdonin e ri si shqipe në degë,
Që jeta iu shua ende pa iu nis
Mu sikur një lule që më nuk ka jetë!

Gllogjani edhe një herë në zi i mbuluar
Para kullës që ka dhënë shumë trima
Tërë Kosova në ngushëllime i shkoi
Të iu tregoj se Haradinajt nuk janë jetima!


06.10. 2007 / 8:25

[Poeti]

Pas nje kohe te gjata ja edhe nje poezi imja:

PROVOVA

1.
Provova te puth diellin lart në qiell
Më dogji buzët me ngrohtësi,
Provova te puth buzët e tua
Ah ç’më dogje dhe Ti!

2.
Akullin nga Antarktiku e përqafova
Më ngriu të tërin si mos më keq,
Desha të të ngroh Ty me trupin tim
Ah ç’më ngrive zemrën more dreq!

3.
Pikat e shiut desha ti mbledh
Por ishin të shpërndara nëpër botë,
Nuk arrijta asnjë të kap
Por mblodha nga sytë e mi shumë lot!

01.05.2008 / 10:27

[Poeti]

Poezi per ata qe kane vetem nje hall: Buken e gojes (sepse per gjerat tjera nuk kane mundesi as te mendojne) dhe qe jane te perbuzur nga shoqeria dhe institucionet:

PSE O ZOT


E shikoj të strukur në një qoshe
Dridhet edhe kur nxen dielli,
Humbur shikim ne largësi
Sikur po e përpin qielli!
Diçka mundohet të më thotë
Asnjë fjalë nuk ia marr vesh,
Nuk dallon dot fytyra e tij
Qan apo qesh!?
E shikoj me shumë dhembje
Ngre duart lart dhe pyes: O zot?
Kështu për të vuajtur
Pse e solle në këtë botë?
I leckosur, shpirtëvrarë
Çdo kalimtar e shikon,
Mos vallë ndonjëri nga ata
Në dorë ndonjë lek ia lëshon?
Barkun bosh, syrin mjegulluar
Mendjen nuk dihet ku e ka,
I përbuzur nga të gjithë
Vëtëm pse është fukara?!

16.01.2008 / 19:02

[Poeti]

URA E VJETËR

Në pritje më kaloi jeta
Asgjë me vlerë nuk më solli
Veç dhembje dhe trishtim
Në zemrën time mbolli!

Athua përse kjo po më ndodhë
Përse jeta kështu më dënon,
E kuptoj që i vetmuar po mbetem
Por vallë përse askush s’më don?!

Nuk mendova kurrë për vehten
Isha urë për të tjerë,
Duke dashur të ndihmoj njerëzinë
Dimër ia bëra vehtes edhe në verë!

Dhe sot kur ura është vjetëruar
Askush më nuk e përdor,
Për së gjalli tek këmbët më sollën
Lulë të vyshkura në kurorë!

21.01.2008 / 7:35

[Poeti]

ËNDËRR E PA ËNDËRRUAR

1.
Ika në gjumë me mendimet tek ti
Mëngjesi më gjeti me sy të hapur,
Zgjata krahët të të përqafoj
Por nuk mundet kush hijen për ta kapur?

2.
Ti ishe veç një hije që mbi kokë më rrin
Dhe pikat e lotit të bien mbi mua,
Unë ta thash me fjalë, ta thash dhe me zemër
Por ti kurrë nuk më the: TË DUA!

3.
Ëndërrat mi prishe, më turbullove zemrën
Tash më nuk di nga vij dhe ku shkoj,
Rrugën e jetës ma trete në pakthim
As ëndërr më nuk di të ëndërroj!

25.01.2008 / 9:37

[Poeti]

NËSE NUK TA THEM!

Nëse nuk ta them dot me gojë
Më shiko thellë në sy,
Kurrë askend nuk e kam dashur
Aq sa të desha TY!

27.01.2008 / 11:05

[Poeti]

Kjo eshte e shkruajtur sot (shiko daten ne fund):

DËSHIRA

1.
Dua të përjetoj kulmin e dashurisë
Në prehërin tënd të mbështes kokën,
Due që në sytë e tu të shkruar
Të shoh tërë botën!

2.
Dua buzet e tua me afsh ti shijoj
Të tretem mbrenda shpirtit zjarr,
Dua të ledhatoj trupin tënd
Njëherë në jete ta shuaj këtë mall!

25.02.2008 / 11:45

[EDUARDI]

I Dashur Poet Eshte Kenaqesi Dhe Nder Per Mua Te Lexoj Shkrimet E Tua

Vazhdo Perhere Ne Krijimet E Tua
Sepse Me Deshire I Lexoj
Dhe Kurr Mos Tu Ndalshin Ty Duart
Sepse Ndalesa Jote Dhe Mua Me Trishton

Shkruaj Poezi Ti Pa Ndalim
Sepse I Dashur Mik Shkrimet E Tua E Kan Nje Kuptim


Me Respekt Miku Juaj

Edi...


Tirane Me 25.02.2008

[Poeti]

I Dashur Poet Eshte Kenaqesi Dhe Nder Per Mua Te Lexoj Shkrimet E Tua

Vazhdo Perhere Ne Krijimet E Tua
Sepse Me Deshire I Lexoj
Dhe Kurr Mos Tu Ndalshin Ty Duart
Sepse Ndalesa Jote Dhe Mua Me Trishton

Shkruaj Poezi Ti Pa Ndalim
Sepse I Dashur Mik Shkrimet E Tua E Kan Nje Kuptim


Me Respekt Miku Juaj

Edi...


Tirane Me 25.02.2008

Shkrimet e tilla i nderuari mik me bejne qe edhe pas ndalesave te gjate, serish te marr lapsin dhe te hudh ne leter ndjenjat e mia.

Te falemnderit qe me lexon dhe me vlereson!

Ta paqa borgj