Poezi nga zemra!

[Poeti]

KY JAM UNË

1.
Përse jeta më ndan në dysh
Asgjë s’është në vend të vet,
Bota e gjitha përreth meje
Veç sa po më shkatërron këtë jetë!

2.
Vullkan nga brenda po më vlon
Vrushkuj, dallgë dhe furtunë,
Tërmet, vërshima, shkatërrim
Ky jam unë!

3.
Dielli më lind në perëndim
Hëna vetëm ditën më ndriqon,
Dhe shiu i lotëve pa pra më lagë
Asgjë në jetë si duhët s’më shkon!

4.
E gjej dhe e humb dashurinë
Sikur era ma dërgon në largësi,
Atje ku nuk mund të jem unë
Aty ku kurrë nuk ishe ti!

[arrita]

te giyhe kur dedhirojne te na lene ,ikin pa fjale ,nuk jane ata qe ,kane qene por shenderrohet ne kukulla te pa ndjenja .....me pelqen poet per origjinalitetin tend

[Poeti]

te giyhe kur dedhirojne te na lene ,ikin pa fjale ,nuk jane ata qe ,kane qene por shenderrohet ne kukulla te pa ndjenja .....me pelqen poet per origjinalitetin tend

arrita,
Unë tentoj të jem pasqyrë e jetës, nuk jam shumë i bindur që po ia arrij qëllimit, por …
Ty e nderuar shumë të faleminderit për vlesërimin dhe njëkohësisht kërkoj falje që në kohën e fundit prezenca ime në këtë temë është më e rrallë, por erërat e jetës nuk po më lënë të qetë!?

[Poeti]

JETËN E LAJ ME LOTË

1.
Të gjithë janë në gjumë
Flejnë në prehërin e ëndrrave
Ndërsa unë mbaj sytë hapur
Unë princi i vdekur i përrallave!

2.
Dhe në mendje e kaloj jetën
Çdo qast të mbushur me lotë,
Jeta më ikë në pakëthim
E zbrazët, e idhët, e kotë!

3.
Mbolla erën, furtunën korra
Se bëra kështu nuk pata faj,
Bota rreth meje nuk më kuptoi
Pse jetën time me lotë e laj!

4.
Tani asgjë dot nuk ndryshoj
Vetëm kujtimet i ruaj në mua,
Dhe dashurinë që ndjej për ty
Gjithënjë të desha dhe prap të dua!

[Poeti]

PASQYRË E JETËS

1.
I thyer jam në njëmijë pjesë
Pasqyrë e shkatërruar e jetës sime,
Dhe as edhe një grimcë e saj
Nuk ruan në vehte për mua kujtime!

2.
Sikur i harruar jam nga bota
Dhe mbi “varrin” tim as lule nuk ka,
Sikur zemra më është robëruar
Dashuria ime iku dhe n’vetmi më la!

3.
Jam pasqyrë e thyer e jetës
Sikur jam i thyer dhe vetë,
Grimcat e saja nuk mund të mblidhen
Nuk mundem as unë ta mbledhë këtë jetë!

[Poeti]

SHIU I MBRËMSHËM

1.
Shiu që ra mbrëmë
Nga sytë e mij rrodhi,
Dhe një shkrepëtimë
Që shikimin më vodhi!

2.
Më nuk të shihja ty
Nga sytë me lotë,
Prapa vetëtimës ishe
Sikur n’tjetër botë!

3.
Dhe lotët më rridhnin
Gjithënjë pa ia nda,
Aty ku ka lotë
Dashuri nuk ka?!

[Poeti]

TI DHE QIELLI

1.
Gurgullima e ujit të përroit
Që rrjedh plotë zhurmë nëpër pyll,
Hëna e plotë që ndriqon tokën
Atje lartë në qiell që xixëllon një yll!

2.
Sikur bukurinë në tokë zbulojnë
Dhe së bashku me ta në garë dhe qielli,
Mungon këtu veç fytyra jote
Që në ditë vere të ndriqoj sikur dielli!

3.
Melodi mahnitëse për veshët e mij
Rrjedhja e lumit mes përmes fushës,
Por vetëm ti dhe pamja jote
Mahnitë më shumë me bardhësinë e gushës!

4.
Ajri i freskët nga drunjët e lartë
Sikur bar shërues mushkëritë shëron,
Por vetëm ti dhe fjala jote
Zemrën time pa fund ma gëzon!

[Poeti]

Postimi im nr.600

SIKUR

1.
Sikur të kisha fuqinë magjike
Me anë të shkopit botën të ndryshoja,
Punë e parë që do të bëja
Ty në prehërin tim do të afroja!

2.
Sikur jeta të ishte përrallë
Me princër dhe princesha,
Unë do të të sillja në pallatin tim
Me veshjen më të bukur se vet mbretëresha!

3.
Sikur çdo dëshirë të bëhej realitet
Unë do të kisha vetëm një të tillë,
Që në mëngjes kur të hapja sytë
Ti të ishe me mua sytë me puthje me m’i mbyllë!

[Poeti]

DASËM E MADHE

1.
Margaritarët nga kurora mbretërore
Do t’i bëj gjerdan për qafën tënde,
Dhe me bilbilat në një orkestër
Për ty do të ia marrim lehtas një kënge!

2.
Diamantin më të qmuar nga thellësi e tokës
Do ta bëj unazë të ta vëj në gisht,
Së bashku me shqiptarët nga e tërë bota
Për ty do të ia marr një kënge gegërisht!

3.
Një rreze do ta shkëpus nga dielli
Të ta vëj qerpik mbi sytë e tu pishë,
Dhe këngën më të bukur të dashurisë
Vetëm për ty do ta këndoj toskërisht!

4.
Krushqit nga gjithë trojet shqiptare
Do t’i nis tek ti me këngë dhe valle,
Sazet t’na përcjellin në rrugën e fatit
Në rrugën e të ardhmes tonë të madhe!

[Poeti]

I YTI

1.
Një jetë do të ta fal
Vetëm ty drita ime
Dhe në jetën tjetër për ty
Do të ruaj të ëmbla kujtime!

2.
Ti je fati im
Dielli që më ngroh në zemër
Ti je jeta ime
Që të ndjej nga koka në thembër!