Botën Sìç Është , E Dua !

[ALBA]

S’dua t’i dëgjoj mendimet e tua,

Botën siç është, e dua !

………

Lëre Diellin të ndriçojë

Lër mëngjesin të agojë !



Lëre shiun të bjerë

Lëre erën të fryjë

Lër qiellin të bubullijë !



Lëri zogjtë të këndojnë

Lër kuajt të vrapojnë

Lëri artistët të krijojnë

Të burgosurit të ëndërrojnë !

Lëri fluturat të fluturojnë

Lër rrufetë të gjëmojnë

Lëri të gjallët të guxojnë

Lër të vdekurit të pushojnë !



Lër delfinët të notojnë

Bixhosçinjtë të fitojnë !

Lëri vullkanet të shpërthejnë

Lër racistët të urrejnë

Politikanët të gënjejnë !



Lëri lumejtë të rrjedhin

Lëri pleqtë të pjerdhin !



Lër fëmijët të lodrojnë

Lëri studentët të studiojnë

Lër mësuesit të mësojnë

Klerikët të predikojnë !



Lëri ushtarët të luftojnë

Patriotët,atdheun të mbrojnë

Lër doktorët të mjekojnë !



Lër trimat të vdesin

Lëri frikacakët të dhjesin !



Lër turistët të shëtisin

Lër gjumashët të dremisin

Lëri kopracët të sodisin !



Lër të zgjuarit të mendojnë

Lëri punëtorët të punojnë

Lëri përtacet të pushojnë

Lëri të varfërit të jetojnë

Lër të pasurit të shijojnë !



Lëri duhanxhijtë të tymosin

Lër pijanecët të dreqosin

Lëri frutat të piqen

Lër virgjëreshat të digjen !



Lëre barin të rritet

Komshiun të habitet

Dashnorin të vuaj

Lëre poetin të shkruaj …

…………

S’dua ti dëgjoj, mendimet e tua

Botën siç është, e dua !



Little Ferry, 06/21/2003





Poezi e Kresh Ndreut te shkeputura nga libri i tij i dyte botuar ne Gusht 2003.

[LLASTICA]

Me ka bere shume pershtypje kjo peoezi edhe me pelqeu me te vertete....... shume e bukur

pershendetje
LLASTICA

[Brari]

Shum e Bukur..

Kush eshte Kresh Ndreu??

Na tregoni dicka per te.

[ALBA]

Kreshnik Ndreu eshte nje poet i cili shkruan tek bota letrare,47 vjecar,ku poezit e tij kan nje vlere shume te madhe .Poezit e tij me kan pelqyer shume,dhe pikerisht solla njeren ketu ne forum.Cilsohet thjeshtesia e poezive te tij,te pakten une keshtu e vlersoj,ketu poshte keni dhe nje tjeter kushtur "nenes" sigurisht e ka fjalen per nenen Shqiperi.




NËNËS


E kisha nënën të vjeter, të mjeruar

Anë e kënd të pushtuar.

E kisha nënën balliste,komuniste

Monarkiste.

E kisha nënën të çliruar, të gëzuar

Me vehtveten të dashuruar.

E kisha nënën diktaturë të padëgjuar

Të varfër e të harruar.

E kisha nënën kurvë të dështuar

Me slavë e kinezë kishte shkuar.

E kisha nënën të dëshpëruar !





E kam nënën demokrate,anarkiste

E kam nënën lekiste.

Oportuniste.

E kam nënën të vjetër por të rinuar

(Akoma gjysmë të sklavëruar

Thonë që me grekë tani ka shkuar!).

E kam nënën të sakatuar e të pa gëzuar

E kam nënën të copëtuar

Por jo të mohuar.

Kjo është nëna ime, e sprovuar

E lodhur ,e dërmuar,e sakrifikuar

Por kurrë e dorëzuar

Ka luftuar,ka fituar,ka mbijetuar.



……….



Nënë, siç je të dua

Në gjunjë bie e puth duart e tua

Ti që kurrë s’më the: - Pse u largove?

Ti që kurrë pse ika, s’mu zemërove

Hape derën- Na mori malli bir- the,më pranove

Në prehërin tënd më ledhatove .

Unë jam biri yt , krenar

Emrin e kam Shqipëtar

Ti përjetësisht, bujare e trime

E keqe e mirë, Shqipëri je nëna ime.



Kreshnik 10/1/2003

[invisible girl]

Ti Alba D bjen perher gjana shum te mira te forumi THNX

[edspace]

Urime për Kreshnik Ndreun dhe faleminderit Alba që na i solle në forum. Me të vërtetë të bukura.

[ALBA]

MEHALLA E VJETER

QINDRA VJET ME PARE
NE RRUGEN E DIBRES
LAJMERIME TE ZEZA NGJISNIN
PER ATO QE VDISNIN !

SHEKUJ TE KALUAR
PER DASHNORET ZIHESHIN JEVGAT
PERNATE TE SELVIA
ME FSHESA SHQOPE NE DUAR !

NE KOHE TE LASHTA
MBI GJYSMA TULLASH I VEMENDSHEM SHKELJA
PER TE URINUAR
TEK "4 DESHMORET" !

KOHEVE ANTIKE
I KERRUSUR MBI BICIKLETE,BABAI IM "I DEKLASUAR"
CDO DITE NGA INSTITUTI PEDALONTE
MORALISHT E ME I DERMUAR,ME KAPELE REPUBLIKE !

NE PERIUDHEN PREHISTORIKE
KUR U LINDA,GJYSHJA ME MBANTE NE DUAR-PRINDET THONE,
E BERTISTESHTE FTOHTE PER DJALIN,
MBUSHENI SOBEN MOR TE URUAR !

NE ATE MEHALLE
NE KOHE ME TE MOCME
PRINDERIT E MI ISHIN DASHURUAR !

Nick , Ridgefield 10/20/200-

[ALBA]

36 VARGJE



A e di se,

Bashkë me ty

Cicërimat e zogjve

Çuditërisht symbyllur

Dua t'i dëgjoj ?

Dhe

Erën

Ëndërrat

Fantazitë

Gënjeshtrat e

Gjithçka tjetër dua të

Harroj !



I lumtur

Jam ,

Kur për ty ,

Lule zgjedh ,

Lloj lloj ,

Me kujdes

Në qoshen e Rrugës 34 e Avenjusë së 5 !



Njerëzve ?

Oh !

Patjetër jua them hapur :

Që kur jam me ty

Realiteti

Rreth e përqark

S'ekziston !

Shiu që bie s'më lag

Tërmetet që shkundin s'më lëvizin

Thashethemet s'më bezdisin !



Unë ndoshta i dashuruar jam

Vërtet !...Ashtu siç në gjí, qetësisht

Xixëllonja dritën mban ,

Xhevahiret shkëlqimin ruajnë ,

Yjet zjarrin kanë ,...ashtu ti pakuptuar

Zbrite të ndriçosh thellësitë e shpirtit tim

Zhurmëshuar !





SHQIPËRINË E DUA !

E dua Shqipërinë

Ku bukë, kripë e domate kam ngrënë

Nën hijet e pemëve ;

Ku freskuar jam

Dyshemeve të burgjeve komuniste ;

Ku këngët gjithmonë i kanë kënduar trishtimit ;

Ku ambienti është i ndotur nga tymi i cigareve,

Jo, nga industrializimi !



E dua Shqipërinë

Ku maskarejtë dhe banorët e ndershëm e trima,

Me gëzim fëminor, pranojnë gjithçka

Lindore e perëndimore ;

Gjysmë të uritur,

Gjysmë të gëzuar,

Gjysmë skllevër,

Gjysmë të harbuar !



E dua Shqipërinë kaq shumë

Para saj të vdes,dua !

Në kremator, hì më bëni ;

Në shishe më vini, atje më dërgoni ;

Nga qielli,

Mbi trupin e saj më lëshoni !

Shqipërinë e dua !

[ALBA]

AUTOBUZI I KOMBINATIT



Me gezim po shkoj ne pune !

Nga radioja e shoferit

(Iliria)

Zeri i Fiknetes bucet me zhurme.



Me gezim po shkoj ne pune !

Kenga fton.

Njerezit shtuhen

Era e djerses kundermon.



Punetore me buken e mbeshtjellur me gazete

Femije me canta shkolle ne duar

Dy gra zyrash qe perflasin dashnoren e shefit

Atje ne fund, ca ushtare te parruar.



-Perpara mor shok !- faturino bertet

Gjimnazistes tek dritarja, floket ja merr era

Nje jevge te cepi, i ka hequr kepucet

Dy hajdute xhepash, presin rastin tek dera .



Xhaja nga i turn' i trete, fle i qete

As shiu s'ka per ta zgjuar

(Kur bie shi,autobuzi s'le vend pa pikuar!)

Hej, autobuz i kombinatit

Per 30 qindarka, s'ke te paguar !



Kreshnik, Tirane, prill 1981

[ALBA]

Emri Kreshnik Ndreu,Vendlindja Tirane.Jeton ne New Jersey prej 1991.Inxhinier elektrik. Punesimi Colorite Polymers dhe part time Parmalat USA.Ka botuar dy libra me poezi. disa prej atyre po i postoj ketu poshte,sigurisht me leje te Autorit.




Ky eshte libri im i pare botuar nga Ilar , Tirane, Gusht 2001
POEMAT I DUA TE VOGLA

( Ne vend te parathenies )

Me lodhin poemat e medha
Pse faqe te tera zene ,
Stergjaten me ngjarje te parendesishme
E me te pandodhurat shkruajne epopene !

Eshte koha e poemave te vogla
Te thjeshta , pjese legjendash
Qe jetojne ne perjetesi !
Te vogla , qe cdonje mund ti kuptoje
Ti mbaj mend , permendesh ti recitoje
Ne pentagram ti vere , e ti kendoje !
Poema per kujtimet , femijerine
Mergimin e marrezine ;
Poema per diellin , rinine
Djersen e derdhur , pjekurine ;
Poema per gjakun qe vlon
E dashurine !

J A N A R

Ecem ne te ftohte
Rrugices se lagur,
Doren tende preka
Shpirtin e perflakur.

Teper te shkujdesur
Ishim ne me pare,
C’ndodhi me ne sonte
Cfare po ndodhte valle ?

Qe te dy e dinim
Por nuk flisnim dot,
Ish takim i pare
Emoncione plot .

Ndjenja ish kristal
Llave ne damar,
S’ishim me te vegjel
Dashuri e pare !

Frymen tende ndjeva
Ishte ftohte , Janar
Buzet preken buzet
Zemrat moren zjarr !

E N D E R R A

Kur qielli mbushet me re
Ti je dielli qe shkelqen.
Kur shiu fillon te bjere
Ti je ylberi ne qiell.

Mos me pyet pse !

Kur i lodhur vij , te pushoj
Ti je enderra qe shikoj.
Kur i vetem kthej goten
Ti e mbush tere boten.

Mos me pyet pse !

Kur koha fluturon , e ti prape mendohesh
Nje enderr te duhet qe te harrohesh.
Eja tek une , mos me ler vetem
Dhe enderra do te zgjase tere jeten !

Mos me pyet pse !

C I K L I

Ne fillim ishte dashuria ,
Dashuria beri nje sfere
Sfera u mbush me gjera
Oh ! Sa gjera !
Fillonte njera , mbaronte tjetra
Fillonte njera !
Gjerat kurre s’pushuan
U dashuruan !

MENDOJ PER TY

Sonte dua te jem vetem
E nuk dua asnjeri prane.
Nuk dua te ha , te pi , te shkruaj , te lexoj
Nuk dua te shoh T.V.
Nuk dua muzike te degjoj ,
Dua vec te mbyll syte
E per ty te mendoj !

INTERNET

Dua te te shoh
Enigme e fshehur
Andej pas ekranit.

Dua zerin ta degjoj
E veshin e mbaj
Akoma te hapur.

Dua te te prek
Edhe te nuhas
Aromen tende.

Dua ?! Shume mund te dua .
Ende ,…vec dicka mbetet
Atje ne ekran ; … Mesazhet e tua !

SA GABIM !

Dhe pse duheshin
Ne erresire ato s’thane asnje fjale.
Moment me i mire kurre s’do te vinte
Ishte pothuaj mesnate ,
Maj
Kur u ndane ,
E kur erresira ne jeten e tyre
Pergjithmone do te binte !

K T H I M

Sa gjate tu desh te ktheheshe
Dhe bari u rit kaq shume !
Jeta jetohet c’do dite - thoje -
E mban mend ?!
Ndaj tani ,
Dikush tjeter eshte ulur ,
Ne vendin tend !

K O R R I K

Korriku eshte i nxehte dhe plot drite
Zakonisht
Ndaj e zgjodhem per dasem dhe muaj mjalti
Normalisht
Menduam se ishte nje martese e shkelqyer
Fillimisht
Me vone e kuptuam se kishim gjykuar
Gabimisht
Konsultimet dhe parate e derdhura
Verberisht
Nuk munden ti kuronin ndjenjat tona
Shpirterisht
Ne plash vendosem te shkonim
Bashkarisht
Martesen e thyer ta riparonim
Mundesisht
Por dielli i Korrikut qe digjte
Barbarisht
Zemrat e thyera s’mund