Shumaker, "ylli" me 6 cepa

[VAZELOS]

Gjermani arriti të marrë në Suzuka pikën e tij të artë, që i dha titullin kampion

Fitore e bukur, spektakolare dhe e merituar. Të gjitha këto fjalë i dedikohen pilotit gjerman të Ferrarit, Majkëll Shumaker. Ai e ka përfunduar garën e Suzukës në vendin e 8-të dhe ka marrë kështu atë pikë të artë, që i duhej për të fituar titullin e 6-të kampion për pilotë. Me gjithë këto arritje, ai mund të quhet nga të gjithë tashmë njeriu-legjendë, ose simboli i Formulës 1.


Urime! Majkëll, ju keni thyer shumë rekorde të Formulës 1, por dje thyet rekordin e më të madhit, të Huan Manuel Fanxhios. Pra, keni arritur të fitoni titullin e 6?të kampion për pilotë. Mund të na i shprehni emocionet që ndieni?

Nuk mund të shprehem dot me fjalë. Ky ishte një sezon shumë i vështirë, një garë e vështirë dhe, të them të vërtetën, një nga sezonet e mia më të vështira. Gjithsesi, mendoj se më shumë vlen të përmendet puna e skuadrës. Dje ata bënë një punë të mrekullueshme dhe bënë të pamundurën për t'i futur të dyja makinat në zonën e pikëve. Rubensi bëri një punë të mrekullueshme, duke fituar garën dhe gjithashtu titullin kampion për konstruktorë. Ky ishte titulli ynë i 5-të radhazi, një gjë e rrallë që nuk ka ndodhur ndonjëherë. Për një moment isha disi në tension pas atij aksidenti. Gara u vështirësua shumë, pasi kisha përpara shumë trafik dhe makina të ngadalta. Më pas ndodhi incidenti me Ralfin, që më goditi nga prapa. Aktualisht jam duke menduar për skuadrën dhe për veten jam shumë i entuziazmuar. Dua të theksoj se të gjitha këto që kam arritur më bëjnë krenar.

Si u ndietë gjatë garës, kur ju informuan për Kimin, dhe sa e vështirë ishte për ju pas atyre incidenteve, si ai me Saton?

Mendova se gjithçka përfundoi në momentin kur u përplasa me Saton, por ishte fat që ai incident ndodhi në fillimin e garës. Për sa i përket lajmërimit, më thanë që Montoja kishte dalë jashtë dhe se Barrikeloja ishte përpara dy makinave McLaren. Pasi i mora vesh të gjitha këto, doja që të siguroja fitoren time, duke mbajtur vendin e tetë. Më duhet që të falënderoj dhe Barrikelon, pasi në një garë të Formulës 1 nuk i dihet asnjëherë se çfarë mund të ndodhë me makinën. Sfidat me Da Matën dhe Ralfin ishin vërtet shumë të vështira, më duhej ta mbaja me çdo kusht vendin e tetë.

Nga fundi i xhirove iu qëndruat prapa Da Matës dhe nuk tentuat më të parakalonit. Mos kishit ndonjë moment shpërqendrimi?

Ishte disi e vështirë, duke parë atë incident që ndodhi me Da Matën dhe Ralfin. Kur goditesh nga pas, siç më goditi ai mua, shpërqendrohesh disi. Asnjëherë nuk i dihet se çfarë problemi mund ta ketë shkaktuar. Pastaj qëndrova me atë ritëm, pasi doja ta kisha sigurt pozicionin ku isha. Pastaj, në mëndjen time kalonin shumë gjëra dhe, në të vërtetë, nuk dija se çfarë të bëja. Gjithsesi, më kryesorja ishte të mbaja pozicionin e 8-të dhe të ruaja makinën deri në vijën e finishit.

Si përfundim, ju ruajtët vendin e 8-të, morët një pikë, arritët fitoren e 9-të me Ferrarin, së bashku me titujt për konstruktorë. Mund të na jepni një përmbledhje përfundimtare për gjithë këto arritje?

Mund të them se, për mua, kjo fitore ishte disi e çuditshme, pasi pothuajse gjithmonë e kam fituar titullin kampion në përfundim me një fitore, ndërsa këtë herë e fitova me një vend të tetë. Të gjitha këto të ngarkojnë shumë me emocione. Për sa i përket titullit për konstruktorë që mori skuadra, mund të them se ishte i mrekullueshëm. Duhet t'u kujtoj të gjithëve garën e Hokenhaimit apo të Budapestit, ku të gjithë menduan se ne humbëm gjithçka. Por këtu në Suzuka u rikthyem dhe u konfirmuam si kampionë bote në fuqi. Ne nuk kemi hequr dorë asnjëherë, gjithmonë kemi luftuar dhe mendoj se kjo është një nga pikat e forta të Ferrarit. Secili te Ferrari jep ndihmën e tij. Ne jemi si një familje e madhe dhe për të gjitha këto që kemi arritur jemi krenarë.




Renditja e pikëve të përfundimit të sezionit 2003 për Pilotë dhe Konstruktorë

Pilotët

1. Mikael Shumaker - 93 Pikë
2. Kimi Raikonen - 91 Pikë
3. Juan Pablo Montoya - 82 Pikë
4. Rubens Barrikelo - 65 Pikë
5. Ralf Shumaker - 58 Pikë
6. Fernando Alonso - 55 Pikë
7. David Coulthard - 51 Pikë
8. Jarno Trulli - 33 Pikë
9. Jenson Button - 17 Pikë
10. Mark Vebber - 17 Pikë
11. Heinz-Harald Frentzen - 13 Pikë
12. Giancarlo Fisichella - 12 Pikë
13. Cristiano Da Matta - 10 Pikë
14. Nick Heidfeld - 6 Pikë
15. Olivier Panis - 6 Pikë
16. Jacques Villeneuve - 6 Pikë
17. Marc Gene - 4 Pikë
18. Takuma Sato - 3 Pikë
19. Ralf Firman - 1 Pikë
20. Justin Uilson - 1 Pikë


Konstruktorët

1. Ferrari - 158 Pikë
2. Williams-BMV - 144 Pikë
3. McLaren-Mercedes - 142 Pikë
4. Renault - 88 Pikë
5. BAR - 26 Pikë
6. Sauber - 19 Pikë
7. Jaguar - 18 Pikë
8. Toyota - 16 Pikë
9. Jordan - 13 Pikë

[VAZELOS]

.

[VAZELOS]

Shumi Kampion për të gjashtën herë

[VAZELOS]

Barichello, Braun, Todt dhe Shumi

[kolombi]

Nuk kam fjale qe te shprehem vetem perulem gjithe respekt prane sportistit tim me te dashur te te gjitha llojeve te sportit.

MICHAEL SCHUMAHER.

[Babe]

Me habit fakti qe nuk asnje qe ta mundi

[Permeti_Boy]

MICHAEL SCHUMAHER Eshte Asi i formula 1................Nuk kam c'te them .........nuk krahosohet.....me asnje......:P