Lajme kompiuterike

[Klevis2000]

LAJME KOMPJUTERIKE

Sony Clie pa tel

Duke vënë theks të posaçëm për mundësinë e ndërlidhjes pa tel, Sony prezentoi dy modelë të rinj të kompjuterëve të vet të dorës Clie. Modeli më i dobët, me shenjë PEG-UX40, ka mundësi të ndërlidhjes vetëm përmes Bluetooth-it, përderisa modeli më i fuqishëm, PEG-UX50, ka mundësinë e ndërlidhjes përmes rrjeteve lojkale pa tel Wi-Fi (802.11b). Këto dy aparate për punë shfrytëzojnë versionin 5.2 të sistemit operativ të Palmit, si dhe kanë disenj të ri i cili deri diku përkujton kompjuterin bartës miniaturial me ekranin i cili mund të rrotullohet për 180 gradë. Karakteristikat tjera përfshijnë ekranin me ngjyra me rezolucion 480x320, fotoaparat të integruar digjital, mbështetje për incizimin e zërit dhe reproduksionin e përmbajtjeve audio digjitale, si dhe mundësinë e zgjerimit përmes hyrjes Memory Stick. Aparatet në Japoni janë paraqitur gjatë muajit gusht, kurse në tregjet tjera pritet që kjo të bëhet në fillim të vjeshtës. Çmimi që pritet të jetë është përafërsisht 600 dollarë amerikanë për modelin e dobët, gjegjësisht 700 dollarë amerikanë për modelin me Wi-Fi.


Specifikat e kompjuterit të parë bartës me procesorin AMD Athlon 64


U publikuan informatat për Athlonin e parë 64-M të bazuar në kompjuterin bartës të cilin kompania Arima Computer Corporation do ta ofrojë në treg kah fundi i këtij viti.

Kompjuteri A520 tani më ekziston si prototip disa muaj, kurse e shfrytëzojnë ekspertët e AMD-së si demo makinë. Në atë mënyrë kompania e përmendur është bërë e para në botë e cila ka Athlon 64-M të bazuar në kompjuter bartës.

A520 mund të mbajë 1 GD DDR memorie, mund të porositet me ekran 15 apo 16" LCD si dhe me hard disk të madh prej 20 deri 60 GB. Për grafikë kujdeset çipi pak më i vjetër mobil Radeon 9000, gjë që me siguri do të ndryshohet në variantin përfundimtar. Nënkuptohet edhe DVD combo drive, 56k modemi, si dhe 10/100 megabit kartela e rrjetit.

Dimensionet e kompjuterit janë: 350x287x40,5 mm, kurse masa prej 3,4 kg.


Inteli planifikon të nxjerrë Celeron 2.70 GHz

Kompania më e madhe botërore për prodhimin e x86 procesorëve kompatibil, Intel Corporation, lajmëroi partnerët e vet për nxjerrjen e Celeron procesorit me shpejtësi prej 2.70 GHz kah fundi i gushtit, me çmim të paraparë prej 103 dollarë amerikanë.

Celeroni i ri gjithashtu do të punojë në përmbledhëse më të ngadalshme prej 400MHz Quad Pumped dhe edhe më tej do të ketë vetëm 128KB L2 cache memorje. Thënë ndryshe, perfomansat do t’i ketë deri diku sikur të rangut të Athlonit të vjetër XP1700+… Me prezentimin e procesorit të ri, anëtarët tjerë të familjes Celeron do të jenë më të lirë prej 7 deri 14%.

Nga ana tjetër, Athloni i sotëm, XP2700+ ka çmimin rreth 137 dollarë, e që pritet që deri në fund të muajit të bie në 103 dollarë. Me çmime të tilla, Inteli do të mund t’ua shesë Celeronin e vet super të ngadalshëm vetëm të paditurve totalë, të cilët për fat të tyre janë të shumtë…


Kolekcioni vjeshtor i Sony-t për video digjital


Sony prezentoi disa modele të reja të video kamerave digjitale të cilat së shpejti do të duhej të gjenden në tregun evropian. Modeli më i fuqishëm në aspekt të cilësisë së fotografisë është Handycam DCR-PC330 i cili dallohet me CCD prej 3,3 milion elemente të fotografisë. Në kompani pohojnë se ky është modeli i parë në treg me numër aq të madh të elementeve të fotografisë i destinuar për rrethin më të gjerë të blerësve. Për ata që më me rëndësi se cilësia e fotografisë janë dimensionet e vogla dhe disenji tërheqës është i destinuar modeli DCR-IP1 i cili ka madhësinë e pakos së cigareve dhe masë shumë të vogël. Në kompani pohojnë se janë përfshirë edhe shumë funksione avancuese të cilat deri atëherë kanë qenë të zakonshme vetëm te modelet shumë të mëdhenj, ndërsa kamera është mjaft e vogël dhe e lehtë për të hyrë në xhep të këmishës. Krahas këtyre dy modeleve të cilat video regjistrimin e incizojnë në video kaseta klasike, Sony prezentoi edhe dy aparate të cilat incizojnë drejtpërdrejtë në DVD disqe. Regjistrimi i incizuar në modelet Handycam DCR-DVD100 dhe DCR-DVD200 mund të reprodukohet pa pajisje shtesë në shumicën e DVD playerëve klasikë. Më shumë informata për aparatet e rinj të Sony-t në tregun evropian mund të gjeni në këtë adresë: <http://www.sony-europe.com>


Nero Burning ROM 6 i ri


Edhe pse Nero shumë shpesh është freskuar më shumë me përkrahjen e modelëve të rinj të CD/DVD shkruesve, erdhi koha për versionin plotësisht të ri me numër rendor 6, i cili sjell ca risi…

Nero 6 është një tog aplikacionesh të tubuara përreth Nero StartSmart ballinës. Drejtimi si dhe incizimi i DVD mediumit dukshëm është përmirësuar, që është fushë ku Nero deri tani nuk ka qenë aq e suksesshme. Nero 6 sjell aplikacione për përpunimin e audio përmbajtjeve, disenjimin e CD apo DVD coverit, optimizon perfomansat e diskut…


IBM dhe Adobe përmirësojnë sigurinë e Acrobat-it


IBM dhe Adobe u bashkuan me qëllim të shtimit të sigurisë së PDF datotekave në sistemet e IBM-së. Është interesante se siguria e shtuar do të realizohet përmes ndryshimeve hardverike. Adobe Systems ka përpunuar softverin e vet të popullarizuar Acrobat 6.0 ku ka ndryshuar kriptografinë e cila tani mund të shfrytëzojë çipin e vet sigurues të ndërtuar në kompjuterët e rinj IBM bartës dhe të tavolinës. Dokumentet e krijuara nga Adobe Portable Document Format (PDF) deri tani kanë mundur ta shfrytëzojnë teknologjinë Public Key Infrastructure (PKI) e cila shfrytëzuesve ua mundëson vënien e nënshkrimit digjital, kurse me shtimin e opcioneve të reja siguria e PDF-së do të ngrihet në nivel më të lartë.

Acrobat 6.0 shitet që nga muaji maj i këtij viti me çmim prej 299 dollarë për Standard edition dhe 449 dollarë për Professional edition.

SIS 661FX

SIS-i ka prezentuar chipset-in e ri për kompjuterë bartës i cili sjell përkrahje për përmbledhëse me procesor prej 800-megahercë të Pentium 4 dhe memorje DDR 400. Chipset shenjat M661FX ka edhe nënsistem të integruar grafik i harmonizuar me DirectX 9, i cili me memorjen komunikon përmes ballinës të cilën në SIS e quajnë Ultra AGP, që sjell lëshueshmëri prej 3,2 GB/s, kundrejt 2,16 GB/s te AGP 8x. Prodhimi masovik i chipset-it të ri ishte planifikuar të fillojë gjatë muajit gusht, ndërsa pllakat e para amë të bazuara në të priten gjatë shtatorit.


Lulëzimi i Bluetooth-it


Në vitin e kaluar janë shitur 35,8 milionë çipa për teknologji pa tel të cakut të shkurtër Bluethooth, pohohet në rezultatet e hulumtimit të tregut të kompanisë In-Stat/MDR. Këto shifra janë rritje prej 245% në raport me një vit më parë, kurse shkaku kryesor për një rritje aq të madhe është rënia e çmimit të çipave. Numri më i madh është mbindërtuar në telefonat celularë, por në In-Stat parashohin se gjithnjë e më shumë do të depërtojnë edhe në lëmenj tjerë siç është duke vazhduar rënia e çmimeve. Mesatarisht në nivel vjetor qarkullimi i realizuar me shitjen e çipave për Bluethoot do të duhej të rritet me shpejtësi prej 74%, ashtu që deri në vitin 2007 të arrijë nivelin prej 1,7 miliardë dollarë.