Manipulimet e zgjedhjeve!

[Albo]

Durrës, proces-verbali i KQZ, asnjë kuti votimi e rregullt

Gjatë seancës së djeshme të Kolegjit Zgjedhor për çeshtjen e Durrësit është bërë publik nga avokati i Avni Hoxhës proces-verbali themelor i KQZ-së, sipas të cilit asnjë qendër votimi në Durrës nuk ka pasur proces-verbale dhe tabela rezultatesh. Nga ky Kolegj është vendosur që më datë 5 nëntor të jepet vendimi për këtë çeshtje

Kolegji Zgjedhor ka vendosur datën 5 nëntor për të dhënë një vendim në lidhje me kthimin ose jo të procesit elektoral në qytetin e Durrësit. Ditën e djeshme nga avokati i kandidatit demokrat, Avni Hoxha është bërë publik dhe proces-verbali themelor numër 1463, i cili sqaron se në asnjë rast nuk ka pasur proces-verbale dhe tabela rezultatesh brenda kutive të votimit për Durrësin. Ky dokument ka shkaktuar mjaft reagime në sallë, sidomos tek përfaqësuesit e KQZ-së dhe Lefter Kokës, pasi dokumenti është cilësuar si i pamundur për t'u disponuar.

Dje Kolegji Zgjedhor nga ambientet e Gjykatës së Apelit ka hedhur poshtë kërkesën e KQZ-së dhe përfaqësuesit të Lefter Kokës për të shpallur në mënyrë të menjëhershme vendimin që lë në fuqi konkluzionin e KQZ-së se zgjedhjet në Durrës janë fituar nga Koka. Kjo Trupë gjyqësore ka pranuar të administrojë një sërë provash voluminoze të paraqitura nga pala e Avni Hoxhës, kandidatit demokrat për bashkinë e Durrësit dhe miratoi kërkesën për kohë në dispozicion të avokatit Avni Shehu për të shprehur pretendimet përfundimtare mbi procesin. Në provat e marra në konsideratë nga Kolegji zgjedhor bëjnë pjesë 3 kuti me lista të zgjedhësve të vitit 2001, 3 kuti të tjera listash paraprake të vitit 2003 si dhe 3 kuti listash të listave përfundimtare të vitit 2003. Janë marrë nën administrim tabelat krahasuese të listave mes dy zgjedhjeve të vitit 2001 e 2003 që tregojnë një diferencë prej 13 mijë zgjedhësish që nuk figurojnë në listat e lokaleve 2003. Tabela krahasuese që tregojnë se më shumë se 4 mijë zgjedhësve u është ndryshuar qendra tradicionale e votimit. Lista e të vdekurve prej 560 vetësh që tregon ndryshimin e vetëm në Durrës për 2 vjet, ndryshim që duke llogaritur edhe zgjedhësit e rinj që mbushin moshën 18 vjeç në asnjë mënyrë nuk e çon numrin e votuesve nga 86 mijë në 113 mijë si dhe përgjigjja e kryetarit aktual të bashkisë së Durrësit lëshuar në datën 27 tetor 2003 sipas të cilës bashkia e Durrësit në asnjë rast nuk ka dhënë apo dërguar informacion pranë KQZ-së për nevojat e Durrësit apo për ndonjë listë emrash që është shtuar nga KQZ.

Përveç këtyre janë edhe 1860 deklarata personale të noterizuara të votuesve të opozitës të cilët denoncojnë dhe konfirmojnë faktin se janë hequr qëllimisht nga qendrat e votimit në Durrës. Avokati i Lefter Kokës ka hedhur poshtë provat e paraqitura nga opozita duke i kërkuar Trupës speciale gjyqësore që të mos marrë parasysh sidomos deklaratat personale dhe tabelat krahasuese që sipas tij nuk kanë lidhje me procesin, pasi komisionerët e të gjitha qendrave të votimit kanë firmosur 7 me 0 në favor të rezultateve të deklaruara nga Koka.


--------------------------------------------------------------------------------

Prova, 600 qytetarë durrsakë votues në burg

Kolegji Zgjedhor ka marrë në shqyrtim ditën e djeshme dhe provën e paraqitur nga opozita se qindra qytetarë kanë qenë të shënuar si votues në burg. Me qindra qytetarë të Durrësit janë caktuar të votojnë në burgun e qytetit edhe pse kanë qenë të padënuar asnjëherë më parë dhe nuk kanë patur asnjë lidhje me këtë institucion. Çudia e lëvizjes dhe përcaktimeve skandaloze me listat zgjedhore ka nxitur Kolegjin Zjedhor që të merret me një çështje krejt të veçantë të procesit siç ka qenë prova e paraqitur nga pala opozitare për caktimin e 600 qytetarëve durrsakë si efektivë të burgut, por jo gardianë. Ky rast i cilësuar si i veçantë nga reagimet e Trupës gjyqësore ka qenë pamja e përgjithshme e një procesi elektoral të prishur në qytetin e Durrësit ku nga më shumë se 100 mijë votues pretendohet të shpallet kryetari i bashkisë me 15 mijë vota.


--------------------------------------------------------------------------------

Avni Hoxha: Prova tona provojnë manipulimin

Kolegji Zgjedhor është shprehur se administrimi i dokumentit të listave të gjendjes civile që gjenden në KQZ dhe që gjendja civile e Durrësit i ka dërguar këtij institucioni, nuk është i mundur. Po kështu është lënë e hapur edhe mundësia e thirrjes si dëshmitar të personave të ndryshëm që lidhen me procesin zgjedhor siç është rasti i Kujtim Koçiajt që është marrë me zbatimin e projektit të listave zgjedhore dhe që ka pohuar se në Durrës nuk është zbatuar projekti i duhur për listat e zgjedhësve. Po kështu mbetet për t'u parë nëse Kolegji Zgjedhor do të thërrasë edhe një ekspert të informatikës, i cili të bëjë krahasimet e listave zgjedhore mes dy zgjedhjeve si dhe të dhënat kompjuterike në data-base.

Por kandidati i PD-së për Durrësin Avni Hoxha ka sqaruar se edhe me provat e tjera të administruara nga Trupa gjyqësore vërtetimi i manipulimit është i sigurt. Ai deklaroi se provat e reja që nuk u morën parasysh nga Kolegji thjesht do të përforconin provat e manipulimit. "Megjithatë besoj se Kolegji Zgjedhor do të japë një vendim të drejtë në datën 5 nëntor në përputhje dhe zbatim të ligjit," është shprehur pas seancës Avni Hoxha.

[kafe_konjak]

Manipulime ne kulem. Koksit e PS po vazhdojne te ndalojn zhvillimin dhe zvilupimin e vendit tone. Eshte turp vallja qe ata hedhin eshte ne vend numro.

shame on them

[Albo]

Ngjela: U fallsifikuan procesverbalet

Kandidati i PD per Bashkine e Tiranes, Spartak Ngjela, ka depozituar dje ne organin e akuzes nje tjeter kallezim penal. Kete here behet fjale per anetarin e PSD ne KZQV e Tiranes, Pirro Simo. Sipas Ngjeles, ky i fundit ka falsifikuar firmen e kryetarit te komisionit ne disa prej procesverbaleve, numri i te cilave shkon deri ne 120. Pavaresisht nga keto deklarata, Ngjela nuk eshte shprehur i sigurt dje per qendrimin e tij ne adrese te komisionerit socialdemokrat, por provat, sipas tij, lene te dyshojne. Per kete arsye, Ngjela ka vendosur ti drejtohet zyrtarisht organit te akuzes per te vertetuar pretendimin ne fjale. "Konstatohen shkelje te renda ligjore. Une ia lej organit te akuzes ne dore, qe te hetoje mbi keto falsifikime. Shkelesit e ligjit duhet te ndeshkohen ligjerisht", ka deklaruar Ngjela. Por paralelisht me akuzat e Ngjeles, ka ardhur edhe reagimi i komisionerit te PSD, Pirro Simo. Ne nje deklarate per median Simo ka sqaruar se asgje nuk eshte e vertete ne deklaratat e Ngjeles, pasi, sipas tij, procesverbalet i ka dorezuar prane KQZ, kryetari i KZQV-se, i cili eshte perfaqesues i PD. Duke mohuar deklaratat e mesiperme te Ngjeles, Simo shtoi se "nuk behet fjale per manipulime. Ngjela flet per kohen e Nastradinit".

A. M

ZGJEDHJET-PPE

Mberrin misioni faktmbledhes

Ka mberritur dje ne Tirane nje zyrtare e sekretariatit te PPE (Partite Popullore Evropiane), Marina Skordelis. Misioni i saj do te jete faktmbledhes, lidhur me situaten politike ne vend. Ajo do te takoje drejtues te PD-se, te PDR-se e te PBDNJ-se. Vizita e saj kryhet ne kuadrin e iniciatives se Ballkanit Perendimor te PPE, te kryesuar nga shefi i "Demokracise se Re" ne Greqi, Kosta Karamanlis. Skordelis do te njihet me situaten ne vend, ecurine e integrimit europian te Shqiperise, si dhe qendrimet e partive vezhguese ne PPE, qe jane PDR e PD. Jashte temes se bisedimeve mesohet se nuk do te mbetet edhe kriza qeveritare aktuale, si dhe problemet e votimeve te 12 tetorit. Ne te njejten kohe do te vije ne Tirane per bisedime te ngjashme edhe shefi i zyres se Shkupit te fondacionit gjerman Konrad Adenauer, Andreas Klein.

A.M

[Albo]

Pse hesht KQZ për falsifikimin e formularëve "A-28"

Mbi 70 për qind e këtyre formularëve nuk janë firmosur nga z. Perikli Dhales - kryetari i KZQV-së për Bashkinë e Tiranës, por nga "dikush" tjetër, për të cilin është depozituar një padi në Prokurori.

Ilirjan Fatkoja

Më në fund pjesa bolshevike e KQZ, e cila ka ëndërruar ditën kur me një të ngritur të kartonit do të bënte "mrekullinë", e orientoi dje në mënyrë të paligjshme komisionin, përmes një vendimi të thjeshtë që të administrojë formularët A-28, me shpresën se përmes njohjes së tyre, do t'i hapte rrugën ligjërimit të të gjitha paudhësive që ishin gatuar prej njëzet ditësh nga të gjitha strukturat e saj paszgjedhore që nga qendrat e votimit e deri në KZQV-në e Tiranës.

Që ta bëjmë më të kuptueshëm çështjen në fjalë, më parë po ju bëj të ditur se cili është dokumenti në fjalë dhe përse u kërkua të administrohet ai. Në Ligjin nr. 9087, datë 19.06.2003, në nenet 109 dhe 110, në të cilat përcaktohen edhe objektet e punës për komisionerët e QV dhe KZQV-ve, asgjëkundi nuk përmendet formulari A-28.

Vetëm në një udhëzim të KQZ evidentohet ky lloj formulari, i cili i jepet kryetarit të QV nga ana e kryetarit të KZQV-së për të transferuar magazinimin e tërësisë së materialeve. Ndërsa dokumenti i vetëm ligjor, i cili vërteton ardhjen e materialit zgjedhor për shqyrtim në KZQV është Proces-Verbali që mban Sekretari i KZQV-së dhe që firmoset nga i gjithë komisioni. Duke respektuar të drejtën vendimmarrëse të KQZ-së, të shprehur përmes forcës së kartonit për ta marrë në shqyrtim këtë formular, u bë e qartë se ato do të shërbenin si prova të pakontestueshme për të ligjëruar futjen nga "dritarja" të dhjetëra tabelave të rezultateve që mungonin faktikisht, por që mund të silleshin dorazi tashmë nga shokët socialistë. Pavarësisht kundërshtimit me argumente të anëtarit të KQZ-së, zotit Doda, i cili u mbështet edhe nga anëtarët e KZQV-së së Bashkisë Tiranë, kryetari Celibashi urdhëroi fillimin e procedurës për shqyrtimin e tyre.

Por kryetari i KQZ-së gaboi kur lejoi të njihen si të ligjshëm ata formularë që shprehnin dorëzimin e materialit zgjedhor nga KZQV-të e minibashkive në KZQV-në e Bashkisë, pasi vetë formulari është ndërtuar në krijimin e raporteve KQV për KZQV! Dhe nuk bëhej fjalë për një e dy formularë, por për mbi njëqind të tillë. Punë e madhe! Me votim katër me dy, edhe këtij "kanali" iu bë ura e kalimit. Por e keqja e madhe do të dilte në pah vetëm mbas pushimit dhjetëminutësh kur...

Formularët A-28 me nr....

Dhe numërimi rroku më tepër se gjysmën e atyre formularëve, që ishin administruar nga komisioni i KQZ. Janë të pafirmosur nga unë - deklaroi Perikli Dhales, kryetari i KZQV së Bashkisë. Nënshkrimet janë të gjitha false - e përfundoi ai deklarimin e tij. Nënshkrimet false. Sigurisht kjo deklaratë bombë i befasoi të gjithë të pranishmit në sallë dhe në veçanti avokatin Dizdari dhe klientin e tij z.Ngjela - kandidatin për kryetar bashkie. Vetëm pjesa maxhoritare e komisionit të KQZ nuk e mori për të madhe këtë deklarim. Kryetari i KQZ, z.Celibashi me qetësi urdhëroi vazhdimin e leximit të këtyre formularëve, paçka se iu bë e ditur që kemi të bëjmë me një mori dokumentash të falsifikuara, të cilat duhen më së paku të ekspertohen, jo vetëm për të cilësuar vërtetësinë e deklarimit të personit zyrtar që bëri deklaratën, por edhe për faktin se nuk mund të merren në administrim dokumenta të njohura publikisht si të rreme. Kurajoja dhe guximi për të shkelur mbi një zonë të deklaruar "mina", është diçka më tepër se një gjest personal. Populli ka një shprehje, e cila mbase gjen vend edhe në këtë rast. "Fshati që duket, nuk do kallauz". Megjithatë kohë ka. Fshati vërtet duket... ashtu si dhe falsiteti provohet.

[lis]

E Merkure, 05 Nentor 2003


TIRANA, PROBLEMI I PROBLEMEVE

Nga Prec Zogaj

Ajo qe ka ndodhur e po ndodh me zgjedhjet ne Tirane eshte pertej perfytyrimeve standarte qe kane tashme shqiptaret per manipulimin e zgjedhjeve. Zgjedhjet e vitit 2003 ne kryeqytetin e Shqiperise nuk kane shembelltyre as ne historine tone, as ne historine e ndonje vendi tjeter europian. Te nesermen e l2 tetorit dhe ne ditet ne vazhdim, komisioneret e bashkise (KZQV) nuk moren ne dore nje verdikt te ruajtur e te pasqyruar me korrektesi, sipas dispozitave te Kodit Zgjedhor, por nje germadhe te vertete, nje germadhe ne imazhin e drejtimit pa ligj, pa din e pa imam te bashkise se Tiranes. C’kishte ndodhur? Historia do te kerkoje kohe por t’u treguar ne detajet me te imta. Sot, tre jave e gjysem pas 12 tetorit, njihen disa prej momenteve dhe personazheve te plojes. Pushtuesit e zgjedhjeve u sulen si nje hordhi arinjsh ne dyqanin e qelqurinave dhe atje, ne perpjekjen e marre per te kombinuar fitoren e trefishte te Edi Rames, rrezuan e shkaterruan gjithcka. Besonin se krimi i tyre do te kalonte me pasaporte fallco dhe me shkelje syri ne te dyja posblloqet, ne KQZV ne fillim dhe ne KQZ pastaj. Por punet u komlikuan kur kandidati demokrat, Spartak Ngjela shpalli fushaten e tij legale ne mbrojtje te votes se lire te qytetareve dhe kur, paralelisht, KQZV-ja e Tiranes dokumentoi shkaterrimin e procesit zgjedhor ne mbi tetedhjete perqind te qendrave te votimit. Tani, qe prej dhjete ditesh a me shume, kadavra e zgjedhjeve ne kryeqytet eshte trasferuar ne KQZ. Entuaziazmi i avoketerve dhe perralltareve te Edi Rames, qe mendonin se KQZ me shumice socialiste do te korigjonte me shpejtesi "vonesat" e KQZV-se me shumice demokratike, ka humbur busullen. Nuk eshte e thene qe duke qene socialist, do te mbash automatikisht ison e krimit. Megjithate, ne mjediset e mbyllura te KQZ-se ka filluar te luhet nje nga betejat me emblematike midis ligjit dhe antiligjit, shtetit dhe antishtetit. Ne fakt, ne betejen e Tiranes eshte koncentruar e gjithe problematika e shoqerise shqiptare me krimin dhe antikrimin, me korrusionin dhe antikorrupsionin, me pushtetin e votes se lire dhe pushtetin e votes se vrare...Tensioni eshte i madh brenda mureve te KQZ-se. Perballe te panjohurave qe levizin ne kufinjte fluide te ligjit dhe pabesive, rregullave dhe nderhyrjeve, avokat Ngjela me ndihmesit e tij po cojne perpara betejen per ligjin dhe voten e lire. Nuk mund te them se sa i vetedijshem eshte sot opinioni publik per rendesine e kesaj beteje historike, por shihet qarte se kjo beteje po del me shpejtesi jashte mureve te KQZ-se duke perfshire institucione, subjekte politike, individe te shquar. Pse kjo beteje ne KQZ? Nuk qenka KQZ me ligjin? Per te evituar perfundimet e nxituara le te referojme telegrafikisht disa nga zhvillimet me kulmore ne kete institucion.

Shimani dhe kater duar fusin krimin nga dritarja

KQZ kishte vendosur me vota unanime qe te zbatonte nenin l09 dhe nenin ll0 ne marrjen e dokumentav per shyrtim dhe vleresim. Kjo do te thote se KQZ pranon vetem dokumentat e ardhura nga KQZV e Tiranes. do dokument tjeter qe vjen ne rruge partie a kush djalli e merr vesh, refuzohet apriori si i paligjshem. Ne astin kur gjithka ishte vendosur sipas ligjit, ngrihet zoti Shimani dhe propozon qe te pranohen edhe formularet tip A-28 qe KQZV ua leshon KQV-ve poshte. Ne kete menyre Shimani kerkoi t’u hapte rruge dokumentave qe nuk kane destinacion KQZ-ne lart, por KQV-ne poshte. Perkthyer ne gjuhen e hileve, ky propozim u jepte mundesi militanteve socialiste te sillnin fare desheronin ne KQZ duke anashkaluar dispozitat e qarte te Kodit. Kater duart qe pak minuta me pare kishin votuar per zbatimin e neneve l09, ll0 u ngriten perseri dhe votuan kunder vetes se tyre, pra futen nga dritarja fare kishin nxjerre pak me pare nga dera. Ky votim tregoi me se miri abiguitetin e komisionereve te majte dhe madje nxorri ne shesh edhe karten qe ata donin te loznin. Me ikrikun e formularit A-28, ata kerkonin t’u shpifeshin dhe te penalizonin komisioneret demokrate te KQZV-se dhe prej ketu, me parimin "ku rafsha mos u vrafsha", te nxirrnin nje rrezultat thellesisht te fallsifikuar.

"Une them ujku, ti thua gjurma"

Se Shimani e ksihte patur qysh ne krye me te hedhur dhe se shoket e tij komisionere kishin mendje te keqe, pavaresisht se hiqeshin si " gjindje e pashkolle", u pa qarte ne seancen e dites se shtune. Filloi marrja ne dorezim e formulareve A-28 qe kishin sjelle shoket sociliste. Ne to, me nje guxim te artur, ishte vene edhe firma e Perikli Dhalesit. Ngrihet Perikliu dhe denoncon ne vend fallsifikimin e firmes se tij. Krimi ben mu ne mes te salles, skena behet paskajshmerisht absurde. Ngjela dhe avokati i tij Shefqet Dizdari kerkojne qe shqyrtimi i formulareve te fallsifikuar te nderpritet ne ast, ose KQZ t’i dergoje formularet per ekspertize grafike. Komisioneret e majte pergjigjen se i kane bashkuar te dyja eshtjet, ate te shpalljes se rrezultatit dhe ate te pavleshmerise, pra te shpallim njehere nje rrezultat, pastaj, po te kete kontest... Moj zonje, mor zoteri, do te thote " po te kete kontest"? Ja ku eshte kontesti, eshte personi i gjalle ketu qe thote me kane fallsifikuar firmen... Une them ujku, ti thua gjurma! Shiko, ta hedhim ne vote, pergjigjen komisoneret socialiste. Dhe keshtu, votohet a duhet vazhduar apo jo me formulare te fallsifikuar. Celibashi, Subashi, Shimani dhe Varfi ngrene duart si me komande. Me shumice votash fiton krimi. Ngjela paralajmeron kallzimin penal ne Prokurori.

Nje keqkuptim kuptimplote me Prokuronine

Te henen paradite Prokuroria mori kallzimin per nje krim ne veprim dhe jo per nje krim qe flinte. Per kete arsye pasditen e se henes vendosi sekuestron mbi formularet A-28 dhe mbi disa dokumenta te tjera. Ne KQZ, kush e di pse, hiqeshin sikur nuk e dinin gje per urdherin e Prokurorise dhe vetem pas kerkeses se Ngjeles, kryetari Celibashi ndepreu pese minuta seancen per te pare a kishte ardhur ndonje gje nga Prokuroria ne institucionin e tij. Ne rrethana te tjera, skena do te dukej qesharake, por brenda absurdit qe shoqeron ore e ast zgjedhjet ne Tirane, skena ishte e pritshme. Celibashi u kthye dhe lajmeroi me qere te prishur pezullimin e perkohshem te punes ne KQZ. E mbeshteten tre komisioneret e zakonshem. Megjithese urdheri i prokurorise nuk kishte te bvente fare me nderprerjen e punes.. Nuk e dinin kete juristet e ketij komisioni? Apo te gjithe kujdesen p-r te qene sa me te palexueshem!

Puna ne KQZ s’ka nisur akoma

Kur KQZ po merrte vendimin "e rende" te pezullimit te punes, komisioneri Klement Zguri propozoi qe te vazhdohej puna me dokumentacionin e ligjshem qe ka ardhur nga KQZV dhe qe nuk eshte zene me dore ende. Por uditerisht propozimi i tij u hodh poshte nga shumica. Me nje verberi te admirueshme, kjo shumice eshte e gatshme te sakrifikoje punen per materialet e ardhura ne rruge te paligjshme dhe qe per me teper rrezultojne te fallsifikuara! Ne te vertete puna ne KQZ nuk ka nisur akoma. Deri me sot KQZ ka ekperimentuar eksperimentin "Shimani", qe s’ka te beje fare me kerkesat e Kodit Zgjedhor. KQZ realisht do te filloje pune diten dhe oren kur te marre ne shqyrtim dokumentacionin e KQZV-se. Kete e di edhe komisioneri me i fundit ne Republiken e Shqiperise.

Celibashi, midis ligjit dhe antiligjit

Ambiguitetin (dykuptimesine) e punes se KQZ-se e shpreh me se miri qendrimi i kryetarit Celibashi. Ai sigurisht e njeh ligjin, por ne me shume se ne nje rast gjendet prane shtegut te antiligjit ne nje dileme gati te padeshifrueshme qe mund te jete politike, jetesore e tjere. Si ish gjyqtar, Celibashit nuk i falet qe ka vijuar shqyrtimin e formulareve te denoncuar per fallsifikim brenda ne seance nga P. Dhales. Celibashi ka leshuar urdherin 2121 qe kerkon marrjen en bllok te kutive te votimit nga disa njesi bashkiake. Ky urdher asgjeson formularet A-28 qe po shqyrton KQZ! Kontradiksionet nuk kane fund. Ne nje ane urdheri mund te interpretohej si nje perpjekje in ekstremis per te shpetuar fare mund te shpetohej nga procesi i shkaterruar i zgjedhjeve ne Tirane. Por urdheri mund te interpretohej edhe si nje justifikim per pushimin e paligjshem te kutive ne komisionet e njesive bashkiake ku edhe eshte realizuar ploja e madhe. Urdheri, sigurisht, nuk ka baze ligjore, por qellimet e tij te verteta dalin ne pah varesisht nga qendrimet qe mban kryetari i KQZ-se ne proces. Nese zbaton ligjin dhe vetem ligjin, kjo do te thote se urdheri i tij ka patur qellime te mira. Nese terhiqet nga antiligji, kuptohet se urdheri i tij ka patur qellime te tjera. Serish perballe Ngjela dhe Rama Eshte e vertete se me gjithe fare eshte vertetuar deri me sot rreth zgjedhjeve ne Tirane, figura e Rames eshte bere vulnerabel. Sigurisht, jo per kundershtaret e tij, te cilet e kane ditur me ke kane te bejne dhe nuk ndihen te befasuar ne asgje. Fjalen e kemi per fansat e tij. Duhet ta themi se ne thelb, beteja postzgjedhore ne Tirane eshte vazhdim i fushates zgjedhore, se perballe jane serish Ngjela i ligjit me Ramen e antiligjit. Pavaresisht se ashtu si ne fushate, Rama nuk e tregon fytyren, por perfaqesohet, hedh gurin e fsheh doren e keshtu me radhe. Ngjela dhe Rama jane perballe edhe ne nje kuptim tjeter me konkret. Kandidati socialist ka nje rol te dores se pare ne masakren me listat e zgjedhesve ne Tirane. Po ky kandidat eshte protagonisti i shkaterrimit te zgjedhjeve. Njerezit e tij dhe perfaqesuesit e tij kane fallsifikuar procesverbale, kane hapur kutite, kane zhdukur fletet e paperdorura e tjere e tjere, me shpresen e vjeter se edhe kjo " hiroshime" zgjedhore do te perfundonte ne amshim, ne analet e KQZ-se. Te gjitha " opsionet" e tjera sikur Rames ia beri Nano apo ndokush tjeter jane spekullime dhe sajime te perllogaritura qe synojne ose fshehjen e krimit, ose ertifikimin e krimit. Provat tregjne se manipulimet i ka bere Rama me shoke. Se c’ka ndermend Nano, ne nuk e dime dhe madje pak na intereson ta dime. Aleati yne eshte ligji. Ligji eshte ne kete moment aleati i kujtdo qe ka qene dhe eshte i interesuar per t’i dhene fund banditizmit dhe antiligjit ne zemer te Shqiperise.


Burimi: "Koha Jone"

[Albo]

Durrës: KQZ manipuloi me projektin e IFES

Sipas sekretarit të çeshtjeve ligjore në PD, një projekt i IFES ka shërbyer si alibi për manipulimin e KQZ me listat zgjedhore në Durrës. Sipas Rusmalit, projekti do zbatohej në Durrës, por ai ishte i papërfunduar dhe nuk mund të bënte identifikimin e plotë të votuesve

Sekretari ligjor i Partisë Demokratike Ilir Rusmali është shprehur shumë ashpër në lidhje me Kolegjin zgjedhor pas refuzimit të tij të marrjes parasysh të disa provave të reja të opozitës që lidheshin me numrin e votuesve. "Erdhëm këtu për të deklaruar pavlefshmërinë e zgjedhjeve në Durrës, sepse besojmë se ligji është shkelur deri në atë masë sa ka modifikuar rezultatin. Dhe për këtë listat kanë qenë problemi i parë. Duket se në këtë pikë ligji nuk u zbatua, as në formë dhe as në përmbajtje për hartimin e listave," është shprehur Rusmali. Ai deklaroi se për Durrësin KQZ ka pretenduar të jetë ndjekur një praktikë tjetër, e ndryshme nga qytetet e tjera, për shkak të një projekti dhe programi të papërfunduar të IFES, i cili është përdorur si alibi nga KQZ për të sqaruar se nga e ka marrë shembullin e hartimit të listave për Durrësin që gjithsesi është pohim i asaj që në Durrës listat zgjedhore nuk janë hartuar në bazë të regjistrit të gjendjes civile. "Projekti Pilot i IFES ka qenë i papërfunduar dhe s'mund të funksiononte në Durrës, pasi ai përmbante vetëm 50 mijë rekorde, pra zgjedhës plotësisht të mundshëm për t'u identifikuar dhe kjo konfirmohet edhe nga shkresa e KQZ-së, e cila sqaron se vetëm 47 mijë zgjedhës kanë qenë të identifikuar plotësisht nga KQZ në Durrës. Shihni pra se në ç'mënyrë ka punuar KQZ në Durrës," është shprehur Rusmali.


--------------------------------------------------------------------------------

Provat e paraqitura nga opozita për manipulimin

Dje gjatë seancës gjyqësore të paradites pala opozitare ka paraqitur para Kolegjit zgjedhor edhe një shkresë zyrtare të KQZ-së, e cila konfirmon pamundësinë e KQZ-së për të vënë në dispozicion, dokumente që do i shërbenin transparencës. Edhe pse formularët e marrë nga bashkia e Durrësit të tipit A 4 nga gjendja civile e Durrësit nuk janë më shumë se 47,125 fletë, por që fotokopjimi i tyre në situatën e KQZ-së do të donte të paktën 2 javë ndërkohë që procesi gjyqësor mbaroi dje.

1- Listat e zgjedhësve si akte administrative janë nxjerrë në kundërshtim me formën dhe procedurën e kërkuar nga ligji dhe në kapërcim të kompetencave ligjore. Vetë KQZ ka përcaktuar se zyrat e gjendjes civile hartojnë lista zgjedhore në bashkëpunim me sekretarin e këshillit bashkiak, duke plotësuar së bashku të dhënat e nxjerra nga regjistri i gjendjes civile.

2- Përpilimi i listës së zgjedhësve jo në bazë të regjistrit të gjendjes civile është mosrespektim i procedurës së kërkuar nga ligji. Siç parashikohet nga ligji, listat e zgjedhësve duhet të hartohen në bazë të listave të zgjedhjeve të mëparshme të rishikuara në zyrat e gjendjes civile.

3-Moszbatimi i projektit të miratuar nga vetë KQZ-ja në lidhje me njësinë zgjedhore Durrës. Në lidhje me këtë njësi zgjedhore përfaqësuesit e KQZ-së pretenduan se në hartimin e listave janë përdorur të dhënat e një programi të veçantë që është zbatuar për Durrësin në bashkëpunim me IFES. Nëse referimi është bërë për këtë, atëherë të dhënat duheshin të nxirreshin nga zyrat e gjendjes civile të bashkisë Durrës, por siç u vërtetua nga përgjigjja zyrtare e kreut të bashkisë Durrës, rishikimi i listave nuk është bërë nga regjistrat e gjendjes civile. Deri në muajin qershor projekti ka verifikuar 47,125 zgjedhës nga 113,752 që janë përfshirë në listat e votimit.

4- Mosregjistrimi i zgjedhësve në qendrën ku ka vendbanimin. Në bazë të Kodit regjistrimi i zgjedhësve duhet të bëhet në qendrën e votimit ku kanë vendbanimin e tyre. Nga provat e paraqitura rezultoi se 4400 zgjedhës janë regjistruar jashtë qendrave të votimit ku kanë patur banimin.

5- Mosrespektimi i formës së kërkuar nga ligji. Kodi i ri zgjedhor përcakton se listat e zgjedhësve firmosen dhe vërtetohen nga kryetari dhe sekretari i bashkisë apo çdo njësie të qeverisjes vendore. Por siç pohoi përfaqësuesi i KQZ-së dhe dokumentat e lëshuara nga bashkia Durrës, për listat e zgjedhësve në këtë bashki nuk është respektuar kjo formë. Në rastin konkret listat nuk kanë asnjë nënshkrim as të punonjësit të organit që ka nxjerrë aktin, as të regjistruesit të organit kolegjial, të kreut të KQZ-së në rastin konkret.

6- Miratimi i listës së zgjedhësve nga ana e KQZ-së është kapërcim kompetencash. Miratimi i listave të zgjedhësve nga KQZ dhe jo nga kryetari dhe sekretari i bashkisë së qytetit të Durrësit bën që akti i nxjerrë nga organi administrativ të jetë në kapërcim të kompetencave të tij.

7- Mosrespektimi i formës së procedurës të kërkuar nga ligji për listat e zgjedhësve si dhe kapërcimi i kompetencës ligjore që i bën listat e zgjedhësve akte absolutisht të pavlefshme. Neni 116 i Kodit të procedurës Administrative.

8- Pavlefshmëria e listave të zgjedhësve përbën shkak për pavlefshmërinë e të gjithë procesit zgjedhor.

[Albo]

Zbulohet procesverbali i fshehur nga socialistët

Ditën e djeshme është bërë publik dhe një procesverbal që ishte cilësuar i humbur nga socialistët. Bëhet fjalë për procesverbalin e njësisë bashkiake numër gjashtë, mbajtur sipas udhëzimit 2121. KQZ, pas kësaj, ka ndërprerë punë, ndërkohë që komisionerët socialistë janë shprehur se nuk janë në gjendje të verifikojnë firmat e tyre

Komisionerët e opozitës në KZQV-në e Tiranës kanë zbuluar dje para KQZ-së, një procesverbal të ligjshëm, i cili ishte fshehur nga komisionerët socialistë. Procesverbali i hartuar sipas udhëzimit 2121 të datës 14 tetor 2003, kishte të bënte me marrjen në dorëzim nga ana e KZQV-së së njësisë të të gjithë bazës materiale nga qendrat e votimit.

Dorëzimi i këtij dokumenti ka detyruar KQZ të ndërpresë punën për 24 orët e ardhshme. Komisioni ka vendosur që ta fillojë punën vetëm nesër në orën 17:00 të pasdites. Dokumenti i mbajtur fshehur nga socialistët është kërkuar që në fillim, por ka qenë e pamundur për t'u gjetur. Denoncimi publik ka tërhequr vëmendjen e komisionerëve, të përfaqësuesve ndërkombëtarë dhe të medias. Edhe pse komisionerët e opozitës kanë deklaruar se dokumenti ekzistonte, nuk është gjetur në analet e KQZ-së. Socialistët kanë mohuar vazhdimisht ekzistencën e tij. Ky dokument është marrë fillimisht nga përfaqësues socialistë të KZQV-së së njësisë numër 6 në Kombinat, të cilët kanë refuzuar të japin origjinalin për palën opozitare në zbatim të ligjit, por u kanë dhënë atyre fotokopjen e noterizuar. Dokumenti është siguruar në mënyrë të tërthortë nga opozita. Nëse ai do të ishte paraqitur që në fillim të procesit të punës së KQZ-së, do të ishte baza mbi të cilën ky institucion do të operonte për të parë edhe gjendjen e kutive dhe rregullsinë e procesit.

Kryetari i KQZ-së Celibashi tha se dokumenti i paraqitur nga pala e avokat Ngjelës është proces verbali i mbajtur nga KZQV e njësisë sipas udhëzimit 2121, datë 14 tetor, për dorëzimin e bazës materiale zgjedhore nga qendrat e votimit tek KZQV e njësisë. Pretendimet e tre komisionerëve socialistë kanë qenë se ky dokument nuk ka ekzistuar dhe nuk ekziston, ndaj edhe kanë vënë në lëvizje mbushjen e formularit A 28, i cili u gjet i falsifikuar që në mbrëmjen e së shtunës kur ai u administrua nga KQZ. Në këtë mënyrë KQZ është gjendur përballë një prove të re, të fshehur qëllimisht nga komisionerët socialistë, sepse vulat që kanë vulosur këto proces verbale të gjetura kanë qenë vetëm përgjegjësi e sekretarit dhe dokumenti ka patur tre vula dhe jo një. Pas kësaj ngjarjeje KQZ u ka kërkuar anëtarëve socialistë të komisionit dhe veçanërisht sekretarit dhe nënkryetarit të KZQV-së Tiranë, Hazis Meta dhe Aleks Zyba të konfirmojnë firmat e tyre dhe përgjigjja e marrë ka qenë se nuk janë në gjendje të bëjnë verifikimin e firmave të tyre në atë moment duke krijuar të qeshura në sallën e mbledhjes së KQZ-së. Pas këtyre zhvillimeve KQZ ka ndërprerë procesin për 24 orë dhe ka lënë kohë për shqyrtimin e këtij dokumenti ligjor që është paraqitur si provë dhe duhej të ishte dorëzuar që në momentin e parë tek KQZ plus formularëve A 30 dhe 29 që lidhen me procesin në Tiranë.


--------------------------------------------------------------------------------

Opozita: Kemi zbuluar dhe pesë procesverbale të tjera

Dokumenti i paraqitur dje nga opozita nuk është i vetmi, pasi është paralajmëruar se nëse socialistët e KZQV-së Tiranë nuk do të jenë të sinqertë dhe të rregullt me moralin dhe të tregojnë të gjithë të vërtetën për procesin, opozita do të dorëzojë edhe 5 proces verbale të tjera të KZQV-ve të njësive bashkiake për të vërtetuar se ata qëllimisht nuk kanë zbatuar ligjin, pasi kanë qenë në disfatë të plotë elektorale, megjithë parregullsitë në lista dhe gjithçka tjetër. Pala opozitare u ka kujtuar komisionerëve socialistë se tashmë për dy prej tyre ka akuza konkrete siç është rasti i falsifikimit të firmës së Dhalesit nga Pirro Simo, por edhe padia e Ngjelës kundër Hazis Metës për falsifikime. Ky bagazh i rënduar procesesh do të jetë edhe më shumë i ngarkuar thonë opozitarët nëse komisionerët socialistë nuk heqin dorë nga manipulimi dhe mos zbatimi i ligjit.


--------------------------------------------------------------------------------

Dhales: Simo mbante në mënyrë të paligjshme formularët A 28

Kryetari i KZQV Tiranë, Perikli Dhales, vazhdoi denoncimin për falsifikimin e firmës së tij në rreth 123 tabela rezultatesh. Dhales u shpreh i bindur se gjatë shqyrtimit të dokumentacionit zgjedhor në KQZ të shtunën në mbrëmje ishin konstatuar këto shkelje. Sipas tij nuk ka dyshim që firma është falsifikuar nga komisioneri i PSD Pirro Simo, i cili vazhdimisht ka mbajtur formularët A 28 në mënyrë të paligjshme. Ai tha se ato ka për detyrë që t'i mbajë vetëm sekretari i KZQV, i cili nuk mund të përjashtohet nga përgjegjësia e falsifikimit, pasi i ka vulosur ato me dashje, ose i bindur që Dhales nuk i kishte firmosur. "Them me përgjegjësi se Pirro Simo është edhe falsifikatori i rezulatit të zgjedhjeve të para tre viteve të 1 tetorit 2000. Tashmë ky falsifikim është evident. Rast pas rasti do të evidentojmë edhe falsifikime të tjera. I mbetet organit të akuzës ku ne kemi depozituar akt padi që të veprojë sipas ligjit," tha Dhales. "Gjithsesi jam i bindur që pretendentët nuk do të arrijnë të falsifikojnë të vërtetën. Procesi zgjedhor i 12 tetorit në Bashkinë e Tiranës tashmë ka rënë. Pritet vetëm reflektimi i drejtë i vendimmarrësve që të shpallet pavlefshmëria e tij," pohoi Dhales.

[Albo]

Opozita: Zgjedhje "nën thundrën" e kartonave të KQZ

Përfaqësuesit opozitare në KQZ dhe në KZQV-në e Tiranës deklarojnë se vullneti i popullit nuk ka më vlerë përballë përballë mekanizmit të votës në KQZ dhe rolit të vendimmarrjes së këtij institucioni. Ata kanë sjellë si shembull për këtë pohim rastin e mosshpalljes nga KQZ të pavlefshmërisë së rezultatit në një komunë si Temali në qarkun e Shkodrës, në të cilën kutia e votimit kishte rënë në lumë gjatë transportit. Por KQZ i ka vlerësuar zgjedhjet si të rregullta me pretendimin se kutia vërtet është mbytur në lumë, por ka shpëtuar tabela e rezultateve të kutisë 143 të kësaj komune. Gjithashtu ajo nuk ka vlerësuar as deklarimin e kreut të KZQV-së së Temalit dhe vëzhguesve të pranishëm në zgjedhje se në qendrat e votimit numër 140, 142 dhe 143 nuk janë zhvilluar zgjedhje, pasi kutitë e votimit ishin rrëmbyer që në orën 10 të mëngjesit mes krismave të pushkëve. Por vendimmarrja dhe ngritja e dorës në variantin 5 me 2 për KQZ-në e ka konsideruar të rregullt procesin.

[Shpirt Njeriu]

Epidemia e trafikimit të votave

Teknikat klienteliste në rekrutimin (më poshtë, me “rekrutim” nuk është mëkat të nënkuptoni edhe “blerje”) e mbështetësve janë tashmë një dukuri e pranishme prej më shumë se dhjetë vitesh në politikën shqiptare. Këto teknika nuk janë të rafinuara kushedi se çfarë, gjë që dëshmon se një pjese të madhe njerëzish politikë u ka plasur cipa fare, ndërsa bëjnë të gjitha përpjekjet për t’u graduar me një pozicion më tepër në karrierën e tyre apo për të ruajtur pozicionin politik që kanë (kryesisht, për të korrur përfitime e privilegje legale e jo legale). Kohët e fundit, kjo gjë po bëhet aq hapur e aq pa stil, gjë që do të thotë se rekrutuesve e të rekrutuarve u duket një veprim i tillë një dhelpëri normale politike. Shumëkush nuk e ka për gjë që, pasi tradhton në mënyrë të bujshme kauzën, miqtë, bashkëpunëtorët, votuesit, të dalë e të shesë dëngla e teorira nëpër ekranë televizionesh e nëpër faqe gazetash me qetësinë e vetësigurinë e mëparshme. Qëllon shpesh që ata, të cilët i vëzhgojnë e i gjykojnë nga jashtë këto gjeste imorale të konsumuara ditën me diell, t’i kalojnë në heshtje si të bëhej fjalë për çikërrima të parëndësishme. Një pjesë e madhe e përligjin këtë si një sjellje politike pragmatiste, por nuk mungojnë edhe ata që, jo vetëm e përligjin, por edhe e vlerësojnë si një sjellje natyrale e inteligjente. Nuk bëhet fjalë që të gjallojë ndonjë merak mbi ethosin e përdhosur të kësaj shoqërie, mbi deontologjinë e gjymtuar të demokracisë apo mbi integritetin e cënuar moral të individëve të caktuar, të cilët kanë marrë përsipër (janë votuar për) administrimin e pushtetit e bërjen e politikës.
Ishte edhe tragjike, edhe komike, situata e para dy javëve kur, ndërsa në Parlament votoheshin dy dekrete të presidentit mbi emërimin e ministrave të munguar, do deputetë të opozitës ishin zhdukur pa nam e nishan si të ishin gishtoja i përrallave shqiptare e ndonjë tjetër (po i opozitës) votoi pro dekreteve. Personalisht, nuk mund ta përfytyroja një skenar të tillë, ku deputetë të opozitës të bënin lojën e një kryeministri me maxhorancë të gjymtuar, dhe për këtë arsye, sefte isha i prirur ta merrja këtë si një sendërgjí mediatike. Por të nesërmen, ishte kryetari i një partie të vogël që doli para gazetarëve për të denoncuar faktin. Dhe pikërisht në konferencën për shtypin, ky kryetar partie, me shqetësimin e pamjen e një 007-e, na bëri me dije se kish bërë ç’është e mundur gjatë gjithë ditës të lidhej telefonikisht me x-in e y-in, por kish qenë e pamundur. Madje, i kishin kërkuar edhe në shtëpi, por gratë e fëmijët nuk kishin asnjë informacion mbi “harbimin” e tyre extra familjar e extra martesor. Policia gjithashtu nuk ish në gjendje të jepte asnjë të dhënë mbi mungesën e tyre. Duket si një fiction i Agatha Christie-it.
Nuk është se këta deputetë të opozitës u bashkuan me kryeministrin a me maxhorancën për miratimin e, fjala vjen, një ligji të caktuar, ku “tradhtia” ndaj vendimit e interesave të grupit të tyre do të legjitimohej me një optikë e me një qëndrim personal të ndryshëm. Jo, këta bashkuan votat me kryeministrin për një çështje, ku çdo bashkim votash i opozitës me maxhorancën është absolutisht një non sens, dhe në një kohë, që deputetë të maxhorancës kishin objeksione serioze e të rënda ndaj procesit të filtrimit të kandidatëve për ministër. Nuk është e drejtë të flasësh për blerjen apo shitjen e tyre pa patur fakte në dorë, por nuk mund të fshihet që veprimi i tyre ishte dhe është gjithë ditën e ditës vetëdenoncues. Edhe sikur realisht të mos jenë blerë, këta deputetë duhen damkosur si turpi i shoqërisë sonë, duhen shigjetuar si politikanë të pistë e duhen dekurajuar në tentativën për t’u rishfaqur në publik. Opozita, e cila nuk ka munguar të denoncojë edhe akte korruptive të hamendësuara e të padokumentuara të pushtetit, nuk arriti të artikulonte qoftë dhe një “fletë-rrufe” kundër deputetëve të vet që flirtuan poshtërsisht me kryeministrin në nevojë.
Sa më sipër, nuk më erdhi në mendje kuturú. Këto ditë, e njëjta dukuri po vihet re brenda maxhorancës, dhe janë të gjitha gjasat që, çfarë ka filluar të shfaqet në mënyrë embrionale, të marrë përmasa të frikshme pak para kongresit apo në ditën e kongresit. Eshtë fjala për rekrutimin e anëtarëve të KPD-së, firmat e të cilave u vlejnë kandidatëve për kreun e PS-së për të siguruar të drejtën e pjesëmarrjes në konferencat e rretheve, dhe më pas rekrutimin e delegatëve, firmat e të cilëve duhen për të legalizuar kandidimin në kongres. Të krijohet përshtypja se edhe përcaktimi i rregullave të kandidimit është bërë në mënyrë të tillë, që gjithsekush të ketë mundësinë (ose të mos ketë rrugë tjetër, veçse) të blejë e të blihet. Dy-tri lajme, të cilat na kanë bërë me dije se filani apo fisteku e kanë anuluar vullnetin fillestar për të firmosur në favor të njërit apo tjetrit, dëshmojnë mbi presione eventuale që janë ushtruar mbi këta anëtarë të KPD-së. Nuk duhet të çuditemi, nëse nesër do të lexojmë mbi konvertime meidani-stësh e rama-istësh në nano-istë, apo edhe anasjelltas. Duket se asnjë ide, program e alternativë nuk vlen në garën për të fituar kreun e PS-së. Kongresi do të jetë një farsë, sepse gjithçka do të vendoset nga trafiku i votave, bash ashtu si po përgatitet zgjatja e jetës së qeverisë së sotme me votat e opozitarëve të PDR-së. Kjo është politika shqiptare.

[Albo]

Zogaj: Komision hetimi për vendimet e KQZ-së

Darina Tanushi

TIRANE - Deputeti Preç Zogaj kërkoi dje në Kuvend ngritjen e një komisioni hetimor parlamentar me një afat 7 ditor me qëllim hetimin e punimeve të Komisionit Qendror të Zgjedhjeve në datën 12 nëntor. “5 deputetë deklarojnë se është shkelur Kodi Zgjedhor në datën 12 nëntor. Në këtë datë, kryetari i KQZ-së, Ilirjan Celibashi bashkë me anëtarët, Dëshira Subashi, Pandeli Varfi dhe Maksim Shimani kanë shkelur nenet 109,110 dhe 156 e Kodit Zgjedhor”, -tha Zogaj. Ai sqaroi se 5 deputetë të opozitës do të paraqesin kërkesën për ngritjen e një komisioni hetimor që brenda 7 ditëve të hetojë 5 votimet që janë zhvilluar në datën 12 nëntor. Sipas deputetit Zogaj, pesë anëtarët e KQZ-së kanë votuar dy herë nenet e Kodit Zgjedhor, madje me shumicë votash i kanë rrëzuar ato. “Ndaj dhe duhet të merren masa nga Kuvendi sepse Prokuroria nuk është ndjerë për faktet që ne kemi depozituar”,- tha Zogaj.