Manipulimet e zgjedhjeve!

[drini_në_TR]

Pianisti, të lumtë!

Ke shkruar një mesazh shumë kuptimplotë, sa për mija vetë ta kishin shkruar bashkë! Të lumtë për çfarë ke thënë, tamam të vërtetën dhe më të sinqertën.

Sinqerisht,
Drini.

[Albo]

Reformatoret: Po na vjedhin votat

Kandidati i Partise Demokrate per kryebashkiak te kryeqytetit, Kreshnik Collaku, ka shprehur shqetesim per zvarritjen e shpalljes se rezultatit te zgjedhjeve per Bashkine e Tiranes. Sipas tij, vezhguesit e PDR ne KZQV e Tiranes, kane konstatuar se mbi 50 % e kutive te votimit jane me probleme serioze. Collaku sqaron se, ne kutit e votimit mungojne nje varg procesverbalesh dhe se fletet e votimit te paperdorura, ose mungojne, ose nuk jane fare. "Nuk rakordojne shifrat per fletet e votimit te vlefshme apo te pavlefshme. Proces- verbalet dhe vulat jane jashte kutive te votimit", ka nenvizuar Collaku. Sipas tij, ka rezultate mjaft te cuditshme, pasi socialistet po perpiqen te ndihmojne partite aleate ne proporcional. Kandidati i PDR deklaron se, pre e ketyre vjedhjeve jane votat e reformatoreve, per faktin se kjo parti nuk ka pasur as komisionere, por edhe as aleate qe te mbrojne votat e saj. "PS po perpiqet te beje shumicen ne keshillin bashkiak me keto vota. PS duke perfituar nga avantazhi i rezultatit te Rames ne Tirane, si dhe nga vleresimet pozitive te faktorit nderkombetare per procesin zgjedhor, po e shfrytezone kete periudhe per te manipuluar votat ne keshillin bashkiak. Pra per te krijuar shumicen ne kete keshill. Viktime e kesaj eshte PDR", ka nenvizuar Collaku. Sipas tij, PS i ka vjedhur votat, ndersa PD ka heshtur per pazare mjaft te dyshimta.

[ALBA]

Durrës, KQZ manipulon shifrat e votuesve

Në faqen zyrtare të KQZ në internet publikohet shifra e pjesëmarrjes në votime në bashkinë e Durrësit prej rreth 37 mijë votuesish, kur në procesverbalin e KZQV të Durrësit është shënuar se ky numër ka qenë 30 mijë. Po kështu është rritur dhe përqindja e atyre që kanë votuar, nga 27 përqind në 33 përqind

Vetëm tre ditë pas votimit dhe kontestimit që i është bërë këtij procesi nga PD e Durrësit në garën për kreun e kësaj bashkie, ku mijëra banorë u paraqiten për votim dhe nuk e gjeten dot emrin, ka qenë KQZ e cila ka bërë hapin e dytë drejt një tjetër manipulimi. Kështu në pasditen e ditës së enjte në faqen e internetit të KQZ (vvvvvv.cec.org.al) numri i votuesve për bashkinë e Durrësit ishte 37468. Rasti në fjalë duket se nuk është koinçidencë, por një tentativë për manipulimin e dytë të procesit, i cili tashmë është kontestuar një herë. Rasti në fjalë duket se ka kontestimin e parë nga vetë procesverbali i KZQV së bashkisë së Durrësit ku numri i votuesve është rreth 30 mijë. Por duket se manipulimi i procesit nuk ka mjaftuar me kaq dhe shtimi artificial i numrit të votuesve sipas KQZ nuk është një rastësi, por një tendencë për të bërë sa më bindës rezultatin. Kështu ndërsa votimi real në Durrës kap shifrën e 27 përqind, sipas numrit të votuesve në Durrës nga KQZ pjesëmarrja e votuesve është 33 përqind. Madje për koinçidencë edhe pse me një diferencë prej një vote, edhe numri i përgjithshëm i votuesve ndryshon nga listat që janë sjellë në Durrës dhe nga ato të shpallura nga KQZ. E gjithë kjo sipas drejtuesve lokalë të PD dhe shtabit të kandidatit Hoxha, është një tjetër dëshmi e manipulimit që i është bërë procesit, por edhe një mënyrë për të maskuar rezultatin e arritur ku nga rreth 113 mijë votues, vetëm 27 përqind e tyre mori pjesë në votime dhe kjo në një kohë kur mijëra të tjerë janë paraqitur në votim dhe nuk kanë gjetur emrin. Ndërkohë që PD e Durrësit ka bërë të ditur mbledhjen e një sërë faktesh, të cilat dëshmojnë se procesi i zgjedhjeve ka qenë i manipuluar ndërsa listat kanë shënuar një nga masakrat më të mëdha që i është bërë ndonjëherë këtij procesi. Ndërsa ka filluar interesimi për atë që ka ndodhur në KQZ, burime nga PD kanë bërë të ditur se aktualisht janë mbledhur rreth 4000 mijë firma nga vetë qytetarët, shumica e të cilëve ka mbajtur radhë për të denoncuar mohimin e votës. Ndërkohë që ky proces vazhdon ende dhe pritet që numri të shkojë në mbi 6000 mijë vetë që janë paraqitur në qendër të votimit dhe që nuk kanë gjetur emrin, kur në fakt e kanë pasur vetëm pak ditë më parë.

Marre nga gazeta Tema

[Albo]

KZQV: Tirana, drejt ripërsëritjes

Mësohet se qysh në kutinë e parë të votimit nuk ka pasur asnjë fletë votimi, por thjesht një fletë rezultatesh ku ishte shënuar numri i votave për kandidatët kryesorë. Në orën 23:30, zhbllokohet situata dhe fillon shqyrtimi i nxjerrjes së rezultatit. 5 kutitë e para, të pavlefshme. E pamundur të nxirret rezultati

Socialistët kanë bllokuar punën e KZQV-së së Tiranës, pasi kanë tentuar që të kalojnë si të rregullta votat e një qendre votimi të njësisë bashkiake numër katër, të cilat nuk kanë qenë aspak brenda standardeve ligjore. Mësohet se në kutinë e votimit nuk ka pasur asnjë fletë votimi, por thjesht një fletë rezultatesh ku ishte shënuar numri i votave për kandidatët kryesorë. Bëhet e ditur se numri i votave ishte rreth 300 për Edi Ramën dhe rreth 90 për kandidatin demokrat, Spartak Ngjela. Pasi komisionerët socialistë kanë tentuar që të kalojnë këtë parregullsi kanë hasur në pengesën e bërë nga komisionerët e opozitës. Ata kanë kërkuar që konform rregullave, ky problem të hidhej për votim. Sipas votimit ka rezultuar se nuk mund të pranohej një kuti e tillë. Pas kësaj tre anëtarët socialistë janë larguar nga komisioni duke bojkotuar punën. Mësohet se ata janë larguar për t'u këshilluar me Komisionin Qendror të Zgjedhjeve. Më pas është larguar dhe një tjetër sekretar i këtij komisioni. Tashmë është denoncuar publikisht nga përfaqësues të opozitës se mazhoranca synon vonimin e procesit sa më shumë, në mënyrë që të justifikohet ndërhyrja e KQZ-së ku socialistët i kanë 5 votat për të shpallur Edi Ramën kryetar bashkie, edhe pse parregullsitë në mbi 90% të kutive të votimit janë të evidentuara. Këtij bojkoti të institucionit, pa shkak, i ka paraprirë ajo e sekretarit socialist të KZQV-së së Tiranës, i cili mezi arriti të zëvendësohej pas 18 orësh nga deklarimi i tërheqjes së tij. Nga ana tjetër komisionerët e opozitës kanë kërkuar që të gjitha kutitë që nuk janë të shoqëruara me proces verbale, të shpallen të pavlefshme. Edhe pse kjo nuk ka mundur të kthehet në vendim, pasi vendimmarrja nuk ka shkuar më shumë se 4 me 3 nga 5 me 2 që kërkon ligji. Komisionerët e opozitës kanë thënë se nuk do të pranojnë më kuti të pashoqëruara me procesverbale brenda tyre. E gjithë "rrëmuja" është komentuar në mënyra të ndryshme nga palët, por KQZ ka kërcënuar komisionerët e KZQV-së në shumicën tyre opozitarë, me gjoba 20 mijë lekëshe. Kjo gjobëvënie është hedhur poshtë nga anëtarët e KZQV-së. Kryetari i KZQV Tiranë, Perikli Dhales, është shprehur se KQZ kishte në dorë zyrtarisht një kërkesë për shtyrjen e afatit të kërkuar nga ata për shkak të vonesave që u krijuan në dorëzimin e kutive të votimit, jo për faj të KZQV-së. "Gjobën nuk kam pse e paguaj se aktualisht puna është bllokuar për shkak të maxhorancës dhe unë jam në këto orë i papunë. Kur të filloj të punoj, prapë mund të shlyej KQZ-në", është shprehur Perikli Dhales.

[Albo]

Manipulimi: Vetëm në 12 qendra votimi, nuk lejohen të votojnë mbi 2300 zgjedhës

Partia Demokratike ka filluar që të bëjë seleksionimin e të dhënave për qendrat e votimit në Tiranë. Sipas disa të dhënave vetëm në 12 qendra votimi nga mbi treqind që ka Tirana, u është mohuar e drejta e votimit mbi 2300 votuesve

Sipas të dhënave vetëm në tre njësi, njësia nr.7, nr.9 dhe nr.11 (12 qendra votimi) u është mohuar e drejta e votës 2365 zgjedhësve. Në njësinë nr. 7 në ditën e votimit janë paraqitur në qendrat e votimit dhe nuk janë lejuar të votojnë 669 zgjedhës. Shifra del nga procesverbalet e mbajtuar nga komisionet e qendrave të votimit të zonës, të cilat në pjesën më të madhe të tyre japin të dhëna të plota dhe për identitetin e zgjedhësve që janë paraqitur për të votuar. Nga ana tjetër, në një pjesë të qendrave të votimit të zonës, komisionet e qendrave të votimit kanë nxjerrë edhe emrat e personave të përfshirë në listat e zgjedhësve pa qenë banorë të zonës. Vetëm nga ky verifikim i pjesshëm rezulton se në njësinë nr.7 janë përfshirë në listë jo më pak se 862 persona, të cilët nuk janë banorë të njësisë. Në njësinë nr.9 gjatë procesit të verifikimit të listave paraprake, PD-ja kërkoi regjistrimin në lista të 1947 banorëve të paregjistruar të zonës. KZQV-ja miratoi regjistrimin e vetëm 474 prej tyre, duke u mohuar të drejtën e votës 1473 vetave. Por mesa duket masakra nuk mbaroi këtu. Në listën përfundimtare të zgjedhësve kishte ndodhur çudia. Nga një anë përfshiheshin emra sipas vendimit të KZQV-së, nga ana tjetër hiqeshin 535 votues të tjerë, ndërsa shtoheshin 747 votues jo banorë. Në tërësi masakra kapi shifrën 2755 persona të hequr apo të shtuar në kundërshtim me ligjin. Në njësinë nr.11, dega e PD-së ka grumbulluar procesverbalet e mbajtura nga komisionet e qendrave të votimit vetëm për 10 qendra votimi nga 33 qendra që ka njësia. Pjesa tjetër e procesverbaleve ndodhen në kutitë e votimit dhe janë kërkuar zyrtarisht nga PD-ja që t'i vihen në dispozicion. Vetëm në këto 10 qendra votimi rezulton se janë paraqitur për të votuar dhe nuk janë lejuar të votojnë 585 vetë.

Ky raport i pjesshëm që vjen nga tre njësi, jo më problematiket, tregon në tërë përmasën e tij gravitetin e problemit të listave të zgjedhësve dhe peshën që ato kanë pasur në rezultatin përfundimtar të zgjedhjeve.

[Albo]

Kamëz: Socialistët bllokojnë procesin e numërimit të votave

Pasi kanë parë që kandidati demokrat po thellonte ndjeshëm diferencën me kandidatin kundërshtar, anëtarët socialistë të KZQV-së kanë bllokuar procesin e numërimit dhe kanë kërkuar që ato të shfletohen natën. Ndërkohë KQZ nuk ka vepruar akoma ndaj këtij akti

Rezultati pozitiv i kandidatit të opozitës Agim Cani në Bashkinë e Kamzës ka detyruar përfaqësuesit e mazhorancës në KZQV e zonës të bllokojnë procesin e numërimit. Sapo janë hapur kutitë dhe ka filluar numërimi i votave është parë një diferencë e ndjeshme e kandidatit Cani kundrejt atij socialist. Kjo duket të ketë nervozuar komisionerët socialistë, të cilët kanë bllokuar procesin duke kërkuar që votat të numërohen në orët e mbrëmjes pas një pushimi që ata e kanë quajtur të nevojshëm të bëjnë në orët e paradites. Kjo ndërprerje e punës është denoncuar menjëherë në strukturat e PD-së dhe KQZ-së ndërkohë që institucionalisht KQZ ende nuk ka vepruar. Shtyrja e procesit të numërimit për orët e pasdites ka lënë shije të hidhur dhe ka hedhur dyshime për një veprim jo transparent nga mazhoranca. Numërimi i votave natën është lejuar në Sukth e Shijak ku është ndërprerë energjia elektrike për gjithë natën, ndërsa komisionet dhe komisionerët do të ishin të detyruar të numëronin votat në errësirë dhe të verifikonin cilësitë e vulave, fletëve të votimit dhe proces-verbaleve origjinale.

[Albo]

PD: "Presione mbi anëtarët demokratë të KZQV"

Kreu i demokratëve të Tiranës, Vili Minarolli tha se anëtarët e KZQV kanë marrë kërcënime të ndryshme që nga ato për largim nga puna e deri kërcënime për burgosje. Ai tha se anomalitë në procesin e numërimit nuk janë shkaktuar nga opozita, por për shkak se kutitë kanë patur parregullsi të panumërta

Partia më e madhe opozitare denoncoi dje presionin dhe kërcënimin që po u bëhet anëtarëve demokratë të KZQV-së së Tiranës. Ata janë kërcënuar për pushim nga puna të tyre ose të pjesëtarëve të familjeve. Por kërcënimet kanë shkuar deri aty sa ata janë kërcënuar me burgosje dhe eleminime fizike. "Eshtë e vërtetë që procesi zgjedhor në Tiranë është dëmtuar shumë rëndë dhe është detyrë e organeve kompetente që të gjejne shkaqet, por asnjëherë për këtë problem nuk kanë qenë shkaktarë anëtarët e opozitës në këto komisione. Anomalitë teknike dhe të shkaktuara për shkak të ndërhyrjeve abuzive në kutitë e votimit e dokumentacionin e votimit nuk i ka bërë opozita dhe është detyrë e KQZ t'u japë zgjidhje problemeve në përputhje me ligjin," është shprehur Vili Minarolli, kreu i demokratëve të Tiranës. Ai ka denoncuar se KQZ, duke marrë informacion nga selitë e partive politike dhe duke mos e verifikuar gjendjen në vend, nuk është në dijeni të faktit që puna në disa KZQV është bllokuar dhe se për këtë kanë vendosur të gjithë anëtarët e komisionit, sepse në rast të kundërt ata do të ishin përgjegjës të shkeljes së ligjit dhe që do u duhej të përgjigjeshin. "PDSH nuk u ka dhënë asnjë porosi apo mandate të gjithë anëtarëve që përfaqësojnë forcën tonë politike, të thyejnë ligjin duke e ritheksuar se në rast të kundërt nga cilido, mbajnë përgjegjësi individuale. PS dhe pas saj KQZ nuk mund të justifikojë dështimin e procesit në Tiranë nëpërmjet kërcënimeve që lëshohen nga foltoret e partiakëve apo zëdhënësave, por të gjejnë shkaqet e vërteta të masakrës elektorale në Tiranë," pohoi Minarolli. Ai tha se PD u bën thirrje të gjithë anëtarëve të saj në KZQV të mos i nënshtrohen asnjë presioni apo kërcënimi, që ka për qëllim shmangien e tyre nga detyra dhe nxjerrjen e rezultateve në mënyrë të njëanshme nga pjesa e mbetur e PS në komisione apo nga struktura e saj partiake në KQZ. PDSH do t'u japë të gjithë mbështetjen e nevojshme anëtarëve të saj në KZQV, që veprojnë vetëm në përputhje me ligjin.

[Albo]

Berisha, ankese te OSBE per zgjedhjet

Kryetari i PD deklaron, pas takimit me shefin e misionit te vezhguesve te ODIHR, Robert Berri, se zoteron dokumenta per te provuar manipulimin: "Fitoren e vjedhur nuk do te mund ta gezoje, as Edvini, i cili tashme njihet si bosi i kartelit nderkombetar te droges, as dhe kontrabandisti i pare i vendit pas Fatos Nanos, Lefter Nano"

TIRANE - Berisha takon shefin e Misionit te Vezhguesve te ODIHR ne Tirane, Robert Berri, lidhur me zhvillimet paszgjedhore te 12 tetorit. Kryetari i Partise Demokratike, Sali Berisha, ne kete takim mesohet se ka shprehur pikepamjet e tij, lidhur me zgjedhjet ne qytetet, Tirane dhe Durres. Sic eshte bere e ditur, kreu demokrat ka deklaruar se nuk e njeh rezultatin e zgjedhjeve te dala nga keto dy qytete. "Diskutuam gjeresisht, lidhur me manipulimin masiv qe u eshte bere listave te zgjedhesve ne Tirane, Durres dhe Shkoder", ka deklaruar Berisha, fill pas takimit me shefin e vezhguesve te ODIHR. Kreu demokrat, ne mbeshtetje te qendrimit te tij per te mos njohur rezultatin e zgjedhjeve ne Tirane dhe Durres, si dhe te kerkeses qe te ribehen zgjedhjet ne keto dy qytete, deklaron se partia qe ai drejton ka prova te pakundershtueshme qe vertetojne parregullsine e zgjedhjeve ne dy qytetet me te medha te vendit. "Kemi dokumenta te rendesishme qe provojne gjithe kete", ka deklaruar Berisha. Kreu demokrat beri te ditur se e informoi Berrin per manipulimin masiv qe u eshte bere listave zgjedhore ne keto qyetete, si dhe per dokumentat e rendesishme qe kjo parti disponon lidhur me kete ceshtje. Sipas tij, ne takim eshte diskutuar, lidhur me perpjekjet flagrante per te krijuar Dushkun dhe "per te rikthyer edhe nje here ne skene, Ilirian Dushkun". "Socialistet ikin nga komisioni i Tiranes, pasi kane manipuluar kutite. Nuk kane lene gje pa bere me kutite. Ikin dhe vonojne procesin, ne menyre qe te firmose pastaj Ilirian Dushku", ka deklaruar Berisha, duke iu referuar kryetarit te KQZ-se, Celibashi. Duke rikonfirmuar vendimin e PD per te mos i pranuar rezultatet zgjedhore ne Tirane dhe Durres, ai theksoi se Partia Demokratike eshte e gatshme te perballoje me sukses perseritjen e zgjedhjeve ne keto qytete. "PD perballon nje riberje te zgjedhjeve dhe do t'i fitoje me siguri. Fitoren e vjedhur nuk do te mund ta gezoje, as Edvini, i cili tashme nderkombetarisht njihet si bosi i kartelit nderkombetare te droges, as dhe kontrabandisti i pare i vendit pas Fatos Nanos, Lefter Nano", ka deklaruar Berisha. Kryetari demokrat vuri ne dukje se per keto parregullsi ka informuar edhe faktorin nderkombetar, duke theksuar se te gjitha provat do te vihen ne dispozicion te institucioneve perkatese, me qellim "mbrojten e votes se lire te qytetarit". Sipas tij, Ambasadori Berri kryeson nje mision teresisht te paanshem dhe qendrimi i tij eshte ai qe eshte bere publik. Kreu demokrat nenvizon se misioni vezhgues ka funksionuar me nje transparence te perjavshme me raportet e tij. "Nga pikepmaja organizative shanset per perseritjen e zgjedhjeve jane. Po dokumentojme cdo gje. Dokumentat jane te tmerrshme per ta. Jane nje akt- akuze me e madhe se Bashkia", ka deklaruar Berisha.

Misioni i Vezhguesve te OSBE, ne raportin e tij paraprak per zgjedhjet, te publikuar permendi shqetesimin e krijuar me listat e zgjedhesve. Megjithate, sipas kryevezhguesit Berri, problemet me listat nuk ndikuan ne rezultatin e zgjedhjeve.

A.META

[Albo]

Ngjela denoncon Celibashin e Blushin

Kandidati demokrat per Bashkine e Tiranes, Spartak Ngjela, ka dorezuar dje ne Prokurorine e Tiranes, denoncimin per zgjedhjet e 12 tetorit ne Tirane. Ne denoncimin e tij, Ngjela kerkon qe te hetohen kryetari i KQZ Ilirjan Celibashi, ministri i Pushtetit Lokal, Ben Blushi, pergjegjesit e gjendjeve cilivile ne Tirane, si dhe ish- kryetaret e 11 njesive bashkike ne kryeqytet, si pergjegjes, sipas tij, per manipulimin e zgjedhjeve ne Tirane. Sipas Ngjeles, personat e siperpermendur kane kryer krim, pasi ne bashkepunim kane shperdoruar detyren, si dhe u kane mohuar te drejten e zgjedhesve per te votuar. Pak dite me pare Ngjela beri te ditur se ka nisur betejen ligjore, ne lidhje me rezultatet e votimit per garen e Bashkise se Tiranes. Pikenisje e kesaj beteje ligjore, ka qene nje takim i zhvilluar me Prokurorin e Tiranes, Vexhi Mucmata, si dhe me nendrejtorin e SHISH, Ylli Alushi. "Kam denoncuar ne Prokurorine e Tiranes diferencen mes listes se shpallur nga Komisionet Zgjedhore te Qeverisjes Vendore te Tiranes (KZQV) dhe atyre te sjella diten e votimit nga Komisioni Qendror i Zgjedhjeve (KQZ)". Jane me qindra mijera mbeshtetes te mi, te cilet kane mbetur pa votuar, per shkak te ketyre diferencave ne listat e votuesve. Une nuk mund te braktis votuesit e mi. Tani jam ne nje beteje legale ", ka deklaruar Ngjela. Ky i fundit deklaron se, 70% e kutive te votimit ne Tirane jane te pavlefshme gje qe, sipas tij, do te thote se "procesi i votimit i 12 tetorit ne Tirane eshte i pavlefshem".

A.META

[Albo]

ODIHR, PD dorëzon provat e para të manipulimit

Për më shumë se dyzetë minuta kryetari demokrat ka takuar shefin e monitoruesve të ODIHR dhe ka deklaruar se forca politike që drejton do të bëjë të mundur faktimin e manipulimit të listave në Durrës, Tiranë dhe Shkodër. Ndërsa Barry tha se është i hapur për provat që disponon kjo parti

Kryetari i Partisë Demokratike, Sali Berisha, takoi shefin e vëzhguesve të misionit të ODIHR në vendin tonë, Robert Barry dhe paraqiti para tij faktet që ka grumbulluar deri tani opozita për të vërtetuar manipulimin e zgjedhjeve. Ashtu siç ishte lajmëruar nga Barry gjatë raportit paraprak, ky organizëm ishte i gatshëm që të mblidhte provat nga partitë për të hartuar një raport të plotë mbi zgjedhjet. Berisha tha se kishte paraqitur faktet e para për atë që e ka quajtur: "manipulimin masiv që u është bërë listave në Tiranë, Durrës, Shkodër." Ata kanë zhvilluar një takim që ka zgjatur rreth 40 minuta. Shefi i vëzhguesve të ODIHR, Barry u njoh me problemet e parashtruara nga kryetari i PD, të cilat sipas tij synojnë të krijojnë "Dushkun" dhe të rikthejnë edhe njëherë në skenë "Ilirian Dushkun". "Kuptohet se ç'po ndodh. Socialistët ikin nga Komisioni i Tiranës, pasi kanë manipuluar dhe s'kanë lënë gjë pa bërë në kutitë e votimit. Ikin dhe vonojnë procesin në mënyrë që të firmosë pastaj Ilirian Dushku," u shpreh Berisha. Duke ngelur në çështjen e përsëritjes së votimeve në zonën Tiranë-Durrës, Robert Barry është shprehur se mbetet i hapur për provat dhe evidencat dhe se ai dhe vëzhguesit e organizmit të njohur kanë qenë transparentë për sa u përket mendimeve dhe raporteve në lidhje me këtë çështje. Zyrtarë të lartë të partisë më të madhe opozitare e kanë vlerësuar këtë vizitë si hapin e parë që po bën komuniteti ndërkombëtar për të mos njohur zgjedhjet në këtë aks. Nëse raporti i ODIHR pas një muaji do të jetë kritik dhe do të jetë i bazuar tek dokumentacioni që opozita ka filluar të depozitojë prej disa ditësh, atëherë ky raport do të shkojë për t'u parë nga Parlamenti i Europës dhe Këshilli Europian dhe zyrtarët e këtyre institucioneve do të japin vendimin e tyre për njohjen ose jo të zgjedhjeve. "Ambasadori kryeson një Mision tërësisht të paanshëm dhe qendrimi i tij është qendrim që ai e bën publik dhe e ka bërë publik. Mendoj se ky mision ka funksionuar me një transparencë të përjavshme me raportet e tij. Me ambasadorin biseda është e një niveli tjetër, ndërsa ka disa nivele kontaktesh dhe bashkëpunimi," deklaroi Berisha. Kryetari i PD-së ka njohur publikun dhe median me mundësinë e përsëritjes së zgjedhjeve në Tiranë e Durrës. Ai është shprehur se strukturat vendore të PD-së në kryeqytet dhe Durrës janë të afta jo vetëm të përballojnë situatën zgjedhore, por edhe të fitojnë. "Këto struktura janë të gatshme ta përballojnë dhe të fitojnë me siguri një përsëritje zgjedhjesh, sepse fitoren e vjedhur nuk do të mund ta gëzojnë as Edvini, i cili tashmë ndërkombëtarisht njihet si bosi i kartelit shqiptar të drogës, as dhe kontrabandisti i parë i vendit, pas kryeministrit shqiptar, Lefter Nano," është shprehur Berisha. Ndërkohë PD po intensifikon grumbullimin e materialeve dhe dokumentacionit për atë që ata e kanë quajtur manipulim të qëllimshëm me listat zgjedhore. "Dokumentat janë të tmerrshme për ta. Janë një akt-akuzë më e madhe se Bashkia. Kjo është e vërteta. Ne kemi mbledhur prova të plota dhe të pakundërshtueshme," deklaroi Berisha.