Manipulimet e zgjedhjeve!

[krokodili_73]

brari po ne qendren ku komisioner ishte motra takut kush fitoi.......

[Brari]

kroko ..fitoi mami jot qe e ka xhan edin dhe Zabitin..

[Albo]

Kreu i PD shprehet se parregullsitë në listat e votimit shkojnë në 25% në Tiranë

Berisha: PD 44%, Tiranën dhe Durrësin nuk i njohim

“Nuk mund të pranojmë ne dhunimin e të drejtës më elementare të qytetarëve shqiptarë, të drejtën e votimit”

Nevila Përndoj

TIRANE - Ashtu siç ishte paralajmëruar edhe një ditë më parë, procesi zgjedhor për Bashkinë e Tiranës dhe Durrësit nuk do të njihet nga Partia Demokratike. “Ne nuk do të njohim rezultatin e zgjedhjeve në Tiranë dhe Durrës. Nuk mund të pranojmë ne dhunimin e të drejtës më elementare të qytetarëve shqiptarë, të drejtën e votimit”, -tha dje Berisha. Dje mbasdite përmes një konference për shtyp, Berisha tha se në qytetin e Tiranës nuk kanë mundur të votojnë 25% e zgjedhësve. “Vetëm në njësinë bashkiake numër 3 ka patur më shumë se 1830 votues të lënë jashtë liste dhe pa votuar ndërkohë që llogaritet se në Tiranë përqindja e votuesve, të cilët janë bllokuar dhe nuk janë lejuar të votojnë edhe pse u paraqitën të gatshëm për të ushtruar të drejtën e tyre themelore kushtetuese arrin në 25%”, -tha ai. Berisha ka akuzuar kryetarin e KQZ-së, Ilirjan Celibashi si dhe kandidatin socialist për Bashkinë e Tiranës, Edi Rama. “Sot në KQZ nuk ka asnjë fletë votimi nga ato që duhej të ishin rezervë, sepse janë shpërndarë dje natën për të përmbysur rezultatet. 500 mijë dollarë janë dhënë për të manipuluar zgjedhjet në Tiranë dhe Durrës. Ne do të ngrejmë padi për Celibashin, mik i Nanos dhe aferave të tij”, -tha dje Berisha. Kryetari i demokratëve i është adresuar dje edhe kryebashkiakut të Tiranës, Edi Rama dhe kandidatit për Bashkinë e Durrësit, Lefter Koka. “Mijëra e mijëra qytetarë u paraqitën në qendrat e votimit, nuk votuan dot, por emrat u shënuan. Duke mos njohur një fitore që bazohet në dhunimin e të drejtës kushtetuese të shqiptarëve, ne qëndrojmë për lirinë dhe vlerat e saj. Ne fituam në mbarë vendin, por njolla të zeza në historinë e këtyre zgjedhjeve, hartë e malavitës mbeten zgjedhjet Durrës-Tiranë. Në këtë rast, më lejoni t’i deklaroj këtu kumbar Territ në Durrës nuk do të mund të ndërtosh fitore mbi dhunimin e të drejtës më elementare të qytetarëve shqiptarë, të drejtës së votimit. T’i deklaroj Edvinit të bashkisë se fitorja do të ngelet në fyt”, -është shprehur Berisha.


Proporcionali
Lideri i opozitës Sali Berisha deklaroi dje mbasdite se Partia Demokratike ka fituar më shumë se 44% në proporcional pa llogaritur qytetet Durrës dhe Tiranë, ku zgjedhjet nuk njihen nga kjo parti. Kryetari i PD-së, Sali Berisha deklaroi dje se zgjedhjet e 12 Tetorit shënuan fundin e pseudomaxhorancës socialiste dhe fitoren e PD-së në mbarë vendin “Ky është një rezultat i bazuar në përkushtimin, në vizionin, në qëndresën, në aspiratën e qindra mijëra shqiptarëve që përjetuan gjatë këtyre viteve, kalvarin e regjimit më të korruptuar dhe më të inkriminuar në Europë dhe njërit prej më të inkriminuarve në botë. Duke përshëndetur me mirënjohje çdo zgjedhës shqiptar që votoi për ndryshimin e madh, për ndryshimin e Shqipërisë, përshëndes gjithashtu anëtarët e Partisë Demokratike të cilët gjatë këtyre viteve u privuan nga realiteti që ata ishin shumicë”. Pavarësisht se nuk ka deklaruar shifra konkrete, Berisha shtoi se PD do të kishte arritur 50% në mbarë vendin në rast se sipas tij zgjedhjet nuk do të manipuloheshin në qytetin e Tiranës dhe Durrësit. Llogaritja e parregullsive, sipas Berishës, shkon minimalisht tek 5%. Duke u bazuar edhe në sondazhin “Galupi” të deklaruar një ditë para zgjedhjeve, Berisha tha se PD është 7 pikë para PS në proporcional.

[Albo]

Celibashi: Fajin për listat e kanë PD e PS


Shekulli

TIRANË - Të gjitha ndryshimet në listën e zgjedhësve janë bërë nga KZQV-të me propozim të partive politike. Problemet e krijuara në listat e zgjedhësve janë për faj të KZQV-ve dhe jo për fajin e KQZ-së. Ky pohim është bërë paraditen e djeshme në një konferencë për shtyp nga ana e kreut të Komisionit Qendror të Zgjedhjeve, Ilirian Celibashi. Ai ka shpjeguar më pas edhe të gjithë mekanizmin e hartimit të listëts së zgjedhësve duke treguar edhe mënyrën se si kanë lindur problemet që po kontestohen fuqishëm nga opozita shqiptare. Sipas Celibashit, lista paraprake e zgjedhësve është miratuar në KQZ me konsensus të partive politike më 12 gusht dhe kishte 3.60.142 votues. Kjo listë iu dërguar të gjitha KZQV-ve për t’u rishikuar. Në mbarim të procesit të rishikimit të gjitha KZQV-të dërguan pranë KQZ-së vendimet përkatëse për ndryshimet në listat e zgjedhësve. “Në këto ndryshime përfshiheshin kryesisht shtesa në listat e zgjedhësve të njësive përkatëse, saktësime të gjeneraliteteve dhe qendrave të votimit dhe heqjen nga listat e zgjedhësve të të vdekurve, të dubluarve, personave që kishin ndryshuar shtetësinë dhe atyre që nuk plotësonin kushtet ligjore për të votuar. Këto kërkesa në KZQV janë bërë sipas Kodit Zgjedhor nga zgjedhës të veçantë, subjekte zgjedhore apo institucione të interesuara”, -tha dje Celibashi. Sipas tij, Partia Demokratike ka bërë 15400 kërkesa për ndryshime në listat e zgjedhësve, Partia Socialiste 13400 kërkesa, PS dhe PD 9200 kërkesa, partitë e tjera 2139 kërkesa, individë 943 kërkesa dhe 44.209 kërkesa të tjera, për të cilat KZQV-të nuk kanë shënuar se kush është kërkuesi. Të gjitha këto ndryshime janë reflektuar në listën përfundimtare të zgjdhësve, e cila u publikua më katër tetor me 2.703.608 zgjedhës. KQZ-ja i ka shpërndarë secilës parti nga një kopje të kësaj liste. Pas marrjes në dorë të listës përfundimtare, Partia Demokratike bëri një sërë ankesash në KQZ ku pretendonte se për njësitë bashkiake të Tiranës nuk ishin zbatuar vendimet e KZQV-së. Sipas Celibashit, pas verifikimit në prani të përfaqësuesit të PD-së rezultoi se kontestimet në pjesën më të madhe të tyre nuk qëndronin. PD pretendonte se ishte hequr një numër i madh votuesish nga lista paraprake pa propozimin e saj dhe nuk ishin shtuar në listën përfundimtare të zgjedhësve. Verifikimi tregoi se zgjedhësit e hequr nga një KZQV ishin regjistruar në KZQV të tjera. Ndërkohë rezultoi se një numër zgjedhësish nuk ishte regjistruar. Për këtë gjë KQZ bëri disa ndryshime duke hequr nga Tirana 3 dhe shtuar në Tirana 2, 272 zgjedhës. Gjithashtu u hoqën nga Tirana 3 dhe u shtuan në Tirana 4, 48 zgjedhës. Nga Tirana 3 u hoqën edhe 147 zgjedhës të tjerë. Nga Tirana 4 u hoqën 87 zgjedhës të cilët u shtuan në Tirana 3. Dhjetë zgjedhës janë shtuar në Tirana 10. Sipas Celibashit, të gjitha këto vendime u pasqyruan në listat e zgjedhësve model 1 dhe 3 më datë 11 tetor. Me këtë shpjegim Celibashi e konsideroi të mbyllur problemin e listës së zgjedhësve dhë “këshilloi” partitë politike që kontestimet e tyre t’i bëjnë tek institucionet përkatëse si gjykata e prokuroria.


Celibashi pranon problemin e listave qe deri dje e hidhte poshte, por nuk i pelqen te mbaje pergjegjesi per te. Ky njeri meriton ndjekje penale dhe burg pasi institucioni qe ai drejton ndan listat e zgjedhjeve dhe gjithe materialin zgjedhor per cdo qender votimi ne mbare Shqiperine.

[Albo]

Shtabi i demokratit Hoxha deklaroi se janë lënë jashtë votimeve 10 mijë zgjedhës

PD e Durrësit: S’kanë votuar 28% e zgjedhësve


Llambi Kallço

Pas një heshtjeje disaorëshe rreth orës 19:30 të datës 13.10.2003 përfaqësuesi i shtabit elektoral të kandidatit të Partisë Demokratike Avni Hoxha, Sokol Olldashi, në një prononcim për shtyp ka bërë të ditur se PD nuk e njeh rezultatin e zgjedhjeve në qytetin e Durrësit për shkak të manipulimeve të rënda të bëra në listat zgjedhore. Shtabi elektoral demokrat ka kërkuar përsëritjen e zgjedhjeve duke e argumentuar këtë me faktin se 28% e votuesve nuk kanë gjetur emrat në lista ose janë transferuar në qendra të largëta. “Po t’i shtosh këtyre të dhënave edhe mungesat e emigrantëve dhe çertifikatat e falsifikuara të përdorura nga militantë të PS-së, rezulton se manipulimet në zgjedhje kanë patur përmasa tepër të larta, aq sa të bëjnë të pavlefshëm procesin zgjedhor të zhvilluar në Durrës”, -tha mbrëmë Olldashi. Ai ka bërë prezente dhe çertifikata të falsifikuara pa foto dhe vetëm me vulë, çertifikata me foto pa vulë, çertifikata false, në një kohë që është publikuar dhe një dokument i nënshkruar nga të gjithë anëtarët e komisionit në qendrën e votimit 1499 ku numri i shtetasve që nuk gjenin emrat në listat zgjedhore arriti në 126, gjë që dëshmon sipas Olldashit, shkallën e lartë të manipulimit. Llogariten rreth 10 mijë shtetas që janë përjashtuar nga votimet në këtë mënyrë ka deklaruar Olldashi, në një kohë që ka bërë të ditur se manipulimet me lista kanë bërë që në Durrës të ulet dukshëm numri i votuesve. Nga 37 mijë që kanë votuar në vitin 2000, në
zgjedhjet e 12 Tetorit votuan vetëm 28 mijë zgjedhës

[Albo]

Vëzhguesit vendas: Zgjedhje të qeta, por listat ishin problem


Darina Tanushi

TIRANE – Vëzhguesit vendas, të cilët monitoruan zgjedhjet vendore të 12 Tetorit, bënë të ditur dje, në një konferencë për shtyp, se këto zgjedhje u zhvilluan "të qeta dhe pa probleme sigurie për qytetarët". Por ata kanë theksuar se dy problemet kryesore të këtyre zgjedhjeve kanë qenë listat e zgjedhësve dhe tejmbushja e kutive të votimit. Shumë njerëz, kanë konstatuar ata, nuk kanë gjetur emrat në listat e votimit dhe kjo ka bërë që shumë prej tyre të mos votojnë. Kjo ka shkaktuar një anomali në këtë proces, sipas tyre. Përfaqësues të Komitetit shqiptar të Helsinkit, theksuan se kjo organizatë, ka monitoruar zgjedhjet në rrethet Tiranë, Durrës, Fier, Vlorë, Shkodër, Elbasan, Korçë, Gjirokastër dhe Kukës. Lidhur me ecurinë e procesit të votimit, vëzhguesit e KSHH-së vlerësojnë se përgjithësisht situata ka qenë e qetë dhe pa incidente në zonat e vëzhguara. Në ngritjen e qendrave të votimit dhe vendndodhjes së tyre në përgjithësi është respektuar ligji dhe tërheqja e bazës materiale është bërë në kohë. Sipas vëzhguesve, ka pasur tejmbushje të kutive të votimit, por që kjo nuk kanë sjellë pamundësinë e votimit të zgjedhësve. Sipas vëzhguesve, edhe procesi i numërimit të votave është zhvilluar normalisht, por janë konstatuar vetëm disa vonesa për arsye të ndryshme. Përsa i përket rolit të policisë gjatë procesit të votimit, vëzhguesit nuk kanë raportuar ndonjë rast të ndërhyrjes së policisë në qendrave votimit. Zgjedhjet e qeverisjes vendore në Shqipëri u monitoruan nga 2050 vëzhgues, prej të cilëve 1858 ishin vëzhgues vendas dhe 200 vëzhgues të huaj. Kështu kanë vëzhguar zgjedhjet: Misioni Vëzhgues i OSBE/ODIHR, organizata IFES (Program i Fondacionit Ndërkombëtar për Sistemin e Zgjedhjeve) dhe fondacioni CLRAE, Shoqata për Kulturë Demokratike, Komiteti Shqiptar i Helsinkit, Forumi Rinor Shqiptar, Forumi i Pavarur i Gruas Shqiptare, etj.

[Albo]

Xhaferri: “Ajo që ndodhi në Durrës është shumë larg të qënurit një proces i lirë”

PDr: Nuk njohim zgjedhjet në Durrës


Nevila Përndoj

Kandidati i PDR për Bashkinë e Durrësit, Ferdinand Xhaferri nuk do të njohë rezultatin e zgjedhjeve në qytetin bregdetar. Dje përmes një deklarate publike, ai ka ftuar komunitetin ndërkombëtar që monitoruan zgjedhjet në Durrës dhe KQZ që në çdo qendër votimi të kërkojnë ribërjen e zgjedhjeve në Durrës. “Në morinë e problemeve që ekspozoi dita e djeshme për zgjedhjet për kreun e Bashkisë së Durrësit, problemi që ka patur një ndikim të drejtpërdrejtë në rezultatin përfundimtar të votimit ishte ndarja në shkallë të madhe e familjeve durrsake për të votuar në qendra të ndryshme votimi. Në zgjedhjet e 12 Tetorit me ndarjen, në përmasa të mëdha, në qendra të ndryshme votimi të familjeve durrsake u regjistrua një model i ri i manipulimit në shkallë të madhe të zgjedhjeve”, -tha ai. Xhaferri theksoi se çështja nuk shtrohet në faktin nëse opozita humbi apo jo në Durrës. “Çështja shtrohet që bazuar në standardet minimale të demokracisë ajo që ndodhi në Durrës është shumë larg së qëni jo vetëm e lirë dhe e ndershme, por edhe minimalisht e pranueshme. Përqindja e votuesve në Durrës që u shmangën me apo pa qëllim nga e drejta për të votuar është në një përqindje të atillë që jo vetëm nuk mund të injorohet, por edhe ndikon ndjeshëm në rezultatin final të votimit”, -tha ai. Xhaferri shtoi se formula e përdorur deri më tani nga aktorët ndërkombëtarë, të ngarkuar për monitorimin e zgjedhjeve, se të metat që janë evidentuar duhen korrigjuar në të ardhmen nuk ka prodhuar rezultat. “Kështu vërejtjet që u bënë për zgjedhjet e vitit 2000 nuk shërbyen për të prodhuar në Durrës zgjedhje më të mira. Po kështu vërejtjet që u bënë për zgjedhjet e vitit 2001 nuk shërbyen për të prodhuar në Durrës zgjedhje më të mira në vitin 2003. Kërkesën për ribërjen e zgjedhjeve në Durrës nuk e bazoj në pretendimin se mund të fitonte apo jo Ferdinand Xhaferri në Durrës. Problemi është shumë më serioz dhe ka të bëjë me humbjen e besimit tek institucioni i zgjedhjeve nga qytetarët durrsakë. Nëse ajo që ka ndodhur në 12 Tetor në Durrës do të tolerohet, atëherë besimi i tronditur tek votuesit durrsakë për zgjedhje të lira dhe të ndershme do të shkatërrohet rëndë dhe do të duhet shumë kohë për ta rikuperuar”, -tha ai

[Albo]

Ngjela: Do të filloj betejën ligjore në mbrojtje të fitores


Nevila Përndoj

TIRANE - Kandidati demokrat për Bashkinë e Tiranës, Spartak Ngjela deklaroi dje në mesditë se ai ka filluar betejen ligjore për të fituar bashkinë e humbur të kryeqytetit. “Unë dua t’ju njoftoj se që nga ky moment unë kam fituar betejën legale, “kampanjën” legale ose fushatën legale me anë të së cilës do t’ju argumentoj të gjithë shkeljet dhe parregullsitë që janë konstatuar në Tiranë. Askush nuk ka dyshim që fitimtar jam unë dhe për këtë fakt nuk më falet nëse nuk e çoj të vërtetën deri në fund. I kam paralajmëruar kundërshtarët e mi se me mua nuk luhet dhe me votën”, -tha dje Ngjela. Kandidati demokrat sqaroi se dy janë arsyet kryesore për të cilat ai pretendon se duhet të fillojë atë që ai e cilëson betejë ligjore. “Së pari, për votën e lirë kam sakrifikuar gjithçka dhe e dyta, do t’i qëndroj moralit se unë respektoj vullnetin e qytetarëve dhe sakrifikoj për ata. Ata që më dhanë votën janë shumica e këtij qyteti duke përjashtuar ato që janë hedhur mbrëmë vonë natën dhe ne i kemi evidentuar të gjithë për fat të mirë. Pra mjerë ai që e konsideron veten fitimtar pas kësaj batërdie, sepse fitimtari ose ai që pretendon se ka fituar në këtë mënyrë e paralajmëroj se është bashkëpunëtor”, -tha ai. Ngjela paralajmëroi fillimin e një etape të gjatë kontestimesh lidhur me listat e zgjedhësve. “Unë do të vazhdoj punën deri në fund sepse jemi zotuar se do t’i japim shqiptarëve votën e lirë. Asnjë manipulim nuk mund të më bëhet mua dot. Së dyti, është vullneti i popullit shqiptar dhe nuk mund të lëmë të pazgjidhur këtë çështje. Beteja legale ka filluar sepse do të ndëshkojmë të gjithë ata që krijuan këtë masakër për të cilën u bë. Nuk jemi më opozita e vjetër. Nuk jemi opozita e vogël. Ne jemi maxhoranca”, -tha ai. Po dje kandidati demokrat për Bashkinë e Tiranës ka qenë në kontakt të vazhdueshëm me kandidatët e minibashkive të kryeqytetit lidhur me pretendimet që ai ka ngritur dy ditët e fundit për listat e zgjedhësve

[Zarathustra.]

OSBE/ODIHR: Gabimet në lista nuk ndikuan në rezultatin e zgjedhjeve

TIRANE (14 Tetor) - Misioni vëzhgues i OSBE/ODIHR-it dhe Këshillit të Europës për zgjedhjet vendore të 12 Tetorit në Shqipëri, bënë publik sot paradite për mediat raportin paraprak mbi zhvillimin e zgjedhjeve vendore dy ditë më parë. Vëzhguesit vlerësuan se votimet në Shqipëri treguan përparim, por nga ana tjetër ata shprehën nevojën për përmirësime të mëtejshme. Zgjedhjet shënuan progres dhe një hap të mëtejshëm drejt arritjeve të standarteve të OSBE-së, Këshillit të Europës dhe organizmave të tjerë ndërkombëtar. Në raport u deklarua se ka pasur probleme me listat e zgjedhësve, që duhet të shmangeshin, por ato nuk kanë ndikuar në rezultatin e zgjedhjeve. Sipas ambasadorit Robert Berri, gabimet në lista nuk kanë motive politike. Monitoruesit u shprehën se ka pasur probleme edhe me shpërndarjen e materialeve, ndërsa trainimi i komisionerëve ka qenë i ulët, megjithëse KQZ i administroi zgjedhjet në mënyrë profesionale, transparente e objektive. Monitoruesit ndërkombëtarë vlerësuan gjithashtu rolin e policisë në zgjedhjet e së dielës.

Ooops he hongren trimat. Tani me duket se militantet e PD do duhet te levizin me bicikleta pa shale.

[Henri Anderson]

Ne Tirane kane marre pjese ne votime 147868 persona.
Nga keta, 85762 kane votuar per Edi Ramen.
Qe Spartak Ngjela te kaloje Edi Ramen i duhet 1 vote me teper qe do te thote jne total prej 85763. Nese do te mblidhnim votat qe ka marre Edi Rama me ato qe i duhen Spartak Ngjeles te fitoje plus 1% te votave qe kane shkuar per subjektet e tjera elektorale do dilte nje numer total prej 173004 votuesish.
Nese nga 173004 do te zbresim 147868 del se 25136 personave, sipas PD ju eshte mohuar e drejata e votimit dhe te gjithe keta duhet te jene te PD. Une personalisht nuk e besoj tu jete mohuar e drejta e votimit kaq shume njerezve. Megjithate do te isha shume dakort qe te gjithe atyre qe pretendojne se ju eshte mohuar e drejta e votes ti jepet nje jave kohe per tu ankuar. Te behen verifikimet dhe nese ata banojne ne Tirane por nuk e kane pasur emrin ne liste sipas zones ku jetojne tu ofrohet fleta e votimit dhe te votojne. Nderkohe KQZ te mos e shpalle rezultatin deri sa te votojne dhe keta qe nuk e kishin emrin ne lista.