Manipulimet e zgjedhjeve!

[Albo]

Rasti ekstrem, kutia e vulosur vetëm me fleta të papërdorura

Në njësinë bashkiake numër gjashtë është shënuar çudia e radhës. Në kutinë e votimit të qendrës numër 1866 kutia e votimit ka qenë e vulosur, dhe hermetike, por brenda nuk ka patur fare fletë të plotësuara, por vetëm fletët e papërdorura. Mësohet se dhe komisionerët socialistë kanë ngritur duart lart përballë kësaj vepre

Ndërkohë gjatë ditës së djeshme, numërimi i votave ka paraqitur një rast tjetër ekstrem. Kështu në kutinë e votimit numër 1866, që i përket njësisë bashkiake numër gjashtë, e cila përfshin zonën e Kombinatit, nuk ka pasur brenda asnjë fletë votash, por vetëm fletët e papërdorura. Ajo ka ardhur në KZQV e vulosur, e kopsitur dhe hermetike vetëm se brenda saj nuk ka patur fletë të rregullta votimi, tabela rezultatesh apo proces verbale, por vetëm fletë votimi të papërdorura. Ky skandal i radhës në KZQV-në e Tiranës ka detyruar edhe komisionerët socialistë të ngrejnë duart lart dhe të dëshmojnë pavlefshmërinë e kutisë së votimit me numër 8066.


--------------------------------------------------------------------------------

KZQV: Vëzhguesit, të tronditur nga gjendja e kutive

Deri tani ka mbaruar numërimi i rreth 120 kutive të votimit, nga të cilat vetëm 20 janë të pranueshme, pasi dhe ato paraqesin probleme të shumta. Ndërkohë komisionerët socialistë janë shprehur se për ato kuti ku mungojnë tabelat e rezultateve të kërkohet për t'i gjetur. Kjo i ka vënë ata dhe në pozita qesharake përballë monitoruesve të huaj

Ndërkohë ditën e djeshme ka vazhduar numërimi i votave në KZQV-në e Tiranës. Bëhet e ditur se gjatë ditës së djeshme është rritur ndjeshëm numri i kutive që kanë rezultuar të parregullta. Deri tani janë përpunuar rezultatet e 120 kutive, nga të cilat ka rezultuar se vetëm 20 prej tyre janë gjetur në rregull. Por dhe në këto kuti votimi vazhdojnë problemet, pasi në shumicën e tyre nuk ka procesverbale të rregullta, nuk është kthyer asnjë nga fletët e papërdorura dhe nuk është deklaruar numri i votave të vlefshme. Por edhe pse të gjendur përballë fakteve të tilla, komisionerët socialistë këmbëngulën dje që kutitë e parregullta të mos quheshin të pavlefshme, por thjesht të deklarohej në proces verbal se nuk janë marrë në shqyrtim. Kjo për shkak se pothuajse të gjitha kutitë nuk kanë patur tabelë rezultatesh brenda, gjë e cila sanksionohet kategorikisht me ligj. Komisionerët e PS-së kanë pohuar dje se duhet të merren në konsideratë edhe tabelat e rezultateve të ardhura dorazi ose në mungesë të tyre, të kërkohen tabelat se ku kanë shkuar. Kjo është kundërshtuar me forcë nga komisionerët demokratë dhe opozitarë, të cilët me shpoti i kanë kërkuar përfaqësuesit socialist të shkonte të gjente ai tabelat e rezultateve nëpër rrugët e metropolit shqiptar të 700 mijë banorëve. Kaq qesharake ka qenë gjendja tek KZQV e Tiranës sa edhe vëzhguesit e huaj të gjendur aty, pas përkthimeve përkatëse të të gjithë situatës, kanë qeshur me të madhe dhe janë ngritur e kanë dalë jashtë shumë të çuditur duke shënuar vazhdimisht në foltoret e tyre të shënimeve. Në këtë mënyrë KZQV e Tiranës vazhdoi edhe dje punën mes absurdes dhe reales ku tashmë është bërë fare e modës që në kutitë e votimit edhe ato proces verbale që gjenden brenda, të jenë në papajtueshmëri mes votave të vlefshme dhe numrit të fletëve të vlefshme. Diferencat mes votave dhe pjesëmarrësve të votimit janë mesatarisht të nivelit të 20-30 votave.

[Albo]

Durrës: Shifra tronditëse nga krahasimi i listave

Listës paraprake i janë hequr 15 mijë emra

Mijëra qytetarë po plotësojnë deklarata noteriale dhe personale që dëshmojnë se kanë qenë votues të opozitës dhe janë penguar të votojnë. Miri Hoti dhe shefi i zyrës së gjendjes civile distancohen nga listat duke ia lënë përgjegjësinë KQZ-së në Tiranë

Nga verifikimi i parë i listës paraprake me listën përfundimtare në qytetin e Durrësit, rezulton se 15 mijë shtetas janë hequr nga listat e votimit. Njoftimi u bë publik dje zyrtarisht nga shefi i shtabit elektoral të kandidatit të opozitës për Bashkinë e Durrësit, Sokol Olldashi.

Olldashi tha se 15 mijë qytetarë janë hequr përfundimisht nga lista që quhet përfundimtare, por masakra nuk përfundon këtu. Olldashi tha se listë përfundimtare konsiderojmë atë që ka ardhur javën e fundit dhe që është afishuar në xhamat e qendrës së votimit. Ndërkohë sipas tij ka ndryshim sërish të madh mes kësaj liste dhe listës me të cilën është punuar në tavolinë ditën e votimit, e cila ka ardhur vetëm në një kopje, nga 3 kopje që duhet të vinte sipas ligjit.

Olldashi tha se Shtabi i opozitës po përgatitet dosjen e kompletuar për t'ia dorëzuar Misionit të ODIHR dhe Prokurorisë. Ai tha se ka siguruar deri tani rreth 1,000 deklarata vullnetare qytetarësh nga ata që kanë shkuar për të votuar për opozitën dhe nuk kanë gjetur emrin në qendrën e votimit, ndërkohë që qindra qytetarë të tjerë, kanë shkuar vullnetarisht duke bërë deklarata noteriale dhe i kanë dorëzuar ato si shenjë e angazhimit qytetar të nxitur nga revolta për heqjen e së drejtës së votimit.

Sipas dokumenteve të para që po mbledh Shtabi Elektoral i opozitës në Durrës është goditur me saktësi trupa elektorale e votuesve të opozitës, duke e eleminuar atë nga lista, ose duke i ndërruar vendvotimin.


--------------------------------------------------------------------------------

Miri Hoti dhe Duka distancohen nga listat

Kryetari i Bashkisë së Durrësit, Miri Hoti, u distancua dje publikisht nga përgjegjësia e tij mbi listën e zgjedhësve. Ai tha se Bashkia nuk është marrë me hartimin e listës, duke e kaluar përgjegjësinë në qendër, tek Komisioni Qendror i Zgjedhjeve. Të njëjtën deklaratë bëri dhe Drejtori i zyrës së Gjendjes Civile në Durrës, Abdullah Duka. Ai tha se nuk ishte pyetur dhe nuk kishte firmosur asnjë listë votimesh.

Sipas Kodit Zgjedhor përgjegjës për listën e votuesve është Zyra e Gjendjes Civile, bashkia dhe Komisioni Qendror i Zgjedhjeve. Sipas deklaratave paraprake, masakrën me listën në Durrës e ka drejtuar vetë Komisioni Qendror i Zgjedhjeve.

Kandidati i opozitës Avni Hoxha ka hapur proces penal, për përgjegjësit e ndryshimit të listave dhe ka kërkuar pranë KQZ në Tiranë shpalljen të pavlefshëm të rezultatit të votimit

[Albo]

“Më lejoni që t´i kujtoj KQZ-së se ne kemi prova të sakta se as në Durrës, Tiranë dhe Shkodër nuk janë respektuar vendimet e KZQV-ve për listat, që është esenca substanciale e zgjedhjeve”,- u shpreh avokati demokrat

Kandidati demokrat për bashkinë e Tiranës, evidenton mungesat e emrave të votuesve në listat e KQZ-së

Ngjela: 63 mijë persona nuk votuan
“Në Tiranë 30 mijë, në Durrës 15 mijë, në Shkodër 18 mijë”



Tiranë

Kandidati i Partisë Demokratike për postin e kryebashkikut, Spartak Ngjela, ka deklaruar se 30 mijë votues në Tiranë, 15 mijë në Durrës dhe 18 mijë në Shkodër, nuk kanë mundur të japin votën e tyre më 12 Tetor.

Këto kanë qenë shifrat që Ngjela ka paraqitur gjatë një takimi me banorët e Durrësit, ku së bashku me kandidatin për Bashkinë e këtij qyteti, Avni Hoxha, ka denoncuar dy institucione për manipulim të listave. Akuza ka qenë, konkretisht, për kryetarin e Komisionit Qendror të Zgjedhjeve, Ilirian Celibashi dhe drejtuesin e Ministrisë së Pushtetit Vendor, Ben Blushi, të cilët Ngjela i konsideron si shkaktarët e vërtetë për skandalin e listave. “Më lejoni që t´i kujtoj KQZ-së se ne kemi prova të sakta se as në Durrës, Tiranë dhe Shkodër nuk janë respektuar vendimet e KZQV-ve për listat, që është esenca substanciale e zgjedhjeve”,- u shpreh avokati demokrat, i cili ka nisur kontaktet edhe me kandidatë të tjerë “blu” në rang vendi. Gjithashtu, ai ka shtuar se: “Nga të 5 kopjet që ka qenë e detyruar KQZ-ja të ndryshonte në instanca të caktuara për listën e zgjedhjeve me të cilën do të bëheshin votimet, ka lëshuar vetëm 1 kopje në të gjitha qendrat e votimeve”. Ngjela nuk ka lënë pa përmendur edhe emrin e anëtarit më të ri në KQZ, Dëshira Subashi, për të cilën ai nuk ka besim se ajo e kryen konform ligjit detyrën që i është ngarkuar. Gjithsesi, trekëndëshi Durrës – Tiranë – Shkodër është konsideruar nga Ngjela si zona më e madhe ku janë kryer manipulimet e listave të zgjedhësve. Sipas tij, ato që ai i quajti “masakra” të listave, tashmë janë vënë edhe në qendër të institucioneve të huaja ndërkombëtare dhe shumë shpejt pritet që të dalë një vendim nga ana e tyre, më të cilin do të diskriminohen manipulimet e bëra njëherë e mirë. “Do të vërtetohet se opozita kishte të drejtë, kur fenomeni Subashi po përjashtonte mijëra qytetarë nga listat e zgjedhësve”,- deklaroi kandidati Ngjela, i cili, së bashku me stafin e tij elektoral, po vijon punën për të gjetur precedentë të tjerë.

[ALBA]

Manipulimi, komisioneri i PS kapet në flagrancë

Nënkryetari i KZQV të njësisë bashkiake numër dhjetë është kapur duke mbushur kutitë e votimit me tabela rezultatesh të manipuluara. Këtë fakt e ka denoncuar kryetari i KZQV-së së Tiranës Perikli Dhales. Mësohet se komisionerët socialistë të kësaj njësie kanë tentuar që të dorëzojnë një dosje me rezultate jashtë çdo afati ligjor. Në këtë veprim ata kanë qenë të nxitur nga komisionerët socialistë të KZQV-së së Tiranës

KZQV kap në flagrancë komisionerin socialist, Vangjel Nano, duke futur në mënyrë të jashtëligjshme dhe të fshehtë tabela rezultatesh në kuti. Ky person është denoncuar nga kryetari i KZQV-së Tiranë Perikli Dhales se në orët e vona të mbrëmjes së datës 20 tetor me cilësinë e nënkryetarit socialist të njësisë bashkiake numër 10, tentoi të dorëzonte një arkë të mbyllur me tabela rezultatesh të manipuluara. Këtë e ka treguar edhe mbajtja e vulës në xhep, e cila ishte përdorur ndërkohë në mungesë të pranisë së komisionerëve të tjerë dhe veçanërisht, përfaqësuesve të opozitës. Po kështu dje nënkryetari i KZQV-së së njësisë bashkiake numër 1 dhe sekretari i këtij komisioni pa praninë edhe firmën e kryetarit të komisionit Sadik Domit tentuan të dorëzojnë tek anëtarët socialistë të KZQV-së të Tiranës një dosje me tabela rezultatesh jashtë çdo afati kohor dhe ligjor. Madje në marrëveshje me anëtarët socialistë brenda KZQV-së ata tentuan që në mënyrë të fshehtë të futin në kutitë e votimit tabelat e rezultateve. Sipas denoncimeve të KZQV Tiranë, në këtë aferë është përfshirë n/kryetari Aleks Zyba dhe sekretari i KZQV-së Hazis Meta.

Për këtë problem ka reaguar dhe kryetari i PD-së Sali Berisha, i cili theksoi se: "I dërguari i Edvin Ramës u kap duke futur në një kuti 9 tabela rezultatesh, pasi nuk dinte se ku t'i fuste." Por përpjekjet për vonesat në procesin e përpunimit dhe shpalljes së rezultatit kanë vazhduar edhe dje nga komisionerët socialistë ku përpjekjet e tyre për të ngadalësuar procesin janë dokumentuar tashmë edhe nga vëzhguesit e huaj edhe mediat e ndryshme.


--------------------------------------------------------------------------------

Ngjela vazhdon kryesimin me 312 vota

Ndërkohë edhe ditën e djeshme ka vazhduar numërimi i votave në KZQV-në e Tiranës, dhe nga rezultatet e deritanishme në kutitë e rregullta kryeson Ngjela me 312 vota para Ramës. Kurse Partia Demokratike ndodhet rreth 1200 vota para Partisë Socialiste si subjekte zgjedhore

Sot në mesditë është parashikuar një nxjerrje paraprake e rezultatit për bashkinë e Tiranës në një kohë që nga 280 kuti votimi të shqyrtuara nga KZQV e Tiranës vetëm 45 të tilla rezultojnë të rregullta. Në këto 45 kuti, Ngjela është 312 vota para Ramës ndërsa PD rreth 1200 vota si subjekt para PS-së. Nga puna e KZQV-së edhe dje nuk ka rezultuar ndonjë përmirësim i gjendjes, madje me afrimin e nxjerrjes së rezultateve në ato kuti, të cilat janë plotësisht të rregullta, janë shtuar edhe rastet flagrante të tentativave nga socialistët për të mbushur kutitë me proces-verbale apo tabela rezultatesh të paqena.


--------------------------------------------------------------------------------

Njësia numër 11, qindra qytetarë jashtë listave

Vazhdon evidentimi nga ana e demokratëve e parregullsive në listat zgjedhore. Në njësinë numër 11 të kryeqytetit vetëm në një qëndër votimi janë paraqitur rreth 115 persona që nuk kanë patur emrin në listë. Kështu në Qendrën e Votimit numër 2028 janë hequr 28 persona, në qendrën e votimit numër 2025 janë hequr 69 persona, në qendrën e votimit numër 2026, 72 persona; në qendrën e votimit numër 2000, 58 persona. Në qendrën e votimit numër 2015 knë qenë rreth 66 emra të cilët janë heur nga listat prfundimtre edhe pse kanë enë në listat paraprake. Kështu në qendrën e votimit numër 2006 janë hequr 52 persona, qendrën e votimit numër 2002, 78 persona, qendrën e votimit numër 2024, 16 persona, qendrën e votimit numër 2014, 76 persona, qendrën e votimit numër 2001, 28 persona, 2004, 19 persona, 2017 93 persona, 2013, 15 persona dhe 2011, 24 persona.


--------------------------------------------------------------------------------

Një mijë çertifikata të falsifikuara tek njësia 3

Strukturat e PD-së së njësisë bashkiake numër tre në kryeqytet ku ka kandiduar Bektash Pojani, kanë deklaruar dje se më shumë se 1 mijë çertifikata të falsifikura janë përdorur për votuesit në datën 12 tetor. Këtë fakt e konfirmojnë burime të gjendjes civile të njësisë, të cilët nuk pranojnë të identifikohen, por që sqarojnë se me të vërtetë "kanë humbur" 1 mijë çertifikata të shoqëruara me pullat përkatëse, të cilat mbajnë firmën e përgjegjëses së zyrës. Sipas denoncimeve janë pajisur me çertifikata të afërm të emigrantëve, ndërkohë që ka dhe emra fantazëm. Të gjitha rastet janë denoncuar në Prokurorinë e Rrethit Tiranë për ndjekje penale.

[ALBA]

PPE: Zgjedhjet në Shqipëri, të manipuluara

Mbledhja e byrosë politike të Partive Popullore Evropiane, pas shqyrtimit të provave ka arritur në konkluzionin se zgjedhjet në Shqipëri janë manipuluar. Ky organizëm i ka kërkuar drejtorit të ODIHR që të marrë masa të menjëhershme. Vendimet e këtij organizmi merren pasi konsultohen me burime të shumta dhe të sakta

Partitë Popullore Evropiane morën vendim për zgjedhjet lokale në Shqipëri dhe deklaruan se ato kanë qenë të manipuluara. Ato kërkuan që të niste një proces hetimi për këto zgjedhje dhe i dërguan një mesazh kreut të ODIHR që të merrte masa konkrete ndaj këtij vendimi. “Partia Popullore Evropiane vendosi në mbledhjen e fundit të Byrosë Politike dhe të Këshillit të PPE-së si vijon: Zgjedhjet e fundit lokale në Shqipëri u manipuluan, dhe u vendos një investigim nga përfaqësuesit e PPE-së në Këshillin e Evropës dhe Asamblenë Parlamentare të OSBE-së. Ndërkohë Kryetari Grupit të Kristian Demokratëve, Konservatorëve dhe partive simotrave në Asamblenë Parlamentare të OSBE-së, njëkohësisht dhe nënkryetar i Çështjeve Politike dhe i Sigurisë të Asamblesë Parlamentare të OSBE-së z. Kamenos i ka drejtuar me dt. 17 tetor 03 një letër Drejtorit të ODHIR-it, Ambasadorit Strohal në të cilën i shkruan se për shkak të raportimit të mediave ndërkombëtare që ndoqën zgjedhjet lokale të 12 tetorit në Shqipëri për vonesën e shpalljes së rezultatit si dhe ankesave për manipulim elektoral, anëtarët e grupit tonë kërkojnë raportin e ODHIR-it me qëllim që të marrin masat përkatëse,” thuhet në një njoftim që ka dalë nga zyra e shtypit të PD-së. “Në letrën e tij Z. Kamenos thekson gjithashtu: “Delegacioni shqiptar i kryesuar nga kryetari i Partisë Demokratike Prof. Dr. Sali Berisha më kërkoi gjatë mbledhjes së fundit të Byrosë Politike dhe Këshillit të PPE-së të paraqesë një kërkesë pranë Asamblesë Parlamentare të OSBE-së për të dërguar një mision parlamentar në Shqipëri,” thuhet më tej në njoftimin që i referohet mbledhjes së fundit të Byrosë politike të Këshillit të PPE. E rëndësishme sipas vlerësimeve të demokratëve është se PPE asnjëherë nuk mund të marrë vendime të njëanshme dhe duke u mbështetur vetëm tek një burim. "Stampa është vënë mbi bazën e informacioneve shumë të sigurta," është shprehur Berisha. Vendimi vjen pak ditë pasi Partia Demokratike dhe opozita i ka denoncuar këto zgjedhje si jo të ndershme dhe të lira. Forumi i Partive Popullore Europiane është një organizëm që përmbledh rreth 60 parti të qendrës së djathtë në kontinent, një pjesë e të cilave janë në qeverisje.


--------------------------------------------------------------------------------



nga gazeta Tema

[ALBA]

PUKE, NJE VOTE 100 MIJE LEKE

Zgjedhjet vendore ne rrethin e Pukes u manipuluan nga kreret socialiste me blerje votash. Ky eshte pohimi me i fundit qe vjen prej ketij rrethi nga kreu i deges se PD-se, Prel Deda. "Socialistet perfituan nga varferia e njerezve te ketij qyteti per t'i blere ata, ne menyre qe t'i detyronin te votonin per kandidatin e zgjedhur prej tyre" pohon per "KJ" Deda. Sipas te dhenave, ne kete qytet ditet para zgjedhjeve jane shperndare shuma prej 100 mije lekesh te cilat sherbenin si pagese per nje vote ndaj socialisteve. Nje gje e tille ne rrethin e Pukes u be ne menyre mjaft te shpejte, per vete faktin e nivelit te ulet te jeteses se qytetareve te kesaj zone. Nga ana tjeter, kercenimet e socialisteve, pohojne demokrate te keij qyteti, u ushtruan ne mase edhe ndaj buxhetoreve te cilet punojne realisht ne aparatin buxhetor. Pushimet nga detyra ishin mjeti qe socialistet perdoren me kete mase qytetaresh per te blere votat. "Ketyre fakteve, iu shtuan edhe manipulimet qe u bene me listat dhe kutite e votimit. Te gjitha keto cuan ne humbjen e kandidateve demokrate ne dy bashkite e rrethit tone." shton kreu i deges se PD-se ne rrethin e Pukes. Madje Deda paraqet edhe raste konkrete si ai ne komunen e Iballes ku dolen me shume vota sesa votues. Per keto arsye, ai paraqet kerkesen qe hetimit te manipulimeve zgjedhore ne trekendeshin Tirane-Durres-Shkoder t'i shtohet edhe ai ne rrethin e Pukes, pasi edhe aty ato nuk kane qene me te pakta.

Egla Nasi

[Albo]

Prokuroria hap hetimet për KQZ-në

Ditën e djeshme në dyert e KQZ, kanë mbërritur dy prokurorë, të cilët kanë kërkuar që të njihen me listat e votimit paraprake dhe përfundimtare. Ky hetim nis si kërkesë e kandidatit demokrat, Spartak Ngjela, i cili ka paditur kryetarin Celibashi, si autorin e masakrës zgjedhore me listat

Dy prokurorë të Prokurorisë së Përgjithshme kanë filluar hetimin mbi lista e votimit, të përgatitura nga Komisioni Qendror i Zgjedhjeve. Pas denoncimeve të Spartak Ngjelës për ndryshim të listave paraprake dhe përfundimtare me ato të përdorura gjatë votimeve, Prokuroria është vënë në lëvizje duke i kërkuar Celibashit listën përfundimtare si dhe atë paraprake të zgjedhësve. Detajet janë mbajtur larg medias dhe dy përfaqësuesit e organit hetimor si dhe vetë Celibashi nuk kanë dhënë hollësi përveç konfirmimit të detyruar të kreut të KQZ-së për praninë e prokurorisë në institucionin e tij. Avokati i Ngjelës, Shefqet Dizdari deklaroi dje në momentin e mbërritjes së prokurorëve tek Celibashi se Prokuroria kërkon tërheqjen e listave përfundimtare si dhe dokumentacionit të listave që ekzistojnë në proces-verbalet bazë të çdo qendre votimit, të cilat tregojnë numrin e votuesve të paraqitur tek qendra e tyre e votimit, por që nuk kanë mundur të votojnë. Të gjitha këto dokumente janë vlerësuar të rëndësishme nga opozita si dhe provë për të dokumentuar manipulimin zgjedhor. "Është e vërtetë se pas denoncimit të kandidatit të opozitës për kreun e bashkisë së Tiranës Spartak Ngjela prokuroria është vënë në lëvizje dhe ka kërkuar nga KQZ që të tërheqë dokumentin e listave përfundimtare dhe listave që vërtetojnë se çdo votues është paraqitur në qendrën e votimit," ka deklaruar Shefqet Dizdari.

[Pianisti]

Me vjen keq qe administratoret bejne nje pune seleksionuese me postimet e kesaj teme, nje lloj cenzure, qe vetem njohje te vlerave demokratike nuk nuk tregon. Kur lexoj morine e shkrimeve te kesaj teme me del perpara stenda e emulacionit socielist te dikurshem ose stendat e fleterrufeve, ku permbajtja krasitej mire perpara se te dilte per lexim. Verej qe shume postime kane humbur gjurmet, ndoshta nga fryma e tyre verejtese ndaj propagandes gazetareske te se ashtuquajturve te djathte shqiptare? Shpresoj qe jem i gabuar ne kete perfundim.
Naja gjithe te mirat dhe suksese ne kete pune

[manoklla]

Mos i kritiko moeratoret ti se do ta fshijne fare postin. Me mire hesht dhe shiko sesi Florida po eleminon Yankees sesa ta humbesh kohen kot.

[Albo]

Lexoni titullin e temes perpara se te jepni mendim apo beni koment dhe kjo eshte nje teme ku vetem vend per koment nuk ka. Nje prej shume mesimeve me vlere qe do te mesoni ne kete forum (ndryshe nga gazetat dhe mediat shqiptare) eshte qe perpara se te jepni mendim, duhet te informoheni me sa me shume fakte per temen ne fjale. Mesimi i dyte eshte qe komentet alla-kafene ku njeri hedh e tjetri pret, qe kane per qellim daljen nga tema nuk kane shans per te qene te suksesshme ne kete forum.

Nuk me behet vone fare se cfare mendojne njerezit qe shqetesohen per "rezultatet", duke anashkaluar procesin dhe faktin qe jane me mijra shqiptare qe u eshte mohuar e drejta per te votuar ne keto zgjedhje. Ketu duket ajo qe quani "kultura demokratike" dhe manipulimet ne zgjedhje nuk duhet te shqetesojne vetem ata shqiptare qe simpatizojne opoziten, por gjithe spektrin politik shqiptar e majte e te djathte bashke.


Albo