Manipulimet e zgjedhjeve!

[Brari]

Po Fred Xhaferi..Sa ka marre???

[Zarathustra.]

Shume e bukur kjo analiza.... ju keshilloj qe te merreni me permbajtjen e saj, se zakonisht kur nuk e pelqeni shkrimin filloni shani autorin nga nena ju.


Berisha, prishësi i vetëm i zgjedhjeve

MUSTAFA NANO

Do të ishte e udhës që sot të analizohej me kujdes situata “e re” paszgjedhore, ku të bie në sy së pari maturia politike e votuesve shqiptarë, të cilët, njësoj me popujt e tjerë europianë, janë në gjendje të shprehin lirisht e qetësisht vullnetin e tyre politik, së dyti masa e madhe e abstenuesve, së treti depërtimi i butë dhe interesant i Partisë Demokratike dhe i Partisë Socialiste respektivisht në jug e në veri të vendit. Ka edhe dukuri të tjera, të cilat ia vlen t’i analizosh në planin politik, sociologjik, kombëtar, etj, etj, por në mënyrën më absurde e më të pamendueshme, prej dy ditësh shqiptarët po gjenden nën breshërinë e bataresë “Berisha”. Eshtë po kaq absurd e i pamendueshëm edhe fakti, që këto dy ditë askush ndër ata që kanë privilegjin a fatin për të pushtuar ekranet e televizorëve e faqet e gazetave, nuk thonë asgjë lidhur me politikanin Berisha, i cili bëri çmos të eklipsonte nga njëra anë punën e strukturave e të institucioneve të ngarkuara për të kontrolluar ligjërisht procesin e nga ana tjetër çdo tentativë për të shqyrtuar atë që ndodhi. Askush nuk e thotë se, përtej të gjitha problemeve që u vunë re me listat e zgjedhjeve e me kutitë mikroskopike të votimit, i vetmi faktor që tentoi të prishte esencialisht zgjedhjet ishte dhe është Sali Berisha. Ai i prishi zgjedhjet qysh të dielën paradite, ndërsa filloi të dilte përpara gazetarëve për të bërë denoncimet e pritshme. Foli për manipulime me listat, për trupa komando në Dibër, për njerëz të armatosur në Tepelenë, për “faqeziun” Celibashi, për padrinon Fatos Nano, për klanin e Zemunit, për Edvinin e korruptuar, etj, etj. Ai zuri të dilte në çdo një orë përpara gazetarëve, ku nuk bënte gjë tjetër veçse akuzonte, akuzonte, akuzonte. Pas tij doli të fliste Ngjela e të tjerë si ai, e pas tyre u përgjigjën socialistët. Dita e dielë u shndërrua në ditën më të nxehtë të fushatës elektorale. Kjo është një çmenduri shqiptare.
Kjo ngjarje shënoi zhvillimin më antiligjor të procesit, gjë që në fakt përbën të vetmen ngjarje për t’u denoncuar me forcë. Presidenti Moisiu, i cili kish demonstruar prej dy a tre muajsh merakun e tij për mbarëvajtjen e zgjedhjeve administrative, nuk u bë i gjallë përballë këtij atentati që po i bëhej procesit ditën me diell. Nuk ka njeri në botë që të mos e kuptojë e të mos e dijë se protagonizmi i politikanëve ditën e zgjedhjeve është i ndaluar qoftë ligjërisht, qoftë logjikisht. Politikanët flasin e bërtasin deri njëzet e katër orë para votimit, pasi më pas, për më shumë se dhjetë orë, dalin në skenë dalin votuesit, të cilët janë të vetmit protagonistë. Këtyre të fundit nuk guxon askush t’ua rrëmbejë skenën gjatë këtyre orëve, ndryshe gjithçka nuk ka kuptim.
Që Berisha do ta bënte këtë gjë, kjo dihej. Kështu është sjellë gjithë kohën, edhe kur ka qenë President, edhe kur ka qenë në opozitë. Çfarë të lë me gojë hapur në këtë mes ka të bëjë me faktin, që zërat denoncues ndaj kësaj dukurie nuk ndihen. Pse? Vallë nuk e dinë që ditën e votimeve nuk bëhet fushatë? Bën vaki që ndokush nuk e di vërtet, por pjesa më e madhe e njerëzve publikë e të dijshëm nuk flasin për arsye të tjera, mes të cilave bie në sy edhe interesi për përfitime të lloj-llojshme nga një fitore e mundshme e opozitës, edhe frika e terrori që mbjell portreti i murrëtyer i Berishës në raste të tilla. Pesë orë me radhë folën dy kolegë të mij në “TV Klan” (Fatos Lubonja e Armand Shkullaku), dhe ndërsa nuk lanë çikërrimë elektorale pa marrë në shqyrtim, çuditërisht nuk dëshmuan se u kish bërë përshtypje dhunimi flagrant i kësaj feste politike (e tillë është dita e zgjedhjeve), aq sa të dukej se këtë strategji ia kishin sugjeruar ata Berishës. Lidhur me këtë të fundit, po këta kolegë të mij nuk u bënë të gjallë, kur Berisha doli në mesnatë dhe, pasi deklaroi “fitoren “ e PD-së, u shpreh se nuk do të njihte zgjedhjet në Tiranë. Çdo njeriu në këtë moment do t’i dilte vetvetiu një pyetje e pafajshme: Po pse në Korçë e në Elbasan duhen njohur zgjedhjet, e në Tiranë jo?
Ka edhe një pyetje tjetër po kaq të vetvetishme: Pse Berisha flet për çdo gjë, e nuk flet për atë që po ndodh në Himarë? Pse e bëri ai Himarën, ndërkohë që dhjetë vite me radhë na ka çarë kokën me retorikë antigreke e ndërkohë që e njihte situatën delikate atje (pamjet e transmetuara dje nga “Top Channel”-i e jepnin qartë çdo gjë)? Kjo është një pyetje e madhe, e cila e do një përgjigje. Përgjigja ime është shumë e thjeshtë: Sali Berisha është i gatshëm të bëjë e të pranojë çdo gjë, mjaft që të vijë në pushtet. Eshtë pikërisht ky raport seksual me pushtetin, i cili e shtrëngon që herë të shfaqet si një nacionalist i papërmbajtshëm, herë si një antishqiptar me patentë, herë të dalë si një antiamerikan i sprovuar, e herë si një dashnor i madh i superfuqisë, herë të shfaqet si dhunues par excellence i votës së lirë e herë të shfaqet si i përgjëruar ndaj saj.
Gati katër vjet më parë e kam deklaruar se, përsa kohë Sali Berisha do të jetë i zëshëm në politikën e Shqipërisë, nuk do të gjejë paqe as politika, as Shqipëria. Jam i lumtur teksa kam rast të verifikoj saktësinë e asaj që kam thënë, por jam i trishtuar teksa shoh se Berisha vazhdon të jetë në politikë. Jam më i trishtuar akoma, kur vërej se ai ka forcën të qëndrojë në politikë edhe si një humbës i stërvitur. Ai, ashtu si pas çdo humbjeje, vijon të përsërisë se ka fituar. Dhe në fakt, ai personalisht është i fituar. Ai do të jetë kryetar i Partisë Demokratike për aq kohë sa dëshiron të jetë i tillë. Gjithmonë do të gjenden mbështetës të tij, të cilët, me dashje apo pa dashje, do të përkujdesen që kjo minë të shëtisë pa afat në politikën shqiptare.


P.S. Ndërsa po shkruaja rreshtat e fundit të këtij shkrimi, më erdhi lajmi se Hysen Domi në Elbasan kish përshëndetur fitoren e kundërshtarit në Elbasan dhe kish deklaruar se zgjedhjet ishin më se normale. Nëse shqiptarët do të ishin si Berisha, Domi do të na ngjante me një marsian. Por për fat, Shqipëria ka boll njerëz si Hysen Domi, që dinë të marrin pjesë në një garë politike dhe dinë të humbasin. Ky është një lajm i gëzueshëm.





Gazeta Shekulli
13 Tetor 2003

[Albo]

Brari, nga 88% qe deklaroi ne fillim Koka, ra ne 58% qe deklaroi Ruka, tani me sa po shoh ka rene ne 53%, prit edhe disa ore te tjera se ka te ngjare te bier akoma

Edhe shoku Ruci deri dje na thosh qe PS ka fituar 48%, sot na paskan rene ne 43%, prit deri neser kur te bien akoma. Brari, se mos te shkon mendja se socialistet kane vene dore mbi voten, he te keqen, ata thjeshte nuk dine te numerojne, se aq shkolle kane...

Kurse pionereve te Enverit ne kete forum po ju kujtoj se ata qe nuk votuan dot ne qendrat e tyre te votimit, emrin e gjenin tek lista tek dera qe ishin botuar 1 jave me pare, por nuk e gjenin dot tek listat qe perdornin komisionet. Dhe mos u tregoni "legalizimet" banoreve te Tiranes, pasi ndryshe nga shumica prej jush qe ne Tirane u coi besnikeria e prinderve tuaj ndaj partise, keto familje jeten ne Tirane e kane krijuar me mundin dhe djersen e tyre.

Fatkeqesia e budallait eshte se kujton se eshte me i zgjuari ne bote dhe burre me te mire se vetja nuk ben.

Albo

[krokodili_73]

Nuk kane thene kote, hodhi budallai nje gur ne lume e u mblodhen 100 te mencur e se nxirrnin dot. Kshu dhe puna juj me direktivat e bajraktarit. Ky eshte raporti i OSBE dhe se cprotesta do beni dhe se cdo fitoni me to nje dreq e truri budalla i te shiturit ke serbet sales e di, ja dhe raporti sipas BBC:

OSBE-ja vlerëson se zgjedhjet e të dielës kanë shënuar përparim


Vëzhguesit ndërkombëtarë, që mbikëqyrën zgjedhjet vendore në Shqipëri, thonë se votimet shënuan një hap të rëndësishëm drejt një demokracie të plotë, megjithëse shtuan ata, duhet ende përparim për t'u arritur standardet perëndimore.

Votimet u mbikëqyrën nga më shumë se dyqind vëzhgues nga Organizata për Siguri dhe Bashkëpunim në Evropë (OSBE).

Vëzhguesit thanë se derisa votimet shënuan një përmirësim të rëndësishëm në krahasim me zgjedhjet e kaluara, një numër të metash duhet të hiqen para mbajtjes së zgjedhjeve të ardhshme parlamentare.

Të dy partitë më të mëdha në vend pretendojnë të kenë fituar.

Partia Socialiste thotë se ka fituar tridhjetë e gjashtë nga gjashtëdhjetë e pesë bashki në vend, përfshirë sipas saj edhe kryeqytetin Tiranën, si dhe Durrësin, portin e vendit.

Ndërkaq, udhëheqësi i Partisë Demokratike në opozitë, Sali Berisha, tha se nuk do t'i njohë rezultatet në Tiranë dhe Durrës për shkak të dyshimeve, siç tha, për manipulime me listat e votuesve.

Një zyrtar i OSBE-së, pranoi se ka patur probleme me listat e votuesve por shtoi se nuk mendon që ato të kenë ndikuar në rezultatin përfundimtar.

.........
Urime edi dhe suksese

[Albo]

krokodili_73, raporti e ka titullin "raport paraprak" qe behet direkt pas zgjedhjeve dhe ky nuk eshte raporti final i detajuar. Referohu procesit te 2001 dhe po ta kishe kete parasysh, ashtu si Edi Rama qe po feston sot, festonte edhe Mejdani, Meta, Klosi, Rakipi.

Ku jane sot fitimtaret e atyre zgjedhjeve?

Sikur budallai te nxirrte mesim nga gabimet e tij ai nuk do te quhej me budalla por i zgjuar.

[Zarathustra.]

Wow

Easy tiger.

Se pari listat e votuesve iu shperndane komisioneve nen mbikqyrjen e plote te antareve te PD. Procesi i perpilimit te listave dhe shperndarjes se tyre u mbikqyr dhe u miratua nga te dyja partite, pra ishte i hapur per te gjithe, dhe deri te dielen askush nuk pretendoi se 18 mije vete nuk votonin dot. Hmm te duket kaq ironike sot kur ky lloj procesi i miratimit te listave dhe bashkpjesmarrjes ne procesin e organizimit te votimeve as qe konceptohej dot perpara 1997. Po keshtu eshte kur kerkon te civilizosh barbaret shqiptare, ata te hipin ne qafe.

Se dyti ata te 18 mije mund te jene te gjithe simpatizante te Rames, ec e me thuaj ti mua se nuk jane te tille.

Fakti qe 18 mije vete nuk munden te votonin (sikur te jene vertet 18 mije) nuk eshte pro-PD as pro-Sale por eshte pjese e pamundesise per rregjistrim perfekt te shqiptareve, sidomos ne Tirane qe akoma eshte ne ndertim e siper, dhe dinamizmi urbanistik eshte teper i madh.

[Brari]

Manciste thote:

"Shqiptari eshet Shqiptar, por atij i takon te votoje ne zonen te ciles i perket, jo ku ti teket."


Mir e ke Manciste...por thone se..Shume shqipetareve u eshte mohuar e drejta te votojne aty ku kane qene banor te perhershem e u eshte dhene e drejta te votojne ku ju teket fshatareve duke i paisur me certifikata e duke i cuar me autobusa ne qendrat e Votimit ne Qytet.

Kte e kane bere Socialistet.

Mustafa Nano qenka shqetsuar nga retorika 10 vjecare anti-greke e Berishes pra qenka merzit me kte retorik qe ne kohen kurSaliu ishte president..
E ne ato vite Mustafa Nano ishte me detyre..diplomat ne ambasada jashte vendit dhe kuptohet diplomat i qeverise Demokratike.

Mir ja ben Saliut ki Mutafa Nano-Skrapari.

Me Saliun po ndodh ajo qe thone..kalova lumin te dhj...kalin..

Ata qe Saliu i mbajti mire te tere jane hedhur te Nano.

Si nuk pash nje qe u be Bos ne koh te Sales te jet sot me Saliun... meazalla..te tere hane tek grazhdi Gramozit.. te Rucollareve.

Ne kukes degjova ka fituar Nano.

Patjetare se u foli kuksiance Nano atyre e u tha...ju kam prue Xhoin sonte ..e ata shperthyen ne duartrokitje nga Kenaqsia ..a thua do flinte Xhoana me Kuksiano-Barinjte e Shistavecit..
Sa magar jane..

Do ju bej aeroport ktu u tha Nano dhe hodhi nje lopat me dhe ne fush e Kuksianet u gezuan..
Tani ata presin aeroportin ku do bjeri Nano boingat e Kuksianet do shkojne ne Nju Jork me shit djath..lol.

Nano e desh Kukesin se aty ka Durakun..miljarderin e Naftes..i cili ka cisternat e Petrolit qe furnizon Kosoven..
Kuptohet Duraku punon me Hashimin ne Kosove e ndajne ca thas me euro per Nanon..
Kuksianet..le te hane bar.. e te "ruajne kufirin nga shkelsat" se ajo ka qene zanati Tyre 50 vjecar..

[krokodili_73]

Mendimi im eshte se kur ne se gjejme dot gjuhen e perbashket mes nesh per te mbikaluar konfliktet dhe kontradiktat e kemi, per cfaredo arsye, mendimi i organizmave dhe personave jashte botes sone te ngaterruar sic eshte OSBE apo ODHIR-i duhet te perdoret si shabllon qe ne te korektojme dhe reflektojme per qendrimet dhe veprimet qe kryejme, ne menyre qe ti adaptohemi menyres se mendimit dhe veprimit perendimor. Cfare kuptimi ka qe te bejme lufte me mullinjte e eres, apo mos me keq, tja fusim vetes sic kemi bere gjithmone. Vetem nje nero obsesivo-kompulsiv si sala nuk ka mundesi te vetkontrolloje veten, ose akoma me keq, si viktime e mbrumimit me menatlitetin bajraktaro-orientalist dhe te lidhur keq pas komplekseve false te nderit, burrerise e idhujve fals te tjere, duke bere nje zhurme te tille, apo mos dhe me keq duke organizuar protesta boshe me nai shishe benzine a nai gur ne xhama, do krijoj mjat zhurme qe te laje zhburrerrimin qe i ben kundershtaret e tij ne duelin e rradhes, qe jane zgjedhiet. Po a kemi mundesi ne qe ne kete faze ku ndodhet shqiperia, te humbasim energji, ose me keq te perfshihemi ne veprimtari autodestruktive qe plotesojne vetem nje qellim, kenaqjen e kompleksit te edipit te nje individi. Sa keq per ne, dhe sa mire per ata qe na portretizojne si majmune te paafte te vetqeverisim.
Anyway, mendimi im eshte se kur se zgjidhim dot vet, nese organizmat e mesiperme japin verdiktin qe zgjedhiet jane nje hap perpara dhe se keto parregullsi teknike nuk e ndryshojne rezultatin, stop, end of story. Te dy forcat politike duhet t'a pranojne dhe te ulen te rregullojne gabimet per persosjen e procesit dhe jo te meren me donkishotizma.
Ta
Kroksi

[Albo]

Durrës, PD: Mbi 30 përqind e opozitës nuk votoi

Në një konferencë për shtyp janë renditur të gjitha parregullistë e vërejtura, të cilat sipas PD kanë çuar dhe në manipulimin flagrant të rezultatit zgjedhor. Mësohet gjithashtu se shumë qytetarë janë paraqitur në dyert e kësaj selie për të deklaruar mohimin e votës. Në selinë rozë, entuziazmi ka rënë ndjeshëm

Defektet e zgjedhjeve në qytetin e Durrësit

-Sipas të dhënave paraprake, mbi 30 përqind e votuesve nuk janë lejuar që të votojnë

-Listat e votimit, edhe pse të masakruara janë të ndryshme me proces-verbalet e dorëzuara

-Në lista përveç emrave të hequr, të atyre që janë shpërndarë në mënyrë kaotike ka patur dhe mjaft emra që nuk ekzistojnë fare

-Vendndodhja e qendrave të votimit është caktuar me shumë vonesë

-Disa nga qendrat e votimit janë caktuar madje me disa orë para fillimit të votimeve

-Baza materiale është shpërndarë me vonesë, po ashtu me vonesë është bërë dhe përcaktimi i komisionerëve

PD e Durrësit ka bërë të ditur qëndrimin e saj zyrtar për të mos njohur rezultatin e zgjedhjeve në bashkinë e Durrësit. Ajo e ka shoqëruar këtë qëndrim edhe me një sërë faktesh dhe dokumentash, të cilat sipas tyre provojnë një manipulim politik të listave në Durrës. "12 Tetori qe jo dita e zgjedhjeve lokale në Durrës, por përmbyllja e një veprimtarie kriminale të filluar me kohë ndaj votës dhe procesit zgjedhor," janë shprehur drejtues të kësaj dege. Ata kanë theksuar se autorë dhe përgjegjës të kësaj veprimtarie mafioze ndaj zgjedhjeve janë kryeministri Fatos Nano, kandidati socialist Lefter Koka dhe shtabi i tij si dhe KQZ që shërbeu si instrument sipas drejtuesve të PD për dhunimin e zgjedhjeve. PD e Durrësit ka bërë prezent faktin se prej kohësh ajo ka ngritur shqetësimin pranë institucioneve të huaja për një manipulim të mundshëm. "Ndodhja e një maskarade të tillë ka vërtetuar plotësisht shqetësimin tonë," tha kryetari i degës së Partisë Demokratike, Ermir Kapedani. Më pas ai është ndalur në disa prej defekteve të vërejtura. Kështu sipas tij për të bërë masakrën e listave është përdorur e gjithë eksperienca e zgjedhjeve të kaluara të vitit 2000 e 2001, ku u panë mijëra qytetarë të paregjistruar, mijëra të tjerë të shpërndarë në qendra të ndryshme nga e përhershmja e tyre, madje shpesh edhe jashtë njësisë vendore. Po sipas tij listat përfundimtare u sollën me shumë vonesë dhe nuk arritën të shpalleshin në kohën e duhur në qendrat e votimit, gjë e cila ka sjellë edhe pjesmarrjen e ulët në votime. Listat e reja përveç emrave, të cilat janë hequr, janë pasuar edhe nga shumë emra të tjerë, të cilët janë shtuar pa ekzistuar realisht. Po kështu në disa qendra votimi u shpërndanë të njëjtat lista. Ndërkohë që Kapedani ka bërë prezent edhe caktimin me vonesë të vendndodhjes së qendrave të votimit. Kjo e shoqëruar edhe me një lëvizje të qendrave të votimit nga ato tradicionalet në disa raste. Madje kjo shkoi deri në raste flagrante të dhunimit ligjor ku dhjetë qendra u caktuan vetëm disa orë para votimit. Shpërndarja e bazës materiale dhe caktimi i dhjetëra komisionerëve me vonesë ka qenë sipas Kapedanit një tjetër shkelje. Kështu sipas të dhënave të para të PD rreth 30 përqind e votuesve nuk janë lejuar të paraqiten fare pranë kutive të votimi, ndërkohë që në një mestare numëri i atyre që janë paraqitur për të votuar dhe nuk kanë mundur ta bëjnë një gjë të tillë shkon në mbi 1 mijë vetë për qendër. Ndërkohë që mësohet se skandalet me listat janë të përmasave të mëdha dhe burime nga dega lokale kanë bërë të ditur se listat e paraqitura kanë një mospërputhje me procesverbalet e plotësuara. Këto dhe shkelje të tjera kanë bërë që PD e Durrësit të kontestojë rezultatin dhe procesin në tërësi si të manipuluar politikisht.

Drejtuesit lokalë të PD janë shprehur se do t'i kërkojnë Presidentit të Republikës të ndërhyjë urgjentisht dhe energjikisht si dhe KQZ për të korrigjuar sa më shpejtë këtë situatë që solli mafia në Durrës. Ndërkohë që në PD e Durrësit janë paraqitur sot qindra qytetarë për të denoncuar atë që iu ka ndodhur. Bëhet e ditur se në PS e Durrësit po përdoren të gjitha mënyrat duke fajësuar për këtë punonjëset e gjendjes civile në bashki. Ky faturim që kërkohet t'i bëhet kandidatit socialist këtij fenomenit, edhe pse në fakt ka të tjerë autorë, ka ngjallur edhe konflikte në këtë parti. "Delegimi i fajit për atë që ka ndodhur në punonjës të gjendjes civile do të shoqërohet me një shkarkim të tyre nga puna dhe kjo do të shikohet si përpjekje për të përmirësuar atë që ka ndodhur," është shprehur një nga drejtuesit e PS në Durrës. Gjithsesi në selinë e PD qindra njerëz janë paraqitur me vullnetin e tyre për të deklaruar mohimin e votës. Reagimi qytetar për manipulimin e madh të 12 tetorit në këtë bashki është mjaft i madh. Kjo ka bërë që edhe entuziazmi i një fitoreje në kampin rozë të zbehet.

Tema

[manoklla]

Probleme me listat patjeter qe ka pasur, se ne Tirane e Durres eshte dyndur mizeri njerezish nga jugu e veriu bashke. Nje mendje normale beson se te humbura ne kete mes jane te dyja partite. Prandaj kjo meseleja e 'manipulimeve' eshte nje pese me hic, arme e Sali Avdallit per te mbuluar pergjegjesine nga vetja per humjen elektorale te rradhes. E cfare manipulimesh ka pasur kur ne zonen me te kulturuar te Tiranes, ne Tiranen e Re ku banon ajka intelektuale dhe rinia me e edukuar e Tiranes u votua 78% per Edi Ramen? Vetem kjo duhet te jete mjaft per te kuptuar se ke votoji Tirana dhe njerezit e kulturuar ne pergjithesi.