Manipulimet e zgjedhjeve!

[Albo]

Kthim ne identitet, kthim ne komunizem per PS.

Procesi i votimit në Kongresin e PS-së

Shekulli

TIRANË – Procesi i gjatë i votimit duket se ka përsëritur pothuaj të njëjtën histori si atë të konferencës së socialistëve të Tiranës. Mbrëmë rreth mesnatës, delegatë të Kongresit kanë denoncuar qarkullimin e listave, të cilat sugjeronin votën pro apo kundër ndaj kandidatëve për anëtarë KPD-je që cilësohen si mbështetës të Nanos apo kundërshtarë të tij. Megjithëse salla ka qenë e mbushur me delegatët dhe me shumë nga figurat kryesore të PS-së, këto lista kanë arritur të kalojnë dorazi dhe t’u imponohen delegatëve në momentin e votimit. Procedurat e gjata të votimit, që kanë zgjatur deri në orët e para të ditës së sotme janë ndjekur me vëmendje të madhe edhe nga vetë njëri prej kandidatëve për postin e kryetarit të PS-së Edi Rama. Ai është dukur mjaft i qetë në pritje të përfundimit të procesit të votimit, madje i ulur në sallë mes delegatëve ai ka mbledhur rreth tij edhe përkrahës të Nanos. Rama ka shkëmbyer batuta dhe shaka me deputetin e Vlorës Mezan Malaj. Në mes të sallës qëndronte i ulur edhe ish-kryeministri Ilir Meta, i shoqëruar nga deputeti Spartak Braho. Në sallë nuk është parë gjatë procesit të votimit Nano, ndërsa kanë qëndruar gjatë gjithë kohës njerëzit e afërt të tij. Edhe kandidati tjetër Rexhep Meidani ka lënë në sallë përkrahësit e tij për të monitoruar procesin. Gjatë gjithë kësaj kohe, holli jashtë sallës së Teatrit të Operas dhe Baletit ka qenë i mbushur me delegatë, të cilët hynin e dilnin, në pritje të votimit. Procesi i votimit ka filluar rreth orës 17.30, pas diskutimeve të shumta për ndryshimet në statut. Procedurat kanë qenë tepër të gjata për delegatët. Atyre u duhej që të votonin njëkohësisht në pesë kuti. E para ishte për tre kandidatët për postin e kryetarit, në kutinë e dytë do të votohej për dy kandidatët për sekretarë të përgjithshëm, në të tretën për 190 anëtarët e KPD-së. Ndërsa e katërta dhe e pesta kuti ka pritur fletët e votimit ku kanë qenë të shënuar kandidatët për anëtarë të Komisionit Qendror të Garancive Statutore dhe të Komisionit të Revizorëve. I pari që ka çelur procesin e votmit ka qenë socialisti më i vjetër Dritëro Agolli. Ai ka qëndruar në njërën nga 25 dhomat e votimit, për rreth 20 minuta. Pas, Agollit procedurat kanë vazhduar me delegatët e tjerë. Ndër të parët ka votuar edhe vetë Fatos Nano, i cili ka qëndruar 15 minuta dhe pas hedhjes së fetëve në kutitë përkatëse, ka nderuar me grusht dhe ka qeshur duke zbritur shkallët e skenës.

[*DJ-ALDO*]

Postuar më parë nga Albo
Braho: Kongresi ka tendenca për manipulim

Nevila Përndoj

TIRANE - Deputeti socialist, Spartak Braho deklaroi dje se procesi i votimit për kryetarin e PS-së kishte tendenca për manipulim. Gjatë një deklarimi për mediat, Braho sqaroi se dy prej anëtarëve të komisionit ishin ata të cilët kishin ushtruar dhunë mbi kryetarin e PS-së së Durrësit, Leonidha Germenji, pak ditë më parë. Për këtë arsye, Braho e la të hapur çështjen nëse ai dhe kolegët e tjerë do të pranonin procesin e votimit për kryetarin e PS-së apo edhe për anëtarët e KPD-së. Braho shtroi se procesi i fillimit të votimit nuk ishte normal. Ai theksoi se nga ana e përfaqësuesve të kryetarit socialist, Fatos Nano pati edhe tendencë për përjashtimin nga komisioni të përfaqësuesve të dy kandidatëve për postin e kryetarit të PS-së, Rexhep Meidani dhe Edi Rama. “U desh ndërhyrja ime tek sekretari i përgjithshëm i PS-së, Gramoz Ruçi që situata të normalizohej”, -shtoi ai. Braho theksoi gjithashtu se mbështetës të kryetarit socialist Fatos Nano po ushtronin presion mbi delegatët lidhur me anëtarët e Komitetit të Përgjithshëm Drejtues. Duke komentuar procesin e votimit të mbrëmshëm, Braho shtoi se pas votimit nuk mund të pritet ndonjë gjë e re nga ajo që është parashikuar kohë më parë. “Nuk pritet ndonjë gjë e re. Tashmë kryetari socialist, Fatos Nano ka një mendim delirant për të fituar me çdo kusht postin e kryetarit të PS-së”, -tha ai. Braho theksoi se, “mendimi ndryshe u fshi në mënyrë arbitrare në kongresin e djeshëm duke sjellë edhe një kongres problematik”. Deputeti socialist shtoi gjithashtu se në kongresin e 6-të socialist kishte rreth 380 nëpunës të lartë të pushtetit socialist.


Bizhga: S’ka manipulime
TIRANE - Ndërsa deputeti socialist, Gazmir Bizhga mohoi dje të jetë manipuluar procesi i votimit. “Procesi i votimit po funksion krejtësisht normal dhe i hapur. Nuk pati gjithashtu kontestime për përbërjen e komisionit”, -tha ai. Bizhga sqaroi se procesi i votimi po paragjykohet nga ata delegatë që, sipas tij, e kanë të sigurtë humbjen. “Paragjykimi i procesit të votimit vjen sepse në rast të humbjes së pritshme ata ta justifikojnë këtë humbje si rrjedhojë e një procesi të manipuluar”, -shtoi ai.

Me ne fund filluan dhe socialistet te bejne parti te tjera si demokratet qe udheheqin ne kete sport per 10 vjet rrjesht.
"Shikon kungulli kungullin dhe piqet" ,thote nje shprehje e urte shqiptare.
Mjere Shqiperia..
Bye,bye

[Albo]

Ja dhe mesazhi me gjest e jo me fjale qe Nano u jep delegateve te tij ne salle pas votimit:

[*DJ-ALDO*]

Postuar më parë nga Albo
Ja dhe mesazhi me gjest e jo me fjale qe Nano u jep delegateve te tij ne salle pas votimit:

Keto lloj fotosh se perse me kujtojne emisionon famekeq dhe mashtrues "Fokus" te Robert Papes.
Aty ne çdo 3 foto 4 ishin montazh.(nuk e kam shkruar gabim)
Keshtu me duket edhe tani.
Nuk eshte aq idiot Nano qe te ngrere grushtin e te pershendesi alla komuniste,por propaganda e te tjereve e manipulon nje foto te tille dhe thote ç'ti vije per mbare.
Edhe Sali Berisha ka fotografi ne stazh Partie se bashku me Adil Carcanin dhe Hysni Kapon.
Fotja eshte botuar ne gazete disa vite me pare,dhe Sali Berisha ishte pas shpines te dy ish byroisteve.
Kjo çfare eshte atehere??
Bye,bye

[Albo]

Kundështarët e Kryeministrit dhe FRESH-i shprehen për votim të parregullt. Agasi: “Çdo gjë sipas procedurave”

Kongresi, akuza për manipulime

Tërhiqen përfaqësuesit e Meidanit dhe Ramës. Abazi: “U trajtuam si të ishim në komision me Berishën.”

Darina Tanushi

TIRANË - Dy përfaqësueset e kandidatëve për kreun e PS-së, Edi Rama dhe Rexhep Meidani, anëtare të komisionit të votimit në Kongresin e 6-të u tërhoqën dje, rreth orës 19:00 nga ky komision, me pretendimin se aty ka pasur manipulime. Luzhiana Abazi dhe Mirela Merkaj kanë lënë në mënyrë demonstrative komisionin e votimit, kur kishin numëruar rreth 150 vota të delegatëve për të zgjedhur anëtarët e KPD-së. Njëra prej tyre, Luzhjana Abazi, përfaqësuese e Ramës në komision, tepër e fyer dhe e irrituar, deklaroi duke dalë nga salla e Teatrit të Operas dhe Baletit se “ne po trajtohemi si të ishim në komision me Berishën dhe jo në partrinë tonë”. Ajo ka thënë: “Shumë fletë votimi kanë qenë të pavlefshme. Ky është një manipulim që është bërë nga komisioni i votimit”. Ndërsa përfaqësuesja e Meidanit, Mirela Merkaj, nuk ka pranuar të flasë. Ato kanë denoncuar faktin se ka pasur presion ndaj tyre, prandaj edhe kanë braktisur komisionin dhe procesin e votimit. Incidenti ka ndodhur në çastin kur komisioni ka quajtur të vlefshme një fletë votimi që nuk kishte të shënuar 95 emra, siç ishte dhe rregulli i votimit, por më pak, ndërkohë që nga salla ka pasur reagime për ta quajtur të pavlefshme këtë fletë. Nënkryetari i FRESSH-it Dritan Ylli ka pohuar se “në disa raste ne konstatuam që kishte më tepër emra sesa duheshin lënë për të plotësuar listën e fituesve”. Po kështu, sipas pretendimeve të dy komisionereve, kanë kaluar edhe fletë të tjera.

Ndërhyrja e Ruçit

Në këtë çast procesi i numërimit është ndërprerë derisa në sallë ka ardhur sekretari i përgjithshëm Gramoz Ruçi, i cili ka urdhëruar vazhdimin e procesit. Edhe sekretari për marrëdhëniet me publikun Bardhyl Agai ka deklaruar se komisoni ka shumicën e anëtarëve dhe mund të vazhdojë punën normalisht. Pak më vonë në mjediset e Teatrit të Operas dhe Baletit kanë ardhur deputeti Ndre Legisi i shoqëruar nga Fatos Klosi. Ata kanë biseduar me Ruçin për disa çaste dhe i kanë shprehur atij pakënaqësitë e dy komisionereve. Ndërsa përgjigjja e sekretarit Ruçi ka qenë e tillë: “Procesi është i regullt, por ato kanë pasur urdhër për t’u larguar dhe e kanë lënë komisionin”. Kjo është kundërshtuar nga deputeti Legisi, i cili nuk ka qëndruar shumë në sallë, ku vazhdonte numërimi. Përfaqësues të Forumit Rinor Eurosocialist kanë denoncuar këtë proces dhe e kanë cilësuar të manipuluar dhe të pavlefshëm. Pas largimit të dy komisionereve, në sallë nuk ka mbetur më asnjë përfaqësues i FRESSH-it apo edhe ndonjë deputet anti-Nano.

Legisi

Pas bisedës që Legisi ka pasur me Ruçin, është shprehur se grupi i deputetëve nuk ka nevojë për lëmoshën e Nanos. Ai e ka cilësuar mungesë të respektimit të procedurave të votimit për shkak të lënies në kundërshtim me rregulloren e një procesi votimi të më shumë emrave. “Kjo bëhet e gjitha për të korrigjuar atë idiotësi që ushqyen, frymëzuan dhe realizuan udhëheqësit e PS-së të tërë së bashku e në mënyrë të veçantë kryetari i parties, zoti Nano. Ne nuk jemi një grup gjynahqarësh që presim që stafi i zotit Nano të na shtojë ca vota për të treguar se nuk jemi larguar”, - tha Legisi. “Ne procesin e rregullt të votimit e quajmë të shenjtë dhe jemi të bindur se me një proces votimi të tillë, të monitoruar edhe nga ndërkombëtarët, të kontrolluar nga persona të caktuar pas çdo votimi që bënin rrethet, rezultati është i njohur. Ne nuk mund të lejojmë askënd të luajë me procesin e votimit, me votën, ashtu siç po luhet tani”, u shpreh deputeti Legisi.

[Albo]

BERISHA U DOREZON FAKTET MANIPULUESE NDERKOMBETAREVE

Anila Rama

Kryetari i Partise Demokratike Sali Berisha informoi ambasadorin e Misionit Nderkombetar te Vezhguesve Robert Berry rreth fakteve qe disponon opozita per manipulimin e zgjedhjeve ne Tirane. Lideri i selise blu gjate nje takimi qe zhvilloi me ambasadorin Berry dhe shefin e OSBE-se Osmo Liponen, u ka vene ne dispozicion nje manual te plote mbi menyren sesi eshte proceduar per te nxjerre rezultatin perfundimtar nga Komisioni Qendror i Zgjedhjeve. Sipas Berishes ne qender te denoncimit qe ai ka bere tek dy zyrtaret e larte nderkombetare, ndodhet kryetari i KQZ-se Ilirjan Celibashi, i cili legjitimoi manipulimin e bere nga socialistet. "Celibashi mban pergjegjesine kryesore qe nxori nje vendim te paligjshem duke mos marre parasysh faktet qe vertetonin prishjen e procesit zgjedhor ne Tirane. Ai ka shperndare keshillin bashkaik si nje bandit i vertete. Gjate takimit une pohova se keto zgjedhje jane teresisht te deshtuara" tha Berisha. Kryedemokrati ka kerkuar nga nderkombetaret qe te kene ne vemendje faktet e servirura nga opozita me qellim qe ato te merren parasysh gjate hartimit te raportit perfundimtar per zhvillimin e procesit zgjedhor te 12 tetorit ne vendin tone. Opozita ka kerkuar nga misioni i vezhguesve monitorim te plote te procesit te perseritur ne 118 qendra votimi ne kryeqytet. Ambasadori Berry nuk pranoi te jepte asnje koment rreth takimit qe ai zhvilloi me kreun e opozites Berisha. Pritet qe sot Misioni i Vezhguesve te dale ne nje konference shtypi pikerisht mbi ecurine e procesit zgjedhor. Takimi i djeshem i Berishes eshte ne vazhden e takimeve te shumta qe ai ka zhvilluar me nderkombetaret mbi problematiken e procesit zgjedhor ne vend, duke denoncuar shkeljet e shumta qe sipas tij jane bere nga KQZ ne Tirane sidomos ne hartimin e listave.

[*DJ-ALDO*]

Lexoni me poshte xhevahiret e atyre qe duan me çdo kusht kolltukun:




Komuna Tërbuf, komisionerët e opozitës rrëmbejnë vulën

TIRANE- "Procesi zgjehdor në Tërbuf në raundin e dytë me datën 16 tetor u zhvillua konform ligjit duke zbatuar të gjitha kërkesat e Kodit Zgjedhor dhe gjithë ky proces u zhvilluar nën mbikqyerjen dhe vëzhgimin nga OSBE-ja. Dhe në fund të procesit zgjedhor u bë numërimi i votave në praninë e OSBE-së dhe të komisionerëve të pozitës dhe opozitës dhe rezultoj në përfundim që 208 vota i mori subjekti i PS me kandidatin e saj dhe 73 vota i mori kandidati kundërshtar. Nga ky moment sapo doli rezultati komisionerët e opozitës, të cilët mbështesin kandidatin e pavarur, ata menjëherë u larguan duke rrëmbyer edhe vulën me vete. U bënë të gjitha përpjekjet që këta komisionerët të fillonin përsëri aktivitetin ligjor deri në përfundim të nxjerrjes së rezultatit dhe firmosjen e rezultateve. Ata deri në numërim arritën. Pastaj kur erdhi momenti për plotësimin e procesverbaleve u larguan në mënyrë krejt të paligjshme, duke rrëmbyer edhe vulën. Ata e kishion projektuar këtë strategji që në fillim të procesit zgjedhor, që në rast se hymbnin do të laregoheshin. OSBE nga momenti i daljes së rezultatit, pasi morën rezultatin e dhanë atë nëpër strukturat e tyre, ndërsa ne u bllokuam për arësye se komisionerët e opozitës ikën. Që ditën e nesërme ne bërë ankesën pranë KQZ, por që nga ky moment nga data 16 nëntor e deri më sot ne vërejmë që të gjitha përpjekjet e KQZ janë për të dëshiruar. Ata vetëm sjellin teknicienë apo inspektorë, të cilët nuk marrin as atributet e KQZ, por vijnë thjeshtë si vëzhgues. Në këto kushte shkolla e cila ka shërbyer si qendër votimi është e mbyllur deri më tani nën ruajtjen e forcave të rendit dhe rezultati ka mbetur në kutinë e votimit, deklaroi Fassli Arapi. /S.V
jme nga Agjensia Telegrafike shqiptare

[Albo]

PD, padi në prokurori për vendimin e njësisë shtatë

PD ka depozituar në Prokurorinë e rrethit Tiranë kallëzimin penal ndaj të gjithë përgjegjësve që kanë shkelur ligjin zgjedhor duke vendosur fituesit për në këshillin e njësisë bashkiake numër 7 vetëm me tre firma komisionerësh. Në reagimin e vet, PD ka sqaruar se ajo ka bërë padi ndaj këtyre autorëve, të cilët kanë shkelur në mënyrë të hapur dhe flagrante kodin e zgjedhjeve.

Bujar Nishani, Sekretar i Përgjithshëm i PD, Dega Tiranë tha dje gjatë një konference shtypi se PD ndodhet para rasteve të shumta të vendimeve të manipuluara që janë marrë në mënyrë të kundraligjshme nga komisionerët socialistë në KZQV-të e njësive bashkiake të Tiranës dhe janë pasuar po nga vendime të paligjshme në kundërshtim me kërkesat e Kodit zgjedhor dhe nga Komisioni Qëndror i Zgjedhjeve i drejtuar nga Ilirjan Celibashi. "Kemi një vendim të KZQV numër 7 që shpall fituesit për në këshillin e njësisë bashkiake me tre firma, pra vetëm me tre firma të komisionerëve socialistë, të cilët në mënyrë të jashtëligjshme janë mbledhur dhe kanë shpallur vendimin se cilët do të jenë anëtarët e kësaj legjislature në këshillin e kësaj njësie. Megjithëse në Kodin zgjedhor, shprehet në mënyrë taksative që vendimet për shpalljen e fituesve janë 5 me 2 arrihet deri aty sa komisionerët socialistë marrin vendime, shprehin këto vendime të shkruara dhe ia paraqesin KQZ me tre firma madje fatkeqësisht njëra prej firmave thuhet që është e deleguar," tha Nishani. Sipas denoncimit, 'zullumi' shkon më tej nga KQZ i drejtuar nga Ilirian Celibashi, i cili merr një vendim më datë 18.11.2003 me 4 firma tashmë. Në një kohë kur edhe në Kodin zgjedhor parashikohet që vendimet e KZQV për shpalljen e fituesve janë taksative të shpallen në raportin 5 me 2, duke shkelur në mënyrë të hapur ligjin. Por gjithnjë sipas denoncimit, komisionerët e PS e deklarojnë si të vlefshëm këtë vendim dhe PS nën drejtimin e Sekretarit të Përgjithshëm të Prefekturës Tiranë mbledh në mënyrë të jashtëligjshme anëtarët e Këshillit bashkiak të PS dhe partive të tjera të majta PSD dhe me gjithë protestat e njëpasnjëshme të pandërprera të përfaqësuesve të opozitës në këtë këshill, të cilët kërkuan me ngulm që ky vendim i pavlefshëm dhe antiligjor të mos gjejë zbatim.