Pas 4 muajsh, KQZ shpall rezultatin perfundimtar

[Albo]

Ngjela: KQZ të japë dorëheqjen

Nevila Përndoj

TIRANË - Kandidati për Bashkinë e Tiranës, Spartak Ngjela deklaroi dje se vendimi i Kolegjit Zgjedhor flet për një fitore të pjesshme të opozitës. “Pesëshja e Komisionit Qendror të Zgjedhjeve që ka bërë masakrën në këto momente duhet të japë urgjentisht dorëheqjen. Unë e përshëndes Kolegjin Zgjedhor. Drejtësia fillon të funksionojë në Shqipëri sepse e nxori të pavlefshëm dhe brutal vendimin e KQZ-së. Gjithashtu vërtetoi edhe njëherë cënimin që i bëri opozitës presidenti i Republikës, i cili pas këtij vendimi duhet të vendosë autoritetin e vet për t’i rikthyer opozitës dëmin. Kurse Celibashi dhe katër të tjerët e KQZ-së duhet të japin dorëheqjen sa më shpejt që të jetë e mundur”, - tha Ngjela.
Kandidati për Bashkinë e Tiranës ishte i pari që e bëri publik vendimin e Kolegjit Zgjedhor para protestuesve demokratë. Këta të fundit po protestonin para Kryeministrisë, teksa Ngjela me megafon ka njoftuar “fitoren e pjesshme të opozitës”. Pavarësisht shpalljes së vendimit nga Kolegji Zgjedhor, kandidati për Bashkinë e Tiranës Spartak Ngjela ka deklaruar se protestat nuk do të ndërpriten. Ai ka njoftuar gjithashtu se deri në shpalljen e datës nga KQZ për përsëritjen e zgjedhjeve, strukturat e PD-së do të merren edhe me përmirësimin e listave të zgjedhësve për 130 qendrat e votimit. Ngjela ishte i pari nga zyrtarët e lartë të PD-së që kërkoi fillimin e protestave me qëllim përsëritjen e zgjedhjeve në Tiranë. Deklarata e tij mori vendim zyrtar vetëm pas mbledhjes së Kryesisë së PD-së.

[Albo]

Vendimi: Te perseriten zgjedhjet ne Tirane

Kolegji Zgjedhor prane Gjykates se Apelit vendos shpalljen te pavlefshme te zgjedhjeve ne qytetin e Tiranes per 130 qendra votimi, nga 346 qendra ne te gjithe kryeqytetin. Rreth 130 mije zgjedhes, brenda dhjetorit do te votojne serish per te zgjedhur mes Edi Rames dhe Spartak Ngjeles. Reagon Nano: "Gjyqtaret, te korruptuar". Per Berishen: "Ishte vetem fitorja e pare"
Qytetaret e Tiranes do t'u drejtohen perseri kutive te votimit per te zgjedhur Kryetarin e ri te Bashkise brenda muajit dhjetor. Kolegji Zgjedhor prane Gjykates se Apelit vendosi dje te rrezoje vendimin e Komisionit Qendror te Zgjedhjeve, i cili pak dite me pare shpalli fitues Edi Ramen, dhe te shpalle te pavlefshme zgjedhjet vendore ne rreth 130 qendra votimi, nga 346 qendra qe ka ne Kryeqytet. Nje gjysemfitore per betejen e kandidatit demokrat Spartak Ngjela, ndersa shifrat ofrojne nje beteje te rihapur per kryeqytetin.

"Per bashkine e Tiranes ne disa qendra ka pasur parregullsi te atilla, te cilat i bejne zgjedhjet te pavlefshme. Prandaj, bazuar ne nenin 117 a dhe 174 a,b te Kodit te ri Zgjedhor vendosem ndryshimin e vendimit te KQZ-se dhe shpalljen te pavlefshme te zgjedhjeve ne qytetin e Tiranes per 130 qendra votimi", u shpreh dje Kryetari i Kolegjit Zgjedhor, gjyqtari Bashkim Dede. Keshtu, kjo perseritje votimesh, qe behet gati ne nje te treten e qendrave qe ka Tirana, ndikon seriozisht ne rezultatin e shpallur nga KQZ-ja, i cili tashme, mund edhe te kthehet ne favor te kandidatit te Partise Demokratike, Spartak Ngjela. Ne te 346 qendrat e votimit te 11 njesive vendore te Tiranes kane votuar rreth 432 mije e 400 zgjedhes, ndersa me vendimin e djeshem per perseritje votimesh do t'u drejtohen kutive te votimit per te dyten here rradhazi, rreth 130 mije kryeqytetas.

Vendimin e dhene nga gjyqtaret e Kolegjit Zgjedhor, kandidati i PD-se per Bashkine e Tiranes, Spartak Ngjela e ka cilesuar si mjaft pozitiv, por, te pjesshem, pasi sipas tij nese procesi i votimit do te shpallej i pavlefshem per gjysmat e qendrave te votimit, do te perseritej i gjithe procesi i votimit, "si ne cdo vend normal". "Betejen gjyqesore per parregullsite ne listat e votimit do ta coj deri ne Gjykaten Kushtetuese", theksoi ai. Nderkaq, nga ana tjeter, Kryetari i PS-se per degen e Tiranes, Musa Ulqini, ka reaguar ashper ndaj vendimit dhe te gjitha parregullsite qe jane verejtur ne 130 qendrat e votimit ku do te perseriten zgjedhjet per kryetar bashkie, sipas tij, jane bere qellimisht nga komisioneret e PD-se, te cilet kane pasur shumicen ne KZQV. "Kaq mund te beje opozita, nuk mund te djege institucionet. Megjithate une kam besim te plote se qytetaret e Kryeqytetit do ta perballojne kete sfide. Une di qe politika e vetme qe ka djegur rezultatin ne 130 qendra votimi eshte absolutisht qendrimi antiligjor i komisionereve te PD-se, te cilet jane urdheruar, qe politikisht ta djegin rezultatin duke demtuar procesin", deklaroi Ulqini, menjehere pas dhenies se vendimit. Nderkohe, vendimi i KQZ-se i shpallur rreth dy jave me pare, pikerisht nje muaj pas votimeve te 12 tetorit, nxirrte fitues kandidatin socialist, Edi Rama me rreth 68 mije vota ne favor te tij, afersisht 22 mije vota me teper se rivali, avokati Ngjela. Per te mberritur deri ketu, KQZ-ja per mese dy jave trajtoi procesverbalet dhe tabelat e rezultateve te te gjitha qendrave te votimit te Tiranes ne disa mbledhje "maratone" te saj, ku kane qene te pranishem edhe anetaret e KZQV-se se Tiranes, te cilen nuk kishin mundur te nxirrnin nje fitues te tyren. Keta te fundit, ashtu si edhe pothuajse te gjithe anetaret e te 384 KZQV-ve te vendit, u kritikuan mjaft ashper edhe nga perfaqesuesit e huaj te OSBE-se dhe ODIHR-it ne Shqiperi, te cilet vleresuan mbarevajtjen e procesit zgjedhor ne diten e votimit, por e quajten turp procesin paszgjedhor, sidomos per Tiranen.

Renato KALEMI

Thane

MUSA ULQINI, Kryetar i PS-se per degen Tirane:

"Te gjitha parregullsite, te cilat jane shenuar nga Kolegji, jane parregullesi ne ato qendra votimi ku ne mazhorance kane qene komisioneret e PD-se. Kaq mund te beje opozita, nuk mund te djege institucionet. Megjithate une kam besim te plote se qytetaret e Kryeqytetit do ta perballojne kete sfide. Une di, qe politika e vetme qe ka djegur rezultatin ne 130 qendra votimi, eshte absolutisht qendrimi antiligjor i komisionereve te PD, te cilet jane urdheruar qe politikisht ta djegin rezultatin, duke demtuar procesin".

SPARTAK NGJELA, Kandidat i PD-se per Bashkine e Tiranes:

"Ky vendim eshte pozitiv, por i pjesshem. Nese procesi i votimit do te shpallej i pavlefshem per gjysmat e qendrave te votimit, ne cdo vend normal do te perseritej i gjithe procesi i votimit. Betejen gjyqesore per parregullsite ne listat e votimit do ta coj deri ne Gjykaten Kushtetuese".

Rezultati per Tiranen i shpallur nga KQZ

KANDIDATI SUBJEKTI VOTA PERQINDJE

EDI RAMA PS 68.575 57.77 %

SPARTAK NGJELA PD+PR+PBL 45.917 38.68 %

KRESHNIK COLLAKU PDR 1.094 0.92 %

ROBERT PAPA PLL 800 0.67 %

SUBJEKTI VOTA PERQINDJE

PS 55.262 48.09 %

PD 44.846 39.03 %

PSD 2.547 2.22 %

PR 1.781 1.55 %

PDR 1.607 1.40 %

PAD 1.364 1.19 %

PDS 1.247 1.09 %

PLL 1.057 0.92 %

Qendra votimi ne Tirane 346 gjithsej

Numri i plote i zgjedhesve 432.444 votues

Numri i Njesive Vendore (KZQV) 11

Kortezi e gazetes Korrieri

[manoklla]

Edi Rama i fitoj zdhedhjet fair and square kurse kta jon akoma te ura me gura. Vetem sa do i harxhojn leket shtetit per riberjen e zgjedhjeve ne disa zona se qe do fitoj prap Edi as qe diskutohet.

[beni67]

Sa keq me vjen per Edin e per gjithe ato qe i shkojne prapa. Po vertet ku do ti gjeje ai gjithe ato leke per te paguar vullnetaret e tij. ....? Xhanem ai ka bere gjithe ate pasuri duke vjelur bashkine . Ai mund te perballoje e te fitoje edhe 10 zgjedje .....Hajt pra suksese Rames nga fitorja ne fitorje...!

[Llapi]

Rama:PS duhet që të qeverisë



Kandidati për kryetar i partisë Socialiste të Shqipërisë, Edi Rama, në një intervistë për BBC-në thotë se PS nuk duhet të shkojë në opozitë.

Zoti Rama thotë edhe se do t'i fitojë përsëri zgjedhjet e pjesshme për kryetar bashkie që do të mbahen me 28 dhjetor.

Me zotin Rama bisedoi në Tiranë korrespondenti i BBC-së, Ilir Kadia.

Z.Rama: Unë besoj me gjithë zemër që PS është e vetmja alternativë dhe mundësi që kanë ende shqiptarët dhe pikërisht për këtë arsye unë mendoj që partia socialiste nuk duhet të shkojë në pozitë.

Me sa duken bathët mund të ndodhë nëse partia Socialiste nuk bëhet realiste dhe kthen sytë nga qytetarët shqiptarë.

BBC: Përse është tradhti kombëtare nëse socialistët i humbasin zgjedhjet?

Z.Rama: Është tradhëti kombëtare, sepse i lihet në dorë fati i Shqipërisë një opozite absolutisht të papërgatitur për të drejtuar Shqipërinë dhe me prirje shumë të theksuara antidemokratike dhe antiqytetare.

Për këtë arsye unë mendoj se socialistët janë të dënuar të shërohen duke qeverisur, janë të dënuar të lëshojnë të gjithë nga pak për hir të pushtetit nëpërmjet lëshimeve reciproke dhe jo kokëfortësive reciproke.

Janë të dënuar të mendojnë shumë më tepër për elektoratin, për qytetarin, shumë më tepër për antarësinë e partisë, sesa për veten e tyre, që mos të lënë që qeverisja të kthehet në duart e doktorit.

BBC: Në konferencën e PS shumë delagatë brohoritën për Nanon. Pas diskutimit tuaj ata u bënë gati të brohorasin dhe për ju, ndërsa ju kundërshtoni brohoritjet për kryetarët. Pse?

Z.Rama: Unë mendoj se në një garë brenda partisë nuk duhet brohoritur as për kryetarë, as për askënd ndër konkurentët, sepse kjo është një garë idesh, për të sjellë sa më shumë contribute, ide, argumenta në funksion të rritjes së mëtejshme të punëve.

Prandaj dhe unë i quaj të gjitha brohoritjet në emra të përvecëm pjesë e një të shkuare, e cila duhet të mbetet prapa.

Ndërkohë që emrat e përveçëm mund të duartrokiten apo komplimentohen në fushata elektorale kur janë përballë kundërshtarëve politikë, pasi brenda përbrenda një partie ne nuk jemi kundërshtarë, por kontributorë në funksion të një qëllimi të vetëm të çuarjes përpara të PS.

BBC: Në këtë përvojë të parë tuajën me socialistët para kongresit dhe për një kandidim për kryetar si po shkon puna?

Z.Rama: Unë mendoj që kongresi i cili tashmë është shumë afër mund të ishte pregatur më mirë dhe mund të ishte më pak vulnerabël se sa është karshi daljes së produkteve të paqëndrueshme.

E them këtë se gjithë periudha parakongresuale u karakterizua nga dukuri aspak të këndshme, siç ishin mënyra se si u pregatit dhe u bë fushata e kandidatëve.

Duke konsideruar këto dukuri si pjesë të asaj problematike që ne duhet të zgjidhim dhe të asaj pjese tonës që ne duhet të shërojmë për të patur një parti demokratike, të madhe, të hapur me një mbështetje sa më të gjerë popullore.

Unë kam dëshirë ta shikoj kongresin si një moment reflektimi, si një moment ku të gjitha kontributet të jenë komplimentare dhe si një moment i cili dhëntë zoti të na sjellë një produkt ku të gjithë të ndihen të identifikuar.

BBC: Sa është shpresa në përqindje që keni ju se mund të jeni kryetar i kësaj partie në këtë përvjetor?

Z.Rama: Unë nuk i kam hyrë përllogaritjeve të numrave dhe nuk kam ndërmend ta bëj një gjë të tillë, sepse kontributi dhe kandidatura ime nuk është një kontribut dhe kandidaturë që bazohet në vlerat numerike të garës.

Vlerat numerike janë relative dhe rrezikohen të bëhen zero në rast se ne nuk dalim me produktin e qëndrueshëm që është pikërisht ajo bazë që gjithë ne të vazhdojmë të punojmë së bashku për partinë socialiste, për mbështetasit tanë dhe për Shqipërinë e jo për të triumfuar mbi njeri tjetrin, apo azgjesuar politikisht njëri tjetrin.

Ky do të ishte dhe fundi i një epoke gjithsesi të suksesshme të PS-së, e cila nuk e meriton që të goditet kaq keqas në rast se do të ndodhte kështu.

BBC: Dy javë mbas kongresit ju do ballafaqoheni me përsëritjen e zgjedhjeve në gati 130 qendra votimi. A mund të bëni një koment për këtë ditë zgjedhjesh?

Z.Rama: Komenti im është se dhe sikur 100 herë të ballafaqohem me doktorin dhe me avokatin e tij, 100 herë unë do të fitoj, ndoshta çdo herë më thellë.

[Albo]

Berisha: Hetimi i PPE, zgjedhjet të manipuluara

Kryetari i Partisë Demokratike, Sali Berisha, tha pas kthimit nga Brukseli se Byroja politike dhe Këshilli i Përgjithshëm i Partive Popullore Evropiane i ka cilësuar zgjedhjet lokale në Tiranë dhe Durrës si tërësisht të manipuluara. Ai konfirmoi se ky organizëm do të vazhdojë hetimin ndërkombëtar për manipulimet e bëra nga mazhoranca gjatë këtij procesi. Kryetari demokrat mori pjesë në mbledhjen e djeshme të Byrosë Politike dhe Këshillit të Përgjithshëm të PPE. "Mund të them se qeveria shqiptare dhe qeverisja shqiptare nxinin në Bruksel. Kështu e kanë katandisur Shqipërinë këta qeveritarë trafikantë të papërgjegjshëm, përfaqësues jo të shoqërisë shqiptare, por të organizatave të krimit të organizuar," u shpreh Berisha, pas mbërritjes në aeroportin e Rinasit.

Kryetari demokrat deklaroi se kishte zhvilluar takime të rëndësishme me personalitete të shquara evropiane, pjesëmarrëse në mbledhjen e Byrosë politike, të cilave ai tha se u kishte bërë të qartë manipulimin e procesit zgjedhor. "E shfrytëzova qëndrimin tim atje për të njohur partitë e qendrës së djathtë europiane me vazhdimin e proçesit zgjedhor në Tiranë. Për Europën demokratike po bëhet shumë i qartë manipulimi i zgjedhjeve të Tiranës. Pati një mbështetje të plotë dhe totale dhe mund të them se në vendimin e saj Byroja Politike i kualifikoi zgjedhjet tërësisht të manipuluara dhe unë kam gjetur mirëkuptim të madh atje," u shpreh Berisha. Ai deklaroi se rezoluta e lexuar nga drejtuesit e këtij organizmi, ishte e mbushur me kritika jo vetëm për zgjedhjet, por dhe për mënyrën e qeverisjes së socialistëve. "Duke lexuar rezolutën dhe komunikatën për Shqipërinë m'u rikujtuan vargjet e njohura, të cilat thonë se "një fjalë të mirë kërkush nuk ta flet." Kështu e kanë katandisur Shqipërinë këta qeveritarë, trafikantë të papërgjegjshëm, përfaqësues të organizatave të krimit të organizuar dhe jo të shoqërisë shqiptare," sqaroi Berisha.

PPE deklaroi pak ditë pas zgjedhjeve se problemi i listave dhe mosbalancimi i KQZ kishin prishur procesin zgjedhor në Tiranë dhe Durrës. Kjo deklaratë e tyre u pasua dhe nga ngritja e një grupi hetimor për të mbledhur fakte rreth manipulimit zgjedhor në vendin tonë. Opozita deklaroi se do të mbështeste dhe do asistonte këtë grup me fakte për manipulimin zgjedhor. Edhe raporte të tjera ndërkombëtare i kanë cilësuar zgjedhjet si të manipuluara, ndërkohë që zyrtarët evropianë janë duke shqyrtuar masat që mund të merren përkundrejt pushtetarëve shqiptarë. PPE është organizmi më i lartë i partive të djathta evropiane.

[BOY_UK]

BERRI : LISTAT NUK NDRYSHOJN

Ambasadori i Misionit Vezhgues te OSBE-se dhe ODHIR-it, Robert Berri u shpreh dje kunder permiresimit teresor te listave zgjedhore te kryeqytetit para zgjedhjeve te perseritura te 28 dhjetorit. Shefi i vezhguesve te huaj qe ka ndjekur nga afer procesin zgjedhor te 12 tetorit dhe gjithe fushaten elektorale, tha dje se misioni nuk do te mbeshteste idene e hedhur nga ndonje force politike per te nderhyre masivisht ne lista, pasi kjo do te krijonte konfuzion te madh edhe per faktin se koha deri ne diten e zgjedhjeve ishte e pamjaftueshme. Sipas tij e vetmja menyre e pranueshme per tevotuar zgjedhesit qe nuk jane ne lista, eshte vertetimi i marre ne Gjykaten e Rrethit per t'u paraqitur ne qendren e votimit perkatese. Ne kete menyre OSBE dhe ODHIR kane anashkaluar problemin e ngritur se fundi nga kryetari i Partise Demokratike per permiresimin e listave te Tiranes para dates 2=8 dhjetor. Zyrtari i larte pershendeti proceduren e re te ndermarre nga Komisioni Qendror i Zgjedhjeve i mbeshtetur edhe nga IFES per lajmerimin e te gjithe zgjedhesve per qendren ku duhet te votojne. Nderkohe ai u beri thirrje partive politike qe te shfaqin vullnetin dhe angazhimin e duhur ne KZQV dhe ne KQV-te perkatese, ne menyre qe zgjedhjet e 28 dhjetorit ne Tirane te mos deshtojne. "Do te ishte ne dem te votuesve shqiptare qe ky proces te sterzgjatej pafundesisht. Eshte turp, pasi fushata u zhvillua ne menyre te rregullt. Edhe komisionet zgjedhore duhet te zgjidhen ne kohe ne menyre qe te mos perseritet e njejta situate si ne 12 tetor" tha Berri. Sipas tij partite politike duhet te emeronin ne Komisionin Zgjedhor te Qeverisjes Vendore te Tiranes, militante qe mund te beheshin shkak per te bllokuar punen, por profesioniste qe te dine te administrojne voten e qytetareve. Ambasadori Berry pranoi faktin se kishte probleme te medha me listat zgjedhore si para ashtu edhe pas zgjedhjeve te 12 tetorit. Sipas tij zvogelimi ketyre problemeve do te behej i mundur vetem me modernizimin e zyrave te gjendjes civile dhe te ekzistences se adresave te sakta te qytetareve. Lidhur me kete ambasadori i OSBE-se Osmo Liponen pohoi se komuniteti nderkombetar do te mbeshteste projektin per kompjuterizimin sistemit te gjendjes civile ne vendin tone dhe ka filluar puna per hartimin e projekteve. "Ne nuk e kemi hartuar ende raportin perfundimtar te zgjedhjeve pasi po presim qe te perfundoje i gjithe procesi. ne raport dio te kete verjtje dhe rekomandime re serioze per te eleminuar nje pjese te problemeve qe jane vene re deri tani" vijoi Berri. Misioni i Vezhguesve te OSBE-se dhe ODHIR-it do te ndjeke nga afer zhvillimin dhe menaxhimin e zgjedhjeve te 28 dhjetorit, sipas pohimeve te bera dje nga Berri dhe Liponen.

[Albo]

PS: Kundërshtojmë vendimet e KZQV-së për korrigjimin e listave

Drejtues të Partisë Socialiste thanë se vendimi i KZQV-së së Tiranës për të korrigjuar listat e votimit, bie në kundërshtim me ligjin. Në këtë mënyrë ata kundërshtuan vendimin e marrë nga ky komision që në fillim të punës së tij. Kryetari i Partisë Socialiste, dega Tiranë, Musa Ulqini, së bashku me sekretarin e marrëdhënieve me publikun në PS, Bardhyl Agasi, thanë se vendimi ishte marrë në mënyrë arbitrare nga KZQV-ja, e cila përbëhet nga përfaqësues të shumicës. "Ky vendim është në kundërshtim të hapur me dispozitat e Kodit Zgjedhor, që parashikon rishikim të listave deri 3 javë para datës së zgjedhjeve". Gjithashtu, ky vendim bie në kundërshtim dhe me vetë procesin zgjedhor, pasi realisht, zgjedhjet e 28 Dhjetorit në 118 qendra, janë një proces i përsëritur votimi dhe jo zgjedhje të reja," tha në një konferencë për shtyp Musa Ulqini. Ai së bashku me Agasin kërkuan që ky vendim të ndryshohet ose të anulohet.


--------------------------------------------------------------------------------

KZQV, qindra kërkesa për regjistrime në lista

Pas vendimit të KZQV-së së Tiranës, dje pranë këtij komisoni kanë vërshuar kërkesat e qindra qytetarëve që duan të regjistrohen për të votuar në zgjedhjet e 28 dhjetorit dhe që nuk mundën të votojnë në 12 tetor. Emrat që janë paraqitur pranë KZQV-së janë mbajtur të gjitha shënim ndërkohë që për këtë lëvizje është vënë në dijeni edhe KQZ-ja. Sipas anëtarëve në KZQV-në e Tiranës elementi i veçantë i ditës së djeshme ka qenë kërkesa dhe interesimi i madh i votuesve për t'u regjistruar në listat elektorale. Pas një identifikimi të sipërfaqshëm është vërtetuar se dje i janë drejtuar KZQV-së së Tiranës shumë qytetarë që janë të identifikuar madje nga komisionet e qendrave të votimit në datën 12 tetor, sepse në këtë datë njerëzit kanë shkuar për të votuar dhe nuk kanë votuar dot. Këta janë emra të identifikuar jo në mënyrë të njëanshme, por janë emra të identifikuar nga të tërë anëtarët e komisionit të qendrave të votimit. Pikërisht emrat e këtyre njerëzve që janë identifikuar nga komisioni vlerësohen si pjesa aktive e zgjedhësve që nuk kanë mundur të votojnë pasi nuk kishin emrin në listë. Nga ana tjetër përveç qytetarëve edhe subjektet politike kanë vendosur depozitimin e kërkesave të tyre për regjistrime të votuesve dhe mësohet se dega e PD-së Tiranë ka përcjellë dje pranë komisionit dorëzimin e emrave që duhet të jenë në lista. KZQV-së Tiranës ka ka marrë një vendim të saj me shumicë votash për të përmirësuar listat, një vërejtje që doli edhe nga tryeza e partive politike që mblodhi Presidenti i Republikës dhe mesazhi i djeshëm në Kuvend po nga Presidenti që kërkoi të riparohen të gjitha mangësitë dhe problemet që u hasën në 12 tetor, ku natyrisht problemi i parë dhe më shqetësues ka qënë problemi i listave.


--------------------------------------------------------------------------------

KQZ, tjetër mbledhje për vendimin e listave

Presioni në rritje i opinionit dhe qytetarëve që kërkojnë të ushtrojnë të drejtën e tyre kushtetuese të votës në Tiranë, kanë futur KQZ-në në konfuzion të plotë. Shumë shpejt, KQZ dhe kryetari i këtij institucioni, Ilirjan Celibashi do të zhvillojnë një seancë të posaçme të KQZ-së ku do të tentohet të vlerësohet ligjshmëria e vendimit të KZQV-së për shtimin e emrave të rinj në listën që pretendohet se nuk ndryshon më për shkak edhe të kalimit të afatit ligjor. "Nuk ekziston ligji për shqyrtimin elistave", ka deklaruar Celibashi para pak ditëve ndërsa dje zëdhënësi i KQZ deklaroi se problemi i listave "do të trajtohet në bazë të Kodit zgjedhor".

Por opozita ka qenë skeptike mbi deklarimet e fundit të KQZ-së dhe gjithçka e sheh edhe në kontekstin e të fituarit të kohës ndërkohë që mbetet alternativë ligjore drejtimi i qytetarëve që duan të votojnë në gjykatë. Gjithsesi dhe dje KQZ ka shmangur deklarimet e drejtpërdrejta dhe transparente për çështjen e listave ndërsa drejtues dhe deputetë të PD-së si Sokol Olldashi si dhe juristë e specialistë të zgjedhjeve nuk shohin asnjë pengesë dhe shkak për të penguar qytetarët të votojnë sipas përcaktimit Kushtetues. Një problem tjetër ku opozita konteston angazhimin dhe rolin e KQZ-së është lajmërimi i qytetarëve për të votuar pasi sipas saj ka "një angazhim të pakët të KQZ-së për të organizuar njoftimin e personave që është pika më problematike e zgjedhjeve të ardhshme."

Kjo sepse nuk kemi zgjedhje në të gjithë Tiranën, nuk ka zgjedhje vetëm në një zonë elektorale, por kemi në qendra votimi të veçanta brenda një njësie, çka vlerësohet krejt e vështirë. "Natyrisht që ne shpresojmë që të mos ndodhi ajo që ndodhi në datën 12 tetor ku votoi nëna dhe djali dhe mbeti pa votuar babai dhe vajza," pohoi sekretari i PD-së së Tiranës Bujar Nishani.

[Albo]

KQZ rrëzon vendimin e KZQV për korrigjimin e listave

Komisioni Qendror i Zgjedhjeve vendosi me anë të formulës "pesë me dy" që të rrëzojë vendimin e KZQV-së, për të regjistruar ata qytetarë, të cilët nuk mundën të votojnë më 12 tetor. Pa praninë e përfaqësuesve të KZQV-së dhe mes debatesh e kundërshtimesh të shumta nga ana e përfaqësuesve të opozitës në KQZ, seanca e djeshme e mbledhjes u kthye në një arenë përplasjesh. Në këtë mënyrë, të gjithë qytetarët e Tiranës, të cilët banojnë në ndonjë prej qendrave të votimit, ku do të përsëriten zgjedhjet, dhe që nuk kanë votuar dot më 12 tetor, nuk kanë pothuajse asnjë mundësi për të votuar, me përjashtim të vendimeve të gjykatës, gjithmonë nëse ato e marrin përsipër një gjë të tillë. Kryetari i Komisionit Qendror të Zgjedhjeve, Ilirjan Celibashi tha se ka kaluar afati tre javor për rishikimin e listave. Komisionerët e opozitës Prenga dhe Zguri si dhe përfaqësuesi i subjektit PD, Ferdinand Pone, reaguan mënjëherë ndaj vendimit të KQZ-së dhe kërkuan që vendimi i KZQV-së të lihet në fuqi. Sipas tyre ai është plotësisht në përputhje me kuadrin ligjor. Ata deklaruan se ligji zgjedhor i njeh të drejtën këtij komisioni për përmirësimin e listave zgjedhore. "Vendimi që ka marrë KZQV-ja e Tiranës është në përputhje të plotë me ligjin, pasi u garanton qytetarëve një të drejtë kushtetuese, të drejtën për të votuar. E kundërta po ndodh me propozimet e palës socialiste në këtë institucion, të cilët kërkojnë të kthejnë edhe një herë në qendër të vëmendjes procesin e 12 tetorit ku mijëra qytetarë u lanë pa votuar," u shpreh Poni. E veçanta e seancës së djeshme të mbledhjes së paradites ishte moslajmërimi i mediave vizive për të dytën herë pas asaj mbledhje të orëve të vona të natës së para pak kohëve në të cilën u mor vendimi për shkarkimin e KZQV-së së Tiranës nga funksioni i saj duke e zvarritur procesin për një javë deri në emërimin tjetër. Para pak ditësh KZQV e Tiranës vendosi që të ftojë të gjithë qytetarët, të cilët nuk kishin votuar gjatë zgjedhjeve të 12 tetorit, të paraqiten për t'u regjistruar për këto zgjedhje.


--------------------------------------------------------------------------------

PD: KZQV ka të drejtën ligjore për listat

PD denoncoi dje vendimin e KQZ-së, e cila vendosi që të rrëzojë një vendim të KZQV-së së Tiranës për të regjistruar qytetarët që nuk kanë votuar më 12 tetor. Sipas kësaj partie kjo është një përpjekje për të përjashtuar zgjedhësit nga e drejta e votës. "Ky vendim është pjesë e filozofisë së saj të përjashtimit dhe eleminimit të kundërshtarëve të tyre, është shprehje e frikës reale nga një votim i lirë dhe i ndershëm nga qytetarët e Tiranës," tha kryetari i degës së PD-së për Tiranën, Vili Minarolli. Ai deklaroi se është e drejta e KZQV së Tiranës të vendosë dhe t'ia përcjellë KQZ-së listat e plota të zgjedhësve. "PD ka paraqitur në KZQV-në e Tiranës listat e atyre votuesve që iu është hequr e drejta kushtetuese për të votuar dhe që kanë të drejtë për të votuar në ato qendra votimi ku do të votohet me 28 dhjetor. Dua t'i kujtoj Celibashit se si ai, edhe kryetari i KQZV-së, ashtu edhe nënkryetari, përfaqësues të dy forcave politike, ishin pjesëmarrës në tavolinën e organizuar nga presidenti i Republikës, i cili në mënyrë të qartë u shpreh që të mos përsëriten shkeljet dhe defektet që u manifestuan me 12 tetor, ku gabimet në lista ishin defekti kryesor," theksoi kyetari i PD-së, dega Tiranë. Minarolli e quajti thyerje të kushtetutës si dhe të të drejtës së qytetarëve për të votuar. Ai u shpreh se në thelb problemi i anomalive të zgjedhjeve të 12 tetorit erdhi në radhë të parë nga moszbatimi i Kodit Zgjedhor nga ana e KQZ-së. Minarolli këmbënguli dje se qytetarët e Tiranës do të regjistrohen në listat zgjedhore dhe për këtë pohoi se: "Në përputhje me ligjin, me 28 dhjetor në këto qendra votimi nuk ka as balotazh dhe as përsëritje, por është votim nga e para dhe ky është qëllimi për të cilin do të votohet qoftë për kandidatin qoftë për subjektet politike."

[Albo]

Sot KQZ shpall rezultatin përfundimtar të 12 Tetorit. PS vetëm 20 mijë vota më shumë se PD

KQZ shpall rezultatin e zgjedhjeve: PS 34,64%, PD 32,42%

Anila Rama

TIRANE - Komisioni Qendror i Zgjedhjeve do të shpallë zyrtarisht sot rezultatet përfundimtare për zgjedhjet vendore të 12 Tetorit. Vendimi pritet të merret në mbledhjen e planifikuar për sot nga institucioni zgjedhor, përkatësisht, 4 muaj pas datës zyrtare të zhvillimit të zgjedhjeve, duke konfirmuar pjesëmarrjen prej 45.75 për qind të të votuesve ose të 1 237 285 nga 2 704 343 që është numri i përgjithshëm i votuesve të shpallur në listat përfundimtare. Burimet zyrtare nga KQZ, pohuan dje se partitë politike do të ruajnë të njëjtën renditje të shpallur kohë më parë, pa u përfshirë rezultati përfundimtar për Bashkinë e Tiranës, njësi zgjedhore që e përfundoi procesin në 28 dhjetor të 2003. Partitë kryesore shpresonin shumë që përqindjet të pësonin luhatje të dukshme pas përllogaritjeve të votuesve të kryeqytetit, numri i të cilëve është disa qindra mijë dhe ku secila ka jo pak militantë e mbështetës. Por PS dhe PD, zyrtarisht do të ruajnë distancën prej 2 për qind nga njëra-tjetra, distancë që bëhet për herë të parë kaq e ngushtë, bazuar në rezultatet zgjedhore të viteve të fundit. Kështu PS gëzon mbështetjen e 34.64 % të qytetarëve shqiptarë që iu drejtuan qendrave të votimit, duke marrë përkatësisht 408938 vota, ndërsa PD të 32.42 për qind ose të 382726 vota. Ajo që bie në sy në këto rezultate, është ulja disa për qind e mbështetjes së PS-së, krahasuar me zgjedhjet parlamentare të 200 si dhe me zgjedhjet vendore të tetorit 2000, ku PS kishte një mbështetje mbi 38 %. Pra në bazë të numrit të votave PS ka marrë vetëm 20 mijë vota më shumë se kundërshtarja e saj opozitare. Ndërkohë PSD, zyrtarisht do të ruajë pozicionin e forcës së tretë politike në vend, me një përqindje të kënaqshme prej 5.31 %, ndërsa pas saj renditet PR me 3.37 për qind dhe PAA me 3.23%. Surpriza e zgjedhjeve të 12 Tetorit, ngelet PDS e kryesuar nga Paskal Milo, me 2.91 për qind, forcë politike që u krijua vetëm disa muaj para procesit, si fraksion i shkëputur nga PSD-ja. Sipas shifrave të KQZ-së, pragun elektoral të 2.5 për qindëshit e kanë kaluar, përveç PS-së dhe PD-së, subjektet politike PSD, PR, PAA, PDS, PAD, PBDNJ.