Pas 4 muajsh, KQZ shpall rezultatin perfundimtar

[Zarathustra.]

NANO: DO TE BASHKEPUNOJ ME KRYEBASHKIAKET DEMOKRATE

Kryetari i mazhorances u shpreh dje se do te bashkepunoje me kreret e bashkive te fituara nga PD-ja. Sipas tij interesi per keta kandidate eshte madh pavaresisht nga subjekti politik qe ata perfaqesojne. (Deri tani, edhe nga kontributi qe keni dhene ju te medias permes ballafaqimeve televizive, me rezultojne fitore te merituara dhe tregues premtues te kundershtareve qe kane mundur kandidatet e mi ne disa bashki kryesre dhe se afermi me konfirmimin dhe shpalljen e rezultatit zyrtar te zgjedhjeve do t'i ftoj per te nisur menjehere bashkepunimin(, u shpreh ai. Sipas kreut te qeverise ai do te nxise punen e tyre duke e vezhguar me vemendje bashkepunimin midis autoriteteve dhe titullareve te rinj te zgjedhur dhe keshillave bashkiake qe jane multikolor, (si ne rastet kur mazhoranca perbehet nga PS dhe aleatet e saj ashtu edhe ne raste kur minoranca te rendesishme ose jo jane te domosdoshme per vendimarrje qe i sherbejne ritmeve me te larta rajonale qe i sherbejne te gjitheve(.


NANO PRANON FITOREN E PD-SE

Kryetari i PS-se, Fatos Nano e pranoi dje fitoren e PD-se ne nivel lokal ne zjgedhjet e tetorit 2002. (PS njeh dhe vlereson fitoren e opozites ne disa bashki dhe komuna te vendit dhe fton lidershipin e opozites te beje te njejten gje me rezultatet e zgjedhjeve dhe autoritetet vendore fituese te PSSH apo te subjekteve te tjera(. Sipas tij socialistet do te nxisin dhe garantojme bashkepunim dhe mbeshtetje per adresimin e te gjitha kontesteve zgjedhore ne rruge ligjore dhe ne respekt te plote te institucioneve qe ngarkon Kushtetuta dhe ligji per trajtimin e tyre.



A keni degjuar valle ndonjehere nje oferte stabilizuese dhe bashkperfshirese si kjo (qofte edhe formale) nga goja e bajraktar Rrumpalles Sale. Di ai te ofroje bashkpunim, paqe, dhe integrim ndaj kundershtareve politike? Nano kerkon ta ktheje nga ari, ne njeri, xhahilin Sale, po si i thone llafit "Di dhia c'eshte tagjia?"

[Asteroid]

TIRANE (15 Tetor) - Ministri i Rendit Publik Luan Rama godet gazetarin e televizionit Vizion PLus, Ilir Babaramo. Ngjarja ndodhi dje në mbrëmje në Pub Rozafa, ku Partia Socialiste po festonte fitoren e arritur në zgjedhjet lokale të së dielës. Pasi e ka qëlluar Rama, mbi gazetarin Bababramo kanë ushtruar dhunë edhe truprojat e tij. Reagimi i ministrit të Rendit erdhi si pasojë e një replike me gazetarin Babaramo për një shkrim të tij, ku kritikohej puna e ministrit. ro/ro (BalkanWeb)

[Albo]

Bllokohet puna në KZQV-ne e Tiranës, largohet sekretari e 3 anëtarë të PS

TIRANE (16 Tetor) - Bllokohet puna në Komisionin Zonal Qendror Vendor të Tiranës pas largimit të sekretarit dhe tre anëtarëve të Partisë Socialiste. Sipas News24, këta persona e kanë marrë një vendim të tillë pasi kanë parë mangësi në disa kuti votimit dhe pas problemeve me kolegët e Partisë Demokratike. Ndërkohë komisionerët e PS kanë deklaruar se presin sygjerime nga Komisioni Qendor të Zgjedhjeve. dxh/dxh (BalkanWeb)

[Albo]

Kanë mbetur ende pa u shpallur rezultatet e 34 KZQV-ve

Rezultatet paraprake: PS 34%, PD 32%

Shekulli

TIRANË - Kur kanë mbetur pa u shpallur ende rezultatet e 34 KZQV-ve, Partia Socialiste vazhdon kryesimin me 34.22% të votave ose 360417 votues. Vendi i dytë mbahet nga PD-ja, e cila ndodhet ka dy për qind më pak, 32.04% ose 337468 votues. Ndërkohë ende në vendin e tretë ndodhet Partia Socialdemokrate me 5.3% të votuesve. Këto janë shifrat zyrtare të publikuara sot nga zëdhënësi i Komisionit Qendror të Zgjedhjeve, Erton Sinani, për 350 KZQV. Sipas tij, diferenca e dy partive kryesore është vetëm dy për qind. PSD-ja e Gjinushit vazhdon të mbajë vendin e tretë, duke u distancuar me dy për qind nga Partia Republikane, që e ndjek nga pas me 3.48%. Surprizë mbetet ende Partia Agrare Ambientaliste, e cila mban vendin e pestë dhe ka vetëm 0.1% më pak se PR-ja. Ndërkohë Partia e Bashkimit të të Drejtave të Njeriut ndodhet në vendin e shtatë me 2.95%. sipas shifrave zyrtare të Komisionit Qendror të Zgjedhjeve, vetëm tetë parti kanë arritur që të kalojnë pragun e 2.5%. Këto parti janë: PS, PD, PSD, PR, PAA, PDS, PBDNJ dhe PAD. Për sa u përket komunave dhe bashkive të fituara, situata ndryshon dukshëm. Partia Socialiste vazhdon të kryesojë bindshëm duke fituar e vetme 178 komuna dhe së bashku me aleatët e saj edhe shtatë KZQV të tjera. Ndërkohë Partia Demokratike dhe aleatët e saj Partia Republikane dhe Partia e Bashkimit Liberal kanë fituar 131 KZQV. Diferenca prej 54 komushash dhe bashkish është shumë më e ndjeshme se 2%-ëshi i proporcionalit. Në venin e tretë renditet PBDNJ-ja, e cila ka fituar 11 KZQV. Pesë KZQV janë fituar nga kandidatët e pavarur, ndërsa pesë të tjera i ka fituar PSD-ja.

[Komisari]

Cuna,
Po shtypin ne e lexojme vet se s'jemi analfabete, puna eshte qe ju ketu te shtoni ndonje koment se cfare mendoni ju.

[Albo]

KQZ: PS 33,23 %, PD 31,73 %

Prane KQZ-se deri ne diten e djeshme kane sjelle per perpunim informacionin e tyre rreth 361 njesi (KZQV), ndersa vazhdojne qe te jene ne procesin e rinumerimit te votave edhe disa KZQV te tjera ne te gjithe territorin e Republikes. Ne Tirane jane 3 njesi qe nuk kane sjelle materialet ende, njesia 4, 7 si dhe bashkia e madhe e Kryeqytetit.

REZULTATET PER KESHILLTARET BASHKIAKE

PSSH 33.23%

PD 31.73%

PSD 5.53%

PR 3.56%

PAA 3.53%

PDS 3.10%

PBDNJ 3.06%

AD 3.03%

PLL 2.40%

PDR 2.29%

PDK 1.68%

PBK 1.60%

PKSH 1.34%

I PAVARUR 0.98%

PPSH 0.65%

PBL 0.56%

PDRn 0.34%

PBKD 0.31%

PBD 0.16%

PMDL 0.11%

REZULTATET PER NJESITE (KZQV) E FITUARA

PSSH 183 njesi

PD+PR+PBL 135

PBDNJ 11

I PAVARUR 6

PSD 6

PDK 4

PLL 4

PDS 2

PSSH+PSD 2

PSSH+PAA 2

PDR 1

PAA 1

PBK 1

PAA+PSSH 1

PSSH+AD+PAA 1

AD+PSSH 1

[Redi]

Cudi si nuk del Gramoz Ruci te deklaroje qe PS-ja ka fituar 48% te votave.

[ALBA]

Tiranë, KZQV shpall Ngjelën fitues

KZQV e Tiranës mbylli numërimin e votave dhe shpalli fitues kandidatin demokrat, Spartak Ngjela, me një diferencë prej 165 votash nga kandidati socialist Edi Rama. KZQV e Tiranës rreth orës 17 e 30 minuta ka shpallur Spartak Ngjelën fitues të zgjedhjeve në 60 kutitë e votimit të rregullta nga 345 të tilla në gjithë Tiranën. Me katër vota të komisionerëve të opozitës dhe kundërshtimin e tre komisionerëve socialistë, Spartak Ngjela merr një rezultat prej 11,326 votash kundrejt 11,161 votave të Edi Ramës. Sipas rezultatit zyrtar të KZQV-së Tiranë, PD ka fituar edhe në këshillin bashkiak ndërmjet 22,600 votave të vlefshme që u gjetën në kutitë e votimit. PD si subjekt ka marrë 11,023 vota, ndërsa PS 8796 vota. Vendimi i KZQV-së është marrë dje pas një maratone zhvillimesh, ku për më se 7 orë komisionerët socialistë kanë tentuar bllokimin e punës dhe nxjerrjen e rezultateve. Megjithatë, pavarësisht braktisjeve të komisionit nga socialistët, ndërrimin e tabelave të rezultateve të pamiratuara nga KZQV e Tiranës, ky komision vendosi t'i paraqesë KQZ-së rezultatin e pjesshëm të votimit për 60 qendra votimi duke u mbështetur tek neni 117, pika 2, i ka propozuar KQZ-së të shpallë të pavlefshme rezultatet e votimit për qendrat e votimit që u mungojnë materialet zgjedhore të parashikuara në nenet 109 dhe 110 të Kodit Zgjedhor, si dhe të gjithë ato qendra votimi, për të cilat mungon tabela e rezultateve brenda në kutinë e votimit.

Pas vendimit pasojnë firmat e komisionerëve, kryetarit Perikli Dhales, Fatos Hoxhës, Ilirjan Fatkoi, Alma Baze, ndërsa Pirro Simo, Agim Gonxhe, Hazis Meta dhe Aleks Zyba, nënkryetar i komisionit nuk kanë firmosur vendimin edhe pse në tabelën e rezultatit emrat e tyre janë shënuar me vullnet të plotë duke bërë edhe shënimet përkatëse të vërejtjeve të tyre. Pas vendimit, pjesa socialiste ka dalë me një deklaratë sipas të cilës kërkon që 16 qendra votimi të ishin marrë parasysh pavarësisht parregullsive. Ata kanë sqaruar se komisionerët e opozitës kanë marrë dhunshëm bazën materiale dhe zgjedhore. Dhunë verbale sipas tyre është ushtrur gjatë gjithë kohës, por kjo nuk është konstatuar as nga media dhe as nga vëzhguesit e huaj që gjendeshin në KZQV. Vetë kandidati demokrat, Spartak Ngjela pas daljes së rezultatit është treguar i përmbajtur me njohjen e rezultatit, duke theksuar se procesi është moment ligjor.


--------------------------------------------------------------------------------

PD: U numëruan kutitë e rregullta ligjërisht

Partia Demokratike ka hedhur poshtë dje kritikat se KZQV nëpërmjet komisionerëve të saj ka pranuar të shqyrtojë vetëm ato kuti ku rezultati ka qenë pro Spartak Ngjelës. Sekretari për Çështjet ligjore, Ilir Rusmali ka theksuar se KZQV në momentin që fillon shqyrtimin e një kutie të çfarëdoshme nuk e di rezultatin që është brenda, sepse proces verbali i tabelave të rezultateve është brenda. Ajo kuti merret në analizim duke shqyrtuar me radhë sipas kërkesave proceduriale të ligjit të gjithë elementët e vet. Shqyrtimi fillon jo nisur se kush ka fituar, por nga vulat që ka mbi të. "Nëse kutia e votimit është ajo kasafortë që pretendon ligji të jetë atëherë merret në shqyrtim. Në momentin kur konstatohet se kutia e votimit nuk është në kasafortë, këtu mbaron puna e KZQV. Ai nuk e prek më me dorë këtë kuti, pavarësisht se çfarë rezultati ka brenda," është shprehur Rusmali. Ai ka hedhur poshtë edhe pretendimet e komisionerëve socialistë, të cilët kanë kërkuar futjen e proces-verbaleve dhe tabelave të rezultateve nëpër kutitë e votimit dhe në rastet kur ato janë dorëzur dorazi apo edhe janë fotokopje. Sipas Rusmalit ka një motiv ligjor që kërkon futjen e fletëve të papërdorura në kutinë e votimit. Ai pohoi dje se motivi ligjor është fondamental. "Nëse fletët e papërdorura nuk futen në kutitë e votimit që mbyllet me vula sigurie dhe ka natyrën e një kasaforte, këto fletë votimi mund të shkojnë e të përdoren në një vend tjetër, ndoshta jo në këtë kuti votimi. Fletët e papërdorura janë që të gjitha të pajisura me kundrafletë dhe janë kështu për të identifikuar jo vetëm numrin e fletëve që i jepen në dispozicion komisionit, por edhe fletën vetë me numrin e vet serial," është shprehur Rusmali. Sipas tij lënia e fletëve të papërdorura jashtë kutive të votimit dhe mungesa e kodeve të sigurisë është bërë qëllimisht për të krijuar kaos. "Kjo nuk ka ardhur për shkak të vështirësive teknike, e provuar tashmë se kutia nxë të gjitha materialet zgjedhore të sistemuara që duhet të jenë atje brenda. Socialistët thonë se nuk kishte vend për fletët e papërdorura. Këto fletë në gjithë Tiranën nuk dihet se ku janë dhe është e pamundur që të grumbullohen e të numërohen një nga një dhe të na rakordojnë shifrat, është krejtësisht e pamundur. Ligji kërkon që të jenë brenda, sepse ligji e di që është e pamundur të bëhet një rakordim i tillë. Kanë ngelur jashtë, jo se nuk i nxinte kutia, por dikush donte që t'i kishte jashtë, ndaj ka ndodhur kjo gjë. Kjo është arsyeja që ka detyruar KZQV-në e Tiranës të evidentonte faktin se s'mund të mbyllte dot sytë ndaj një shkeljeje flagrante të ligjit," pohoi Rusmali.


--------------------------------------------------------------------------------

[Shpirt Njeriu]

Presidenti i kërkoi dje KQZ të tregojë paanshmëri në procesin zgjedhor. Gjatë mbledhjes të Këshillit të Lartë të Drejtësisë, Moisiu ftoi Komisionin Qendror të Zgjedhjeve të reflektojë paanësi dhe vendosmëri.

LAJMI

TIRANE

Moisiu gjeti rastin dje të jepte një mesazh për administratën zgjedhore. Gjatë një mbledhje të KLD Moisiu i është drejtuar edhe KQZ të cilës i ka kërkuar shqyrtimin me paanësi dhe vendosmëri të fakteve të palëve si dhe marrjen e masave ligjore ndaj komisionerëve që kanë abuzuar me ligjin. Ky mesazh i Moisiut vjen një ditë pasi vëzhguesit e ODHIR në një raport të tyre kishin konkluduar në faktin se përfaqësuesit e PD në komisionet zgjedhore kishin dëmtuar nxjerjen e rezultateve të zgjedhjeve. Ky raport përmendte edhe çështjen e listave të zgjedhësve të cilat janë përmendur nga ana e Presidentit Moisiut në mbledhjen e djeshme të Këshillit të Lartë të Drejtësisë. Ai përmendi se ka patur mjaft probleme në lidhje me listat e zgjedhësve vecanërisht në Tiranë dhe në Durrës. Ai gjithashtu përmendi edhe disa cështje administrative të zgjedhjeve duke thënë se ka mjaft kontestime nga palët pjesmarrëse në procesin zgjedhor që do të shqyrtohen së shpejti në Kolegjin zgjedhor. Presidenti zgjodhi këtë vend për të dhënë mesazhin e mësipërm për shkak se ai i është drejtuar edhe Kolegjit zgjedhor pranë Gjykatës së Apelit. "Ky Kolegj, sipas Kodit Zgjedhor, përbën institucionin vendimmarrës dhe të paapelueshëm", tha Moisiu. Në këtë linjë, Presidenti i bëri thirrje këtij Kolegji, që në shqyrtimin e ankesave dhe në vendimet e tij, të tregojë ndershmëri, profesionalizëm dhe përgjegjshmëri maksimale. Sipas Moisiut, ky institucion ka shansin që përmes shqyrtimit dhe zgjidhjes ligjore të pretendimeve të palëve, të rrisë besimin vendas dhe ndërkombëtar ndaj institucioneve të drejtësisë shqiptare. Në ditët e fundit Presidenti ka rinisur angazhimin e tij për cështjet që kanë të bëjnë me zgjedhjet. Ai ka zhvilluar konsultime me disa nga përfaqësuesit më tipikë të këtyre zgjedhjeve. Moisiu u takua me kandidatin e PD Spartak Ngjela si dhe me kryebashkiakun dhe kandidatin e PS Edi Rama. Në të dyja takimet Moisiu ka dëgjuar argumentimet e palëve në lidhje me atë që po ndodh me zgjedhjet në Tiranë. Ngjela i ka paraqitur fakte që sipas tij janë vërtetim i abuzimit dhe vjedhjes së votave të tij, ndërsa Rama ka treguar se rezultati i Tiranës është bllokuar për shkak se komisionerët e PD po shkatërojnë proçesin në numërimin e votave dhe nxjerrjen e rezultateve.


Ruçi: Edi Rama e fitoi Tiranën

Numri dy i Partisë Socialiste, Gramoz Ruçi, vlerësoi raportin e katërt të ODIHR-it, duke e cilësuar atë "mjaft realist në analizën për periudhën e postzgjedhjeve". Sipas tij, PS-ja në Tiranë është votuar në maxhorancë, ku ka marrë 48.1% të votave për Këshillin Bashkiak, ndërsa kandidati i PS-së për Tiranën, Edi Rama, ka fituar 57.8% të votave, ose 25 mijë vota më tepër se kandidati demokrat Spartak Ngjela. Ruçi shprehu shqetësimin e tij për mosrespektim të ligjit dhe institucioneve kushtetuese nga ana e opozitës dhe liderit të saj Berisha. Një gjë e tillë është vërejtur dhe konstatuar dhe në raportin e ODIHR-it, veçanërisht në bllokimin e punës së KZQV-së së Tiranës. Këto përpjekje të opozitës, sipas Ruçit, nuk kanë si qëllim bllokimin dhe mosnxjerrjen e rezultateve të zgjedhjeve, por prishjen e imazhit pozitiv të vlerësimit të zgjedhjeve të 12 tetorit, të vlerësuara dhe nga institucionet ndërkombëtare dhe Departamenti Amerikan i Shtetit. Në emër të PS-së, Ruçi ka shprehur angazhimin e saj për respektimin e të gjitha mangësive dhe vërejtjeve të konstatuara nga vëzhguesit e huaj dhe ODIHR-i.


Ngjela padi të reja për zgjedhjet

Kandidati i PD-së për Tiranën Spartak Ngjela ka paraqitur në një konferencë për shtyp një shtesë kallzimi penal për shkeljet që sipas tij janë kryer në procesin e administrimit të zgjedhjeve. Ai i ka kërkuar organit të prokurorisë të fillojë procedimin penal ndaj nënkryetarit të KZQV-së së Tiranës Aleks Zyba dhe anëtarëve Agim Gongje, Pirro Sima dhe Haziz Meta. Kallzimi i Ngjelës shtrihet edhe mbi kryetarin e KQZ-së Ilirjan Celibashi

[Shpirt Njeriu]

Shtyhet serish shpallja e fituesit ne bashkine me te madhe te vendit, pas kerkeses se kandidatit demokrat Spartak Ngjela. Sot pasdite, tjeter mbledhje e KQZ



Komisioni Qendror i Zgjedhjeve pritet qe te shpalle ne seancen e sotme dhe vendimin perfundimtar ne lidhje me fituesin e Bashkise se madhe te Kryeqytetit, pas disa shtyrjeve rradhazi te ndermarra gjate kesaj jave. Ne mbledhjen e djeshme kandidati i PD-se per kete bashki, Spartak Ngjela kerkoi shtyrjen e seances se djeshme per arsye kohore, si dhe marrjen e provave qe u vendosen nga KQZ-ja, per administrimin e fletoreve te procesverbaleve te KZQV-se se Tiranes, ne menyre qe palet ankimuese te njihen me keto prova. Nderkaq, kreu i KQZ-se, Ilirjan Celibashi u shpreh se pamundesia kohore dhe njohja e paleve me vendimin e dy diteve me pare te KQZ-se, ishin dy arsyet se pse mbledhja e djeshme u shty deri ne mbremje. Ne kete pike, u miratua kerkesa e paleve per ta shtyre kete seance dhe u vendos qe ajo te zhvillohet pasditen e sotme ne oren 16:30. Nderkohe, KQZ-ja vendosi dje qe te beje shkarkimin e menjehershem te anetareve Trifon Cfarku, Nikolin Prifti dhe Aferdita Peri te KZQV-se se njesise numer 1 te Tiranes, duke i gjobitur ata edhe me 30 mije leke, pasi kane penguar procesin e rinumerimit te votave duke bllokuar punen. "KQZ verejti qe nga mengjesi i sotem (dje), bllokimin e punes ne KZQV-ne e njesise 1, ku duhej te kishte nisur procesi i rinumerimit te votave, nga tre anetare te saj, te cilet qellimisht kane penguar kete proces. KQZ i kerkon partive politike qe te propozojne anetaret e rinj brenda ores 12:00 te dites se sotme", deklaroi zedhenesi i KQZ-se, Erton Sinani. Pas shpalljes se vendimit per fitues te kesaj KZQV-je nga KQZ, kandidati i dale i dyti kerkoi rinumerimin e votave sipas Kodit Zgjedhor. Gjithashtu, po dje KQZ shtyu vendimin per njesite bashkiake numer 4 dhe 7, per te cilat u kerkuan administrimi i fletoreve te procesverbaleve te KZQV-ve perkatese, materialet zgjedhore si dhe hapja e kutive te gjetura problematike sipas anetareve te KZQV-ve.

R. KALEMI





Vota te fituara gjithsej





SUBJEKTI VOTA NE %



PSSH 33.19

PD 31.91

PSD 5.53

PR 3.54

PAA 3.50

PDS 3.06

PBDNJ 3.02

AD 2.98

PLL 2.44

PDR 2.26

PDK 1.69

PBK 1.63

PKSH 1.34

I PAVARUR 0.97

PPSH 0.65

PBL 0.55

PDRn 0.33

PBKD 0.31

PBD 0.19

PMDL 0.11





Njesi te fituara gjithsej



PS 184

PD 139

PBDNJ 11

I PAVARUR 6

PSD 6

PDK 4

PLL 4

PDS 2

PDR 1

PAA 1

PBK 1



Te dhenat jane per 366 njesi (KZQV) te shpallura dje nga KQZ-ja dhe mungojne edhe rreth 18 te tjera, nder to edhe 11 njesite bashkiake te Tiranes.