Pas 4 muajsh, KQZ shpall rezultatin perfundimtar

[kajsia]

Sot qe ne oret e para te mengjesit ne te gjithe Shqiperine kane filluar zgjedhjet lokale.
Kutite e votimit presin qytetaret per te dhene voten e tyre per partite politike dhe kandidatet per kryetar bashkie.
Eshte me se e qarte qe dy jane forcat politike me te fuqishme ne Shqiperi: PD dhe PS.
Gjithashtu te njejten gje mund te themi dhe per perfaqesuesit e tyre.
Kandidatet e ketyre dy subjekteve jane me diskutuarit per postin e kryetari te bashkise.
Ne Tirane kandidatet kryesore per kete post jane Edi Rama dhe Spartak Ngjela(perkatesisht kandidate te subjekteve te lartpermendur)
Eshte ende heret per te percaktuar perqindjen e pjesmarrjes ne votime,por mund te them qe tashme qytetare jane te lodhur nga keta politikane dhe shumica prej tyre ka vendosur mos votojne.
E drejte????...........

Ky nuk eshte nje sondazh per zgjedhjet,por secili prej jush mund te shpreh mendimin e vet.
Per me shume informacion mbi ecurine e zgjedhjeve do ju informoj gjate dites ne vazhdim.

[kajsia]

Persa i perket kandidateve ne qytetin e Elbasanit ata jane:
1-Hysen Domi per PS(qe eshte kryetari i bashkise ne fuqi)
2-Ardian Turku per PD(pedagog ne fakuletin "A.Xhuvani"
Diskutimet jane te shumta,por nje pergjigje me te qarte do te mund tju jap ne perfundim te zgjedhjeve dhe me vone do tju informoj mbi pjesmarrjen e qytetareve ne keto zgjedhje.

[kajsia]

Ora shenon 11.34 minuta ne keto momente.
Ne qendrat e votimit vazhdon votimi.
Eshte vene re nje pjesmarrje e vogel e njerezve ne keto votime.
Mos ndoshta e kane lene per me vone?????
Si dihet.

[drini_në_TR]

Shqiptarë që jeni në R.SH. shkoni dhe votoni!

Mos e lini asnjë rrymë, asgjë që t'iu ndal për të dhënë votën tuaj. Është mynyra më e mirë që të garantoni se nuk ka manipulime. Pra duke dhënë votën tuaj!

Merrni edhe shëmbullin e Presidentit Mojsiu:

TIRANE (12 Tetor) - Presidenti i Republikës, Alfred Moisiu, votoi sot në qendrën e votimit 1734 në njësisë bashkiake nr.2 në kryeqytet. Pas votimit, Moisiu u shpreh se "kam bindjen se me këto zgjedhje populli shqiptar dhe politika shqiptare do t'i tregojë, si vendit, ashtu edhe komunitetit ndërkombëtar se Shqipëria po i kthen sytë plotësisht nga Evropa". "Unë shpreh bindjen se këto zgjedhje do të jenë të lira dhe të ndershme", tha Moisiu. ro/ro (BalkanWeb)

Një zë larg prej Shqipërisë,
Drini.

[kajsia]

ESHTE MESE LOGJIKE DHE E DREJTE AJO CKA THUA ME LART,POR AJO QE PO NDODH ESHTE PIKERISHT AJO CKA THASHE ME LART,TE PAKTEN PERSA I PERKET QYTETIT TIM,POR DITA ENDE SKA MBARUAR.SHQIPTARE JEPNI VOTEN TUAJ QE E NESERMJA TE JETE ME E MIRE.
Eshte e lehte te flasesh,por ky popull eshte kaq i lodhur nga mashtrimet sa........................

[lis]

Mund te na thote ndonjeri se si ka shkuar votimi i sotshem per zgjedhjet lokale deri ne keto momente?
Lis

[Albo]

PD ankohet rreth listave të votimit

Sipas KQZ-së, deri në mesditë kishin votuar rreth 26 përqind e votuesve

Ndërsa votimit në zgjedhjet vendore po i vjen fundi, Partia Demokratike e opozitës ka shprehur shqetësimin e saj për, siç thotë ajo, çrregullime në listat e zgjedhësve.

Sipas PD-së, në Tiranë mungojnë qindra emra zgjedhësish të cilët janë paraqitur për të votuar, por janë kthyer sepse nuk e kanë gjetur emrin nëpër listat e qendrave të votimit.

Korrespondentë të BBC-së në disa qendra votimi në disa rrethe të Shqipërisë njoftojnë se ankesa për mungesë të emrave në listat e votimit ka patur edhe në rrethe të tjera.

Përfaqësues të qeverisë dhe të PS-së i kanë hedhur poshtë akuzat si të pavërteta, ndonëse kanë pranuar se mund të ketë çrregullime, por duke i konsideruar ato si të karakterit teknik.

Verifikim nga KQZ-ja

PD ankohet për çrregullimeve të listave të votuesve
KQZ thotë se ka verifikuar ankesat e opozitës dhe ka shpallur publikisht se emrat janë gjendur nëpër lista dhe se ankesat e opozitës nuk janë të bazuara.

Zëdhënësi i KQZ-së Erton Sinani tha për BBC-në se KQZ provoi se emrat e tyre janë gjetur në listën përfundimtare të votimit.

Zoti Sinani tha se KQZ-ja po dërgon në disa qendra votimi kuti të reja votimi, për shkak të mbushjes fizike të tyre.

Sipas KQZ-së, deri rreth një orë para mbylljes së qendrave të votimit kishin votuar rreth 40 përqind e votuesve.

Ndërkohë për ecurinë e proçesit është interesuar presidenti i republikës, Alfred Moisiu, në një takim që ka zhvilluar me kryetarin e KQZ-së, Ilirjan Celibashi.

Njoftohet se zoti Celibashi ka kërkuar që partitë politike të ndalin presionin ndaj KQZ-së.

Situatë e qetë

Situata e përgjithshme është e qetë, nuk ka njoftime as për incidente, as për shfaqje dhune.

Forcat e rendit nuk qëndrojnë pranë qendrave të votimit, sipas ligjit, por në gadishmëri për të ndërhyrë nëse kështu e kërkojnë komisionet zgjedhore.

Zëdhënësi i ministrisë së Rendit Publik, Florion Seriani, tha se ecuria e procesit zgjedhor ka qenë normale.

Zoti Seriani përmendi disa qytete ku ka pasur incidente gjatë procesit zgjedhor: në Shkodër, ku në qendrën e votimit nr. 321 u vodhën 100 fletë votimi; në qytetin e Korçës ku në zonën e Liqenasit sekretari i Ambasadës Maqedonase Stefan Silski me një dokument identifikimi të OSBE-së, u prezantua si vëzhgues i këtij organizimi dhe është interesuar tek banorët e zonës për proçesin zgjedhor; apo në qytetin e Lezhës ku vëzhguesi i PDK-së është kanosur me armë nga një shtetas i cili është ndaluar nga policia dhe është dërguar në Prokurorinë e Rrethit.

BBC

[Albo]

Kutite e votimit ne Tirane u mbushen shpejt pasi ishin "kuti te vogla votimi" dhe flete te medha votimi. Kandidati i PD u ankua ne KQZ dhe kerkoi shtyrjen e mbylljes se votimit ne Tirane pasi u humb kohe per vendosjen e kutive te reja votime. Ky fenomen u vu re ne shume qendra votimi ne Tirane.

KQZ vendosi te shtyje kohen e mbulljes se votimit ne Tirane ne oren 20:00, pra nje ore me pas. Kjo vlen vetem per Tiranen dhe jo per gjithe Shqiperine.

[Albo]

Socialistet e Shkodres nuk do te njohin zgjedhjet ne 4 komuna te Shkodres pasi sipas tyre zgjedhjet aty jane mbajtur pa praninen e komisionereve socialiste te cilet jane kercenuar nga anetaret demokrate. Gjithashtu ne Shkoder, PD ka denoncuar 2 police qe kane sekuestruar nje sasi votash ne nje zone votimi dhe me pas keta police jane pezulluar nga detyra.

Korca dhe Pogradeci probleme kane patur me gjendjen e emrave ne lista. Shume shtetas nuk kane mundur te votojne prane qendrave te tyre te votimit pasi emrat e tyre nuk kane qene ne lista. Nuk ka patur incidente gjate votimit.

Kukesi ka patur problem numrin e fleteve te votimit qe ka shpene helikopteri, numri i fleteve te votimit ka qene i manget, ai nuk korrespondonte me numrin e zgjedhesve ne lista.

BBC

[alxhedi]

SPECIALE ZGJEDHJET
Tetor 12, 2003 - 19:21
Celibashi: Votimi për Tiranën do shtyhet deri në orën 20:00 - Përgatiti: M. H.


- Kryetari i Komisionit te Zgjedhjeve Ilirjan Celibashi ka njoftuar pak minuta me pare ne nje konference per shtyp se në Tiranë procesi i votimit do të shtyhet një orë. KQZ e mori këtë vendim pas një kërkese të paraqitur në këtë Komision nga ana e Partisë Demokratike. "Pavarësisht nga fakti nëse do të ketë apo jo zgjedhës në qendrat e votimit, ky proces në kryeqytet do të mbyllet në orën 20:00 të mrëmjes së sotme", deklaroi Celibashi. Kreu i KQZ njoftoi se tashmë janë dërguar kuti votimi shtesë në Berat, Devoll, Poliçan, Kavaje, Peqin, Durres, Bulqize, Kukes, Tropojë, Vlorë, Lezhë, Pogradec, Tepelenë, Ksamil, Gjirokastër, Sarandë, Fier, Lushnjë, Gramsh dhe Korçë. "Gjej rastin qe nepermjet kesaj dalje publike t'ju kerkoj ndjesë votuesve shqiptare te atyre njesive vendore per kete problem teknik te krijuar po besoj se kjo ceshtje nuk ka te beje me standartin e zgjedhjeve dhe ndershmerine e këtij procesi", tha Celibashi. Sipas tij nuk ka asnjë shtetas që nuk është rregjistruar në listën e zgjedhëve por ka probleme teknike.
(BalkanWeb)



SPECIALE ZGJEDHJET
Tetor 12, 2003 - 19:45
Dinamit ne Himare, jo e konfirmuar 100%. - Përgatiti: M. H.


Burime te pakonfirmuara thone qe eshte vene dinamit ne nje qender votimi ne Himare. Ende nuk ka konfirmime zyrtare lidhur me kete incident nga forcat e policise.




SPECIALE ZGJEDHJET
Tetor 12, 2003 - 19:48
Te rejat - Përgatiti: J.Sh


KQZ konfirmon se deri në orën 19.00 kanë votuar 49 përqind e zgjedhësve në shkallë vendi
Mbi 45 përqind e zgjedhësve kanë votuar në Tiranë deri në orën 19.30
Ndërkohë siç është njoftuar më parë KQZ, ka vendosur që në kryeqytet të shtyhet deri në orën 20:00 procesi i votimit, pas kërkesës që bëri Partia Demokratike. Procesi i votimit do të shtyhet edhe nëpër qendra të tjera votimit në rrethe të ndryshme të Shqipërisë.
Zëdhënësi i KQZ, njofton se rezulton që nuk është zhvilluar votimi në Vaun e Dejës dhe në Lurë. Ndërkohë informacioni i mbërritur nga veriu i vendit është tepër i ngadaltë.
ATSH




SPECIALE ZGJEDHJET
Tetor 12, 2003 - 19:59
kercenohet dhe rrihet nje komisionar i qytetit te Tepelenes. - Përgatiti: M. H.


Viron Kallai i dt 1956 eshte vezhgues i gjithe qendrave te votimit ne qytetin e Tepelenes, ku eshte rrahur nga personi Tan selimi. Ngjarja ka ndodhur keshtu:
Vironi ka qene duke blere ushqime per komisionaret e te gjithe qendrave te votimit kur ne nje lokal Z. Tan Selimi ka pare Z. Viron duke iu derguar ushqime komisionerve dhe e ka ofenduar..
Z.Viron nuk i ka dhene aryse dhe ka vazhduar rrugen e tij kur Tan Selimi i ka dale perpara me nje grup shokesh ku e kane kercenuar me pistolete ne koke duke i thene :
Shiko se ne do te vrasim, ndersa Vironi i ka thene qe nese je burre me Vrit skam cte them.
Atehere Tan Selimi u merzit dhe filloj duke e rrahur me grushta bashke me shoket e tij.. Ndersa ai qe i drejtoj pistoleten Z.Viron Kallaj ka shtire ne ajer me pistolete per ta trembur ate. Ne ate moment nje turme njerezish hyne per ti ndare edhe per te qetesuar gjendjen ne ato momente, qe ishte tencionuar aq shume...