Pas 4 muajsh, KQZ shpall rezultatin perfundimtar

[Albo]

KQZ: kane votuar vetem 49% e votuesve ne shkalle vendi

TIRANE (12 Tetor) -Zëdhënësi i Komisionit Qendror të Zgjedhjeve Erton Sinani deklaroi gjatë një konference për shtyp të dhënë pak minuta pas mbylljes së orarit zyrtar të votimit, se kanë votuar 49 përqind zgjedhës në shkallë vendi. Ndërkohë siç është njoftuar më parë KQZ, ka vendosur që në kryeqytet të shtyhet deri në orën 20:00 procesi i votimit, pas kërkesës që bëri Partia Demokratike. Sipas Sinanit edhe nëpër qendra të tjera votimit në rrethe të ndryshme të Shqipërisë, procesi i votimit do të shtyhet. Zëdhënësi i KQZ, njofton se rezulton që nuk është zhvilluar votimi në Vaun e Dejës dhe në Lurë. Ndërkohë informacioni i mbërritur nga veriu i vendit është tepër i ngadaltë. dxh/dxh (BalkanWeb)

[Albo]

Ngjela: Fitorja ime, humbje e dyfishte per kundershtaret e mi

TIRANE (12 Tetor) - Kandidati demokrat për Bashkinë e Tiranës Spartak Ngjela në një prononcim të shkurtët para gazetarëve ka deklaruar se fitorja e tij është dy herë ndëshkim për kundërshtarët. Sipas tij pavarësiht batërdisë që u shkaktua sot në kryeqytet dhe masakrës së evidentuar të listave, qytetarët janë shprehur hapur për kandidatin demokrat. dxh/dxh (BalkanWeb)

[Albo]

Ruci: PS fituese ne disa zona elektorale

TIRANE (12 Tetor) - Sekretari Përgjithshëm i Partisë Socialiste, Gramoz Ruçi, bëri të ditur gjatë një konference për shtyp disa rezultate paraprake, ku rezultojnë fitues kandidatët e PS-së në disa zona të vendit. Ruçi tha se, sipas të dhënave nga qendrat e votimit rezulton deri tani se, në Lekbibaj të Tropojës, në Qielza në rrethin e Pukës, Gjinaj në rrethin e Hasit, në Martanesh dhe Trebisht në rrethin e Bulqizës, në Synei dhe Luz i Vogël dhe Kryevidh në rrethin e Kavajës, në Gjinomadhaj në Rrogozhinë, në Gjirokastër, në Kolonjë, në Gjirokastër , Dropulli i Sipërm, në Himarë, Dhërmi, Pilur e Qeparo, janë fitues kandidatët e PS-së. Po sipas z.Ruçi, në burgun e 313-ës dhe në paraburgimin e Gjirokastrës, rezulton fitues kandidati i Partisë Demokratike. dxh/dxh (News24/BalkanWeb)

[Albo]

Kandidati demokrat fiton ne Shkoder

SHKODER (12 Tetor) - Në qytetin e Shkodrës, në kryeqendrën e veriut të Shqipërisë janë numëruar votat nga 13 zona. Sipas News24, mësohet se drejtuesit e Partisë Demokratike kanë deklaruar se kandidati i kësaj partie ka fituar me 1000 vota më shumë, se socialist. Ndërkohë nuk ka ende një reagim nga ana e përfaqësuesve të Partisë Socialiste. Disa minuta më parë kjo e fundit me ane të sekretarit të përgjithshëm, Gramoz Ruci ka dhënë edhe rezultatet paraprake të fitores në disa komuna të vendit. dxh/dxh (News24/BalkanWeb)

[Albo]

Topi: PD, fitore ne disa zona te vendit

TIRANE (12 Tetor) - Nënkryetari i Partisë Demokratike, Bamir Topi, bëri të ditur gjatë një konference për shtyp, disa nga zonat ku sipas kësaj partie rezulton se kanë fituar kandidatët demokratë. Kështu, në komunat Gos dhe Golem të rrethit të Kavajës ka fitar PD, në komunën Graçan në Mallakastër, në komunën e Humanës të Fushë Krujë, në Bashkinë e Rrëshenit, në komunën Klos, në komunën Gostin të Fierzës, në komunën e Dushkut të Lushnjes, në bashkinë e Divjakës, të Bajram Currit, Shkodrës, Laçit, Milotit, Mamurrasit, Lushnjes Kavajës, kanë fituar kandidatët e PD-së. Po ashtu, Topi tha se, "në bashkinë e Lezhës ka fitore të sigurtë përpara, ndërsa në bashkinë e Elabsanit PD ka diferencë të madhe me PS, të 5 komunat e Fushës së Korçës janë të fituar nga PD". Sipas tij, edhe në qytetin e Peshkopisë janë mjaft qendra zgjedhore në favor të PD-së. Sipas të dhënave, edhe Bulqiza është e fitur nga PD. dxh/dxh (BalkanWeb)

[Brari]

TIRANE (12 Tetor) - Kandidati demokrat për Bashkinë e Tiranës Spartak Ngjela në një prononcim të shkurtët para gazetarëve ka deklaruar se fitorja e tij është dy herë ndëshkim për kundërshtarët. Sipas tij pavarësiht batërdisë që u shkaktua sot në kryeqytet dhe masakrës së evidentuar të listave, qytetarët janë shprehur hapur për kandidatin demokrat.

dxh/dxh (BalkanWeb)

-----------


Pse baterdi ne Tirane?

Taku tha se nuk do lejoje te vidhet vota e kjo do te thote se jan marre masat mos te kete asnji mundesi per vjedhje qofte dhe te nje vote..e po kur ne Tirane u beka baterdi athere qysh i keni siguruar votuesit..
Apo ku rafsha mos i vrafsha..si gjithmon..tafti bafti..

Kryesorja e kryesoreve te kryesoreve eshte qe te krijohet ai sistem votimi qe as djalli te mos kete mundesi fallcifikimi..

Po nuk u arrit kjo athere jane pallavra gjithe mitingjet e flamurat e oshetimat e gurmazeve..

Karta kanta thot latini..

[Albo]

KQZ: Vetem 52% e shqiptareve kane marre pjese ne zgjedhje

TIRANE (12 Tetor) - Zëdhënësi i Komisionit Qendror Zgjedhor Erton Zinani në një konferencë për shtyp të zhvilluar sot mbrëmje ka njoftuar se paraprakisht rezulton se kanë votuar 52 përqind e zgjedhësve të shkallë vendi. Sipas Sinanit, me disa qendra zgjedhore nuk është arritur komunikimi për t'u informuar në lidhje me rezultatet përfundimtare të votuesve në këto zona. Zëdhënësi i KQZ njofton se nuk ka patur incidente serioze në asnjë prej qendrave të votimit. dxh/dxh (BalkanWeb)

[Albo]

Ruci: Zonat e tjera ku ka fituar PS

TIRANE (12 Tetor) - Sekretari Përgjithshëm i Partisë Socialiste, Gramoz Ruçi, për herë të dytë, bëri të ditur gjatë një konference për shtyp disa rezultate paraprake, ku rezultojnë fitues kandidatët e PS-së në disa zona të vendit. Ruçi tha se, sipas të dhënave nga qendrat e votimit, rezulton se në Kolonjë, komuna Leskovik, në komunën Gjeqan, në Pukë, në Vlorë në komunat Llakatund, Shushicë dhe Kot, në Elbasan bashkia Belsh dhe në Gjirokastër në Dropullin e sipërm dhe Dropulli i Poshtëm, janë fitues kandidatët e PS-së. Po ashtu, Ruçi tha se, PS ka dalë fituese edhe në komunat e Lunxherisë së Libohovës, Antigonë dhe Picar të Gjirokastrës, në Mallakastër komuna Hekal dhe Kot, në Malësinë e Madhe bashkia Koplik, në Çorovodë bashkia Skrapar, në Fier komuna Fier dhe Dërmënas, në të gjitha komunat dhe bashkitë e Kuçovës, në Rrogozhinë në komunën Lekaj dhe në Librazhd në komunën Polis. Rreth 1 orë më parë, Ruçi bëri të ditur edhe disa zona të tjera, sipas tij të fituara nga PS, si në Lekbibaj të Tropojës, në Qielza në rrethin e Pukës, Gjinaj në rrethin e Hasit, në Martanesh dhe Trebisht në rrethin e Bulqizës, në Synei dhe Luz i Vogël dhe Kryevidh në rrethin e Kavajës, në Gjinomadhaj në Rrogozhinë, në Kolonjë, në Gjirokastër , Dropulli i Sipërm, në Himarë, Dhërmi, Pilur e Qeparo. dxh/dxh (BalkanWeb)

[Brari]

BBC Shqip shkruan:

------------

Komisioni Qendror i Zgjedhjeve (KQZ) në Shqipëri ka shtyrë për 1 orë procesin e votimit në Tiranë. Pjesa tjetër e Shqipërisë i mbylli kutitë e votimit në orën 19 sipas ligjit.

Situata e rendit në ditën e votimeve për zgjedhjet administrative ka qenë e qetë në të gjithë Shqipërinë.

Ankesat nga shtabet elektorale të partive kanë qënë fare të pakta dhe të pa rëndësishme por kur është fjala për probleme të procesit zgjedhor ato filluan që në çastin e hapjes se qendrave të votimit dhe vazhdojnë ende.

Palët u ankuan se një numër i lartë qytetarësh nuk arritën të gjejnë emrin në listat e votimit ndërsa qytetarët humbën kohë duke kërkuar të zgjidhin këto probleme.

Ndërkaq procesi u ndërpre në shumë qendra votimi në Tiranë dhe në rrethe pasi kutitë e vogla u mbushën shpejt nga fletët e votimit të mëdha në formë.

Kandidati i Partisë Demokratike (PD) të Tiranës, Spartak Ngjela, u ankua për këtë humbje kohe të votuesve në KQZ dhe kërkoi prej tij të shtynte votimin në kryeqytet.

Ilirjan Celibashi, kryetar i KQZ-së, njoftoi se e pranuan këtë kërkesë dhe në Tiranë votimi vazhdoi deri në orën 20:00.

"Ne patëm një kërkesë nga Spartak Ngjela i Partisë Demokratike për të shtyrë procesin e votimit dhe duke njohur problemin teknik të kutive të votimit ne vendosëm ta shtyjmë edhe me një orë votimin në Tiranë. Nëse ka parregullsi në lista mua më duhet të them se ato u miratuan nga komisionet zgjedhore të qeverisjes vendore me përbërje nga të gjitha forcat politike."

Opozita nuk ka rreshtur gjithë ditën duke reklamuar parregullsi teknike në procesin e votimit.

Jozefina Topalli, nënkryetare e Partisë Demokratike tha pas mbylljes së votimit në pjesën tjetër të vendit se përmasat e mungesave të emrave në listat e votimit ishin më të mëdhat e 13 viteve të fundit.

"Mungesat e emrave të qytetarëve në lista variojnë nga 10-20% në shkallë vendi, ndërsa në Shkodër kjo është edhe më e lartë. Heqja e të drejtës së qytetarit për të votuar nuk është një problem teknik, ky është një kompromentim i proçesit zgjedhor," tha Jozefina Topalli.

Por Gramoz Ruçi, sekretar i përgjithshëm i Partisë Socialiste tha se nëse ka patur probleme me listat, përgjegjësia është e të dy palëve.

"Hartimi i listave u bë në çdo fazë sipas propozimeve të Partisë Demokratike. Çdo forcë politike mund të ankohet për problemin e listave por jo Partia Demokratike dhe Partia Socialiste që i hartuan së bashku ato."

Shtyrja e afatit të votimit në Tiranë si dhe dorëzimi i kutive të votimit e proçes verbaleve nga qendrat e votimit në komisionet zgjedhore vendore e vështirëson punën e policisë në të gjithë vendin.

Luan Rama, ministri i rendit i tha BBC-së se dita e votimeve ishte më e mira e realizuar në Shqipëri pas "90.

"Ne kemi marrë të gjitha masat që edhe proçesin në vazhdim ta realizojmë më së miri në bashkëpunim me KQZV-të. Të gjithë trupat e policisë po angazhohen që në respekt të ligjit të ruajnë paprekshmërinë e kutive të votimit."

Gjatë gjithë natës pranë shtabeve elektorale të partive pritet të mbërrijnë rezultatet e votimit. Ndërsa KQZ ka 3 ditë afat për shpalljen zyrtare të rezultateve.




----------------

Jozefina thote:

"Mungesat e emrave të qytetarëve në lista variojnë nga 10-20% në shkallë vendi, ndërsa në Shkodër kjo është edhe më e lartë. Heqja e të drejtës së qytetarit për të votuar nuk është një problem teknik, ky është një kompromentim i proçesit zgjedhor,"


Po mire oj JOZI po kur listat nuk jane ne rregull do te thote se nuk jane ne rregull jo sot por qe dje..qe pardje...

Ku ishit juve?
Apo piknik mbas Sales... Sala ulerin ju pini uj gline mbrapa kurrizit tije dhe me kaq e quani te kryer punen tuaj...

Ik moj Jozefin se jeni mesuar te talleni me votat e njerzve ..se ju a fut per shalesh Moz Ruci gjithmone e beni gam gam pastaj..
Kur hyet ne Votim do te thote se cdo gje ..cdo gje..cdo gje..cdo gjeeee eshte ne Rregull.

Ne se nje gje e vogel nuk eshte ne rregull do te thote se nuk ka proces korekt votimi..athere si hyni juve ne Votime??

Dhe kjo gje e Vogel e parregullt na qenkan 10-20 % e elektoratit qe nuk figuron ne LISTA..

A e di PD qe eshte bashk hartuese e Kodit Zgjedhor se nje kandidat fiton qofte dhe ne se ka 1-2 vota me shume se tjetri..

Athere ne cfare Votimi e fusni ju Votuesin kur i ditkeni gjerat qe sjan ne rregull me kohe..

Kjo eshte tallje me fukarenjte se miljoneret mir do e kene si me Nanon si me Berishen..

Ne asnje ndeshje futbolli skemi pare qe nje trajner te pranoje qe ekipi kundershtar te hyj me 12 lojtare ne Fushe..

Si pranon PD te coje popullin ne nje proces qe i dihet rezultati..pra qe ka fallcifikime?

Mir e ka Baleta qe tha..mos Votoni..
Te pakten ai qe nuk Voton e di se nuk ja vjedh kush voten.

[dodoni]

Përveç disa incidenteve të vogla, deri tani mendoj se mund të thuhet se zgjedhjet kanë shkuar mirë. Është e rëndësishme që procesi zgjedhor të perfeksionohet edhe më në të ardhmen.
Pjesëmarrja nuk duket të është edhe aq sa do të duhej të ishte, por jam i bindur që shqiptarët në të ardhmen do ta shfrytëzojnë të drejtën e tyre për të votuar me një përqindje shumë më të madhe.
Është interesant se te shqiptarët shihet një disponim më i madh popullor kundrejt PD-së dhe mendoj se PD ka fituar zgjedhjet në shkallë vendi, edhe pse shqiptarët kanë votuar për PS në disa rrethe ku PD bëri gabim si në Himarë, ku himarasit votuan PS-në, me që rast dëshmuan se janë shumë të vetdijshëm politikisht.
Pra, në shkallë vendi mendoj se ka fituar PD-ja, por të presim rezultatet përfundimtare.

Tung