Pas 4 muajsh, KQZ shpall rezultatin perfundimtar

[Shpirt Njeriu]

KQZ konfirmon rezultatet ne Gjirokaster


Komisioni Qendror Zgjedhor ka derguar ne administraten e Prefektures se Gjirokastres, njoftimin zyrtar per konfirmimin e rezultateve perfundimtare te zgjedhjeve vendore te 12 tetorit ne 10 njesi administrative te ketij Qarku. "KQZ ka rikonfirmuar zyrtarisht rezultatet perfundimtare te zgjedhjeve vendore te 12 tetorit, ne 10 nga 13 njesi administrative te qeverisjes vendore te tre rretheve te Qarkut tone, per te cilat subjekte te ndryshme politike vendore ishin ankuar prane ketij institucioni", i tha korrespondetit te ATSH-se prefekti i Qarkut, Astrit Llanaj. Burime nga Prefektura e Gjirokastres, bejne te ditur gjithashtu se, nga 32 komuna e bashki te Qarkut ne 19 prej tyre rezultatet e zgjedhjeve u shpallen nga KZQV-te menjehere pas perfundimit te tyre dhe per to nuk pati ankime nga subjektet e perfshira ne kete gare elektorale. Ne disa komuna e bashki si bashkia Libohove, komuna Carshove ne Permet, Picar, Pogon, Lunxheri ne Gjirokaster,

komunat Krahes e Luftinje ne rrethin e Tepelenes, etj, subjektet politike u ankuan prane KQZ-se ne Tirane sidomos per interpretimin e rezultateve perfundimtare per kompozimin e perberjes se Keshillave Bashkiake e komunare. Menjehere pas mberritjes se faksit nga KZQ-ja, administrate e Prefektures dhe vete prefekti Astrit Llanaj i'u rikthyen procedurave te konstituimit te Keshillave Bashkiake e komunare. Nderkohe, keshilli Bashkiak i Tepelenes votoi dhe zgjodhi kryetar te tij Qemal Danaj te PS-se dhe zevendeskryetar Refi Ceka te PR-se.

[BOY_UK]

DEL SOT REZULTATI I TIRANES

Dita e sotme do shenoje perfundimin e odisese zgjedhore te kryeqytetit. Komisionit Qendror te Zgjedhjeve pritet te zyrtarizoje sot shpalljen e rezultait perfundimtar per zgjedhjet vendore per Bashkine e Tiranes. KQZ eshte njohur me permbajtjen e te gjitha procesverbaleve te cilat jane lexuar ne mbledhjet e gjata. Por gjate kesaj kohe vetem sa eshte bere administrimi dhe njohja me permbajtjen materialeve. Nderkohe qe KQZ ka filluar prej disa ditesh shqyrtimin e dokumentave te administruar per te arritur ne nxjerrjen e nje rezultati perfundimtar edhe per bashkine me te madhe ne vend, ku problemet kane qene me te shumta se kudo. Parregullsite qe shoqeruan procesin paszgjedhor ne Komisionin Zgjedhor te Qeverisjes Vendore per Tiranen, dolen ne pah edhe gjate ketyre diteve ne KQZ gjate administrimit te procevarbaleve. Ne keto mbledhje debatet mes paleve ishin me te ashpra se me pare, pasi secila kishte qendrime te ndryshme per zgjedhjet vendore te Tiranes, ku PD kerkonte shpalljen te pavlefshme te zgjedhjeve ndersa PS zyrtarizimin fitues te Edi Rames. Nxjerrja e rezultatit nga ana e KQZ-se mund te jete perseritja e zgjedhjeve te pjesshme ne disa njesi bashkiake ashtu sic po perflitet prej kohesh ne KQZ, por edhe perseritje ne te gjithe Tiranen. Por edhe pas vendimit te KQZ-se, do te kete ankimin nga palet, cilido qe te jete ai.

[Shpirt Njeriu]

Komisioni Qendror i Zgjedhjeve shpalli dje pasdite rezultatet zgjedhore për kryetar Bashkie në Tiranë, për 293 qendra votimi, nga 346 qendra gjithsej që ka kryeqyteti.
Sipas rezultateve zgjedhore në këto qendra, KQZ konfirmon se fitues për kryetar të Bashkisë së Tiranës në 293 qendra votimi, rezulton kandidati i mbështetur nga Partia Socialiste, Edi Rama (kryetari aktual i Bashkisë), me 57.64 përqind të votave, kundrejt 38 përqind të votave, të marra nga kandidati i Partisë Demokratike, Spartak Ngjela. Sipas zëdhënësit të KQZ-së, sot do të hapen dhe administrohen kutitë e votimit dhe procesverbalet përkatëse edhe për qendrat e tjera zgjedhore, duke afruar kështu përfundimin e shqyrtimit të dokumentacionit zgjedhor dhe shpalljen e rezultatit zyrtar për kryetarin e Bashkisë së Tiranës.

Sot në KQZ ka patur debate të ashpra për rezultatet e KZQV-së së kryeqytetit. Kandidati demokrat që konkuroi në zgjedhjet e 12 tetorit për bashkinë e Tiranës, Spartak Ngjela ka kërkuar që dy anëtarët opozitarë të KQZ-së, Doda dhe Zguri të distancohent e të mos bëhen pjesë e mekanizmit kriminal. Ngjela shtoi se do të ngrejë padi penale ndaj KQZ-së për shkatërrimin e procesit për shpalljen e rezultateve. Preng Doda është përgjigjur se nuk mund të largohet nga detyra. Ndërkaq, anëtarja tjetër e KQZ-së, Subashi i është kundërpërgjigjur Ngjelës: "Mjaft më me presionet e burgut, ju s'jeni avokat i së drejtës", por Dizdari ka bërë përgjegjëse Subashin për situatën e krijuar në KQZ. Sipas rezultateve të djeshme të KQZ, për 293 qendra votimi, kandidati i PS-së, Edi Rama ka fituar 57,6 përqind të votave, ndërsa kandidati demokrat ngjela 38 përqind.(BalkanWeb)

[Shpirt Njeriu]

Kryetari në detyrë i Bashkisë së Tiranës, Edi Rama, sot pritet të shpallet zyrtarisht fitues nga KQZ. Nga rreth 90 përqind e fletëve të numëruara deri ditën e djeshme, Edi Rama shpallej fitues, por ende nuk ka një deklarim zyrtar nga KQZ. Janë marrë në shqyrtim rreth 293 qendra votimi, 29 prej tyre nuk i kanë tabelat e rezultateve dhe 18 qendra rezultojnë me tabela pa vulë. Në 4 prej qendrave nuk janë bërë zgjedhjet. Në rezultatin e tanishëm Rama ka fituar 57,6 përqind të votave, ndërsa rivali i tij i PD-së, 38 përqind të votave. Diferenca e votave deri tani është 24 mijë të tilla. Nëse numri i votuesve në qendrat e pashpallura është më pak se diferenca e votave të marra, atëherë është vendosur që 18 qendrat e votimit që kanë procesverbale pa vulë, nuk do të merren fare në shqyrtim.

[Shpirt Njeriu]

Pas 31 ditesh, Komisioni Qendror i Zgjedhjeve shpall Edi Ramen si fitues te zgjedhjeve ne Tirane me rreth 57,7 %, ndersa kandidati i PD ka marre vetem 38,7 %. Kryetari i KQZ, Celibashi: "Spartak Ngjela kercenoi familjen time"



Edi Rama u shpall zyrtarisht, mbremjen e djeshme, Kryetar i Bashkise se Tiranes edhe per tre vitet e ardhshme. Komisioni Qendror i Zgjedhjeve pranoi me pese vota pro dhe dy kunder, kerkesen ankimuese te bere prej Partise Socialiste, duke shpallur ne kete menyre rezultatin perfundimtar per kryeqytetin pas 31 ditesh nga dita e votimeve. Njekohesisht, KQZ-ja rrezoi dhe nuk mori parasysh kerkesen e Partise Demokratike per te shpallur te pavlefshme zgjedhjet ne qytetin e Tiranes. Nga te dhenat zyrtare te paraqitura mbreme ne nje konference per shtyp nga vete Kryetari i KQZ-se, Ilirjan Celibashi, rezulton se kreu aktual i Bashkise se Tiranes, Edi Rama ka fituar rreth 68 mije e 575 vota ose 58 %, kurse kandidati Spartak Ngjela vetem 45 mije e 917 vota ose rreth 39 % gjithsej. Keshtu, diferenca midis dy kandidateve kryesore per fitimin e Bashkise me te madhe te vendit, te mbeshtetur dhe nga dy forcat me te medha, arrin ne rreth 22 mije e 658 vota, ndersa renditet ne vendin e trete me 1 mije e 94 vota, kandidati i PDR-se, Kreshnik Collaku. Per sa i perket votave te fituara per keshillin bashkiak, perseri Partia Socialiste eshte ne krye me rreth 48 % te vendeve te fituara, e pasuar nga Partia Demokratike me rreth 39 % te vendeve, PSD me 2.22 % dhe PR me 1.55 %. Nderkaq, gjate mbledhjes se djeshme, avokati Spartak Ngjela theksoi se ne baze te ligjit "kryetari i KQZ-se nuk mundet te nxjerre rezultatin per Bashkine dhe nuk mundet te marre atributet e Kryetarit te Komisionit Zgjedhor te Qeverisjes Vendore te Tiranes". Gjithashtu, perfaqesuesi i Ngjeles, avokati Shefqet Dizdari, denoncoi veprimtarine kriminale qe sipas tij, zhvillohet brenda KQZ-se si dhe i beri thirrje Prokurorise qe te sekuestroje dokumentacionin. "E bej kete denoncim, ne menyre qe Prokuroria e Pergjithshme dhe ajo e Tiranes, te detyruara pas kallezimit publik, te fillojne shqyrtimin e aktiviteti kriminal qe behet brenda KQZ-se. I bej thirrje Prokurorise qe te bllokoje te gjithe dokumentacionin e KQZ-se dhe t'i administroje ato si prova, pasi eshte bere nje shkelje shume e rende e Kodit Zgjedhor", u shpreh avokati Dizdari. Por, nga ana tjeter, perfaqesuesi i kandidatit Edi Rama, avokati Fatmir Brraka theksoi se keto jane thjesht zvarritje te procesit te shpalljes se rezultatit per Tiranen dhe "pala tjeter eshte krejtesisht e interesuar per ta bere kete". Sipas Brrakes, po abuzohet deri ne kete pike edhe duke e ditur se kreu aktual i Bashkise eshte 23 mije vota para. Shpallja e rezultatit perfundimtar dhe ne menyre zyrtare nga KQZ-ja per Bashkine e Tiranes i hapi rruge tashme, nxjerrjes se rezultatit per fituesin e zgjedhjeve vendore ne te gjithe Republiken.

[Zarathustra.]

PD kërkon dorëheqjen e Moisiut, ka vënë interesat personale mbi ato shtetërore.

TIRANE (14 Nëntor) - Sekretari për Marrëdhëniet me Publikun në Partinë Demokratike, Spartak Ngjela kërkoi dorëheqjen e Presidentit të Republikës, si përgjegjësi kryesor për "krizën bilaterale në parlament, e cila është në funksion të Qeverisë, dhe në KQZ në funksion të manipulimit të votës". Sekretari demokrat i tregoi rrugët që mund të zgjedhë Presidenti në një situatë të tillë të acaruar politike. "Presidenti ka vetëm dy rrugë, ose të rregullojë dëmtimet e shkaktuara prej tij, ose të ndihmojë opozitën, që e ka propozuar për President duke dhënë dorëheqjen për të hapur rrugën për zgjedhje të reja në një kohë që shoqëria ndodhet në prag të shkatërrimit demokratik", tha Ngjela. Ai e akuzoi Presidentin për paaftësi nga njëra anë dhe nga ana tjetër për vendime të marra për interesa personale. "Kjo krizë është përgjegjësi e plotë e Presidentit, i cili në një krah tregohet tërësisht i paaftë, kurse në krahun tjetër ne demokratët dyshojmë se për interesa përsonale shkatërroi procesin zgjedhor duke emëruar të pestin anëtar të KQZ-së, kandidatin socialist në kundërshtim të hapur me ligjin", tha Ngjela. Ai u shpreh se procesit zgjedhor, pas degradimit që iu bë me administraimin e votës, u shkelmua nga KQZ-ja. "Pesë anëtarët e asamblit keqbërës socialist janë shkelës të vazhdueshmë të ligjit dhe duhen penalizuar rëndë në rast se do të duam ecurinë demokratike të Shqipërisë", tha Ngjela. Kjo deklaratë e demokratit Ngjela vjen pas një klime mjaft të mirë në marrëdhëniet e Partisë Demokratike me Presidentin e Republikës. PD-ja ka qënë gjithmonë mbështetëse në veprimet e bëra nga Moisiu, dhe gjithmonë është përpjekur që të mos e implikojë atë në acarimet politike pozitë-opozitë. Gjithashtu ishte PD-ja ajo që e propozoi Moisiun për postin e kryetarit të shtetit, megjithëse dje u quajt i paaftë për të kryer detyrën e ngarkuar.


Ngjela e kërcënon për jetën e vajzës; Celibashi, denoncim në prokurori


TIRANE (14 Nëntor) - Ilirjan Celibashi kërcënohet për jetën e tij dhe të vajzës së tij nga kandidati demokrat i humbur për kryetar bashkie Spartak Ngjela. Gjithçka ka ndodhur mbrëmjen e djeshme vonë, pas përfundimit të procesit zgjedhor dhe nxjerrjes së votimeve, ku ka leximi për ditë të tëra në mënyrë publike të procesverbaleve, fitues doli Edi Rama, kryetari aktual i Bashkisë së Tiranës. Ndërkaq, duket se kryetari i KQZ-së nuk do ta lërë këtu çështjen e kërcënimit me jetën nga familja të Spartak Ngjelës. Sot paradite që në orët e para të mëngjezit, Ilirjan Celibashi, do të dorëzojë në Prokurorinë e Tiranës kallzimin penal ndaj Spartak Ngjelës, për kanosje të jetës së tij dhe familjarëve të tij. Pritet që po sot paradite, Prokurori që do të marrë në dorëzim dosjen dhe kallzimin, të shqyrtojë provat, të cilat janë me dëshmimtarë por edhe prova filmike për të vendosur nëse do të thërrasë për të dëshmuar Spartak Ngjelën dhe më pas, nëse vërtetohet kërcënimi për ta penalizuar atë. Gjithçka ndodh në një moment kur Ngjela, i cili dikur ishte me imunitet për shkak të gëzimit të postit të deputetit, tashmë nuk ka më një të tillë. Ai që prej ditës së djeshme, është një qytetar i lirë, anëtar i kryesisë së Partisë Demokratike dhe funksionar i saj, por jo një person për të cilin do të duheshin shumë procedura për ta hetuar. Ilirjan Celibashi duke qenë vetë një jurist, që nga dita e djeshme po merrej me kallzimin penal. Ndërkaq akuza që mund të rëndojë mbi Spartak Ngjelën duket se do të hapë telashe të reja brenda Partisë Demokratike. Dje në mbrëmje në shtëpinë e kryetarit të Komisionit Qendror të Zgjedhjeve Ilirjan Celibashi janë shtuar masat e sigurisë. Sipas burimeve nga Ministria e Rendit, menjëherë pas kërcënimit të bërë nga Spartak Ngjela në adresë të familjes së kryetarit të KQZ janë shtuar forcat e ruajtjes së rendit praën familjes së kryetarit të KQZ. Një gjë e tillë përforcohet edhe për faktin se lidhur me këtë kërcënim, kryetari i KQZ-së Ilirjan Celibashi do të dërgojë sot në mëngjez në prokuri dokumentacionin përkatës dhe kallzimin penal

[BOY_UK]

Zgjedhje të reja në komunën Qafë‑Mali

Procesi zgjedhor ka dështuar edhe në komunën e Qafë-Malit, kjo është edhe arsyeja që në datën 16 nëntor, do të përsëriten zgjedhjet në këtë komunë. Kandidati për kryetar komune, z.Ndue Paluca, ka dërguar herë pas here ankesat e tij në KQZ-në e Tiranës. Si provë për manipulimin e këtij procesi, shërbyen shkeljet skandaloze të komisionerëve socialistë, të cilët kërkonin që t'i jepnin mandatin kandidatit të tyre. Në fakt, nga 99 votues që kishte lista, rezultoi se në kuti ishin futur 97 fletë votimi. Në fakt, kanë votur vetëm 67 votues. 30 fletë votimi janë futur në kuti nga komisionerët. Këto fletë ndryshonin nga firma dhe ngjyra e vulës në shpinë të fletës. Futja e këtyre fletëve dha një ndikim në rezultatin përfundimtar, i cili realisht ishte një fitore e kandidatit Ndue Paluca. Administrimi i provave për këtë shkelje të ligjit, solli ripërsëritjen e zgjedhjeve. Për këta komisionerë do të bëhet kallëzim penal në prokurori.

Por çfarë vërehet gjatë ditëve para zgjedhjeve të datës 16 nëntor?

Fshati Arëmiraj është një fshat midis maleve. Banorët jetojnë atje në varfëri dhe vështirësi të mëdha. Pikërisht drejtori i Shërbimit Pyjor, Fushë‑Arrëz, ka shkuar vetë dhe ka dërguar atje disa zyrtarë ekstremistë socialistë për t'u vënë gjoba banorëve, duke i terrorizuar, me qëllim që të votojnë për kandidatin socialist. Veprimeve të tilla mund t'u hiqet paralele me vitet e para të vendosjes së regjimit komunist ku për të bërë terror, në këto zona u dërgua terroristi komunist famëkeq, Toger Baba. Tani në këtë fshat të gjithë thonë: ka ardhur Toger Baba i pyjores.

Po kështu, duke shkelur rëndë "Kodin Zgjedhor" përdoren mjetet e enteve shtetërore për të shkuar në fshat dhe për të bërë fushatë në favor të kandidatit socialist. Të gjitha këto prova po sistemohen me kujdes nga shtabi i kandidatit për kryetar komune, Ndue Paluca, dhe do të denoncohen konform ligjeve në fuqi

[Hek]

Edukatorja e vajzës së Celibashit, e tronditur nga lajmet në televizion, e pyet me takt të nesërmen vajzën se kë shan babi në shtëpi.

-Edi Ramën, - tha vajza pa të keq.

-Çfarë thotë, - vazhdoi edukatorja kurioze.

-Thotë që Edi Rama edhe vota do, edhe pare nuk jep!



Gazeta "Tema"

[ALBA]

E Marte, 18 Nentor 2003


VAU I DEJES, FITON PD

Pa u shpallur ende rezultati zyrtar per zgjedhjet ne Bashkine e e Vaut te Dejes, partite politike kane pohuar se fitues me nje diference votash qe varion nga 326 deri ne 400, eshte perfaqesuesi i PD-se Rrok Lorja. Ne KQZV kane mberritur rezultatet e 8 qendrave nga 13 qendra ku eshte zhvilluar votimi. Edhe nje here do te jete vetem KQZ qe do te vendose rezultatin perfundimtar te zgjedhjeve ne bashkine e Vaut te Dejes. Por nuk kane munguar edhe incidentet. Problemet jane verejtur ne Nara, aty ku dhe tre vjet me pare ka patur probleme. Rreth ores 22 e 50 minuta kur ka qene duke u shpallur rezultati ne qendren e votimit ne Nara eshte thyer kutia e votimit dhe jane grisur fletet e votimit si dhe jane demtuar materiale te tjera te rendesishme. Burime nga Drejtoria e Policise te Shkodres kane bere te ditur se ende nuk eshte bere e mundur identifikimi i autoreve te incidentit elektoral. Megjithate, burime zyrtare nga PD ne Shkoder kane konfirmuar per KJ fitoren e kandidatit te kesaj partie Rrok Lorja perkundrejt kandidatit te PAD dhe PS Dede Dodani.

R.Llazari

[Shpirt Njeriu]

Zedhenesi i Komisioni Qendror te Zgjedhjeve, Erton Sinani deklaroi dje se KQZ-ja eshte tejet e angazhuar qe te beje nje pasqyrim te plote te cdo hapi qe ka lidhje me procesin zgjedhor ne Himare dhe se askush nuk do te cenoje voten e banoreve te ketij qyteti. Ai theksoi se procesi i votimit ne Himare ka qene normal, por i ngadalte, ndersa KQZ-ja nuk eshte ne gjendje te jape nje koment perfundimtar ne lidhje me procesin zgjedhor te Himares. "Kryeministri Fatos Nano i ka ofruar KQZ-se te gjithe kontributin e tij institucional per te verifikuar difektet e procesit zgjedhor ne Bashkine e Himares, si dhe identifikimin e pergjegjesive, pavaresisht perkatesise politike te shkelesve te ligjit dhe te dispozitave te Kodit Zgjedhor", u shpreh Sinani ne konferencen e djeshme per shtyp. Ai garantoi te gjitha subjektet zgjedhore se KQZ-ja nuk do te toleroje asnje akt qe ka cenuar besueshmerine e procesit zgjedhor ne njesine vendore te qytetit te Himares.