Pas 4 muajsh, KQZ shpall rezultatin perfundimtar

[Albo]

E Merkure, 29 Tetor 2003

SHKARKOHEN DHE GJOBITEN 3 KOMISIONERET E PS-SE

Komisioni Qendror i Zgjedhjeve shkarkon dhe gjobit me 30 mije leke, 3 komisioneret e mazhorances ne KZQV-ne per mini bashkine nr.1. Ndeshkimi i dyfishte per perfaqesuesit e PS-se dhe PSD-se, Trifon Cfarku, nenkryetar, Nikolin Prifti dhe Aferdita Peri, anetare te KZQV-se se siperpermendur, u vendos ne mbledhjen e KQZ-se per shkak te bllokimit te procesit te rinumerimit te votave. Sipas KQZ-se tre komisioneret, kane penguar ne menyre te qellimshme procesin e rinumerimit te votave pergjate dy diteve te fundit. Nderkohe pjesa tjeter e komisionereve te opozites ka qendruar ne mjediset e KZQV-se, por pa mundur te vazhdonte rinumerimin e votave te te gjitha kutive te votimit. Konfliktet mes paleve ne kete KZQV, kane vijuar pergjate gjithe procesit zgjedhor, duke bllokuar punen here pas here. KQZ disa dite pas perfundimit te zgedhjeve, vendosi nje tjeter gjobe administrative per komisioneret e kesaj KZQV-je, ne masen 20 mije leke. Pritet qe sot KQZ-ja pas propozimit te PS-se dhe PSD-se te emeroje tre komisioneret e rinj qe do te asistojne vetem ne procesin e rinumerimit te votave. Pas perfundimit te kesaj procedure do te mesohet perfundimisht te pakten nga zyrat e KQZ-se, kandidati fitues per postin e kryetarit te mini bashkise 1. KQZ shqyrtoi ne mbledhjen e disa diteve me pare dokumentacionin dhe tabelat e dorezuara nga KZQV-ja e njesise 1 duke shpallur fituese kandidaten e PS-se Anita Zaimi. Por rivali i saj, perfaqesuesi i PD-se Dilaver Laci, duke u bazuar ne Kodin Zgjedhor, kerkoi brenda afatit qe te behet rinumerimi i votave per te gjitha kutite. Pas kesaj ne rast se do te ngelet ne fuqi vendimi i KQZ-se, Laci do te apeloje ne Kolegjin Zgjedhor te Gjykates se Apelit. Ai i kishte kerkuar KQZ-se qe te shpallte te pavlefshme zgjedhjet lokale ne njesine bashkiake nr 1.


Crregullsi totale ne njesine 7!

Probleme serioze kane reflektuar komisioneret e KZQV-se se njesise 7, gjate sqarimeve te dhena para Komisionit Qendror te Zgjedhjeve. Komisioneret kane dorezuar ne KQZ dy tabela te dhenash, por nga ana tjeter dje pretendonin, se kishin dorezuar nje procesverbal duke mos i dale per zot dokumentit te dyte. Perfaqesuesit e opozites deklaruan se per 23 qendra votimi kutite ishin konsideruar te pavlefshme, per shkak te mungeses se ishin dorezuar pa kode dhe te hapura. Kontradiktore ishin deklarimet e pales tjeter te cilet pretendonin se materialet qe jane dorezuar ne KVQZ, jane pranuar me konsensusin e te dyja paleve. KQZ ne fund vendosi qe te shtyje per sot marrjen e vendimit per kete njesi zgjedhore, ku nga subjekti zgjedhor i PD-se dhe kandidati i saj Lulezim Kodra eshte kerkuar te shpallen te pavlefshme zgjedhjet. Nderkaq KQZ shpalli dje fituese te zgjedhjeve per njesine nr.5 kandidaten e PS-se Jeta Seitaj, qe sipas tabaleve zgjedhore kishte fituar me nje diference prej 5000 mije votash ndaj rivalit te saj Ali Koceku. KQZ eshte duke shqyrtuar edhe materialet nga KZQV-te e disa njesive bashkiake te kryeqytetit, te cilat kane jo pak probleme me dokumentacionin e dorezuar ne KQZ. Po dje KQZ, shtyu per sot shqyrtimin e metejshem te dokumentacioneve zgjedhore te ardhura nga KZQV-ja e bashkise se Tiranes. Kandidati i PD-se Spartak Ngjela kerkoi dje ne mbremje qe te marre nga KQZ te gjithe dokumentacionin e dorezuar nga KZQV-ja per t'a shqyrtuar personalisht se bashku me avokatin e tij.

A.Rama

[ALBA]

Bien shifrat e deklarura nga PS e PD pak ditë pas zgjedhjeve. Të dhënat nuk përfshijnë rezultatet e Tiranës”

Zgjedhjet, PS 33%, PD 32 %

KQZ deklaron rezultatin zyrtar pa Tiranën. PS vetëm 1% më lart se PD

Shekulli

TIRANE - Socialistët kanë humbur 4% të votave në shkallë vendi në krahasim me zgjedhjet e qershorit 2001 dhe 2% në krahasim me vendoret e vitit 2000. KQZ publikoi dje të dhënat zyrtare në proporcional dhe në numër bashkish e komunash të fitura nga partitë, përveç Tiranës. Sipas KQZ PS ka marrë 33,19% dhe PD 31,91%. Duke llogaritur që në Tiranë janë afro 10% të votave në shkallë vendi dhe raporti është 6 me 4 në favor të të majtëve, përsëri PS zyrtarisht ndalon në proporcional tek 37 ose 38 %, që është 5% më pak se ajo që deklaroi sekretari i përgjithshëm i PS-së Gramoz Ruçi një ditë pas zgjedhjeve. Ndërsa PD që në tetor 2000 fitoi 31% dhe në 2001 36,9% llogaritet që në 12 Tetor të mund të ketë marrë sërish 36 ose 37% të votave, duke qëndruar në të njëjtat kuota si të dy vjetëve më parë.
Rezultatet
Komisioni Qendror i Zgjedhjeve publikoi të dhënat e ardhura nga 366 KZQV të njësive vendore të territorit zgjedhor mbi rezultatet e zgjedhjeve për organet e qeverisjes vendore të 12 Tetorit 2003. Të dhënat nuk përfshijnë rezultatet e 11 KZQV-ve të njësive bashkiake të Tiranës, KZQV-se së Bashkisë Tiranë, si edhe të KZQV-ve të njësive vendore Nikel, Përparim, Temal dhe Tregan, që kanë probleme me dokumentacionin e sjellë në Komisionin Qendror të Zgjedhjeve. Së bashku me dy njësitë vendore ku nuk janë zhvilluar zgjedhjet, në Vaun e Dejës dhe Lurë, shifra totale arrin 384, që është edhe numri i përgjithshëm i njësive vendore të territorit zgjedhor të Republikës. Të dhënat e ardhura nga 366 KZQV tregojnë se kandidatët e subjekteve zgjedhore kanë fituar si më poshtë: Partia Socialiste ka fituar 184 njësi vendore, PD+PR+PBL ka fituar 139 njësi vendore, Partia Bashkimi për të Drejtat e Njeriut – 11 njësi vendore, PSD – 6 njësi vendore, PDK – 4 njësi vendore, PLL – 4 njësi vendore, PDS 2 – njësi vendore, etj. ndërsa kandidatët e pavarur kanë fituar në 6 njësi vendore.
Proporcionali
Për 366 njësi vendore, përqindja e vendeve në këshillat e bashkive ose komunave vijon: PS 33.19%, PD 31.91%,
PSD 5.53%, PR – 3.54%, PAA – 3.50%, PDS – 3.06%, PBDNJ – 3.02%. Surpriza e këtyre zgjedhjeve duket se është rezultati për këshilltarë bashkish dhe komunash i agrarëve të Xhuvelit, të cilët janë rendiur si parti e katërt, vetëm 0,4% larg republikanëve që edhe ata kanë arritur një rezultat shumë të mirë me 3,50%. Por nëse agrarët patën një rezultat surprizë, Demokracia Sociale e Milos një parti fare e freskët kapi një numër votash fantastik, prej 3.06% duke lënë pas PBDNJ e cila ka një rezultat të qëndrueshëm në proporcional por të mirë në maxhoritar duke fituar kreun e 11 njësive vendore; bashki e komuna.


Për 366 njësi vendore, përqindja e vendeve në këshillat e bashkive ose komunave vijon:


PS – 33.19%,
PD – 31.91%,
PSD – 5.53%,
PR – 3.54%,
PAA – 3.50%,
PDS – 3.06%,
PBDNJ – 3.02%,
Të tjerat

[Shpirt Njeriu]

Vonesa në nxjerrjen e rezultateve


Komisioni Qendror i Zgjedhjeve ka nxjerrë rezultatet e pjesshme të zgjedhjeve vendore të 12 tetorit, por rezultatet përfundimtare pritet të dalin vetëm pas dhjetë ditësh.

Sipas të dhënave që ofron ky komision, pas verifikimit të dokumentacionit në 366 njësi zgjedhore, Partia Socialiste ka fituar 33,19 përqind të votave, Partia Demokratike në opozitë 31,91 përqind, dhe në vend të tretë Partia Socialdemokrate me 5,83 përqind.


Rezultatet e pjesshme
• PS 33,19 %
• PD 31,91 %
• PSD 5,83 %
• PR 3,54 %
• PAA 3,5%



Sipas zëdhënësit të KQZ-së Erton Sinani, deri tani komisioni ka marrë disa masa adimistrative dhe ka bërë kallzime penale ndaj komisionerëve të partive të ndryshme që kanë vonuar përpunimin e të dhënave për nxjerrjen e rezultateve.


Njësitë e fituara
• PS 184
• PD, PR, PBL 139
• PBDNJ 11
• PSD 6
• PDK 4
• PLL 4
• PDS 2


Zoti Sinani: KQZ ka shpallur rezultatet e pjesshme në 366 zona dhe në bazë të kësaj partia Socialiste ka fituar 33,19 përqind të votave, partia Demokratike në opozitë 31,91 përqind të votave, dhe në vend të tretë partia Socialdemokrate me 5,83 përqind të votave, partia Republikane 3,54 përqind, partia Agrare Ambjentaliste 3,5% dhe pastaj vazhdojnë partitë e tjera. Përsa i përket njësive zgjedhore, njësive vendore të fituara, partia Socialiste ka fituar 184 njësi, koalicioni PD, PR, PBL ka fituar 139 njësi vendore, PBDNJ 11 njësi vendore, PSD 6 njësi vendore, PDK 4 njësi, PLL 4 njësi, PDS 2 njësi vendore etj.

BBC: Psë dy javë pasi kanë përfunduar zgjedhjet vendore nuk kanë dalë rezultatet e përgjithshme?
Zoti Sinani: Rezultatet nuk kanë dalë akoma sepse KQZ është në procesin e shqyrtimit të ankimeve dhe apelimeve zgjedhore të paraqitura nga subjekte tëndryshëm zgjedhorë. Ky numër është shumë i madh dhe KQZ është e detyruar t'i japë përgjigje të gjithëve.

BBC: Kush mban përgjegjësi për gjithë këtë shtyrje?
Zoti Sinani: Pa diskutim një pjesë e kësaj vonese është kontributi jopozitiv i një sërë komisionesh zgjedhore të qeverisjes vendore të cilët kanë thyer procedurat ligjore për nxjerrjen e rezultatit duke vonuar dhe këtë proces.

BBC: A parashkion ligji sanksione lidhur me këto vonesa?
Zoti Sinani: Ligji parashikon sanksione por me keqardhje do të them që vazhdimisht ne bëjmë kallzime penale ndaj tyre por si duket mekanizmat e shtetit dhe mekanizmat e opinionit publik nuk funksionojnë si duhet në këtë drejtim.

BBC: Kur mendoni se do të jepet rezultati përfundimtar?
Zoti Sinani: Po përpiqemi dhe po punojmë në mënyrë intensive me qëllim që procesin e shqyrtimit të ankimeve dhe më pas të shpallim rezultatin përfundimtar. Deri tani komisioni ka mare disa masa adimistrative dhe ka bërë kallzime penale ndaj komisionereve të partive të ndryshme që kanë vonuar përpunimin e të dhënave për nxjerrjen e rezultateve.

[Albo]

Ndër 37 parti që konkurruan vetëm 8 kalojnë 2,5%-in. PDR, PDK, PLL, PBL etj. debitorë ndaj shtetit

Zgjedhjet, 29 parti duhet të kthejnë paratë

Të gjitha subjektet që nuk fituan dot 2,5% të voatve detyrohen të kthejnë paratë e shpërndara nga qeveria

TIRANE - Një pjesë e parave të shpërndara nga qeveria për partitë për fushatën e zgjedhjeve të 12 Tetorit do të rishpërndahen në bazë të rezultateve të arritura nga këto parti. Subjektet politike që nuk kanë fituar 2,5% të votave në shkallë vendi do të detyrohen të kthejnë nga 1,2 milionë deri në 2,5 milionë lekë të vjetra, të cilat do të rindahen për tetë partitë e para që kanë arritur të kalojnë këtë shifër. Sipas Kodit Zgjedhor partitë që nuk fitojnë dot 2,5 % të votave rikthejnë paratë, të cilat u shpërndanë 10 ditë para zgjedhjeve. Por nga praktika e zgjedhjeve në Shqipëri në asnjë rast partitë nuk kanë kthyer paratë. Ndër subjektet që i detyrohen shtetit janë PLL, PDR,PDK,PBK, PKSH, PBL, PDRn etj. Numri i tyre në total është 29. Ligji zgjedhor përcakton se këto para i ndahen 9 partive që kanë kapur mbi 2,5% të votave. Sipas Kodit Zgjedhor shumën prej 1,2 milionë lekësh e përfiton menjëherë një parti pjesëmarrëse në zgjedhje. Mjafton që të paraqesësh në Komisionin Qendror të Zgjedhjeve dokumentacionin e plotë dhe për fushatën qeveria është e detyruar të financojë 1.2 milionë. Ndërsa mbi këtë shumë përfitojnë ato parti që kanë këshilltarë në komuna e bashki ose deputetë në Kuvend.


Fondet

Qeveria shpërndau 60 milionë lekë të reja, me anë të një akti normativ i cili hapi shumë polemika mes saj dhe opozitës. PD dhe aleatët e saj u ankuan për vonesën e dhënies së fondeve për partitë politike. Kjo u theksua edhe dy herë me radhë në raportet paraprake të Misionit të Vëzhguesve të Zgjedhjeve. Qeveria deklaroi se ajo ia kishte dërguar në kohë Kuvendit projektligjin por për shkak të fushatës ai nuk mund të mblidhej. Kjo e detyroi qeverinë që të përdorte metodën e aktit-normativ. Nga shumë prej 60 milionësh dy partitë më të mëdha përfituan ; PD -ja rreth 130 milionë lekë të vjetra, ndërsa PS-ja rreth 160 milionë. Ndërsa PAD mori rreth 2,5 milionë lekë, PSD rreth 4 milionë lekë, PR 1,8 milionë lekë. Në zgjedhjet vendore, të 12 Tetorit konkurruan 37 subjekte politike, nga të cilat 29 janë të detyruar të kthejnë paratë. Në bazë të këtij Kodit Zgjedhor 10 për qind e shumës ndahet në mënyrë të barabartë mes partive që janë regjistruar në zgjedhje. Të 37 partive iu shpërnda në mënyrë të barabartë një fond prej 1,2 milionë lekësh të vjetra. Ndërsa pjesa tjetër u nda mbi bazën e pikës 2 dhe 3 të nenit 145 të Kodit Zgjedhor. Në këto dy pika thuhet se “30 për qind e shumës ndahet në mënyrë të barabartë midis partive që aktualisht kanë deputetë në Kuvend ose, sipas rastit anëtarë në këshillat e komunave dhe të bashkive; 60 për qind e shumës ndahet ndërmjet tyre në përpjestim me numrin e votave të fituara prej tyre në shkallë vendi në zgjedhjet e fundit për Kuvendin ose në zgjedhjet vendore”.

[ALBA]

Pas shkresës së prokurorisë për sekuestro të materialeve të votimit, KQZ lë pezull rezultatin e zgjedhjeve në kryeqytet

Tirana, KQZ pezullon punën


Ened Janina

“KQZ vendosi të pezullojë shqyrtimin e kësaj çështjeje në pritje të një vendimi të prokurorisë.”
TIRANË- Pezullohet puna për shpalljen e kryetarit të ri të Bashkisë së Tiranës. Komisioni Qendror i Zgjedhjeve ka pezulluar punën për nxjerrjen e rezultatit për fituesin e zgjedhjeve lokale në Tiranë, pasi Prokuroria e rrethit Tiranë ka sekuestruar materialet origjinale të votimit. Organi i akuzës së kryeqytetit ka dorëzuar dje shkresën zyrtare në KQZ ku kërkon dorëzimim e të gjitha materialeve zgjedhore. Sot pritet që njerëzit e prokurorisë të bëjnë sekuestrimin e materialeve zgjedhore. Sekuestrimi i materialeve zgjedhore bëhet në lidhje me kallëzimin më të fundit penal që ka bërë kandidati demokrat Spartak Ngjela. Në këto kushte KQZ-ja e ka të pamundur vazhdimin normal të punës dhe shpalljen e rezultatit përfundimtar për kryeqytetin. Për këtë arsye puna është bllokuar krejtësisht deri në momentin që organi i akuzës së kryeqytetit të rikthejë në KQZ materialet origjinale të votimit. Lajmi është pohuar dje nga burimet zyrtare të Komisionit Qendror të Zgjedhjeve dhe Prokurorisë së rrethit Tiranë. “Komisioni Qendror i Zgjedhjeve u njoh sot (dje) me vendimin e Prokurorisë së rrethit Tiranë i cili sekuestron materialet zgjedhore në lidhje me procesin e shpalljes së rezultatit të zgjedhjeve për kryetar të Bashkisë të Tiranës”, -tha dje zëdhënësi i Komisionit Qendror të Zgjedhjeve, Erton Sinani. Sipas tij, KQZ vendosi të pezullojë shqyrtimin e kësaj çështjeje në pritje të një vendimi të prokurorisë. Për këtë arsye i gjithë procesi i numërimit të votave dhe shpalljes së rezultatit për Bashkinë e Tiranës është i bllokuar përkohësisht. Burime nga KQZ-ja kanë pohuar dje se pa materialet që do të sekuestrohen nga prokuroria ky institucion e ka të pamundur të vazhdojë punën për shpalljen e rezultatit të votimit në kryeqytet. Sipas zëdhënësit Sinani, Komisioni Qendror i Zgjedhjeve, gjatë javës së fundit, ka kryer evidentimin e të gjitha tabelave të rezultateve të qendrave të votimit të Tiranës dhe ishte në procesin e shqyrtimit të procesverbaleve të dorëzimit të kutive të votimit. “Kontestimet e një sasie të këtyre procesverbaleve nga njëri nga kandidatët për Bashkinë e Tiranës, me vendim të KQZ-së do të shqyrtoheshin pas administrimit të të gjithë numrit të tyre”, -tha dje zëdhënësi Erton Sinani. Sipas tij, Komisioni Qendror i Zgjedhjeve nuk mund të komentojë ligjshmërinë e akteve të prokurorisë dhe është i detyruar që t’u bindet akteve të këtij institucioni. Ai ka pohuar se situata do të vazhdojë e bllokuar deri kur organi i akuzës të rikthejë materialet origjinale. Edhe pse po bëhet gati një muaj nga dita e votimit ende nuk është përcaktuar kreu i bashkisë më të madhe në vend, Tiranës.




04/11/2003
shekulli

[BOY_UK]

KQZ publikon bashkitë e komunat ku do të përsëriten zgjedhjet më 16 nëntor



TIRANE (5 Nëntor) - Komisioni Qendror i Zgjedhjeve publikoi sot emrat e bashkive dhe komunave ku do të përsëriten zgjedhjet për organet e qeverisjes vendore, në datën 16 Nëntor. Sipas vendimit të KQZ-së do të përsëriten zgjedhjet në 4 qendra votimi të Bashkisë së Himarës dhe në 14 qendra votimi të bashkisë së Vaut të Dejës. Zgjedhjet do të përsëriten edhe në 10 qendra votimi të komunës së Lurës, në 2 qendra votimi të komunës Fierzë-Pukë, në 1 qendër votimi të komunës Qafë-Mal, në qendrën e votimit të komunës Bubq dhe në 1 qendër votimi të Komunës Tërbuf.

[Albo]

Kolegji Zgjedhor i lë Durrësin Lefter Kokës

Dje është dhënë vendimi i kësaj gjykate për procesin zgjedhor në qytetin bregdetar. Ajo ka lënë në fuqi vendimin e KQZ-së, sipas të cilit fitues është shpallur kandidati socialist, Lefter Koka. Opozita ka paraqitur provat e nevojshme për të faktuar manipulimin dhe ka deklaruar se ky nuk ishte një vendim që kishte ardhur duke u bazuar në faktet e paraqitura

Kolegji Zgjedhor vendosi dje që të lërë në fuqi vendimin e KQZ për shpalljen si fitues të zgjedhjeve në Durrës, kandidatin socialist, Lefter Koka. Pasi ishte depozituar ankesa e kandidatit demokrat Avni Hoxha dhe ishin bërë të njohura nga avokati i tij një numër i madh manipulimesh, kjo gjykatë, - e cilësuar nga opozita si një ndër shanset e pakta për të mbajtur të gjallë besimin në votën e lirë, - e ka shuar përfundimisht duke vendosur me vota absolute shpalljen e kandidatit socialist, Lefter Koka kryetar bashkie. Seanca e djeshme gjyqësore ka filluar në orët e paradites me dëgjimin e pretendimeve përfundimtare të palëve dhe ka mbyllur punën e vet rreth orës 10 e 40 minuta duke u tërhequr për dhënien e vendimit në orën 14:00. Avni Shehu, avokat i kandidatit demokrat theksoi se në gjithë procesin zgjedhor në Durrës janë identifikuar një sërë shkeljesh ligjore ku shkelja më e rëndë është ajo e listave zgjedhore. Sipas tij listat janë hartuar në kundërshtim me ligjin dhe Kodin Zgjedhor. Ai tha se hartimi i tyre nuk është bërë në bazë të regjistrit të gjendjes civile. Shehu tha se ndryshimi në listat zgjedhore nga zgjedhjet e mëparshme është rreth 43 mijë zgjedhës. Përfaqësues të opozitës në këtë gjyq thanë se vetë KQZ ka pranuar se nuk mund të verifikojë më shumë se 47 mijë formularë të Durrësit, të plotësuar nga zyrat e gjendjes civile. Sekretari ligjor në Partinë Demokratike, Ilir Rusmali theksoi në pretendimin e tij se opozita ka mbërritur deri në Kolegjin zgjedhor për të deklaruar pavlefshmërinë e procesit, mbështetur në prova, të cilat janë refuzuar të merren parasysh nga Kolegji zgjedhor. "Ligji s'është zbatuar askund, as në formë dhe as në përmbajtje të tij," u shpreh Rusmali, i cili sqaroi se për Durrësin nuk është ndjekur procedura e zakonshme e hartimit të listave zgjedhore. Sipas tij listat në fjalë janë hartuar në "rrugë të jashtëzakonshme". Rusmali tha se kanë qenë rreth 30 mijë emra të hequr nga listat e votimit, mbi 4 mijë të zhvendosur në qendra të tjera votimi etj.. Ai theksoi se Gjykata duhet të verifikonte pretendimet e palës opozitare dhe se për këtë i nevojiteshin disa ekspertë. Përfundimi i tij ishte se Gjykata ka refuzuar provat e palës opozitare që vërtetojnë manipulimin.


--------------------------------------------------------------------------------

KQZ-Kolegjit Zgjedhor: Mos e rrëzoni vendimin tonë

Përfaqësuesi i institucionit qendror të zgjedhjeve është shprehur se Kolegji nuk mund të marrë parasysh kërkesën e Partisë Demokratike, pasi ajo nuk mbështetet në fakte. Ndërsa avokati i Kokës është shprehur se ndryshimet në listat zgjedhore kanë ardhur për shkak se këto dy vite ka patur lëvizje të shumta demografike

Edhe përfaqësuesi juridik i KQZ-së, Andi Bala, ka kërkuar dje gjatë procesit gjyqësor që Kolegji Zgjedhor të mos marrë parasysh kërkesën e PD-së për pavlefshmërinë e zgjedhjeve dhe ndryshimin e vendimit të KQZ-së. KQZ ka pretenduar se pala e opozitës nuk disponon asnjë provë të qëndrueshme për të mbështetur kërkesën e rrëzimit të procesit zgjedhor dhe për rrjedhojë vendimin e KQZ-së, sepse sipas tyre në mënyrë të qëllimshme jashtë vërejtjes është lënë KZQV e Durrësit, e cila sipas Kodit ka rol kyç në marrëdhëniet me KQZ dhe shpalljen e rezultatit. Ka qenë sipas tij, KZQV e Durrësit që duhej të ishte shprehur për parregullsi, pasi ajo ka marrë në shqyrtim dokumentacionin e qendrave të votimit. Sipas KQZ-së nuk ka patur asnjë provë të depozituar që të sqarojë se ka patur refuzime kërkesash të zgjedhësve për regjistrime apo vendime gjykate që vërtetojnë pretendimet për mosregjistrim të qytetarëve. Po kështu edhe nga pala e KZQV sipas përfaqësuesit të KQZ-së nuk ekziston ndonjë ankesë e veçantë për shtim apo mosplotësim të kërkesave të saj, paraqitur pranë KQZ-së. Ndërsa Fatmir Brraka, avokat i Lefter Kokës, menjëherë pas vendimit të Kolegjit zgjedhor është shprehur se vendimi e ka kënaqur dhe se ai ka qenë më se i drejtë, pasi, sipas tij, prezanton se është pasqyruar drejt vullneti i trupës zgjedhore në Durrës, edhe pse kjo e fundit ka qenë vetëm një e treta e gjithë asaj që duhet të votonte. Gjithsesi, Fatmir Brraka ka thekuar se ndryshimi në lista zgjedhore prej dhjetëra mijëra vetësh brenda 2 viteve ka ardhur si pasojë e zhvillimit urban dhe rritjes së personave në moshë. "Mungesat në lista dhe ndryshimet në to nuk kanë patur ndikim në rezultatin përfundimtar," është shprehur Brraka.


--------------------------------------------------------------------------------

Hoxha: Kolegji mori një vendim politik

Pasi është deklaruar qëndrimi i kësaj gjykate, kandidati demokrat tha se nuk janë respektuar faktet gjatë këtij gjykimi. Ai u shpreh se procesi ka qenë i manipuluar në të gjitha fazat e tij, por kolegji veproi i orientuar nga urdhra politikë

Kandidati demokrat për bashkinë e Durrësit, Avni Hoxha deklaroi se vendimi i marrë nga kjo gjykatë është një vendim politik. Sipas tij kjo gjykatë nuk ka marrë për bazë faktet e depozitura pranë saj, por urdhra politikë, pasi nuk ka guxuar të shohë se në Durrës është një rezultat i bazuar vetëm në votën e pak më shumë se 20 mijë zgjedhësve, kur trupa zgjedhore e regjistruar në listat ka qenë mbi 110 mijë vetë. "S'janë respektuar qytetarët e Durrësit, ndaj dhe unë nuk mund të uroj kandidatin Koka si fitues, pasi natyrisht vlerësoj se nuk ka fituar me meritë. Unë do përshëndesja çdokënd që do të kishte fituar ndershmërisht ndaj më duhet të them se nuk mund t'i jap dorën dhe të uroj Lefter Kokën si kryetar," deklaroi kandidati Hoxha pas dhënies së vendimit. Gjithashtu ai ka deklaruar edhe në sallën e gjyqit se procesi rezulon i manipuluar në të gjithat fazat e tij dhe se është bërë një shkelje e paimagjinueshme e ligjit. Ai akuzoi mazhorancën dhe përfaqësuesit e saj se kanë marrë guximin të heqin dhe shtojnë qytetarë në listat e votimit duke luajtur me Kushtetutën dhe fatin e këtyre njerëzve. Ai ka paralajmëruar Kolegjin Zgjedhor se njerëzit që manipuluan procesin i kanë bërë karshillëk ligjit dhe kjo është ajo më shqetësuesja, pasi një shembull i tillë do të jetë në dëm të shoqërisë dhe qytetarëve për të tashmen dhe për të ardhmen.

[Zarathustra.]

NANO MESAZH EDHE NGA PRESIDENTI I PE-SE

Edhe presidenti i Parlamentit Europian Pat Cox, i dergoi dje kryeministrit Fatos Nano nje mesazh ne te cilin vleresohet takimi i zhvilluar midis dy autoriteteve ne Tirane, ne muajin tetor. Ne mesazhin e tij, Cox e cileson kete mjaft te vlefshem. Gjithashtu z.Cox ne kete mesazh eshte shprehur edhe per procesin e fundit zgjedhor zhvilluar ne Shqiperi. "Une besoj se zgjedhjet te cilat u mbajten disa dite pas vizites sime ihin nje hap i mirepritur perpara, per politiken dhe zhvillimet demokratike te Shqiperise. Une ju siguroj ju per mbeshtetjen e Parlamentit Europian, ne procesin e perafrimit te Shqiperise me Bashkimin Europian", thuhet ne mesazhin e tij.


Edhe Europa i pranoi zgjedhjet direkt fare. Duket se PD-se i ka ngelur gishti ne goje, keshtu qe te thithe fort deri ne 2005. Apo ndoshta do vazhdojne te germojne ata sic e kane zakon, e sic kane bere deri tani, por as qenin e ngordhur s'kane gjetur dot.

[Shpirt Njeriu]

Tirana, KQZ shpall neser fituesin


Nje muaj pas zgjedhjeve vendore te 12 tetorit, Komisioni Qendror i Zgjedhjeve vendos t'u jape 48 ore kohe paleve per te paraqitur pretendimet perfundimtare rreth procesit te votimit ne kryeqytet. Me pas do publikohet vendimi.

Komisioni Qendror i Zgjedhjeve do te jape, ne mbledhjen qe do te zhvillohet neser, rezultatin perfundimtar per fituesin e gares per Kryetar Bashkie te Kryeqytetit per tre vitet e ardhshme. Nje vendim qe pritet t'i hape rruge, ne kete menyre, edhe shpalljes se rezultatit perfundimtar per te gjithe territorin e Republikes se Shqiperise. Pikerisht, ne seancen e djeshme te KQZ-se, ne prani edhe te paleve ankimuese, u mbyllen te gjitha procedurat e marrjes ne shtyrtim nga KQZ-ja, te dokumentacionit zgjedhor per Bashkine e Tiranes. Keshtu, anetaret e Komisionit Qendror vendosen qe te dyja palet ankimuese te paraqisnin edhe njehere pretendimet e tyre, por kesaj rradhe me shkrim ku te dilte qarte ankimimi dhe arsyeja se pse eshte paraqitur. Ne kete pike, kandidati i Partise Demokratike per Bashkine e Tiranes, avokati Spartak Ngjela kerkoi nje shtyrje te afatit te diskutimeve perfundimtare per 48 ore, ne menyre qe ata te kishin me shume kohe per paraqitjen e sakte te pretendimeve te tyre, ndersa avokati Fatmir Brraka, qe eshte perfaqesuesi i kreut aktual te Bashkise, Edi Rama, kerkoi qe kjo shtyrje te mos shkonte me teper se 24 ore. Nderkohe, KQZ-ja vendosi qe diskutimin per shpalljen e rezultatit per Tiranen ta shtyje per paraditen e neserme, por qe ne varesi edhe te ecurise se ketij diskutimi mbetet i hapur dhe varianti i dhenies se rezultatit diten e enjte.

Qe nga zgjedhjet vendore te 12 tetorit ka kaluar rreth nje muaj dhe qyteti i Tiranes ende nuk ka njohur kryebashkiakun e saj per tre vitet e ardhshme, si rezultat i bllokimit te ketij procesi nga Komisioni Zgjedhor i Qeverisjes Vendore qe kishte si detyre nxjerrjen e rezultatit. Por, ne pamundesi te kesaj, KQZ-ja nderhyri duke e marre ne shqyrtim ceshtjen e kryeqytetit, pas ankimimeve te bera nga PD-ja, e cila kerkon pavlefshmeri te zgjedhjeve ne Tirane dhe nga PS-ja, qe kerkon shpalljen e rezultatit. Per mese dy jave Komisioni Qendror i Zgjedhjeve ka ndermarre ne shqyrtim te gjithe dokumentacionet zgjedhore qe zoteronte KZQV-ja e kryeqytetit, duke filluar qe nga procesverbalet, tabelat e rezultatit per qendra te ndryshme votimi, e deri tek fletoret e dorezimit te materialeve zgjedhore nga Komisioni vendor ne KQZ.




--------------------------------------------------------------------------------
11/11/2003

[lis]

Neqoftese Edi Rama u anetaresua ne partine socialiste me qellime te mbrapshta, per t`ju hakerryer kryetarit te kesaj partie shokut tij Fatos Nano njekohesisht edhe kryeminister, per manipulimet skandaloze te zgjedhjeve te 12 tetorit, atehere kemi zhvillime te reja ne PS.
Neqoftese Fatos Nano bie ne konsensus me Edi Ramen per partine socialiste dhe bashkine e Tiranes, atehere i bie qe Rama te kete perseri postin e kryebashkiakut dhe Fatos Nano kryetar partie.
Verejme gjithashtu monopolizmin e qeverisjes dhe kryeministrin shqipetar si nje rrufjan politik dhe verejme gjithashtu trashegimin biologjik tipik tepelenas.
Ne vitin 1997 votat i fituan me arme, ne vitin 2001 ndertuan Fabriken dhe krijuan parlamentin e Dushkut(skandali me i madh historik per nje komb), me 12 tetor bene masakra me votat e shqipetareve.
Ku dhe kur e ka perfundimin ky lloj manipulimi i turpshem?