Pas 4 muajsh, KQZ shpall rezultatin perfundimtar

[Asteroid]

TIRANE (15 Tetor) - Njeriu që bënte thirrje antishqiptare dhe nxiste urrejtje etnike në Himarë, ditën e zgjedhjeve, ka pasur edhe precedente të tjera penale". Kështu kanë deklaruar për Gazetën Shqiptare burime nga Drejtoria e Policisë së Vlorës. Bëhet fjalë për një djalë rreth të 30-ave, i cili është shfaqur në ekranet televizive me një kapuç të zi në kokë dhe që më 12 tetor në mbrëmje, përpara KZQV-së së Himarës thërriste me një shqipe aspak të pastër: "Skipëria, Al Kaeda", si dhe, duke treguar një kryq që kishte në qafë, thoshte: "kjo është Skipëria". Ndërsa rreth tij, dhjetëra njerëz të ekzaltuar valëvisnin flamujt grekë, sikur të ishin në Athinë dhe jo në tokën shqiptare. Sipas të njëjtave burime policore, personi në fjalë quhet Niko Kolila dhe së bashku me dy vëllezër të tij kishte ardhur nga Greqia për të votuar në vendin e tij të lindjes. "Kolila hetohet nga prokuroria për një plagosje të disa kohëve më parë në një fshat të Himarës, por për të nuk ka urdhër arresti, pasi plagosja ka qenë e lehtë", kanë sqaruar burimet policore. Kolila, i lindur në fshatrat e Himarës, ka emigruar në Greqi, ku jeton aktualisht, në datën 11 tetor ka hyrë në Shqipëri për të votuar, ndërsa më 13 është larguar në drejtim të shtetit fqinj. Një ditë më vonë, dje, ndaj tij, për thirrjet që krijojnë urrejtje etnike dhe personave të tjerë për incidentet e tjera, ka nisur hetimi. "Eshtë hapur çështje penale dhe kanë filluar hetimet, po merren dëshmi njerëzish, po mblidhen prova dhe besojmë se shumë shpejt dosja do të plotësohet e do të dërgohet në Gjykatë", kanë thënë burime nga Prokuroria e Vlorës, sipas të cilave, "Kolila, i cili është edhe i filmuar e fotografuar, mund të gjykohet në mungesë, ose mund edhe të nxirret ndonjë urdhër arresti". Prokuroria e Vlorës ka nisur hetimet edhe për incidentet e tjera që ndodhën në Himarë gjatë procesit të zgjedhjeve, sidomos për organizatorët e ngritjes së flamujve grekë në këtë zonë. Kështu, çështja penale ka nisur për Pirro Qesarin, Foto Lekën e Bebi Jovanin, të cilët morën vulën e qendrës së votimit në Qeparo. Bashkë me ta pritet që sot të marrë masën e sigurisë nga Gjykata edhe Kozma Pelo, aktivist i PBDNJ-së, i cili në Himarë, rreth orës 19.00 të datës 12 tetor, hodhi një sasi dinamiti afër qendrës së votimit, ku u plagos një polic. Ndërsa në polici, Pelo ka deklaruar se e ka kryer këtë akt, "nga gëzimi i madh që fitoi PBDNJ-ja dhe nuk ka pasur për qëllim të plagoste apo vriste njeri".
(GazetaShqiptare/BalkanWeb)

[Brari]

Ne se dini sa % kane marre kandidatet e Partise Demokrate te Re (partia e Genc Pollos ) ne keto Votime?


Po partia e Gjinushit?
Po e Paskalit?

[lis]

Ajo qe di une eshte:
Skender Gjinushi dhe partia qe ai drejton ka fituar 1 bashki dhe 9 komuna.

Lefter Xhuveli dhe partia qe ai drejton ka fituar 7 komuna

Paskal Milo dhe partia e tij qe ai drejton ka fituar bashkine e Roskovecit.

Partia e minoriteteve(PBDNJ) ka fituar ne Himare e Polican.

Nikolle Lesi dhe partia demokristiane ka fituar 4 komuna.

Ndersa per Genc Polon dhe partine e tij akoma nuk di ndonje rezultat.

Lis

[Astrit77]

"Zgjedhjet lokale në Shqipëri të 12 tetorit ishin profesionale dhe transparente". Kështu thuhet në një deklaratë për shtyp të Shteteve të Bashkuara të Amerikës të shpërndarë nga ambasada e këtij vendit në Tiranë. Sipas kësaj deklarate të cilës i referohet News24, SHBA e vlerëson si të paanshëm procesin zgjedhor të zhvilluar dy ditë më parë në mbarë vendin. Sipas tyre këto zgjedhje cilësohen si një tregues i përparimit në vend dhe hap kyç për integrimin Euro-Atlantik. "Jemi të inkurajuar nga raporti paraprak i publikuar nga vëzhguesit ndërkombëtarë në Shqipëri", thuhet më tej. Shtetet e Bashkuara të Amerikës theksojnë në këtë deklaratë se nxisin udhëheqësit dhe institucionet shqiptare që të zgjidhin çdo problem që ka lindur, nëpërmjet mekanizmave ligjore.

[lis]

Rezultati i zgjedhjeve te dielen e kaluar ka qene shume i paster ne favor te PS-se.
Partia socialiste dhe Edi Rama kane bere nje pune kolosale qe partia demokratike dhe Spartak Ngjela nuk mund ta benin kurre.
Ja dhe prononcimi i Fatos Nanos kryeminister i partise socialiste dhe qeverise shqipetare


NANO: ZJEDHJET SHENUAN PROGRES

Edlira Prenga

Kryetari i mazhorances, Fatos Nano vetem pak ore para daljes se raportit te OSBE/ODHIR, eshte pronocuar mbi zgjedhjet vendore te dites se diel. Pas heshtjes se tij pas zgjedhore, kreu i mazhorances, ju pergjigj interesimit te mediave per gjithe procesin, duke e cilesuar kete proces si nje rritje progresive jo vetem per mazhorancen, por per te gjithe politiken ne pergjithesi.

Mos daljen e tij ne publik pas zgjedhjeve Nano e argumentoi me faktin se ai nuk mund te zevendesonte institucionet pergjegjese te zgjedhjeve, duke dhene rezultate paraprake. Me kete rast ai kerkoi nga opozita qe te mos bllokoje procesin e KZQV-ve per te kryer ne kohe detyrat e fundit qe formalizojne kete progres dhe qe i japin mundesi autoriteteve te reja vendore te fillojne pa humbur kohe nga puna.

Ne e pranuam rezultatin

Kreu i PS-se, Nano u shpreh dje se partia qe ai drejton e ka pranuar rezultatin e zgjedhjeve lokale te tetorit. Te njejten gje kerkoi dhe nga opozita dhe kreu i PD-se duke kerkuar bashkepunim ne vazhdimin e qeverisjes se endit ne nivel lokal. (Ftesa ime eshte per vazhdimin e bashkepunimit me opoziten dhe me subjektet e tjera politike, humbese apo fituese, ne dobi te konsolidimit te institucionit dhe te procesit zgjedhor dhe te konfirmimit te autoritetit te perfaqesueve te rinj te zgjedhur ne te gjitha nivelet(, u shpreh kryesocialisti Nano. Duke pranuar humbjen ne disa nga zonat e rendesishme qe per vite me radhe kane qene zona te dominuara nga socialistet, ai cilesoi se ka nje rishperndarje te pushtetit vendor. (Nuk jam ketu per te ndertuar ndonje harte qe diskriminon apo perjashton nga prirjet e pergjithshme te zhvillimit pozitiv te vendit drejt integrimit te komunave dhe bashkive me pjese te ndryshme te vendit, aq me pak te bej nje dallim midis jugut dhe veriut. Une kam ndjekur me vemendje dhe i cilesoj si mesime te dobishme mesazhet qe kane dhene zgjedhesit ne disa bashki kryesore qofte ne dobi qofte ne ndeshkim te performances sone qeverisese ne tre vitet e kaluara(, argumentoi kreu i mazhorances mbi kete fakt.

Burimi: Koha Jone

[lis]

Nano: PD te njohe fitoren e PS

Kryeministri shprehet se zgjedhjet vendore konfirmuan PS si partine me te madhe ne vend: Njohim fitoren e opozites ne disa bashki dhe komuna dhe ftojme drejtuesit e PD te bejne te njejten gje me rezultatet e zgjedhjeve dhe autoritetet vendore fituese te socialisteve. Nano, ftese per bashkepunim autoriteteve te reja

Elton METAJ

Fatos Nano theu dje heshtjen katerditore per te deklaruar njohjen e rezultatit te zgjedhjeve vendore te 12 tetorit dhe fitoren e partise se tij. I shfaqur ne ambjentet e selise roze, Kryeministri, i cili priti te degjonte edhe vleresimet e vezhguesve nderkombetare perpara se te shprehej, tha se PS njeh dhe e pranon pa ekuivoke rezultatin e ketyre zgjedhjeve, sipas vullnetit te lire qe shprehen zgjedhesit shqiptare ne te gjitha komunat dhe bashkite. "Zgjedhjet vendore 2003 rikonfirmuan se PS vazhdon te jete forca kryesore politike ne vend", tha Nano. Ai u shpreh se PS njeh dhe vlereson fitoren e opozites ne disa bashki dhe komuna te vendit dhe ftoi drejtuesit e PD te bejne te njejten gje me rezultatet e zgjedhjeve dhe autoritetet vendore fituese te socialisteve apo te subjekteve te tjera. I pyetur per humbjen e PS ne disa bashki, te cilesuara edhe si bastione te socialisteve, Nano i vleresoi si "mesime te dobishme" mesazhet qe kane dhene zgjedhesit ne disa bashki kryesore, qofte ne dobi, qofte ne ndeshkim te performances qeverisese ne tre vitet e kaluara. "Me rezultojne fitore te merituara dhe tregues premtues te kundershtareve qe kane mundur kandidatet e mi ne disa bashki kryesore dhe se afermi, me konfirmimin dhe shpalljen e rezultatit zyrtar te zgjedhjeve, do t'i ftoj per te nisur menjehere bashkepunimin", tha Nano. Ai vleresoi se rezultati qe po konturohet i ketyre zgjedhjeve nuk do te coje ne likujdime faturash brenda mazhorances aktuale qeverisese. "Po nxis korrigjimin e instrumenteve politike e institucionale brenda mazhorances qe i sherbejne nje performance me te mire qeverisese ne te gjitha nivelet dhe nje bashkepunimi me te konsoliduar midis autoriteteve vendore dhe atyre qendrore, ne dobi te reformave qe kemi perpara dhe te programit te qeverise qe une drejtoj", u shpreh Kryeministri.

Ne te njejten kohe, ai tha se kishte shenuar me maturi dhe kenaqesi qendrueshmerine e pjesemarrjes se zgjedhesve shqiptare edhe ne administrativet 2003 dhe po ndiqte me te njejtin shqetesim si publiku dhe institucionet qe ngarkon ligji, ceshtjet e konsolidimit te regjistrit te votuesve dhe te zgjidhjes ne te ardhmen te problemeve te informimit te cdo zgjedhesi per qendren e votimit ku ushtron nje nga te drejtat dhe lirite themelore te tij.

Megjithate, Nano perseriti se u qendron deklarimeve te nje dite me pare te sekretarit te Pergjithshem te selise roze se PS ka fituar 43,5 % te votave ne shkalle vendi. "Nuk mund te mos vazhdoj te konstatoj me kenaqesi qendrueshmerine ne rritje te numrit te votuesve ne mbeshtetje te PS dhe ne zgjedhjet administrative te tetorit 2003", vleresoi shefi i qeverise. Ne te njejten kohe, ia falenderoi Presidentin Moisiu, Komisionin bipartizan qe pergatiti Kodin Elektoral, qeverine, policine, Komisionin Qendror te Zgjedhjeve dhe administraten zgjedhore te te gjithe niveleve, mediat, vezhguesit e brendshem dhe ata nderkombetare per kontributin e dhene ne zhvillimin normal te zgjedhjeve administrative 2003. "Institucioni i zgjedhjeve, nje nga me themeloret ne demokraci, pas rrenimit te vitit 1996 eshte rindertuar dhe konsoliduar sipas standarteve te pranuara nderkombetarisht", u shpreh Kryeministri, ne te parin deklarim te tijin per zgjedhjet e 12 tetorit

Burimi: Korrieri

[lis]

Pergjigjet e Kryeministrit para gazetareve

Cili eshte mesazhi juaj per ata qe nuk arriten te votonin?

Kam shenuar me maturi dhe kenaqesi qendrueshmerine e pjesemarrjes se zgjedhesve shqiptare edhe ne administrativet 2003 dhe po ndjek me te njejtin shqetesim si publiku dhe institucionet qe ngarkon ligji, ceshtjet e konsolidimit te regjistrit te votuesve dhe te zgjidhjes ne te ardhmen te problemeve te informimit te cdo zgjedhesi per qendren e votimit ku ushtron nje nga te drejtat dhe lirite themelore te tij. Nuk kam ndonje koment me sensibel sesa kaq.

Eshte komentuar mosdalja juaj para publikut pas perfundimit te procesit zgjedhor. Si i vleresoni keto komente?

Nuk besoj se jam ketu per te zevendesuar institucionet qe ngarkon ligji me permbylljen zyrtare te procesit zgjedhor dhe shpalljen e rezultateve. Nuk jam ketu per te kontestuar autoritetin e misionit te vezhguesve nderkombetare te ODHIR-it dhe Keshillit te Evropes qe para pak kohe ne menyre korrekte dhe sovrane bene vleresimet e tyre konstruktive, te cilat vleresoj se i ndihmojne te gjithe te interesuarit per t'u qetesuar dhe per te bere detyrat sipas ketij dinjiteti perfaqesues qe i ngarkon ligji. Po riperseris ftesen per lidershipin e opozites dhe per perfaqesuesit e subjekteve te tjera politike ne komisione, por edhe vete administraten zgjedhore per te kryer ne kohe detyrat e fundit qe formalizojne kete progres dhe qe i japin mundesi autoriteteve te reja vendore te fillojne pa humbur kohe nga puna.

Opozita ka deklaruar se nuk i njeh zgjedhjet ne Tirane e Durres, si mendoni te zgjidhet ky moment?

Une jam ketu per te bere detyren time dhe per te perseritur ftesen te shoqeruar me angazhime te paekuivok per vazhdimin e bashkepunimit me opoziten dhe me subjektet e tjera politike, humbese apo fituese, ne dobi te konsolidimit te institucionit dhe te procesit zgjedhor dhe te konfirmimit te autoritetit te perfaqesueve te rinj te zgjedhur ne te gjitha nivelet. Nuk besoj se do te ishte e dobishme te sjell ne vemendjen tuaj precedentet se kush nuk ka njohur rezultatet ne zgjedhjet e meparshme dhe padobishmerine e nje qendrimi, qe ka sjelle nga ana jone nje reagim te matur ne te gjitha rastet, duke pritur me durim rikthimin ne detyre te perfaqesuesve te votuar te opozites ne keshilla apo nivele te ndryshme te qeverisjes vendore ne te kaluaren. Kete gje do te vazhdojme ta bejme dhe do ta nxisim me shume seriozitet e maturi edhe ne kete rast.

Si e shpjegoni rezultatin ne bashkine e Korces, Sarandes e Elbasanit?

Nuk besoj se nuk dini ta lexoni nje fare rishperndarje te votes ne territor dhe ne nivele te ndryshme te qeverisjes vendore. Nuk jam ketu per te ndertuar ndonje harte qe diskriminon apo perjashton nga prirjet e pergjithshme te zhvillimit pozitiv te vendit drejt integrimit te komunave dhe bashkive me pjese te ndryshme te vendit, aq me pak te bej nje dallim midis jugut dhe veriut. Une kam ndjekur me vemendje dhe i cilesoj si mesime te dobishme mesazhet qe kane dhene zgjedhesit ne disa bashki kryesore qofte ne dobi qofte ne ndeshkim te performances sone qeverisese ne tre vitet e kaluara. Jam shume i interesuar qe te shoh kapacitetet e reja qe jane afirmuar pavaresisht nga subjekti politik qe perfaqesojne. Deri tani, edhe nga kontributi qe keni dhene ju te medias permes ballafaqimeve televizive, me rezultojne fitore te merituara dhe tregues premtues te kundershtareve qe kane mundur kandidatet e mi ne disa bashki kryesore dhe se afermi me konfirmimin dhe shpalljen e rezultatit zyrtar te zgjedhjeve do t'i ftoj per te nisur menjehere bashkepunimin. Me ne fund do te vazhdoj te nxis, duke e vezhguar me vemendje bashkepunimin midis autoriteteve dhe titullareve te rinj te zgjedhur dhe keshillave bashkiake qe jane multikolor, si ne rastet kur mazhoranca perbehet nga PS dhe aleatet e saj ashtu edhe ne raste kur minoranca te rendesishme ose jo jane te domosdoshme per vendimarrje qe i sherbejne ritmeve me te larta rajonale qe i sherbejne te gjitheve.

Thuhet se aleatet kane ndikuar ne rezultatin jo te mire te PSSH ne disa bashki. Cili do te jete niveli i bashkepunimit tuaj ne te ardhmen me aleatet?

Nuk besoj se rezultati qe po konturohet i ketyre zgjedhjeve do te na coje ne likujdime faturash brenda mazhorances aktuale qeverisese. Po nxis korigjimin e instrumenteve politike e institucionale brenda mazhorances qe i sherbejne nje performance me te mire qeverisese ne te gjitha nivelet dhe nje bashkepunimi me te konsoliduar midis autoriteteve vendore dhe atyre qendrore ne dobi te reformave qe kemi perpara dhe te programit te qeverise qe une drejtoj.

Megjithese ju zhvilluat nje fushate elektorale ne jug duke u kujtuar qytetareve vitin 1997, PD arrit te fitoje disa komuna e bashki atje. A mendoni se z.Berisha e ka kapercyer vitin '97?

Une nuk kam ndonje autoritet te vecante per te kualifikuar kapercimet e liderit te opozites perpara ose prapa. Une jam ne detyre dhe ne perfaqesim te partise qe drejton vendin per te sjell ne vemendjen e te gjitheve referenca dhe fakte politike qeverisese qe kane demtuar zhvillimin normal te tranzicionit, te institucioneve, te ekonomise dhe te procesit te perafrimit te Shqiperise me vendet moderne te BE. Une do te vazhdoj ta bej kete ne funksion te nje angazhimi bipartizan, qe perfshin dhe opoziten dhe shoqerine civile per te krijuar kushte te pamundshme qe te perseriten abuzimet apo sulmet ndaj institucioneve te shtetit te se drejtes dhe ndaj mekanizmave te nje shoqerie demokratike sic ka ndodhur ne '97 apo me pare ne Shqiperi.

Mund te thoni ne shifra rezultatin ne proporcional te PS? Cili eshte mesazhi qe u jepni votuesve shqiptare?

Nuk kam ndonje te dhene me te fresket sesa ato qe jane perpunuar dhe shpallur nga koleget e mi te Partise Socialiste, sekretari i Pergjithshem z.Ruci dhe nuk mund te mos vazhdoj te konstatoj me kenaqesi qendrueshmerine ne rritje te numrit te votuesve ne mbeshtetje te PSSH dhe ne zgjedhjet administrative te tetorit 2003. E ritheksoj se pjesemarrja e qendrueshme e zgjedhesve shqiptare edhe ne administrativet 2003 eshte nje tregues i maturise se publikut, i interesimit pozitiv te shumices derrmuese te zgjedhesve te regjistruar ne Shqiperi per institucionet dhe perfaqesimin politik te tyre ne to. Te gjitha angazhimet qe une permenda, personale, te qeverise dhe te mazhorances qe une drejtoj do te shkojne ne dobi te zgjidhjes nje here e mire te problemeve qe kane lindur, te zgjedhesve te ndryshem vecanerisht ne qytetet e medha per informacion zgjedhor qe u lejon te ushtrojne te drejten e votes se lire.

Burimi: Korrieri

[lis]

Bllokimi, PS akuzon komisioneret e PD
Kryetari i Partise Socialiste, per degen e Tiranes, Musa Ulqini, ka reaguar dje ndaj deklaratave te liderit te Partise Demokratike, Sali Berisha, sipas te cilit, "perfaqesuesit socialiste po shkelin procesin zgjedhor". Ulqini i ka cilesuar fjalet e Berishes si "genjeshtra te turpshme". Ai thote se jane pikerisht perfaqesuesit e PD-se ne komisionet zgjedhore, te cilet nuk punojne dhe "kane bllokuar procesin e numerimit te votave". Kreu i socialisteve te kryeqytetit, thekson se komisioneret e PD-se ne qendrat e votimit ne shkollat "Dora Distria", "Cajupi" dhe "Sabaudin Gabrani", ne Tirane, "nuk po zhvillojne detyrimet e tyre". Per kete, Ulqini ka kerkuar qe "Sali Berisha te jape urdherin, qe perfaqesuesit e tij te punojne, pasi ka dy dite qe kane bllokuar procesin". Sipas tij, kjo eshte nje levizje e kreut demokrat, i cili "perpiqet te bllokoje procesin zgjedhor, duke njohur Kodin Zgjedhor dhe afatet e tij kohore per numerimin e votave". Socialistet kane deklaruar fitoren e Edi Rames, ne postin e kryetarit te Bashkise se Tiranes.

[Albo]

Fatos Nano: Elektorati na ndëshkoi

Nano ka thënë në konferencën e parë për shtyp, pas zgjedhjeve, se humbja në bashkitë kryesore të jugut ishte ndëshkim për partinë që ai drejton. Ndërsa për çështjen më shqetësuese për momentin, atë të listave, Nano ka thënë se edhe ai është i shqetësuar për këtë fakt, por kjo sipas tij do të rregullohet në të ardhmen.

Kryeministri dhe kryetari i Partisë Socialiste Fatos Nano ka pranuar faktin që fitorja e Partisë Demokratike në qytetet kryesore të jugut të Shqipërisë, si në Korçë, Sarandë apo Delvinë, ka qenë një ndëshkim që zgjedhësit shqiptarë i kanë bërë keqqeverisjes socialiste. Kryeministri Nano ka thënë se e pranon fitoren e kandidatëve të opozitës në këto vende dhe se ajo ka qenë e merituar. "I cilësoj si të dobishme mësimet që kanë dhënë zgjedhësit në disa bashki kryesore qoftë në dobi, apo në ndëshkim të performancës sonë qeverisëse në tre vitet e kaluara. Jam shumë i vëmendshëm që të shoh kapacitet e reja që janë afirmuar pavarësisht nga subjekti që përfaqësojnë. Edhe nga kontributi që keni dhënë ju si media, më rezultojnë si fitore të merituara të njerëzve të opozitës që kanë mundur kandidatët e mi në bashkitë kryesore," ka thënë në konferencën e parë për shtyp Fatos Nano, pas ditës së zgjedhjeve. Nano është detyruar të pranojë humbjen e Partisë Socialiste dhe emrave që ajo propozoi për kryetarë bashkish në këto vende, dhe të flasë për një fitore të merituar të opozitës. Ai tha gjatë konferencës se kjo ka ndodhur për t'i dhënë një ndëshkim për qeverisjen socialiste gjatë tre vjetëve të fundit. Kryeministri Nano gjatë kësaj konference ka thënë se fitorja e Partisë Demokratike në këto bashki kryesore të jugut të Shqipërisë është pozitive. "Nuk besoj se ju nuk dini të shihni një farë rishpërndarjeje të votës në territorin e Shqipërisë, në vende të ndryshme të qeverisjes vendore. Nuk jam këtu për të ndërtuar një hartë që diskriminon apo për të përjashtuar nga prirjet e përgjithshme të zhvillimit pozitiv të vendit drejt integrimit, në komuna apo bashki në pjesë të ndryshme të vendit aq më pak të bëjë ndonjë dallim mes jugut dhe veriut. Në kontekstin e fjalës së tij, Nano ka pranuar se vota masive për opozitën në këto bashki, është në shërbim të integrimit të vendit dhe prirjeve pozitive të integrimit. Përsa i përket kontestit që Partia Demokratike ka bërë për procesin zgjedhor në Durrës dhe Tiranë, për shkak të manipulimeve me listat e votuesve, Nano ka thënë ,"Unë jam për të bërë detyrën time dhe për të përsëritur ftesën për bashkëpunim me opozitën në dobi të konsolidimit të institucionit dhe të procesit zgjedhor. Nuk besoj se do të ishte e dobishme të sjell precedentët se kush nuk njeh rezultatet në zgjedhjet e kaluara." Ndërsa për çështjen më shqetësuese për momentin, atë të mospjesëmarrjes së një numri të madh të votuesve shqiptarë, pasi nuk kanë gjetur emrat në lista, Nano ka thënë se edhe ai është i shqetësuar për këtë fakt dhe kjo do të rregullohet në të ardhmen. "Unë kam shikuar me kënaqësi qëndrueshmërinë e pjesëmarrjes në zgjedhje edhe në administrativet 2003, dhe po ndjek me të njëjtin shqetësim si publiku, çështjen e konsolidimit të regjistrit të votuesve dhe të zgjidhjes në të ardhmen të problemit të informimit të zgjedhësve për qendrën e votimit, për të ushtruar një nga të drejtat më themelore të tij.

[Albo]

PD: Do i faktojmë manipulimin ODIHR-it

Kryetari i Partisë më të madhe opozitare ka përshëndetur raportin paraprak të dalë nga Misioni i Vëzhguesve, duke u shprehur se kjo forcë politike do t'iu faktojë atyre se zgjedhjet kanë qenë të manipuluara. Sipas Berishës, në asnjë vend nuk përmendet që zgjedhjet kanë qenë të lira dhe të ndershme

Opozita dhe partia kryesore PD ka përshëndetur dje raportin paraprak të OSBE/ODIHR në lidhje me zgjedhjet e 12 tetorit. Sipas kryetarit të Partisë Demokratike, Sali Berisha, raporti tregon qartë se zgjedhjet nuk kanë qenë të lira dhe të ndershme. Për këtë ai u është referuar deklarimeve të shkruara në raport se Misioni mbetet i hapur për prova të tjera për listat duke mos cituar në asnjë paragraf se zgjedhjet ishin të lira e të ndershme. Vetë kryetari i vëzhguesve të ODIHR, z.Berri pyetjes së drejtpërdrejtë për të cilësuar votimin të lirë e të ndershëm iu përgjigj "Edhe po edhe jo". Menjëherë pas këtyre deklaratave dhe publikimit të raportit nga ana e përfaqësuesve të ODIHR/OSBE, Berisha sqaroi se: "Kam bindjen më të thellë se do iu faktojmë si Misionit të ODIHR-it dhe të Këshillit të Europës manipulimin monstruoz që Celibashi ka bërë me listat". Sipas tij, ambasadori Berri u shpreh qartaz se zgjedhjet ishin një hap drejt plotësimit të standardeve, pra zgjedhjet nuk plotësuan standardet ndërkombëtare dhe europiane të zgjedhjeve të lira dhe të ndershme. "Ne përshëndesim raportin dhe deklaratën e ODIHR-it në qëndrimin e tyre, në vlerësimin e tyre përsa i përket numërimit të votave dhe nxjerrjes së rezultateve. Siç e dëgjuat misionet kanë konstatuar se nxjerrja e rezultateve po shkon keq në Tiranë, në Durrës dhe Komisioni Qendror i Zgjedhjeve ka dështuar të mbajë zotimin e tij për të nxjerrë rezultatet paraprake dhe vihet në pikëpyetje shumë nxjerrja e rezultateve në afatin ligjor. Është e vetëkuptueshme se në të gjitha rastet kur shtyhen nxjerrjet e rezultateve ujqërit e manipulimit kalërojnë dhe bëjnë punën e tyre në këtë proces," deklaroi Berisha. Në materialin shoqërues të raportit sqarohet se në rang vendi më shumë se 71 përqind e qendrave të votimit kanë patur probleme me njerëzit që kërkonin të votonin dhe nuk gjenin emrat e tyre në lista dhe se ky fenomen ishte denoncuar drejtpërsëdrejti nga qytetarët pranë vëzhguesve duke u theksuar atyre se përjashtimi ishte politik. Por drejtuesit e ODIHR kanë pohuar se nuk kanë prova për këtë gjë të cilën dje e ka marrë përsipër kryetari i PD-së Sali Berisha përgjatë ditëve në vazhdim pasi dihet se pas një muaji organizmat ndërkombëtare do të japin raportin final të njohjes apo jo të zgjedhjeve. Arsyet e radhitura nga Sali Berisha për të realizuar faktimin e manipulimit të zgjedhjeve qëllimisht nga mazhoranca ishin deklarimet e ODIHR se "jemi të hapur për prova të mëtejshme". Po në të njëjtën mënyrë pas raporit të fundit të ODIHR-it, opozita paraqiti prova për këto, dhe zgjedhjet e 2001 nuk u njohën dhe Presidenti iu la opozitës disa kohë më vonë, gjë e cila u sqarua se kur prova është e pakontestueshme, ajo pranohet. "Raporti thotë se në nivel lokal problemet serioze u krijuan pasi u mbyllën qendrat e votimit. Në 36 përqind të rasteve vlerësimet dhe numërimet bëheshin keq, kjo u shpreh nga përfaqësuesja e Këshillit të Europës dhe ambasadori Barry besojnë se ishte për shkaqe teknike dhe jo për shkaqe intensionale. Patëm një vlerësim negativ nga vëzhguesit në mënyrën se si e trajtonin nxjerrjen e rezultateve, por kjo është përgjegjësi e KQZ-së, sepse nuk ka bërë asgjë për t'i trajnuar dhe kjo është e qëllimshme," është shprehur Berisha. Për të: "Zgjedhjet nuk ishin të lira dhe të ndershme dhe këto zgjedhje faktuan, për mua, në mënyrë përfundimtare se Fatos Nano nuk do dhe me Fatos Nanon nuk mund të ketë zgjedhje të lira dhe të ndershme."