Kadri Roshi

[{Jeff}]

Aktori i madh shqiptar Kadri Roshi eshte ne gjendje teper te renduar shendetesore. Ai eshte i shtruar prej 10 ditesh ne qendrat e reabilitimit ne shpitalin ushtarak. Thuhet se ka humbur shume peshe edhe duke pare qe ka edhe nje anoreksi te theksuar dyshohet per nje situate te veshtire te tij. Gjithashtu edhe mosha e thyer 79 vjecare e aktorit nuk e ndihmon ate te luftoje semundjen.

Gjate ketyre 10 diteve rehabilitim aktori popullor ka marre shume vizita nga personalitete te ndryshme te artit edhe politikes shqipetare. Ministrat e kultures edhe shendetesise e kane vizituar gjithashtu. Nga te fundit qe e vizituan ishin Mirush Kabashi. Kadriu rri ne krevatin e spitalit edhe tymos nje e nga nje cigaret Slims. Kujton koherat e skenes edhe thekson qe roli me i dashur per te ishte plaku Mere. Gjithashtu nuk i shmanget dot as politikes ku komenton situaten Ngjela-Rama..

Kushdo qe e viziton sjell te njejtin mesazh Te qofte e shkuar kadri.

[kolombi]

Uroj dhe shpresoj sa me pak dhembje,e rikthim te plote te shendetin,per nje nga GJIGANTET e kinematografise dhe skenes shqiptare.
Jane te pakta fjalet te shprehesh mirnjohjen per te madhin Kadri Roshi.i skalitur ne zemrat e mendjet tona,mes roleve te paperseritshme,te mrekullueshme .

[Di68]

Aktor i rralle e i paperseritshem, i uroj sherim te shpejte.

[FJORIN]

Aktori feston përvjetorin e lindjes sot në mbrëmje në skenën e Teatrit Kombëtar. Retrospektiva e karrierës së Kadri Roshit, i cili kulmin e vet e pati në kinematografi në mesin e viteve ‘80

Kadri Roshi, në vitin e tetëdhjetë

Pas anoreksisë dhe lodhjes trupore, në skenën e Teatrit Kombëtar. Kadri Roshi nuk vjen për të rimarrë historinë e roleve që e ndërpreu me Ezopin në mesin e viteve ‘90-të, aty tek “Dhelpra dhe rrushtë”, por për të festuar tetëdhjetëvjetorin e lindjes.
Sot në mbrëmje aktori shoqërohet me retrospektivën kinematografike që do të shfaqet në ekranin e Teatrit. Drejtori i TK-së, Kiço Londo, ka bërë të ditur se ky takim me Kadri Roshin është menduar si një bashkëbisedim i lirë me të pranishmit artistë rreth krijimtarisë së tij në kinema dhe teatër. “Eshtë në gjendje të mirë shëndetësore dhe kjo na gëzon. Do ta kemi mes nesh për të festuar 80-vjetorin e lindjes”,- thotë Londo. Aktori i njohur ka kaluar një gjëndje të rënduar shëndetësore këtë vjeshtë dhe nga shtrati i pavionit në spitalin ushtarak do të deklaronte se nuk shpresonte të ngjitej më në skenë.
Kur gjendja e tij nuk jepte asnjë shenjë përmirësimi, Ministria e Shëndetësisë mori përsipër kurimin e aktorit në një nga klinikat e Ankarasë, në Turqi. “Syri magjik”, filmi i fundit regjisorit Kujtim Çashku e ktheu sërish në sheshxhirim Roshin, por për këtë fakt nuk do të jepej asnjë koment.
Karriera e tij pati një ndërpreje të njëkohshme si në teatër dhe në kinema, edhe pse deri vonë ka qenë një artist i kërkuar nga kineastët. Krijimtaria e tij dallohet për natyrshmërinë që iu ka dhënë roleve dramatikë, një dimension që shpesh është teatralizuar, skematizuar dhe artificializuar nga artistët shqiptarë, qoftë në kinema, qoftë në teatër. I lindur në Ballsh në vitin 1924, nga prindër gjirokastritë, formimi i Roshit nuk vjen nga ndonjë akademi aktrimi, apo manteli i mjeshtërisë së aktrimit rus të Stanislavkit, nëpër të cilin kanë kaluar breza aktorësh. Skena e Teatrit Popullor, ku për herë të parë në vitin 1945 dhe sheshxhirimet ishin e vetmja shkollë e tij.
Dhe sot në moshën 80- vjeçare, bëhet më shumë se gjysmëshekulli nga dalja në skenë. Në historinë e kinemasë janë 30 role që mbajnë firmën e tij, ndërsa në teatër rreth 100, nga cilët mjafton të kujtojmë interpretimet tek “Halili dhe Hajria”, “Revizori”, “Familja e peshkatarit”, “Arturo Ui”, “Kohë e çmendur”, “Dhelpra dhe rrushtë” ku roli i paharruar i Ezopit përkrah aktores Luiza Xhuvani, është nga të fundmit në skenën e teatrit. Nuk mund të mohosh faktin se portretin e tij e fiksoi në kujtesën e publikut më tepër se teatri, kinemaja, nga arkivi i së cilës do të shfaqen disa fragmente të zgjedhur, role ku Roshi duket se interpreton me lëkurën e vet më shumë se sa me atë të personazhit. Kujtojmë filmat “Lulëkuqe mbi mure”. Për interpretimin në rolin e kujdestarit ai vlerësohet në Festivalin e Dytë të Filmit Shqiptar në vitin 1977, me çmimin special të aktorit më të mirë, bashkë me Timo Fllokon e Agim Qirjaqin. Këtë çmim e merr sërish më 1981 për rolin e mësuesit patriot në filmin “Liri a vdekje”, dhe dy vjet më pas, për interpretimin tek “Era e ngrohtë e thellësive”. Me protagonizmin tek “Gjeneral gramafoni”, “Këshilltarët”, “Njeriu me top”, mund të thuhet se mesi i viteve ‘80-të prek zenitin e karrierës së aktorit.
Në një nga ato ditët e shëndetit të përkeqësuar ai do deklaronte se nga intepretimi tek filmi i regjisorit Viktor Gjika, “Njeriu me top” ai realizoi rolin e karrierës: “Plaku Mere, është kurora e roleve të mi. Atë e kam ndërtuar vetë nga e para, si kam ditur.”
Në një kohë kur gjithë kinematë ishin shkatërruar dhe frynte era e euforisë së mirëqënies jetëshkurtër nga firmat piramidale, Kadri Roshi merr Kupën e Karrierës në Festivalin e Dhjetë të Filmit Shqiptar, në vitin 1995. Kishte interpretuar në një nga rolet e fundit të karrierës kinematografike tek “Kolonel Bunker”.
Roshi është “Nder i Kombit” prej vitit 1998, një titull dhënë nga Presidenti i Republikës

[rudi c33]

I madhi Kadri Roshi

[Iliriani]

Shume shqiptare nuk e njohin personalisht Kadri Roshin po e njohin nga rolet e tij ne filmin shqiptar qe pa dyshim vleresojn talentin e tij.Njeriu eshte kompleks.Ne shqiperi ne ato vite qe gje e madhe te beje filma e te ishe aktor e kuptohet si kudo aktoret kishin dhe nje jete me te mire.Po ne ate kohe ca njerez kane luajtur ca filma,ca filma real [e nje pjes e tyre e pa regjistruar] e i kane luajtur me jeten e tyre.Ca filma tragjik qe fillonin qe me jeten e spacit per nje intelektual perendimor e deri te pushkatimet e internimet.E keta qene aktoret real te asaj kohe qe ndoshta sot nuk u feston ndonje njeri 80 vjetorin e kaluar mes filmave te gjate 10,20,25 vjecare.

[kolombi]

Gjigandi i kinematografise shqiptare.Perulem gjithe respekt para ketij aktori te madh,me role te paharruarra.
Vitet ndoshda do kalojne ,por veshtire te shohim serisht ne skenen shqiptare aktore te tille.
Per mua Kadri Roshi eshte i paperseritshem.

[Davius]

Eshte ndare nga jeta ne moshen 83 vjecare aktori i madh shqiptar i skenes dhe i ekranit, artisti i popullit, Kadri Roshi.

Artisti i madh u shua ne Tirane , ku kaloi dhe ditet e fundit te jetes se tij. Emri i Kadri Roshit eshte nje kolos per filmin dhe teatrin shqiptar, ku ai la figura te spikatura qe nuk do te harrohen kurre. Mendimtari grek Ezopi, kujdestari tek ”Lulekuqet mbi mure”, plaku Mere tek ”Njeriu me top” dhe dhjetra role te tjera mbeten te pashlyera ne kujtesen e shikuesve shqiptare te te ghjitha brezave. Kadri Roshi ka krijuar ne skene dhe ekran nje galeri me rreth 180 role. Ai, e filloi karrierën e tij si aktor në Teatrin Popullor në moshën 21-vjeçare duke qene ne nder krijuesit e ketij teatri. Kadri Roshi njihet dhe si protagonist i filmit të parë artistik shqiptar "Tana". Në krah ka patur gjatë gjithë kohës aktorët e brezit të tij Drita Pelingu, Violeta Manushi, Tinka Kurti, Reshat Arbana, Marika Kallamata, etj. Kadri Roshi mbante titullin ”Nderi i Kombit”.

A1 TELEVISION

[PRI-LTN]

Humbje e madhe.
Ngushellime familjareve dhe gjithe shqiptareve!

[MI CORAZON]

Si u tha edhe me siper ishte nje nga koloset e teatrit dhe filmit shqiptar .
Me vjen shume keq per vdekjen e tij...
Ngushellime familjes dhe dashamiresve te tij.