Si ftillohet ekzistenca e së keqes?

[Skerdi Sika]

Mbase kemi shkas që ta zhvillojmë një "metadebat" për vet debatin: si zhvillohen duelet verbale te ky log kuvendi. Por pastaj do të dëshiroja që të kthehemi në temë.

Mendoj që argumentimi këtu vuan nga tri gjëra. E para është, si rëndom, ajo që postuesit nuk i lexojnë shkrimet e mëparshme. Nuk e di sa besimtarë gjer tani kanë shkruar - dhe kanë pritur përgjegje të përkushtuar - në variacionin "e mira prej Zotit, e keqja prej njeriut", pa shtuar asgjë të re që nga postimet e para: ndonëse ky argument me gjithë nënvariacionet e veta është ballafaquar tashmë sa e sa herë. Mendoj që e do mirësjellja forumiste që t'i lexosh së pari shkresat e mëherëshme, para se të shkruash diçka vet. (Refleksion personal: Nëse më ka plasur ndonjëherë nga kjo, e jam përgjegjur jo me atë përkushtim që e kërkon megjithatë vendi e kuvendi - më duket që kjo ishte pyka e Studentit Blu - ahere më vjen keq, e kërkoj ndjesë: por s'është lehtë të vesh rrotull tërë kohën në të njëjtin vend, vetëm pse disa këtu përtojnë t'i lexojnë shkresat më lart, ose insistojnë që tema nuk është sajuar për tru njeriu (?!), ose insistojnë që t'i anashkalojmë aty-këtu ligjet e logjikës...)

E dyta, është një prirje nga disa besimtarë këtu, që në vend të spjegimeve vetjake, të cilat janë objektiv i këtij logu, të shkarkojnë citate të gjata prej librave fetare, të cilat nuk shtojnë asgjë të re. Kjo s'është irrituese si e para, por megjithatë!

E treta është toni i ngritur, nganjëherë agresiv, i besimtarëve që s'merren me temën, po i japin këshilla (të shpeshtën cenuese) atyre që i supozojnë si oponentë.

Unë për vete mendoj që debati te ky log kuvendi është në favor të të gjithë neve. Duke menduar për çështje madhore si këto, mundet që edhe ne fisnikërohemi një çikë, në mendje e në shpirt. Por debat nuk do të kishte fare sikur të ishim të gjithë të një mendjeje, apo jo!

Si thoni ju?

[leci]

Skerdi..
je nje nga ata persona te cileve i kuptohet ajo qe shkruajne dhe nuk eshte perhere e lehte...
ne rradhe te pare problemi ketu eshte se kur permend zotin,ka persona qe pergjigjen ne nje menyre irrituese,si thua ti.
mjafton te lexosh disa tema per te kuptuar livelin e personave qe shkruajn.
shkruajn hartime te kopjuara nga nje liber,kur une shume mire mund ta lexoj ate liber.me mire dy fjale qe dalin nga masa gri po te pakten jane reale.
por kur debati degjeneron ne absurditet me mire jepi fund.
gjithe te mirat

[Astrit77]

Pershendetje Skerdi!

Ne radhe te pare te uroj gjithe te mirat, dhe te jesh mire me shendet. E kam ndjekur temen tende deri diku dhe me thene te drejten kam lexuar shumicen e shkrimeve (jo te gjitha), por aq sa kam lexuar e di pak a shume esencen e pyetjes tende.

Meqenese ke marre shume pergjigje dhe asnjera prej tyre nuk e kenaq kerkesen tende, une do te perpiqem te pergjigjem me nje shembull praktik qe nuk eshte me i godituri, por qe jep nje fare pergjigje. Gjithashtu mendoj se njeriu duhet te jete i hapur per te gjitha llojet e pergjigjeve qe sjellin te tjeret (besimtare ose jo besimtare) dhe mendoj se nje pergjigje 100% bindese askush nuk mund te te sjelle.

Por le te kthehemi tek shembulli qe dua te te sjell.
Nuk e di ne se ti e pin duhanin (uroj qe te mos jesh nje i tille), por megjithate besoj se nje paket duhani e ke pare, ose te pakten reklamat qe u behen atyre qe mund ti gjesh ne cdo cep. Po te shikosh nje paket nga ana e jashtme, do te lexosh pothuajse ne te gjitha ato nje (para)lajm(rim) :"Duhani demton rende shendetin", dhe cfare ndodh me njerezit qe pijne duhan, a e marrin ato parasysh kete paralajmerim, a ndikon kjo qe ato te mos e pijne duhanin. Per hir te fakteve duhet te pohojme se ne pothuajse 100% te rasteve ato as qe e cajne koken fare per nje paralajmerim te tille dhe as qe duan t'ja dine per rrezikun qe sjell pirja e duhanit. Perderisa pasojat nuk jane te menjehershme, por duhet kohe qe nikotina e marre nga cigaret te hyje ne veprim, atehere ato i neglizhojne fare keto paralajmerime dhe vazhdojne per hesap te vet. Ka edhe nga ata qe perpiqen ta lene duhanin, por si i thone nje fjale "nuk te le ai me", eshte nje kurth i ngritur me dinakeri, ne fillim e nisin sa per sport, nje cigare ketu, nje atje dhe vjen nje moment kur zihesh ne gracke dhe do te dalesh, por nuk mundesh ( e njejta gje vlen edhe per drogen).

Cfare dua te them me shembullin e mesiperm? Perendia na ka paralajmeruar ne njerezit per pasojat e mosbindjes ndaj Fjales se Tij. Ai na ka dhene Biblen, Fjalen e Tij, ku na tregon se cfare duhet te bejme qe ti shpetojme kurthit. Ti ne pyetjen tende do te thuash, po mire kur duhani eshte kaq i keq pse Perendia e krijoi ate, a nuk mundte Ai te krijonte nje bote pa duhan, ose pa droge dhe pa gjera te keqija, por vetem me te mira? Kjo pyetje i drejtohet drejtperdrejte Perendise, edhe Jobi (nuk e di a e njeh historine e Jobit qe gjendet ne Bibel, tek libri i Jobit) kishte shume pyetje kunder Perendise per fatkeqesite qe e zune ate pa e ditur shkakun se pse, por kur Jobi pa shenjterine e Perendise qe ju shfaq atij, tha keto fjale:

1 Atëherë Jobi iu përgjigj Zotit dhe tha:
2 "E pranoj që mund të bësh gjithçka, dhe që asnjë nga planet e tua nuk mund të pengohet.
3 Kush është ai që, pa pasur gjykim, errëson mendjen tënde? Prandaj thashë gjëra që nuk i kuptoja, gjëra shumë të larta për mua që nuk i njihja.
4 Dëgjomë, pra, dhe unë do të flas; unë do të të bëj pyetje dhe ti do të më përgjigjesh.
5 Veshi im kishte dëgjuar të flitej për ty por tani syri im të sheh.
6 Prandaj ndjej neveri ndaj vetes dhe pendohem mbi pluhurin dhe hirin".

Ne njerezit kemi nje problem, kemi humbur dicka shume te rendesishme, kemi prishur maredhenien tone me Krijuesin, kemi rene nga lavdia me te cilen Krijuesi na krijoi, dhe ne duhet te perqendrohemi me shume ne zgjidhjen e problemit tani, se sa te merremi me ceshtjen se pse ekziston problemi. Edhe ajo ka vleren e vet te dime se nga erdhi problemi dhe shkaqet e tij, por me shume vlere ka ta zgjidhim ate, dhe megjithese problemin e kemi krijuar ne vete, Perendia e ka zgjidhur ate per ne, nepermjet Jezu Krishtit. E keqja qe sot ekziston, lufohet dhe zhduket vetem duke besuar tek Biri i Perendise, Zoti Jezu Krisht. Sot bota duket se po arrin ne kulmin e saj te ligesise, por Perendia na ka premtuar ne te ardhmen nje bote pa te ligen, kete duhet te perpiqemi te arrijme.

E di qe nuk ju pergjigja pyetjes tende ashtu sic do te deshiroje ti, por une mendoj se ka me shume vlere te merresh me problemin qe tashme ekziston se sa me ate se si u krijua ky problem.