Qeveria e re votohet ne parlament, opozita braktis votimin

[ALBA]

Nanos i troket dimri i fundit

Dimri i sivjetshëm, përveçse i ftohtë, do të jetë dhe mjaft i vështirë për qeverinë dhe kryeministrin Nano, i cili do të përballet me konfliktin më të madh brenda forcës politike që ai drejton. Këtë lajm e ka dhënë pikërisht kundërshtari i tij më kryesor brenda PS-së, Ilir Meta, i cili ka lëshuar përsëri deklarime kundër qeverisë dhe politikës së Fatos Nanos. "Dimri që kemi përpara, do të jetë i vështirë për Nanon", ka deklaruar dje ish-kryeministri Ilir Meta, gjatë ceremonisë së pasdites që PS organizoi me rastin e anëtarësimit në Internacionalen Socialiste. Kundërshtari i kryeministrit Nano, gjatë kësaj ceremonie ka shmangur dhe takimin dhe dhënien e dorës kryesocialistit, duke i dhënë të kuptojë se, gjërat tash e tutje do të vështirësohen. "Nano e ka personalizuar PS-në, duke e kthyer atë në një parti staliniste, ku dominojnë konfliktet dhe lufta e klasave", ka deklaruar Ilir Meta. Me tej, gjatë këtyre deklarimeve, Meta ka përmendur dhe lëvizjet e Nanos, që ka programuar të vazhdojë në bazë, duke i konsideruar ato, si përpjekje të dështuara të kryeministrit që përpiqet të krijojë konflikte të reja dhe në bazën e PS-së, në një kohë që ai nuk gëzon mbështetjen e saj. Por megjithatë, mbështetësit e kryeministrit, e kanë nisur fushatën e bazës, që në ditët që Nano nuk ishte i pranishëm, pasi ndodhej në takimin e Internacionales në Brazil, duke i paraprirë kështu lëvizjeve të kundërshtarëve të tij. Por pritja nga ana e bazës, ndaj fushatës spastruese të Nanos, ka qenë fare e akullt, kjo si rrjedhojë e humbjes së besimit për qeverinë socialiste dhe për kreun e saj. Megjithëse kryeministri dhe njerësit e tij brenda PS-së, trumbetojnë me të madhe surprizën që ata do t'i bëjnë kundërshtarëve të tyre në bazë, nga ana tjetër, pikërisht baza e partisë është ajo që ka nisur t'i japë suportin e duhur kundërshtarëve të Nanos. E gjithë kjo lojë që Nano përgatiti që nga Brazili, për kundërshtarët e tij, duket se i është kthyer në një bumerang atij, e për pasojë, ka vetëm një përfundim: fundin e hidhur për kryeministrin, pas kongresit të dhjetorit.

gazeata 55

[lis]

E Merkure, 05 Nentor 2003


NUK ESHTE NORMALE NJE QEVERI PA MINISTRA

Kryetari i Kuvendit, Servet Pellumbi i eshte pergjigjur dje interesimit te meidave lidhur me te gjitha ceshtjet qe shqetesojne sot politiken shqiptare. Ajo qe mbeti paresore ne deklaraten e tij, ishte fakti i ngercit qeveritar, e cila po drejtohet nga zv/ministra. "Nuk eshte se kemi nje qeveri me zv/ministra, por jane dy ministri qe drejtohen nga zv/ministrat dhe kjo nuk eshte nje situate normale", u shpreh Pellumbi lidhur me kete fakt. Sipas tij kjo kerkon nje zgjidhje te shpejte, duke u bazuar gjithnje ne ate qe afron Kushtetuta. "Situata e krijuar ne qeveri nuk eshte normale, por nje gje e tille duhet te marre zgjidhje ne parlament", cilesoi ai, duke shtuar se "kriza qeveritare ka marre permasa te tilla, me shume nga situata e krijuar brenda mazhorances". Nje deklarate e tille e kryeparlamentarit vjen nje dite pas takimit te tij me kryeministrin Nano. Pavaresisht bisedave te tij me kryministrin, ai i ka qendruar idese qe parlamenti duhet te jete institucioni qe t’i jape zgjidhje krizes qeverisese dhe se kjo duhet te marre udhe para zhvillimit te kongresit. Nje fakt tjeter ne te cilin u ndal Pellumbi ishte dhe ajo e deputeteve te mazhorances te cilet abstenuan ne parlament per dy ministrat e Nanos. Ishte kryetari i mazhorances, Nano qe deklaroi menjehere pas ketij abstenimi, se per keta deputete do te merren masa ne kongres. Por Pellumbi theksoi se per ta nuk mund te vendose asnjeri deri ne perfundim te legjislatures, pasi eshte elektorati qe i ka zgjedhur dhe perfaqesojne pikerisht kete pjese. "Jane votuesit ata te cilet vendosin per deputetet e tyre dhe jo PS-ja apo ndonje force tjeter politike", u shpreh Pellumbi, duke perjashtuar ne kete menyre politiken perjashtuese te PS-se, te cilen kerkon te aplikoje kryetari aktual i mazhorances. Ndersa garen kongresuale per PS-ne, Pellumbi e cilesoi si normale duke theksuar gjithashtu se kjo gare eshte e hapur per te gjithe eksponentet te cilet e shohin veten si konkurente te zote.

E.Prenga

Burimi: "Koha Jone"

[ALBA]

Kongresi, Nano-Meta gati fushatën
Mbledhjet e rivalëve, tek Vila 31 e Hotel Grand


--------------------------------------------------------------------------------

ar.lu.

Lufta kongresuale do të jetë e ashpër për sa kohë që të dy palët brenda PS-së po synojnë të tërheqin sa më shumë njerëz rreth vetes. Njëri krah në mbështetje të kryetarit aktual, ndërsa Meta ka dalë hapur në mbrojtje të Meidanit.

LAJMI

Kryeministri Nano ka filluar konsultimet me deputetë socialistë me qëllim daljen nga kriza në të cilën ka hyrë qeveria ,pas hedhjes poshtë të dy dekreteve të presidentit për vendet vakant të ministrave të rinj. Dje në mesditë ai ka zhvilluar takime intensive me deputetë të ndryshëm në Vilën qeveritare 31. Gjatë gjithë paradites, pragun e vilës qeveritare e kaluan shumë deputetë, midis të cilëve Ylli Bufi, Gramoz Ruçi, por dhe kryeparlamentari Pëllumbi. Duket se kryeministri ka hequr dorë nga konsultat e tij me këshilltarët dhe njerëzit e afërt rreth vetes, dhe e ka zgjeruar rrethin e njerëzve me të cilët ai po konsultohet. Takimet dhe sugjerimet me këshilltarët, praktikë që Nano e ka zbatuar deri më sot, nuk e bindin më kryeministrin se mund të funksionojë, pas dy disfatave të njëpasnjëshme për të zëvendësuar vendet vakante të ministrave në parlament. Roli i këshilltarëve dhe konsultimet e Nanos me ta nuk janë parë me sy të mirë nga deputetët oponentë të kryeministrit, sepse jo pak herë ata kanë akuzuar këshilltarët e tij për keqinformim dhe keqpërdorim të influencës së tyre në kabinetin qeveritar. Kjo mbyllje e kryeministrit rreth njerëzve të tij më besnikë nuk solli shumë mbështetje, pasi dhe këshilltarët e tij nuk kanë të bëjnë direkt me deputetët dhe grupin parlamentar, duke krijuar kështu një distancë dhe hendek që ndan këshillimin dhe vendimmarrjen. Duke mos parë zhbllokim të situatës, Nano u detyrua të rrisë pjesëmarrjen e njerëzve konsulentë për vendimet e tij, në mënyrë që propozimet e reja të tij të kenë gjetur më parë konsensusin dhe pëlqimin e një shumice deputetësh, para se ata të shtrohen për diskutim në forumet partiake dhe parlamentare. Pritet që konsultimet të vazhdojnë edhe në ditët e ardhshme, kur numri i atyre me të cilët Nano konsultohet të jetë sa më i madh. Burime pranë kryeministrit pohojnë se Nano, duke ndjerë presionin e madh që i bëhet për mosqeverisje me zv.ministra, mund të propozojë kandidaturat për ministrat e rinj para kongresit të dhjetorit. Në të njëjtën kohë që kryeministri Nano zhvillonte këto takime me deputetët socialistë, krahu tjetër nuk ka mbetur duarlidhur. Në Hotel Grand, ku i pari mbërriti Meta, është takuar grupi metist. Të parët që i janë bashkuar Metës ishin Zela dhe Legisi e më pas shkuan Braho dhe Muçi ku kanë diskutuar rreth të rejave të fundit dhe për të marrë masat e duhura që të mos ketë firo në grupimin e tyre pas takimeve të kryeministrit. Nuk mësohet se cilat kanë qenë detajet e bisedës mes miqsh, por një gjë thuhet hapur nga ky grup se, pa ndryshime në qeveri, që do të thotë rikompozim dhe pjesëmarrje e tyre në të, zor se do të mbarojë "lufta socialiste".


Statuti, reagojnë kundërshtarët

Disa deputetë socialistë janë shprehur kundër projektstatutit të PS-së, pasi ai rrit kompetencat e kryetarit të partisë. Petro Koçi vëren me keqardhje se nga propozimet e ardhura, të cilave u mungon adresa e origjinës, vihet re që ka një përpjekje për të mbingarkuar kompetencat e kryetarit të partisë, jo vetëm duke bashkuar mandatet, por duke dhënë dhe kompetenca monopol, si ai i propozimit të sekretarëve. Deputeti tjetër socialist, Lekë Çukaj, shprehet se nuk është për dymanadatësinë, pasi njeriu nuk mund të jetë njëkohësisht në dy karrige, në dy zyra, në dy vende, në të njëjtin orar për të kryer punë të ndryshme njëkohësisht.

Gazeta Shqiptare

[Albo]

“Eshtë antikushtetuese qeverisja pa dy ministra. Kjo nuk është normale, pasi edhe me Kushtetutë edhe me logjikë është që ministritë duhet të kenë ministrat në krye të tyre”

Një ditë pas takimit me Nanon e Ruçin, kreu i Kuvendit lëshon deklaratën e papritur

Pëllumbi: Qeveria, antikushtetuese
“Deputetët s’mund të kushtëzohen nga forumet partiake”

Luljeta Progni

“Deputetët kanë statusin e tyre, kanë mandatin e tyre dhe ai nuk mund të kushtëzohet në forumet partiake. Deputetin e ka zgjedhur elektorati dhe kjo nuk mund të vihet në pikëpyetje nga vendimet partiake”, ka qenë ky deklarim i papritur i kryetarit të parlamentit shqiptar, Servet Pëllumbi.

Deklarimi i Pëllumbit ka ardhur një ditë pas takimit të tij me Nanon, Ruçin dhe të tjerë funksionarë të lartë të PS-së në ambientet e Vilës 31. Kryeparlamentari shqiptar, i njohur si një ndër kundërshtarët më të fortë politikë të Nanos në PS, deri në momentin që u zgjodh në këtë post që mban aktualisht, nuk ka ngurruar dje të theksojë se “është antikushtetuese qeverisja pa dy ministra”. Kjo nuk është normale, pasi edhe me Kushtetutë edhe me logjikë është që ministritë duhet të kenë ministrat në krye të tyre”. Por, megjithëse, Pëllumbi ka mohuar lidhjen mes qëndrimit të tij të djeshëm dhe takimit të para dy ditëve me Nanon dhe Ruçin, burime pranë PS-së bëjnë të ditur se takimi në fjalë nuk ka kaluar pa shkëmbim debatesh dhe qëndrimesh të ndryshme ndërmjet protagonistëve. Ruçi tha se objekt i këtij takimi kanë qenë çështja e pronave dhe kompensimi, por duket se diçka tjetër më komplekse është diskutuar në takim.

A ka lidhje deklarata juaj me takimin e një dite më parë me Nanon dhe Ruçin?

Ky qëndrim nuk ka të bëjë me takimin e djeshëm, pasi është qëndrimi im, i cili është bërë publik edhe më parë. Unë e kam konsideruar si jo normal nga pikëpamja kushtetuese dhe logjike faktin se mungojnë dy ministra në krye të dy ministrive të qeverisë. Kjo nuk ka asnjë lidhje me ndonjë ndryshim qëndrimi timin, pasi këtë e kam deklaruar edhe më parë.

Në se do të ketë përsëri propozime nga Kryeministri dhe përsëri ato do të rrëzohen, si e mendoni ju zgjidhjen?

Nuk mund të flas duke paragjykuar dhe nuk mund të supozoj për gjëra të tilla.

Ndërkohë si e mendoni ju zgjidhjen për krizën që ka përfshirë mazhorancën socialiste për të cilën ju u shprehët sot?

Unë nuk kam deklaruar se ka krizë në mazhorancën socialiste. Kam deklaruar dhe ka një luftë politike brenda kësaj mazhorance dhe po e përsëris se unë mendoj se kjo situatë do të ketë një zgjidhje të shpejtë para Kongresit ose pas Kongresit.

Ju mendoni se ka ndonjë mundësi për dialog brenda për brenda PS-së?

Unë thashë se ka një problem brenda mazho-rancës, por theksoj se ky është problem që do të zgjidhet, ndoshta mund të zgjidhet para Kongresit ose pas tij. Një gjë është e sigurt, se çdo problem e ka një zgjidhje.

Cila mendoni ju se do të jetë zgjidhja?

Unë jam i sigurt se do të ketë zgjidhje, por nuk mundem sot të them se cila do të jetë ajo.

Ndërkohë është hapur një debat për ndryshimet në statut. Cili është qëndrimi juaj për këto diskutime?

Ende nuk jam njohur me propozimet konkrete për ndryshimet që kërkohet të bëhen në statutin e partisë. Besoj se deri në mbledhjen e KPD-së do të jemi njohur me propozimet për ndryshime në statut dhe, atëherë do të keni mundësinë të dëgjoni edhe qëndrimin tim për të gjitha ndryshimet që do të propozohen.

[lis]

E Premte, 07 Nentor 2003


PACK: "QEVERISJA SHQIPTARE E KORRUPTUAR DHE E PAAFTE"

Eglantina Nasi

Europarlamentarja Doris Pack leshon serish deklarata te ashpra mbi klasen politike shqiptare qe udheheq vendin. Kete radhe, ka qene komisioni i Jashtem Parlamentar i Hungarise, ne te cilin ajo pohoi te verteta te hidhura per qeverisjen akutale ne Shqiperi. Sipas saj, klasa politike shqiptare eshte e korruptuar dhe e paafte per te udhehequr vendin ne rrugen e reformave. Ne Budapest, ajo deklaroi edhe faktin se ne Shqiperi vazhdojne te qeverisin klane dhe politikane te korruptuar. Per te gjitha keto arsye, deputetja e Parlamentit Evropian pohoi per vendet e Evropes Juglindore

ajo deklaroi se Shqiperia gjendet ende ne fazen paramoderne te saj persa i perket rruges se gjate drejt strukturave euroatlantike.

"Eshte e vertete qe realisht ne Shqiperi ka segmente te caktuara te politikes te cilat jane te lidhura me korrupsionin. Por duhet vepruar ne menyre konkrete. Mendoj se rruga me e mire mbetet ajo e ballafaqimit me drejtesine e ketyre te korruptuarve dhe jo te mbetet vetem ne kuadre konferencash dhe fjalesh" ka deklaruar Doris Pack, vetem nje vit me pare lidhur me nje fakt te tille gjate konferences se 100 europarlamentareve, zhvilluar ne Tirane. Sipas saj, Shqiperise ende i nevojiten ligje te posacme qe rrota e nepunesve te administrates "te mos lyhet" me me perfitime abuzive.

Por te njejtat akuza ajo ia drejtoi pales politike shqiptare edhe nje jave me pare, gjate takimit ne Tirane me deputete shqiptare. Duke iu referuar zhvillimeve te te fundit politike ne vend, ajo tha se lufta kunder korrupsionit duhet te cohet deri ne fund me rruge institucionale. Per Pack, jane te pakuptueshme akuzat ndaj politikaneve te larte, te cilet nuk ndiqen nga prokuroria dhe gjykatat. Nga ana tjeter, ajo iu referua edhe situates aktuale politike, sipas te ciles, qeveria shqiptare duhet te plotesoje patjeter vendet bosh te saj, sepse vetem ne kete menyre mund te siguroje nje pune normale te saj. "Zhvillimet politike ne nje parti, pikerisht ne ate socialiste, po mbajne peng zhvillimin e metejshem te vendit. Nje gje e tille e ben situaten jo te favorshme per procesin e negocimit ne kuader te Asociim-Stabilizimit me Bashkimin Evropian" pohoi Paak gjate qendrimit te saj ne Shqiperi para nje jave. Por duket se i njejti mendim per qeverisjen shqiptare e ka shoqeruar edhe ne komentet e saj mbi aktualitetin e Shqiperise ne rrethet politike te Evropes. Gjithsesi, ajo i mbetet mendimit, sic e deklaroi edhe ne Tirane pak dite me pare se Shqiperia duhet t’i zgjidhe vete problemet e saj. Nga ana tjeter, behet e ditur se Pack ka folur para deputeteve hungareze edhe per ceshtjen e statutit te Kosoves. Sipas saj, Kosova nuk duhet te jete me nje pjese e Serbise, por e pavarur.

Burimi: "Koha Jone"

[BOY_UK]

NANO KERCENON KUNDERSHTARET

Kryetari i Partise Socialiste, Fatos Nano ne fjalen e tij para KPD-se, sulmoi kundershtaret e tij politik brenda partise se tij. Por ne ndryshim nga ajo cfare pritej, kryesocialisti ishte i ashper, por pa kaluar ne sulme konkrete emrash. Duke u fokusuar ne zgjedhjet kongresuale te PS-se, ai vuri ne dukje se ne kete gare te gjithe jane te barabarte, por ne fund do te mbetet kongresi ai qe do te vendose politikisht se kush do te drejtoje PS-ne. "Te gjithe anetaret e perfaqesuesit e PS-se mbeten te lire per vendimet dhe veprimet tyre. Ne fund, ne emer te anetaresise dhe zgjedhesve tane, vendos politikisht Kongresi i partise", u shpreh Nano lidhur me kete fakt. Duke bere nje rezyme te zgjedhjeve te fundit lokale, ai theksoi se socialistet kane humbur shume ne kete proces zgjedhor dhe kjo sipas tij ka ardhur si rrjedhoje e debateve te brendshme ne parti, duke krijuar nje lekundje te elektorait socialist. "Kete lekundje te besimit te zgjedhesve e kemi krijuar apo lejuar vete, me konflikte te brendshme interesash dhe shkelje rregullash perfaqesimi si dhe me delegim autoriteti dhe besimi, pra thene ndryshe votash, ne menyre te pamerituar tek perfaqesues politike te PS-se apo te aleateve, vecanerisht atje ku kane munguar apo jane shperndare votat e se majtes", u shpreh Nano. Si rrjedhoje e kesaj sipas kreut socialist, kerkohet qe ne kongres PS-ja te marre nje drejtim tjeter me zgjidhje poliike te tjera, qe sipas tij kane te bejne me stabilitetin ne qeverisje. "Jam i bindur se lekundja e besimit ndaj nesh eshte produkt edhe i shperdorimit per efekte demagogjike apo per interesa ngushtesish private dhe te grupeve te problemeve me sensitive te shoqerise shqiptare", vuri ne dukje kreu i mazhorances duke shtuar se "koha po deshmon se nuk luftohen fenomenet negative duke kerkuar rokada pa fund ministrash apo duke recituar nje fjalor te vjedhur antikorrupsion, por ato mund te luftohen me programe reformash qe shpalosen, votohen dhe zbatohen ne menyre te matshme dhe ne syte e publikut e te partnereve tane nderkombetare qe na monitorojne". Duke raportuar para KPD-se, pas nje viti drejtimi te tij ne ekzekutiv, Nano vuri ne dukje se gjate kesaj periudhe jane arritur te zgjidhen nje sere problemesh, mbi bazen e pakteve te ndryshme ne menyre bipartizane. "Per kete arsye dhe si rezultat i kesaj fryme te kohes ne politiken e vendit kemi arritur te riparojme nje varg dobesish qe lidhen drejtpersedrejti me korrigjimin e kursit te reformave dhe te qeverisjes apo te bazave se shtetit dhe te kapaciteteve te administrates publike dhe per pasoje ritmet e reformave te zhvillimit jane bere te qendrueshme", vuri ne dukje kreu i mazhorances, dhe duke bere analogji me ate kohe u shpreh se klima politike tashme ka ndyrshuar. "Paktet jane demtuar rende apo edhe jane prishur, gjuha e konfliktualitetit eshte rikthyer, derisa u arrit ne cenimin ne kater votime te rendesishme te mazhorances sone ne parlament", cilesoi kreu i mazhorances. Kjo sipas tij ka ardhur si pasoje

e luftes se hapur te qeverise se drejtuar prej tij kunder infomalitetit ne ekonomi dhe adresave te paditura ku perfundojne parate informale, sulmi i strukturuar qarte kunder korrupsionit e klientelizmit, si vendosja e drejtesise se organizuar kunder krimit te organizuar. "Ne prisnim qe segmentet dhe komunitetet kriminale te sulmuara te shfaqnin rezistencen e vet dhe tashme po e perballojme kete reagim", vuri ne dukje ai, duke cilesuar se sulme te tilla ndaj qeverise jane me se normale. Por ajo qe cilesoi si rast te paprecedent, ishte sulmi i politikes. "Ne e prisnim kete kunderveprim dhe ishim sic jemi te pergatitur per te, por ne nuk e prisnim kete sulm te politikes dhe te atyre qe i sherbejne krimit direkt apo indirekt, me vetedije apo pa dashje", cilesoi Nano, duke ju pergjigjur ne kete menyre sulmeve ne adrese te tij qe jane bere jo vetem nga opozita, por dhe nga vete politika mazhoritare.

Por sipas tij lufta ndaj segmenetve te inkriminuara do te behet ne dy drejtime "denoncimi politik dhe ai ligjor".

[Shpirt Njeriu]

Nano: Sherbetoret e krimit sulmuan qeverine


Kryeministri shprehet se konfliktet e brendshme ishin shkak i renies se PS ne zgjedhjet vendore: "Nuk e prisnim kete sulm te politikes dhe te atyre qe i sherbejne krimit direkt apo indirekt, me vetedije apo pa dashje". Nano pershendet rivalet ne garen per kreun e partise dhe kerkon krijimin e kushteve per ballafaqim

Elton METAJ

Kryeministri Fatos Nano akuzoi ata qe i cilesoi si sherbetore te krimit, se po sulmojne qeverine e tij. Ne nje fjalim para anetareve te Komitetit te Pergjithshem Drejtues te PS, shefi i qeverise i renditi kritikat ndaj ekzekutivit, si nje sulm te politikes dhe atyre qe i sherbejne krimit. Duke mos permendur per asnje cast emrat e kundershtareve te tij ne parti, Nano u qendroi deklarimeve te 23 tetorit 2003, kur u shpreh prere se ish-Kryeministri Ilir Meta ishte i lidhur me krimin. Ai tha megjithate se nuk ndodhej ne mbledhjen e KPD-se per te shpartalluar fajtoret, por per t'i ftuar ata te reflektonin.

Duke analizuar zgjedhjet vendore, lideri socialist tha se ndonese PS mbetet partia me e votuar, ajo nuk arriti rezultatet e pritura. "Kete lekundje te besimit te zgjedhesve e kemi krijuar apo lejuar vete, se pari me konflikte te brendshme interesash dhe shkelje rregullash perfaqesimi; se dyti me delegim autoriteti dhe besimi, pra thene ndryshe votash, ne menyre te pamerituar tek perfaqesues politike te PS apo te aleateve, vecanerisht atje ku kane munguar apo jane shperndare votat e se majtes", tha Nano. Ai u shpreh i bindur se lekundja e besimit ndaj socialisteve eshte produkt edhe i shperdorimit per efekte demagogjike apo per interesa ngushtesisht private dhe te grupeve, te problemeve me sensitive te shoqerise shqiptare. Per Kryeministrin, koha po deshmon se nuk luftohen fenomenet negative, duke kerkuar rokada pa fund ministrash apo duke recituar nje fjalor te vjedhur antikorrupsion. Duke folur per bilancin e qeverisjes se tij 15 mujore, Nano tha se gjate kesaj periudhe eshte arritur te dominohen kriza mbi bazen e zbatimit te pakteve qe kane zbutur klimen politike konfliktuale apo krizen e perfaqesimit, duke sjelle pershpejtim reformash ne rruge bipartizane. Por per Kryeministrin, "paktet jane demtuar rende apo edhe jane prishur, gjuha e konfliktualitetit eshte rikthyer, derisa u arrit ne cenimin ne kater votime te rendesishme te maxhorances ne Parlament". Lideri socialist i dha vetem nje shpjegim situates se re te krijuar: reagim i krimit dhe mbeshtetesve te tij ne politike. Nano tha se qeveria e tij kishte realizuar nje sulm te strukturuar qarte kunder informalitetit ne ekonomi dhe adresave te paditura ku perfundojne parate informale, si dhe kunder korrupsionit e klientelizmit. "Vendosja e drejtesise se organizuar kunder krimit te organizuar po jep tashme rezultate te spikatura", tha Nano, duke shtuar se priste, qe "segmentet dhe komunitetet kriminale te sulmuara te shfaqnin rezistencen e vet". "Tashme po e perballojme kete reagim", tha i bindur Kryeministri. Por, - shtoi ai, - "ne nuk e prisnim kete sulm te politikes dhe te atyre qe i sherbejne krimit direkt apo indirekt, me vetedije apo pa dashje". "Nuk kemi rruge tjeter vecse ta vazhdojme kete lufte, sepse eshte ne te mire te reformave integruese dhe te sjelljes se parametrave te jetes shqiptare ne normalitet", vleresoi lideri socialist. Ai permendi dy rruge per te vazhduar kete lufte: denoncimin politik dhe ate ligjor.

Ndonese beri thirrje per kohezion te socialisteve, Nano tha se nuk mund te ishte dakord me idene e cfaredo uniteti dogmatik, aq me pak te konformizmit me shperdorimin politik te pushtetit. Ne te njejten kohe, lideri socialist pershendeti afishimin e "cilitdo prej shokeve qe deshiron te kandidoje per detyren e Kryetarit te PSSH, si dhe cdo kontribut qe ndihmon per t'i rigjeneruar PS-se forcat e sinergjise morale dhe shpirterore, politike dhe qeverisese qe do te siguronin mbylljen me sukses deri ne vitin 2005 te mandatit legjislativ". Ai ftoi KPD-ne dhe Kongresin, qe te persosin ne maksimum rregullat e konkurimit te brendshem, per t'i krijuar cdo socialisti kushte reale ballafaqimi per cdo detyre. "Gjithashtu, duke deklaruar se do te njoh dhe respektoj cdo rezultat te Kongresit, ftoj dhe konkurentet e tjere, qe bashke me mbeshtetesit e tyre, te bejne te njejten gje", u shpreh Nano. Megjithate, sipas tij, paaftesia e cilitdo per te komunikuar me bazen e partise dhe per te fituar besimin e saj, nuk mund te lejohet te perdoret si balte per te njollosur vlerat qe jane krijuar ne 12 vjet.

Pasi mbylli fjalimin, Nano qendroi edhe pak minuta ne sallen ku anetaret e KPD-se do te votonin per rregullat e kandidimit per postin e kreut te partise. Kryeministri u largua nga salla, ndersa rivali i tij kryesor, ish-Presidenti Rexhep Meidani ndodhej nderkohe ne nje takim me perfaqesues te Keshillit Shqiptaro-Amerikan.

[lis]

E pata hapur disa dite me pare nje teme te ngjashme por si duket nuk gjeta titullin e pershtatshem(prandaj u zhduk si nje teme e re) dhe sot meqe problemi i dy ministrave ka zene "ngerc"(bllokuar) qeverine shqipetare dhe kryeministrin e saj zotin Fatos Nano,[b] presidenti ka ne dore ti jape zgjidhje kesaj krize institucionale.[/b)
Kjo teme kishte per te pasur shume debate sepse ka kohe qe trajtohet ne media(vetem forumi shqipetar e politizoi pasi si duket ka ndonje ps-ist brenda ne te), njekohesisht kriza aktuale e qeverise tashme nuk faturohet me te kryesia e PS dhe deputetet e saj.
Zgjidhja eshte dore te presidentit.
Dy here rradhasi kryeministri nuk arriti te kaloje ministrat e zgjedhur nga po vete kryeministri dhe gjykata kushtetuese ka bere interpretimet e saja(faji i Albos qe nuk arritem te konsumonim nje debat te tille konstitucional).

Cfare vendimi mund te marre presidenti ne lidhjen me krizen aktuale qe ka mberthyer qeverine e zotit Nano, duke arsyetuar gjithnje brenda korrnizes kushtetuese?

Neqoftese deshironi ti referoheni kushtetutes, cdonjeri mund te lundroje te forumi "Kulture Demokratike" dhe te lexoje me vemendje nenet dhe paragrafet dhe hapesiren e nevojshme te ketyre te fundit per te bere nje gjykim sa me rracional.


Fatmir Mediu deklaron keshtu:





E Marte, 11 Nentor 2003


MEDIU: PRESIDENTI TE JAPE ZGJIDHJE KUSHTETUESE.

Kryetari i Partise Republikane Fatmir Mediu, e konsideroi absurde marreveshjen e fundit te vendosur mes kryeministrit Fatos Nano dhe Presidentit Alfred Moisiu per te emeruar ne detyre dy ministrat e rrezuar nga Kuvendi. Gjate nje prononcimi per shtyp Mediu pohoi se Presidenti Moisiu eshte garant i Kushtetutes dhe duhet te zbatonte kompetencat qe i jepte ajo. Sipas tij ai nuk duhet te lejonte qe te zyrtarizoheshin zgjidhje artificiale per nje ceshtje kaq te rendesishme sic ishte kriza aktuale ne qeveri. Kreu republikan pohoi se kjo ishte nje ceshtje qe duhet te zgjidhej ne parlament. Nderkohe dy dite me pare Presidenti Moisiu deklaroi se nuk do te pranonte asnje lloj presioni nga partite politike. Ai shprehu shqetesimin e tij per qeverisjen me zevendesministra, duke pohuar se kete fakt ia kishte bere te qarte edhe kryeministrit Fatos Nano gjate takimeve te fundit, duke diskutuar per gjetjen e nje zgjidhje ligjore te problemit. Nga ana tjeter kreu i opozites Sali Berisha, ka kundershtuar ashper kompromisin e vendosur mes presidentit Moisiu dhe shtetit te qeverise Fatos Nano

Burimi: "Koha Jone"

[lis]

Nje sondazh i gazetes se perditshme "Koha Jone" pasqyron testin ne kete menyre

Nese Moisiu do te dekretoje e pranoje betimin e ministrave pa i kaluar ne parlament vepron mire apo keq ?


Mire 16%

Keq 84 %

PD mund te beje mocion per shkarkimin e Presidentit nese ai dekreton e pranon betimin e ministrave pa i kaluar ne parlament.Vepron drejte PD?


PO 71%

JO 29%



Diskutim te mbare.

[Shpirt Njeriu]

Partia Socialiste do te zyrtarizoje qeverisjen e perbashket me opoziten ne ndryshimet e statutit, qe pritet te miratohen ne Kongresin e 12 dhjetorit. Ndersa, levizjet politike qe synojne perfshirjen e reformatoreve te Genc Pollos ne qeverine e Kryeministrit Nano jane shtuar, Kongresi i PS do te sanksionoje realizimin e aleancave edhe me partite e djathta. Ne paketen e ndryshimeve statutore, qe ka kaluar ne proven e Komitetit te Pergjithshem Drejtues, jane perfshire edhe dy shtesa, qe synojne pikerisht aleanca zgjedhore dhe ne qeverisje me partite e qendres se djathte. Ne kompetencat e Komitetit te Pergjithshem Drejtues qe do te dale nga Kongresi i 12 dhjetorit pritet te shtohet edhe miratimi i aleancave me "partite e spektrit te majte dhe te qendres se djathte ne zgjedhjet e pergjithshme dhe ne qeverisjen e vendit". Nje pike qe mund te shfrytezohet nga Nano per te marre mbeshtetjen e forumit te larte socialist, nese do te behet i nevojshem edhe angazhimi i partise se vogel te Pollos per te plotesuar kabinetin qeveritar. Gjithashtu, per sa i perket zgjedhjeve vendore, miratimi i aleancave me partite e spektrit te majte dhe te qendres se djathte i eshte lene kryesise.

I ndodhur perballe emergjences se mbeshtetjes parlamentare per qeverine e tij, Nano duket se ka tentuar te hape driten jeshile edhe per nje bashkepunim me kundershtaret politike. Nje bashkepunim, qe nese do te realizohet pas miratimit te ndryshimeve statutore ne Kongres, nuk do te jete ne kundershtim me Kushtetuten e socialisteve.