Qeveria e re votohet ne parlament, opozita braktis votimin

[Albo]

PERPLASJA PER VOTIMIN E MINISTRAVE

Nano-Meta kërcënim me zgjedhje
PBDNJ gati të negocjojë me Kryeministrin

Altin Kreka

Grupi parlamentar i PS-së pritet që të përfshihet nga një debat i ashpër. Grupimet e njohura me nanoistë dhe metistë janë përgatitur tashmë për një beteje e cila mund ta çojë vendin edhe në zgjedhje të parakohshme. Metistët thonë se kanë 16 vota socialiste kundër dy ministrave të rinj, ndërsa nanoistët shprehen se mosvotimi i ministrave është një vetëvrajse politike e njerëzve të Metës.

LAJMI

Cilët jeni ju?", kështu ka pyetur dje Fatos Nano, kur u përhap lajmi se një grup deputetësh të PS-së firmosën kundër qeverisë së tij. Reagimi i parë i kryeministrit për promemorjen e metistëve është treguesi më i qartë se "thikat janë mprehur" mirë në PS. Përplasja e parë e fortë do ndodhë në mbledhjen e grupit parlamentar të PS. Që "zjarri" të jetë sa më i fortë edhe presidenti Moisiu po jep ndihmën e tij. Burime pranë kreut të shtetit thonë se dy ministrat nuk dekretohen para së enjtes, duke u lënë socialistëve kohën e nevojshme për të ndarë hesapet mes tyre. Dje kryesia e PBDNJ vendosi që të realizojë negociata me kryeministrin Nano para se të vendosë për fatin e 3 votave që ata kanë në Kuvend.
Përgatitja e një promemorjeje me firmat e 16 deputetëve të PS-së nga ana e mbështetësve të Metës u prit me nervozizëm nga ana e mbështetësve të Nanos. Palët do përplasen fort në mbledhjen e grupit parlamentar të PS-së. Nuk është tërësisht e sigurt nëse kjo mbledhje do të mbahet sot. Ka shumë gjasa që kryetari i grupit parlamentar të PS-së, Gramoz Ruçi, ta shtyjë mbledhjen. Gjithçka varet nga koha kur do të dorëzohet promemorja e metistëve. Njerëz të afërt me Metën thonë se promemorja do t'i dorëzohet Ruçit dhe Nanos sot paradite në orën 11, bashkë me listën e firmëtarëve. Lista nuk u bë e ditur dje, mbase nga frika se Nano mund të "përpunonte" ndonjë prej tyre për t'i kthyer mendjen. Në vigjilje të kësaj mbledhjeje të grupit parlamentar mes palëve është zhvilluar një luftë e ashpër mediatike e cila nisi që në momentin kur kryesia e PS-së votoi emrat e ministrave të rinj të kabinetit Nano. Palët janë të motivuara maksimalisht dhe pothuajse kanë të njëjtat akuza ndaj njëra-tjetrës. Në bisedat e lira nanoistët shpreheshin dje se vendi mund të shkojë në zgjedhje, nëse nuk votohen ministrat, "ne s'do të votonim kurrë një qeveri tjetër". Të njëjtin mendim kanë edhe metistët, të cilët janë të vendosur që të rrëzojnë në çdo kusht Nanon nga pushteti. Meta, me sa duket, nuk do që ta shikojë Nanon kryeministër në prag të Kongresit. "Ethet kongresuale", që Nano përmendte shpesh, tashmë nisën. Kjo luftë e re në PS, fituesit dhe humbësit i nxjerr vetëm në Kongresin e 12 dhjetorit. Fushata për këtë Kongres tashmë mund të quhet e hapur dhe do ta minimizojë në maksimum debatin për zgjedhjet e pushtetit vendor që sapo kaluan. Mbase ky do jetë i vetmi efekt pozitiv për PS-në nga ky debat. Dje përmendeshin zgjedhjet e reja dhe, nëse shikohet reagimi i palëve, mund të besohet se kjo do të ndodhë, duke i dhënë opozitës një shanc të kërkuar prej kohësh. Megjithatë, nuk përjashtohet mundësia që socialistët të habisin sërish me unitetin e tyre tradicional.


Metistët nënshkruajnë promemorien

Dje 16 deputetë socialistë përkrahës të ish-zv.kryeministrit Meta kanë nënshkruar një promemorie drejtuar grupit parlamentar socialist, i cili do të mblidhet sot. Në këtë promemorie ata kërkojnë me forcë rikompozimin e qeverisë në bazë të dokumenteve të nxjerra nga Kryesia e Partisë Socialiste. Promemoria kërkon që nëpërmjet këtij veprimi të arrihet forcimi i unitetit brenda gjirit të vet partisë dhe një vlerësim i vlerave të saj. Dhe pse janë të përcaktuar përkrahësit klasikë të ish-zv.kryeministrit Meta, nuk bëhen të njohur emrat e nënshkruesve të kësaj prememorie, të cilët duket se nuk i kanë pozitat shumë të forta në këtë përkatësi brenda vet PS-së, pasiguri që vjen dhe nga rezultatet jo shumë entuziaste në disa zona në zgjedhjet vendore. Mësohet se deputetët nënshkrues të kësaj prememorie kanë vendosur t'ia paraqesin kryetarit të grupit parlamentar socialist, Ruçi, një orë para mbledhjes së grupit socialist, që është lënë si zakonisht në mesditë. Kjo, sipas disa nënshkruesve, nuk do t'i japë aspak kohë Nanos të konsultohet me deputetët që ndajnë të njëjtat mendime me Metën. Mosparaqitja më parë e prememories është asi që ata mbajnë në këtë përballje të re me kryeministrin e vendit. Pritet që në mbledhjen e grupit të ketë debate të ashpra, jo rreth kandidaturave siç i cilësojnë të gjithë socialistët, për të cilët nuk kanë asnjë vërejtje, por rreth mënyrës së emërimit të tyre nga ana e kryeministrit Nano dhe mosrespektimit të rezolutës së Kryesisë. Por ka dhe shumë gjasa që, nëse prememoria i dorëzohet Ruçit fare pak para mbledhjes, mbledhja e grupit të mos zhvillohet sot dhe të shtyhet për nesër, për të pasur kohë konsultimi me deputetët që kanë mendime ndryshe me shumicën socialiste. Kjo prememorie bëhet pak ditë pas përfundimit të zgjedhjeve vendore dhe para fillimit të analizave për rezultatet e tyre, ku në disa zona bastione të PS-së bashkitë "iu lanë" kampit opozitar të Berishës.

[ALBA]

200 MIJE DOLLARE NJE VOTE

Alarmi ka kaptuar Nanon dhe te gjithe njerezit perreth tij pas mbledhjes se grupit parlamentar te PS dje ne mesdite nga ku 12 deputete deklaruan voten kunder dhe dy te tjere abstenim, cka do te thote se Nanos i mungojne 14 vota pro tij. Pa harruar se dhe nje vote e deputetit te PS-se Ilir Gjoni eshte minus, pasi ai eshte ne SHBA prej kohesh ne specializim dhe do te jete absurde ose me shume se servile qe ai te vrapoje per te mberritur ne Tirane per ti dhene voten zotit Nano. Pra nga 74 deputete qe ka PS 14 deputete nuk jane ne anen e kryeministrit. Mbeten 59 deputete qe do te votojne pro tij nga te PS-se, ndersa atij i duhen minimumi dhe 11 vota qe te kaloje dekretet ne parlament, pasi 139 do te jene te pranishem ne salle dhe sipas rregullores i duhen 50+1 perqind e votave qe te quhet i fituar. Pervec 59 deputeteve te PS te cilet jane shprehur pro miratimit te dy dekreteve zotit Nano i shtohen dhe 3 vota te PAA te Xhuvelit, 1 vote e Neritan Cekes se PAD dhe 1 vote e PDS se Milos qe do te thote gjithsejt 64 vota pro. Kryeministrit i duhen qe te mos i rrezohen dy dekretet edhe 6 vota nga rradhet e opozites ose nga rradhet e kundershtareve te tij brenda PS-se. Ndaj ka leshuar te gjithe tatimoret dhe doganieret perreth tij qe blejne nje vote nga rradhet e PD-se deri ne 200 mije dollare nese voton pro tij si dhe nese nuk paraqitet ne sallen e parlamentit diten e votimit ne menyre qe te mos rritet kuorumi oferta shkon ne 100 mije dollare per nje deputet te opozites. Gjithashtu ofertat nuk po mungojne dhe per deputetet e PS-se ,te cilet jane deklaruar dje kunder tij. Nga burime brenda stafit te Nanos po negociohet me deputetin e PDR zotin Qazim Tepshi dhe deputetin e PLL Ethem Fejzullari qe ose te votojne dekretin, ose se paku te mos marrin pjese ne seancen e votimit, gjoja ( si te semure(. Kurse ndaj kryetarit te PBDNJ zotit Vangjel Dule kryeministri ka leshuar urdine e zyrtareve te larte te PBDNJ, te cilet jane te punesuar si zv/ministra apo drejtore te rendesishem qe ti bejne atij presion dhe te votojne tre deputetet e PBDNJ pro dekreteve te Nanos. Por Dule deri mbreme dukej i vendosur per te abstenuar ne parlament, megjithese edhe ndaj tij ofertat jane disa qindra mije dollareshe. Nga partite e majta me i vendosur qe te mos i votoj dekretet ishte kryetari i PSD, Gjinushi. Gjithsesi nga te gjitha llogarite e deklaruara te konvertuara ne vota del se Nanos i rrezohen dekretetet, cka perkthehet detyrim i tij per te kompozuar qeverine me elemente te rinje nga rradhet e se majtes shqiptare. Ne ndodhte qe i blen votat ,atehere ai fiton dhe behet me i ashper ne jeten politike dhe shoqerore te vendit, duke shtuar me teper dozen e afrimit te tij me lobet e mafias ekonomike. Pas kesaj ai do ti masakroje kndershtaret e tij ne parti, ne media dhe ne jeten publike. Por gjasat jane qe Nano humb ne votimin e dy dekreteve.

Re.po.
kOHA JONE

[ALBA]

NANO SYNON TE BLEJE ME MOSARDHJEN NE PARLAMENT DEPUTETE TE OPOZITES.

Cmimi mbreme per 1 vote pro nga radhet e opozites ishte 200 mije dollare. Ndersa per mosparaqitjen ne Parlament diten e votimit te dekreteve te nje deputeti te opozites ne menyre qe te mos rritet numri i votave kunder, oferta e stafit te Nanos arrin ne 100 mije dollare. E gjithe loja e kryeministrit eshte perqendruar per te blere nje deputet te PDR, dy te PLL, tre te kundershtareve te tij ne PS, te cileve u ka kerkuar qe te mos marrin pjese ne seancen e votimit ne kembim te shumave te mesiperme. Kurse per te blere votat e kundershtareve ne PS ka ofruar 70 mije dollare nje vote.

[ALBA]

PS, "vërsulet" Meta, thellohet kriza

Kryeministri Nano, - edhe pasi është njohur me nënshkruesit e promemories dhe me 14 votat e tyre kundër ministrave, - ka këmbëngulur për të mos ndryshuar qeverinë. Metistët kanë deklaruar se i kanë lënë kohën e nevojshme Kryeministrit për të reflektuar dhe se ata nuk tërhiqen nga pozicionet e tyre

Grupi parlamentar i Partisë Socialiste votoi në mënyrë të përçarë për kandidaturat e kryeministrit Nano për postet e ministrit të Jashtëm dhe atij të Rendit. Kështu kalimi i emrave të rinj të ministrave është bërë i pamundur. Disa deputetë, nënshkrues të promemories për rikompozim të qeverisë, u shprehën hapur kundër të dy emrave. Numri i tyre arrin që të bllokojë kalimin e ministrave. Gjithsej 12 deputetë kanë shprehur votën e tyre kundër, ndërkohë që 2 të tjerë kanë abstenuar. Pro emrave të rinj kanë votuar 58 deputetë socialistë duke bërë që emrat të kalojnë për në seancën plenare. Por kryeministri Fatos Nano është treguar i ashpër me këtë grup nënshkruesish duke thënë se: "Nëse nuk votohen dy ministrat atëherë, as ne nuk do të votojmë rikompozimin e qeverisë që kërkoni ju." Por nga ana tjetër, stoik në qëndrimin e tij ka qenë dhe ish-kryeministri Ilir Meta, i cili ka shprehur konsideratat e tij kundër kësaj qeverisjeje dhe kundër akumulimit të pushtetit që po bën Nano në prag të këtij kongresi. Meta dhe përkrahësit e tij thanë se kërkohet më shumë punë nga qeverisja dhe se elementët që po kandidohen nuk garantojnë një gjë të tillë.


--------------------------------------------------------------------------------

Kriza

Nano u shfaq në mbledhjen e grupit mjaft i acaruar. Gjatë gjithë kohës ai nuk ka diskutuar, por vetëm ka shprehur në një moment idenë e tij se këto probleme nuk duhet të evidentohen në kongres dhe të diskutohen atje, për të mos rrezikuar një krizë që mund të çojë vendin në zgjedhje të parakohshme. Ai dhe përkrahësit e tij e kanë përmendur vazhdimisht faktin se mund të ketë zhvillime që rrezikojnë pushtetin e mazhorancës, duke i kujtuar grupit metist se për këto mund të jenë fajtorë ata. Gjatë mbledhjes kryeparlamentari Servet Pëllumbi i ka ftuar deputetët "kundërshtarë" që të votojnë emrat e dy ministrave të rinj, pasi sipas tij nuk është momenti i ndryshimit të qeverisë. "Ne kemi fituar zgjedhjet lokale dhe kështu nuk kemi pse të ndërrojmë qeverinë," tha ai. Por as kërcënimet e vazhdueshme të Ruçit, as deklaratat e Nanos dhe as ftesat e Pëllumbit nuk kanë patur ndikim në grupin e metistëve, të cilët kanë lexuar promemorien e tyre. Ditën e djeshme u bë publik dhe qëndrimi i PBDNJ, partisë që nuk kishte shfaqur hapur qëndrimin e saj, të cilin e bëri të njohur pas mbledhjes së kryesisë. Kryetari i kësaj partie, Vangjel Dule, është shprehur se nuk do të votojnë për emrat e këtyre ministrave. Deputeti Limoz Dizdari, një nga deputetët që kërkon rikompozim të qeverisë i ka propozuar grupi socialist që të arrijnë në një konsensus dhe të mos nxitohen me votim në Kuvend.


--------------------------------------------------------------------------------

Diskutimet

Ndërsa deputeti Elmaz Sherifi është shprehur se zgjidhja më e mirë është votimi i emrit të Namik Dokles dhe Fatmir Xhafës nga shumica në parlament. Përfaqësuesi i grupi "Lëvizja për katarsis" në Partinë Socialiste, deputeti Petro Koçi është shprehur se do të votojë pro dy ministrave. "Të votojmë dy emrat e propozuar dhe më pas të merremi me analiza" është shprehur Petro Koçi. Deklarata është kundërshtuar nga deputeti Ilir Zela, i cili jo vetëm është deklaruar kundra votimit të dy ministrave, por ka kërkuar që të shtyhet dhe votimi i tyre në Kuvend deri sa të përfundojnë diskutimet mbi zhvillimet në PS. Në bazë të vendimit që ka marrë dje Grupi Parlamentar Socialist, pritet që dy emrat të shkojnë në Kuvend. Votimi ishte parashikuar dje por mosdekretimi i dy emrave nga presidenti Alfred Moisiu e ka shtyrë këtë procedurë. Në bazë të Kushtetutës kryetari i shtetit ka të drejtë të bëjë dekretimin brenda 7 ditësh.


--------------------------------------------------------------------------------

Ruçi i jep zemër Nanos, tremb Metën

Kryetari grupit parlamentar socialist, Gramoz Ruçi doli në një deklaratë për median. Në krah të tij ndodhej kryetari socialist. Ruçi u shpreh se duhet respektuar vendimi i Kryeministrit dhe se për këtë gjë është shprehur pro edhe baza socialiste. "Grupi parlamentar i Partisë Socialiste mbështet punën dhe programin e qeverisë si dhe vendimet politike të forumeve drejtuese të qeverisë. Grupi socialist mbështet dhe do të votojë dekretet e Presidentit të republikës për ndryshimet e kabinetit qeveritar duke respektuar të drejtën dhe përgjegjësinë kushtetuese të Kryeministrit, vendimin e kryesisë së Partisë Socialiste, librin e rregullave të saj si dhe vetë vullnetin e anëtarësisë, të shprehur përmes përfaqësuesve të saj legjitimë dhe institucionalë," u shpreh Ruçi.


--------------------------------------------------------------------------------

Meta: Gjithë energjitë kundër pushtetit të Nanos

Ish-kryeministri Ilir Meta tha pas votimit në grupin parlamentar se asgjë nuk kishte ndryshuar nga qëndrimi i tyre i bërë publik përmes një promemorieje. Ai tha se nuk do të lejojë që të forcohet pushteti i Nanos. Meta deklaroi se gjatë gjithë kësaj kohe Kryeministri është përpjekur që të fitojë pushtet në funksion të forcimit për kongresin e dhjetorit. "Qeveria socialiste nuk ka nevojë për arnime, të cilët shtojnë më tej dhe rrezikojnë personalizimin e mëtejshëm e të plotë të qeverisjes siç ka ndodhur gjatë gjithë vitit të fundit në funksion të akaparimit të Kongresit të ardhshëm të Partisë Socialiste. Duhet një qeveri gjithëpërfaqësuese jo vetëm brenda Partisë Socialiste dhe jo përjashtuese," deklaroi Meta.


--------------------------------------------------------------------------------

Brokaj i tregon aritmetikën e humbjes Kryeministrit

Deputeti Sabit Brokaj tha se i është lënë koha e nevojshme Kryeministrit për të reflektuar në lidhje me qëndrimet e shprehura përmes një promemorieje. Brokaj lexoi këtë promemorie në fillimin e mbledhjes së Grupit parlamentar. Ai është një nga nënshkruesit e saj dhe njihet si një nga përkrahësit e ish-kryeministrit Meta. Brokaj tha gjithashtu se kanë numrin e nevojshëm për të bllokuar vendimet e Nanos. "Me votimin që është bërë i është lënë kohë e mjaftueshme që deri në seancën plenare të reformojë qëndrimin politik. Qëndrimi është përcaktuar në votë. Janë pesëmbëdhjetë kundër dhe abstenim," tha për mediat Sabit Brokaj.


--------------------------------------------------------------------------------

Braho: Jemi shumë, aq sa për të bllokuar Nanon

Kryetari i komisionit të ligjeve Spartak Braho u shpreh se një gabim i madh i Nanos ishte se ai nuk solli për të shqyrtuar emrat e rinj në grupin parlamentar, por i dërgoi ato direkt për te Presidenti. Gjithashtu ai përsëriti se koha po kalon dhe kryetari socialist Nano duhet të ndërrojë qëndrim përsa i përket kompozimit të qeverisë. "Nano gaboi se në vend që t'i sillte në grup parlamentar propozimet ia çoi Presidentit. Ne jemi të vendosur në qëndrimin tonë të shprehur në promemorie. Ka vetëm një alternativë, rikompozim të qeverisë dhe këtë e shprehur qartë votimi kundër i 15 deputetëve, të mjaftueshëm për të hedhur poshtë emrat e ministrave," u shpreh Braho, i cili dhe më parë ka përcjellë mesazhe përsa u përket përgjegjësive zgjedhore në emër të Nanos, si figura kryesore që ka ndikuar në humbjen e kësaj partie në disa zona të cilësuara si bastione

[Hek]

Nje gje s'e marr vesh per ju qe merreni me Namik Doklen: Nje burre i mencem fort sic ka qene Branko Merxhani nji here e nje kohe, ka pas thane se: te jesh komunist ka vetem dy rruge: ose je i poshter ose je budalla. Historia provoi se Merxhani kish te drejte. Ku hyn ne keto Namik Dokle?
E para se gjithash, a e di Fato nano se me qene minister i jashtem duhen ca cilesi, qe jo cdo njeri mund ti kete? Me se paku duhet nje kualifikim formal ( i thone shkolle) ne diplomaci.
Po duhet qe te te pranojne te huajt.
Po duhet qe edhe fyteren se paku te mos e kesh fshatareske, dhe te mos jesh i shquar per burre i mire mes ujqerish, se mes ujqerish nuk mud te kete burre te mire.
Ne se Dokle ka ruajtur nje fareyndyre, kete e ka bere nga halli se nuk hahej dot me "peshat e renda" qe ishin ne Tirane, e jo se ishte i ndershem. Nuk ka e nuk mund te kete socialist e komunist te ndershem


k(kaq)

[Komisari]

Djema nje pyetje ketu:
car jane keta goranet? nga vijne, ku shkojne mor jahu

[nordiku]

" e jesh komunist ka vetem dy rrugeose je i poshter ose je budalla. ... Ku hyn ne keto Namik Dokle?"
Marre nga Hek.

Mqs Namik Dokle eshte nga Shishtaveci i Kukesit dhe prane Tropojes po i fusim ne nje vend me Sali Berishen se kane qene dhe komunista te vjeter.

[Albo]

Gazeta "TemA" zbardh të plota debatet për qeverinë në grupin parlamentar të PS-së

Anti-Nanot: Rikompozim dhe shtyrje Kongresi

Bizhga: Dje kur kam asistuar në KQZ, ambasadori Barry ishte më optimist sesa ishin anëtarët e KQZ-së përballë atij procesi kaq të rregullt, legjitim e demokratik që kishin kryer socialistët jo vetëm për Durrësin, por edhe për të tjerat. Ne ditëm të fitojmë edhe pa mbështetjen e strukturave të rendit, po kështu edhe pa mbështetjen e strukturave të SHIK-ut

Më poshtë po japim të plotë diskutimet e deputetëve kryesorë në mbledhjen e grupit parlamentar të PS-së, të zbardhura nga gazeta "TemA"

Ndriçim Hysa: Kam dy pyetje për shokun Sabit. Iu kujtoj shokëve se kam patur dikur edhe një përplasje të tillë sikur kur kam qenë në një komision kam falsifikuar pro shokut Ilir. Pra, jam i qetë, i thjeshtë dhe dua të bëj dy pyetje. Nëse vendimi politik i grupit është i kundërt me platformën e paraqitur nga ju, cili do të jetë qëndrimi? Së dyti, a e shihni në dobi të PS-së një rrëzim të dy kandidaturave, të kredibilitetit të saj ndërkombëtar e aq më pak forcimit të unitetit në prag të kongresit? Thashë se bëj pjesë tek ai rreshtim deputetësh që asnjëherë nuk kam braktisur apo kam votuar kundër qeverisë që nga 1997.

Sabit Brokaj: Për mendimin tim dhe të shumë shokëve problemi themelor i përmirësimit të qeverisjes ka qenë rikompozimi. I shtruar jo në moment stresi, krize apo situate, por i shtruar muaj më parë dhe i zhvendosur kohë më kohë nga arsyetime apo pretekse të ndryshme për të ardhur në këtë moment. Unë e gjykoj - sikurse ishte shkruar në atë dokument dhe siç e kam argumentuar herë tjetër, - se zgjidhjet e plota, kohezive janë përherë më të mira sesa zgjidhjet e pjesshme.


--------------------------------------------------------------------------------

Gazmir Bizhga: Ambasadori Barry më optimist sesa KQZ-ja jonë

Bizhga: Përsa u përket dy propozimeve të ardhura nga kryesia e PSSH-së, ne nuk kemi se çfarë t'i bëjmë një koment të veçantë se janë dy nga shokët më të spikatur të PS-së përgjatë këtyre viteve, sidomos shoku Namik që nga themelimi i partisë e këtej. Po kështu dhe shoku Fatmir. Por ajo që doja të ndalesha unë ishte tjetër. Ne socialistët i kemi fituar këto zgjedhje. E them këtë për faktin sepse ka edhe pseudosocialistë, të cilët bëjnë pazar dhe llogari sa mund të merrte PS në këto zgjedhje, sa dhe si mund të fitonte Berisha në këto zgjedhje, sa dhe si ne socialistët duhet të menaxhonim humbjen në këto zgjedhje e të tilla broçkulla të kësaj natyre. Është e vërtetë se PS pas 6 vjet të ushtrimit të pushtetit në qeverisjen qendrore dhe 3 vjet të ushtrimit të pushtetit në qeverisjen vendore, është e konfirmuar si forcë e parë politike në vend. Kjo do të thotë se Berisha, megjithëse ka 6 vjet që humb, thotë se ka 6 vjet që fitoj. Ndërsa ne që kemi 6 vjet që fitojmë, sërish vazhdojmë e themi me njëri tjetrin pse humbi këtu e pse humbi atje, pa bërë shumën e përgjithshme të fitores së socialistëve. Çka është e rëndësishmja socialistët kanë fituar edhe në ato vende kur historitë e tyre 12 vjeçare politike s'e kishin menduar se do të fitonim. Kush nga ju e ka menduar se do të fitonim bashkinë e Shijakut apo Mamurrasit. Kush e ka menduar ndonjëherë se mund të fitohej bashkia e Kukësit. Pra, nëse do t'i hymë një analize të fitores mund të them se fitorja e PS është më e dukshme, më e vlerësuar dhe më e treguar përballë opinionit të brendshëm e të jashtëm. Çka është më e rëndësishmja në këto fitore ne socialistët kemi edhe çertifikatën e komunitetit ndërkombëtar. Asnjëherë raporti i OSBE/ODIHR apo i monitoruesve të komunitetit europian nuk ka qenë në nivelet siç ishte tani. Mund t'ju them vetëm kaq se dje kur kam asistuar në KQZ ambasadori Barry ishte më optimist sesa ishin anëtarët e KQZ përballë atij procesi kaq të rregullt, legjitim e demokratik që kishin kryer socialistët, jo vetëm për Durrësin, por edhe për të tjerat. Ne ditëm të fitojmë edhe pa mbështetjen e strukturave të rendit, po kështu edhe pa mbështetjen e strukturave të SHIK-ut, të cilat deri më dje Berisha na kishte akuzuar lart e poshtë nëpër Shqipëri. Por ajo që kemi nxjerrë midis nesh socialistëve lart dhe poshtë, mes atyre që na shoqëronin që nuk janë pak por me dhjetëra, shtrohej pyetja ore ç'do të ndodhë në grupin parlamentar të PS? Asgjë nuk po ndodh në grupin parlamentar të PS. Partia Socialiste është kaq kompakte, ka kaq solidaritet vlerash sa të jeni të sigurt se asgjë nuk do të ndodhë, sikundër nuk do të ndodhë asgjë as në Partinë Socialiste në bazë, ashtu sikurse nuk do të ndodhë poshtë asgjë dhe në qeverisjen e pushtetit vendor. Unë mendoj se nuk është momenti politik. Natyrisht do një rikompozim, aq më tepër ne socialistët ia kemi marrë dorën kompozimeve e rikompozimeve dhe për më tepër që në këtë grup parlamentar, të paktën në maxhorancë, të gjithë shokët kanë qenë pjesëmarrës në qeverisjen e PS. Por mendoj se nuk është momenti i duhur për rikompozim. Ashtu sikurse nuk është momenti i duhur politik për t'i bërë qejfin Berishës, sepse jam i sigurt që ashtu siç presin socialistët atje poshtë se çfarë do të ndodhë në grupin e PS, ashtu po i mban ngrehur veshët edhe Berisha se çfarë po ndodh me socialistët. Unë jam i bindur se duhet t'i votojmë të dyja kandidaturat. Të mbarojmë një proces demokratik Kongresi ashtu siç dimë ta bëjmë ne që nga baza në qendër dhe më pas Kongresit edhe mbi bazën e vlerësimeve që do të na japë Kongresi për gjithë secilin, qofshin anëtarë të grupit parlamentar apo jo, është hapësira e nevojshme për të bërë jo vetëm vlerësimet e duhura, për të bërë edhe rikompozimet e duhura dhe për të bërë analizat e duhura që do të na çojnë deri në Kongres.


--------------------------------------------------------------------------------

Ilir Zela: Riformim i qeverisë dhe shtyrje Kongresi

Zela: Dua të falenderoj shokun Fatos për arsyetimet e bëra pasi mendoj se ishte shumë e nevojshme për mbarëvajtjen e kësaj mbledhjeje dhe këtij diskutimi, i cili nuk është hera e parë që zhvillohet dhe unë do të përpiqem të mos bie në përsëritje. Po jap vetëm thelbin e këndvështrimit tim për këtë çështje me gjithë dashamirësinë time që kam bërë në të tilla raste. Qëkur është krijuar kjo qeveri unë kam zhvilluar pikëpamjen se mund të kishte një përbërje akoma më të mirë, akoma më përfaqësuese. Megjithatë në atë kohë nuk u arrit të bëhej dhe u pranua edhe nga shoku Fatos atëherë kandidati ynë për Kryeministër. E mendoja këtë pasi realisht mbi bazën e marrëveshjes që u arrit për zgjedhjen e Presidentit, të krijimit të një fryme të re në partinë tonë, ne do të arrinim të krijonim një unitet të natyrshëm në partinë tonë për të mundur të bënim të gjitha reformat dhe për të qenë sa më të suksesshëm edhe në ballafaqimet elektorale. Të njëjtën gjë kam bërë më pas jo vetëm këtu në grup, por edhe në forumet e tjera të partisë. Që në janar kam kërkuar të bëheshin përmirësime në kabinetin qeveritar për të qenë i detyruar që në muajin qershor të shkohej në konceptin e riformatimit politik të PS, që në kuptimin tim ishte një mundësi për të harmonizuar si suksesin tonë në zgjedhje si dhe garantimin e mbajtjes së një Kongresi që i duhet PS dhe nuk e trazon atë më tej. Më vjen keq që sot jam i detyruar të them konkluzionin se tërë këtë kohë nuk jemi orientuar nga nevoja për t'i harmonizuar të dyja, një zgjidhje përmes riformatimit pa i përplasur, por për t'i lënë të vazhdojnë paralel të dy proceset. Por ka patur një prirje për t'i orientuar të gjitha në funksion të Kongresit. Më vjen keq që edhe sot këtu të shtrohet çështja që të bëjmë Kongresin pastaj kemi kohë të shohin gjërat e tjera. Pikërisht duke mos reflektuar në këtë kohë ne rrezikojmë të mos shkojmë në mënyrë të natyrshme në Kongresin e partisë. Në fakt, ka një merak, jo pak i përhapur, që Kongresi po akaparohet. Në kuptimin që nuk reflektohet për një gjë apo një tjetër dhe krijohet premisa që në Kongres të vemi thjesht formalisht. Lidhur me çështjen tjetër nëse i fituam apo humbëm zgjedhjet nuk besoj të ketë paqartësi në këtë pikë nga ndokush. Ne kemi fituar zgjedhjet dhe duhet të jemi shumë krenarë për këtë punë, sepse kemi fituar jo vetëm përballë opozitës, por edhe përballë faktit që kemi qenë të detyruar të orientohemi drejt fitores duke patur si pengesë një ngatërrim të saj me Kongresin e mëpasshëm. Por është fakt se fitorja jonë është tkurrur, siç është fakt që PD ka humbur por humbja e saj është në zvoglim. Ky është momenti që duhet të na bëjë të gjithëve të reflektojmë sesi duhet të arrijmë të rrisim fitoren tonë dhe të zvogëlojmë më tej humbjen e Berishës. Lidhur me kandidaturat që ka propozuar shoku Fatos për ministra. Nuk mendoj se ka këtu ndonjë që të mendojë se janë kandidatura të papërshtashme për të qenë në çdo kabinet tonin qeveritar. Problemi është se këta shokë meritojnë të venë në qeveri me një klas tjetër, nuk meritojnë të venë thjesht në qeveri por meritojnë të venë në një qeveri me klas, nën një koncept riformatimi zgjidhës për PS në këtë situatë. Mendoj se ne e kemi të mundur të arrijmë në një unitet për këtë çështje, por uniteti në partinë tonë duhet të jetë një unitet sintetik, harmonik, një lloj rezultanteje e të gjitha forcave, ku të gjitha prirjet ndërhyjnë për të fiksuar dhe qartësuar boshtin e përbashkët të veprimit. Me një sërë veprimesh të ndërmarrë nuk po kërkohet uniteti më në këtë kuptim, por po kërkohet uniformiteti, homogjeniteti absolut. Tani kërkohet vetëm gatishmëri jo vetëm për të vepruar njësoj, por edhe që të japim fjalën se do të mendojmë njësoj. Duket se edhe sot po vihemi përpara një ultimatumi: kush nuk e pranon këtë nuk mund të hyjë në këtë parti, kush nuk e pranon dot më, duhet të dalë. Nuk mendoj se kjo është zgjidhja në situatën në të cilën ne jemi.

Unë do të propozoja me shumë dashamirësi dy hapa zgjidhës për partinë tonë në këtë situatë. I pari, riformatimi pa paragjykime i kabinetit qeveritar; i dyti, thirrja e KPD për të shtyrë në një datë të arsyeshme Kongresin e Partisë dhe për të miratuar rregullat që garantojnë këtë konkurrencë luajale të të gjithë kandidatëve të mundshëm për këtë Kongres.


--------------------------------------------------------------------------------

Petro Koçi: Sistemi i vlerave është shkatërruar

Koçi: Megjithëse në rendin e ditës është çështja e propozimit të kryeministrit të konsultuar me kryesinë për plotësimin e vendeve vakant në qeveri, është normale që tematika kalon edhe në probleme të tjera, që përfshin një cikël zhvillimesh të rëndësishme në partinë prej shumë kohësh. Mendoj se përsa i përket çështjes së zgjedhjeve, fitorja e PS është e qartë. Në këtë pikëpamje unë do t'u bëja apel të gjithëve, duke filluar nga Kryetari i partisë deri tek anëtari i fundit i saj, që ne të nisemi nga pozita objektive në analizën e këtij procesi. Nga mënyra e administrimit të këtij ballafaqimi që ka nisur me kohë dhe do të vazhdojë në Kongres e pas Kongresit, ne do të dëshmojmë nëse kemi një kurriz të fortë për ta mbajtur ashtu siç duhet pushtetin. Përsa u përket ndryshimeve në qeveri, natyrisht shokët e propozuar e plotësojnë kriterin e përfaqësimit të vlerave. Unë kam menduar se një nga pikat ku duhet të mbështeteshim për të garantuar një rezultat sa më të mirë zgjedhor duhet të ishin edhe ndryshimet në qeveri, pasi ato duhet të ishin bërë para zgjedhjeve, e kuptoj se edhe rezultati në Kongres mund të çojë në një platformë apo projekt ndryshimesh në qeveri, megjithëse nuk pres ndonjë çudi të madhe nga Kongresi, por gjithsesi edhe ky akt duhej shfrytëzuar për të bërë disa ndryshime të tjera në qeveri për t'i administruar më mirë sensibilitetet dhe problemet, të cilat ekzistojnë në marrëdhëniet e brendshme sidomos të grupit parlamentar, si dhe për të përmirësuar performancën qeverisëse në disa sektorë të tjerë. Ajo që është më problem tani është fakti se ka një lloj polarizimi të situatës dhe mënyrës sesi do të interpretohemi ne individualisht. Çuditërisht tek opinionistë të pavarur, por edhe brenda nesh, rreshtimi për të votuar Doklen apo Xhafën do të interpretohej sikur po voton Nanon etj.. Është mëkat që njerëzit po kthehen në numra. Ne duhet të tentojmë në zgjidhje dhe qëndrime parimore sesa në qëndrime ushtarësh. Unë pavarësisht nga kërkesat e vazhdueshme që kam bërë për ndryshimet në qeveri ndaj këtij procesi do të jem luajal me rregulloren e partisë dhe do të kërkoja që të gjithë ata që kanë bërë mëkate me respektimin e rregullave të partisë t'i kërkojnë të falur asaj, sepse mendoj se edhe administrimi i mëtejshëm i procesit politik dhe organizativ në parti do të përmirësohej në thelb. Disa burra do të kishin kurajon për ta bërë këtë gjë. Së fundi, flitet shpesh se në PS, sidomos në grupin parlamentar, ka vetëm ministra. Dhe këtu ka një përgjegjësi sepse sistemi i vlerave është shkatërruar. Për këtë ka përgjegjësi partia, sidomos forumet qendrore.


--------------------------------------------------------------------------------

Servet Pëllumbi: Qeveria e katërt shenjë krize e PS

Servet Pëllumbi: Më 12 tetor u mbushën dhe 4 vjet nga dita e Kongresit zgjedhor të partisë dhe pritet që pas disa muajsh të bëhet Kongresi tjetër zgjedhor. Është e natyrshme që në një parti e madhe si e jona që ka edhe 6 vjet në qeverisje, të jenë akumuluar probleme të karakterit programor, statutor, të qeverisjes, ashtu si shumë e shumë çështje praktike përfshirë edhe mërirat me njëri tjetrin. Prandaj është gjetur, jo vetëm nga ne, që një herë në 4 vjet të bëhet një analizë rrënjësore të problemeve të akumuluara, shkarkohen mëritë dhe merret një start i ri. Unë mendoj se këtë moment duhet ta vlerësojmë më mirë, jo thjesht për t'i mbuluar problemet dhe as për ta reduktuar këtë Kongres me një zgjedhje të Kryetarit dhe Komitetit Drejtues, por për ta shëndoshur partinë, për të vënë gishtin mbi ato probleme që janë diskutuat, janë bërë herë pas herë debatet në parti, janë mbuluar janë zbuluar prapë dhe përsëri mbuluar. Unë mendoj se ky moment ku gjendemi aktualisht meriton një vëmenje jashtëzakonisht të madhe. Në këtë kuadër do të kaloj tek problem i dytë. Unë do të mirëprisja çdo lloj platforme që vë në qendër pikërisht shetësime të kësaj natyre. Në këtë kuadër, po e quaj platformë të pjesshme atë që paraqiti shoku Sabit, edhe ajo mund të ketë vlerat e kuptimin e vet, por aty ka çështje që meritojnë të analizohen, të reflektohet mbi to. Sikundër do të mirëprisja platforma të tjera që është e natyrshme për një parti si e jona me një demokraci që e ka zhvilluar dhe po e zhvillon, që situatat ose periudhat parakongresuale t'i shndërrojë në periudha debatesh, konkurrim vlerash, platformash, idesh. Pra, në këtë kuadër do të mirëprisja çdo lloj platforme, pavarësisht nga qëndrimet konkrete që mund të mbajë secili ndaj tyre. Problemi i tretë, është ai që e tërë kjo problematikë nuk mund të fokusohet tek qeveria. Nëse e shohim në këtë plan ne duhet të ndërgjegjësohemi për një qëndrim jo aq të përgjegjshëm që kemi mbajtur ndaj qeverive dhe ndaj qeverisjes. Ne brenda dy vjet e pak kemi kaluar tre qeveri. Nëse do të marrim për bazë kërkesën për një rikompozim apo riformatim të qeverisë bëhen 4 qeveri në dy vjet. Nëse do ta shtronim çështjen në një plan më parimor. A kemi kaluar ne nëpërmjet krizash që kanë imponuar kalimin nga një qeveri në një tjetër? A kanë qenë këto kriza të karakterit objektiv, ekonomik, social? Përgjigjja do të ishte që nuk ka patur kriza të kësaj natyre, që zakonisht në vendet demokratike imponojnë kriza qeveritare. Këto më tepër, nëse do t'i quanim kriza në thonjëza, të shkaktuara nga ne, për interesa të caktuara, duke paragjykuar ndonjë nga ata që zënë karrige, duke menduar se ata që mbeten jashtë u është ngrënë haku. Në qoftë se do të shtronin çështjen për të bërë rikompozim të qeverisë do të thotë të pranojmë që jemi në një krizë edhe në parti edhe në qeverisje, kur ne praktikisht jemi pas një fitoreje elektorale, kur elektorati na dha votën, na dha besimin. Ne jemi partia e parë qoftë në drejtim të numrit të njësive të administratës vendore qoftë edhe në përqindje. Të bësh një riformatim të qeverisë tani do të thotë të dalësh me një program tjetër, me një qeveri tjetër e të kërkosh votëbesimin në parlament. Një muaj para Kongresit nuk do të kishte asnjë kuptim. Pas Kongresit, edhe nga praktika botërore, bëhen rikompozime të qeverisë ose krijim qeverish nga e para. Atëherë mund kemi 4 qeveri dhe një pas Kongresit 5 qeveri brenda dy vjet e gjysëm. Kjo do ta prezantonte partinë aspak fatlume dhe me të drejtë elektorati do të vërë një pikëpyetje të madhe ndaj nesh. Prandaj unë mendoj se duhet t'i analizojmë situatat me objektivitet, problemet që janë akumuluar t'i shqyrtojmë, t'i bëjmë objekt debatesh para Kongresit dhe në Kongres dhe me disa zgjidhje institucionale, që të mos na ndodhin ato situata si deri tani. Por nuk mund të pranohet të shtrohet çështje si, kemi probleme, prandaj të shtyjmë Kongresin. Më vjen keq për mendime të tilla, sepse kur ka probleme Kongreset afrohen nuk shtyhen. Nëse e shtrojmë çështjen ndryshe se situata në PS dhe zgjedhjet janë burim për optimizëm, por ne kemi shumë arsye për të prishur qeverinë, nuk shkon. Serioziteti i forcës tonë politike, i grupit parlamentar i maxhorancës kërkon vërtet disa riparime, por mendoj se nuk është e para riformatimi i qeverisë. Ka shumë çështje të tjera përpara që mund të çojnë tek kjo. Hajde të merremi me këto seriozisht dhe në rrugë e sipër qeverive iu ndodh që të krijohen vende bosh dhe nuk mund të mendohet se është hile e këtij apo atij, por janë çështje që ndodhin. Grupi ynë parlamentar ka për detyrë të plotësojë këto vende. Nga ana tjetër, nëse na kërkohet të votohet sipas një vendimi politik më vjen keq po ky nuk është klonim politik. Askush nuk kërkon të mendojmë a të vishemi njëlloj, diversiteti në partinë tonë i kalon ndonjëherë edhe përmasat. Askush nuk ka kërkuar që të vihet në qëndrim gatitu. Por ta shohësh çështjen se të votosh njëlloj është si ta quash klonim politik është jashtë çdo logjike politike dhe nuk duhet të futen terma që vijnë nga ideologjia dhe që efektivisht krijojnë një konfuzion politik. Unë kolegë deputetë ju ftoj t'i shohim gjërat më me realizëm, të plotësojmë vendet bosh në qeveri, pa e hequr vëmendjen nga ato shqetësime që me të drejtë ngrihen edhe në promemorie, por që janë shtruar herë pas here edhe në forumet tona. Ju ftoj të votojmë dekretet e Presidentit dhe të tregojmë një shembull tjetër se ne dimë të tregohemi unikë në çështje themelore unike, që janë ato që i bashkojnë njerëzit në partitë politike.


--------------------------------------------------------------------------------

Elmaz Sherifi: Të mos shkaktojmë kriza artificiale

Elmaz Sherifi: E dëgjova me vëmendje promemorien që shoku Sabit paraqiti dhe gjëja që më ka bërë më tepër përshtypje është theksimi në fund që t'i shikojmë gjërat me qetësi dhe të arsyetojmë. Ndryshe nga mbledhjet e tjera unë po shikoj se kjo frymë po mbizotëron në mbledhjen e grupit parlamentar. Një arsyetim është i pranueshëm kur ka një argumentim të pranueshëm. Më duket se ngatërrojmë dy çështje. Mënyra si e trajtojmë problemin të duket sikur jemi në Kongresin e partisë dhe bëjmë analizën se cilat janë përgjegjësitë tona. Mendoj se është e nevojshme të theksojmë një fakt. Ne jemi fitimtarët, ne i kemi fituar këto zgjedhje, të mos ndodhë paradoksi që Berisha që humb të thotë se unë i kam fituar zgjedhjet dhe ne fitues të themi se kemi humbur zgjedhjet. Ky është një paradoks që nuk ndodh për herë të parë tek ne dhe është koha për të reflektuar. Duhet të gjejmë forca morale, këtë analizë ta bëjmë në Kongres. Pra kemi çfarë t'i themi njëri tjetrit. Por këtë duhet ta themi në progres. Në grupin parlamentar unë e quaj gjënë më normale të paraqiten mendime ndryshe. Nëse profesor Sabiti me grupin ne na bindin që të bëhen ndryshime kjo finalizohet me një votim në grupin parlamentar. Ne kemi ikur nga parimet e funksionimit të shtetit dhe shpesh dëshirat tona subjektive i kemi komprometuar me nevojën e të vepruarit në mënyrë strikte të ushtrimit të pushtetit nga institucionet. Unë mendoj se nuk është koha për të treguar se si mund t'i prishim punët. Le të bëhemi seriozë. Nëse grupi parlamentar mbështet promemorien do të ishte serioze që ne të mos shkojmë në parlament me dekretet. Në të kundërt ta ushtrojmë vullnetin tonë politik brenda standardeve që e mbajnë në këmbë jo vetëm një shtet, por edhe seriozitetin e një partie. Prandaj unë do të ftoja kolegët që ashtu sikundër ka ndodhur të mos përsëritet fenomeni, vendimi i grupit parlamentar të jetë vullneti politik i grupit tonë dhe ta finalizojmë në parlament. Unë jam më kritik sesa profesori për punët tona, për drejtimin tonë, për problematikën dhe ta themi që ne jemi të sëmurë. Por këtë sëmundje ta shërojmë në Kongres se nuk jam dakord që këto ndryshime në qeveri do të bënin që të ndryshohej numri i votave në Kongres. Është në moralin tonë politik të mos krijojmë kriza artificiale. Duhet të jemi objektivë. Nëse ecim me mendimin unë nuk e dua këtë dhe tani o realizohet kjo, o s'ka, mendoj se kjo nuk është e logjikshme dhe e moralshme. Nuk ka një argument të mjaftueshëm që të na bindë me logjikën e shtrimit të problemeve kështu. Jam plotësisht dakord që dy kolegët tanë të nderuar t'i votojmë në parlament.


--------------------------------------------------------------------------------

Bardhyl Agasi: Nuk jam dakord për rikompozim

Bardhyl Agasi: Periudha deri në Kongresin e partisë do të jetë e mjaftueshmë e që të gjitha forumet e partisë nga baza deri në forumet qendrore për të nxjerrë probleme, mangësitë dhe për të përmirësuar punën. Duhet të ndalemi tek dy kandidaturat, nëse kemi vërejtje për shokët tanë apo janë me vlera. Unë mendoj se të gjithë ata që diskutuan nuk kanë asnjë vërejtje për ta, as për shokun Namik as për shokun Fatmir. A i bëhet mirë qeverisjes sonë me futjen e këtyre dy njerëzve me këto vlera që kanë apo dobësohet ajo? Nëse vërtet kemi bindjen se këto janë dy shokë që ndikojnë në përmirësimin e punës në qeverisjen tonë, dhe unë jam i bindur se janë nga dy shokët më me vlerë që ka partia, atëherë ne duhet t'i miratojmë. Nuk duhet të thellohemi as në gabimet tona për të mos iu bindur vullnetit politik, rregullores së grupit parlamentar apo statutit të partisë, që thotë se për përbërjen e kabinetit, për miratimin e ministrave është e drejtë e Kryeministrit në konsultim me kryesinë e partisë, apo do të vazhdojmë si më parë, që nuk bëjmë gjë tjetër por dobësojmë veten tonë dhe i shuajmë shpresat elektoratit. Ju bëj thirrje të jeni objektivë. Nuk jam dakord me pikën për rikompozimin e qeverisë. Me vullnet të përbashkët politik të miratojmë dy kandidaturat, që janë shokë me vlera.

[Albo]

Moisiu dekreton dy ministrat e rinj, Dokle dhe Xhafa

TIRANE (22 Tetor) - Presidenti Alfred Moisiu ka dekretuar sot dy ministrat e rinj të kabinetit qeveritar, Namik Doklen dhe Fatmir Xhafën. Moisiu në mbështetje të neneve 93 dhe 98, pika 1 e Kushtetutës, dekretoi emërimin e Namik Dokles, ministër të Punëve të Jashtme. Gjithashtu, ai dekretoi emërimin e Fatmir Xhafës, ministër të Rendit Publik. Dokle e Xhafa u propozuan nga kryeministri Nano si kandidatë për të marrë postet e mësipërme. Dekretet e Moisiut do t'i kalojnë parlamentit për votim, por miratimi i dy ministrave rrezikohet seriozisht. Votave kundër të opozitës, i janë shtuar edhe ato të mbështetësve të ish zv/kryeministrit Meta, që nënshkruan edhe një promemorje. ku kanë kërkuar rikompozim të qeverisë. ro/ro (BalkanWeb)

[Brari]

Koha Jone shkruan:

----------

TAKIM I FSHEHTE NANO-POLLO

Mbreme rreth ores 20.30, nje eskorte e madhe policore bllokoi qarkullimin afer Stadiumit Dinamo, pikerisht aty ku ndodhet bar-restorant Ujvara. Enigma nuk ngjati shume, dhe shpejt u pa se keto masa sigurie ishin marre per nje takim shume te rendesishem, privat dhe ne "erresire" per median mes Kryeministrit Fatos Nano dhe kryetarit te PDR-se, Genc Pollo. Si ne skenar filmash. Ne fillim jane takuar bashke Nano me Albert Xhanin, President i Klubit Sportiv Partizani, dhe me ta eshte bashkuar edhe Pollo. Te tre kane porositur per te pire xhin-tonik. Pas 20 minutash, largohet Xhani, dhe le vetem Nanon me Pollon. Rreth nje ore ka zgjatur takimi mes te dyve. Me pas largohet Nano, dhe per nje cerek ore ka vazhduar te qendroje ne lokal, i vetem, Pollo.

Biseda e fshehte u be mbreme, vetem nje nate para votimit te sotem ne parlament te dekreteve te Presidentit Moisiu, per emerimin e zotit Namik Dokle, si minister te Jashtem, dhe te zotit Fatmir Xhafa, si Minister Rendi. Tratavitat e Nanos per te rekrutuar deputete sa ne nje ane, ne tjetren, duke ditur aritmetiken e votimit te sotem ku gjithcka flet ne disfavor te qeverise se re te liderit te PS-se, jane bere tashme te njohura. Dyshimet kryesore per t'u lekundur ne voten e tyre kunder aventurave te reja te Nanos, natyrshem mund te binin mbi disa deputete socialiste te cilet mund t'i tremben represionit te kryetarit te tyre ne rast moskalimi te qeverise. Pavaresisht kesaj, 15 deputete te PS-se jane te vendosur per te mos votuar pro kabinetit "Nano 6" dhe jane per te bere nje ekzekutiv krejt te ri socialist. E panatyrshmja dhe me e pabesueshmja eshte se kryetari i mazhorances i ka varur shpresat tek deputetet e opozites. Edhe ne fund te korrikut, kur deshtoi me kandidaturen Bello per minister te Jashtem, Nano iu vardis legalisteve, duke njohur nevojen e tyre per kthimin e pronave te pasardhesit te Mbretit Zog. Mirepo skenari legalist i Nanos, nuk u legalizua, dhe perfaqesuesit e PLL-se u treguan vertete dinjitoze, ndryshe nga sa bene nje vit me pare kur bashkuan votat me PS-ne per mbylljen e dyqaneve ne pikat e kalimit kufitar "duty-free-shop". Duke pare konseguencen e legalisteve, Nano i eshte sulur pjeses tjeter te bute te opozites, te ashtuquajturve reformatore. Takimi i mbremshem i Nanos me Pollon, nen masa te forta sigurie dhe pa deshmitare, verteton te pakten se kryetari i PDR-se ka marre nje oferte. Ajo ka te beje me ate qe 4 deputetet reformatore te semuren neser, te ikin jashte, ose te kene nje arsye te forte per te mos marre pjese ne parlament, gjate votimit te ministrave te Nanos. Ose mund te ndodhe qe nje ose dy deputete te PDR te votojne kunder grupit gjoja ne emer te "pavaresise se tyre" ndaj liderit Pollo, nje gje kjo e paralajmeruar qe sot nga deputeti Tepshi ne nje opinion dhene per "KJ". Por nese ndodh kjo sot ne parlament, atehere mbetet te hedhesh dyshimin se takimi Nano-Pollo ka prodhuar dollare perdeputetin apo deputetet qe votojne ose abstenojne nga kampi i PDR. Mungesa e tyre shton shanset e Kryeministrit per te marre 50% plus 1 te votave te te pranishmeve. Pra, ajo cka mund ta themi me siguri te plote, dhe pa pasur nevoje per prova shkresore eshte se Pollo eshte ofertuar mbreme nga kryetari i PS-se. Kjo verteton edhe nje here kryeartikullin e djeshem te "KJ", ku denoncohej pikerisht skema e joshjes se deputeteve qe ka vene ne funksion shefi socialist. Sigurisht, oferta e mospjesmarrjes neser ne parlament, eshte shoqeruar me shperblimin perkates per ato qe nuk vijne ne salle apo qe votojne pro tij. Cfare mund t'i jete propozuar, kete nuk kemi si ta dime. Po eshte e qarte se 5 deputete nuk mund te behen inekzistente pa futur mire doren ne thes. Do te shohim sot, nese Pollo ka pranuar ose jo oferten e Nanos. Refuzimi i opozitarit reformator ne fakt duhej te kishte tjeter forme. Ai duhej te kishte filluar qe mbreme, me mospranimin e fteses per KAFE me Nanon, ne nje ambjent pa deshmitare dhe ne erresire per median. Fillimi i kompromentimit eshte gjysma e punes. Pollo mund te kete arsye per te gjetur rruge te tjera perfitmi, duke qene se ne zgjedhjet e fundit doli shume dobet, me pak me shume se 2% dhe vetem me nje komune te fituar. Por te gjitha keto shtigje do te rezultojne vdekjeprurese per ish-keshilltarin e Berishes, i cili nese nuk i con sot deputete e tij ne parlament per te votuar kunder qeverise se Nanos, me mire te regjistrohet per t'u bere anetar i KPD-se socialiste ne kongresin e dhjetorit. Kjo akuze mbi te mund te quhet e faktuar edhe nese nga 5 deputete qe ka ai qofte dhe njeri nese voton pro apo abstenon. Perseri dyshimet bien mbi Pollon qe u takua mbreme vone me kryeministrin e rrezuar politikisht.

Mospritja e mediave apo ikja me vonese, per te mos rene ne sy, nga pas restorantit Ujvara, e kryetarit te PDR, zotit Pollo te kujton friken e korruptimit te tij nga i korruptuari Nano. Natyrisht qe te takohesh, te pish kafe apo dhe te darkosh eshte pjese private e sejcilit politikan. Po te ishte kjo, dhe ne kete menyre, nuk kemi te drejte te hedhim akuza, pasi eshte intimitet privat. Por kur kjo ndodh nje nate para votimit ne parlament e nje dite pas ofertave te naoisteve per te blere politikane me dollare, te lind e drejta qe te mendosh per pazare, aq me teper qe Nano njihet si nje i tille qe prej vitesh. Ne ndodhte qe sot te pese deputetet e PDR votojne kunder dekreteve si opozitare qe jane, atehere akzua terhiqet dhe i fituar del Pollo. Te presim deri ne mesditen e sotme per te pare se c'ndodh ne parlament.

Re.po.(koha jone)
---------------





Per at Shna Nue..ishalla ja paguan ky Tritan Pollosi njat kredi te shpis malsorit kreshnik e te paperkulur te vaut Dejes, Nard Ndokes..se i mjeri ne hall ka ra e po detyrohet me i sherbye sugurimit te Klosit ma perulesisht se gjysherit e gjyshet e tij malsore te maleve kresnike qe kan ken te deturum me ju perul sugurimit te Kadri Kapove ne kushte te 1950-tes ku gjysa botes ish nen thunder te Stalinit e ky kopuk sot me 2003 po i pergjet njatyne dhitsave kooperativista.

Nuk u del rroga 1 milion lek ktyre pisave me rujt dinjitetin..apo..kush po pje-rdh per dinjitet..ne parlament te Shqypnise..


Sa spiunin e kish pas pas kjo Partia Punes ..