Qeveria e re votohet ne parlament, opozita braktis votimin

[Albo]

Qeveria, ikin gjashtë ministra

Mbledhja e djeshme e Kryesisë ka precizuar emrat e kabinetit të ri. Ato kanë kaluar me konsensus për në grupin parlamentar. Sipas skemës zv/kryeministër do të jetë Dokle, kurse në postin e ministrisë së Jashtme do të vendoset Islami, i cili i ka lëshuar vendin Arben Malajt. Janë larguar ministrat Dade, Xhani, Leskaj, Xhuveli dhe Peçi.

Rreth mesditës është mbledhur kryesia e Partisë Socialiste për të vendosur për kandidaturat që do të paraqiten për diskutim në grupin parlamentar dhe më pas do të dërgohen për dekretim në Presidencë. Megjithëse me një shumicë nanoiste, mbledhja ka kaluar përmes debatesh të shumta, sidomos mes të pakënaqurve me lëvizjet e fundit të kryeministrit. Supriza e parë ka qenë propozimi i Kastriot Islamit për postin e ministrit të Jashtëm. Në fakt ky post më parë ishte deklaruar se do i shkonte Marko Bellos, personit që kishte nxituar më shumë që të arrinte këtë detyrë. Në postin e lënë bosh nga Islami është propozuar ish-ministri i Financave Arben Malaj. Kurse Bashkim Fino dhe Anastas Angjeli, janë propozuar që të dy për të hyrë në qeverinë e re. Fino është propozuar për postin e ministrit të Rregullimit të Territorit dhe Turizmit, kurse Angjeli në postin e ministrit të Ekonomisë. Këta dy deputetë socialistë votuan kundër dy ministrave të propozuar nga Nano, votim që thelloi krizën qeveritare në vend. Por pak përpara kongresit të socialistëve të dy u shfaqën hapur pro Nanos, madje kontribuan që delegatët, përkrahës të tyre, të jepnin votën e tyre për Fatos Nanon. Blendi Klosi është propozuar për në postin e ministrit të Kulturës, në vend të Arta Dades, kurse Fatmir Xhafa, personi i akuzuar vazhdimisht nga opozita për lidhje me grupe kriminale mafioze, do të marrë postin e ministrisë së Drejtësisë. Bello, një nga përkrahësit më të zjarrtë të Nanos, gjatë kësaj kohe është propozuar për në postin e ministrit të shtetit, post që më parë mbahej nga Blendi Klosi. Ashtu siç ishte paralajmëruar nga shtypi, Igli Toska u propozua për ministër Rendi. Nano tha gjatë fjalës së tij në kryesi, se Toska e kishte justifikuar mjaft mirë punën si drejtues i këtij dikasteri, gjatë kohës kur ai ishte zv/ministër. Dokle do të jetë zv/kryeministër, dhe ndryshe nga praktikat e mëparshme, ai nuk do të mbajë asnjë portofol ministri. I shfaqur hapur si një nga përkrahësit e Nanos kohët e fundit, Dokle kishte arritur që të fitonte si delegat një numër shumë të madh votash, dhe të futej në KPD dhe kryesi, po me një numër shumë të madh votash. Ai njihej deri pak kohë më parë si përkrahës i ish-presidentit Meidani. Në këtë mënyrë është ndarë posti i zv/kryeministrit nga posti i ministrit të Integrimit, mbajtur deri më tani nga Ermelinda Meksi. Kjo e fundit ka qëndruar në postin e kësaj ministrie. Një tjetër post ku janë bërë ndryshime, ka qenë ai i ministrisë së Mjedisit, mbajtur deri tani nga Lefter Xhuveli, kryetari i Partisë Agrare Ambientaliste, parti aleate me socialistët. Kurse aleatët që nënshkruan marrëveshjen për "Koalicionin për integrim", kanë marrë përkatësisht ministritë që iu ishin dhënë në bazë të marrëveshjeve. Partia Bashkimi për të Drejtat e Njeriut ka marrë ministrinë e Shëndetësisë dhe në krye të saj ka rikthyer Leonard Solis, kurse Partia Socialdemokrate mori postin e ministrisë së Punës dhe Çeshtjeve Sociale, dhe ashtu siç u vendos para dy ditësh në mbledhjen e kryesisë së kësaj partie, në krye të saj do të propozohet Engjell Bejtaj. Një pjesë tjetër e ministrive kanë mbetur pa ndryshuar drejtuesit e saj. Kështu Majko do të vazhdojë të jetë në krye të ministrisë së Mbrojtjes, Doda në krye të ministrisë së Energjitikës, Poçi në krye të ministrisë së Transportit, Meksi në krye të ministrisë së Integrimit, Blushi në krye të ministrisë së Pushtetit Vendor dhe Decentralizimit, Memushi në krye të ministrisë së Arsimit dhe Duka në krye të ministrisë së Bujqësisë.


--------------------------------------------------------------------------------

Kryesia e PS-së miraton emrat e rinj për në kabinetin qeveritar

1 - Fatos Nano, kryeministër

2 - Namik Dokle zv.kryeministër

3 - Igli Toska, ministër i Rendit

4 - Kastriot Islami, ministër i Jashtëm

5 - Arben Malaj, ministër i Financave

6 - Fatmir Xhafa, ministër i Drejtësisë

7 - Blendi Klosi, ministër i Kulturës

8 - Anastas Angjeli, ministër i Ekonomisë

9 - Bashkim Fino, ministër i Turizmit

10 - Ethem Ruka, ministër i Mjedisit

11 - Marko Bello, ministër i Shtetit

12 - Spartak Poçi, ministër i Transporteve

13 - Viktor Doda, ministër i Energjitikës

14 - Pandeli Majko, ministër i Mbrojtjes

15 - Ben K. Blushi, ministër i Pushtetit Lokal

16 - Luan Memushi, ministër i Arsimit

17 - Ermelinda Meksi, ministre e Integrimit

18 - Leonard Solis, ministër i Shëndetësisë

19 - Engjëll Bejtaj, ministër i Punës

20 - Agron Duka, ministër i Bujqësisë



Ministrat që u larguan nga postet

1 - Spiro Peçi, nga Ministria e Drejtësisë

2 - Arta Dade, nga Ministria e Kulturës

3 - Besnik Dervishi, nga Ministria e Turizmit

4 - Lefter Xhuveli, nga Ministria e Mjedisit

6 - Mustafa Xhani, nga Ministria e Shëndetësisë

7 - Valentina Leskaj, nga Ministria e Punës

[Albo]

Thane për koalicionin:

LUFTER XHUVELI, Kryetar i PAA:

"E vlerësoj bashkëpunimin që kam patur me PS-në dhe Kryeministrat socialistë. Unë nuk mund ta hedh poshtë këtë bashkëpunim, i cili ka qenë i mirë, por natyrisht është një qëndrim zhgënjyes dhe nuk ka të bëjë me qëndrimin tim personal, por ka të bëjë me bashkëpunimin e dy partive. Në këtë situatë kur ne duhet të forconim qëndrueshmërinë e vendit, do të duhej që PS-ja ta zgjeronte bazën e koalicionit me të tjerët, PS merr një veprim të tillë, të cilin ne e konsiderojmë të gabuar dhe që nuk shikon në perspektivë, e ngushton bazën e koalicionit. Pikërisht, ky është një nonsens. Ne nuk mund ta mbështesim një rikompozim të tillë, i cili lë jashtë në mënyrë të padrejtë dhe të paargumentuar Partinë Agrare Ambjentaliste".

PASKAL MILO, Kryetar i PDS:

"Koalicioni është nisur më shumë nga raporti i frikës se mos kemi dhe një dështim tjetër të rradhës, është nisur nga ekuilibri i grupeve klanore brenda PS-së dhe një pjesë e saj ka me vete dhe një moral të dyshimtë politik. Nuk mund ta kuptoj se si mund të bashkëpunojnë dy njerëz apo dy forca politike, krerët e të cilave kanë akuzuar njëri-tjetrin në maksimum. Ne nuk jemi shifra të ftohta llogarish. Për rrjedhojë, ne nuk do ta japim votën tonë për sytë e bukur të njërit apo të tjetrit. Do t'u kërkonim një ndershmëri më të madhe socialistëve, që para se t'i gjykojmë se si do ta hedhin votën, duhet të dëshmojnë respektin minimum për partitë tona, me qëllim që ne të shohim nëse ata realisht e duan bashkëpunimin me ne apo ky do të jetë një mashtrim tjetër i rradhës".

NERITAN CEKA, Kryetar i PAD:

"Natyrisht që nëse nuk do të ketë negociata, vendimin do ta marrë kryesia e partisë, por unë besoj se vendimi do të jetë kundër, në qoftë se nuk merremi në konsideratë dhe unë besoj se ne na intereson më shumë varianti të bisedohet me partnerët tanë të koalicionit, përveç PS-së, për të mbajtur qëndrim të përbashkët. Rrëzimi i dekreteve të veçantë mund të vazhdojë pa fund. Sipas Kushtetutës, nuk ka asgjë që e detyron Nanon që të japë dorëheqjen nëse ministra të caktuar nuk do të pranohen në një votim simultan ku nuk është bërë një marrëveshje paraprake".

[Brari]

Tash Ps dhe shtupat e saja te qenefit sikurse Cekat Milot gjinushet xhuvelet e sorrollopi nga PBDNJ dhe PDR kan ndrru xhaket.

Nuk jan me "aleanc per shtet" por aleanc per "integrim".

Ja cthot gaz Tema:

--------
POLITIKA

Qeveria, besnikë të Nanos, vetëm 66 deputetë

Pasi ka arritur që të fitojë Gjinushin dhe të kënaqë Dulen, Nanos i janë krijuar të tjera çarje në llogaritë numerike për qeverinë. Aleatët e tjerë, për të cilët Nano kishte bindjen se nuk do të mërziteshin nëse nuk përfshiheshin në kabinetin qeveritar, kanë reaguar në mënyrë mjaft të ashpër ndaj këtij akti, dhe kanë deklaruar se do të votojnë kundër qeverisë duke e komplikuar mjaft situatën për Nanon. Ata janë shprehur se vota e tyre do të jetë kundër, nëse me ta nuk do të negociohet. I pari që është shprehur kundër këtij vendimi ka qenë kryetari i Partisë Agrare Ambientaliste, Lefter Xhuveli, i cili nuk u përfshi në kabinet, për shkak të negociatave të bëra në momentet e fundit. Ndërkohë tre deputetëve të tij i janë bashkuar dhe zërat e Milos dhe Cekës, të cilat kanë reaguar ditën e djeshme kundër këtij akti të qeverisë dhe kanë kërkuar që të negociohet me ta për të hyrë në kabinet. Milo ka sulmuar sërish marrëveshjen mes Nanos dhe Gjinushit, si një marrëveshje amorale, kurse Ceka, edhe pse ishte shprehur para pak ditësh se do e jepte votën e tij dhe të partisë që përfaqëson për qeverinë ka lëvizur nga ky vendim dhe ka kërkuar që të negociohet dhe me të. Xhuveli tha se nuk ishte aspak e drejtë që të trajtohej në këtë mënyrë, pasi partia e tij kishte dalë e katërta gjatë zgjedhjeve vendore të 12 tetorit. Ndërsa Nano ka deklaruar se nuk ka asnjë problem në këtë drejtim, pasi Xhuveli duhet të jetë i kënaqur ngaqë ka qëndruar për shtatë vjet në krye të dikastereve. Pas presioneve të shumta të bëra nga Gjinushi, kanë filluar të tjera presione për Nanon, ndërsa grupi i metistëve është shprehur se qeveria Nano nuk do të ketë të ardhme, përsa kohë do të ngrihet mbi marrëveshje të tilla. Aleatët e vegjël të Nanos, janë acaruar, pasi kanë deklaruar se ata nuk janë më të vegjël, se ata që ka mbledhur tashmë Nano rreth vetes. Kështu Nanos i largohen pesë deputetë në një kohë kur kishte fituar pesë të tillë. Edhe me këto grupe deputetësh Nano ishte i rrezikuar nga çdo tronditje politike që mund t'i vinte vërdallë. Deri më tani duke përjashtuar numrin e deputetëve që nuk do të jenë të pranishëm në votim, Nano nuk arrin që të plotësojë numrin e nevojshëm të deputetëve. Madje Nano kishte nxituar për frikë të këtij rebelimi që të përcillte emrat në presidencë, duke kërkuar që ata të betoheshin për të filluar punën dhe më pas për të kaluar në kuvend përmes votimit. Kjo do i shërbente Nanos për të filluar një betejë për kalkulimet dhe për pazaret e tjera për kalimin e kabinetit. Nano ka kërcënuar sërish ditën e djeshme se nëse nuk do të kalojë kabineti, atëherë vendi do të shkojë drejt zgjedhjeve të parakohshme. Ai i ka kërkuar falje në mbledhjen e grupit edhe Finos dhe Angjelit, personave që kishte sulmuar më shumë gjatë mbledhjes së Komitetit të Përgjithshëm Drejtues, dy vjet më parë në të njëjtën kohë.


--------------------------------------------------------------------------------

Xhuveli: Nuk jemi aleatë më të vegjël se të tjerët

Sërish ditën e djeshme, kryetari i Partisë Agrare Ambientaliste, Lefter Xhuveli tha se nuk mund të mbështesin një rikompozim të tillë, pasi ai përjashton në mënyrë të paargumentuar partinë e tij. "E vlerësoj bashkëpunimin që kam patur me ministrat dhe kryeministrat socialistë. Nuk mund ta hedh poshtë këtë bashkëpunim që ka qenë relativisht i mirë. Por, qëndrimi i fundit i kryeministrit është një qëndrim që nuk ka të bëjë me marrëdhënie personale, por që ka të bëjë me bashkëpunimin institucional", është shprehur Lufter Xhuveli. Sipas tij, është një situatë që duhet të forcohet stabiliteti i vendit, dhe nuk është momenti që Partia Socialiste të marrë vendime të tilla përjashtuese. "Ne e konsiderojmë si të gabuar dhe si një zgjedhje që nuk ka perspektivë. Ne nuk mund të mbështesim një rikompozim të tillë që lë jashtë në mënyrë të paargumentuar Partinë Agrare", tha ish ministri Xhuveli. Ai mbante postin e drejtuesit të Mistrisë së Mjedisit, ndërsa më parë ai ka drejtues ministrinë e Bujqësisë. Nano propozoi që në vend të Xhuvelit të vendosej në krye të kësaj ministrie Et'hem Ruka.


--------------------------------------------------------------------------------

Milo, Ceka: Duam poste, ose do votojmë kundër

Krerët e partive Demokracia Sociale dhe Aleanca Demokratike, Paskal Milo dhe Neritan Ceka thanë se partitë e tyre, nuk mund të përdoren dhe të flaken sa herë që duan drejtuesit socialistë. Ata kanë kërkuar sërish që të negociohet me ta, ose në të kundërt do të votojnë kundër qeverisë. Mësohet se Milo ka kërkuar një post ministror në qeverinë e re. "Një pjesë e kësaj marrëveshjeje të re të quajtur "Aleanca për Integrimin", mbart me vete një moral të dyshimtë të politik. Nuk e kuptoj se si mund të punojnë dhe bashkëjetojnë forcat politike, kur krerët e tyre kanë akuzuar në maksimum njëri-tjetrin", tha Milo. Ai kërkoi t'u bëjë të ditur socialistëve se partitë e vogla të së majtës nuk janë shifra të grira llogarish që mund të përdoren sa herë u nevojitet atyre. "Për rrjedhojë ne nuk do ta japim votën tonë, për sytë e bukur të njërit apo të tjetrit. Dua t'u them socialistëve që përpara se ta hedhin votën të respektojnë partitë tona, me qëllim që ne të shohim nëse ata realisht e duan bashkëpunimin tonë apo thjesht ky është një mashtrim i radhës", vijoi më tej, kryetari i PDS-së.

Partia Aleanca Demokratike ka lënë që vendimin përfundimtar ta marrë kryesia e partisë, por gjithsesi kryetari i saj deklaron votën kundra. "Vendimin do ta marrë kryesia e partisë, por unë besoj se do të jetë kundër natyrisht. Ne mendojmë të bisedojmë më partitë e tjera të koalicionit përveç PS-së që të kemi një qëndrim të njëjtë", tha Neritan Ceka. Ndërkohë, bashkë me këto forca politike pritet të bashkohen edhe deputetët mbështetës të Ilir Metës si dhe ministrja Arta Dade, e cila ka deklaruar një gjë të tillë menjëherë pas largimit nga mbledhja e kryesisë socialiste ditën e mërkurë. Vetë Kryeministri mësohet se gjatë mbledhjes së grupit parlamentar socialist ka deklaruar se në rast se nuk votohet qeveria, do të ketë zgjedhje të reja.


--------------------------------------------------------------------------------

Vota pro qeverisë

1. Arben MALAJ

2. Agron TATO

3. Albert ÇAÇI

4. Anastas ANGJELI

5. Ardian MYSLIMAJ

6. Arta DADE

7. Asllan HAXHIU

8. Banush GOZHDARI

9. Bardhyl AGASI

10. Bashkim FINO

11. Ben BLUSHI

12. Blendi KLOSI

13. Durim HUSHI

14. Ejup TABAKU

15. Elmaz SHERIFI

16. Erjon BRAÇE

17. Ermelinda MEKSI

18. Et'hem RUKA

19. Fatbardha SHABANI

20. Fatmir XHAFAJ

21. Fatos NANO

22. Flamur DINGO

23. Flamur HOXHA

24. Gazmir BIZHGA

25. Gramoz RUÇI

26. Hasan HOXHA

27. Kastriot ISLAMI

28. Luan MEMUSHI

29. Luan RAMA

30. Makbule ÇEÇO

31. Maksim BALLA

32. Maqo LAKRORI

33. Marko BELLO

34. Mezan MALAJ

35. Musa ULQINI

36. Mustafa XHANI

37. Namik DOKLE

38. Nazmir BILANI

39. Ndricim HYSA

40. Nezir SELIMAJ

41. Niko FABER

42. Pandeli MAJKO

43. Petro KOÇI

44. Rahmi MEHMETLLARI

45. Servet PËLLUMBI

46. Shpëtim KATESHI

47. Shyqyri DURAKU

48. Sotir KOKERI

49. Spartak POÇI

50. Stefan ÇIPA

51. Taulant DEDJA

52. Vangjel TAVO

53. Vath KORESHI

54. Viktor DODA

55. Ylli BUFI

56. Zyhdi PEPA

57. Refat DERVINA

58. Vangjel DULE

59. Durim HUSHI

60. Lek ÇUKAJ

61. Elida TEPELENA

62. Engjëll BEJTAJ

63. Gaqo APOSTOLI

64. Skënder GJINUSHI

65. Ligoraq KARAMELO

66. Kristo GOCI



Votë akoma e papërcaktuar

1. Lufter XHUVELI

2. Ndue PREKA

3. Vladimir MALO

4. Neritan CEKA

5. Paskal MILO



Mungojnë

1. Dritan PRIFTI

2. Ilir GJONI

3. Ilir META

4. Monika KRYEMADHI



Votat kundër qeverisë

1. Eduart ALUSHI

2. Gjergj KOJA

3. Ilir ZELA

4. Ardit Kaja

5. Mustafa MUÇI

6. Sabit BROKAJ

7. Spartak BRAHO

8. Limoz DIZDARI

9. Fatmir XHINDI

10.Ndre LEGISI


--------------------------------------------------------------------------------

Politikanët, vizita në selitë fetare për festë

Krerët më të lartë të shtetit kanë kryer vizita me rastin e Krishtlindjeve në selitë e komuniteteve fetare të krishtera. Ata kanë uruar më këtë rast, gjithë shqiptarët dhe në veçanti besimtarët e krishterë. Në Kryepiskopatën e Hirëshme të Kishës Ortodokse Autoqefale të Shqipërisë me rastin e festës së Krishtlindjeve, ka mbërritur kryetari i Partisë Demokratike, Sali Berisha, i cili ka uruar shqiptarët, duke e vlerësuar këtë festë si një ditë të Zotit, për të cilën gjithë njerëzimi duhet të festojë dhe të lutet në këtë ditë të shenjtë. Ai ka shkuar më pas në katedralen e Shën Palit, ku ka kryer vizitën së bashku me urimet për festën. Në këto dy seli ka qenë dhe kryetari i mazhorancës socialiste, Fatos Nano.

Në një njoftim për shtyp të zyrës së kryeministrisë thuhet se kryetari socialist ka uruar të gjithë shqiptarët. "I uroj të gjithë besimtarëve ortodoksë dhe katolikë gëzuar Krishtlindjet. Në këtë ditë bashkoj, si në traditën tonë, urimin për bashkëjetesë, prosperitet dhe për një vit akoma më të mirë nën bekimin e Zotit", ka uruar Kryeministri i Shqipërisë Fatos Nano të gjithë besimtarët shqiptarë në ditën e lindjes së Krishtit. Ndërsa kreu i shtetit gjatë kësaj ditë ka udhëtuar drejt Shkodrës, ku ka vizituar kishën Katolike dhe atë Ortodokse. Presidenti ka shkuar fillimisht në Katedralen katolike të qytetit, ku ka takuar peshkopin e këtij qyteti, si dhe besimtarë të shumtë. Më pas është nisur për në qendër të qytetit, tek kisha Ortodokse, për t'u takuar me besimtarët e këtij qyteti. Gjithashtu gjatë kësaj vizite në qytetin verior, Moisiu ka patur një takim me përfaqësusit e nismave për pajtimin e gjaqeve dhe me fëmijë të ngujuar nga rrethet e veriut. Presidenti në këtë ditë të bekuar ka përcjellë mesazhin që shteti të veprojë përkundrejt këtij fenomeni, që jeta të mos ndrydhet në këtë mënyrë.


--------------------------------------------------------------------------------

Berisha: Nano të votëbesohet, janë zëvendësuar 13 ministri

Kryetari i Partisë Demokratike, Sali Berisha në një konferencë për shtyp tha se qeveria e Nanos është ilegjitime. Kryetari demokrat nuk e bëri këtë akuzë duke e lidhur me faktin se dy poste kanë qenë dhe janë vakant, por me faktin se lista e re që ka përgatitur Nano për qeverinë e rikompozuar, është ndryshuar në mbi pesëdhjetë për qind të saj. Në këtë mënyrë, sipas liderit të selisë blu, Nano duhet të japë dorëheqjen për t'u rivotuar. Berisha tha se Nano ka ndryshuar në kabinetin qeveritar 13 ministra, ndaj dhe duhet të votëbesohet. Kryetari demokrat tha se në këto raste duhet të jetë Moisiu ai që duhet t'i përmbahet Kushtetutës dhe të mos lejojë një gjë të tillë. Kjo kërkesë e liderit demokrat vjen menjëherë pasi Nano hartoi një listë me propozime për të plotësuar vendet vakant në qeveri dhe për të rikompozuar një pjesë të saj. Nano largoi nga kabineti me anë të propozimeve të tij gjashtë ministra, ndërkohë që shumë prej tyre lëvizën nga postet e tyre. Në kabinetin qeveritar prej 20 ministrash, vetëm shtatë kanë qendruar të palëvizur nga postet e tyre. Kështu Majko, Doda, Poçi, Duka, Memushi, Blushi dhe Meksi, nuk kanë lëvizur nga pozicionet e tyre.


--------------------------------------------------------------------------------

Berisha: Kabineti, emra të korruptuar dhe me dosje

"Nuk jam këtu të denoncoj më, por dua të kujtoj se dy nga ministrat e rinj kanë humbur në gjykatë për krime të rënda, ndërsa dy të tjerë akuzohen për kontrabandë dhe korrupsion", tha Berisha, duke kujtuar që Presidenti përpara dekretimit të shohë dokumentat e botuara në shtypin e përditshëm si dhe të kujtojë akuzat e hedhura nga Fatos Nano

Kryetari i Partisë Demokratike, Sali Berisha tha se presidenti i Republikës nuk mund të dekretojë qeverinë e re, pasi në përbërje të saj, ka ministra për të cilët ekzistojnë akoma dosjet penale. Ai gjithashtu shtoi se disa nga ato ministra janë të akuzuar jo vetëm nga opozita, por dhe nga vetë kryetari Nano, për korrupsion. "Nuk jam këtu të denoncoj më, por dua të kujtoj se dy nga ministrat e rinj kanë humbur në gjykatë për krime të rënda, ndërsa dy të tjerë akuzohen për kontrabandë dhe korrupsion", tha Berisha, duke kujtuar që Presidenti përpara dekretimit të shohë dokumentat e botuara në shtypin e përditshëm si dhe të kujtojë akuzat e hedhura nga Fatos Nano. Gjatë këtij konstatimi, kryetari Berisha tha se Igli Toska, i propozuar për Ministër të Rendit, është shkarkuar për korrupsion. Ai tha se këto fakte tashmë janë të ditura për të gjithë dhe nuk duhet që kreu i shtetit t'i anashkalojë. "Presidenti nuk duhet të pranojë që një dhunim të kushtetutës ta shlyejë me një dhunim tjetër kushtetues. Fatos Nano duhet të japë dorëheqjen dhe as të rivotohet më, pasi ai ka ndërruar 2 ministra dhe kjo quhet një qeveri e re, pra e ndryshme nga e para dhe këtu ndryshon edhe kryeministri. Presidenti ka të drejtë ta rivotojë atë sërish, por pas dorëheqjes", tha Berisha. Sipas tij këto janë precedente kushtetuese që nuk duhet të shkelen nga Presidenti. Berisha ka thënë se Fatos Nano ka frikë nga votimi i fshehtë në Kuvend, sepse një votim i tillë e largon atë nga qeveria. I pyetur se cili do të jetë qëndrimi i opozitës nëse Moisiu voton qeverinë e re, Berisha tha se: "Presidenti nuk duhet ta dekretojë, pasi është i detyruar të zbatojë vendimet e Gjykatës kushtetuese". I pyetur në lidhje me hapat që do të ndjekë opozita në lidhje me krizën që ka përfshirë mazhorancën, ai tha se ky ishte hapi i parë. "Njoftimi i sotëm ishte dhe hapi i parë i opozitës, të tjerat do të varen nga zhvillimet e mëtejshme," tha Berisha. Berisha e ka quajtur mjaft të rëndësishëm, denoncimin e dy kandidatëve për ministra, të cilat janë akuzuar për korrupsion dhe për të cilët ekzistojnë akoma dosjet penale. Presidenti deklaroi se nuk do të lejonte që të dekretoheshin ministra të përfolur. "Me këtë rast e ftoj publikisht edhe njëherë kryeministrin të plotësojë sa më parë qeverinë ose të ofrojë zgjidhje të tjera. Shpreh bindjen time dhe besoj edhe bindjen tuaj dhe të opinionit publik që në listën e emrave të rinj nuk duhet të përfshihen figura të përfolura dhe akuzuara nga vetë drejtuesit e lartë të ekzekutivit, pa dhënë më parë sqarime publike për ta. Nëse nuk ndodh kështu, pra kur institucionet e shtetit nuk funksionojnë dhe kur forcat politike në Kuvend nuk janë në gjendje të krijojnë zgjidhje kushtetuese për krizat në qeveri, atëherë çdo alternativë ligjore është e hapur, përfshirë edhe ajo e matjes së përkrahjes që partitë kanë në elektorat," tha ai më 18 dhjetor në Kuvend, gjatë një mesazhi drejtuar ligjvënësve.


--------------------------------------------------------------------------------

Toska dhe Dokle, ministrat me dosje

Në dosjen e tij, Dokle akuzohet nga shërbimi i inteligjencës për lidhje me shërbimin sekret të Serbisë. Tentativat e Dokles për të mbyllur dosjen janë rrëzuar nga Gjykata e Lartë, drejtuar nga Thimio Kondi. Kurse Toska akuzohet për mitëmarrje, dhe në vitin 1994 për këtë arsye është shkarkuar nga KLD. Përpjekjet e tij për t'u rehabilituar u rrëzuan nga gjykata e shkallës më të lartë. Sërish ishte Thimio Kondi

Namik Dokle, i propozuar nga Nano për të marrë postin e zv/kryeministrit, jo vetëm që është akuzuar nga vetë Nano, gjatë mbledhjes së Komitetit të Përgjithshëm Drejtues dy vjet më parë, për nepotizëm, por ka në zyrat e Shërbimit Informativ Shtetëror, një dosje të plotë, në të cilën ai akuzohet si njeri i lidhur me agjenturën e shtetit fqinj, Serbisë dhe Malit të Zi. Mësohet se Dokle, i ndjekur nga shërbimi i inteligjencës për lidhje me shërbimin sekret të shtetit fqinj, nuk ka arritur që të mbyllë këtë dosje, në vitin 1997, vit në të cilin Partia Socialiste ka ardhur në pushtet. Madje ai ka dështuar gjatë serisë së gjyqeve, me një oficer të këtij shërbimi, i cili ka insistuar deri në fund, për të provuar që dosja e tij ishte e rregullt dhe e argumentuar. Bëhet e ditur se oficeri, pasi ka fituar gjyqin në shkallën e fundit, në Gjykatën e Lartë është nisur në drejtim të Amerikës, vend në të cilin ai ka fituar azil politik duke paraqitur si argument për këtë kërkesë, pikërisht gjyqin e hapur ndaj tij dhe për të cilin është provuar se ai ishte i pafajshëm. Mësohet se Dokle, që në fillimet e pluralizmit politik shqiptar, kohë në të cilën ai ishte anëtar i kryesisë së Partisë Socialiste, dhe më pas kryetar i grupit parlamentar të kësaj partie, ndiqej nga shërbimi sekret për këtë arsye. Madje në momente të veçanta për të është kërkuar që t'i hiqet imuniteti i deputetit për t'u ndjekur më pas në rrugë ligjore. Në përgjim të Dokles, shërbimi kishte infiltruar persona të veçantë, të afërm që kanë studiuar lëvizjet e këtij banori të zonës së Gorës, një krahinë me zakone të ndryshme nga shqiptarët, të përafërta me sllavët jugorë.

Mësohet se një nga pikat ku është mbështetur më shumë shërbimi sekret gjatë hetimit të tij, ka qenë një dasmë në Dragash, ku banon pjesa e goranëve të Kosovës. Në vitin 1997, Dokle, pasi u vërtetua që për të ekzistonte një dosje e kopsitur, kërkoi që kjo dosje të mbyllej, duke hedhur në gjyq, personat që ishin marrë me të. Por gjyqi rezultoi negativ për të, sepse dosja jo vetëm që nuk u mbyll, por personi që doli në gjyq kundër Dokles, provoi materialin që përmbante dosja. Kryetari i Gjykatës së lartë, që dha vendimin përfundimtar ishte Thimio Kondi.


--------------------------------------------------------------------------------

Dosja Toska

"Përparësia që ka figura e Igli Toskës është më e madhe se çdo figurë tjetër. Ai ka kontribuar shumë në krijimin tonë si përfaqësues të legjislativit dhe duhet të vazhdojë të stimulohet. Asnjë nga veprimet e tij të fundit nuk është bërë pa u konsultuar me kryeministrin e vendit"

Zëvendësministri aktual i Rendit Igli Toska dhe tashmë i propozuar nga Kryeministri Nano për postin e Ministrit të Rendit, fillimet e pluralizmit politik e kapën të sapodiplomuar. Me dëshirën për të afruar njerëz të rinj, Toska në 1993 u bë ndihmës gjyqtar në Gjykatën e Shkallës së Parë në Tiranë. Pas një pune të devotshme për të arritur atë që donte, Toska ngjiti shkallën duke u bërë gjyqtar në vitin 1994. Në moshë të re, shumë gjyqe i takonin t'i gjykonte zoti Toska.

Fillimi i pluralizmit, atë që solli më së shumti, ishte papërgjegjshmëria përkundrejt profesionit, e dëshira për t'u pasuruar shumë shpejt. Ishte viti 1994.

Një aksion i beftë i Këshillit të Lartë të Drejtësisë, nxori në pah parregullsi të mëdha në dosjet e gjykuara nga një sërë gjyqtarësh. Një ndër këta ishte edhe zëvendësministri i Rendit Igli Toska. KLD-ja e alarmuar vendosi të shkarkonte nga detyra e gjyqtarit Toskën e shumë të tjerë. KLD-ja tha se Igli Toska shkarkohet nga detyra e gjyqtarit për mitëmarrje ose thënë ndryshe për korrupsion. Igli Toska kishte marrë për gjyqet e zhvilluara dhjetëra mijëra dollarë. Gjatë gjithë kësaj kohe karriera e Igli Toskës nuk njihet. Thuhet se ai ka punuar konsulent ligjor. Amnistia e vitit 1997 i dha mundësi edhe Toskës si dhe Nanos e shumë të tjerëve të fitonin pafajësinë. Ishte Gjykata Kushtetuese ajo që rehabilitoi, një gjyqtar të shkarkuar për mitëmarrje. Në vitin 1998, pasi socialistët kishin ardhur tërësisht në pushtet, Igli Toska ishte bindur se tashmë ishte rehabilituar tërësisht dhe ishte gati për të veshur sërish kostumin e gjyqtarit. Kështu që bëri kërkesë që të emërohej sërish gjyqtar në Gjykatën e Shkallës së Parë në Tiranë. Mirëpo, ishte ajo mitëmarrje e viteve 1993-1994, që prenë rrugën e gjyqtarit Igli Toska. Kërkesa e tij për riemërim në Gjykatë u rrëzua. Edhe kësaj radhe ishte Thimio Kondi që rrëzoi kërkesën e tij. Mirëpo në vitin 2000 ai u bë drejtor në një drejtori në Ministrinë e Ekonomisë Publike. Fati filloi sërish të shkëlqente mbi Toskën. Ishte viti 2001 kur ai megjithëse me precedent penal, u emërua anëtar i Komisionit Qendror të Zgjedhjeve. Megjithëse me akuzën e mitëmarrjes e me dosje, Toska fillon e ngjitet në hierarkinë shtetërore. Kryeministri Nano e emëroi fillimisht zëvendësministër e tashmë e ka propozuar për Ministër të Rendit Publik. Madje ky i fundit shtoi edhe se "Përparësia që ka figura e Igli Toskës është më e madhe se çdo figure tjetër. Ai ka kontribuar shumë në krijimin tonë si përfaqësues të legjislativit dhe duhet të vazhdojë të stimulohet." Indirekt kryeministri Nano thotë se puna e Toskës si anëtar i Komisionit Qëndror të Zgjedhjeve, ka shërbyer për përfaqësimin legjislativ të socialistëve, ndaj Partia duhet ta shpërvblejë atë. Dhe shpërblimi më i madh në këtë rast është emërimi i tij Ministër i Rendit Publik. Duke parë favoret që të krijon qenia Ministër i Rendit në një vend në tranzicion, Toska e harron me dëshirën më të madhe ish-profesionin e gjyqtarit.


--------------------------------------------------------------------------------

Moisiu: Po shqyrtoj emrat e ministrave

Emrat e propozuar nga Nano për qeverinë e re i kanë mbërritur dje në mbrëmje Presidentit Moisiu. Burime pranë Presidencës thanë për gazetën se kryeministri Nano ka sjellë me shkrim listën e emrave të personave të zgjedhur nga ai për ministra. Kjo ka ardhur menjëherë pas kërkesës së Presidentit Alfred Moisiu që lista e emrave të propozuar për ministra të mbërrijë tek ai me shkrim.

Presidenti i Republikës Alfred Moisiu gjatë një vizite me rastin e Krishtlindjeve në qytetin e Shkodrës deklaroi se është në shqyrtim e sipër të emrave të propozuar nga Kryeministri Nano për ministra. Presidenti Moisiu tha se ai dhe stafi i tij po punojnë për shqyrtimin sa më të shpejtë dhe të plotë të të gjithë figurave të ministrave të propozuar nga Nano. Kjo deklaratë e Presidentit Moisiu është bërë pas një vizite në arqipeshkvinë dhe famullinë ortodokse të Shkodrës me rastin e Krishtlindjeve.

Presidenti i Republikës Alfred Moisiu ka deklaruar më parë se nuk do të dekretojë asnjë ministër të përfolur, apo ato që ai i ka dekretuar një herë dhe janë rrëzuar në Kuvend. Kjo është një deklaratë publike e Presidentit e bërë disa herë dhe e kulmuar në mesazhin që ai lexoi disa ditë më parë në Kuvend. Në qeverinë e re të propozuar nga Nano qëndrojnë të paktën katër emra ministrash, të cilët nuk mund të kalojnë nga Moisiu, nëse ai do t'u qëndrojë deklaratave. Kështu Marko Bello, i propozuar për ministër shteti dhe Fatmir Xhafa i propozuar për Ministër Drejtësie, janë dekretuar më parë nga Moisiu dhe dekretet janë rrëzuar nga Kuvendi. Ata ishin propozuar respektivisht për postin e ministrit të jashtëm dhe ministrit të rendit. Ndërsa dy personat e tjerë, që kanë edhe precedentë penalë, janë Igli Toska dhe Namik Dokle. Toska është shkarkuar nga KLD si gjyqtar dhe është akuzuar më pas për mitëmarrje. Ndërsa Dokle ka pasur një proces gjyqësor të humbur me një agjent të SHIK-ut, për lidhje të tij me shërbimin sekret të Jugosllavisë.

Ndërsa përsa u përket figurave të përfolura, për të cilat Moisiu ka thënë se nuk do t'i dekretojë, janë Bashkim Fino dhe Anastas Angjeli. Ata janë akuzuar nga vetë kryeministri aktual Nano për lidhje me krimin e për korrupsion të stërmadh. Të paktën 6 emrat që Nano i ka dërguar Moisiut për dekretim, janë një sfidë e hapur për Presidentin. Atij i ngelet ose të nënshtrohet, ose të ruajë figurën e përfaqësuesit të unitetit të kombit.



-----------


Cfar spo degjojme..



Na dolli spiun Dokle...
Prandaj aq bukur dinte ai qerrata ti bente per vehte per te miren e Partise (SERBISE) Edvin Ramat, Frrok Cupat, Abaz Ermenet, Kurt Kolet, Agim Isaket e Rul Pashkot si dhe njesitet guerile te Hysni Kapos qe te beheshin vegla te Revolucionit te vonuar Qosist -Asfalist - tre gisht-rist-Enverist-Zabito-Frrok Cupist-Zan Nehat Caushist??

Kushedi cka ne sirtare UDB-a...

Te na Rroje Partia per Integrim..

[Shpirt Njeriu]

Kryetaret e PS, PSD, PBDNJ e PAD do te nenshkruajne ne oren 12.00 ne Pallatin e Kongreseve marreveshjen per ndertimin e Koalicionit per Integrim. Xhuveli dhe Milo do te vendosin gjate paradites nese do t'i bashkohen paktit te ri. Teksti i plote i dokumentit, me objektiv afatshkurter arritjen e Marreveshjes se Stabilizim-Asociimit me BE brenda gjashte muajsh



Fatos Nano do te udheheqe sot lideret e partive politike qe do te mbeshtesin qeverine e tij, per te firmosur Kushtetuten e Koalicionit per Integrim. Ne Pallatin e Kongreseve, kreret e PS, PSD, PBDNJ dhe PAD do te hedhin firmat ne oren 12.00 ne nje marreveshje qe do te jete baza e koalicionit te ri. Koalicion, te cilit mund t'i bashkohen sot edhe PDS e Milos apo agraro-ambjentalistet e Xhuvelit, qe do te mbledhin gjate paradites forumet partiake per te vendosur. Nano, Gjinushi, Dule e Ceka, dhe ndoshta Xhuveli e Milo, do te firmosin "vdekjen" e "Aleances per Shtetin" dhe lindjen e koalicionit qe synon t'i dergoje fituesit e zgjedhjeve parlamentare te 1997-tes dhe 2001-shit, drejt nje mandati te trete.

Pakti i partive politike percakton si objektiv afatshkurter te koalicionit arritjen e Marreveshjes se Stabilizim-Asociimit me Bashkimin Europian brenda gjashtemujorit te pare te vitit 2004. Nderkohe, si objektiv afatgjate Koalicioni per Integrim do te kete anetaresimin ne BE dhe NATO. "Kryeministri angazhohet te beje ndryshimet ne kabinetin qeveritar sipas parimit: cdo parti e ftuar ne koalicion te perfaqesohet me mirekuptim ne nivele te ndryshme te qeverisjes", thuhet ne tekstin e dokumentit, qe selia roze u ka shperndare aleateve. Megjithate, Nano ka perfunduar tashme listen e ministrave, duke percaktuar nga nje post per PBDNJ dhe PSD, krahas disa numrave dy ne dikastere. Ne projektin e liderit socialist eshte bashkepunimi ne nivele te dyta me PAD, PAA dhe PDS. Por kjo ka shkaktuar pakenaqesi te partite e vogla te Xhuvelit e Milos, qe pritet te marrin sot vendimin final per te qene ose jo te pranishem ne Pallatin e Kongreseve. Vendim qe do te reflektohet me pas ne votimin e se henes ne Parlament per ndryshimet ne qeveri. Nese edhe Xhuveli e Milo do te bashkojne votat e tyre, ne total 4, me qeverine e Nanos, atehere lideri socialist duket ta kete te siguruar kalimin e proves parlamentare, pavaresisht mosmiratimit nga disa mbeshtetes te Metes. Megjithate, nga vila 30, pulti i komandimit te Kryeministrit, buron siguri se gjithcka do te kaloje normalisht me 29 dhjetor dhe qeveria e re do te mblidhet 24 ore perpara mbylljes se vitit.

Reformat e koalicionit te ri

"Qeveria e "Koalicionit per Integrim", pa anashkaluar detyrimet qeverisese, do te fokusohet me perparesi ne dy plane kryesore: thellimin e reformave ne vend dhe pershpejtimin e negociatave per neshkrimin e Marreveshjes se Stabilizim-Asociimit", thuhet ne dokumentin qe do te firmosin sot lideret partiake. Nder reformat me prioritare, ku do te fokusohet ekzekutivi i ngritur nga Nano, nese merr miratimin me 29 dhjetor, do te jene ne ekonomi, administrate publike dhe rend e drejtesi. Ne fushen ekonomike si synimet themelore jane percaktuar miratimi dhe zbatimi i ligjit te kthimit dhe kompesimit te pronave, privatizimi i sektoreve strategjike, perkrahja per shtresat ne nevoje, perfshire shtresen e ish-te persekutuarve politike, si dhe reforma buxhetore. Ndersa ne administraten publike, Koalicioni per Integrim do te synoje permiresimin e kapaciteteve absorbuese, te burimeve njerezore, rishikimin e funksioneve dhe standartizimin e tyre, ngritjen e sistemit te vleresimit te punes se secilit, si dhe thellimin e reformes se sistemit te pagave. Per sa i perket reformes ne fushen e rendit dhe drejtesise, objektiva kryesore jane percaktuar lufta kunder trafiqeve, krimit te organizuar dhe korrupsionit e deri tek thellimi i reformes ne prokurori dhe gjyqesor.

Gjithashtu, anetaret e koalicionit te ri angazhohen te punojne se bashku me institucionet pergjegjese per perfundimin sa me pare te infrastruktures zgjedhore ne vend. Ne menyre te vecante, sipas dokumentit, do te riparohen difektet e evidentuara ne regjistrin zgjedhor, ndryshimet ne Kodin Zgjedhor, si dhe te te gjithe elementeve perberes te paketes ligjore elektorale, sipas rekomandimeve te OSBE-ODIHR, me qellim hyrjen ne zgjedhjet politike te parapergatitur.

Vendimmarrja

Partite perberese te "Koalicionit per Integrim" do t'i nenshtrohen disiplines politike te vendimarrjes se perbashket per ceshtje prioritare e politike. Megjithate, ato do te ruajne te drejten e vendimarrjes ne forumet e tyre per cdo ceshtje politike qe ka te beje me poziten e secilit ne koalicion. "Antaret e "Koalicionit per Integrim" jane pjese e vendimmarrjes se perbashket ne Parlament per te gjitha ceshtjet e rendesishme", thuhet ne dokument. Por, aty percaktohet se "grupet parlamentare te secilit anetar (parti) nuk mund te votojne kunder projekt-ligjeve te rendesishem qe mbeshteshin qendrueshmerine dhe reformat e qeverisjes per integrimin e vendit ne strukturat euroatlantike". Nder te tjera, marreveshja autorizon sekretaret e pergjithshem te partive si dhe kryetaret e grupeve parlamentare, per te percaktuar modalitetet per bashkepunim, ne menyre te detajuar. Ne menyre te vecante, numrat dy te partive do te merren me hartimin e marreveshjeve per vendimmarrjen ne Kuvend, si dhe per percaktimin e sigles se koalicionit.

MARREVESHJE E PARTIVE POLITIKE TE "KOALICIONIT PER INTEGRIM"

Sot me date 26 dhjetor ne Tirane, nenshkruesit e kesaj marreveshje, ketu e me poshte te njohur si "anetaret", rane dakort si me poshte vijon:

I. Objektivat

1- Anetaret bien dakort qe me nenshkrimin e kesaj marreveshjeje te krijohet "Koalicioni per Integrimin Euroatlantik te Shqiperise" (Shkurt: "Koalicioni per Integrim").

2- Objektivi afatshkurter i ketij koalicioni eshte nenshkrimi i marreveshjes se Stabilizim - Asociimit me Bashkimin Europian.

3- Objektivi afatgjate i koalicionit eshte anetaresimi i Shqiperise ne BE dhe NATO.

4- Antaret synojne te konsolidojne ritmin e zhvillimit te reformave integruese ne vend duke siguruar nje mbeshtetje sa me te gjere perfaqesuese, publike, politike dhe elektorale.

II. Permbajtja e marreveshjes

1- Antaret angazhohen te krijojne dhe te mbeshtesin qeverine e rikompozuar sipas vullnetit te tyre politik.

2- Kryeministri angazhohet te beje ndryshimet ne kabinetin qeveritar sipas parimit: cdo parti e ftuar ne koalicion te perfaqesohet me mirekuptim ne nivele te ndryshme te qeverisjes.

3- Qeveria e "Koalicionit per Integrim", pa anashkaluar detyrimet qeverisese, do te fokusohet me perparesi ne dy plane kryesore: thellimin e reformave ne vend dhe pershpejtimin e negociatave per neshkrimin e Marreveshjes se Stabilizim - Asociimit.

4- Reformat prioritare ne te cilat do te fokusohet qeverisja e koalicionit do te jene:

a- reformat ne ekonomi, qe perfshijne miratimin dhe zbatimin e ligjit te kthimit dhe kompesimit te pronave, privatizimin e sektoreve strategjike, perkrahjen per shtresat ne nevoje, perfshire shtresen e ish-te persekutuarve politike, reformen buxhetore etj.

b- Reformen ne administraten publike, qe perfshin permiresimin e kapaciteteve absorbuese ne administrate, permiresimin e burimeve njerezore, rishikimin e funksioneve dhe standartizimin e tyre, ngritjen e sistemit te vleresimit te punes se secilit si dhe thellimin e reformes se sistemit te pagave.

c- Reformen ne fushen e rendit dhe drejtesise, e cila fillon nga lufta kunder trafiqeve, krimit te organizuar dhe korrupsionit e deri tek thellimi i reformes ne prokurori dhe gjyqesor.

5- Antaret zotohen qe te punojne se bashku me institucionet pergjegjese dhe me ritem per perfundimin sa me pare te infrastruktures zgjedhore ne vend, ne menyre te vecante te riparoje difektet e evidentuara ne regjistrin zgjedhor, ndryshimet ne kod si dhe te te gjithe elementeve perberes te paketes ligjore elektorale, sipas rekomandimeve te OSBE-ODIHR, me qellim hyrjen ne zgjedhjet politike te parapergatitur.

6- Ne planin e jashtem, qeveria e "Koalicionit per Integrim", angazhohet te intensifikoje kontaktet ne nivel diplomatik me te gjitha vendet e Bashkimit Europian, per pershpejtimin e ritmeve te negociatave per Stabilizim - Asociim dhe perfundimin e tyre brenda 6 mujorit te pare te vitit 2004.

7- Antaret ne "Koalicionin per Integrim" i nenshtrohen disiplines politike te vendimarrjes se perbashket per ceshtje prioritare e politike.

8- Anetaret e "Koalicionit per Integrim" ruajne te drejten e vendimarrjes ne forumet e tyre per cdo ceshtje politike qe ka te beje me poziten e secilit ne koalicion.

9- Antaret e "Koalicionit per Integrim" jane pjese e vendimmarrjes se perbashket ne Parlament per te gjitha ceshtjet e rendesishme. Grupet parlamentare te secilit anetar nuk mund te votojne kunder projekt-ligjeve te rendesishem qe mbeshteshin qendrueshmerine dhe reformat e qeverisjes per integrimin e vendit ne strukturat euroatlantike.

III. Te ndryshme

1- Kjo marreveshje nenshkruhet nga te gjithe kryetaret e partive te Koalicionit per Integrim, ne baze te vullnetit te tyre dhe te forumeve drejtuese te tyre.

2- Sekretaret e pergjithshem te partive si dhe kryetaret e grupeve parlamentare, do te percaktojne modalitetet per bashkepunim, ne menyre te detajuar. Ne menyre te vecante, marreveshjet per vendimmarrjen ne Kuvend, si dhe per percaktimin e sigles se koalicionit.

[MICH]

kur ka pislliqe asiher smundesh me bo perpara . se sle zoti.

[Albo]

Në një seancë të jashtëzakonshme, Parlamenti miratoi të gjitha dekretet e presidentit

Prapaskenat e miratimit të qeverisë

Zvogëlohet numri i kundërshtarëve të Nanos, vetëm 8 s’marrin pjesë. Opozita braktis votimin

Nevila Përndoj

TIRANE - Pas 6 muaj përpëlitjesh, Kuvendi i dha mbrëmë fund krizës qeverisëse, duke miratuar kabinetin e ri. Me shumicë votash mbrëmë maxhoranca me ndonjë ndihmë të vogël të opozitës miratoi dekretet e emërim –shkarkimeve të presidentit Alfred Moisiu. Në mungesë të grupit parlamentar të Partisë Demokratike, të cilët më parë kanë kërkuar shpjegim vote për çdo votim të dekretit, kryetari i Kuvendit Servet Pëllumbi ka vazhduar procedurën e miratimit të çdo dekreti të presidentit. Në votimin e djeshëm kanë munguar edhe 8 deputetë të cilësuar si kundërshtarë të kryeministrit Fatos Nano. Kështu Ilir Meta, Monika Kryemadhi, Spartak Braho, Mustafa Muçi, Sabit Brokaj, Limoz Dizdari dhe Ndre Legisi pasi kishin shpërndarë një njoftim për shtyp para seancës nuk ju bashkuan pjesës tjetër që votoi pothuajse unanimisht pro dekreteve. Ndërsa kanë qenë të pranishëm dhe kanë votuar pro emërimit të ministrave të rinj katër nga kundërshtarët e Nanos, Eduart Alushi, Gjergji Koja, Ilir Zela dhe Ardit Kaja.

Opozita braktis sallën

Që në nisje të seancës opozita kërkoi që votimi të mos zhvillohej pasi sipas saj ishte e papranueshme që në një dekret të votohej edhe për emërimin, edhe për shkarkimin. Po kështu nënkryetarja e PD-së Topalli, tha se presidenti nuk mund të dekretonte për ministra persona që ishin rrëzuar pak kohë më parë nga Kuvendi. Nga ana tjetër, opozita kishte bërë një plan sipas të cilit, çdo deputet i saj të kërkonte fjalën për të sqaruar votën kundër pas çdo votimi. Duke synuar që të zgjaste seancën, PD kërkoi 30 minuta pushim, pas të cilit Pëllumbi menjëherë nisi procedurën e votimit. Deputetët e PD-së u ngritën në këmbë dhe kontestonin me zë të lartë pranë tij hapjen e votimit. Por ndërkaq tabela kalonte dekretin e parë, në një situatë të tillë grupi i PD-së braktisi sallën.

Votimi

Votimi i parë filloi me shkarkimin nga posti i zv/kryeministres Ermelinda Meksi dhe njëkohësisht emërimit të saj si ministre e Integrimit me 78 vota pro. Kundër kanë votuar vetëm deputetët e PR, PLL, PR dhe PBL të cilët kanë qenë të pranishëm gjatë gjithë votimit përveç deputetit legalist Et’hem Fejzollari, i cili mungoi seancën e djeshme. Më pas, është miratuar dekreti për emërimin si zv/kryeministër i Namik Dokles me 76 vota pro. Të njëjtin numër deputetësh mori edhe dekreti i presidentit për emërimin e Arben Malajt në postin e ministrit të Financave. Edhe dekreti për emërimin e Anastas Angjelit në postin e ministrit të Ekonomisë ka kaluar mbrëmë me këtë numër votash. Ndërsa për dekretin e presidentit për shkarkimin nga posti i ministrit të Drejtësisë Spiro Peçi ka abstenuar deputeti Ilir Zela bashkë me dy deputetët të tjerë, ndërsa është miratiuar shkarkimi i tij me 74 vota. Ministri i Drejtësisë, Fatmir Xhafa ka marrë mbrëmë 76 vota pro bashkë me dy deputetët reformatorë, Nard Ndoka dhe Qazim Tepshi. Kryetari i deputetëve reformatorë, Nard Ndoka sqaroi mbrëmë për “Shekullin” se ishte një gabim elektronik gjatë votimit të tij. Kuvendi miratoi mbrëmë edhe shkarkimin e Besnik Dervishit nga posti i ministrit së Rregullimit dhe Territorit duke miratuar edhe pasardhësin e tij Bashkim Fino me 76 vota pro. Ministri i Shëndetësisë Mustafa Xhani është rrëzuar me 72 vota dhe në vend të tij është miratuar deputeti socialdemokrat Engjëll Bejtaj me 75 vota për të cilin kanë abstenuar deputetët Maksim Begeja dhe Nard Ndoka. Ra në sy se për emërimin e Blendi Klosit si ministër Kulture abstenuan Skënder Gjinushi dhe Ardit Kaja. Eshtë rrezikuar dje edhe dekreti për shkarkimin nga posti i ministrit të Mjedisit, Lufter Xhuvelin, me 67 vota për të cilin kanë abstenuar deputetët, Ligoraq Karamelo, Vladimir Malo, Ndue Preka dhe Zyhdi Pepa. Ndërsa për pasardhësin e tij, Ethem Ruka, kanë votuar 73 deputetë dhe kanë abstenuar deputetët Aleksandër Garuli, Bahri Kollçaku dhe Arjan Starova. I votuar mbrëmë ka qënë edhe deputeti Marko Bello në postin e ministrit të Shtetit me 77 vota pro. Ndërsa ministri i Rendit Igli Toska është votuar me 76 vota pro ndërsa deputeti Ilir Zela nuk ka marrë pjesë në votim.

TIRANË - Votat e katër deputetëve, Zela, Alushi, Koja e Kaja që tani nuk mund të cilësohen më si kundërshtarë të kryeministrit, dje patën një rëndësi vetëm nga ana formale dhe politike, pasi me 128 deputetë të pranishëm në sallë, nevojiteshin vetëm 65 vota pro. Nga ana tjetër ajo që bie në sy është reduktimi në tetë, i deputetëve kundërshtarë të kryeministrit. Ndërsa para pesë muajsh në votimin e Marko Bellos për ministër të Jashtëm kundër votuan 15 deputetë socialistë, Nano arriti që dalëngadalë, përfshi edhe periudhën e kongresit, të shkëpusë me radhë Flamur Rrogun, Bashkim Finon, Anastas Angjelin dhe dje Zelën, Kojën, Alushin e Kajën. Një mbështetje e madhe numerike që ra edhe dje në sy, ishin nga ana tjetër votat e aleatëve që kanë qenë kundër herët e tjera. Kështu me futjen në qeveri të PSD-së, tre votat e Gjinushit, Bejtjes dhe Apostolit si dhe dy votat e Karamelos e Goxhit të PBDNJ-së, i siguruan kryeministrit një kalim pa probleme të dekreteve. Plotësimi i qeverisë u bë dje pas 6 muaj boshllëk. Qysh nga dorëheqja e Ilir Metës nga posti i zv/kryeministrit dhe ministrit të Jashtëm, Sokol Nakos nga ministër Integrimi si dhe e Luan Ramës nga Rendi, qeveria nuk arriti të plotësohej pasi dështuan dy herë tentativat në Kuvend për miratimin e dekreteve.

[Albo]

Ministrat e dekretuar dhe të miratuar në parlament bëjnë sot betimin te Presidenti rreth orës dhjetë të paradites

Presidenti jep OK për qeverinë. “Nano të mbajë përgjegjësitë”

Moisiu: Pse dekretova edhe emrat e përfolur të qeverisë

Luljeta Progni

Presidenti Moisiu ka dekretuar dje të gjitha propozimet e Kryministrit Nano për ndryshimet në kabinetin qeveritar.

Zëdhënësja e Presidentit ka bërë dje publike dekretimin e emrave të ministrave nga ana e Presidentit Moisiu. Rreth orës dhjetë të paradites së djeshme zëdhënësja e Presidentit tha se: ”Presidenti i Republikës ka shqyrtuar me përgjegjësi ligjore të gjithë emrat e propozuar dhe i ka firmosur ato. Në këtë mënyrë dekretimi i ministrave të rinj është bërë në respekt dhe në zbatim të kompetencave kushtetuese të Presidentit. Në bazë të Kushtetutës së Shqipërisë, neni 98 pika 2, është Kuvendi i Shqipërisë institucioni që shqyrton dekretet e shkarkimit dhe emërimit të ministrave”, thuhej në deklaratën për shtyp të Presidencës. Propozimet e Kryeministrit kanë ardhur te Presidenti më datë 25 dhjetor, ndërsa dekretimi i tyre nga Presidenti është bërë pas katër ditësh.

Ministrat betohen te Presidenti

Ministrat e dekretuar dhe të miratuar në parlament bëjnë sot betimin te Presidenti rreth orës dhjetë të paradites. Kreu i shtetit ka bërë sqarim edhe përsa i përket qëndrimit të tij të disa ditëve më parë në parlament, ku pati deklaruar se nuk do të dekretojë emra të përfolur për korrupsion në qeverinë e re, dhe është detyruar t’i dekretojë pikërisht ata emra në drejtim të të cilëve janë hedhur akuza mjaft të rënda. “Presidenti i Republikës e quan me vend të sqarojë opinionin publik se deklarimi i tij bërë në mesazhin drejtuar Kuvendit të Shqipërisë, datë 18 dhjetor 2003, “që në listën e emrave të rinj nuk duhet të përfshihen figura të përfolura dhe akuzua nga vetë drejtuesit e lartë të Ekzekutivit, pa dhënë më parë sqarime publike për ta”, është shprehje e konceptit të tij për nevojën e injektimit të moralit në politikë. Bindja e Presidentit është se anëtarët e kabinetit qeveritar dhe funksionarë të tjerë të lartë është e domosdoshme të gëzojnë autoritet moral dhe besueshmëri. Presidenti i ka bërë të njohura rezervat e tij për ministra të caktuar edhe në takimet me Kryeministrin”, thuhet në deklarimin e djeshëm për shtyp të Presidentit, pasi kishte deklaruar pikërisht emrat e përfolur për korrupsion në qeverinë e re të kryesuar nga Kryeministri Nano. Dekretimin e propozimeve të Kryeministrit për emërimin në poste ministrore të figurave politike të përfolura për korrupsion, Moisiu e ka cilësuar si zbatim të detyrës funksionale që Presidenti duhet në çdo rast t’i japë përparësi absolute gjykimit ligjor: ”Megjithatë, në zbatim të detyrës funksionale Presidenti në çdo rast do t’i japë përparësi absolute gjykimit ligjor dhe kushtetues”, thuhej në deklarimin e Presidentit.


Gjykata e Lartë: Nuk ka ministra me dosje

Institucioni i Gjykatës Kushtetuese ka deklaruar nëpërmjet një njoftimi për shtyp se, nuk ka asnjë çështje në këtë gjykatë në ngarkim të personave që janë propozuar për ministra në kabinetin e ri qeveritar. Pas debateve të hapura për akuzat e bëra ndaj disa prej figurave që janë përfshirë në kabinetin qeveritar dhe reagime të Presidentit në këtë pikë, Gjykata Kushtetuese ka sqaruar dje: ”Mbi verifikimet e bëra në arkivin e Gjykatës së Lartë nuk rezulton që në këtë gjykatë të jetë paraqitur për shqyrtim dhe të jetë gjykuar ndonjë çështje penale, civile apo administrative, në ngarkim të ndonjë personi të propozuar për detyrën e ministrit”. Ky institucion ka cilësuar abuzime të shtypit komentet e ditëve të fundit për këtë çështje dhe thekson se do të jetë transparente përsa i përket kësaj çështje.


Opozita akuzon Presidentit për dekretimet e ministrave
Berisha: Moisiu, pjesë e korrupsionit

Presidenti i Republikës dëshmoi nëpërmjet dekretimit të këtij kabineti se nuk është një institucion jo aktiv ndaj luftës kundër korrupsionit, por pjesë e korrupsionit. “Me qëndrimin e tij në parlament dhe para parlamentit si dhe në media, Moisiu deklaroi se nuk do të dekretonte emra të përfolur. I takon atij t’i kërkojë të falur publikut për mashtrimin që bëri, sepse një president nuk mund të mashtrojë qytetarët e tij dhe ky është një mashtrim skandaloz”, tha kreu demokrat. Sipas tij, ky qëndrim i kreut të shtetit ka ardhur si pasojë e presionit të Kryeministrit. “I diktuar nga klani i Zemunit apo klane të tjera është për t’u vërtetuar, por ai ishte zotuar se emra të përfolur nuk do të dekretonte. Por dekretimi ishte mungesë totale e vullnetit të Presidentit për të qëndruar përballë korrupsionit, duke marrë mbi vete bashkëfajësinë e paraqitjes së një kabineti me kredencialet më të nxira në historinë e vendit”, tha ai. Berisha ripërsëriti edhe një herë faktin se një President nuk mund të mashtrojë, sikurse veproi Moisiu. Po ashtu edhe nënkryetarja e PD-së, Topalli, u deklarua dje se e kishte për turp që kishte votuar para dy vjetësh për Moisiun, i cilësuar si President konsensual, në një kohë që ai po tregon me veprimet e tij se nuk po mbron interesat e vendit, por ato të një klase të caktuar. “Nëse para dy vitesh e mbështeta kandidaturën e Moisiut mund të them se ndjehem e turpëruar për një vendim të tillë, pasi me qëndrimet e tij ai po tregon se nuk është konsensual, por në shërbim të një klase të caktuar, atë të mazhorancës”, tha ajo.


Tryeza e opozitës
Dështon takimi, nuk ka alternativa

Partitë e djathta nuk kanë arritur të gjejnë një gjuhë të përbashkët për qëndrimin më të fundit që ata duhet të mbajnë ndaj dekretimit të qeverisë në Kuvend, apo qeverisë së mazhorancës në ditët e ardhshme. Kryetari i Partisë Republikane, Fatmir Mediu, njëkohësisht edhe iniciues i kësaj tryeze, theksoi se tashmë ka ardhur koha që të gjitha partitë e spektrit të djathtë duhet të kenë një qëndrim të përbashkët, jo vetëm në votën kundër dekreteve për kabinetin e ri të Kryeministrit Nano, por edhe për platformën që duhet të ndjekë opozita në të ardhmen. “Ne duhet të kemi si përparësi një objektiv, krijimin e zgjedhjeve të lira e të parakohshme dhe, kjo arrihet nëse do të tregojmë se vërtetë jemi unikë në qëndrimet tona dhe, kjo mbështetet nga shumica e qytetarëve shqiptarë”, tha ai. Megjithatë, sipas tij, opozita ende nuk ka gjetur rrugët e duhura për të ardhur në pushtet, pasi vetë të djathtët po tregohen të përçarë për çështje tepër të rëndësishme si pronat, apo kompensimi i ish-të përndjekurve politikë. Pavarësisht nga këto rezerva të fundit, idenë e një qëndrimi unik për opozitën mbi qeverisjen e vendit e ka mbështetur edhe sekretari i Përgjithshëm i Partisë Demokratike, Ridvan Bode, si dhe nënkryetari i kësaj force politike, Bamir Topi, të cilët deklaruan se përballë situatës aktuale, e cila dëshmon për një dështim total të qeverisë, opozita duhet të jetë e unifikuar. “Ne duhet të tregojmë para elektoratit se kemi alternativa të qarta dhe programe për të ardhur në pushtet”, tha Bode. Por, ndonëse deklaratat e mësipërme për një qëndrim të përbashkët kundër kabinetit të ri qeveritar kanë gjetur mbështetjen e 9 partive politike të djathta, Partia Demokratike, Partia Republikane, Partia Demokrate e Re, ajo Demokratike e Rinovuar, Lëvizja e Legalitetit, Balli Kombëtar, Balli Kombëtar Demokrat, Bashkimi Liberal Demokrat si dhe Partia Demokristiane, ka patur kontestime për politikën që po luan e djathta. “Duke dëshmuar një politike unike të djathtë, e cila duhet të hartojë një platformë të qartë për të djathtën, unë do të theksoja se ky unifikim duhet të bëhet me ide të qarta. Në këtë drejtim do të kërkoja zhvillimin në çdo dy muaj të një tryeze mes partive të djathta, e cila duhet të shoqërohet edhe me një rotacion, pra drejtimin e tryezës mos ta ketë vetëm një forcë politike, sikurse jemi mësuar ta shohim deri tani”, tha ai. Por më i ashpër në qëndrimet e tij ka qenë kryetari i Partisë Lëvizja e Legalitetit, Ekerem Spahia, i cili ka theksuar se nuk mund të kërkohet kriza te mazhoranca, në një kohë që ajo është më e theksuar te vetë opozita. “Mazhoranca ka treguar se nuk është në krizë, sikurse ne deklarohemi, pasi ata i mbyllin problemet e tyre. Ne jemi ata që po shfaqim dobësi dhe mangësi. Së pari, ne ishim ata që i dhamë mazhorancës mundësi të qeverisë me përzgjedhjen e Presidentit, kur mund të kishim kaluar vendin në zgjedhje të parakohshme apo janë deputetët tanë që po bojkotojnë Kuvendin, kur kërkohet vota kundër dekreteve për ministrat e rinj”, tha ai. Sipas Spahisë, opozita po kalon një vështirësi të madhe, atë të mungesës së alternativës së qartë për ardhjen në pushtet.

[lis]

Shikoni se kush e drejton Shqiperine
Nje bullgar dhe nje grek.
Kur ka ngelur ky vend per tu qeverisur edhe nga Namik Dokle, mos ngelte edhe kembe afrikani pa bere shurren ne zyrat e qeveritareve te shtetit.
Une shqipetar??????????????
Poooo, shippppp-tar

Votat pro ministrave të propozuar nga Nano

- Namik Dokle, zv.kryeministër, 75 vota

- Igli Toska, ministër i Rendit 76 vota

- Kastriot Islami, ministër i Jashtëm 77 vota

- Arben Malaj, ministër i Financave 76 vota

- Fatmir Xhafa, ministër i Drejtësisë 76 vota

- Blendi Klosi, ministër i Kulturës 74 vota

- Anastas Angjeli, ministër i Ekonomisë 75 vota

- Bashkim Fino, ministër i Turizmit 76 vota

- Et'hem Ruka, ministër i Mjedisit 73 vota

- Marko Bello, ministër i Shtetit 77 vota

- Ermelinda Meksi, ministre e Integrimit 78 vota

- Leondar Solis, ministër i Shëndetësisë 76 vota

- Engjell Bejtaj, ministër i Punës 75 vota