Qeveria e re votohet ne parlament, opozita braktis votimin

[dodoni]

Duket se qeveria shpejt do ta kaloi krizën dhe ta marr veten.
Nano me votat e KPD-istëve të PS duket se siguroi prapë fronin e PS-së dhe me koalicionin me PDR-në do ti kaloi edhe ata dy ministra.

Tung

[krokodili_73]

Cilët janë emrat e përfolur
Negociatat për qeverinë e re, kanë nxjerrë në skenë edhe emrat e parë. Keshtu, pritet që nga mbështetësit e Metës do të hyjnë në qeveri dy emra dhe përfliten emrat e Bashkim Finos dhe Sabit Brokajt, përkatësisht në postet e Ministrisë së Turizmit dhe Ministrisë së Shëndetësisë. Ndërkaq, burime nga kampi i deputetëve të Metës dhe njerëz praën Brokajt thanë dje për Gazetën se Sabit Brokaj, nuk do të pranojë as Ministrinë e Shëndetësisë dhe as atë të Mbrojtjes që e ka pasur më parë. Ndoshta synimet e tij shkojnë deri tek Ministria e Rendit Publik, e cila aktualisht drejtohet nga një zv.ministër i emëruar me vendim qeverie. Pritet që edhe Genc Pollo të pranojë ofertën e bërë nga socialistët për të marrë pjesë në qeveri. Nuk dihet nëse do të jetë i njëjti kusht i vendosur nga demokratët e rinj dhe nëse ata do të presin kongresin e PS. Nano pritet të largojë nga detyra edhe ministrin e Turizmit Besnik Dervishi, duke hapur kështu edhe një vend tjetër për një emërim të ri në kabinet. Ndërsa ende nuk janë përfolur emrat, të cilët do të futen në kabinet nga ana e kryesocialistit. Zgjidhja e bërë pritet të jetë e përkohshme deri në përfundim të kongresit të PS-së.

Sa skandaloz qe jemi si komb. Duam te bejme qeveri me dy persona jo te djegur po qe po te ekzistonte morali qytetar perpara ligjit dhe seriozitetit te shtetit, keta dy palaco duhet te ishin shkelmuar jashte politikes e shoqerise. Me ke ta kapim te parin, me finon qe i beri fundin e zi kontrabandes apo qe na shkoi e na qante ke varri mirit te xhikes 'se i kishte majt me buk te gjith' apo sabit brokajn qe la nam me gomonet apo qe ska te drejte morale pasi u kap me brek ne kembe ne zyren e shtetit. Ilirt meta dhe grupi i tij pucist ka po aq vlera sa dhe nano me gaz demin, por ne mungese te nje opozite serioze dhe te besueshme per pushtetin, plus votimet klanore e me partishmeri te shqiptareve, figura te tilla te ndyra vashdojne dhe levrojne neper kryet e administrates se shtetit. Sa keq te vjen.
Krokodili

[Hek]

Në ditën e dytë të Konferencës për harmoninë fetare, Moisiu po diskutonte me klerikët për tolerancën e lartë fetare që ekziston në Shqipëri. Unë, - tha Moisiu duke vazhduar fjalën, - dua mendimet tuaja se si duhet të sillet politika me ju, që kjo harmoni të ruhet dhe më tej.

Kryepeshkopi Janullatos që po e dëgjonte me vëmendje ndërhyri me takt.

-Ne si komunitet ortodokos jemi të kënaqur, - tha Fortlumturia e tij, - pasi toleranca fetare është në maksimum. Ne kemi edhe presidentin, edhe kryeministrin, propozuam edhe dy ministra të jashtëm...

-Edhe ne, - u hodh katoliku, - të kënaqur jemi, se ja shikojmë Ndre Legisin në KPD dhe na bëhet zemra mal!

-Po ju myslimanët? - iu drejtua Gjinishit, Moisiu, - a jeni të kënaqur nga politika?

-Vallahi, të kënaqur jemi, - tha Gjinishi, - derisa desht Zoti e nuk na ka përzier në një qeveri me ju.



Gazeta "Tema"

[Albo]

Berisha: Moisiu të paraqitet në Kuvend

Kryetari i Partisë Demokratike Sali Berisha i ka kërkuar dje Presidentit Moisiu të pozicionohet qartë në mbrojtje të Kushtetutës. Gjatë bllokimit të djeshëm të Kuvendit nga ana e opozitës, Berisha ka kërkuar nga Moisiu të paraqitet në Parlament e t'i drejtohet Kuvendit për situatën e krijuar. "Unë i kërkoj me urgjencë Presidentit ose të shpërndajë Parlamentin, ose të vijë këtu në Parlament t'i drejtohet legjislativit. Nuk mund të tolerohet kjo situatë. Nëqoftëse zoti President e toleroi gjendjen pa ministër të Jashtëm, i rikujtoj se ka bërë një gabim shumë të rëndë. Se nuk mund të heshtësh si kryetar shteti kur dhunohet Kushtetuta," deklaroi Berisha.

"Presidenti të dalë t'i flasë kombit, të mos fshihet prapa gishtit", deklaroi Berisha. Sipas tij, është koha kur Moisiu duhet të pozicionohet qartë në funksionin e kreut të shtetit. Kryetari i PD-së tha se opozita nuk mund të tolerojë këtë situatë, kur krerët e shtetit fshihen pas njëri-tjetrit. "Kurse këtu vendos klani i "Zemunit", këtu vendos padrinoja, përfaqësues i klanit më të fuqishëm të ekonomisë kriminale të vendit. Këtu klani i "Zemunit" organizon porno-aleanca, urdhëron porno-aleancat. Këtu klani i "Zemunit" urdhëron fasadë-kandidatët, këtu vendos krimi dhe jo ligji, këtu vendos krimi dhe jo Kushtetuta," deklaroi Berisha gjatë seancës së djeshme parlamentare.

Duke vazhduar polemikën e tij Berisha i ka kërkuar edhe kryetarit të Kuvendit të japë dorëheqje, pasi sipas tij është Pëllumbi dhe Moisiu që duhet t'i japin udhë zgjidhjes së krizës. Opozita ka bllokuar edhe ditën e djeshme seancën parlamentare. Berisha ka deklaruar se opozita është e vendosur të çojë deri në fund iniciativën e saj në mbrojtje të Kushtetutës së vendit.

[Veshtrusja]

Edi Rama: Kriza në PS nuk është spontane, por e mbartur

Lajmi i ores 6:30 PM

TIRANE (26 Nëntor) - Kryetari i Bashkisë së Tiranës dhe kandidat për kreun e PSSH-së, Edi Rama, mori pjesë në Konferencën e 9-të të degës së PS-së së rrethit të Librazhdit. "Tashmë kriza në PS është më evidente se sa kurrë. Ajo nuk është spontane, por e mbartur e që po thellohet çdo ditë e më shumë, ndaj kërkohet ndërhyrje e menjeherëshme", u shpreh kandidati për kreun e PSSH-së, Edi Rama."Problemi nuk është se kush do të jetë kryetari i PS-së, por a do ta lemë PS-në të ecë drej rënies dhe qeverisjen ta lemë në kolaps, duke krijuar terren më të mirë për opozitën", iu drejtua Rama socialistëve të Librazhdit. Ai u shprehn se, qëndrimi i PS-së në pushtet është falë drejtimit të opozitës nga Berisha.Ndërsa anëtari i Kryesisë së PS-së, Namik Dokle, i cili mori pjesë në këtë konferencë, u shpreh se, "situata në PS është e vështirë, por vendimi i mbrëmshëm, i hap rrugë stabilitetit".

Tani shprehet keshtu Rama, tani qe ska perkrahjen e Nanos. Tani qe i ka hyr frika...

[lis]

META: NANO DUHET TE JAPE DOREHEQJE

Deputetet socialiste nuk kane dale ne asnje qendrim konkret lidhur me vendimin e kryesise se PS-se. Madje nje pjese e tyre jane treguar skeptike ne "reflektimin" e kryeministrit dhe kryetarit te PS-se, Fatos Nano, per nje rikompozim te plote te qeverise se drejtuar nga ai. Kundershtari politik i tij brenda kupoles roze, ish-kryeministri Ilir Meta, eshte shprehur skepetik ndaj ketij vendimi. Madje ai u shpreh se Nano duhet te jape doreheqjen nese duhet bere nje lufte konkrete kunder terrorizmit. Deklarata e tij vjen pas asaj qe deklaroi Nano, ku nder te tjera theksoi se kriza qeverise ndihmon ne aktivizimin e terrorizmit. "Jo rikompozim, por doreheqja e Nanos eshte forma me efektive e luftes kunder terrorizmit", vuri ne dukje Meta. Sipas tij reflektimi i Nanos nuk duhet besuar, qe per te mbetet nje ceshtje per te shtyre kohe. "Te gjithe ato qe besojne se Nano ka ndryshuar gabojne dhe behen pjese e mashtrimit dhe hipokrizise ne kurrizin e popullit shqiptar", u shpreh ai lidhur me kete argument. Duke i qendruar ketij mendimi, i cili ka gjetur mbeshtetje dhe tek deputetet qe qendrojne ne krah te tij, per ta mbetet thelbesore qe Nano te largohet nga qeverisja.

Spartak Braho

Nuk jemi njohur zyrtarisht me qendrimin e kryesise. Gjithsesi kam pershtypjen qe eshte nje ceshtje qe ka te beje me fitimin e kohes ne favor te Nanos. Rezervoj te drejten per t’u shprehur ne mbledhjen te grupit

Sabit Brokaj

Ideja e rikompozimit qe ka qene ide konkretisht e promemories, eshte realizuar, po ta shikosh edhe pse vone. Por te shikojme procesin e konkretizimit te saj. Ne na shqeteson fakti qe klima e shtensionimit ne konferenca nuk eshte realizuar dhe ky eshte nje problem serioz.

Mustafa Muci

Per aq kohe sa nuk kemi dijeni per ate cfare ka ndodhur ne kryesi dhe cili eshte qendrimi apo argumentat te cilat do te mbeshtesim

eshte e pamundur per te dhene nje gjykim. Deri tani kemi degjuar nga kryeministri te na etiketoje ne deputeteve dhe njerez te tjere shprehje nga me te ndryshmet, por realisht nuk kemi degjuar prej tij se kush eshte qellimi, cila eshte ideja per te cilen kerkohet nje rikompozim i tille, aq me teper kur behet fjale per numra, pra behet fjale jo me per dy, por per gjashte ministra. Per kete arsye eshte e veshtire te shprehesh nje qendrim, perderisa nuk njihen argumentat.

Bashkim Fino

Natyrisht zgjidhja ideale per mendimin tim, qe e thashe dhe ne mbledhjen e kryesise, do te ishte mbase perfundimi i Kongresit te PS-se. Pas kesaj do te ishte fare normale, riberja e thelle e nje qeverie te re socialiste. Por per nje sere faktoresh te cilat kryetari dhe kryeministri paraqiti, mendoj qe duhen marre ne konsiderate dhe fakti qe kryeministri tashme kerkon nje mirekuptim te reflektoje, te bisedoje me grupin parlamentar socialist eshte nj- lloj poziviteti. Nese grupi do te beje nje ndryshim te ketyre gjashte portofoleve dhe te arrije me pas te beje kete ndryshim total qe sipas mendimit tim duhet te behet pas perfundimit te Kongresit te PS-se.

[Albo]

Presidenti i përgjigjet opozitës. “S’jam monark të dhuroj pushtete të pavotuara”

Moisiu: Nano të japë dorëheqjen

“Krizës i duhet dhënë fund sa më parë sipas Kushtetutës. Por Nano mund të japë dhe dorëheqjen”

Nevila Përndoj

TIRANE - Presidenti Moisiu i ka kërkuar dje kryeministrit Nanos se mund të japë dorëheqjen nëse sheh se nuk ka mjete të tjera për të zgjidhur krizën që ka mbërthyer qeverinë prej disa muajsh. Për herë të parë që pas mosmiratimit të dekretit të presidentit për kandidatin për ministër të Jashtëm Marko Bello, dje presidenti Alfred Moisiu kërkoi dorëheqjen e kryeministrit Fatos Nano në rast se ky i fundit nuk gjen asnjë zgjidhje tjetër. Pas pjesëmarrjes në konferencën e organizuar me rastin e ditës së luftës kundër SIDA-s, presidenti tha se, kjo krizë po zgjatet e po stërzgjatet. Duke riktheksuar mendimin e tij të shprehur dhe më parë ai vuri në dukje se, është në pritje të zgjidhjes së saj nga maxhoranca, që “e ka vëritur shumë këtë çështje, pavarësisht nga problemet që ka”. “Unë mendoj se kësaj krize i duhet dhënë fund sa më parë dhe mjetet e saj janë Kushtetuta me mocionin e besimit dhe mosbesimit, por në të njëjtën kohë kryeministri mund të japë dhe dorëheqjen, nëse e sheh të pamundur të gjejë një zgjidhje”, -tha presidenti Moisiu.

Replika për PD

Kreu i shtetit i ka kthyer gjithashtu përgjigje edhe këmbënguljes së opozitës që ai të ndërhyjë për shkarkimin e kryeministrit Fatos Nano. Presidenti Moisiu ka theksuar se në një republikë parlamentare nuk i takon presidentit por Kuvendit që të zgjidhë çështjen në fjalë. Moisiu kujtoi gjithashtu se ai respekton Kushtetutën dhe institucionet e tij. “Ne jemi republikë parlamentare dhe unë nuk jam monark që dhuroj pushtete të pavotuara dhe as mund të heq pushtetet e votuara”, – nënvizoi presidenti Moisiu. Mendimi i tij është që “çdo strukturë tjetër ose opsion paralel, nuk mund t'i kundërvihet Kushtetutës dhe institucioneve të shtetit qofshin këto struktura partiake apo grupe të pakënaqurish”. Presidenti Moisiu vuri në dukje se, vendi po përgatitet të hyjë në NATO dhe në BE, dhe “për këtë po punohet dhe duhet punuar më shumë”. “Në këtë kuadër kërkesa kryesore, rregulli numër një është ndërtimi dhe realizimi i demokracisë dhe në qoftë se ne nuk mësohemi dhe nuk i zbatojmë këto rregulla siç duhet, e ardhmja jonë drejt këtyre strukturave vështirësohet duke penalizuar të gjithë vendin, popullin dhe shoqërinë”, -tha dje Moisiu. Pavarësisht qëndrimit të tij, presidenti Moisiu sërish nuk ka bërë të qartë faktin se kur do t’i drejtohet Kuvendit përmes mesazhit që ai kishte premtuar gjatë takimit të zhvilluar me krerët e grupeve parlamentare të opozitës. Në takimin e zhvilluar, edhe me krerët e grupeve parlamentare të maxhorancës, presidenti Moisiu është shprehur se dy janë mënyrat kushtetuese për zgjidhjen e krizës, mocioni i besimit që duhet të kërkohet nga kryeministri Fatos Nano dhe ai i mosbesimit i kërkuar nga opozita dhe një pjesë e maxhorancës.

[dordi1]

Në Uashington ndodhet këto ditë një grup drejtuesish shqiptarë të disa institucioneve private dhe jo qeveritare me ftesë të Departamentit të Shtetit për bisedime me zyrtarët amerikanë mbi rolin e Shqipërisë në luftën kundër terrorizmit. Dy prej tyre, Presidenti i Institutit për Studime Bashkëkohore Genc Ruli dhe Drejtori i Institutit të Mediave Remzi Lani i dhanë të mërkurën një intervistë Zërit të Amerikës:
Zëri i Amerikës: Zoti Lani, cili është qëllimi i vizitës suaj në Shtetet e Bashkuara?

Remzi Lani: Ne erdhëm në Washington të ftuar nga Departamenti i Shtetit, në një vizitë të organizuar nga ambasada (amerikane) në Tiranë, për takime në institucionet amerikane, në Departamentin e Shtetit, në Këshillin e Sigurisë Kombëtare, lidhur me rolin e Shqipërisë në koalicionin anti-terrorist, me rolin e faktorit shqiptar në përgjithësi në Ballkanin e sotëm dhe sidomos me çështje që lidhen me imazhin e Shqipërisë në botë. Gjatë takimeve që patëm, ne shprehëm një shqetësim që lidhet me identifikimin e Shqipërisë në terma fetare që haset herë pas here, më saktë me karakterizimin e Shqipërisë si një vend islamik i moderuar, apo si një vend islamik demokratik. Ne i mirëkuptojmë arsyet se përse përdoret kjo terminologji, megjithatë ne besojmë seriozisht, gjë që u shpreh edhe në Tiranë gjatë një konference ndërkombëtare që u zhvillua dy-tre javë më përpara se çdo identifikim i Shqipërisë me terma fetare, është i gabuar dhe kundërproduktiv. Shqipëria është thjesht një vend multifetar, me një bashkëjetesë dhe harmoni fetare të admirueshme, çka në fakt është një nga gjërat që do t’i shërbente përmirësimit të imazhit të Shqipërisë në botë, një gjë që ne duhet ta promovojmë akoma më shumë. Ne mendojmë se përdorimi i termave si vend islamik i moderuar, apo vend islamik demokratik nuk na ndihmon dhe shpresoj, jo shpresoj, por besoj se gjetëm mirëkuptimin e bashkëbiseduesve tanë këtu në Washington.

Zëri i Amerikës: Zoti Ruli, Shqipëria u rreshtua me koalicionin ndërkombëtar të luftës kundër terrorizmit që në fillimet e kësaj lufte dhe ky gjest i Shqipërisë nuk kaloi pa u vënë re në komunitetin ndërkombëtar, megjithatë, ashtu siç ka ndodhur shpesh herë edhe në të kaluarën, politikat e brendshme, paqendrueshmëria politike në Shqipëri duket se nuk e kanë lejuar vendin të përfitojë sa më shumë nga kjo ngritje e imazhit. Çfare dëmi i kanë sjellë Shqipërisë këto mosmarrëveshje të brendshme politike?

Genc Ruli: Dëmi i parë do të thoja është që këto evenimente historike në të cilat Shqipëria ka bërë përzgjedhjen e duhur nga pikëpamja diplomatike, qoftë rreshtimi i hapur dhe i mënjëhershëm në koalicionin anti-terror, qoftë nënshkrimi i Kartës së Adriatikut, qoftë dërgimi i trupave paqeruajtëse në Afganistan, apo në Irak nuk dhanë atë rezultat që mund të jepnin në përmirësimin e imazhit politik të Shqipërisë në tërësi. Dëmi është i shumëanshëm, dëmi që sjell së pari instabiliteti politik, ose më tepër ai që kemi një konflikt tepër të vrazhdë dhe deri diku primitiv politik që po shfaqet sot në Shqipëri. Këto vetvetiu kanë impakt, më e pakta do të ishte thjesht në aspektin ekonomik, domethënë në drejtim të investitorëve të huaj, të klimës që krijohet për tërheqjen e investimeve të huaja, qoftë të investimeve institucionale, nga struktura ndërkombëtare financiare, qoftë investime private. Por mendoj që së pari ngelet gjithmonë perceptimi dhe përshtypja që Shqipëria është një vend me një qeverisje relativisht të paqëndrueshme, që shumë shpejt hyn në kriza politike, me politikanë të cilët sakrifikojnë shumë nga interesat e kombit dhe të vendit për hir të interesave të tyre personale, një vend ku sidoqoftë korrupsioni, krimi i organizuar ngelen defekte të mëdha, fenomene të rrezikshme madje, që perceptohen kështu nga të huajt, pavarësisht sesa mund të jetë shkalla e cilësimit të tyre. Kështu që dua të them që përsëri imazhi i Shqipërisë, qoftë ky imazh zyrtar, apo imazh mediatik, nuk është i kënaqshëm. Një aspekt më konkret ku ne e ndjemë dhe pothuajse ia pamë sinjalet, është sidomos procesi konkret dhe i filluar i negociatave për marrëveshjen e stabilizim-asociimit, i cili të paktën me prononcimet e deritanishme, na ngelet të presim muajt e ardhshëm. Për mendimin tim ky proces ka ngelur në një gjendje të njëfarë pezullimi, ose shtyrje në kohë. Ky do të ishte një dëm tepër i madh.

Zëri i Amerikës: Zoti Lani, 12 vjet nuk janë pak që një vend ndonëse ka dalë nga një izolim i thellë komunist, të krijojë një demokraci funksionuese. Megjithatë, në Shqipëri sot duket se institucionet janë ende tepër të brishta. Dje kreu i qeverisë sulmoi ashpër Kolegjin Zgjedhor, duke i quajtur anëtarët e tij të korruptuar. Akuza të tilla të rënda, nëse nuk hyjnë në kanalet e drejtësisë, a nuk ndikojnë për uljen e respektit qoftë ndaj këtij kolegji, qoftë ndaj atij që bën akuzat, ndaj rolit të kryeministrit?

Remzi Lani: Është e qartë që klima e akuzave dhe në përgjithësi klima e ashpër politike në vend, nuk i shërben konsolidimit të institucioneve ende të brishta demokratike të vendit, madje është një nga pengesat e forcimit të tyre. Sigurisht këtu ka dy aspekte: e para është mentaliteti i klientelizmit që dominon tek klasa politike, tek politikanët shqiptarë, sipas të cilit institucionet e pavarura, institucionet mbipartiake janë të mira kur bëjnë gjëra që të pëlqejnë ty dhe janë të këqija, janë kriminale, kur bëjnë gjëra që nuk të pëlqejnë ty. E dyta sigurisht duhet të jemi realistë, vetë institucionet kanë probleme që lidhen me pavarësinë e tyre dhe nuk duhet të jemi naivë të mendojmë se ato janë krejtësisht të pavarura dhe ato vetë nuk janë të çliruara nga ky mentalitet i klientelizmit. Ajo çka mua më shqetëson është banalizimi i debatit politik në vendin tonë. Kjo ka sjellë për shembull, nëqoftëse marrin luftën kundër korrupsionit, ku të gjithë kanë akuzuar të gjithë, një situatë kur tani të gjithë janë të korruptuar, çka me fjalë të tjera mund të përkthehet se asnjë nuk është i korruptuar dhe korrupsioni nuk përdoret dot si kartë serioze në fushatat elektorale. Bëhet zhurmë rreth tij, por publiku është bërë gati i pandjeshëm. Në fakt ky banalizim i korrupsionit, ndoshta edhe i krimit të organizuar, është edhe një nga pengesat që këto nuk luftohen me efikasitet për mendimin tim. Tjetra është që ky debat banal, kjo klimë akuzash, ka lënë në hije atë që duhet të ishte debati i vërtetë në Shqipëri: debati për reformat, ato demokratike dhe institucionale, të cilat duhet ta pranojmë që janë të bllokuara. Me fjalë të tjera, logjika e luftës kundër korrupsionit, e fushatave kundër korrupsionit, ka zëvendësuar logjikën e reformave, logjika e fushatave kundër krimit të organizuar ka zëvendësuar logjikën e ndërtimit të institucioneve dhe sado që ky debat ndonjëherë justifikohet me faktin që është demokratik, sigurisht është demokratik, por unë mendoj se Shqipëria nuk ka nevojë për demokraci, por ka nevojë për demokraci funksionale, me fjalë të tjera, ne kemi nevojë për një debat i cili i shërben ndërtimit të institucioneve, i cili i shërben reformave, i shërben përparimit të vendit. Klima e akuzave shterpe, është për mendimin tim demokratike vetëm në sipërfaqe.

Zëri i Amerikës:/b>Zoti Ruli shpesh flitet në Shqipëri që politikanët janë tepër të lidhur me ekonominë ose me botën e krimit të organizuar. Sa kanë rënë politikanët, klasa qeverisëse në Shqipëri, viktimë e kësaj bote? Sa i përfaqësojnë ata interesat e ekonomisë informale?

Genc Ruli: Përgjithësisht ky është një fenomen i pamatshëm, edhe në mënyrë shkencore edhe në mënyrë praktike. Nuk është shqetësuese vetëm lidhja me pjesën e kriminalizuar, apo me krimin e organizuar, por edhe lidhjet e deformuara me interesa të grupeve të caktuara të biznesit janë po aq shqetësuese. Këto vihen re në mjaft aspekte, u vunë re që në fushatën zgjedhore të fundit dhe në fushatat e mëparshme. Pothuajse dy të tretat e financimeve që marrin partitë, të harxhimeve reale që bëjnë gjatë fushatës, nuk vijnë fare nga burime të ligjshme, pra nga buxheti i shtetit, por vijnë nga burime të tjera. Në Shqipëri, në politikat qeveritare shpeshherë ka ndikime dhe duken si të thuash të shprehura në formë vullneti politik, por në fakt janë vullnete dhe interesa të grupeve të caktuara. Këto duken që në diskutimet që bëhen për paketën fiskale, siç ishte rasti i vitit të kaluar, apo rasti i këtij viti. Dhe padyshim që një aspekt tjetër është edhe fakti që mjaft reforma të cilat mund të kishin pasur një term më të shpejtë në zhvillimin e tyre, frenohen jo thjesht për fenomene të mungesës së vullnetit politik, apo të apatisë dhe mosfunksionalitetit të administratës, por se sot ka interesa të caktuara dhe grupe të caktuara të interesit të cilat janë kënaqura me statusin e reformave dhe nuk kanë më interes të thellohen më tej reformat e tregut. Mund të themi që në Shqipëri fenomenet që janë shfaqur në disa vende të tjera post komuniste disa vite më parë, po evidentohen dukshëm sot. Ai fenomen që quhet kapja e shtetit, ose që mund ta themi ndryshe, krijimi i një konglomerati dominues të jetës së vendit, që është një konglomerat politiko-financiar ose politikë-biznes.

Zëri i Amerikës:/b> Zoti Lani, partia socialiste është zhytur në një krizë të thellë qoftë të brendshme, qoftë qeverisëse. A pritet që kongresi i saj ti japë zgjidhje kësaj krize?

Remzi Lani: Kriza e partisë socialiste është një krizë shumëplanëshe dhe kongresi i cili do të mbahet pas 10 ditëve sigurisht mund të zgjidhë të paktën përkohësisht atë që quhet krizë e përfaqësimit. Domethënë Partia Socialiste do të zgjedhë një kryetar, do të zgjedhë organet e veta dhe ky është një hap. Megjithatë kongresi nuk do të mund të zgjidhë krizën morale të Partisë Socialiste e cila është një infeksion mjaft i rëndë që unë nuk mendoj se mund të zgjidhet me një kongres dhe mendoj se mund të mos zgjidh, mbetet ta shohim këtë, edhe krizën qeverisëse e cila lidhet me raportin e numrave në parlament, me balancën e forcave në parlament. Ndoshta përfundimi i Kongresit do mund të zbehë pak klimën e partitokracisë që dominon sot në Shqipëri ku gazetat, publiku, të gjithë ne kemi dy vjet e gjysmë që dëgjojmë vetëm për kongrese të partisë socialiste, për mbledhje të KPD-së, për mbledhje të kryesisë, për fjalime të kryetarit e kështu me radhë. Unë e kuptoj që në një demokraci partitë janë një nga elementët themelorë të sistemit demokratik, por nuk janë gjithçka. Për fat të keq duhet të pranojmë që në Shqipëri na është imponuar një regjim partitokracist. Unë personalisht nuk gjej ndonjë lidhje midis sistemit kushtetues shqiptar dhe Kongresit të Partisë Socialiste. E vërteta është që ne po presim kongresin e Partisë Socialiste dhe për mua kjo përbën një anomali.

Zëri i Amerikës:/b> Zoti Ruli në këto kushte në të cilat ndodhet Partia Socialiste, a mund të vazhdojë ajo të qeverisë vendin pas kongresit? Pra a ekziston mundësia e kalimit të vendit në zgjedhje të parakohëshme?

Genc Ruli: Në zgjedhje të parakohëshme do të kalohet jo thjesht nga vërtetimi i faktit, që partia qeverisëse, dëshmon paaftësi, ose ka qënë e pasuksesshme në disa politika të saj, gjëra që janë vërtetuar prej vitesh. Madje unë nuk po them që ligjërimi i dy mandateve të Partisë Socialiste është bërë nga një performancë tepër e mirë politike dhe qeverisëse e saj, ajo është bërë thjesht nga fakti që opozita ende nuk ka arritur të bindi pjesën e madhe të votuesit shqiptar, që duhet bërë ndërrimi politik. Në këtë rast, po ta shohim, nuk është forca e opozitës që po çon drejt zgjedhjeve të parakohëshme, por është vetë fragmentimi dhe copëzimi i vullnetit politik që po ndodh brenda pozitës. Fakti që personazhe të Partisë Socialiste kërcënojnë grupin kundërshtar me zgjedhje të parakohëshme, do të thotë, që kjo skemë e destabilizimit dhe e prishjes së ciklit qeverisës po provokohet nga vetë pozita. Në këto rethana, mendoj që padyshim, nuk ka pse të mos shkohet në zgjedhje të parakohëshme, duke pasur gjithmonë rezervën time, të cilën mund ta ndaj me shumë analistë dhe kolegë shqiptarë, që në fakt, zgjedhjet e parakohëshme mund të ndryshojnë vërtet konfigurimet e grupit qeverisës, por në fakt sjellja e politikës shqiptare nuk është se do të kurohet me këto zgjedhje të parakohëshme. Pra politika përsëri mund të ngelet konfliktuale, përsëri mund të prodhojë destabilitet në vend të stabilitetit.

[dordi1]

Analisti nga Shqiperia Blendi Fevziu, thotë se nëse Partia Socialiste në Shqipëri nuk arrin ta zgjidhë krizën brenda saj, zgjedhjet e parakohëshme janë të paevitueshme. Zoti Fevziu, kryeredaktor i gazetes Korrieri dhe drejtues debatesh televizive, dhe një intervistë për Zërin e Amerikës, mbi zhvillimet politike në Shqipëri.
Zëri i Amerikës: Zoti Fevziu, politika shqiptare është futur përsëri në një cikël të ri zënkash, siç ka ndodhur rëndom gjatë viteve ’90. Përse mendoni ju se politika shqiptare degjeneron në nivele kaq të ulëta me debate të këtij niveli?

Blendi Fevziu: Besoj se është pjesë e debatit të përgjithshëm politik, aq më tepër që ato që ju i quani zënkat më të fundit janë në të vërtetë debate në disa rrafshe, pra në disa drejtime. Në radhë të parë është një debat i brendshëm i Partisë Socialiste, i cili për të qenë realistë ka degjeneruar në një betejë mjaft të ashpër dhe jetike midis dy grupeve kundërshtare brenda Partisë Socialiste. Në anën tjetër kemi një debat po ashtu të ashpër dhe të tensionuar midis opozitës dhe maxhorancës, që është tensionuar gjithmonë e më tepër nga zgjedhjet lokale të 12 tetorit. Është e vërtetë ajo që ju thoni që pjesa më e madhe e debateve politike, nisen si debate politike dhe përfundojnë në shkëmbime akuzash personale, por kam përshtypjen se kjo mënyrë e re, ky stil i ri politik, duket se ka hyrë në Shqipëri në dy-tre vitet e fundit, për arsye se u dëshmua në një moment tensionimi të madh në vitin 2001, se fjalët nuk kanë shumë vlerë në Shqipëri dhe mbas shkëmbimit të këtyre debateve, mbas shkëmbimit të këtyre akuzave, palët mund të pajtohen edhe një herë mes tyre. Kështu mund të shihni që në dy vitet e fundit protagonistët kryesorë të këtyre debateve, zotërinjtë Nano dhe Meta brenda Partisë Socialiste, apo Nano dhe Meidani brenda Partisë Socialiste, apo zotërinjtë Nano dhe Berisha në rrafshin maxhorancë-opozitë, vijojnë të kenë të njëjtin tension, por ndërkohë kanë pasur edhe mjaft periudha që mund t’i quajmë periudha të muajit të mjaltit midis tyre, pra të dashurisë reciproke midis tyre. Kështu që unë besoj që edhe akuzat e kanë hymbur vlerën e tyre, për arsye se asnjëherë nuk janë vlerësuar realisht.

Zëri i Amerikës: Në pyetjen e parë që ju bëra e kisha fjalën këtu, që edhe në vendet perëndimore ka debat, ka shkëmbime akuzash personale, por më duket se në Shqipëri debati nuk përfundon në mënyrë konstruktive?

Blendi Fevziu: E para nuk besoj që Shqipëria nuk është vend aq specifik. Specifika më e madhe e këtij vendi është ajo që unë thashë humbja në një farë mënyre e vlerës së fjalës dhe fakti që mbas shkëmbimit të akuzave jashtëzakonisht të rënda njerëzit rikthehen përsëri në marrëdhënie normale dhe pune midis tyre, gjë që ka ndodhur vazhdimisht. Kjo ngre një pikëpyetje në atë që quhet morali i politikës. Përsa i takon tensionimit unë besoj që pothuajse e gjithë politika ballkanike ka pasur të njëjtin tension, të njëjtin agresivitet, ka pasur të njëjtat përplasje dhe ka përfunduar edhe në situata më të rënda. Mund të shihni situatën që ekziston aktualisht në Kosovë, në Maqedoni, në Serbi, apo në vende të tjera rreth e rrotull. Natyrisht që jemi akoma larg vendeve si Greqia dhe Italia, që janë vende, struktura evropiane dhe të një sërë institucionesh të rëndësishme ndërkombëtare, ku ne akoma nuk bëjmë pjesë, por që janë vende që e kanë kaluar një kulturë të tillë debati në vitet ’50 deri në vitet ’60. Kështu që besoj që Shqipëria është duke ecur në një rrugë normale në këtë drejtim.

Zëri i Amerikëse të kalojmë pak tek prognoza politike në Shqipëri. Ju ndoshta mund të na jepni ndonjë mendim se çdo të ndodhë në Shqipëri: do të japë dorëheqjen Kryeministrin Nano, apo do të kemi zgjedhje të parakohëshme? Cili është mendimi juaj?

Blendi Fevziu: E vetmja gjë që sot në Shqipëri nuk mund të thuhet me saktësi është prognoza. Të bësh prognozë në një situatë jo normale është gjithashtu anormale. Megjithatë besoj se duke ndjekur lojën e përditshme me tensionimet, uljet e ngritjet e debatit politik në Shqipëri besoj që deri në Kongresin e Partisë Socialiste nuk do të kemi ndonjë zhvillim thelbësor. Të shohim sesi do të shkojë gara midis Kryeministrit Nano dhe sfidantëve të tij, ish-presidentit Meidani dhe Kryetarit të Bashkisë së Tiranës, Edi Rama, nësa ata do të vazhdojnë t’i qëndrojnë kësaj gare. Personalisht mendoj se Nano ka pozita më të forta brenda Partisë Socialiste dhe më shumë shanse për të fituar në Kongresin e kësaj partie. Nuk e di se çfarë lloj zgjidhjeje do të ishte fitorja e Kongresit, në betejën që Nano ka aktualisht në grupin parlamentar të Partisë Socialiste.

Zëri i Amerikës: Një fitore si e Pirros?

Blendi Fevziu: Nuk është çështja tek një fitore si e Pirros. Çështja është që fitorja brenda Kongresit, brenda strukturave socialiste dhe rikonfirmimi i Nanos si kryetar i kësaj partie, nuk përmirëson situatën e tij brenda grupit parlamentar të Partisë Socialiste, ku një grup prej 15 deputetësh, në bashkim edhe me Partinë Socialdemokrate etj, ka kontestuar çdo ndryshim të Nanos dhe kërkon vetëm rikompozim të qeverisë, me dorëheqjen, largimin e Nanos si kryeministër. Pra nga këto arsye them që Nano mund të rikonfirmohet si kryetar partie, por ai duhet të zgjidhë, problemin, ose plagën e Partisë Socialiste që është grupi parlamentar dhe jo Kongresi i kësaj partie. Pikërisht aty do të jetë edhe pjesa më interesante e debatit. Besoj që Nano do të tentojë ta çajë, ose ta reduktojë grupin kontestues, nga 15 t’i bëjë 11, 10 duke marrë katër-pesë figura të këtij grupi, ose duke tentuar të afrojë Partinë Social demokrate, ose një parti tjetër në mënyrë që të ribëjë numrin prej 71 votash të nevojshëm edhe për kalimin e buxhetit, ndër të tjera. Ndërkohë që besoj që kundërshtarët e tij brenda partisë do të kërkojnë të unifikohen, ta kontestojnë sa më ashpër në rast se ai do të fitojë në Kongres, atë që është gjëja më e mundshme. Pikërisht këtu situata do të bëhet më e tensionuar dhe është e vështirë të thuhet nëse Nano do të japë dorëheqjen, apo nëse Nano do të vazhdojë të qëndrojë përmes një rikompozimi etj. Këto janë çështje të makinacioneve të brendshme të Partisë Socialiste dhe në fund të fundit një vendim personal i Nanos. Kurse përsa i takon problemit të zgjedhjeve të parakohëshme, kjo ka qenë një kërkesë e opozitës, ka qenë një kërkesë e disa strukturave, jo vetëm të Partisë Demokratike por edhe të partive rreth saj. Unë besoj që nëse Partia Socialiste nuk arrin ta zgjidhë krizën e saj të brendshme, zgjedhjet e parakohëshme janë të paevitueshme. //kk//

[lis]

Gjinushi

“Nano bën sikur i vjen keq për Ramën”

“Vendimi për përsëritjen e pjesshme të zgjedhjeve në kryeqytet është pjesë e atij skenari që kërkon prishjen e imazhit të Shqipërisë. Vendimi i Kolegjit Zgjedhor është një presion i hapur ndaj Ramës dhe është po ai skenar që ka filluar një vit e ca më parë me komisionet Klosi e Rama, apo me çështje të tjera hetimore, dhe që vazhdon me presione ndaj delegatëve të Kongresit, e tani ndaj kandidatëve, në mënyrë që Rama nga një kandidat i pakicës të kthehet në një të bindur të shumicës, u shpreh dje kreu i PSD-së, Gjinushi. Sipas tij, “procesi është shkatërruar nga PD-ja në mënyrë të dhunshme dhe, pikërisht është heshtur gjatë nga PS-ja dhe vetëm tani në fund bën të indinjuarin zoti Nano, por me shumë vonesë”. Ndërkohë për kreun e PSD-së, “zhvillimet e fundit janë pjesë e lojës politike e për të vërtetuar që në Shqipëri nuk mund të bëhen zgjedhje të lira dhe të ndershme. Vazhdon vrasja e shpresës te qytetari i Tiranës dhe i Shqipërisë te shpresa që kanë ata për ndryshim, për ecjen e Shqipërisë përpara”.