Zgjedhjet vendore 2003 ne Shqiperi

[Hek]

Misioni i pamundur i Xhoana Nanos

Nga Mero Baze

Qindra gra të ngujuara në rrethin e Shkodrës, përlotën dje gruan e kryeministrit Fatos Nano me historitë e tyre tragjike që zënë fill me vrasjet e të afërmve të tyre dhe pastaj ngujimin e tyre familjar, për shkak të hakmarrjes. Ato gra të tmerruara nga ankthi i vdekjes për fëmijët e tyre dhe njerëzit e dashur të shtëpisë, natyrisht që kanë nevojë për dikë që t'u japë shpresë dhe kurajo, por mbi të gjitha kanë nevojë për dikë që t'i japë fund këtij gjyqi kolektiv, për shkak të mungesës së fuqisë së shtetit. Nëse ka një përgjegjësi konkrete shteti në këtë mes, ka përgjegjësi për pafuqinë e tij përballë krimit në rritje dhe mbi të gjitha për pafuqinë e tij për të shmangur dhe pasojat e krimeve. Ato gra të tronditura janë gati të hyjnë në çdo sallë, ku nuk i pret gjakësi dhe të dëgjojnë një fjalë të mirë. Por ekziston një mundësi që ato të jenë të lira, që ato të mos tmerrohen për të ardhmen e tyre, që ato të mos jenë të murosura për së gjalli buzë Rozafës. Kjo mundësi është konkrete, nëse vendi ka një qeveri dhe kryeministër të përgjegjshëm. Dhe nëse është dikush që duhet të shkojë e t'u japë shpresë atyre grave, nuk mund të jetë Xhoana Nano, por Fatos Nano. Ai e ka detyrë t'i shpëtojë ato gra. Qeveria e ka detyrë t'i japë fund këtij genocidi kolektiv. Gruaja e kryeministrit, nuk mund të përdorë përkatësinë e saj gjinore, si instrument elektoral, për t'u treguar atyre grave në ankth se familja e Kryeministrit, nuk mund të bëjë asgjë më shumë se sa t'i ngushëllojë viktimat e qeverisë. Atë që kryeministri e bën natën, gruaja e tij nuk mund ta zhbëjë ditën. Është cinizëm i madh të përdorësh ankthin e tyre, për fushatë elektorale dhe për më tepër është cinizëm i tepëruar, të përdorësh një mision bamirësie, jo për të çliruar ato gra nga ankthi, por për të shfajësuar kryeministrin dhe qeverinë për këtë masakër.

Iniciativa të tilla u shkojnë zakonisht personaliteteve të mëdha të botës së artit dhe kulturës, misionareve të vërteta të bamirësisë, personaliteteve të forta të jetës publike të një vendi që kanë formuar emrin e tyre në shoqëri me veprat e veta. Xhoana Nano nuk mund ta bëjë këtë, pasi ajo nuk është bërë e njohur për shqiptarët nga jeta e saj si emigrante në Greqi, apo jeta private në Shqipëri, por nga martesa e saj me kryeministrin Fatos Nano. Dhe personaliteti nuk është një sëmundje që transmetohet në rrugë seksuale.

[Vinny_T]

Qe Xhoana Nano ben fushate ne periudhe fushate kjo po shihet hapur se aktualisht nuk po ngel politikan e grua politikani pa bere dhe deri ketu nuk mesojme diçka te re. Problemi eshte qe ky xhest qe po ben, kjo mbledhje me keta njerez qe kane kete hall kaq te madh e qe eshte lene pazgjidhje nga shteti per mendimin tim eshte diçka pozitive dhe pse kontributi do te jete teper modest per zgjidhjen e problemit. Cudi me vjen me mero Bazen qe ne artikullin ne fjale merr penen ne dore vetem per te kritikuar!
Njeriu nuk duhet te jete gjithe jeten ne opozite pasi ndofta dhe padashje ata qe jane ne fuqi mund te bejne diçka pozitive per vendin dhe ne te tilla raste duhet reshtur se kritikuari......

[Hek]

...Dhe personaliteti nuk është një sëmundje që transmetohet në rrugë seksuale....

[lis]

Ne Shqiperi dhe me popullin shqipetar me cfare kam kuptuar, praktikohet esse-ja e Nices dhe ky veprim per mua personalisht, eshte veprimi me antikombetar dhe me antikushtetusi per periudhen e erret te tranzicionit qe jetojme.
Propaganda e sotshme veshtire te kuptohet se ku i ka rrenjet e verteta, gjithesesi kemi miresine te kuptojme se kemi nje populli te varfer, te paditur por jo analfabet, te nenshtruar me dhune dhe totalitarizem, sot me autokraci, pa shprese, pa te ardhme dhe me nje hemorragji te vazhdueshme per tu larguar drejt nje bote tjeter te qyteteruar "de facto" jo shume larg nesh,ku propaganda, mashtrimi, djallezite, mentaliteti i luftes se klasave, hipokrizia, naiviteti, korrupsioni, nuk jane pjese e asaj jete te qyteteruar.
E gjithe politika shqipetare e sotshme propagandon "parajsen",demokracine rrugen e gjate drejt Bashkimit Evropian, integrimin, paqen, prosperitetin, progres, ne te vertete ne Shqiperi propagandohet se si mund te korruptohet edhe punonjesi me i pavlere i administrates shtetore.
Korrupsioni, trafiqet, vrasjet e shpeshta, pasiguria e jetes, papunesia, mashtrimi i njejte me ato te piramidave te qe shperthyen ne vitin 1997, eshte aktualisht prezent ne Shqiperi dhe do te ishte "fat" per shqipetaret nje "revolucion" i njejte per pastrimin e ketyre "plehrave" qe i kane marre frymen Shqiperise dhe shqipetareve.
Tek permenda Nicen, doja te shtoja se vertet populli shqipetar ka nje horizont te ngushte te kuptimit te vertete te fjales Demokraci, por duke degjuar shpesh ulerimat e politikaneve, obskurantizmin e tyre, tensionin, terrorin, krijimin e kushteve per dekonstruktivitet, nuk mund te arrihet te krijohet tek nje popull nje bindje e qarte se demokracia eshte kjo qe po shohim, ndiejme, provojme.
Dhunimi i qarte i te gjitha institucioneve shteterore, ligjeve, kushtetuese, te ben te mendosh se mendjet e djallezuara nuk jane Nice-t qe predikojne ne natyre dhe tek nje popull "rrugen dhe fjalen e shenjte te vertete per ta" por ata perdorin qellimisht frazat negative te Nice-se per te bindur veteveten se "ky popull meriton ate qeveri qe ka".
Ja pra te dashur shqipetare cfare politikanesh simbioze ka Shqiperia dhe mos u cuditni neqoftese flas nje te vertete sepse edhe ne jeten time kam verejtur shpesh dhe nuk kam besuar se njeriu mund edhe te jete nje qenie njerezore ne pamje te jashtme por ne brendesi te ishte ndryshe, pra te jete kafshe e kaluar nje kafshe.
Ka disa dite qe fushata elektorale ka filluar ne Shqiperi dhe kur lundroje neper internet dhe ne faqet shqipetare ne vecanti, i sinqerte mund te ju them se me ze ankthi ose si mund ta pershkruaja, si nje ndjenje frike ose terrori me pershkon trupin tim dhe nganjehere me duket sikur ketu para ekranit te kompujterit do me shfaqet ndonje pamje makabre ose ndonje dore e zgjatur per te me kafshuar njelloj si ne filmat me horror.
Nuk me vjen nga frika gjithe kjo, por e gjitha me vjen nga nje perzierje titujsh, shkrimesh neper gazetat shqipetare dhe kur e mendoj veten kaq larg prej vendlindjes time, po kaq afer me duket se ndodhem.
Jemi te sinqerte te gjithe kushdo prej nesh, se jetojme ne nje bote te qyteteruar, pa masakra dhe horrore te tilla qe ngjasin ne Shqiperi(vetem ne filma mund te perjetosh nje realitet te tille) dhe nuk ka ndonje prej jush qe nuk mund te kete ndier te tilla perjetime te castit.
Sa turp kur mendon se ne Shqiperi te serviret gjithshka si ne per filma, sa turp kur njerezit me shume se kurre ne Shqiperi, jane bere "kanibale" te parase, te mashtrimit, te pushtetit, te karrieres dhe harrojne se ata bashke me fjalet e tyre te embla jane votuar nga ky popull per ti orientuar drejt nje bote vertet te qyteteruar, te paqte, pa probleme te tilla radikale dhe monstruoze.
Per mua cdo njeri qe shqipton fjalen "ky popull meriton ate qeveri qe ka" ngelet nje njeri shqipfoles, antikombetar dhe konservator.
Ky soji i njerezve qe nxjerrin te tilla parashikime per mua ngelen vetem disa sinoptike.
Mos valle duhet ta dergojme si zakonisht ashtu sikur kemi bere neper histori, me pare, popullin shqipetar ne Ferr dhe pastaj ta nxjerrim nga andej e ti themi se ja ku dolem ne parajse.
Cfare perfaqeson ne mendimet, idete dhe ne te vertete per politikanet shqipetare
Parajsa dhe ferri?
Demokracia dhe anarkia?
Totalitarizmi dhe autokracia?
E kaluara dhe e ardhmja?
Ligji dhe Maliqi?
Shoqeria dhe Amullia?
Propaganda dhe mashtrimi?

Lis

[Brari]

gazeta Korrieri shkruan:

-----------------

Nano: Berisha nuk kupton forcen tone.


Kryeministri dhe Kryetari i PS-se, Fatos Nano, ka zhvilluar mitingjet elektorale ne Leskovik, Erseke, Pogradec dhe Bilisht, ku ka kerkuar qe te votohen kandidatet socialiste ne zgjedhjet lokale. Nano ka theksuar se gjate gjashte viteve te fundit, te drejtuara nga mazhoranca socialiste ne qeverine qendrore dhe tre te fundit ne pjesen me te madhe ne qeverine lokale, jane bere ndryshime shume te medha.
Nano eshte shprehur se sot duket e lehte te besh premtime mbi kete realitet te ri qe qeverisja jone e pergjegjeshme krijoi ne nivel kombetar dhe lokal. Por zoterinjte e opozites harrojne se Shqiperia evropiane nuk eshte nje ide e se nesermes, por nje realitet qe po ndertohet cdo dite, ne cdo cep te Shqiperis.
Berisha dhe njerezit e tij nuk e kuptojne se forca e socialisteve dhe progresisteve nuk eshte tek programet e shkruara bukur, por tek venia e pushtetit ne sherbim te shtetasve, tek hartimi dhe zbatimi i reformave transformuese ne bashkepunim dhe me vendimmarrjen e cdo komuniteti vendor, te harmonizuara te gjitha keto ne programin e madh te integrimit te vendit ne komunitetin europian, ka theksuar Nano.

-------------------

Ja si e ve Nano shtetin ne Sherbim te Shtetasve..

gazeta Shqiptare shkruan:

.....



Shiti djalin, tani do falë edhe vajzën.

Flet nëna: Si e dhashë djalin për një televizor


---------------------------



DURRES

Në fillim një televizor, më pas një celular e disa rroba dhe për çdo vizitë nga një tufë të vogël me monedha nga 10 euro: Oracio i vogël është paguar me këste sipas inisiativës së babait. Ndërsa nëna vetëm shihte të gjitha skenat, ndoshta pa i kuptuar dhe pa qenë krejtësisht koshiente. Tashmë gruaja është në pritje të fëmijës së tetë, dhe pohon se është gati ta "dhurojë: edhe vajzën që do ti lindë pas disa javësh. Në fakt, çifti kishte përfunduar marëveshjen për ti dhënë edhe vajzën e porsalindur çiftit italian Boreli.
Nga baraka me tulla në të cilën kishte lindur në zonën periferike më të varfër të Durrësit, ka përfunduar në një apartament luksoz në Katanzaro të Italisë mes krahëve të njjë çifti bashkëshortësh të vjetër, të cilët u ishin drejtuar edhe trafikantëve vetëm për të pasur një fëmijë. Kjo ka ndodhur 5 vet më parë kur Oraci ishte vetëm 2 vjeç. Tashmë babai i tij adoptiv Angelo Boreli ka përfunduar në qeli, ndërsa e shoqja në arrest shtëpie. Në burg ka përfunduar edhe babai i tij i vërtetë, Kujtim Bonjaku. Të gjthë akuzohen se kanë organizuar këtë shitblerje. Oracio tani është në një brefotrof italian, ndërsa nëna e tij e vërtetë, Mira jeton në të njëjtën barakë në Durrës dhe tani në moshën 36-vjeçare është në pritje të fëmijës së tetë.
"Oracio më është dukur i lumtur këto vite, ka treguar për agjencinë italiane të lajmeve ANSA, motra e tij Elvira, 17 vjeçe, e cila flet italisht. Gjuhën e ka mësuar duke parë telenovelat në televizorin e dhuruar. "Ai më ka telefonuar shumë herë. Herën e fundit, dy muaj më parë më thoshte se ishte mirë në atë familje. Luante dhe ishte i lumtur. Oracio nuk e di që jam motra e vet, por më ka trajtuar gjithnjë si një mikeshë të largët dhe fliste me mua sepse jam e vetmja në shtëpi që di italisht. Ndërsa nëna gjithnjë qendronte me veshin ngjitur te celulari për të dëgjuar zërin e tij megjithëse nuk kuptonte asnjë fjalë". Oracio nuk ka mësuar kurrë shqip. Kush e di se si do t'ia bëjë kur të kthehet për të jetuar në atë barakë, sipas kërcënimit të autoriteteve të drejtësisë.
Celulari, ashtu si dhe televizori, bëjnë pjesë në "çmimin" e paguar nga çifti i italianëve për të pasur këtë fëmijë. Ai është një nga objektet e "luksit" që konsiderohen të shtrenjta në këtë shtëpi, ku nuk ka as ujë të rrjedhshëm.
Mamaja e Oracios është një grua rome e cila punon gjatë natës si pastruese dhe fiton 8000 lekë në muaj. Kur i shoqi i ka përfunduar në burg me akuzën se ka shitur Oracion, e gjithë familja ka mbetur vetëm me rrogën e saj. "Tani kemi mbetur gjashtë veta", tregon nëna. "Një tjetër djalë i imi, 14 vjeç ka shkuar në Itali i fshehur në një kamion. Herën e fundit kam folur me të 2 muaj më parë. Më tregoi se ishte mirë dhe se ndodhej në një kolegj në Altamura. Tani është zhdukur dhe nuk kam marë vesh asgjë për të. Jam e shqetësuar, por tashmë ai është i rritur dhe i del zot vetes".
Nëna nuk ka asnjë dyshim. "Në rast se Oracio mund të jetojë përsëri në atë shtëpi në Katanzaro, unë preferoj që të mos kthehet këtu tek unë sepse në Itali mund të jetë më i lumtur. Por në rast se kanë ndërmend ta mbyllin në ndonjë brefotrof, atëherë le të ma kthejnë mua, sepse do të kujdesem edhe për atë".
Gruaja mohon të ketë shitur djalin e saj. Ajo këmbëngul që ka qenë i shoqi ai që e ka bindur t'ia besojnë djalin çiftit italian që i ka njohur nëpërmjet një shqiptari. Edhe ndërmjetësi tashmë ndodhet në burg në Durrës. Babait të fëmijës, Kujtim Bonjaku i kanë premtuar para dhe një punë në Itali, por asnjë nga këto premtime nuk i është realizuar kurrë. Pas këmbënguljes së Kujtimit në fund e shoqja është bindur.
Italiani Boreli, babai adoptiv i Oracios, ka ardhur të paktën 5 herë në Durrës duke takuar Mirën. "Dy vjet pasi më mori fëmijën më dhuroi edhe televizorin, më pas edhe celularin që të dëgjoja zërin e djalit tim. Por gjithnjë para se të ikte na ka lënë ndonjë lek". Vitin e kaluar dhe në shkurt të këtij viti italiani ka tentuar t'i nxjerrë vizë Mirës në ambasadë për ta dërguar në Itali. Si provë për këtë ajo tregon edhe pasaportën ku rezulton se në të tre rastet viza i është mohuar. Pas pak javësh nëna e Oracios do të lindë fëmijën e tetë. "Do të jetë vajzë dhe do ta quaj Fabiola", tregon pa e fshehur kënaqësinë Mira. Madje në fund shton: në rast se gjen dy njerëz të mirë që duan ta marrin vajzën jam gati ta "dhuroj" edhe atë. ANSA





"Mjeku grek i trafikut re femijve"




Roland Beqiraj
Karolina Risto

KORÇE

Donika Ajdini, një nga dëshmitaret kryesore të procesit ndaj trafikut të bebeve, ka bërë të ditur dy ditë më parë jo vetëm emrin, por edhe origjinën e mjekut grek Fotis Andropulos, i cili i detyronte ato të lindin me operacion. Në një prononcim për "Gazetën", në pritje të deklarimeve të saj për të dëshmuar përpara togave të zeza, ajo bëri të ditur jo vetëm vuajtjet e saj në klinikën greke të Janicasë, por edhe për njohjen e saj me doktorin Fotis Andropulos. Sipas Donika Ajdinit, mjeku grek e dinte disi gjuhën shqipe dhe komunikonte sa herë që duhej me të, zakonisht kur i kërkonte Ajdinit të kujdesej për shtatzëninë dhe për ushqimin. "Ai më tregoi, vazhdon rrëfimin e saj Ajdini, se Foti ishte bir i një familjeje greke minoritare nga Dropulli dhe familja e tij në kohën e komunizmit ishte arratisur në Greqi".

Për kohën që ju qëndruat në klinikë, si komunikonit me mjekun grek Andropulos?
Foti e fliste shqipen, ndonëse jo shumë mire, por komunikonte lirshëm me mua dhe me Floreshën, që ëshë e arrestuar, por që për gati dhjetë ditë qëndroi së bashku me mua në dhomë derisa e lindi fëmijën.

E pyetët doktorin se ku e kishte mësuar gjuhën shqipe?
Ai tha vetë se ishte me origjinë nga Dropulli, madje në fshatin e origjinës ka edhe kushërinjtë e vet. Familja e Fotit ishte arratisur nga Shqipëria dhe ai ishte rritur në Greqi.

Sillej mirë me ju?
Fillimisht po; kur isha gjatë shtatëzënisë, ai vinte shpesh në dhomë dhe më pyeste nëse unë kisha ndonjë shqetësim. Në se ke shqetësime, më thoshte, duhet të lajmërosh menjëherë. Madje kujdesej edhe për ushqimin tim, më sillte të gjitha të mirat. Kurse ditën që unë duhej të lindja sjellja e tij ndryshoi krejtësisht.

Si filloi të sillej?
Mëngjesin e 13 majit ai erdhi në dhomë dhe i shoqëruar nga një mjek tjetër më tha se duhej të bëhesha gati për operacion. Unë i thashë se nuk doja të lindja fëmijën me operacion, pasi nuk ndjeja asnjë lloj shqetësimi. Atëherë ai thirri mjekët e tjerë dhe më morën me forcë. Kur më shpunë në sallën e operacionit mbaj mend që më bënë një injeksion në shtyllën kurrizore. Ishte ora 10 e paradites dhe u përmenda në orën 10 të një dite më pas. Kur kërkova fëmijën me thanë se më kishte vdekur. Kështu që nuk e pashë më.

A u paguat për këtë fëmijë që e lindët me porosi?
Nazmi Kreka më dha vetëm një milion lekë të vjetra. Me ato para shleva të gjitha borxhet. Tani jetoj në shtëpinë e vëllezërve mes varfërisë së madhe, vetëm me asistencën e bashkisë.


Dëshmitarja nga Saranda: Do flas për trafikun

KORÇE - Së bashku me Donika Ajdinin ishte thirrur për të dhënë dëshminë e saj para gjykatës edhe dëshmitarja tjetër e akuzës. Violeta Koraqi, nga Saranda, por banuese në Korçë, ka rrëfyer për "Gazetën" se ajo do të tregojë gjithçka që ajo di për Nazmi Krekën dhe Floresha Hoxhën. Do të tregojë përpara togave të zeza të gjitha hollësitë se si ishte njohur ish-bashkëshorti i saj me trafikantin e bebeve dhe se si fëmija i saj vdiq në maternitetin e Korçës. Ndërkohë, kujtojmë se që në arrestimet e para të këtij trafiku, hetimet përfshinë edhe Shtëpinë e lindjes në Korçë. Lidhur me dëshminë e saj ajo tregon: "Nazmi Kreka ishte njohur me ish-burrin tim Thanasin, dhe ia kishte mbushur mendjen që të bënte me mua një fëmijë për llogari të tyre, kundrejt një milion lekëve".

---------------------

Ja zgjidhjet origjinale te problemeve qe ben Qeveria Nano Meta.


He me te lumte o Nano se ti ja di kti mileti..

[lis]

Nano krahason papunësinë me 1998

Kryeministri Fatos Nano në një takim elektoral në Leskovik ka thënë se Partia Socialiste ka ulur papunësinë në qytetin e Leskovikut që prej 1998-ës, me 2,8%. Si pasojë e reformave tona transformuese, në bashkinë tuaj papunësia është 2.8% më e ulët se në vitin '98, deklaroi kryeministri.

Nano në një fjalim të shkurtër mbajtur para qytetarëve të Leskovikut, ka kërkuar që ata të votojnë për Partinë Socialiste, pasi ajo po rrit mirëqenien e çdo familjeje dhe individi. Edhe në këtë takim ai ka përsëritur sërish kërkesën, për të mos votuar për Berishën, që sipas tij shkatërroi Shqipërinë. Ai ka thënë se mendon për ditë për hallet e qytetarëve të Leskovikut. "Ndihem disi borxhli ndaj qytetit tuaj që nuk e kam vizituar shumë shpesh, por vëmendja dhe përkujdesja e maxhorancës dhe imja personale nuk ka munguar asnjëherë për qytetarët evropianë të Leskovikut", ka thënë Nano. Ai ka vazhduar të përdorë retorikën e përhershme politike të "socialistëve progresistë". Sipas Nanos Shqipëria europiane nuk është një dëshirë e shqiptarëve, por një realitet që në qeverisjen socialiste është arritur. Më pas në këtë takim ka marrë fjalën edhe kandidati socialist për kryetar bashkie në Leskovik, i cili ka parashtruar edhe platformën e tij elektorale. Kryetari i Partisë Socialiste dhe kryeministër i vendit ka zhvilluar dje një takim elektoral në Ersekë. Nano në këtë takim ka vijuar të flasë për Shqipërinë dhe Ersekën europiane. Ai ka thënë se gjatë qeverisjes socialiste biznesi i Ersekës është konsoliduar dhe mund të krahasohet me atë europian. "Eshtë kënaqësi të takosh njerëz të punës dhe të sipërmarrjes si ju që përballuan me sukses të gjitha sfidat e tranzicionit dhe tani i kanë hedhur sytë dhe angazhimin nga ndërtimi i realiteteve sipas standardeve të Evropës së Bashkuar," ka thënë Nano. Sipas Nanos Shqipëria nën qeverisjen socialiste po kalon një periudhë të begatë. Sipas tij Shqipëria është vendi që qëndron plot dinjitet përballë kombeve më të qytetëruara të botës. "Eshtë një kënaqësi e veçantë të takosh nipërit dhe stërnipërit e martirëve të shkollave dhe gjuhës shqipe, e cila sot, falë dimensioneve që ne i dhamë Shqipërisë sonë të dashur, qëndron plot nur e dinjitet pranë gjuhëve dhe kombeve më të qytetëruara të Evropës," ka shtuar Nano. Vetëm disa ditë më parë drejtuesja e Task Force, publikoi një raport në Vjenë për trafikun e qenieve njerëzore dhe Shqipëria zinte vendin e parë në Ballkan me një diferencë të madhe në përqindje me vendet e tjera që e ndiqnin.

Hemm
Mbasi nga Shqiperia u larguan me shume se 1 milione shqipetare, tashme nuk besoj se do te jete shume e veshtire te propagandohet renia e inflacionit te papunesise.
Kaq shume popull ishim valle, sa te na jepnin rrugen e mergimit, qeveritaret e sotshem?
Tani shohim nepermjet ekranit te internetit, se si ata qe na perzune per ne dhe te huaj, vazhdojne te tallen me popullin por edhe me ne mergimtaret ne dhe te huaj.
Fushate te ndershme duket se beka kryeministri shqipetar Fatos Nano, me rastin e zgjedhjeve lokale.

[dodoni]

Në shtypin e këtyre ditëve shumë fshatra dhe komunitete shqiptare deklaruan se do të bojkotojnë zgjedhjet. Kjo është një nga vendimet më të dëmshme për vet ta së pari por edhe për gjithë Shqipërinë. Nuk zgjidhen problemet me bojkotime nën një, dhe poashtu ata duhet pasur parasysh se edhe nëse bojkotojnë ata prapë janë të detyruar të paguajnë taksat e tyre me të cilët dikush do të manaxhoi edhe pa votën e tyre. Prandaj është në interes të tyre së pari që të votojnë për alternativën më të mirë për ta në çdo qytet, sepse vetëm kështu do të jenë në gjendje të zgjidhin problemet e tyre.
Unë do tiu kisha sugjeruar që të votohen ata kandidat që kanë projekte më shumë për qytetet e tyre edhe poqese nuk është e sigurtë realizimi i gjithë atyre projekteve për mungesa fondesh apo arsye tjera, është më mirë të jenë projektet, se kur janë projektet gati pastaj edhe fondet është më lehtë të gjinden dhe në të njëjtën mënyrë nxit kandidatët dhe ekipet e tyre për më shumë punë për të fituar votat, që është në interes të të gjithë qytetarëve dhe gjithë kombit.

Tung

[lis]

E Hene, 06 Tetor 2003


BERISHA SFIDOHET ME FLAMUJ TE KUQ

Populli i Bilishtit nuk eshte nje dem spanjoll qe provokohe prej nje toreadori me te kuqe.

Me keto fjale iu drejtua elektoratit te Devollit, Berisha gjate takimit te djeshem. Ne fakt, mitingu i mbylljes se fushates elektorale ne qytetin e Bilishtit ku Berisha prezantoi dhe mbeshteti edhe nje here kandidatin e PD-se per kryetar bashkie Valter Miza, rrezikoi te kthehej ne nje incident te rrezikshem. Por vete kreu i kesaj partie ariti te qetesonte gjithcka me durimin dhe mesazhin e tij. Berisha ishte gati ne fund te fjalimit te vet kur nje qytetare e Bilishtit, e cila me sa dukej ishte nje perkrahese e Partise Socialiste u shfaq me rroba te kuqe dhe flamuj te kuq duke terhequr vemendjen e gjithe turmes. Kjo gje ishte aq befasuese saqe edhe vete Berisha nuk mundi te vazhdonte fjalimin e tij sepse turma u kthye nga gruaja sfidante me rroba te kuqe dhe ishte ne prag te shperthimit te zemerimit dhe humbjes se kontrollit. Por kreu i PD-se me disa levizje dore dhe shenja kuptimplote nuk i la perkrahesit e tij te binin pre e ketij provokimi dhe te degjeneronte takimi elektoral. "Mos ia tund demit shamine e kuqe!" iu drejtua Berisha kesaj gruaje e cila tentoi rrezikimin e takimit elektoral. Menjehere pas ketyre fjaleve, lideri i opozites eshte larguar nga qyteti i Bilishtit. Ne takimin e radhes ne qytetin e Korces, ai vazhdoi akuzat e tij ndaj kandidateve te Partise Socialiste per kryetare bashkie. Nderkaq, ai e cilesoi rivalin e tij kryesor politik, kryeministrin Nano si nje padrino qe i ka nxire faqen Shqiperise. Sipas Berishes, qeveria e drejtuar nga Nano ne daten 1 nentor do rrise 10 perqind faturat e energjise elektrike duke i marre keshtu me doren tjeter shqiptareve ato qe i dha me rritjen 5 perqind te pensioneve. Edhe ne qytetin e Korces ku ai zhvilloi per here te trete dhe te fundit takimin elektoral ne mbeshtetje te kandidatit Robert Damo.

G.Ashimi

Burimi: "Koha Jone"

[Diabolis]

marre nga Shekulli

EDUARD YPI

“Ju aty poshtë keni vetëm një mundësi, të punoni pa u ankuar derisa të vdisni në punë, pasi përpara jush këtë kanë bërë gjyshërit e baballarët tuaj dhe pas jush këtë do të bëjnë fëmijët e nipërit tuaj e kështu me radhë..”. Ishte tmerrësisht e shkurtër dhe e vrazhdë fjala e ish-kryetarit të Degës punëve të brendshme në Mirditë përpara të burgosurve politike të Spaçit në vitin 1981, në vitin tim të parë të burgut. Nuk besoj që ky njeri të kishte lexuar apo dëgjuar ndonjë gjë për Ferrin e Dantes, ku hyrja kushtëzohej me lënien jashtë të shpresave njerëzore, por përmbajtja e ashpër dhe e thatë kishte një tingëllim të vërtetë që nuk të linte asnjë mëdyshje, në atë moment e kuptova se kisha hyrë në “Ferr”. Profecia makabër e këtij ish-i më ka mbetur në mend dhe më ka shoqëruar gjatë gjithë këtyre 20 e kusur vjetëve. A kishte të drejtë ish-kryetari?!
Per t’iu përgjigjur kësaj pyetjeje, si dhe shumë të tjerave që do të rreshtonim më poshtë, duhet më parë të bëjmë një analizë të shkurtër dhe modeste të ngjarjeve dhe personazheve kryesore të këtyre 13 viteve të fundit, që janë dhe vitet kur të krijohet përshtypja se profecia doli e rreme. Do të ishte mire t’iu hidhnim një sy problemeve se si u veprua me ata që dolën nga burgjet dhe vendet e internimeve, kush ishin ata dhe kush ishin të tjerët që morën përsipër t’i udhëhiqnin. Ç’u bë me protagonizmin e disidencës së vjetër dhe përse këta të fundit iu nënshtruan pa kushte ish-komunistëve që me regjimin i ndante ndoshta vetëm niveli dhe siguria e posteve të tyre. Kush ishin studentët dhe përse pragmatistët e rinj politikë e mbështetën gjenezën dhe teorinë e ekzistencës së tyre pikërisht tek levizja e studentëve? Përse u anashkaluan ata të cilët gjithë jetën e tyre, duke përfshirë edhe moshën studentore, e kishin kaluar jo vetëm duke pritur, por edhe duke luftuar? Përse kurrë ndonjëherë edhe në ato raste të pakta kur përmëndeshin, disidentët e vjetër thirreshin me një emër të çuditshëm plot pluhur dhe jo pa një shtresë përçmimi dhe bezdije “ish-të përndjekur“ dhe përse këta të fundit, me ndonjë përjashtim të rrallë, të gjithë sot janë tmerrësisht të varfër, pothuaj në kufijtë e ekzistencës? Përse asnjëherë në të tilla raste nuk u vunë në dukje meritat dhe lufta dhëmb për dhëmb me diktaturën, por gjithmonë u shpejtua të përmëndeshin pasojat që vijnë nga një jetë me vuajtje dhe privacione? Përse gjithmonë, kryesisht nga demokratët e rinj të PD flitej për spiunë dhe për personalitete të shkatërruara dhe asnjëherë nuk u fol për kapacitete intelektuale? Përse në krye të shtetit demokratik u ngjit një ish-sekretar partie i zakonshëm i PP? Kush e përfaqëson sot disidencën e vjetër dhe të vërtetë? A kanë për kë votojnë këta njerëz? Përse në PD besojnë që populli shqiptar në mos i kuq, është ngjyrë rozë ? Përse PD në krye të saj ka vetëm ish-komunistë? Përse pranojne të bëjnë të rëndësishmin në PD pjesëtarë të vetmuar të kësaj disidence ndërkohë që e dinë mirë që janë thjesht dekor dhe askush nuk i përfill? Përse humb gjithmonë PD? Përse PD në raste zgjedhjesh bën pazar mandatesh ? Përse deputetët e PD votojnë pro prokurorëve të Enverit në Parlament? Përse qindra, mos them mijëra, demokratë të vërtetë sillen vërdallë si Xombi nëpër Shqipëri duke folur me vete, të varfër dhe të zhgënjyer pa ditur se përse ndodhen krejt të mënjanuar dhe të braktisur ? Përse ka kaq shumë persona të ish-nomenklaturës apo pinjollë të saj përqark kryetarit të PD? Përse hidhet baltë mbi këdo që prek tabunë e kryetarit, përse bëhen pazare me pushtetin dhe postet në opozitë? Përse urrehen ish-të burgosurit e ndërgjegjes? Përse i fryhet ndarjes krahinore në PD? Përse zëvendësohet antikomunizmi me urrejtjen veri - jug dhe myslimanë - të krishterë? Përse Sali Berisha iu fal Himarën grekëve? Përse PD nuk proteston për vrasjet e shqiptarëve në Greqi ? Etj.etj.
Të vjen turp të mendosh se si qindra dhe mijëra vetë të elektoratit josocialist çdo prag zgjedhjesh i gënjen mendja dhe mendojnë se për hir të unitetit të paqenë nuk duhet të flasin për humbjen e radhës dhe cikli i gënjeshtërt vazhdon me fjalët e dala boje; ja, do votojmë edhe kësaj radhe “Blu”. Por bluja në fakt ka kohë që është kthyer në një të kuqe të shpëlarë. Klika që ka zaptuar krahun që na e lanë trashëgim prindërit tanë, krahun e demokracisë perëndimore dhe të patriotizmit duhet dënuar me votë pa pasur frikën se me këtë u shërbehet socialistëve.
Eshtë e vërtetë se njerëzit e kanë vështirë të zgjedhin sot përpara kutive të votimit, pasi dikush kujdeset që më parë që t’iu mungojë alternativa dhe këtu qëndron problemi. Të detyrohemi të votojmë në kundërshtim me idealet dhe aspiratat e pritjes së gjatë vetëm e vetëm që një humbje me “dinjitet”do t’i siguronte qëndrimin e mëtejshëm në kurrizin e popullit josocialist Sali Berishës, është gabim më i madh sesa të votosh për një parti tjetër brenda së djathtës. Ka vite dhe shumë zgjedhje që PD humb dhe konteston, ka shumë vite që socialistët ushtrojnë pushtet të sigurt në kulmin e pasigurisë së tyre, duke e ditur mirë që sa kohë opozita nuk është opozitë ata “Lëkunden, por nuk mbyten”. Kaq e vërtetë është kjo, sa mjafton të shikosh ndarjen në kampin e socialistëve për të kuptuar se opozita e operative tashmë nuk është PD, por grupimi tjetër në gjirin e socialistëve që përpiqet të marrë pushtetin përmes metodave opozitare nga grupimi në pushtet. Ndërsa vazhdon avazi, një avaz feudal, mediokër dhe tmerrësisht banal, shqiptarët përditë e më shumë humbin krenarinë dhe identitetin e tyre, humbin shpresën për të ardhmen dhe varfërohen e varfërohen ndërsa kontrasti social me zanafillë nga diktatura vazhdon e thellohet. Zaptuesit e PD nuk kanë rrenjë, nuk kanë histori demokratike, në përgjithësi ata janë prototipat e shërbyesve të përjetshëm të pushtetit dhe të çdo zotërie. Ata pa më të voglin dyshim janë nga ai lloj njerëzish që qanë me dënese kur vdiq Enver Hoxha. Me ta na ndan një det i tërë. E gënjen mendja çdo shqiptar që mendon pas kaq vjetësh zhgënjimi se PD dhe Sali Berisha janë zgjidhja për problemet e sotme të rënda të qeverisjes pa opozitë.
“Nga na doli ky, xhanëm?”, do të pyeste çdo shqiptar me shpirt dhe zemër demokrat. Duket se gjithë jetën të gjithë shqiptarët të etur për demokraci paskan pritur sekretarin e partisë t’i mbajë peng dhe t’i mesojë se ç’duhet të bëjnë për të qenë demokratë. Edhe në Burrel, Spaç a kudo tjetër në burgjet dhe vendet e internimit duket se paskan ëndërruar dhe pritur “mesine” që do t’u vinte nga ana e djajve. Nga ana tjetër, Sali Berishën ka vetëm një mundesi për ta larguar: është vota kundër socialistëve dhe kundër tij. PD-ja, partia e ëndrrave të shqiptarëve, përfaqësuesja natyrale e të gjithë antikomunistëve dhe progresistëve pro perëndimorë, me potenciale njerëzore të shkëlqyera ka rastin të largojë përfundimisht nga ekzekutivi politik Sali Berishën, që është padyshim shkaktari kryesor për përçarjen dhe humbjen e së djathtës. Në të kundërt, për fat të keq, të majtët e kuq do të qëndrojnë aq gjatë në pushtet, sa në fund nuk do t’u dallohet boja .
Për sa kohë do të vazhdojë kjo gjendje, unë dhe ata si unë do të votojnë kundër Sali Berishës, sekretarit të PP që ka bllokuar rrugën e demokracisë dhe të përparimit, në favor të cilësdo parti mjaft që ajo të mos jetë e prejardhur nga PP, duke e vënë totalisht jetën që na e fal Zoti në shërbim të bashkimit dhe fitores të krahut të djathtë, që profecia e ish-kryetarit të degës të mos vërtetohet si deri më sot…

Ish-ministër i PD

[ganoid]

Nuk e njoh kete Eduardin nr dy te larguar nga PDja. Prandaj nuk e di nese shkrimi i tij rrjedh nga zemra apo eshte ne funksion te dikujt ose te dickaje. Vetem se keto fjale kur i lexon te kumbojne ne vesh dhe te bejne te shash me plote gojen eliten e qelbur qe ndodhet sot ne PD dhe qe po e mban peng Shqiperine dhe bashke me te edhe progresin.