Plaku dhe Shteti

[Brari]

Dikush kerkon ta lere Plakun (Moisuin) te gjuaj peshk si PLAKU dhe Deti i Heminguejit..ose si Roja i Kulles Barit te Kol jakoves..
por Plaku yne nuk e ha thate..
Ai kerkon rregull ne Shtet..

Kto dite Xhaxha Fredi u tha politikanve qe..te mos e vervisin shume sumen jashte shtetit pa lejen e tije.. dhe mir e ka por filluan reagimet e Qefllinjve Socialiste...
Ku u rrihet atyre te kalojne week-endet ne kete te flamosur Shqiperi..qe e kane qirifikuar e mjele per shtat pal qenefe kto vite "normaliteti".

He me te lumte o Fred Moisiu..se keshtu i do mushka drute..


Ja cthote dredhsja KOHA JONE.
---------
"Presidenti Moisiu mos ta teproje!"
Nese rregullorja per funksionimin e Keshillit te Sigurimit te Republikes do te ishte miratuar ne mbledhjen e fundit te ketij organi, kryeministrit Nano per te vajtur ne Johanesburg do t'i duhej te merrte leje tek presidenti Alfred Moisiu. Por, kjo rregullore do te miratohet ne mbledhjen e ardhshme te KK-se. Dhe qe nga ai moment, te gjithe anetaret e Keshillit te Sigurimit te Republikes, ne menyre te vecante kryeministri dhe kryetari i Kuvendit duhet te marrin leje tek presidenti i Republikes nese kane ndermend te levizin jashte vendit, qofte per vizita zyrtare apo jo zyrtare. Kjo do te sanksionohet se shpejti ne rregulloren e KS-se ne mbledhjen e ardhshme te ketij organi keshillimor. Presidenti i Republikes, Alfred Moisiu kerkoi dy dite me pare ne mbledhjen e Keshillit te Sigurimit, hartimin e kesaj rregullorje qe percakton funksionimin me te mire te KS-se dhe detyrimet qe kane anetaret e ketij organi per te informuar presidencen per levizjet e tyre. Nje pike e vecante ne rregulloren qe do te miratohet ditet e ardhshme parashikon qe kryetari i Kuvendit, kryeministri dhe me rradhe te gjithe anetar`t e KS-se, ministri i Mbrojtjes, i Rendit, i Shendetesise etj., te informojne presidentin per levizjet e tyre jashte vendit. Sipas burimeve zyrtare nga presidenca, kjo levizje behet me qellim te mos ndodhe qe kreret me te larte te shtetit shqiptar te jene njekohesisht te gjithe jashte vendit. Ne kohen e qeverisjes Meta, ndodhi qe per disa dite, presidenti, kryeministri, kryetari i Kuvendit dhe pjesa me e madhe e ministrave dhe deputeteve ishin njekohesisht jashte Shqiperise. Sipas burimeve nga presidenca, te gjitha vendet perendimore e kane te sanksionuar te njejtin rregull ne menyre qe te mos ndodhin incidente.

Urdhri i presidentit Moisiu mund t'i hape probleme ne te ardhmen, kryeministrit Nano i cili shpeshhere i kalon fundjavet ne Selanik apo Athine te Greqise. Pasi te miratohet rregullorja e KS-se, cifti Nano eshte i detyruar te marre leje tek Moisiu duke e informuar ate per kohezgjatjen dhe qellimin e vizites jashte vendit.

Sipas Kushtetutes shqiptare, nese presidenti i Republikes gjendet jashte vendit, funksionin e kreut te shtetit e kryen kryetari i Kuvendit. Ne rast se Moisiu do te gjendet ne nje moment jashte Shqiperise, kryeparlamentari Pellumbi do ta kete shume te veshtire te marre lejen per te kaluar kufirin. Burimet nga presidenca sqarojne se kjo pike e rregullores eshte mese e nevojshme ne kete moment, kur situata ne rajon eshte tejet e acaruar dhe konkretisht trupat ushtarake maqedone gjenden prane kufirit me Shqiperine.

E.M

Bardhyl Londo, PD

Une mendoj se kjo gje duhet te jete rregulluar me ligj apo nese nuk eshte nenkuptuar eshte kerkese morale qe buron nga moraliteti i detyres. Kuptohet qe nuk mund te largohen njeheresh edhe presidenti edhe kryeministri, edhe kryetari i Kuvendit. Por nuk mendoj se kjo duhet te mbetet ne doren e presidentit, kjo ceshtje ose duhet te rregullohet me ligj ose te jete ne moralitetin e krereve te shtetit. Sepse une nuk besoj se ata jane aq te papergjegjshem qe te largohen te gjithe nga vendi. Pra, shqetesimi eshte i drejte, por nuk besoj se duhet te mbetet ne doren e Presidentit per t'u zgjidhur kjo ceshtje.

Bardhyl Agasi, PS

Natyrisht edhe me rregull eshte, qe te gjithe drejtuesit e shtetit nuk mund te ndodhen jashte vendit njekohesisht, pra nese largohet Presidenti, detyren e kreut te shtetit e kryen kryetari i Kuvendit. Nje kerkese e tille sidomos kur ka ngjarje dhe preokupim per zhvillimet e fundit ne vend e ne rajon, eshte nje kerkese realiste. Natyrisht, eshte normale per lideret e shtetit te shkojne per pune te rendesishme jashte venditt per te realizuar qellimet e tyre dhe per marreveshje te tjera. Une nuk e kuptoj si nje diktat kerkesen e presidentit, por si nje kerkese realiste qe kerkon impenjim, por kjo nuk do te thote qe kreret e shtetit duhet te marrin leje per cdo gje. Ne fakt kur shkojne per pune jashte shtetit punonjesit e administrates ata edhe mund te mos i marrin leje ministrit, por kur behet fjale per figurat qendrore, atehere duhet te kete nje bashkepunim te ngushte mes krereve me te larte te shtetit.

Nard Ndoka, PDr

Une nuk mendoj se kjo eshte detyre e presidentit, eshte pjese e protokollit te shtetit. Dhe une besoj se protokolli eshte i ministrise se Jashtme, qe kujdeset jo vetem per personalitetet qetakohen mes tyre, por koordinon dhe punen e drejtuesve te shtetit perfshire edhe presidentin e Republikes, kryeministrin dhe kryetarin e parlamentit. Aspak nuk eshte pozitive qe drejtuesit e shtetit te jene me nje kohe ne drejtime te ndryshme jashte vendit. Kjo eshte e patolerueshme, por nuk mund te jete detyre e presidentit, por pjese e protokollit te shtetit.


----------
Ndryshojne diplomatet
Kosove Roland Bimo

Spanje Anila Bitri

Ceki Shaqir Vukaj

Kanada Adhurim Resuli

Angli Kastriot Robo

Gjermani Agim Fagu

Greqi Bashkim Zeneli

Egjipt Viktor Kalemi

Ndryshime drastike pritet te realizohen se shpejti ne diplomacine shqiptare. Presidenti Alfred Moisiu, kryeministri Fatos Nano dhe ministri i Jashtem, Ilir Meta kane vendosur pak dite me pare per emerimet e reja te nje sere ambasadoreve te Shqiperise jashte shtetit.

Seminari i pervitshem me 44 ambasadoret dhe te ngarkuarit me pune ne perfaqesite tone jashte vendit, eshte shoqeruar dhe me shkarkime dhe emerime qe jane realizuar ne bashkepunim mes krereve me te larte te shtetit. Burime diplomatike thane per "KJ" se, aktualisht ambasadori yne ne perfaqesine e OSBE-se ne Vjene, Roland Bimo pritet te dekretohet se shpejti si ambasadori i ri i vendit tone ne Kosove. Bashkeshortja e gazetarit te mirenjohur Remzi Lani, Anila Bitri (Lani), eshte emeruar ambasadore ne Spanje, ndersa Shaqir Vukaj ka mbi dy muaj qe po pret agrimentin per te perfaqesuar vendin tone ne Ceki, ne vend te ish-ambasadorit Pirro Milkani. Ish-ambasadori yne ne Hungari Adhurim Resuli eshte emeruar ne Kanada, nderkohe qe Kastriot Robo do te lere Athinen per te perfaqesuar vendin tone ne Angli. Ambasadori yne ne Britanine e Madhe, Agim Fagu eshte emeruar ne Gjermani, nderkohe qe Bashkim Zeneli do te emerohet ambasador ne shtetin fqinj te Greqise. Ende eshte e paqarte se kush do te perfaqesoje vendin tone ne Jugosllavi, por burimet thone se nje nga kandidaturat e mundshme eshte ajo e Roland Bimos, emri i te cilit diskutohet edhe per ne Kosove. Ambasadori Viktor Kalemi, pret qe ditet ne vazhdim te niset per ne Kairo te Egjiptit ku eshte emeruar ambasador.

Emerimet e ambasadoreve te rinj kane vene ne levizje nje pjese te mire te diplomacise shqiptare. Kreret e larte te shtetit, Moisiu, Nano dhe Meta kane diskutuar gjate javes se kaluar lidhur me diplomatet qe do te levizin neper perfaqesite shqiptare neper bote dhe duket se kane hartuar nje liste qe edhe mund te rishikohet ditet e ardhshme. Ne seminarin dy ditor qe u zhvilluar ne ministrine e Puneve t-_shtme, presidenti, kryeministri dhe shefi i diplomacise shqiptare kerkuan nga ambasadoret te impenjohen me teper per te promovuar Shqiperine ne vendet ku jane atashuar dhe theksuan qe perfaqesite tone neper bote duhet te ndihmojne me teper shqiptaret qe kane emigruar dhe trokasin neper dyert e ambasadave per halle te ndryshme.

Ambasadoret qe do te "ekstradohen"

Presidenti Alfred Moisiu deklaroi ne seminarin me ambasadoret se do t'i kerkoje qeverise shqiptare hartimin e nje ligji qe lejon ekstradimin e diplomateve te cilet nuk kthehen ne atdhe ne mbarim te detyres. Sipas Moisiut, keta diplomate "dezertore" duhet t'i sherbejne vendit te tyre dhe jo ta tradhetojne ate duke qendruar ne vendet ku jane atashuar. Disa prej diplomateve qe nuk jane kthyer ne atdhe pas mbarimit te detyres, keto pese vitet e fundit jane: Pavli Qesku ne Angli, Vatudin Bala ne Slloveni, Luan Rama ne France dhe Pellumb Kulla ne Itali.

Re. Po

--------------------

kadal beg se ka hendeg.

[Brari]

Nji klime e re ne shtet...
Une mendoj se duhet pergezuar..

shekulli thote..
-------------------------
Kryeministri dëshmon në komisionin hetimor për veprimtarinë e shërbimit sekret


Nano: Klosi fajtor për vrasjen e Hajdarit


"SHIK ka patur dijeni, por s'ka qenë në nivelin e duhur në informacionin dhe parandalimin e vrasjes së Hajdarit"

TIRANE-Kryeministri Fatos Nano fajësoi dje ish- drejtuesit e Shërbimit Informativ Kombëtar, por mbi të gjitha ish-drejtorin e saj, Fatos Klosi për mosparandalimin e vrasjes së deputetit të PD-së, Azem Hajdari. Nano, një deklaratë të tillë e ka bërë gjatë paraqitjes së raportit në komisionin e posaçëm parlamentar për SHIK, mbi kontrollin e ushtruar nga qeveria ndaj këtij institucioni, për periudhën ku si drejtor ka qenë Fatos Klosi. Në këtë komision, kryeministri Nano ka paraqitur dje në detaje kontrollin me anë të raportit në fjalë, si dhe ka folur mbi të gjitha edhe për marrëdhëniet e tij, si kryeministër me Klosin si shef i SHIK-ut në periudhën e vrasjes së deputetit demokrat Azem Hajdari. Sipas burimeve nga kjo mbledhje mësohet se Nano ka paraqitur një sërë shkeljesh të Klosit gjatë drejtimit të SHIK-ut, por mbi të gjitha e ka akuzuar atë për mosndërhyrje në parandalimin e ekzekutimit të Hajdarit, si dhe për mosbashkëpunim institucional mes tij dhe kryeministrit. "SHIK ka patur dijeni dhe nuk ka qenë në nivelin e duhur në informacionin dhe parandalimin e vrasjes së Hajdarit, sepse në atë kohë dihej që deputeti i PD-së ishte në rrezik për jetën. Në arrestimin e të gjashtëve, SHIK nuk i ka dhënë informacione kryeministrit (në atë kohë kreu i PS-së), ku ai një ndalim të tillë e ka mësuar vetëm nga televizionet", -ka deklaruar Nano në mbledhjen e djeshme të komisionit. Në këto dy akuza të bujshme në adresë të ish-drejtorit të SHISH-it, kryeministri e ka shoqëruar me fakte të tjera, duke deklaruar se në momentin kur kanë ndodhur dy ngjarje që kanë tronditur jo pak shtetin dhe politikën shqiptare, Klosi nuk ka qenë fare në Shqipëri. Nano në mbledhjen e komisionit ka shtruar pyetjen se "ku ka qenë ish-kreu i SHISH-it në momentin e vrasjes së Hajdarit, si dhe të arrestimit të gjashtë anëtarëve dhe drejtuesve të opozitës?". Gjithashtu, Nano kërkoi në mbledhje që institucioni i SHISH-it nuk duhet të identifikohet me drejtuesit, sepse ka shumë punonjës që kanë aftësi profesionale dhe kanë treguar integritet në punën e tyre. Ai u shpreh se të gjithë kryeministrat socialistë kanë kërkuar shkarkimin e Fatos Klosit, gjë që është përgënjeshtruar si nga Meidani ashtu dhe nga Klosi.
Shkeljet financiare
Akuzat kanë vazhduar më tej, ku në raportin e paraqitur theksohet se "SHIK nën drejtimin e Klosit ka dëmtuar stabilititetin politik, duke përhapur dizinformacione, duke nxjerrë në media sekrete shtetërore. Kryeministri ka theksuar se SHIK-u nuk i ka dhënë informacione zyrtare kryeministrit as pas vrasjes së deputetit demokrat Hajdari. Në një pjesë të raportit sekret të qeverisë përfshihen edhe abuzimet financiare të shefit të SHIK-ut. Sipas raportit të paraqitur nga Nano, është konstatuar shkelje financiare deri edhe në dhënie fondesh për deputetë të caktuar për zhvillimin e fushatave elektorale. "Drejtori i SHIK-ut i ka vënë vetes shpërblime 2-3 milionë lekë të vjetra, kurse punonjësve të këtij institucioni nga 50 mijë lekë të vjetra. Drejtori i SHIK-ut ka abuzuar me donacionet e huaja që i janë dhënë këtij institucioni", -thuhet në raportin e paraqitur. Gjithashtu gjatë paraqitjes së raportit, Nano bëri të ditur se janë konstatuar shkelje në tenderin e kryer për blerjen e automjeteve "Wolfswagen" për këtë institucion, si dhe shpërdorime të brendshme për dieta, bileta udhëtimesh, etj. ndërsa akuzat e tjera kanë të bëjnë me përbërjen e administratës, ku Nano ka deklaruar se në komision se institucioni i SHIK-ut në kohën e Klosit nuk ka qenë i depolitizuar, ku në të janë punësuar të klanit të drejtorit të këtij institucioni. Gjithashtu, një nga shkeljet e tjera konsiderohet edhe mungesa e dokumentacioneve mbi bazën e rregulloreve të këtij institucioni. Kryeministri Nano ka qëndruar për një orë në mbledhjen e djeshme të komisionit, në të cilën ka raportuar për shkeljet e konstatuara në SHIK-un e drejtuar nga Klosi. Komisioni pas largimit të Nanos rreth orës 11.30' ka vijuar më pas punën e tij për të përcaktuar në mënyrë të detajuar axhendën e tyre, duke u bazuar tek raporti i paraqitur nga qeveria. Sipas burimeve mësohet se komisioni do të studiojë në detaje raportin qeveritar për SHIK-un, si dhe ka vendosur që kryeministrin Nano mund të thërrasë sa herë që ta shikojë të arsyeshme.
B.Hoti


Ngjela: Hetimi ynë mbi bazën e raportit
Kryetari i komisionit të posaçëm për veprimtarinë e SHISH-it, Spartak Ngjela është shprehur optimist për raportin e paraqitur nga qeveria dhe konkretisht nga kryeministri Fatos Nano, gjë që do të sjellë sukses në punën e nisur nga kjo strukturë parlamentare. "Kryeministri paraqiti dy materiale të rëndësishme, të cilat departamenti i kontrollit të Këshillit të Ministrave ka nxjerrë si konkluzione mbas ushtrimit të kontrollit ndaj SHISH-it. E dyta, është fakti që ne dëgjuam edhe ekspozenë e kryeministrit, substancialisht për ato që janë paraqitur në materialet që ka depozituar pranë komisionit. Nga ato që dëgjuam dhe nga ato që arritëm të vështrojmë një hulli shumë të mirë të hetimit, kjo tregon se komisioni dhe me frut",-tha Ngjela. Gjithashtu kryetari i këtij komisioni, Ngjela bëri të ditur se janë prekur të gjitha problemet e hetimi dhe se çështja është ende në shqyrtim. Nga ky raportim shumë të kënaqur kanë dalë deputetët e opozitës, të cilët kanë vlerësuar së tepërmi raportin e paraqitur nga Nano. Ndërkohë që përveç Ngjelës, asnjë anëtar komisioni nuk ka pranuar të flasë publikisht për mediat.
B.H



Pikat e shkeljeve të Klosit sipas raportit

1. SHIK ka patur dijeni dhe nuk ka qenë në nivelin e duhur në informacion dhe në parandalimin e vrasjes së Hajdarit. Sepse në atë kohë dihej që Hajdari ishte në rrezik.
2. Në arrestimin e të gjashtëve, SHIK nuk ka informuar kryeministrin, i cili e ka marrë vesh lajmin nga media. SHIK nuk ka dhënë informacion as kur është bërë vrasja e Hajdarit
3. Në të dyja rastet, si dhe në 12 shtator dhe në arrestimin e të gjashtëve, Klosi nuk ka qenë në Shqipëri
4. Shkelje financiare deri dhe fonde për fushatë elektorale për deputetë të caktuar
5. SHIK ka dëmtuar stabilitetin politik, duke përhapur dizinformacione, duke nxjerrë në media sekrete
shtetërore
6. Drejtori i SHIK-ut i ka vënë shpërblim vetes 2-3 milionë lekë të vjetra, kurse nëpunësve nga 50 mijë lekë të vjetra.
7. Abuzime me donacionet që i janë dhënë institucionit
8. Shkelje në shërbimet e brendshme; dieta, bileta udhëtimesh dhe të tjera
9. Dokumentacioni i SHIK-ut ka funksionuar pa rregullore, gjë që ka sjellë shkelje në dokumentacion
10. Abuzime në tenderat e automjeteve tip "Wolfswagen"

---------------

Kreu i PD-së tha se ai kishte akuzuar Nanon, por ky i fundit kishte akuzuar Klosin që s'është përgjigjur


Berisha: Ja pse nuk akuzoj më Nanon për Hajdarin


TIRANË - Kryetari i PD-së Sali Berisha deklaroi dje gjatë turit të tij në Durrës se më parë kishte akuzuar Fatos Nanon për vrasjen e deputetit Azem Hajdari, ndërsa vetë Nano kishte akuzuar ish-kreun e SHISH-it Fatos Klosi. Mirëpo ky i fundit nuk është përgjigjur ende. "Kush ishte autori i vërtetë i arrestimeve në mesnatë në 20 gusht të vitit 1998, skenar që çoi në ekzekutimin para selisë së PD-së të Azem Hajdarit?, -ka pyetur kreu i PD-së. "Unë nuk dua të avancoj me deklarata, por nuk mund të mos shpreh vlerësimin për hetimin, por është jashtëzakonisht e rëndësishme që politika shqiptare të ndryshojë, të mos ketë akuza boshe, por të ketë transparencë të plotë dhe kjo do ta bëjë padiskutim klimën më qytetare, kjo do ta bëjë shoqërinë shumë më të sigurt. Pra, ky është një fillim i sigurt. Ne nuk heqim dorë prej tij", -deklaroi ai prerë. Kryetari i opozitës, Berisha vlerësoi paraqitjen e kryeministrit para komisionit hetimor. Ai tha se, "PD-ja do të bashkëpunojë me komisionin parlamentar për SHISH-in". "Çdo njeri është moralisht dhe ligjërisht i detyruar të dëshmojë para komisioneve hetimore dhe kjo është një praktikë, që ndiqet rëndom në botën demokratike", -deklaroi për gazetarët, kryetari i PD-së Sali Berisha. "Unë vlerësoj aktin që kryeministri ka bërë për të paraqitur para komisionit dokumentet dhe atë çka ai di mbi veprimtarinë e këtij pushteti, që, siç kam theksuar, edhe njëherë nga një degë e varur tërësisht nga ekzekutivi, e kontrolluar nga Parlamenti dhe ekzekutivi, u shndërrua në pushtet personal të një kupole, u mor intensivisht me aktet terroriste, me trafiqe të pista dhe kriminale, me shpërdorime masive të fondeve, pra me një veprimtari të paligjshme dhe jokushtetuese, dhe fakti i dëshmisë para komisioneve është një risi pozitive, pa diskutim", -u shpreh lideri demokrat. Kryeministri Fatos Nano ka paraqitur dje para anëtarëve të komisionit hetimor për veprimtarinë e SHISH-it, me fakte, të gjitha shkeljet në punën e këtij institucioni të drejtuar për një periudhë të gjatë nga Fatos Klosi. Ai ka përmendur në materialin e tij, edhe vrasjen e deputetit të PD-së Azem Hajdari, për të cilën ka deklaruar se SHISH-i ka neglizhuar.
D.Tanushi

--------------
Kreu i demokratëve shprehet se nuk do të paraqesë kandidaturë për drejtorin e ri të shërbimit sekret


PD: Drejtori i SHISH-it, të gëzojë besimin e Nanos dhe Moisiut


TIRANË - Partia Demokratike nuk do të paraqesë asnjë emër për kreun e ri të SHISH-it. Këtë e ka pohuar dje, paradite në një prononcim për gazetarët kreu i PD-së Berisha. "PD-ja nuk ofron emër dhe nuk ka ndërmend që të kërkojë bashkautorësi në emërimin e kreut të SHISH-it. Në qoftë se doni të dini me transparencë të plotë qëndrimin e PD-së, unë doja që në krye të atij institucioni të ishte një individ, një person, që të kishte besimin e plotë të qeverisë dhe presidentit", -deklaroi Berisha. Kreu i PD-së ka dhënë edhe shpjegimin se përse duhet një individ i tillë në krye të SHISH-it. "Sepse nuk ka dyshim që qeveria e kontrollon tërësisht atë dhe është degë e qeverisjes, por presidenti është kryetar i Këshillit të Sigurimit Kombëtar dhe natyrisht, ai duhet të jetë njeri, të cilit presidenti i beson dhe kështu funksionon në çdo vend", -sqaroi kreu i PD-së Berisha. Ai tha se, "nuk kemi asnjë lloj ambicie që ne të marrim pjesë dhe nuk do të marrim pjesë në aktin e emërimit të kreut të SHISH-it. Ne po marrim pjesë në procesin e hetimit ndaj ish-kreut të SHISH-it bashkë me socialistët. Të tjerat pastaj, sipas ligjit". Kreu demokrat shprehu gatishmërinë e PD-së për një bashkëpunim të plotë dhe të hapur me komisionin e ngritur hetimor për SHISH-in. Ndërkaq në një takim të zhvilluar në Presidencë mes kryeministrit Nano dhe presidentit Moisiu për çështjen e emërimit të drejtorit të ri të SHISH-it nuk është rënë dakord për emrat e paraqituar nga Nano. Por kjo procedurë do të zhvillohet më tej me ardhjen e presidentit nga SHBA ku ai ndodhet për një vizitë disaditore. Sipas Kushtetutës, drejtori i Shërbimit Informativ emërohet nga kryeministri dhe miratohet nga presidenti. Nëse edhe në takimet e tjera mes dy autoriteteve nuk do të ketë konsenus apo kompromis, kjo do të shënojë përplasjen e parë mes tyre.

KLSH
Partia Demokratike ka kërkuar sërish që drejtimin e Kontrollit të Lartë të Shtetit ta marrë opozita. Kryetari i saj Berisha tha dje se, "ekziston një marrëveshje, e njohur si marrëveshja e Sent Exhidios. Ne kemi qenë në qeveri kur e kemi firmosur atë marrëveshje dhe për këtë shkak, institucioni i Kontrollit i takon opozitës kryesore. Unë shpresoj që ajo marrëveshje të zbatohet, pasi është në interes të vendit, por është edhe dëshmi e përgjegjshmërisë sonë për të luftuar korrupsionin", -komentoi Berisha. Lidhur me ngritjen e pragut parlamentar për të mënjanuar në një farë mënyre artificializmin parlamentar që vihet re në zgjedhjet e fundit, kryetari i PD-së Berisha tha se, nuk donte t'u prishte humorin aleatëve të tij. "Unë jam për zgjerimin e koalicionit dhe jo për ngushtimin e tij. E vetmja gjë që kërkoj unë, është që koalicionet duhet të jenë të përcaktuara mbi baza të qëndrueshme, madhore, politike të përbashkëta. Janë disa gjëra të shmangshme, të keqkuptuara, siç duket kanë qenë nxitime të panevojshme, qoftë edhe të PD-së në ndonjë rast, ndërsa në ndonjë rast tjetër aleatët, por diversiteti është një gjë e pranuar dhe të në ardhmen do të shmangen dhe koalicioni do të zgjerohet ", -deklaroi Berisha.

------------
mire..

[Brari]

Presidenti Moisi Golemi shkon te kreshniket e Maleve dhe kerkon Paqe per ata te mjere. Urime Moisiut!
.................................................. .....................


nga shekulli....
.................

"Ndryshimet politike dhe impenjimi i strukturave të shtetit janë në favor të strategjisë së Moisiut
Tropoja pret ndëshkimin e vrasësve

Në fillimin e vitit 2000 shteti e la në mes operacionin "Ndëshkimi"

Artan Hoxha
TIRANË - Ideja e hartimit të një strategjie që do të kthente në normalitet rendin dhe qetësinë në rrethin e Tropojës, e hedhur në tavolinë nga presidenti Moisiu duket se është më afër se kurrë drejt realizimit. Skenari i përgjakshëm gjashtëvjeçar i vrasjeve në Tropojë ka shkaktuar afro 150 të vrarë, pa bërë dallim në burra dhe gra, madje janë përdorur të gjitha llojet e armëve duke përfshirë që nga minat e telekomanduara dhe deri te lëndët e fuqishme eksplozive të tipit C4. Vizita e paralajmëruar për në datën 27 shtator dhe e anulluar në çastet e fundit nga presidenti Moisiu pritet të mos ketë ndikuar në lëvizjen e ingranazhit që do të çojë përpara një operacion të dytë të tipit "Ndëshkimi". Strukturat e specializuara si policia, prokuroria dhe gjykata planifikuan dhe vunë në zbatim gjatë gjysmës së dytë të vitit 1999 një operacion të koduar me emrin "Ndëshkimi". Edhe pse rezultatet e para të tij ishin mjaft shpresëdhënëse në janarin e vitit 2000, gjithçka u la në harresë dhe Tropoja iu kthye serish serialit të vrasjeve, atentateve me lëndë eksplozive e deri tek sulmi i armatosur ndaj komisariatit të Bajram Currit. Sa herë që klima politike acarohej në Tiranë, krismat dhe viktimat dëgjoheshin dhe varroseshin në Tropojë. Por këtë radhë ky faktor duket se është në favor të strategjisë së pajtimit që po tenton të realizojë stafi i presidentit të ri të vendit i mbështetur dhe nga autoritetet e pushtetit vendor në rrethin e Tropojës.
Skenari
Tashmë çdo tropojan e ka të qartë se gjatë këtyre gjashtë viteve, Tropoja ka qenë një kokë turku për politikën shqiptare. Vrasjet e njëpasnjëshme, ekzekutime e tipit mafioz që kanë çuar deri në shfarosje familje e fise të tëra i kanë shkaktuar një hemorragji vdekjeprurëse rrethit të Tropojës. Sot pas gjashtë vjetësh nga fillimi i këtij kalvari Tropoja është braktisur nga më shumë se gjashtëdhjetë për qind e popullsisë së saj. Fshatra të tëra kanë marrë ç'të mundin dhe kanë zbritur në zonat e mëdha urbane të vendit. Shkaqet ekonomike, varfëria, mungesa e vendeve të punës, mungesa e ndihmës dhe përkrahjes sociale, mungesa e investimeve në infrastrukturë dhe niveli mjaft i lartë i kriminalitetit, i detyruan dy të tretat e tropojanëve të braktisin shtëpitë e tyre për të filluar një jetë të re ku të mundin, vetëm që të jenë larg tmerrit të atentateve e pritave, hedhjes në erë të pallateve me eksploziv e grabitjes së bankës. Strukturat e pushtetit vendor të ofrojnë statistika të frikshme të gjendjes ekonomike të tropojanëve, të cilët janë mbajtur gjallë vetëm prej punës së emigrantëve. Ekzekutimi demonstrativ në mes të kryeqytetit vetëm disa metra nga selia e PD-së i deputetit të Tropojës Hajdari do të shkaktonte më pas një skenar të mirorganizuar vrasjesh, fillimisht të personave të dyshuar si autorë të krimit dhe më tej të vetë "vrasësve të vrasësve". Inefiçenca e strukturave të specializuara si policia, prokuroria dhe gjykata, gjatë këtyre gjashtë viteve në Tropojë në moszbulimin e autorëve të krimeve dhe mos ndëshkimin e tyre nuk mund të ketë qenë thjesht një pafuqishmëri e shtetit por edhe një veprim i bërë me vetëdije. Një gjë të tillë e provon fakti që ndryshimi i klimës politike në kryeqytet ka ndikuar dhe në Tropojë, duke bërë që për herë të parë pas 1997-ës, komunitetit dhe pushteti vendor të mbështesin veprimet e policisë lokale.
Ndëshkimi
Më 4 gusht 1999, pas një atentati ku u goditën disa drejtues të policisë lokale në Tropojë shteti organizoi me urgjencë një operacion të koduar me emrin "Ndëshkimi". Në krye të trupave speciale u vu koloneli Gani Malushi, i cili, brenda pak muajsh, bëri spastrimin e komisariatit nga elementët e inkriminuar, goditi krimin e rrugës, duke liruar nga maskat arteriet kryesore që lidhnin Bajram Currin me pjesën tjetër të vendit. Gjatë kësaj kohe në Tropojë u kapën me dhjetëra persona në kërkim, institucionet iu kthyen veprimtarisë normale dhe bankat jo vetëm që nuk u grabitën më, por filluan të shpërndanin në kohë rrogat dhe pensionet. Mbështetja e qeverisë Majko në atë kohë ishte maksimale, duke bërë që shteti për gjashtë muaj të rikthehet në një pjesë që e kishte humbur prej vitesh. Por largimi i stafit të Malushit në shkurtin e vitit 2000 riktheu dhe një herë pasigurine dhe kaosin në Tropojë. Përkeqësimi i situatës çoi në antimitingun i 26 shtatorit, kur kryeministri Meta rrezikoi të mbetej peng i protestuesve të irrituar, apo në sulmin e armatosur të 28 nëntorit mbi komisariatin lokal ku pati një të vrarë dhe dhjetëra të plagosur. Angazhimi personal i presidentit Moisiu dhe i stafit të tij, i mbështetur dhe nga forcat politike në vend pritet të mos e lërë në mes "Ndëshkimin numër 2" që do t'i rikthente Shqipërisë pjesën e dalë jashtë kontrollit në veri të saj.

Ekspertët
Ngritja e tre grupeve me ekspertët më të mirë të Prokurorisë së Përgjithshme, policisë së shtetit dhe Ministrisë së Drejtësisë do të kontrollojnë çdo dosje të arshivuar në Tropojë dhe do të rihapin hetimet për to. Këto grupe pritet të ndikojnë ndjeshëm në vënien në efiçencë të trinomit polici-prokurori-gjykatë në Bajram Curri, dhe specialistët e tyre pritet të qëndrojnë për një kohë të gjatë në Tropojë.
Investimet
Rritja e investimeve në infrastrukturë do të ndikojë në hapjen e vendeve të reja të punës dhe do të ndikojë që Tropoja të dalë nga izolimi prej pjesës tjetër të vendit. Hapja nga brigada xhenjiere e rrugës së Qafë Morinës që lidh Bajram Currin me Gjakovën, pritet të pasohet dhe nga hapja e një dogane tjetër në fshatin Çerem që do të lidhte Tropojën me Malin e Zi dhe do të krijonte një tjetër urë për këtë trevë.
Pajtimi
Pas evidentimit dhe ndëshkimit të autorëve të krimeve në Tropojë, ndëshkimi i tyre nga organet e drejtësisë do të bënte që shtetit t'i rikthehej autoriteti i humbur në këtë pjesë të vendit. Dënimi i vrasësve apo dhe identifikimi i tyre nëse ata janë vrarë më pas nga autorë të tjerë do të krijonte hapësirën që të ndërmerrej një fushatë pajtimi mes familjeve që kanë qenë viktima të këtij kalvari,

KRONOLOGJIA

16 qershor 1997 - Vritet në dalje të urës së Milotit, Sokol Haklaj, ndihmësgjyqtar në rrethin e Skraparit, autorët e këtij krimi janë të pazbuluar
5 janar 1998 - Vritet në Qafën e Luzhës, në një atentat me armë zjarri automatike Shkëlqim Haklaj dhe kunati i Fatmir Haklajt, Artur Demiri
5 janar 1998 - Vriten në afërsi të fshatit Cernicë Avdyl Matoshi, Gjon Kolbuçaj dhe Naim Dizdari. Autorët e këtij krimi janë të panjohur.
9 janar 1998 - Vritet brënda qelive të komisariatit të Bajram Currit oficeri i policisë së kufirit Shaqir Hoxha. Askush s'është dënuar për këtë ngjarje
13 janar 1998 - Persona të armatosur grabisin 480 milionë lekë në bankën e Tropojës dhe marrin peng policin e shërbimit, autorët të panjohur
9 prill 1998 - Plagoset në mes të Bajram Currit Azgan Haklaj, për këtë ngjarje u arrestua Idajet Gjeçi, i cili u dënua me 13 vjet dhe më pas u la i lirë
12 shtator 1998 - Vritet në Tiranë Azem Hajdari dhe Besim Çera, është provuar tashmë se autorët kanë ardhur nga Tropoja më makinat e policisë
29 tetor 1998 - Grabitet serish banka e kursimeve të Bajram Currit, grabitësit që dyshohen të kenë qenë me uniforma policie morën 620 milionë lekë
4 gusht 1999 - Vriten në afërsi të fshatit Cernicë, me mina të telekomanduara Halil Haklaj e Feriz Kërnaja, plagosen rëndë Fatmir Haklaj e Fatmir Daka
4 gusht 1999 - Vriten në qendër të qytetit të Bajram Currit, Bislim Hyka dhe Isuf Bashkurti, autorët e këtij krimi nuk janë zbuluar ende nga shteti
13 tetor 1999 - Vritet koloneli Jonuz Hyka së bashku me dajën e tij Musli Gjoçaj në lagjen Partizani të Bajram Currit. Vrasësit janë të pazbuluar
4 nëntor 1999 - Vritet në një pritë në fshatin Bujan, 50 metra larg banesës së Jaho Salihit, Fatmir Haklaj dhe Sami Kërnaja, plagoset Jaho Salihi
13 shtator 2000 - Sulmohen me armë snajper nga një komando, në fshatin Kërnajë, Haklajt. Autorët tentojnë të vrasin Hamdi dhe Ylli Haklajn, por dështojnë
1 nëntor 2000 - Vritet në dalje të fshatit Shoshan majori i repartit special Brisku, Ylvi Bengasi, kjo vrasje vazhdon të jetë e pazbuluar dhe pa autorë
28 nëntor 2000 - Gjatë një proteste të dhunshme vritet në hyrje të komisariatit të Bajram Currit Syl Lusha dhe plagosen të paktën 10 shtetas të tjera
3 dhjetor 2000 - Vritet më armë snajper nga një komando me njerëz të armatosur, vetëm Ylli Haklaj dhe plagoset Bilbil Selivrada.Vrasësit të panjohur
28 mars 2001 - Sulmohen me armë zjarri nga një komando me njerëz të armatosur Haklajt. Shkëmbehet zjarr për më shumë se 30 minuta, s'ka viktima
20 gusht 2001 - Persona të veshur me uniforma ushtarake plagosin gjatë një atentati pranë fshatit Babinë, Petrit Brahën dhe Bilbil Selivradën
31 tetor 2001 - Hidhet në erë pallati ku banonte deputeti Azgan Haklaj, vritet Shote Haklaj dhe plagosen tre persona të tjerë, autorët të pazbuluar
2 prill 2002 - Vriten në lokalin "Ervin" në qytetin e Bajram Currit, Rasim Lumneshi dhe Ilir Gosturani, plagosen Hysni Biberi dhe Kujtim Dusha
8 maj 2002 - Vriten pas një atentati pranë spitalit të qytetit Elez Haklaj 70 vjeç dhe djali i tij Çelë Haklaj, 43 vjeç. Autorët largohen dhe djegin makinën

.............................