Hapja e bisedimeve Prishtinë-Beograd

[Fringo]

Dialogu i Vjenës dhe rezoluta 1244


MEHDI HYSENI

S’ka dilemë se bashkësia ndërkombëtare gjatë katërvjetëshit të shkuar bëri përpjekje për të ndërtuar shtetin e Kosovës (qeveria, parlamenti, kryetari, si dhe sturkturat e tjera institucionale juridiko-politike e kushtetuese të Kosovës), mirëpo, megjithatë, nuk u arrit një objektiv i tillë, sepse pengesë kryesore dhe e pakapërcyeshme ishte “klauzola juridike” e Rezolutës 1244 e KS të Kombeve të Bashkuara, ku nënkuptohet se Kosova është pjesë e Serbisë dhe e Malit të Zi. Prandaj, përderisa të mos ndryshohet Rezoluta 1244, e cila është në kolizion me institutin e pavarësisë së Kosovës, do të favorizohet sovraniteti absolut kolonial i Unionit të Serbisë dhe Malit të Zi mbi Kosovën. Në të vërtetë, shikuar në aspektin juridik ndërkombëtar, ky edhe është argumenti i vetëm justifikues i SMZ-së (Serbi Mali i Zi) me të cilin është duke manipuluar dhe spekuluar në disfavor të së drejtës së vetëvendosjes dhe të pavarësisë së Kosovës.
Për t’iu shmangur këtij defekti juridik ndërkombëtar, pala shqiptare (përmes organeve të saj institucionale përkatëse), duhet të insistojë në revidimin e Rezolutës 1244, që në vend të saj të miratohet një rezolutë e re për Kosovën, e cila do të legjitimonte de facto dhe de jure institucionin e së drejtës dhe të parimit të vetëvendosjes së Kosovës. Përndryshe, është e mundur që të zhvillohen lloj-lloj dialogesh “teknike” me shtetin e SMZ-së në Vjenë, në Podogoricë, në Prishtinë apo në Dejton, por kjo do të ishte “teknikë” e gabuar e politikës dhe e diplomacisë shqiptare, sepse në këtë mënyrë, botërisht, do ta votonin praktikisht dhe juridikisht institutin e sovranitetit kolonial serb mbi Kosovën dhe shqiptarët. Për më tepër, një akt i këtillë do të quhej kapitullim për Kosovën dhe shqiptarët, si në kuptimin e historisë, të politikës dhe të diplomacisë së tyre, në përgjithësi.
Prandaj, pavarësisht se çka “rekomandojnë” dhe predikojnë analizat miope, dezulative dhe diletante të disa autorëve “autodidaktë politikë” (që janë në diskurs me mbrojtjen e interesit nacional dhe shtetëror shqiptar), se palës shqiptare “nuk i hiqet ndonjë copë”, po qe se do të shkonte në dialogun e imponuar të Vjenës, pala shqiptare patjetër duhet të “abstenojë” nga dialogu serbo-shqiptar i Vjenës, i cili në të vërtetë, edhe është i aranzhuar në mënyrë të ngutshme, të njëanshme, që sheshit favorizon të drejtën e sovranitetit shtetëror serb mbi Kosovën. Për t’iu shmangur një rreziku të këtillë potencial, përkatësisht një gracke të këtillë të tratativave të fshehta të diplomacisë evropiane ndërkombëtare, Parlamenti i Kosovës e ka për detyrë që sa më parë të deklarohet para opinionit politik kombëtar dhe ndërkombëtar përmes aktit të tij të vlefshëm juridiko-politik e kushtetues lidhur me dialogun serbo-shqiptar të Vjenës, të parashikuar më 14 tetor 2003. Ndryshe, çdo “formulë” a “metodologji” tjetër politike përkitazi me dialogun e Vjenës, që anashkalon dhe përjashton vendimin e ligjshëm konsensual të Parlamentit të Kosovës, do të jetë në kundërshtim flagrant me të drejtën historike dhe me të drejtën e vetëvendosjes së Kosovës.
Në këtë vështrim, Parlamenti i Kosovës, si organ më i lartë ligjvënës, duhet të eliminojë dhe përjashtojë çdo tendencë a tentativë arbitrare jashtinstitucionale të formimit të ndonjë “grupi negociues”, që do të dialogonte me palën serbe në Vjenë. Një potez i këtillë eventual apolitik dhe antiligjor i Parlamentit të Kosovës, praktikisht do të provonte tezën e paqëndrueshme të politikës pushtuese serbomadhe, si dhe të diplomacisë së “kancelarive të moçme” evropiane, se “shqiptarët nuk meriotjnë të kenë shtetin e tyre mbase nuk janë në gjendje për të vetëqeverisur”, si dhe do të shënonte fundin e tij si organ ligjor. Për t’i davaritur këto teza të falsifikuara shekullore, si dhe spekulimet e rrezikshme të politikës propagandistike ditore të SMZ-së, që mohojnë të drejtën natyrore dhe historike të formimit të shtetit kombëtar shqiptar në Ballkan brenda kufijve të tij gjeopolitikë dhe etnikë, politika zyrtare shqiptare e Kosovës, në vend se të përqëndrohet në “temën teknike” të dialogut të dështuar të Vjenës, nevojitet që të këmbëngulë në parashtrimin e kërkesës urgjente OKB-së, që të revizionojë Rezolutën 1244, zhvlerësimi i së cilës, do të ndikonte pozitivisht në përshpejtimin e zgjidhjes së drejtë të statusit përfundimtar të Kosovës. Ndryshe, manovrat dhe sondimet e tjera politike të spektrit politik shqiptar, që kanë për qëllim “promovimin” e politikës së kultit të ndonjë individi të “shenjtë” apo të ndonjë “grupi të interesit”, të parapaguar në mbrojtjen e statu quo-së së Kosovës sipas Rezolutës 1244, sheshazi dëshmojnë disfunksionalizmin e procesit të transfomimit, të demokratizimit dhe të pavarësimit të Kosovës.




13/10/2003

[JONI 1]

Ne Vjene ndryshe nga shume Konferenca ku vendosej PA Shqipetaret per Shqipetaret dhe Tokat e tyre ishin prezente Perfaqesuesit legjitim qe mbrojten dhe shtruan edhe nje here kerkesen per njohjen formale te Pavarsise se Kosoves.Ndryshe nga pritjet e skeptikeve Presidenti Rugova dhe Kryeparlamentari Daci ne prani te autoriteteve dhe institusioneve me vendosese me nje fjalim brilant u bene me dije te njejtit se Pavaresia e Kosoves eshte e pashmangeshme dhe e panegociushme.Duke pare sjelljet e serbeve dhe deklarimet e tyre shihej qarte nervozizem dhe irritim ndoshta nga shkaku qe Shqipetaret ndryshe nga pritjet e tyre shkuan ne Vjene.serbet si duket kane dashur ta perserisin Rambujen por nga ajo qe doli ata jane te zhgenjyar.Fjamimin e Presidentit mund ta gjeni tek KOSOVA.COM

[Arb]

Në Vjenë filluan bisedimet për çështje praktike Prishtinë -Beograd

Vjenë, 14 tetor - Pikërisht në orën 9.17, sot në pallatin Hofburg në Vjenë filluan bisedimet për çështje praktike ndërmjet Prishtinës dhe Beogradit.

Në hapje, Kancelari i Austrisë Volfgang Shysel, si mikpritës i këtij takimi, shprehu bindjen se pjesëmarrësit e këtij do të shkojnë në rrugën e mirëfilltë të dialogut, me gjithë pengesat e shumta, si tha ai, për të shkuar në Vjenë.

"Ne jemi dëshmitar se dialogu është i mundur qoftë edhe në mes të ish-armiqve", tha kamcelari Shysel duke iu drejtuar të pranishmëve. "Me këtë dialog ju mund të gjeni vendin tuaj në rajon. Por ne në Vjenë dëshirojmë që ju të vazhdoni me dialogun, e ne do t'ju sigurojmë kushte", tha Shysel duke shprehur keqardhje që anëtarët e tjerë të delegacioneve nuk kanë vendosur të vijnë në këtë takim.

"Ne jo vetëm që do ta mbajmë në mend këtë sallë, meqë po shënohet në historinë evropiane, por ky do të jetë vendi ku ata do të kenë mundësi të bëjnë përparim drejt të ardhmes së tyre evropiane".

Ndryshe në një sallë ovale në këto bisedime delegacioni i Kosovës përfaqësohet nga Presidenti Ibrahim Rugova, shefi i UNMIK-ut Hari Holkeri dhe kryetari i Kuvendit të Kosovës Nexhat Daci. Ndërkaq, delegacioni nga Beogradi përfaqësoshet nga kryeministri serb Zoran Zhivkoviq, zëvendësi i tij Nebojsha Çoviq dhe anëtari i bashkësisë shtetërore Serbi-Mali i Zi, Rasim Lajiq.

Nga bashkësia ndërkombëtare në sallë ishin të pranishëm shefi i diplomacisë së BE-së Havier Solana, komesioneri evropian Kris Paten, sekretari i përgjithshëm i NATO-s lordi Xhorxh Robertson, ndërkaq nga SHBA-të ndihmësi i sekretarit amerikan të Shtetit për çështje evropiane, Lari Rosin, ambasadori amerikan në Beograd, Uiliam Montgomeri dhe shefja e Zyrës amerikane në Prishtinë, Marsi Ris. Poashtu janë të pranishëm edhe përfaqësuesit e Grupit të Kontaktit.

Pas hapjes solemne, takimi i vazhdoi punimet me dyer të mbyllura.



Fjala e Presidentit të Kosovës Ibrahim Rugova ne takimin e Vjenës

Vjenë, 14 tetor - Në takimin e sotëm në Vjenë mes delegacionit të Kosovës dhe atij të Serbisë të zhvilluar në pallatin Hofburg, në emër të Kosovës foli Presidenti Ibrahim Rugova. Më poshtë po japim teksitn e plotë të diskutimit të Presidentit Rugova.

"Përshëndes hapjen e këtij takimi në Vjenë, të rëndësishëm për vendin tim dhe për rajonin e Evropës Juglindore si dhe për BE, NATO-n dhe SHBA.

Në fillim dëshiroj të flas shkurt për progresin që ka arritur Kosova gjatë katër vjetëve pas luftës, në liri. Kosova ka bërë një progres të madh në të gjitha fushat e jetës.

Gjendja e sigurisë publike është më e mirë. Policia e Kosovës është forcuar dhe kemi filluar specializimin e saj. Kështu policia e Kosovës bashkë me policinë e UNMIK-ut dhe me KFOR-in / NATO-n bën sigurinë e vendit. Në të njejtën kohë është në vendosje e sipër rendi dhe ligji. Gjykatat në të gjitha nivelet po veprojnë deri te Gjykata Supreme e Kosovës.

Do theksuar se Kosova ka pasur progres të mirë edhe në ndërtimin e demokracisë. Gjatë vitit të kaluar u mbajtën zgjedhjet e dyta lokale me mandat katërvjeçar. Që një vit e gjysmë funksionojnë institucionet qendrore: Parlamenti, Qeveria dhe Presidenti i Kosovës, në bazë të zgjedhjeve nacionale të vitit 2001. Parlamenti i Kosovës ka miratuar me dhjetëra ligje në të gjitha fushat e jetës për të gjithë qytetarët e Kosovës.

Një progres të shquar kemi pasur edhe në integrimin e grupeve etnike, apo të minoriteteve. Sot të gjitha minoritetet marrin pjesë aktive në të gjitha institucionet e Kosovës, në nivel qendror dhe lokal. Në Parlament dhe në Qeveri kemi vende të rezervuara për minoritetet. Kështu në Parlament, nga 120 vende, 20 janë të rezervuara për minoritetet, plus vendet e fituara me votë. Në Qeveri e cila ka 10 ministri, dy ministra janë nga minoritetet. Ky është një progres në planin e integrimit administrativ. Duhet thënë se për ditë e më shumë shoqëria e Kosovës po bëhet më e integruar.

Do të punojmë më shumë në planin e komunikimit midis shumicës shqiptare dhe minoritetet siç janë serbët, boshnjakët, turqit, goranët, romët, ashkalinjtë dhe egjiptianët. Pra, duhet të punojmë më intensivisht në fushën e pajtimit dhe të mirëkuptimit të të gjithë kosovarëve, proces të cilin e kemi filluar.

Po ashtu në planin e kthimit të refugjatëve kemi shënuar progres. Janë kthyer mbi 7.000 njerëz të grupeve minoritare, kryesisht serbë. Të gjitha institucionet e Kosovës janë përcaktuar për një kthim individual të të gjithë atyre që dëshirojnë të jetojnë në Kosovë. Nga shumica shqiptare, qindra mijëra njerëz, vazhdojnë të qëndrojnë në Europë dhe SHBA, sepse nuk mund të kthehen për shkak të gjendjes sociale e ekonomike të Kosovës. Unë e them se pas luftës, tash në Kosovë, të gjithë jemi më pak.
Me këtë rast do thënë se edhe në fushën e ekonomisë kemi pasur progres. Sektori privat është mjaft i fuqishëm e dinamik. Kosovarët janë popull ndërmarrës. Vetëm një fakt 95% të buxhetit Kosova e ka bërë nga të hyrat e veta.

Objektivat e institucioneve shtetërore të Kosovës janë: zhvillimi ekonomik, tërheqja e investimeve dhe krijimi i vendeve të punës për të rinjtë. Këto ditë kemi filluar privatizimin së bashku me UNMIK-un si proces pozitiv ekonomik. Mund të themi se Kosova po hyn në fazën e një jete normale të një vendi.

Është politikë nacionale e Kosovës të ndërtojë marrëdhënie të mira me të gjithë fqinjtë e saj. Mund të themi se edhe në këtë fushë kemi pasur progres. Kështu me Shqipërinë kemi marrëdhënie të mira, me Republikën e Maqedonisë kemi filluar një progres si dhe me Malin e Zi. Sot jemi tubuar në Vjenë që të fillojmë një proces të marrëdhënieve pozitive fqinjësore me Serbinë në disa fusha praktike me interes për të dy vendet dhe për rajonin e Evropës Juglindore. Për fillim kemi pranuar të bisedojmë për bashkëpunim në fushën e energjisë, që është problem për gjithë rajonin e Evropës Juglindore, pastaj çështjen e të zhdukurve nga lufta që krijon shqetësime të vazhdueshme, për çështjen e kthimit të refugjatëve në baza individuale të atyre që dëshirojnë të jetojnë në Kosovë, si dhe për çështje të transportit dhe të telekomunikacionit, që është me rëndësi për të dy vendet dhe për rajonin. Me këtë rast do të themelohen grupe punuese, të cilat do të prodhojnë marrëveshje në nivel të dy vendeve.

Sot këtu, në Vjenë jemi takuar për të biseduar për disa çështje praktike midis dy vendeve, Serbisë dhe Kosovës. Dëshiroj të theksoj se është pozitive se të gjitha vendet e rajonit të Evropës Juglindore aspirojnë për integrim në BE dhe në NATO. Këtë e aspiron dhe po përgatitet edhe vendi im Kosova. Pra, një Kosovë demokratike, paqësore e pavarur dhe e integruar në BE e NATO dhe në miqësi permanente me SHBA. Ky aspirim është në të mirë të qytetarëve të Kosovës dhe do ta qetësonte rajonin e Evropës Juglindore. Kosova është e gatshme t’i pranojë obligimet ndërkombëtare.

Do të përdor autoritetin tim së bashku me PSSP-në, zotin Holkeri, që në bisedat rreth çështjeve praktike të involvohen strukturat qeveritare të Kosovës.

Ndërsa gjendemi në këtë takim, dëshiroj të theksoj se e kaluara nuk bën të harrohet, sepse mund të përsëritet në forma më të këqia, por duhet të shikojmë kah e ardhmja. Shpresoj se një ditë Serbia do të kërkoj falje për masakrat e luftës në Kosovë, që do t’i lehtësonte marrëdhëniet midis dy vendeve dhe dy popujve.
Nga ky takim i Vjenës, e përshëndesim Presidentin Bush, Kryeministrin Bler, Presidentin Shirac, Kancelarin Shreder dhe Kryeministrin Berluskoni.

Përshëndetje të veçantë i bëjmë Atit të Shenjtë Papa Gjon Pali II, që gjithmonë lutet për Kosovën dhe paqen e popujve.
Me këtë rast e falënderoj zotin Holkeri që ka punuar shumë për realizimin e këtij takimi.

Po ashtu e falënderoj Presidentin Klestil, Kancelarin Shysel dhe Qeverinë austriake për mikpritjen, ashtu siç di Vjena ta bëjë këtë".

[AsgjëSikurDielli]

Postuar më parë nga karaburuni
A mendoni me të vertetë se Kosovarët do të mund ta pranonin të kishin të bënin ende me serbët, qoftë edhe në kuadrin e një federate?
Unë mendoj se jo. Serbia nuk pyet per "republika" e kufij nga momenti që ato ndodhen brenda një federate serbe. Shikoni rastin e Kroacisë apo të Bosnjes para pak vitesh: megjithëse kishin ushtri të vetën këto republika ish-jugosllave u sulmuan dhe u shkretuan pa mëshirë nga Serbia.
Prandaj nuk besoj se kosovarët mund të gënjehen nga propozime të tilla të cilat nuk i sigurojnë fare për të ardhmen e tyre, vetëm sa shtyjnë datën kur Serbia të provojë t'i zhdukë përsëri siç e provoi më 1999.

Une i parashtrova tri mundesi qe ekzistojne. Dihet se asnje nga shqiptaret e Kosoves nuk e pranon piken 1 dhe 2, por kjo nuk do te thote se ato nuk ekzistojne fare. Shqiptaret e Kosoves jane te vendosur ta fitojne pavaresine, qofte kjo me ane te nje lufte te re me barbaret shkavo-sllave. Liria dhe pavaresia, jane jeta apo vdekja per shqiptaret e Kosoves, dhe kete askush s'mund ta ndali me.

Ne keto 4 vite aq shume gjera kane ndryshuar, aq shume jane pjekur kushtet politiko-shoqerore ne Kosove, saqe te gjithe e dine se vetem pavaresia dhe asgje tjeter, do te sjelli stabilitetin ne rajon. Si do ndodhi kjo, mbetet te shihet, por pavaresia, ka per te ardhur. Ndoshta vonon, por nuk harron.

[Arb]

Presidenti Rugova ka vlerësuar në Vjenë se vetëm një Kosovë e pavarur do ta qetësonte rajonin

Vjenë, 14 tetor - Pas fjalës përshëndetëse të kancelarit austriak Shysel, takimi i Vjenës ka vazhduar me dyer të mbyllura, ku kanë folur përfaqësuesit e lartë të bashkësisë ndërkombëtare dhe të Grupit të Kontaktit, si dhe përfaqësuesit e delegacioneve nga Prishtina dhe Beogradi.

Siç njoftohet nga Vjena, përfaqësuesi i lartë i Bashkimit Evropian për politikë të jashtme dhe siguri Havier Solana në fjalën e tij ka shprehur kënaqësinë për fillimin e dialogut Prishtinë-Beograd ngase, sipas tij, ky është hapi i parë, që është hapi më i vështirë për bisedime. Ai u shpreh i kënaqur që sheh në sallë përfaqësuesit e Prishtinës dhe të Beogradit, sepse dialogu shënon një përparim të madh në rrugën drejt stabilitetit më të madh në Ballkan. Solana gjithashtu ka vlerësuar se zhvillimi i ngjarjeve në Kosovë mund të ketë ndikim të rëndësishëm në shtetet fqinje. Kosova është zemër e rajonit të Ballkanit, jo vetëm gjeografikisht, por edhe politikisht dhe në aspektin e sigurisë, ka thënë Solana.

Presidenti i Kosovës Ibrahim Rugova në fjalën e tij ka vlerësuar se në takimin e Vjenës ka ardhur për të filluar një proces të marrëdhënieve pozitive me fqinjët në disa fusha praktike me interes të përbashkët për të dyja vendet dhe rajonin e Evropës Juglindore në tërësi.

Presidenti Rugova ka theksuar se njohja e një Kosove të pavarur, demokratike e paqësore, e integruar në BE, dhe në NATO dhe në miqësi të përhershme me SHBA-të, do të qetësonte rajonin. Ai gjithashtu ka theksuar progresin që është bërë në Kosovë në fushën e sigurisë, të ekonomisë dhe në konsolidimimin e demokracisë.

Ai ka thënë se tashmë në Kosovë janë kthyer mbi 7000 të zhvendosur, ndërkaq udhëheqja e Kosovës dhe institucionet e saj po bëjnë ç'është e mundur për integrimin e të gjitha minoriteteve dhe grupeve etnike në shoqërinë e Kosovës, ashtu siç e meriton një shoqëri e vërtetë demokratike.

Ai përshëndeti bashkësinë ndërkombëtare që është nismëtare e këtij dialogu.

Ndërkaq, nga pala serbe ka folur zv.kryeministri serb Nebojsha Çoviq, i cili ka përsëritur akuzat kundër Kosovës për spastrime etnike dhe se gjoja nën presionin e udhëheqjes së saj nuk kanë mundur të marrin pjesë në bisedime përfaqësuesit e pakicave Milan Todorviq dhe Resmije Mumxhi. Çoviqi ka akuzuar zyrtarët e Prishtinës që në vend që ta shfrytëzojnë Vjenën si takim për dialog për problemet kryesore po vazhdojnë ta pajisin Kosovën me atribute shtetërore. Sipas tij, me një varg vendimesh të papjekura të autoriteteve të Prishtinës, dialogu ka humbur rëndësinë që është pritur.

Takimi i Vjenës tashmë ka përfunduar dhe priten të bëhen të ditura konkluzionet e tij nga shefi i UNMIK-ut Hari Holkeri.

[Arb]

Sot në Prishtinë u mbajt një protestë kundër fillimit të bisedimeve në Vjenë

Prishtinë, 14 tetor - Në organizim të LPK-së sot në Prishtinë u mbajt një protestë kundër fillimit të bisedimeve me Beogradin në Vjenë.

Protestuesit kërkuan që Kuvendi i Kosovës të votojë një rezolutë për Kosovën shtet të pavarur dhe të kundërshtojë bisedimet me Serbinë para se ajo të njohë pavarësinë e Kosovës.

Para protestuesve foli kryetari i LPK-së Emrush Xhemajli, i cili tha se kjo protestë po mbahet për të kundërshtuar bisedimet e imponuara me Serbinë. Këtë protestë e kanë përkrahur shoqatat e dala nga lufta dhe organizata e studentëve UPSUP.

[Arb]

Presidenti Rugova tha se nuk vëren ndryshime në politikën e tashme të Beogradit ndaj Kosovës

Vjenë, 14 tetor - Pas mbylljes së punimeve në seancë plenare delegacioni i Kosovës ka mbajtur një konferencë të veçantë me gazetarë në të cilën u tha se ky delegacion shpreh vullnetin e Kosovës për marrëdhënie të mira me të gjithë fqinjët dhe është për bisedime.

Presidenti Rugova takimin e Vjenës e konsideron si një sukses në planin administrativ dhe shtoi se mbetet të punohet në planin e komunikimit të shumicës me pakicat dhe në planin e pajtimit. Këto janë procese të cilat tashmë kanë filluar, tha ai.

Presidenti Rugova tha se vendosja e marrëdhënieve të fqinjësisë së mirë me të gjithë fqinjët është një politikë kombëtare e Kosovës. Ndërkaq, njohja formale e pavarësisë së Kosovës do ta stabilizonte rajonin dhe Evropnë Juglinodre, tha ai.

"Unë edhe njëherë theksoj se njohja më e shpejtë formale e pavarësisë së Kosovës, nga SHBA-të, nga BE dhe formalizimi nga OKB-ja, do ta qetësonte këtë pjesë të Evropës dhe të botës, do t'i ndërprente kalkulimet rreth Kosovës, të cilat përsëri kanë filluar të përsëriten", nënvizoi Presidenti Rugova. "Pas intervenimit të NATO-s, bashkësisë ndërkombëtare është një epokë e re për Kosovën, që duhet ta pranojnë të gjithë fqinjët tanë dhe që duhet të njihet", theksoi Rugova.

Presidenti Rugova tha se nuk vëren ndryshime në politikën e Beogradit ndaj Kosovës. "Nuk shoh ndryshime ndaj Kosovës, pra të regjimit të mëparshëm dhe qeverisë së tashme të Serbisë. Unë dëshiroj që ata ta kuptojnë se kanë ndodhur ndryshime dhe sa më herë ta kuptojnë aq më më mirë është për të dy vendet, për vendet fqinje në rajon, për këtë pjesë të Evropës dhe të botës", nënvizoi Presidenti Rugova, i cili në vazhdim foli për objektivat e institucioneve të Kosovës dhe të zhvillimit ekonomik.

Kryeparlamentari Daci theksoi se pavarësia e Kosovës është një proces i pakthyeshëm. "Pavarësia e Kosovës është proces i padiskutueshëm, proces i pakthyeshëm. Them me përgjegjësi të madhe se Kosova dhe kosovarët janë të përgatitur të paguajnë çdo çmim dhe ne e vlerësojmë demokratik për këtë rrugë", tha Daci.

Daci theksoi se Kosova është një storje e veçantë e suksesit të tërë bashkësisë ndërkombëtare. Poashtu Daci tha se pavarësia e Kosovës nuk ka alternativë dhe sa më parë ta kuptojë Serbia dhe bashkësia ndërkombëtare është më mirë, pra që Serbia të mos e mbajë peng Kosovën të mos integrohet në Evropë. "Por edhe Kosova i ka të zhvilluara të gjitha kapacitetet e nevojshme fizike, politike, psikologjike dhe financiare dhe të njëjtën gjë t'ia bëjë Serbisë dhe të jemi peng dhe ta dëmtojmë popullin tonë në Kosovës dhe popullin në fqinjësi. Dmth. të dy vendet tona të paguajnë një çmim të një politike krejtsisht iracionale", tha Daci
Rugova dhe Daci konfirmuan përcaktimin e Kosovës për dialog dhe për një zgjidhje të interesit të përbashkët.

Ndryshe në Holkeri tha se në të ardhmen temat për dialog mbeten po ato që ishin caktuar në takimin e Selanikut: të zhdukurit, kthimi, energjetika dhe telekomunikacioni.
Holkeri tha se në nëntor të këtij viti të vazhdohet me punën e katër grupeve të përbashkta të punës për çëhstjet e mësipërme dhe poashtu do të krijohet një mekanizëm i informimit për rezultatet e e punës së grupeve.

Holkeri takimin e ka vlerësuar shumë të rëndësishëm deh se bashkësia ndërkomëtare do ta mbështesë plotësisht punën e grupeve të punës.

Vlerësimeë pozitive për takimin kanë dhënë edhe Solana, Paten dhe Shefer.

Delegacioni i Kosovës kthehet sot në Prishtinë.

>> QIK-u

[Dita]

Wall Street Journal shkruan si me poshte:



Serbian, Ethnic Albanian Leaders Clash In Kosovo Talks

DOW JONES NEWSWIRES

VIENNA (AP)--Rival Serbian and ethnic Albanian leaders clashed Tuesday in their first face-to-face talks on Kosovo since the 1999 war that led to North Atlantic Treaty Organization intervention in the ethnically troubled province.
The largely symbolic launch of the U.N.-sponsored talks were intended to avoid the contentious issue of Kosovo's future: independence, as demanded by the ethnic Albanians, or status as part of Serbia, as called for by the Belgrade leadership.
But Kosovo's ethnic Albanian president, Ibrahim Rugova, insisted on Kosovo's independence. Underscoring the strong desire for nationhood, several hundred ethnic Albanians rallied to demand full independence Tuesday in the provincial capital, Pristina.
"My country Kosovo " wants to become a part of the European Union and NATO, Rugova told the gathering. "This means a democratic, peaceful and independent Kosovo ."
In a strongly worded speech, Serbian Deputy Prime Minister Nebojsa Covic made it clear that the republic didn't recognize Kosovo as anything more than "one of its parts."
"There can be no dialogue if it is not clear to everyone that we are not talking as representatives of two states," he said. "Sadly, my initial optimism is greatly reduced. My ambitions have deflated, and my hope in the success of our project has declined."
Serbia's prime minister, Zoran Zivkovic, said after the three-hour meeting that there was no direct dialogue and that "the only positive result was that we sat at the same table."
International mediators had stressed that the final status of Kosovo has yet to be determined by the U.N. Security Council.
The talks were intended merely to pave the way for future negotiations on everyday issues burdening impoverished and war-ravaged Kosovo , such as energy supplies, transportation, missing persons and the return of refugees.
"Kosovo is the heart of the Balkan region, not just geographically but also in political and security terms," E.U. security chief Javier Solana said.
"Developments there can have important implications for neighboring states...today's event marks important progress on the road towards greater stability in the Balkan region," he said.
Although U.N. officials emphasized the talks wouldn't include negotiations on the province's future status, the discussions were important, bringing together formerly implacable enemies.
NATO Secretary-General Lord Robertson, Solana and other senior foreign officials attended to act as "guarantors" and "a safety chain" for future negotiations between Pristina and Belgrade, officials said.
"After a bloody war that took place in Kosovo - after four years of freedom - an attempt should be made to establish a relationship as normal as possible with the neighbors," said Nexhat Daci, the president of Kosovo's parliament.
But the talks proved too volatile for some key leaders despite the low-key agenda.
Kosovo was represented by a scaled-down delegation after Kosovo Prime Minister Bajram Rexhepi, a key ethnic Albanian leader, refused to participate. Serbia's delegation also balked before agreeing to attend.
Although Kosovo has a president, government and parliament with limited powers, the U.N. administration holds the ultimate authority over decision-making. Rugova's responsibilities are largely ceremonial.
The talks marked the first time the former foes met since the war ended in June 1999, when a 78-day NATO bombing campaign halted former President Slobodan Milosevic's crackdown on independence-seeking ethnic Albanians.
Since then, Kosovo - formally still a province of Serbia and Montenegro, the union that replaced Yugoslavia - has been administered by the U.N.

Updated October 14, 2003 7:42 a.m.

[Albo]

Bravo president! Ai fjalim qe ke mbajtur ne vjene i adresonte te tre pikat qe une do te doja te lexoja. Ky takim i Vjenes eshte vetem fillimi i rishkruajtjes se historise per ne shqiptaret.

Keto jane momente historike per kombin shqiptar.

Albo

[Llapi]

Pas udhëtimit të Rugovës dhe Dacit në takimin e Vjenës
NIPAT SHKUAN NË VJENË
TË TAKOHEN ME FËMIJËT E DAJALLARËVE
Nuk duhet ta çudisë askënd përgjunjëzimi i Rugovës, sepse ai kurrë nuk
ka qëndruar mbi këllqet e tij, por gjithnjë mbi patericat që i kanë ardhur
nga Beogradi, dhe "patericat" e reja që po ia sjellin në Vjenë do t'i ndajë në dysh me Dacin.



BEDRI ISLAMI
Në takimin e shumëpërfolur,
të paraparë për të
martën në Vjenë, nëse do të
mbahet, nga njëra anë do
të jenë pasuesit e politikës së Milosheviqit,
"fëmijët" politikë të tij, krejt të njëllojtë deri në
imtësi, dhe përballë tyre ata që edhe para
luftës dhe gjatë luftës u takuan me të. Nuk
është asgjë e çuditshme dhe e papritur. Nëse
dikush ka pritur diçka ndryshe të ndodhë në
Kosovë, ai jo vetëm që ka qenë i gabuar, por
edhe më tej se kaq. Sado që të mundohen
ta zbusin analistët politikë, disa prej të cilëve
takoheshin tinëzisht gjatë luftës me drejtues
të lartë të sigurimit të fshehtë serb, sado që
kampi rugovist është i përfshirë nga ethet e
takimit me djemtë e dajallarëve dhe e quan
këtë si shenjë emancipimi, sidomos të
emancipimit politik, kjo shkuarje, ashtu siç
ndodhi, ashtu si u përgatit dhe ashtu si u
urdhëruan shqiptarët të shkonin,
nuk është asgjë tjetër, veçse ana
tjetër e medaljes së Takimit në
Rambuje. Për fat të keq, jo ana e
mirë e saj, çka edhe u premtua,
por krejt ndryshe.
Që Rugova do të shkonte tek
pinjollët e Milosheviqit, kjo nuk
duhet ta çudisë askënd. Rrugën
e dajallarëve ai e di më mirë se
rrugën e Drenicës. Askush nuk
duhet të harrojë se katër vite më
parë, pikërisht pas masakrës
serbe në Drenicë dhe legjendizimit
të Jasharëve, pikërisht ky
Rugovë pat thënë se "tash pozitat
e mija janë më të forta". Nuk
duhet ta çudisë askënd përgjunjëzimi
i Rugovës, sepse ai kurrë
nuk ka qëndruar mbi këllqet e tij,
por gjithnjë mbi patericat që i
kanë ardhur nga Beogradi dhe
"patericat" e reja që po ia sjellin
në Vjenë (ato do t'i ndajë në dysh me Dacin)
nuk janë asgjë tjetër, veçse vazhdimi i patericave
të dikurshme. Kjo nuk është asgjë
tjetër, veçse vazhdim i politikës së vjetër,
kësaj radhe me shumicën e aktorëve të rinj
dhe me një të vjetër: Rugovën. Natyrisht,
edhe këtë ai do e quajë triumf të politikës së
tij, do të sigurojë se kjo i bën mirë Kosovës,
se kanë fituar pikë tek faktori ndërkombëtar,
dhe kështu ora e tij do të kthehet para vitit
1998, sepse po të njëjtat gjëra i thoshte edhe
atëherë. Rugova nuk mundet kurrë të kurdisë
vetë orët e historisë. Kur UÇK-ja e bëri
madhërisht këtë, ai u struk, kur UDB dhe
titistët u forcuan në Kosovë dhe mashtruan
tri herë radhazi, ai u këndell, dhe me këtë
këndellje u nis drejt Vjenës. Ndoshta ka fat
dhe gjen atje një shall të ri për ta mbështjellur
rreth qafës.
Siç dihet, tre nga liderët kryesorë shqiptarë
të Kosovës, kryeministri Rexhepi, lideri i
AAK-së, Haradinaj dhe lideri i PDK-së,
Thaçi, nuk shkuan në Vjenë pa arritur platformë
të përbashkët përballë Serbisë. Edhe
kjo ka qenë e pritur. Duke dalë nga radhët e
strukturave drejtuese të UÇK-së, ata e kanë
të pamundur të rifuten nën zgjedhë, në mos
për gjë tjetër, por edhe nga fakti se në luftën
për liri u janë vrarë miqtë e shokët, të afërmit,
dhe janë gjakuar vetë, por edhe për faktin
tjetër se ajo që ndodhi, jo vetëm në dy
vitet e fundit, por gjatë tërë barbarisë së
pushtetit serb në Kosovë, nuk mund të
zhbëhet, vetëm se kështu i do qejfi zotit
Holkeri apo dikujt tjetër.

Ka menduar Lulzim Zeneli se kryeministri
i Kosovës do të shkonte në
Vjenë për mezhdat e arës së tij

Tek i dinjitetshmi do të gjesh gjithnjë dinjitetin,
tek e kundërta-do të gjesh përuljen
dhe gjunjëzimin.
Një zëdhënës i LDK-së, Lulzim Zeneli, qëndrimin
e zotit Bajram Rexhepi e quajti një
veprim personal të tij. I shkreti! Mos vallë ai
ka menduar se Kryeministri i Kosovës do të
shkojë në Vjenë të flasë për punët e tij, dhe
jo për Kosovën. Nëse ai ka të dhëna se dy
liderët lëdëkëistë kanë shkuar privatisht dhe
për gjërat e tyre, atëherë kjo është tjetër gjë,
por shkuarja apo mosshkuarja e një institucioni
themelor, siç është qeveria, nuk është
gjë vetjake, nuk janë mezhdat e arave të
zëdhënësit apo qypat e Dacit.
Kush e ka autorizuar Dacin të marrë rrugën
për në Vjenë dhe në emër të kujt do të flasë
atje? Kush e autorizoi Rugovën dhe në emër
të kujt do të flasë ai atje? Ku e di Rugova se
sa shqiptarë kanë humbur nëpër getot
udbashe serbe, kur jo shumë vite më parë
luftëtarët ai i quante terroristë? Ku e di ai se
sa vetë janë zhdukur, masakruar, kur jo
shumë kohë më parë kërkonte vetëm listën
e anëtarëve të LDK-së që kanë qenë ushtarë
të UÇK-së? Ku e di ai se sa gjak është derdhur
për lirinë e Kosovës kur nuk ka bërë
asgjë tjetër veçse është buzëqeshur
hipokrizisht, tepër mjerueshëm, dy herë
gjunjas tek Millosheviqi dhe dhjetëra herë
tek nipërit e tij?
Në Vjenë nuk shtrohen çështje teknike.
Miopët mund të mendojnë kështu. Në
mbledhi të këtilla shtrohet pyetja: Mos është
ky fillimi i fundit i asaj që kemi ëndërruar për
lirinë e Kosovës?