Hapja e bisedimeve Prishtinë-Beograd

[Llapi]

Ministrja Mumxhiu nuk udhëton në Vjenë


Prishtinë, 13 tetor (Kosovapress) Time: 11.22

Zyrtarët e Ministrisë së Shëndetësisë, të hënën, kanë bërë të ditur për Kosovapressin, se ministrja e Shëndetsësisë, Resmije Mumxhiu, nuk do të marrë pjesë në takimin e Vjenës, pa vendim të Parlamentit dhe të Qeverisë

[Llapi]

Kosovë: Nesër do të protestohet kundër takimit të Vjenës


Nesër në kryeqytet do të protestohet kundër takimit të Vjenës. Protesta organizohet nga Lëvizja Popullore e Kosovës dhe se për mbajtjen e protestës u është dhënë leja e policisë së UNMIK-ut. Kështu u tha në konferencën për media të mbajtur sot në selin e LPK-së. Tubimi i protestuesëve do të bëhet para Teatrit Kombëtar që nga ora 12 deri në orën 12.30, ku më pas këshilli organizativ do të mbajë fjalime para Kuvendit dhe Qeverisë së Kosovës, tha zëvendëssekretari i LPK-së Gafur Elshani.Këshilli organizues ka ftuar të gjitha subjektet që kanë kundërshtuar bisedimet në Vjenë t’i bashkangjiten protestës.Zyrtarët e Lëvizjes Popullore të Kosovës, thanë se e kanë mbështetjen e Shoqatave të dalura nga lufta, Unionit të Pavarur të Studentëve të UP-së, si dhe të shoqatave atdhetare nga të gjitha trojet shqiptare.

13 tetor 2003, ora: 14:10 CET

[Albo]

Rrexhep Qosja nuk ka me te drejten moral te dali e te flasi per opinionin e gjere publik mbareshqiptar, pasi sa here qe ai hap gojen, ai nxjerr vrerr si mbi shqiptaret e Shqiperise edhe ata te Kosoves. Qosja cilesoi "revolucion i vonuar demokratik" ngjarjet dramatike te shqiptatereve ne Shqiperi ne 1997. Qosja mori me pak se 1% te votave te shqiptareve ne Kosove ne zgjedhjet e mbajtura dhe kjo mjaftoi per ta quajtur popullin e Kosoves "popull qen" ne nje prej librave te tij.

Demaci e Qosja jane ata qe une i quaj "buka e vjeter" ne politiken shqiptare qe se bashku me LPK qe eshte partia qe mbart bindjet komuniste ne Kosove, kontestojne dhe denoncojne pjesmarrjen e institucioneve shqiptare ne kete takim. Urrejtja e tyre nuk eshte thjeshte e drejtuar ndaj takimit apo individeve politike, ajo eshte e drejtuar kunder institucioneve qe keta individe politike drejtojne ne Kosove.

Persa i perket Thacit dhe partise se tij, ata po bejne ate gabim qe e shmangen ne Rambuje, po bojkotojne takimin duke degjuar Qoset e Demacin qe ashtu si ne Rambuje, jane kunder procesit politik si zgjidhje e ceshtjes tone kombetare.

Mospjesmarrja e kryeministrit Rrexhepi eshte e pafalshme pasi ai duhej ta bente dallimin midis rolit institucional dhe rolit partiak qe ai gezon. Ai zgjodhi besnikerine ndaj qendrimit politik te partise se tij duke prishur keshtu unitetin institucional shqiptar ne Viene qe duhet te fliste me nje ze te forte.

Partite politike qe e bojkotuan kete takim e veteperjashtuan vetveten nga procesi politik i statusit finanl te Kosoves qe fillon ne Viene neser. Takimi i Vienes eshte nje parakusht per te kaluar tek statusi final i Kosoves. Per te pare koston politike qe ky qendrim mban, mund ti hidhni syte nga Qosja dhe Demaci qe sot jane si peshku pa uje, ne zallin e politikes shqiptare pasi elektorati shqiptar kerkon zgjidhje dhe jo bojkot.

Albo

[AsgjëSikurDielli]

Sic duket, ka ndarje edhe ne vete PDK-ne per shkak te disa rrymave brenda vete partise. Dikur Veton Surroi thoshte se Thaci po mundohet ta margjinalizoje KM Rexhepi, e te tjeret qeshnin me te dhe e shpallnin "profet te deshtuar". Tani qe profecia e tij po ndodh, ata po sulmojne tjeret ne delegacion. Rast i Qosjes dhe Demacit, njeri shkrimtar i mire, tjetri humanist i madh dhe njeri me kontribut te vecante, po politikane pa ndonje baze, strukture dhe ide progresiste.

Bisedat nuk duhen injoruar, dhe nuk eshte se Kosova eshte shtet i pavarur qe 300 vite qe te zgjedhi vete me ke te bisedoje, por duhet pranuar disa lehtesime qe bashkesia nderkombetare po i ben ne emer tonin, se po te ishte puna sic thoshte KM Rexhepi, ai nuk do duhej te priste Holkerin ta thirrte ne telefon Qovicin po duhej vete ta mirrte. Aspak e kendshme, apo jo?

Ne keto biseda te gjitha kerkesat e pales kosovare jane realizuar:

1. Terreni neutral, qe tregon qarte se po behen biseda mes dy shteteve, se nje shtet bisedon me krahinen e vet brenda territorit te vet e jo ne Austri.

2. Perfaqesimi i larte i delegacioneve, serbet do perfaqesohen me KM e tyre dhe ndoshta dhe me Kryetarin e SMZ.

3. Dialogu i pakushtezuar, Holkeri u ka bere te qarte serbeve se tezat e tyre per ndarje dhe autonomi te Kosoves nuk jane asgje pos fjaleve boshe.

4. Bisedimi i ceshtjeve teknike qe cojne edhe me tej procesin e pavaresimit te Kosoves dhe disa nga to jane: njohja e Serbise te PTK - Postet dhe telekomit te Kosoves, lejimi i nje korridori per eksportimin e nje lloji te elementeve kimike ne Slloveni, vetem nepermjet SMZ mund te behet, njohja e KEK - Korporates Energjetike te Kosoves, dhe leja per ardhjen e nje percuesi elektrik nga Nishi dhe ne Kosove, njohja e targave te vecanta te Kosoves, njohja e leternjoftimeve dhe Pashaportes se Kosoves, kthimi i refugjateve, ceshtja e te burgosurve, etj. qe jane ceshtje qe definitivisht e krijojne enitetin - shtetin e pavarur te Kosoves se nje shtet me dy lloje targash, me dy banka qendrore (kjo u njoh me heret kur ju dha licenca nje banke serbe qe te kerkoje licence nga BPK-ja ne Kosove, njohje defakto), nje shtet me dy lloje pashaportash & leternjoftimesh nuk ekziston.

Gabimi me i madh i shqiptareve do ishte po te mos shkonin fare, se kjo do ishte si te kishin thene "ne nuk bisedojme me serbet sepse ne e dime me mire c'eshte per ne". Ne vertete e dime me mire se c'eshte per ne, por nje shtet duhet te bisedoje me cdo shtet tjeter se keshtu behen marredheniet bilaterale, marreveshjet etj.

Zgjidhja e statusit final te Kosoves i ka tri mundesi:

1. Kthim ne Serbi qe dmth lufte definitive, dhe kete rradhe edhe me shume e pergjakshme, dhe nderrime te medha te kufijve.

2. Pavaresi e kushtezuar: Kosova defakto shtet i pavarur, dejure njesi federale e SMZ nese kjo e fundit mbijeton.

3. Pavaresi e plote me marredhenie me Serbine dhe ruajtje strikte e te drejtave te njeriut.

Dihet qe e treta eshte me e pranueshmja nga shqiptaret e Kosoves, mirepo vetem deshira nuk mjafton. Kosova dhe kosovaret duhet te punojne me shume ne kete drejtim, dhe te promovojne idene e bashkejeteses. Dihet qe mes tyre ka dhe kriminele, mirepo ju siguroj se, ata do ikin vullnetarisht pasiqe serbet tjere te pafajshem te integrohen komplet ne shtetin ame, Kosoven.

[Llapi]

Kryeministri serb për bisedimet Prishtinë-Beograd
Zhivkoviq: Bisedimet në
Vjenë - fitore e palës serbe
"Pres që takimi, që është fitore për palën serbe, sepse ne jemi për bisedime
që tre vjet, të jetë shans i mirë edhe për delegacionin shqiptar për të
marrë pjesën e vet të përgjegjësisë politike dhe praktike", deklaroi
Zhivkoviq për mediat serbe në Nish



Nish, 13 tetor - Kryeministri i Serbisë
Zoran Zhivkoviq deklaroi të dielën se dialogu
i ardhshëm në mes Prishtinës dhe
Beogradit paraqet "fitore për palën serbe"
dhe pret që këto bisedime janë shans i mirë
që pala shqiptare ta marrë pjesën e vet të
përgjegjësisë për gjendjen në Kosovë.
"Pres që takimi, që është fitore për palën
serbe, sepse ne jemi për bisedime që tre
vjet, të jetë shans i mirë edhe për delegacionin
shqiptar për të marrë pjesën e vet të
përgjegjësisë politike dhe praktike",
deklaroi Zhivkoviq për mediat serbe në
Nish.
Zhivkoviq, të dielën, hapi aeroportin
ndërkombëtar civil "Konstantini i Madh" që
është rikonstruktuar pas shkatërrimit gjatë
bombardimeve të NATO-s më 1999.
"Do të ndjehesha shumë i lumtur nëse atje
dëgjoj që Rugova thotë: unë garantoj me
të kaluarën dhe ardhmërinë time politike,
se serbët në Kosovë do të jenë të sigurt aq
sa janë të sigurtë shqiptarët në Serbinë
Jugore, por edhe në Nish, në Beograd,
Vranje, Novi Sad…", deklaroi Zhivkoviq.
Kryeministri i Serbisë tha se delegacioni
serb për bisedime në Vjenë, më 14 tetor
është kompletuar, por nuk dëshiroi të bëjë
publik emrat.
Zhivkoviq tha se nuk ekziston frika nga
mundësia që të martën, në seancën e
Parlamentit të Serbisë "të bie qeveria", si
dhe qeverinë askush nuk e ka cënuar me
dorëheqjen e disa ministrave.

[AsgjëSikurDielli]

Vetem te na tregoje Zhivkoviqi dhe ti bashke me te, se ne cilin aspekt jane fitore per serbet bisedimet?

Cilat jane ato fitore, ato ceshtje te rendesishme qe i permend Zhivkoviqi, qeveria e te cilit po bie poshte, dhe nje njeri qe merr bekime te prifterinjve para bisedimeve shteterore? Aq shume ka besim ne "fitoren" e tij, saqe edhe bekimin nga Pavlle i tyre morri.

(!!!!!)

[Albo]

Delegacioni serb nuk do te marri pjese ne Viene

PRISHTINE (13 Tetor) - Delegacioni serb nuk do të udhëtojë për në Vjenë. Kësaj rradhe refuzimi për të marrë pjesë në këtë takim të planifikuar që prej muajve të verës, vjen nga kampi serb, pas të njëjtit vendim që morën disa prej drejtuesve të lartë të politikës kosovare. Pas konsultimeve të zhviluara gjatë orëve të mëparshme mes shefit të UNMIK, Harri Holkeri, dhe zëvendëskryeministrit serb Nebojsha Çoviç, ky i fundit njoftoi mospjesëmarrjen e delegacionit serb në takimin e nesërm i cili ishte planifikuar që të niste në orën 9:00 të paradites. dxh/dxh (News24//Balkanweb)


Turpi ne dere i ngeli atyre partive politike shqiptare qe e bojkotuan Vienen, ashtu sic po bejne edhe serbet.

[Llapi]

ASD
Ne ma paqe ba mue ket pyetje po ta dha mendimin tim se kjo me te vertet eshte fitore e serbve.
Po ku jemi ne te barabart me serbet qe te marrim pjes ne keto bisedime le te me tregoi dikush mua se me qka jemi ne te barabart me serb veq nji shembull psh.
kur ata do te kerkoin siguri per serbet qe jetoin ne kosove e ne nuk kemi ministri te rendit por kjo i takon UNMIKUT
dhe ti duhet ta dish mier se serbet kan ba nji gjenocid te madhe ne popullin ton e i kemi te zhdukur mbi 3500 veta e serbet as qe doin te ndegjoin per keta te zhdukur
pra duhet disa kushte te vogla ti plotsoin shkiet e edhe bashksija nderkombetare duhet ti jep kompetenca qeveris ton e me von te pregadisim nji platform se bashku i gjith spektri politik e intelektual i joni e tani te shkohet ne nji takim te till
e jo sikur te shkosh ne dasem siq veproi rugova dhe daci
por nejse se nuk do tu vlejn ato bisedime as 5 para se asgje nuk do te arrijn ne to perpof fotografive dhe buzqeshjeve te rugoves qysh e ka ai zakon te buzqesh kur takohet me shkie marri i qoft.

[AsgjëSikurDielli]

Refuzimi i tyre vie si rezultat i presioneve te opozites per mocion mosbesimi dhe se neser e ka seancen e mosbesimit kuvendi serb. Serbet vetem kerkuan nje arsye ta bojkotonin dialogun, dhe suspendimi nga ana e Holkeri e Todoroviq, ishte nje alibi (simbas tynve) per serbet.

Nuk e dine te shkretet se ata nuk mund te percaktojne delegacionet e huaja, prandaj edhe vete thyen qafen ne levozhgen e bananes qe na hodhen neve. Kjo pra ishte "fitorja e madhe" e zhivkoviqit, qe sic duket, do mbesi vetem nje hije e Gjingjic.

[Llapi]

Jakup Krasniqi: konferenca e Vjenës nuk është e përgatitur




--------------------------------------------------------------------------------

13 tetor 2003 / Arben Xhixho / "Zëri i Amerikës"

Fundjavën që kaloi u zhvillua në New York një konferencë për tërheqjen e investimeve në Kosovë. Ky eshte viti i dytë që qeveria e Kosovës i bën thirrje komunitetit shqiptar dhe afaristëve amerikanë të investojnë në Kosovë. Në konferencë ishte i pranishëm edhe Ministri i Çështjeve Publike Jakup Krasniqi, i cili ishte i ftuar në emisionin Ditari. Ai komentoi mes të tjerash edhe për bisedimet Prishtinë-Beograd.

Zëri i Amerikës: Zoti Krasniqi, para se të ndalemi tek konferenca për investimet në Kosovë, le të flasim për bisedimet Prishtinë-Beograd. Duket se përsëri kur është fjala për probleme të rëndësishme, shqiptarët mezi e gjejnë ose nuk e gjejnë dot gjuhën me njeri-tjetrin. A nuk shkon kjo në favor të atij imazhi të krijuar me ose pa të drejtë se shqiptarët para se të kërkojnë pavarësinë, që të gjithë e kërkojnë në Kosovë duhet në radhë të parë të gjejnë gjuhën me njëri-tjetrin?

Jakup Krasniqi: Populli shqiptar në Kosovë ka mbajtur tre zgjedhje të lira. Ka mbajtur zgjedhjet për parlamentin e Kosovës dhe institucionet e tjera qëndrore në Kosovë dhe do të duhej krejt natyrshëm që çështja e bisedimeve mes Prishtinës dhe Beogradit të vendosej në parlament dhe parlamenti të merrte vendimin politik për shkruarjen në bisedimet e Vjenë. Ne konsiderojmë se konferenca e Vjenës nuk është e përgatitur. Delegacioni kosovar atje është pa përgjegjësi dhe kompetenca të përcaktuara. Bisedimet do të duhet të zhvilloheshin mes Prishtinës dhe Beogradit, por vetëm pasi të bëhej një marrëveshje paqeje mes Prishtinës dhe Beogradit dhe pas kësaj, mbasi mes dy vendeve ka pas një luftë, atëherë të filloheshin përgatitjet e këtyre bisedimeve. Por paraprakisht qeverisë së Kosovës dhe institucioneve të tjera të Kosovës administrata ndërkombëtare do të duhej t’ju bartëte kompetencat e përgjegjësisë që delegacioni i Kosovës në Vjenë të shkonte me kompetenca të plota dhe të kishte mundësi sovrane për të vendosur për të gjitha format e bisedimeve me palën serbe.

Zëri i Amerikës: Gjithë këto kushte që ju përmendët, a nuk do ta bënte të pamundur fillimin e bisedimeve pasi plotësimi i këtyre kushteve është paksa një proces i gjatë?

Jakup Krasniqi: Plotësimi i këtyre kushteve dhe marrja e një vendimi në parlament do të ishte vërtet krejt e arësyeshme. Po të vendosej kjo çështje në parlament atëherë delegacioni i Kosovës do të ishte i plotëfuqishëm, do të kishte bazën e vet ligjore por edhe do të ishte i përgatitur politikisht dhe do ta merrte përgjegjësinë nga organi ligjvënës, nga parlamenti i cili ka marrë votat e qytetarëve të Kosovës dhe me vendosjen e çështjes në parlament delegacioni i Kosovës do të kishte përgjegjësi dhe mundësi të tjera për të biseduar për Kosovën. Kështu siç janë përgatitur këto bisedime, që në fakt faktori kosovar ka qënë krejt i lënë pas dore dhe pa kompetenca dhe përgjegjësi për të vendosur mbi fatin e vet, nuk di cili do të ishte pozicioni i delegacionit por edhe nuk di se si do të zhvillohen proceset në këtë formë të papërgjegjëshme.

Zëri i Amerikës: A jeni i shqetësuar se qeveria e Kosovës me mospjesmarrje në këto bisedime po rrezikon që të prishet uniteti brenda saj dhe të bjerë fare qeveria?

Jakup Krasniqi: Ne mendojmë se qeveria ka kërkuar vërtet krijimin e një uniteti mes faktorit politik shqiptar dhe mendoj që ai unitet ka qënë i arritur në kuvendin e Kosovës. Në këtë kuvend të gjitha subjektet politike u kanë thënë ”po” bisedimeve por pasi do të plotësoheshin disa kushte. Mirëpo çështjen e parlamentit, është një e vërtetë e madhe se e ka penguar kryetari i tij zoti Daci i cili nuk ka lejuar zhvillimin e një debati të gjerë dhe të gjithanshëm në parlament. Në një mënyrë paksa të çuditshme ai hodhi në votim nëse do të vazhdonte apo do të ndërprehej debati. Deputetët për çudi në vend që të kërkonin të debatohej kjo çështje me të vërtetë shumë serioze për Kosovën, për proceset që po i kalon Kosova, për të ardhmen e Kosovës, ata votuan për ndërprerjen e debatit dhe kështu pengohet parlamenti për ta marrë vendimin politik, për ta autorizuar qeverinë për formimin e një platforme politike dhe për formimin e një delegacioni të bisedimeve në konferencën e Vjenës.

Zëri i Amerikës: Zoti Krasniqi, ka zëra që thonë se brenda partisë suaj kanë filluar fraksionet, ka një lloj përçarjeje dhe se nje pjesë është e interesuar për largimin e zotit Rexhepi? A ka ndonjë të vërtetë në to?

Jakup Krasniqi: Jo. Unë mendoj që subjekti politik shqiptar sidomos Partia Demokratike gjatë këtij muaji të fundit i është qasur në mënyrë shumë serioze këtij problemi. Zoti Rexhepi është anëtar i kryesisë së Partisë Demokratike, është anëtar i këshillit drejtues të kësaj partie dhe ai i ka përcjellë zhvillimet dhe diskutimet që janë bërë në këshillin drejtues të Partisë Demokratike, din vendimet e këtij organi vendimmarrës të partisë dhe natyrisht ai ka mbajtur qëndrimin edhe të partisë por njëkohësisht edhe të qeverisë, sepse edhe në qeveri është biseduar për këto probleme dhe në qeveri është marrë vendimi që nëse parlamenti i Kosovës merr vendimin politik, e autorizon qeverinë për bisedime atëherë ajo do të përgatitej për konferencën e Vjenës.

Zëri i Amerikës: Megjithatë, zoti Thaçi tha mbrëmë se refuzimi i zotit Rexhepi është qëndrimi i tij personal?

Jakup Krasniqi: Jo, unë mendoj se qëndrimi i zotit Rexhepi nuk ka qënë qëndrim personal por ka qënë edhe vendim i qeverisë por edhe vendim që del nga qëndrimet e këshillit drejtues të Partisë Demokratike të Kosovës.

Zëri i Amerikës: A gëzon zoti Rexhepi mbështetjen e plotë të partisë suaj?

Jakup Krasniqi: Natyrisht, edhe në këto momente zoti Rexhepi vazhdon ta ketë besimin e Partisë Demokratike të Kosovës.

Zëri i Amerikës: Zoti Krasniqi, të ndalemi tani tek problemi i konferencës për të cilën ju erdhët këtu në New York. Sa e efektshme mund të jetë një konferencë e tillë për të tërhequr investitorë për investime qoftë nga afaristë shqiptarë, qoftë nga afaristë amerikanë në një kohë që klima politike në Kosovë të paktën në prag të bisedimeve mes Prishtinës dhe Beogradit duket se është më tashmë e paqëndrueshme?

Jakup Krasniqi: Për këtë konferencë është bërë një përgatitje para shumë kohësh. Është në interesin e Kosovës që të tërhiqen investitorë nga të gjitha vendet që janë të interesuara që të investojnë në Kosovë dhe të kenë fitimet e tyre në Kosovë. Për këtë arsye ne dimë që në Shtetet e Bashkuara ka shumë bashkëatdhetar që kanë një fuqi ekonomike, që kanë mundësi që kapitalin e tyre ta investojnë në Kosovë dhe të fitojnë në Kosovë. Prandaj qeveria e Kosovës në këtë rast ka parë të arsyeshme të organizojë një konferencë ku ti thërrasë të gjithë afaristët shqiptarë por edhe jo shqiptarë të SHBA, ku të tregojë kushtet dhe mundësitë që janë krijuar, si ato ligjore edhe nga pushteti qëndror edhe nga ai lokal dhe ne mendojmë që ka hapësirë dhe ka mundësi për të investuar në Kosovë dhe ka hapësirë për të nxjerrë fitime.

Zëri i Amerikës: Zoti Krasniqi, çfarë po bëhet me procesin e privatizimit. Administrata ndërkombëtare e anulojë për sqarimin e disa çështjeve ligjore. A mund të jepni një status të fundit të këtij procesi?

Jakup Krasniqi: Përfaqësuesi special i sekretarit të përgjithshëm ka ndërprerë përkohësisht çështjen e privatizimit por ajo duhet të verifikohet nga bordi mbikqyrës i AKMsë dhe ajo nuk është bërë, prandaj është një ndërprerje e përkohëshme. Ne e konsiderojmë se ndërprerja në këtë formë e privatizimit pengon realizimin e standartit të parë, zhvillimit ekonomik dhe në të vërtetë kjo duhet të shikohet mirë si nga administrata ndërkombëtare si nga ajo vendore se kjo pengon zhvillimin ekonomik të Kosovës, pengon realizimin e një standarti, i cili është ndoshta një nga standartet kyçe për zhvillimin e të gjitha proceseve në vijim në Kosovë dhe ne shpresojmë që kjo pengesë do të hiqet.