Hapja e bisedimeve Prishtinë-Beograd

[Llapi]

Adem demaçi bën thirrje për refuzim të bisedimeve në Vjenë
Demaçi: Shqiptarët s'duhet
të marrin pjesë në bisedime
"Nëse shqiptarët kanë krenarinë e tyre, ata nuk duhet të shkojnë në bisedime.

Megjithatë, aty është zotëriu Ibrahim Rugova, që gjithmonë është i
gatshëm të plotësojë dëshirat e të gjithëve, edhe të Milosheviqit, edhe të
këtyre tash", deklaroi Demaçi



Prishtinë, 9 tetor -
Veprimtari për të drejtat e njeriut
Adem Demaçi deklaroi se
bisedimet e ardhshme mes
Prishtinës dhe Beogradit do ta
përkeqësojnë situatën në
Kosovë dhe porositi shqiptarët
të mos shkojnë në këto bisedime.
"Ky takim iu është imponuar
njerëzve në Kosovë, sepse faktorëve
ndërkombëtarë iu
ngutet që sa më parë t'i japin
fund kësaj", deklaroi Demaçi
në një intervistë dhënë gazetës së Novi Sadit
"Gradjanski list".
Me vlerësimin se qëndrimi i Serbisë para
bisedimeve është "refuzues", Demaçi shprehu
bindjen se shqiptarët, megjithatë, do të
marrin pjesë në këto bisedime.
"Nëse shqiptarët kanë krenarinë e tyre, ata
nuk duhet të shkojnë në bisedime.
Megjithatë, aty është zotëriu Ibrahim
Rugova, që gjithmonë është i gatshëm të
plotësojë dëshirat e të gjithëve,
edhe të Milosheviqit, edhe të
këtyre tash", deklaroi Demaçi.
Sipas tij, presioni është i madh
dhe nuk zgjedhen mjete që
njerëzit në Kosovë "të thyhen, të
gjunjëzohen dhe t'i nënshtrohen
vullnetit që e detyron Kosovën që
përsëri të jetë koloni e Serbisë".
Demaçi vlerësoi se pas bisedimeve
në Vjenë, SMZ-ja do ta
ketë sovranitetin mbi Kosovën.
"OKB-ja do t'ia dorëzojë të gjitha
kompetencat - sigurinë, mbrojtjen,
punët e jashtme, ekonominë, financat
dhe gjyqësinë - Qeverisë së Serbisë dhe
shtetit serb. Shqiptarët pastaj do ta shohin se
e tërë kjo ka qenë gënjeshtër dhe lojë",
deklaroi Demaçi.
Sipas tij, institucionet në Kosovë "që edhe
ashtu kanë qenë të paralizuara dhe kurrfare",
tash do të jenë edhe më të këqia dhe situata
në Kosovë definitivisht do të bëhet më serioze.

[dodoni]

Mendoj se prognozat pesimiste të Demaçit nuk qëndrojnë, dhe shqiptarët duhet të marrin pjesë në bisedime. Pjesëmarrja në bisedime për shqiptarët nuk do të thotë që ata të thyhen, gjunjëzohen, nënshtrohen aspak, sepse atje askush nuk mund ti detyroi të nënshkruajnë asgjë. Kurse zgjidhja sa më e shpejt e problemit është në interes të të gjitha palëve e veçanërisht nç interes tonin dhe të serbëve, sepse kështu i japim fund një kapitulli të egër shumë shekullor në marrëdhëniet shqiptaro-serbe që do të jetë bazë për një të ardhme më të mirë fqinjësore mes këtyre dy popujve fqinj.




Serbia dhe negociatat


FRANKO EGRO

Ajo që deri pak kohë më parë konsiderohej thjesht si utopi, tashmë është shndërruar në realitet, duke e rikonfimuar edhe një herë thënien se në politikë: “ Kurrë duhet thënë kurrë “. Më konkretisht i shumëpërfoluri dialog mes Prishtinës dhe Beogradit starton në mes të Tetorit. Pra do të xhirohen të parat shtrëngime duarsh mes përfaqsuesve të dy vendeve që i ndau lufta e përgjakshme, e cila e shtyy në ekstremet e veta atë që njihet si “ urrejtja patologjike “ shqiptaro – serbe. Është pikërisht ky realitet ai që e bën më të qartë vlerën dhe rëndësinë e bisedimeve. Ndonëse ato nuk do të përqëndrohen në zgjidhjen e çështjes së statusit, ato përbëjnë epokë në marrdhëniet ballkanike dhe europiane. Liderët e të dy vendeve nuk kanë patur asnjë kontakt me njeri - tjetrin qysh prej përfundimit të konfliktit të vitit 1999. Drejtuesi i ri i Unmikut, politikani me eksperiencë Harri Holkeri e shpalli si prioritet absolut të mandatit të tij përgatitjen e terrenit dhe të klimës së përshtatshme për fillimin e negociatave bilaterale. Ai insiston se ato janë të rëndësishme duke qenë se duhen trajtuar si prelud i zgjidhjes së statusit final. Por, përfaqsuesi i Kombeve të Bashkuara në Kosovë nuk ka vonuar të përsërisë fjalinë - refren, sipas së cilës fjalën e fundit për këtë vendim madhor, që do të ketë një rrezonancë të konsiderueshme si në rajon, ashtu edhe më gjerë e ka vetëm Këshilli i Sigurimit dhe askush tjetër. Pikërisht në këtë kuadër, në takimin e fundit të përfaqsuesve të Grupit të Kontaktit të zhvilluar në SHBA, i cili vendosi disa pika mbi “ I “, u theksua qartë se dialogu duhet të fillojë në muajin tetor. Në deklaratën e përbashkët u theksua se: “ Dipllomatët nga SHBA, Russia, Franca, Gjermania dhe Italia në emër të komunitetit ndërkombëtar nuk do të lejojnë asnjë tentativë nga seicila palë që do të jetë në kah të kundërt me këtë platforme. Unilateralizmi nuk është i pranueshëm për zgjidhjen e statusit përfundimtar. " Rëndësia dhe vlera e fillimit të këtyre bisedimeve u diskutua shumë herët gjatë këtij viti, por ato u shtynë vazhdimisht. Problemi qëndronte tek frika që vetë dy kryeqytetet kishin përsa i përket drejtimit që do të merrnin ato. Nga deklaratat e njëpasnjëshme të liderëve shqiptarë e serbë deri më tani nuk ka qenë e vështirë të kuptohet se asnjë prej tyre nuk i dëshironte. Si në Prishtinë, ashtu edhe në Beograd fryma “ patriotike “ materializohej në deklarata të pafundme parlamentare apo edhe qeveritare. Por “ të kapur prej fyti “ ata u detyruan ta pranojnë dhe të nxitojnë përgatitjet për të qenë të gatshëm për t’u ulur në tryezën e bisedimeve. Megjithatë politikanët serbë, të ndodhur përpara një realiteti kokfortë e ndërruan menjëherë kursin. Ata krijuan ekipin negociator nën drejtimin e numrit dy të qeverisë dhe “ ekspertit të Kosovës “ Nebojsha Covic. Ai menjëherë nuk vonoi të përdorte fjalitë që “ janë serenata për veshët e perëndimorëve: " Në rast se popujt nuk flasin me njeri - tjetrin, nëse ata nuk dialogojnë, problemet nuk mund të zgjidhen. Historia e ka provuar se çfarë ndodh kur popujt nuk dialogojnë." Dhe fillimi i negociatave duket se në këtë situatë ka vlera të shumta për Serbinë. Dhe kjo për shumë arësye. Së pari kasta e re në pushtet dëshiron ti rikonfirmojë kredencialet demokratike. Ekzekutimi i liderit reformator Zoran Xhinxhiç e vuri në pikpyetje normalitetin serb. Së dyti Kosova u shkëput me dhunë nga administrimi serb ndaj nëse do t’i ribashkohej asaj në një formë tjetër, këtë rradhë paqësore do të vlerësohej si mishërimi i vlerave të jashtëzakonshme të bashkëjetesës moderne europiane. Së treti ëndrra e saj për t’u anëtarësuar në BE nuk mund të fillojë të konkretizohet përpara se të marrë zgjidhje çështja e Kosovës. Pikërisht për këtë arësye është esenciale për Beogradin të lëvizë gjithnjë në kahun e përcatuar nga Brukseli. Por, realiteti serb është shumë kompleks, ndaj ofron këndvështrime dhe perspektiva të shumta edhe përsa i përket asaj që konsiderohet si çështja më e mprehtë në vend. Më konkretisht një numër vëzhguesish janë shprehur se Kosova është e përfundimisht e humbur, ndaj do të ishte në interesin afatgjatë të kombit serb që ajo të shkëmbehej me Republikën Sërpska. Po ashtu nuk janë të paktë ata që mendojnë se nga Kosova duhet të shkëputen një pjesë e enklavave serbe, “ për t’u ndarë me nder nga e kaluara dhe historia “. Sidoqëtë jetë korri i zërave që shprehen se Serbia dhe Kosova po ecin në drejtime të ndryshme nuk është i pakët. Dhe nuk është aspak e vështirë të rendishëm arësyet. Dhuna dhe terrori i ushtruar gjatë gjithë dekadave të bashkëjetesës, krijoi armiqësi të pafund; pasojat e luftës e cila u shoqërua me krime nga më monstruozet është mjaft e afërt për t’u harruar. Këto zhvillime kanë bërë edhe niveli i militantizmit të jetë shumë i pranishëm në jetën e vendit. Po ashtu ka edhe zëra që insistojnë se disa politikanë serbe po e shfrytëzojnë çështjen e Kosovës për të fituar votat e nacionalistëve në zgjedhjet e rradhës si dhe për ta tërhequr vëmendjen e opinionit të gjerë nga problemet e pafundme të brendshmë siç janë ekonomia e shkatërruar, strukturat e fuqishme të krimit dhe korrupsioni galopant.



09/10/2003


Analizë për tu vlerësuar kjo.
Sot Zhivkoviqi u deklarua se partia G17 plus e Labusit në Serbi punon për pavarësinë e Dardanisë dhe se programin e saj do ta kishte zili edhe Thaçi.
Mendoj se pajtohem deri diku rreth këtij vlerësimi, Labus dhe partia e tij në Serbi është duke e parë problemin me interesat serbe në qendër të vëmendjes, dhe interesat serbe janë heqja dorë përfundimisht nga Dardania, ashtu siç kjo parti e ky politikan proklamon, dhe Labus e partia e tij duhet përkrahur nga përëndimi sepse kjo i kontribuon zgjidhjes më të mirë të problemit dhe mbylljes së kapitullit të egër shumë shekullor në këtë ish-vatër krize.
Vetëm njerëz si Millosheviqi, Zhivkoviq, Çoviq e disa të tjerë që unë do ti quaja në rradhë të parë të pagdhendur nuk kanë qenë në gjendje ti shohin deri tani gabimet e tyre dhe humbjet që Serbia ka pasur në lidhje me angazhimet e tyre shoviniste e kriminale në Dardani. Sikur Millosheviqi të ishte në gjendje ta kuptonte problemin dardan dhe interesat serbe në rajon sikur Labus dhe partia e tij G-17 plus tani qysh më 1989 ai do të kishte hequr dorë nga Dardania, dhe tani të paktën Serbia që me mbarimin e luftës së Bosnies do të kishte hedhur shumë hapa para dhe nuk do të kishte zhytur shoqërinë serbe në varfëri, me një kriminalitet e korrupsion shumë të lartë, shumë larg me reformat integruese dhe integrimin në strukturat euroatllantike, dhe poashtu në armiqësi me gjithë botën. Sa më shumë që serbët bëjnë angazhime kriminale e shovinste në Dardani aq më shumë do ta vonojnë procesin e daljes nga këto kriza të lartpërmendura të shoqërisë së tyre së bashku me efektet negative në Dardani, e në gjithë rajonin.
Prandaj është shumë e rëndësishme për interesat e të gjithëve që të përkrahet Labusi dhe partia e tij në Serbi sepse kjo është në të mirë të të gjithëve, dhe problemi dardan të zgjidhet sa më shpejt që të jetë e mundur dhe me zgjidhjen më të mirë për të gjitha palët e veçanërisht shumicës së dardanasve, që është ribashkimi Dardani-Albani në shtetin e ardhshëm Iliri.


Tung

[Nuh Musa]

fale dembelllekut dhe idiotise shqiptaret se paku luften mediale e kemi humbur.

DUke patur xhokerat si "milloshevicin", "mafine serbe", "kriminalitetin me drogen e prostitucionin", "katastrofat verbale te covicit", "nacionalizmin e verbuar aktual ne shoqerine serbe", "kufomat shqiptare ne mes te beogradit" e mundesi tjera,

ne, shqiptaret, kemi lane qe me akuza qesharake (vrasje makabre pa te akuzuar) te demtojne imazhin tone dhe te demonizojn shoqerine shqiptare, te kriminalizojn luftetaret, e kurse karaxhica e mlladica ende te jetojn si gogla ne vjëm!!!


Turp o dembela te nemun te mediave shqiptare! TURP!!!, se nuk pati luft beogradi por prishtina, nuk u vrane serbet por 15000 shqiptare, nuk ka serb te zhdukur, por mbi 3600 shqiptare, nuk ka kisha te shkateruara, por xhamia, ......

mos shkoni ne vjene, merrni njehere nje qendrim o bithlepiresa, njehere tregoni se keni aftesi diplomatike, njehere, jo me shume, JO HOLKERI, por perfaqesuesit e popullit kosovare jane kompetent per nevojat e popullit te tyre.

UNIMU eshte ne kosove per tu mesuar shqiptareve vlerat demokratike, jo per te "manifestuar" sadizmin europjan. Kurre europa nuk ka patur aftesi te zgjedh probleme, dhe kurre nuk do ta ket. Amerika ju dash te intervenoj ne bosnje (pasi humben jeten 7000-8000 njerez ne masakren e srebrenices), dhe amerika ju dash te intervenoj ne kosove, pasi u zhduk familja e jasharajve. Cdo tentim per diskutime, pa influencen e amerikaneve eshte i pavlere per shqiptaret dhe pik. Dhe cdo tentim per ti futur shqiptaret (ose detyrim) ne diskutime me serbet per statutin final, nuk duhet as ne shprehjen e pare te pranohet. Refuzim kategorik, ne nuk kemi me serbet cka te diskutojm. Le te mirren vesh se pari me kroatet, me sllovenet, me boshnjaket, e nese e lejojn rrethanat,. edhe me shqiptaret.

Kosovaret nuk jane ne poziten per te gelltit!!!!

flm

[dodoni]

Mendoj se media shqiptare duhet të punoj më shumë dhe jo vetëm për publikun shqiptar por edhe për atë ndërkombëtar.
Është fakt që luftë ka pasur në Prishtinë e jo në Beograd, por edhe Beogradi e ka shijuar luftën për disa muaj të bombardimeve.
Është fakt që ka pasur shqiptar të vrarë e shumë pak serb n krahasim me shqiptarët e vrarë, për shkak se ata vrisnin civil, kurse sa për kishat e shkatërruara ka pasur disa pas luftës por nuk është dashur të bëhej kurrë, nga kush është bërë, që mund të jenë serb vetëm për ti dhënë karakter fetar luftës ashtu siç mundoheni ta bëni ju këtu me marrinë tuaj, këto kisha është dashur vetëm të kthehen në kisha shqiptare sepse edhe ashtu kemi nevojë për kisha shqiptare kurse ato xhamia të shkatërruara nuk është gjë sepse edhe ashtu ka goxha shumë në Dardani e nuk na duhen fare.

Edhe prania amerikane do të jetë prezente në bisedime, kështu që nuk duhet të shqetësoheni për këtë. Mendoj se është një fakt shumë i rëndësishëm kjo e punës së sllovenëve, kroatëve, boshnjakëve që edhe pse pothuaj janë i njëjti popull nuk duan të jetojnë me serbët, e pse të kërkohet një gjë e tillë nga shqiptaro-dardansat kur dallojnë nga serbët si nata me ditë.
Sidoqoftë, ribashkimi Dardani-Albani është një çështje ditësh tani.

Tung

[Llapi]

Kosovë: Presidenti Rugova konfirmon pjesëmarrjen në bisedimet në Vjenë


Presidenti i Kosovës, Dr. Ibrahim Rugova, i është përgjigjur pozitivisht ftesës së PSSP-së Harri Holkeri për të marrë pjesë në takimin e Vjenës, të datës 14 tetor 2003, i cili duhet të shënojë fillimin e dialogut Prishtinë-Beograd për çështje praktike.
Presidenti Ibrahim Rugova e ka marrë këtë vendim mbi bazë të mandatit të tij që ka me Kornizë Kushtetuese, sipas të cilit, në bashkërendim me PSSP-në, Presidenti e përfaqëson Kosovën dhe i ushtron të drejtat dhe detyrat e veta në pajtim me dispozitat kushtetuese, thuhet në një komunikatë të lëshuar nga Presidenca.

10 tetor 2003, ora: 18:00 CET

[Llapi]

Kosovë: Daci: Në Vjenë ose do të shkohet bashkërisht ose nuk do të shkohet fare


Në bisedimet e Vjenës do të shkohet bashkërisht ose nuk do të shkohet, kështu deklaroi kryeparlamentari Nexhat Daci pak ditë para fillimit të dialogut Prishtinë –Beograd.
Kryetari i Kuvendit të Kosovës, pas takimit me Komandantin e KFOR-it, tha se është rast unik që Kosova t’i merr përgjegjësitë.Ai shpreson që intitucioneve të Kosovës t’i jepen ministri shtesë. Edhe komandanti i KFOR-it, Kamerhof takimin e Vjenës e ka vlerësuar të rëndësishëm.

10 tetor 2003, ora: 15:56 CET

[Llapi]

Haradinaj: AAK-ja nuk mbështet projektin e 14 tetorit në Vjenë


Prishtinë, 10 tetor (Kosovapress) Time: 17:35

Kryetari i AAK-së, Ramush Haradinaj, pas takimeve që ka zhvilluar të premten në Prishtinë me shefat e zyreve britanike dhe amerikan në Prishtinë, Mark Dikinson dhe Marsi Ris, ka njoftuar se përpjekjet për të qenë pjesë dhe për të mbështetur 14 tetorin në Vjenë nuk kanë dhënë fryte.

[I Arratisuri!]

Cfare mendoni se do sjelle takimi mes shqiptareve dhe serbeve kur plaget e kombit tone jane ende te fresketa e krimi serb ishte i perbindshem si ata vete!?Si munden ta kerkojne nje gje te tille kur dihet se cfare bisedimesh ka mes xhelatit dhe viktimes?Si mendoni cfare prisni nga ky takim?!

[Albo]

Presidenti Rugova gati për në Vjenë

10 tetor 2003, 17:27 UTC


Presidenti i Kosovës, Ibrahim Rugova, u tha PO bisedimeve ndërmjet Prishtinës dhe Beogradit, për zgjidhjen e cështjeve teknike të interesit të përbashkët. Në një njoftim të lëshuar në orët e mbrëmjes nga zyra e tij për informim, thuhet se “Presidenti i Kosovës, Dr. Ibrahim Rugova, i është përgjigjur pozitivisht ftesës së shefit të Misionit të Kombeve të Bashkuara, Harri Holkeri, për të marrë pjesë në takimn e Vjenës, të datës 14 tetor 2003, i cili duhet të shënojë fillimin e dialogut Prishtinë-Beograd për çështje praktike.

Presidenti Ibrahim Rugova e ka marrë këtë vendim mbi bazë të mandatit të tij që ka me Kornizën Kushtetuese, sipas së cilës, në bashkërendim me shefin e Misionit të Kombeve të Bashkuara, e përfaqëson Kosovën dhe i ushtron të drejtat dhe detyrat e veta në pajtim me dispozitat kushtetuese. Ndër themeloret është dispozita sipas së cilës, në bashkërendim me shefin e UNMIK-ut, presidenti i Kosovës merr veprime në fushën e marrëdhënieve të jashtme”, thuhet në fund të njoftimit të zyrës së presidentit Rugova.


Vendimi i tij është përshëndetur menjëherë nga kryeadministratori i Kosovës, Harri Holkeri. Shërbimi i tij për informim citon zotin Holkeri të ketë thënë se ai së bashku me tërë bashkësinë ndërkombëtare “e duartroket vendimin e presidentit Rugova që është akt i një udhëheqësi të përgjegjshëm”.

Presidenti i Kosovës Ibrahim është udhëheqësi i parë shqiptarë që ka pranuar të marë pjesë në bisedimet e caktuara për të martë në Vjenë të Austrisë. Ndërkaq, udhëheqësit tjerë ende nuk kanë dhënë ndonjë përgjigje, megjithë takimet intensive që kanë vazhduar edhe gjatë tërë ditës së sotme. Shefja e zyrës amerikane, Marcie Ries dhe kolegu i saj nga zyra britanike, Marc Dickinson, zhvilluan takime me dyer të mbyllura me drejtues të lartë të institucioneve dhe partive politike, për të siguruar pajtimin e tyre për pjesmarrje në bisedime. Kryetari i Parlamentit të Kosovës, Nexhat Daci, tha se në Vjenë ose do të shkojnë të gjithë ose jo. Ai bëri thirrje për shtimin e përgjegjëisve të reja për qeverinë në fushën e drejtësisë dhe policisë për të siguruar bisedime të mirëfillta. Ndërkaq, kryeministri i Kosovës Bajram Rexhepi edhe më tej ngulë këmbë se bisedimet kërkojnë koncenzus të plotë politik. Kryetari i Aleancës për Ardhmërinë e Kosovës Ramush Haradinaj tha pas takimeve me diplomatët e lartë se pjesmarrja në bisedimet e Vjenës do të mundësohej nëpërmjet krijimit të ministrive të reja të qeverisë së Kosovës.

Sidoqoftë, orët e mbrëmjes janë përmendur si një afat për një vendim të të gjithë përfaqësuesve shqiptarë për pjesmarrje apo jo në bisedime.

//rd//

[Albo]

Shqiptaret e Kosoves duhet patjeter te prezantojne palen shqiptare ne Vjene, pa hezitimin me te vogel, pasi cdo hezitim ne kete pike, demton pozitat shqiptare perpara komunitetit nderkombetar. Me poshte do tu argumentoj pse.

Perse duhet te shkojme ne Vjene?

Cfare do te fitojme nese nuk shkojme? Do te fitojme ate qe do te vihemi ne shenje te sulmeve propagandistike serbe e greke qe shqiptaret nuk jane ata qe hiqen, ata asnjehere nuk mund te jene faktore stabiliteti ne Ballkan dhe asnjehere nuk mund te konsiderohen partnere te sinqerte europiane dhe me gjere. Nje mos presmarrje ne Vjene do te thote mungese respekti per Grupin e Kontaktit qe perfaqesohet ne nivelin me te larte.

Arsyet perse duhe te marrim pjese ne Vjene jane si me poshte:
1. Perfaqesimi i Grupit te Kontaktit eshte ne nivel te larte.
2. Axhenda e bisedimeve eshte ne nivelin e ulet teknik dhe eshte nje parakusht ky qe shqiptaret duhet te permbushin per tu hedhur tek diskutimi i statusit final.
3. Grupi i kontaktit, perfaqesia serbe, duhet ta degjojne fort dhe qarte qendrimin unanim dhe te palukundur te gjithe krereve institucionale dhe politike ne Kosove, pro pavaresise nga Serbia. Nese ne nuk mbrojme qendrimin tone ne Viene, kush do ta mbroje ate per ne?!
4. Kesaj here, ndryshe nga Rambujea, perfaqesimi i shqiptareve do te jete ne nivelin institucional dhe jo ne nivelin politik apo individual.
5. Takimi mbahet ne Viene dhe austriaket jane mbeshtetesit historike te ceshtjes sone kombetare.

Perse mbahet takimi i Vienes?

Jane te shumta spekullimet mbi motivet e mbajtjes se takimit. Organizuesit insistojne mbi "ceshtje teknike" dhe jo substanciale sic eshte puna e kufirit ndares, njerezve te zhvendosur ne Serbi e me rradhe. Por kjo arsye nuk justifikon faktin qe perfaqesimi nga ana e Grupit te Kontaktit eshte ne nje nivel te larte. Pra eshte me shume se sa ceshtje teknike, por eshte me pak se diskutim i statusit final. Atehere perse organizohet?

Takimi i Vienes mbahet per disa arsye:
- 1. Testimi i ujrave nga nderkombetaret - pas 4 vjetesh serbet dhe shqiptaret do te ulen ne nje tavoline me nderkombetaret dhe nderkombetaret duan te njohin qendrimet e paleve, a kane ndryshuar ato sadopak nga 4 vjet me pare?!
-2. Permbushja e nje premtimi nga ana e nderkombetareve - ne Rambuje u ra dakord qe pas nje periudhe kohe 3-5 vjecare te diskutohej serrisht mbi te ardhmen e maredhenieve serbo-shqiptare dhe ky takim u jep mundesi faktorit nderkombetar qe tu mbyllin gojen perkohesisht kritikeve nderkombetare qe e kane quajtur problemin ballkanik nje problem qe eshte fikur ne radaret nderkombetare.
- 3. Instruktimi i paleve nga faktori nderkombetar mbi nevojen e mirekuptimit Prishtine-Beograd si parakush per bisedimet mbi statusin e Kosoves. E thene me fjale te tjera, nderkombetaret duan te sigurohen qe cfaredo qofte statusi perfundimtar, palet te ndergjegjeson se ai verdikt duhet pranuar per hir te stabilitetit dhe paqes ne rajon.
- 4. Rivleresimi i situates nga nderkombetaret dhe dalja me nje axhende diskutimesh te ardhshme per statusin e Kosoves. Me pak fjale, ky do te jete nje test per palet, nese nderkombetaret do te jene te kenaqur nga ajo qe do te degjojne, (qendrime te moderuara ndaj njeri-tjetrit), ne fund te takimit kam bindjen qe Grupi i Kontaktit do te hapi deren e nje takimi te ardhshem per diskutimin e statusit final te Kosoves. Ne te kundert, status quo-ja aktuale do te vazhdoje me gjate.

Cfare qendrimi duhet te mbaje pala shqiptare?

Eshte teper e rendesishme qe pala shqiptare te perfaqesohet ne Viene jo ne nivel partiak, por ne nivel institucional ku te jene te pranishem, presidenti Rugova, kryeministri Rrexhepi dhe kryeparlamentari Daci. Ky perfaqesim institucional do te thote qe shqiptaret do te jene ne pozita te barabarta me palen serbe perpara komunitetit nderkombetar.

Mesazhi qe duhet te percjellim ne Viene eshte ai qe kemi percjelle deri me sot: Populli i Kosoves eshte nje popull liridashes qe eshte i pregatitur te pranoje si zgjidhje vetem pavaresine nga Serbia. Shteti i Kosoves eshte dhe do te vazhdoje te jete nje shtet demokratik i zgjedhur me voten e lire te shtetasve te tij. Qeveria e Kosoves duhet te angazhohet per mbrojtjen e gjithe minoriteteve ne Kosove, vecanerisht ate te minoritetit serb. Qeveria e Kosoves eshte e hapur per krijimin e klime te re mirekuptimi ne maredheniet Prishtine - Beograd nese Beogradi heq dore nga provikimet kushtetuese dhe mosnjohja e sovranitetit te shtetit te Kosoves mbi territorin e Kosoves. Te gjitha keto pika jane ato qe nderkombetaret duan te degjojne dhe u presin udhen te gjitha akuzave te pritshme te pales serbe.

Do te dalim te humbur apo te fituar nga takimi?

Ajo qe duhet te kuptoni eshte se shqiptaret nuk kane asgje se cfare te humbin, absolutisht asgje. Ne jemi ne pozita te tilla ne Kosoves, qe edhe nese komuniteti nderkombetar mundohet te na imponoje nje "autonomi substanciale", ne jemi ne gjendje ta konfrontojme kete qendrim fare lehte duke shpallur pavaresine e njeanshme ne Kosove dhe duke sfiduar hapur autoritetin e UNMIK mbi bazat e shkeljes se aspiratave te popullit te Kosoves. Nese problemi arin deri ne ate pike, atehere komuniteti nderkombetar do te jete diskretituar ndjeshem perpara opinionit nderkombetar qe i ka ende te fresketa pamjet e konfliktit ne 1999. Shqiptaret nuk shkojne ne keto takime per te kerkuar ndihme per pavaresine, shkojne ne keto takime per te vulosur ate pavaresi qe kane 4 vjet qe jetojne.

Kjo eshte koha e urtesise per ne shqiptaret dhe jo e luftes.

Albo