Hapja e bisedimeve Prishtinë-Beograd

[Llapi]

Analizë
Bisedimet, testi i
partive të Kosovës
Pasiguria, frika dhe droja shtohet edhe më shumë kur dihet se partitë
politike kosovare janë sot po aq të përçara sa edhe 4 vjet më parë, kur
Thaçi, Rugova, Qosja, etj. mezi i flisnin njëri-tjetrit në Rambuje të Francës

VIRON GJYMSHANA
Megjithëse nuk thuhet me zë të lartë, prapë se prapë ndjehet se udhëheqësve të
Kosovës po u shtohet gjithmonë e më shumë paniku, sa më shumë afron 14 tetori,
data kur duket se do të fillojë edhe dialogu aq i përfolur serbo-kosovar. Pasiguria, frika
dhe droja shtohet edhe më shumë kur dihet se partitë politike kosovare janë sot po aq
të përçara sa edhe 4 vjet më parë, kur Thaçi, Rugova, Qosja, etj. mezi i flisnin njëri-tjetrit
në Rambuje të Francës. Në këto kushte, është fare e qartë se nuk ka as platformë dhe
as qëndrim të përbashkët të delegacionit të Prishtinës ndaj atij të Beogradit, si dhe nuk
dihet ende se çfarë kërkesash do shtrojnë dhe çfarë strategjie do të përdorin kosovarët
në Vjenë. Dhe duke e ndjerë erën e rrezikut që vjen nga ballafaqimi me një palë
kundërshtare më të fortë dhe më të përgatitur, që ka investuar shumë deri me tani për
organizimin dhe konkluzionet e këtij takimi, udhëheqësit e Kosovës përpiqën kush e
kush t'i bëjë bisht pjesëmarrjes në bisedime. Kryesia e parlamentit kosovar e sunduar
nga LDK-ja nuk pranon të shtrojë as në rendin e ditës çështjen e bisedimeve me
Serbinë dhe as nuk dëshiron të mandatoje qeverinë për të udhëhequr këto negociata.
Rugova përpiqet t'i shmanget përgjegjësisë
Nga ana tjetër, ndjehet se Rugova përpiqet t'i shmanget përgjegjësisë së hyrjes në një
dialog me serbët, përfundimet e të cilit janë ende të panjohura. Para një situate të tillë
presioni i BE-së ndaj Prishtinës është shtuar në maksimum. Bashkimi Evropian është i
ndërgjegjshëm se i takon atij tani roli kryesor si në bisedimet teknike dhe praktike ndërmjet
përfaqësuesve të Kosovës dhe Serbisë, por po ashtu edhe në ato të mëvonshmet
që do të rrokin edhe çështjet politike. Aq më shumë që Shtetet e Bashkuara të
Amerikës janë fokusuar pothuajse tërësisht në konfliktin izraelito-palestinez, në Irak,
Iran, Afganistan etj. Funksionarë dhe analistë të njohur amerikanë kanë pohuar disa
herë deri me sot se ata ia kanë lënë zgjidhjen e problemeve në Ballkan një herë e mirë
BE-së, që do të thotë afërsisht Francës dhe Gjermanisë, si lokomotivat e Evropës së
Bashkuar. A nuk ishin këto dy vende në udhëheqje të koalicionit që kundërshtoi me të
gjitha mënyrat ndërhyrjen amerikane në Irak?! A nuk janë po ashtu këto 2 vende që
duan të krijojnë një ushtri paneevropiane të shkëputur dhe të pavarur nga NATO?
Atëherë le t'i provojnë aftësitë e tyre në Ballkan, pikërisht në atë rajon ku 10 vjet më
parë u desh ndërhyrja amerikane për të rivendosur një lloj paqeje të brishtë, duket se
thonë strategët e Shtëpisë së Bardhë. Por, pavarësisht prej këtyre sfidave në Bruksel
mbizotëron optimizmi. Pasi Bashkimi Evropian është i bindur se më në fund e ka gjetur
'elesin magjik të zgjidhjes se statusit përfundimtar të Kosovës. Ky çelës janë bisedimet
serbo-kosovar. Nuk do të kalojë shumë kohë që vendin e problemeve me karakter
praktik, do ta zënë ato me karakter thjesht politik, ku kryesori do të jetë ai i statusit përfundimtar
të Kosovës. Kur flasim për jo shumë kohë, kuptojmë kohën që i duhet zakonisht
diplomacisë se vendeve të zhvilluara për të realizuar synimet që i ka vënë vetes, që
në rastin konkret mund të thotë edhe 2 apo 3 vjet.
BE s'ka pse ngutet
Bashkimi Evropian nuk ka përse të ngutet as kësaj radhe. Për të me rendësi është thyerja
e akullit, kthimi në krah të kundërt i atij procesi që filloi më 1999. Tani për tani ai
dëshiron vetëm që të ndërpresë atë vazhdimësi katërvjeçare, ku Prishtina provoi të
injoronte Beogradin. Duke i ulur në një tavolinë serbët dhe kosovarët, BE-ja vë edhe
shenjën e barazimit ndërmjet Serbisë, që u sulmua më 1999 nga NATO dhe viktimës
së saj, Kosovës. Pak nga pak Serbia me ndihmën e miqve dhe aleatëve të saj ia arriti
që të ndryshonte imazhin e vet. Me disa bomba në Kosovë dhe vrasje të pasqaruara të
fëmijëve dhe pleqve serbë, opinioni publik ndërkombëtar krijoi bindjen se edhe shqiptarët
nuk janë më të mirë se serbët. Dhe pasi të ulën edhe një herë në tavolinën e
bisedimeve udhëheqësit e Prishtinës nuk do të ngrihen dot më, pa u zgjidhur të gjitha
çështjet. Aq më shumë që Këshilli i Ministrave i Bashkimit Evropian e ka bërë të njohur
që tani se si do që të vijë puna, ai do të lozë vetëm rolin e lehtësuesit të këtyre bisedimeve
dhe jo edhe atë të ndërmjetësit. Gjithmonë sipas burimeve zyrtare të BE-së,
Solana, Patten dhe Robertson është e mundshme të marrin pjesë vetëm në ceremoninë
e hapjes se bisedimeve, duke ia lënë kontrollin e tyre të mëvonshëm kryeadministratorit
të UNMIK-ut, Harri Holkerit, zyrtarëve dhe specialistëve të tjerë organizatave
ndërkombëtare. Kjo do të thotë që kosovarët të jenë të detyruar të bien në ujdi, pra të
arrijnë në një kompromis me serbët për gjetjen e statusit final. Vështirësia qendron se
të gjitha partitë politike në Kosovë pranojnë vetëm një zgjidhje dhe atë më të volitshmën
për ta, pavarësinë e Kosovës. Ndërsa, serbët luajnë në tavolinë me shumë
karta. Përveç njohjes se Kosovës të statusit të autonomisë së 1974, apo atij të një
republike në një federatë tripalëshe, Serbi-Mali i Zi - Kosovë, serbët mbajnë rezervë
edhe variantin e ndarjes së Kosovës. Para këtyre kushteve udhëheqësve të Kosovës u
mbetet vetëm të zgjedhin. Dhe në rast se ata do të vazhdojnë të ngulin këmbë në
pavarësinë e tyre, presioni i shoqëruar edhe me premtime dhe lajka, do të jetë aq i
madh dhe i ashpër sa do të jetë shumë e vështirë për t'i bërë ballë.

[DRIN FIERI]

ne negociatat qe do te fillojne ne mesin e Tetorit midis pales Shqiptare dhe asaj serbe, ne ate tavoline qe do te ulemi ne do te jemi ne vendin e QINGJIT dhe serbet do te ulen ne vendin e UJKUT
dhe Holkeri ose BE-ja do te jene ne vendin e BABAIT TE UJKUT

[JONI 1]

Mendoj se ne nuk duhet te bijme pre e te shqetesohemi aq shume lidhur me keto biseda.Me brengose vetem ajo qe 'personalitete' politike te Kosoves kerkojne formim te ndonje delegacioni jashte Qeverise dhe qe kerkojne 'ize' prej Parlamenti.Qeveria eshte ajo qe duhet te i zhvilloje bisedat kurse te gjitha marrveshjet e arritura jane te pavlefshme pa ratifikimin e Parlamentit.Une frigohem se kerkesat e tilla te individeve nuk duhet te perfillen sepse pos qe jane te dyshimta per kah qellimi ato paraprakishte iau ulin rolin e Institucioneve te Kosoves.Qeveria le te hyje ne bisedime sikur qe do te bente me çdo shtete tjeter e ata le te sillen rrethe gardhi sa te dojne si dhe provokimet e tyre mos te shkaktojne nervozizem ndermjet nesh se aty kane qellimin futjen e Kosoves ne ndonje kaos te brendshem.

[Kresha]

Edhepse lideret kosovare hamenden rreth pjesemarrjes ne bisedimet e ashtuquajtura teknike ne mes te Prishtines dhe Beogradit, Kosova do ti kete perfaqesuesit e vet ne keto bisedime.

Te gjithe e dijne se forma e ketyre bisedimeve eshte e disfavorshme per shqiptaret e Kosoves. Por, sikurse ne te kaluaren, Presidenti Rugova do ti bindet fuqive te medha, te cilat kembngulin ne nisjen e dialogut per "ceshtje teknike". Me dy lideret e tjere te koalicionit qeveritar, Thacin dhe Haradinen, do te luhet me "letren e Hages", loje e cila ka funksionuar ne Bosnje, Kroaci, e S&MZ. Padyshim edhe ne Kosove do te funksionoje.

Normalisht, se bisedimet ne keto kushte cfare jane tani, nuk do te kene sukses.
Rezulati i ketyre bisedimeve do te jete percarja edhe me e thelle politike brendashqiptare dhe nje ngrirje e marredhenjeve me nderkombetaret (UNMIK-un).

Edhe shqiptaret edhe UNMIK-u do te dalin humbes ne kete beteje te pafilluar e te inicuar nga Holkeri. Ndoshta ky ka qene edhe qellimi i nisjes se kesaj pune...

[Llapi]

Z. Holker ia ka filluar mbrapsht-Shkruan: Jakup Krasniqi

Bisedimet janë përspektiva e Kosovës dhe e rajonit tonë. Bisedimet na duhen për rezultate pozitive, për suksese, për zgjidhje të pranueshme për shqiptarët dhe qytetarët tjerë të Kosovës.

Bisedimet të përgatiten e të zhvillohen domosdo me pjesëmarrjen dhe garancën e SHBA-së. Angazhimet tona për bisedime të suksesshme nuk duhet parë si ekstreme e as si të qullta, janë kërkesë dhe angazhim realist.

Pozicioni i institucioneve të Kosovës, i bënë të pa mundshme bisedimet Prishtinë – Beograd. Kjo është pengesa kryesore, por jo edhe e vetme për fillimin e dialogut.

Për të qenë bisedimet e suksesshme, pozicioni i Qeverisë së Kosovës duhet të jetë Sovran. Bisedimet kështu si na ofrohen, janë vazhdim i bisedimeve UNMIK – Beograd mbi bazën e marrëveshjes Hakerup – Qoviq. Marrëveshje që nuk e kanë pranuar Institucionet e Kosovës dhe as partitë politike.

Sërbia pa u penguar nga KS dhe BE-ja, ka krijuar avansime politike dhe juridike. Bashkësia ndërkombëtare është dashur t’i shpallë të një anshme dhe si akte që nuk prodhojnë efekte politike e juridike për të ardhmen e Kosovës.

Bashkësia ndërkombëtare duhet t’u njoh qytetarëve të Kosovës të drejtën e shprehjes së vullnetit të lirë për vetëvendosje, me anë të Referendumit.

Institucionet e Kosovës janë penguar nga administrata e UNMIK-ut, të krijojnë pozicionet e domosdoshme politike dhe juridike. Këtu nuk ështe faji vetëm i ndërkombëtarëve. Vendorët e kanë përgjegjësinë më të madhe.

Z. Holker ia ka filluar mbrapsht. Fillimisht besonim se ai do të njeh peshën e votës së qytetarëve. Si duket ajo ka vlejtur vetëm në vendin e tij, por jo edhe për Kosovën.

PSSP-ja i ri, pa u njohur me nivelin e administratës së UNMIK-ut, me funksionimin e saj, pa u njohur me nivelin e administratës së Institucioneve të Kosovës, pa vendosur komunikim normal me institucionet vendore të dalura nga zgjedhjet e lira, ka filluar një agresion të përcjellur me armët e artilerisë së rëndë politike, mbi institucionet e Kosovës dhe liderët e tyre.

Liderëve të Kosovës u ka humbur busulla. Ndonjëri ka uzurpuar Kosovën dhe të ardhmën e saj. Ata po shantazhohen me kamxhik e karrotë. Pasojat do të jenë për të gjithë ne qe nuk kemi atdhe rezerv. Institucionet e Kosovës, nuk janë të njohura ndërkombëtarisht. Ato nuk janë as si vëzhguese në Institucione ndërkombëtare, as në Parlamentin e Evropës. Institucionet e Kosovës nuk kanë kompetenca as brenda kufijëve administrativ dhe politik të Kosovës. Madje, ato nuk kanë kompetenca as në NP apo edhe në raport me administratën lokale në Kosovë. Më shumë përfillen OJQ se sa Qeveria, Parlamenti apo presidenti.

UNMIK-u duhet të vendos raporte mirëbesimi me Institucionet e Kosovës, duhet t’ju dorëzojë kpmpetencat për të qeverisur vendin e tyre, për çka kanë marrë votat e qytetarëve. Për çka iu rrin varur këmbona në qafë.

Në Kosovë duhet vendoset komunikimi mes liderëve që përfaqësojnë grupet e ndryshme etnike, të shumicës shqiptare dhe pakicave tjera, përfshirë edhe atë serbe. UNMIK-u pak e ka ndihmuar komunikimin ndëretnik. Në ndonjë rast është penguar ky komunikim. Pastaj komunikimi me vendet fqinje. Jemi për fqinjësi të mirë.

Duhet të eliminohen enklavat, pushteti paralel dhe pengesat tjera të mbetura nga regjimi i Millosheviqit në Kosovë. Lejimi dhe stimulimi i pushtetit paralel në Kosovë nga ana e UNMIK-ut, vazhdon të jetë pengesë serioze për ndryshime pozitive në Kosovë dhe në rajon. Vazhdon të jetë pengesa kryesore për paqen, sigurinë dhe demokracinë në rajon. Vazhdon të jetë pengesë për integrime në rajon.

UNMIK-u me të gjitha strukturat e vendosjes në bashkpunim me institucionet e Kosovës, duhet paraprakisht t’i plotësojnë këto standarde:

· Zhvillimin ekonomik;
· Sundimin e ligjit;
· Sigurinë për të gjithë në Kosovë.

Steineri shpiku Standardet para statusit, z. Holker standardin e shtatë të Steinerit po e bënë standard para standardeve. A duhet të plotësohet ndonjë standard për fillimin e bisedimeve në mes dy vendeve që posa kanë përfunduar një luftë? Në Parlamentin e Evropës para pak dite u tha:’’ Kosova nuk është shtet, ajo nuk është as vëzhguese në Parlamentin e Evropës, dhe s’mund të njoftojë për realitetin në Kosovë”. Ata u mjaftuan me fjalët e një fashisti nga Beogradi për gjendjen në Kosovë. Kosova nuk ka zë në asnjë Institucion Ndërkombëtarë. Pse nuk po e shohim këtë? Edhe çfarë tragjedie duhet të na përsëritet që të shohim pa syza? Për popullin e Kosovës, për institucionet e zgjedhura nga vota e tij, zëri që na erdhi nga Parlamenti i Evropës, është mesazh shumë shumë i keq. Është mesazh ugurzi. Dëshironim të ishte ugurbardhë!

Duke parë pozicionin e pa definuar të Institucioneve të Kosovës, natyrshëm shtrohet pyetja: Cili do të ishte pozicioni i delegacionit nga Kosova në ato bisedime? Çka përfaqësojnë ata atje? Pse po lejojmë të jemi pjesë e një loje tepër të rrezikshme e në dëm të popullit e vendit tonë? Si dhe pse po shkojmë në bisedimet e imponuara? Për interesin e kujt? Po shkojmë si institucione të barabarta apo si;

· Institucione që nuk i njeh askush?
· Si udhëheqës lokalë të tipit G-15-të?
· Apo si qytetarë të “ndershëm” të Kosovës?

Bisedime të këtij niveli, janë zhvilluar edhe më parë, madje edhe gjatë luftës çlirimtare në Kosovë. Rezultati na është i njohur sa edhe pasojat e atyre lojërave të “pakufi” të miut me macjen, si në filmat vizatimorë. Pse po ecim në një rrugë që ka lënë pasoja të shumta e plagë të pashërueshme. Një fjalë e popullit thotë: “ As Gomari nuk hynë dy herë në të njëjtin batak”.

Kam formuar bindjen se Administrata e UNMIK-ut nuk ka informuar drejt KS dhe KE. Nuk ka informuar se shqiptarët ndoshta mund të durojnë edhe 2, 5, 10, 20 e më shume vjet UNMIK-un në Kosovë, por sundimin e Beogradit as edhe një ditë. Këtë duhet ta themi se paku ne me guxim, vendosmëri dhe krejt haptas. Parlamenti ynë nuk ka kondicion fizik, intelektual e as politik për të debatuar seriozisht e me përgjegjësi dhe si pasojë as të merrë vendime në interest e Kosovës.

Nëse koha e jonë është e maskarenjëve, e ardhmja u takon njerëzve të përgjegjshëm, i parafrazova vargjet e një poeme që u recitua në një tubim përkujtimor, për dy Vëllezër Dëshmorë. (Diskutim i përgatitur për debatin në Parlamentin e Kosovës me 2 tetor 2003)

[Nuh Musa]

ineteresant, shume interesant!!!

Dhjet dite kan mbetur per fillimin e bisedimeve, dhe kosovaret ende nuk e dine kush do te shkoj atje ti perfaqesoj, dhe me cfare pergatitje. Ne anen tjeter Holkeri eshte i bindur si muri, se bisedimet do te fillojn ne datene e caktuar, serbet andej jane te mendimit se keto bisedime do te qartesojn punen e statusit, bile drashkoVICI thot se duhet edhe kantonizimi i keosoves te diskutohet, e haj me dert hajt.

O burra, po hajt futnja edhe bisedimeve edhe holkerit edhe serbeve.

Kujt ja ndin rezoluta 1244 qe eshte e firmosur se pari nga NATO dhe se dyti nga kriminelle qe jane para gjyqit ne hage. Rreth e perqarg nuk shihen shqiptare ketu, kosova eshte prone e qytetareve qe jetojn mbi te, me dokumentacion bile.
Jugosllavia ka vdekur njehere e pergjithmone, dhe pas tri viteve mali i zi do te shpall pamvaresine sipas mareveshjes me serbine.

Kujt i intereson ki teater tragjik qe zhvillohet keto dite?, kur shihet qarte se europa nuk ka asnje cfare koncepti per ballkanin!, punet e shtyra nuk jane pune te zgjidhura, ASNJEHERE!


Qeveria e ka ne fuqi te shpall nje referendum (gje qe isht e ne rambuje nje nder pikat kryesore per refuzimin e kontartes nga ana serbe, dhe me interesantja, ai referendumi duhej te mbahej pas tre viteve, keshtu qe 1998+ 3 = 2001, tash me dy vite kosova do te ish de jure e pamvarur), me voten e popullit do te shpallet pamvaresia, dhe pik. A jetojm ne nje vend demokratik, ne nje kontinent demokratik, ne nje kohe demokratike?

Dhe, me te fundit kjo gje do ti interesonte holkerit, sepse ki dembel nuk ja ka haberin se ku gjindet dhe cka po ben.

Lufta sjell ceshtje te perfunuduara, kete se paku e din te gjithe, nese e kan haruar, atehere duhet te va bejm me dije. Qeveria duhet patjeter te vedos hapa rigorose. I mire do te ish caktimi i referendumit, dhe ki do te ju kujtonte te gjitheve se cka ka ndodhur ne kosoven e viteve 1998-1999, ndodhi te cilat na kane sjellur kete situat.

flm

[DriniM]

Unë mendoj se Institucionet e Kosovës ,para bisedimeve ( jo dje apo pardje, bie fjala ) por që ditët e para kur përmendën bisedimet europjanët duheshte tu thuhet prerë atyre,pa sikur të rezikoheshin edhe me sanksione politike e ekonomike :-
Na nuk himë në bisedime me sërbët , vetëm sa me kaluar radhën apo kohën .
-Së pari unimk-u të na i dorëzon edhe ata ministri që i ka nën kompetencat e veta .
-Së dyty ,sërbia të skajron dhe përfundon punën me të kinapuratit gjatë e pas luftës,
të rikthen të gjithë të vrarit - nga gjenocidi i vet - nga varet masive .
Sa për etikë e moral ,aq më tepër edhe për ti treguar teguar krimet e tyre vampire me fakte nga varet -para botës .
-Së treti të kërkon falje publike ,për krimet e bëra .

Mbas këtyre transferimeve të sektorëve shtetërorë dhe ritualeve që do bëjnë sërbët ndaj të zhdukurve , vareve masive kërkim ndjese ,atëherë do bisedojmë dhe kemi se për çka të bisedojmë dhe ate shum blie .
Se thjesht Kosova do kishte të gjitha institucionet si një shtet normal,pa çka se pa njohje formale .
Kështu siç nisin këta bisedime ,ka dy përfundime, por të dytë do takohen në një kulm piramidor të nxehtë .
E para nxjerja e Kosovës para aktit të kryer -sikur në Ramboliet ,
e dyta futja e pëçarjes mes shqiptarëve ,me jo ki e bëri jo aj e tha .
Dhe këta do mbarojnë në një kulm të vetëm që do jenë trazira të mëdhaja ,por epilogun se si mund të përfundojnë këta trazira vetëm Zot i Madh do e din .



-Mirë e ke Joni 1 ,kur thua se qeveria duhet të hyn në këta bisedime .
Por si do hin qeveria e Rexhepit në bisedime kur asnjëherë nuk ka qenur serioze deri tani as me deklarata ,të cilat mandej është dashur ti përgënjeshtron si emocionale, të rastit e justifikime tjera banale .
E kur vijnë pyetje sërbët ,aty nuk bënë punë justifikimi .
Njëra ndër asi deklaratash ishte edhe ajo që e pati bërë Rexhepi në Bruxelles ( në mbledhjen e donacioneve për Kosovën ) kundër preumbrellës kushtetuese sërbe-malazese ,kur tha që nëse europa pranon ate preumbrellë ,na do shpallim luftën.
Europa e pranoi ate me disa kritika sa për të thënë se nuk tha gjë.
A e shaplli luftën kryemnistri Rexhep ?!
Kush është ai që nuk ka qejf të ketë shtetin e vetë në regull ,mirë në mos më të mirë në të gjithë botn.
Por qeveria jonë ,është zero me bisht ,Joni nderuar !


Bisedime me palën sërbe Kresha ( nuk them bisedime teknike ) i pari i ka kërkuar herë haptas e herë fshehtas Hashim Thaçi ( gati dy vjet kohë ) dhe më së fundi kërkoi edhe '' moratoriumin '' me sërbët ,dhe kur jo Presidenti Rugova .
Kuptohet që presionet do bien mbi Rugovën se ai është presidedent .
Prandaj kryeminisri Rexhepi kërkon miratim nga parlamenti të lanë vetën .
Ndërsa për Thaçin dhe Haradinajn mendoj se , sikur të kishin menduar dhe të ishin përcaktuar kjartë që në fillim, se për çfarë kanë hyrë në luftojnë :-
për Kosovë të lirë apo për Kosovë që të bëjnë ata vetë karierë poltike .
Nëse do kishin menduar e përcaktuar për të parën ,do ishin sot në TMK-ë ( në mos ushtri të regullt në Kasarna ) ,përdryshe ata vetë treguan me veprimet e tyre se kanë qenur për të dytën .
Eh pra nuk kanë qenur përcaktuar kjarët me kohë ,apo kanë pasë qejfë vetë të rinë ashtu në dy kauj -si i thonë fjalës .
E shkaku i kësaj dyhamendësia gjatë luftës ,kanë bërë veprime të pa matura . Dhe ashtu siç thua ti edhe mund të del , që ndërkombëtarët edhe mund të luajnë ndaj tyre ndoshta me '' kartën e Hagës '' .E më në fund mund të bëhen si milloshi gjatë konferencës në Dajton ( paqësor siç e quante perëndimi ) ,por ndoshta edhe mund të bëhen si milloshi mbas konferencës së Dajtonit .
Jo për tjetër por nëse bien kluç ( trucen ) nga tundja e '' kartës së Hagës '' vetëvetiu e pranojnë fajësinë .


Nuh Musa
Revolucioni është afër
ineteresant, shume interesant!!!

Dhjet dite kan mbetur per fillimin e bisedimeve, dhe kosovaret ende nuk e dine kush do te shkoj atje ti perfaqesoj, dhe me cfare pergatitje. Ne anen tjeter Holkeri eshte i bindur si muri, se bisedimet do te fillojn ne datene e caktuar, serbet andej jane te mendimit se keto bisedime do te qartesojn punen e statusit, bile drashkoVICI thot se duhet edhe kantonizimi i keosoves te diskutohet, e haj me dert hajt.

Nuh , sërbia i pranoi bisedimet kur ajo vetëm se kreu disa punë më të mençura së pari .
Sanksionoi preumbrellën kushtetuese , pati deklaratë të kishës Orthodokse, shtypja e librit të Bardhë, dhe mbi t gjitha e kanë Bazën e marëveshjes së Ramobulietit ku Kosova njihet njësi teritoriale ish-jugosllave .
Tani nuk është ish-jufosllavi ,por bota po më duket akoma e pranon po me ate emër .

O burra, po hajt futnja edhe bisedimeve edhe holkerit edhe serbeve.
Heheheee !
Për bisedimet dhe sërbët e ke mirë Nuh ,por te Hollkeri ,kadal pak,se aty është OKB-ja bashkë me NATO-n dhe UNMIK-un.


Kujt i intereson ki teater tragjik qe zhvillohet keto dite?, kur shihet qarte se europa nuk ka asnje cfare koncepti per ballkanin!, punet e shtyra nuk jane pune te zgjidhura, ASNJEHERE!
I intereson europës Nuh, për shum punë si gjithmon , e mbi të gjitha shfytëson rastin .

Qeveria e ka ne fuqi te shpall nje referendum (gje qe isht e ne rambuje nje nder pikat kryesore per refuzimin e kontartes nga ana serbe, dhe me interesantja, ai referendumi duhej te mbahej pas tre viteve, keshtu qe 1998+ 3 = 2001, tash me dy vite kosova do te ish de jure e pamvarur), me voten e popullit do te shpallet pamvaresia, dhe pik. A jetojm ne nje vend demokratik, ne nje kontinent demokratik, ne nje kohe demokratike?
E për këtë punë Nuh ,pyete Hashim Thaçin ,se Ai e mbante vetën për të parë ata ditë kur nënshkruajti ata tefterët në Francë.
Dhe nuk kërkoi referendum në Kosovë sipas atij tefteri por kërkoi '' moratorium '' me sërbët . Kjo është demokraci ,o Nuh .Ia fut i bri botës si , e kah ti vjen .
Në një njëfar pjese e humoriste me '' bali katravellën'' ,Ai e quente demokracinë '' sallamadi ''



Lufta sjell ceshtje te perfunuduara, kete se paku e din te gjithe, nese e kan haruar, atehere duhet te va bejm me dije.
Mirë e ke Nuh ,dhe të gjithë e dinë atë se sulfta sjell çështje të përfunduara .
Por e keqja është more Nuh ,se na nuk çliruam vetë Kosovën ,por na e çliroi NATO-ja me W. Klark-un.
E, UÇK-ja jonë ishte vetëm një ndihmë hesapi në atë luftë . Jo që mohoj ( zoti na ruajt ) mundin e djemëve tanë ,por aq e kishim takatin Nuh .Dëshira është dëshirë ,por realiteti është realitet.

Qeveria duhet patjeter te vedos hapa rigorose. I mire do te ish caktimi i referendumit, dhe ki do te ju kujtonte te gjitheve se cka ka ndodhur ne kosoven e viteve 1998-1999, ndodhi te cilat na kane sjellur kete situat.
Nuh ,po të pyesi pa hile , a din ndonjë veprim të qeverisë së Kosovës me përmasa dhe vlera të mëdha ,deri sot .
Por i paska mbetur qeverisë vetëm të shpallën '' referendumin '', kur BOSSI i atij kryeministri të qeverisë ,shkon e shpallën '' moratoriumin ''.

[karaburuni]

O po nje pyetje kisha.
Kosovaret kane disa dekada qe kerkojne pavaresine nga Serbia. E kane kerkuar atehere kur nuk i degjonte njeri ne bote, kur Serbia i vriste e i fuste ne burgje. Perse te mos e kerkojne tani kur bota eshte e angazhuar ne zgjidhjen e ketij problemi?
Perse te mos e kerkojne ne keto bisedime?
Perse te mos jete kjo platforma e delegacionit kosovar? Nje Kosove e pavarur nga Serbia, nje shtet kosovar neutral dhe i pavarur ne Ballkan.
Nese Serbia kerkon qe ta fuse edhe Kosoven ne shtetin Serbi-Mali-i-Zi si nje republike te pavarur, perse te futet Kosova ne ate bashkesi me te cilen nuk ka asnje afrimitet, as nga gjuha as nga zakonet etj. Dhe aq me teper kur Serbia ka nje plan afatgjate per spastrimin etnik te Kosoves. Dhe kur Serbia dha proven qe edhe ne kohrat moderne e ndjek kete plan, jo me larg por perpara 4 vjetesh!!!
Cfare garancie do te kishte Kosova me Serbine se neser nuk do te dilte nje Milloshevic tjeter qe te ndermerrte edhe njehere spastrimin etnik ne Kosove? Aq me teper qe cdo periudhe e historise se Serbise ka patur sistematikisht "Milloshevicin" e saj te radhes qe ka tentuar ta spastroje Kosoven nga Shqiptaret. Statuset e "autonomise se gjere" apo "shume te gjere" qe mund te propozoje Serbia jane nje hiç sepse Serbia as i ka zbatuar kurre ato por i ka shkelur me kembet e ushtrise se saj.
Sa kohe qe Kosova te jete e lidhur ne nje forme apo me nje tjeter me Serbine, Kosova eshte ne rrezik zhdukje. Prandaj e vetmja garanci per Kosovaret eshte te jene plotesisht te shkeputur nga Serbia, te kene shtetin e tyre. Por edhe kaq ndoshta nuk do te ishte e mjaftueshme. E vetmja garanci me te vertete e forte per Kosoven do te ishte bashkimi me Shqiperine dhe krijimi i nje shteti te perbashket e te forte qe do te ishte ne gjendje t'i bente balle nje tentative ushtarake serbe per te ripushtuar Kosoven. Dhe ndoshta do te jete kjo e vetmja zgjidhje e ketij problemi.

[Dita]

Nga gazeta austriake „Die Presse“


Shqiptaret kercenojne me bojkotim te takimit

Nga korrespondentja jone Gertraud Illmeier (Die Presse) 04.10.2003

Per pjesmarrjen e tyre ne bisedime ne Vjene kosovaret kerkojne kalimin e kompetencash me te gjera per vendimmarrje.
BEOGRAD. Me 14 tetor serbet dhe shqiptaret duhet te takohen ne Vjene per diskutime direkte per here te pare qe prej luftes te para kater viteve. Dy jave para ketij takimi qe po i detyrohet paleve nga bashkesia nderkombetare, ka nje sere pasigurish.
Ne ditet e shkuara u degjuan prej pales shqiptare gati kercenime direkte per bojkotimin e takimit. Shqiptaret e kushtezojne pjesmarrjen e tyre ne bisedime me permbushjen e disa kushteve.
Qeverise kosovare duhet „t’i kalohet i gjithe pushteti qe asaj i nevojitet per te marre vendime“, thote Edita Tahiri, deputete e Lidhjes Demokratike te Kosoves te Ibrahim Rugoves per gazeten Die Presse. Qeveria e Kosoves ka deri me sot kompetenca te kufizuara. Ne sektoret kyce si siguria, marredheniet me jashte dhe ceshtjet e minoriteteve fjalen e ka misioni i OKB-se (UNMIK).
Te enjten parlamenti i Kosoves nuk ishte ne gjendje te jepte nje qendrim te perbashket rreth dialogut me Beogradin. Kryeministri Bajram Rexhepi kishte bere te ditur me pare, se qeveria e tij nuk do te merrte pjese ne bisedime pa lejen e parlamentit dhe pa konsensusin e tre grupimeve me te medha parlamentare. Kryetari i parlamentit Nexhad Daci e shtyu votimin per te enjten e javes se ardhshme.
Reagimi i shefit te UNMIK-ut lidhur me kete qendrim qe i ashper: Dialogu do te nise me date 14 tetor, vendimi i parlamentit lidhur me kete gje nuk eshte me rendesi, tha Holkeri. Atij i mjafton te perpiqet t’i shtyje tre drejtuesit politike te Kosoves, Ibrahim Rugoven, Hashim Thacin dhe Ramush Haradinaj, qe te nenshkruajne nje deklarate te perbashket rreth dialogut. Akoma e paqarte mbetet perberja e delegacioneve. Ne krahun e kosovareve, minoriteti serb do te perfaqesohet nga Milorad Todorovic, koordinatori i sotshem per ceshtjen e rikthimit te serbeve.
Organizatoreve ne Vjene gjate takimit do t’u duhet te shfaqin fleksibilitet. Si vend zhvillimi i bisedimive ne rrethe diplomatike u permend Austria International Center. „Die Presse“ mesoi se vendi qe thuhet se preferohej prej Holkerit, Hofburgu, eshte i zene ne ditet e takimit.
Takimi ne radhe te pare ka karakter simbolik, bisedimet mbi kater cehtje te zgjedhura „praktike“ do te zhvillohen ne vazhdim ne grupe pune. Prania e te ngarkuarit te Eu-se me ceshtjet e jashtme dhe te sigurise, Havier Solana dhe sekretarit te pergjithshem te Nato-s George Robertson tregon rendesine qe bashkesia nderkombetare i jep takimit. Sipas lajmeve mediatike SHBA do te perfaqesohen me zevendessekretarin per ceshtjet evropiane dhe euro-aziatike, Laurence Rosin. Drejtuesve kosovare iu eshte e ditur, se nje mospjesmarrje ne bisedime me gjasa do te shoqerohej me humbje simpatie.


Perktheu: Dita

[mani]

Cka do i thone kesaj pash Kuranin more keta njerez,a jan´ne mend ajo,ky far parlamenti koka veq per sy e faqe,po eshte dite nga dita e pare se at rol ka vetem per syreta,per gazeta e kurgja tjeter.Pra shtetesia e Kosoves nuk egziston,nuk ka as organe shtetrore por vetem lider partish.Kuku medet per kete popull cka e gjete.A thua a kupton sot populli cjka eshte duke u luajtur me te?



Kosovë: Holkeri sërish takoi Thaçin


Me qëllim të arritjes së një kompromisi për bisedimet me Beogradin, kreu i UNMIK-ut Harri Holkeri, sot, përsëri ka takuar kryetarin e Partisë Demokratike të Kosovës Hashim Thaçi. Sipas Thaçit, ky ka qenë një takim konsultativ. “Shpresoj, tha ai, se institucionet e Kosovës do të marrin një vendim të përgjegjshëm, i cili do të bëhet i njohur së shpejti”. I pyetur nëse nënshkrimet e tre liderëve të forcave kryesore politike, mund të zëvendësojnë vendimin e parlamentit për bisedimet, kryetari i PDK-së tha se beson që konsensusi qeveritar, do të vazhdojë të funksionojë edhe në të ardhmen për të mirën e qytetarëve të Kosovës. (RTK)