Fushata elektorale per bashkine e Durresit

[Albo]

Intervista të tre rivalëve për Bashkinë e Durrësit



"Zëri i Amerikës": Dyshime për lidhjet e Kokës me krimin



Avni Hoxha dhe Lefter Koka shpjegojnë motivet e ndryshme përse kandidojnë. "Zëri i Amerikës", i shqetësuar për efektin që ka tek krimi i organizuar dhe trafiqet zgjedhja e Lefter Kokës.

Turizmi, biznesi i vogël dhe i mesëm janë çelësi i zhvillimit të qytetit të Durrësit dhe i zbutjes së papunësisë. Një prej problemeve serioze në këtë qytet me portin më të madh të Shqipërisë, mbetet korrupsioni dhe tregtia e paligjshme. Por si mendojnë kandidatët për Bashkinë e Durrësit t'i zgjidhin këto pobleme?

Në kuadër të debateve elektorale mbi zgjedhjet vendore në Shqipëri, "Zëri i Amerikës" ftoi për një bisedë tre kandidatë të qytetit të Durrësit: zotin Lefter Koka të Partisë Socialiste, zotin Avni Hoxha të Partisë Demokratike dhe zotin Ferdinant Xhaferri të Partisë Demokratike të Re.



Fillimisht kandidatët paraqitën pikat kryesore të programit të tyre elektoral.

Ferdinant Xhaferri (PDR): Gjithçka është shprehur në slloganin tim elektoral, i cili thotë: "Për një Durrës të ligjit dhe zhvillimit". Kjo do të thotë se në qendër të programit tim elektoral qendron zbatimi i ligjit nga i cili, jo vetëm Durrësi, por e gjithë Shqipëria vuan shumë, si dhe zhvillimi ekonomik. Pa një qytet të zhvilluar ekonomikisht, është e kotë të flitet për projekte për rregullimin e rrugëve, kanalizimin, ujin e pijshëm, pastrimin, gjelbërimin etj.. Zhvillimin ekonomik unë e bazoj në tre pista kryesore, duke patur parasysh pozicionin gjeografik të Durrësit: në zhvillimin e turizmit, sepse Durrësi është qytet turistik, në zhvillimin e mëtejshëm të transporteve dhe në zhvillimin e tregtisë dhe biznesit. Unë jam plotësisht i bindur që në qoftë se ne turizmin, tregtinë, biznesin dhe transportet i zhvillojmë në mënyrë të atillë që ato mos të pengojnë njëra tjetrën, por të ndihmojnë njëra tjetrën, do t'i japin qytetit një dimension ekonomik nga i cili do të përftojnë të gjithë.



Avni Hoxha (PD): Prioritetet kryesore të programit tim përfshijnë tri fusha kryesore. Së pari mendoj se Durrësi ka nevojë urgjente për një infrastrukturë dhe urbanizim në funksion të tregut, të turizmit në këtë qytet, ku përfshihen edhe uji dhe dritat. Durrësi është plazhi i kryeqytetit dhe tregu më i madh i turizmit në vend, por që këtë vit arriti shifrat më të ulëta të të ardhurave, për shkak të infrastrukturës dhe mungesës së përgjegjësisë, ku bashkia natyrisht ka pjesën e vet. Difekti kryesor i turizmit, është defekti që i ka shkaktuar atij mbingarkesa e ndërtimeve pa kriter në qytet dhe dalja jashtë funksionit e plazhit. Ne do ta përmirësojmë atë duke e çliruar plazhin nga mbingarkesa e ndërtimeve dhe duke rritur aftësitë në fushën e shërbimit. Problemi i dytë është rregullimi i marrëdhënive të bashkisë, qytetarëve dhe të biznesit. Bashkia duhet të zhdukë klientelizmin dhe të ofrojë shanse të barabarta për biznesin dhe qytetarët. Deri më sot jemi ndeshur me një bashki që ka funksionuar si zyrë projektesh për biznese të veçanta, të sponsorizuara politikisht. Prioriteti tjetër që lidhet me dy të parat është zhdukja e varfërisë. Durrësi është qytet që i ka dyfishuar rrethinat nga një komunitet i paorganizaur dhe i paintegruar në tregun e qytetit. Ky komunitet është fuqia kryesore e punës në qytet dhe njëkohësisht vatra më e madhe e varfërisë dhe papunësisë. Politikat tona të zhvillimit, që bazohen në liberalizimin e ekonomisë, rritjen e shanseve për biznesin e vogël dhe të mesëm, shtimin e vendeve të punës nga politikat liberale me taksat dhe zhdukja e monopoleve, është mekanizmi kryesor që do të çlirojë këto zona nga vafëria dhe do t'i integrojë ato si pjesë normale të qytetit.



Lefter Koka (PS): Unë do të kërkoja të veçoja shkurtimisht disa nga pikat e programit tim, nga ku do të theksoja integrimin midis prioriteteve që ofron realiteti i qytetit tonë. Pra turizmi natyror i kombinuar me vlerat historike dhe arkeologjike të tij. Porti i Durrësit është pjesë e rëndësishme e qytetit, pra tashmë siç dihet atje është një investim i inicuar nga Banka Botërore, i cili do të gjejë mbështetje nga bashkia e qytetit. Po ashtu do të jetë porti i peshkimit edhe ky i inicuar po nga Banka Botërore, krjimi i të cilit zë një vend shumë të rëndësishëm në qytetin tonë. Do të veçoja marrëdhëniet me biznesin e vogël dhe të mesëm, krijimin dhe nxitjen e iniciativave të biznesit, krijimin e kushteve sa më të favorshme investitorëve vendas dhe të huaj për të ulur sa më shumë papunësinë. Të gjitha këto kanë nevojë për furnizim me ujë dhe energji. Unë do të thoja se investimet e KESH-it në rrethin e Durrësit për vitin e ardhshëm janë me të vërtetë ambicioze dhe furnizimi me ujë, me një miradministrim, do të mendoja se është totalisht i realizueshëm.





VOA: Zoti Koka, platforma juaj parashikon ndryshime rrënjësore në planet urbanistike, në infrastrukturën rrugore dhe të ujësjellësit, në reformimin e sistemit të taksave, në fushën e turizmit, etj.. Si mendoni t'i ktheni të gjitha këto premtime në vepra?



Lefter Koka (PS): Premtimet në vepra janë totalisht të realizueshme, për mendimin tim, në se bëhet miradministrimi i taksave dhe tarifave vendore, pra çdo gjë do të fillojë me miradministrimin e këtyre taksave ku siç dihet qyteti ynë ka burime për të pasur të ardhura, sepse siç e thashë është turizmi ai që bën një qytet, është deti, plazhi pra ai që të jep këto mundësi. Dhe do të thoja zhvillimi i zyrës së urbanistikës, paraqitja e projekteve sa më dinjitoze dhe me efikasitet, do të thoja se do të bënin edhe thithjen e fondeve nga donatorët e huaj për të zhvilluar edhe zonat që tashmë dihen në zonën e Durrësit, mund t'i quajmë zona rurale, janë zona të të ardhurve të rinj. Këtu një rëndësi të veçantë zënë edhe vendimet e inicuara nga qeveria shqiptare për legalizmin e këtyre zonave.





VOA: Zoti Hoxha, sipas shumë ekspertëve, turizmi dhe biznesi i vogël e i mesëm janë çelësi i zhvillimit të Durrësit dhe të zbutjes së papunësisë. Çfarë alternativash konkrete propozoni ju për zgjidhjen e këtyre problemeve?



Avni Hoxha: Sikur e thashë edhe në programet e mia, problem kryesor mbetet edhe turizmi, meqë Durrësi është edhe qyteti turistik më i madh i vendit. Natyrisht pra aty do të përqendrohet vëmendja. Për të bërë të mundur këtë, natyrisht duhet të ndërhyjmë në infrastrukturën e plazhit të Durrësit, e cila është mbi kapacitetet. Do të ndërhyjmë në plazhin e Currilave, e cila është një zonë ende e virgjër. Nëpërmjet zhvillimeve urbanistike dhe një projektimi të saktë, ajo mund të bëhet e gjitha një zonë rezidenciale. Kjo infrastrukturë mund të përballohet plotësisht nga sistemi taksativ nga autoritetet lokale, me ndihmën e taksave që mbledh dhe ato të drejta që ka për të marrë nga buxheti i shtetit në konformitet me pjesën që i takon nga fondet e buxhetit të shtetit sipas kontributeve që ne kemi bërë në të. Së dyti, infrastrukturën ne e ndajmë në dy faza. Në fazën emergjente dhe të rikonstruksionit dhe në fazën e dytë, e cila është infrastruktura e re, e cila do t'u shkojë projekteve dhe programeve të zhvillimit të qytetit dhe detyrimisht siç janë zonat ku popullsia është shtuar apo dyfishuar, e cila duhet të përmirësohen. Të gjitha këto pretendime që nuk janë shumë, por modeste, janë të përballueshme nga buxheti i bashkisë së Durrësit dhe nga taksat që mblidhen.





VOA: Zoti Xhaferri, ju të tre përmendni pak a shumë të njëjtat probleme për Durrësin. Si ndryshojnë propozimet tuaja për zgjidhjen e tyre nga ato të dy kandidatëve të tjerë?



Ferdinant Xhaferri: Unë do të thoja në radhë të parë se shtylla apo elementi i parë që kam futur në programin tim, është zbatimi i ligjit. Pra kjo është në qendër të programit tim dhe njëkohësisht unë kam prekur tek tre shtyllat kryesore që janë turizmi, transporti dhe tregtia. Natyrisht që ndryshimi im me dy kolegët e tjerë qëndron në mbledhjen e taksave të bashkisë. Mendoj se taksat e bashkisë do të jenë më të ulëta, referuar koncepteve të qendrës së djathtë, por që do të paguhen nga të gjithë, si një detyrim jo vetëm për të patur mundësi për t'u futur më shumë në projektet e infrastrukturës, por edhe si një detyrim për të krijuar besueshmërinë e nevojshme për dhuruesit e huaj. Dihet që shumë projekte në infrastrukturë financohen nga Banka Botërore nga USAID dhe institucione të tjera financiare. Pra, një bashki që kërkon të ulë nivelin e taksave në minimum të nivelit ligjor, por që detyrimisht të paguhen nga të gjithë, tregon që di t'i bëjë shumë mirë detyrat e saj të shtëpisë, për të krijuar kredibilitetin e nevojshëm për financimet.





VOA: Zoti Koka, Durrësi është një nga qytetet më problematike të vendit tuaj. Thuhet se krimi i organizuar dhe veprimtaritë e paligjshme kanë marrë përmasa të mëdha. Ju personalisht keni qenë objekt akuzash për lidhje të mundshme me krimin e organizuar -- akuza këto që ju i keni përgënjeshtruar. Megjithatë, a mund t'i garantoni votuesit se në qoftë se ju fitoni, administrata juaj do të jetë transparente, nuk do të krijojë monopole dhe nuk do të bllokojë konkurrencën e ndershme?



Lefter Koka: Një nga pikat e programit tim që kam paraqitur në ditën e parë të hapjes së fushatës elektorale, ka qenë hapja e një zyre antikorrupsion në bashkinë e qytetit tim. Kjo është një gangrenë e akuzuesve, të cilët janë të korruptuar dhe pikërisht kjo më motivon dhe më bën më të bindur për të bërë qytetin tim.





VOA: Zoti Hoxha, gjatë fushatës elektorale ju shpesh keni pohuar se populli i Durrësit ka humbur shpresën dhe besimin. Si do t'u rikthenit ju banorëve shpresën dhe besimin?



Avni Hoxha: Këtë e kam thënë para atyre njerëzve që kanë kaluar një periudhë mjaft të vështirë ekonomike dhe kjo natyrisht më bëri që të pranoj propozimin e Partisë Demokratike për të kandiduar. Unë jam biznesmen, por unë mendoj se ndryshimi midis një biznesmeni në krah të opozitës, e cila kërkon ndryshime dhe një biznesmeni që përpiqet të përdorë qeverinë për të ruajtur pushtetin, është i madh. Monopolet e kanë kthyer ekonominë e tregut në ekonomi socialiste të centralizuar. Nuk jemi në kapitalizëm, por në një shoqëri të shfrytëzuar nga kapitalistë të emëruar për politikë. Një biznesmen i rreshtuar në krah të qeverisë, është një biznesmen që synon të ruhet kjo gjendje e keqe, që synon të shpallë si pozitiv faktin se ekonomia jonë e centralizuar përdoret si mekanizëm kurimi prej politikës në pushtet. Ata janë biznesmenë që duan të ruajnë monopolet dhe lidhjen me tregun e shtetit.





VOA: Zoti Xhaferri, ju flisni për një qeverisje të denjë. Çfarë nënkuptoni me këtë koncept?



Ferdinant Xhaferri: Me këtë koncept unë kuptoj parimin më të domosdoshëm të demokracisë që padron është qytetari. Sot ne shikojmë që qytetarët nuk e shikojnë bashkinë si shtëpinë e tyre. Qytetarët paraqiten si gjynahqarë në dyert e bashkisë nëse kanë një problem për të zgjidhur dhe nëpunësi i bashkisë sillet si padron. Përderisa ne do të kemi këto marrëdhënie të bashkisë me qytetarët dhe e gjithë administrata e bashkisë me në krye kryetarin, nuk arrin ta konceptojë se ky institucion është ngritur nga qytetarët dhe për t'u shërbyer qytetarëve, asnjëherë ne nuk do të jemi në gjendje të kthejmë besimin, të kthejmë shpresën se kjo bashki është në gjendje të realizojë detyrimet e saj dhe mund të plotësojë ato detyrime që ka karshi qytetarëve.





VOA: Dhe tani në fund do të keni nga 30 sekonda për mesazhin tuaj për elektoratin.



Lefter Koka: Qytetarë të Durrësit, në prag të ditës së zgjedhjeve, besoj se do të dëshmoni atë kulturë dhe emër të madh që mban qyteti ynë. Aty ku kemi parë në rrjedhën e kohës të mishërohet dëshira e punës dhe bujaria e shpirtit. Çdo zgjedhje e juaj besoj se do të jetë më e mira, për vetë ju, për qytetin dhe aspiratën tonë evropiane.



Avni Hoxha: I ftoj bashkëqytetarët e mi t'i japin shans një kandidati që hyn në politikë nga biznesi, për të ndryshuar gjendjen, në emër të suksesit dhe jo të atyre që duan ta përdorin lidhjen me politikën, për të forcuar monopolet e tyre. Unë i ftoj që të votojnë ndryshim të sigurt, të sigurt që vota e tyre nuk do të preket, por as nuk do të blihet. Durrësi është shtëpia jonë 3 mijë vjeçare dhe atë nuk mund ta blejë askush.



Ferdinant Xhaferri: Unë i ftoj qytetarët e ndershëm durrsakë të djathtë dhe të majtë që të punojnë së bashku për ta bërë qytetin tonë një vend më të mirë për të punuar dhe jetuar. Ne nuk kemi më kohë për të humbur. Besoj se 13 vjet kanë mjaftuar, me të gjitha problemet që kanë ekspozuar, për të mësuar se duhet të vendosim të ardhmen tonë, të fëmijëve tanë dhe të qytetit, mbi pasionet partiake. Unë besoj shumë tek mençuria e qytetarëve durrsakë.

[lis]

Brari
Ne forumin e albasoulit ne kemi nje deputet te vetem qe merr pjese me emer dhe mbiemer te plote, mund te kemi edhe deputete te tjere pjesemarres po ne forum por qe nuk kane deshire te identifikohen ne te vertete.
Me veshtireson shume shkrimi juaj qe kapercen mendimet, idete, patriotizmin e nje shqipetari qe di te flase rrjedhshem dhe ve re gjithashtu nje ekspresionizem te cuditshem por te pakuptueshem nga shume anetare.
Dhe si rezultat eksistencializmi juaj ben qe te deshtoje me te vertete nje dialog i sinqerte demokratik, krijon ato mundesi te qarta per rikthimin e atavizmave dhe demokracia, liria e fjales dhe e shprehjes me ane se ciles ne shkarkojme mendime te ndryshme, ndrydh vertetesine e realitetit te sotshem por edhe nje realiteti ne ardhje e siper.
Ndodhemi ne mes te dy pikepamjeve dhe nuk eshte mire te anohemi ne anen e kundert te ndonjeres qe i ben varrin demokracise shqipetare, popullit shqipetar, te ardhmes se tij dhe shume aspekteve te perfituara sot por te mohuara nga rregjimi i kaluar dhe i sigurte mund te them se fjalet tona kane qene te mohuara historikisht.
Ajo qe na nevojitet nuk eshte te kalojme ne ekstrem, te behemi patetike, militante te zjarrte, idhuj te mendimit dhe idese se nje demokracie qe ne te vertete nuk e dime se kush eshte, te pakten deri me sot dhe nuk na nevojitet gjithashtu te behemi fanatike te mendimit te shprehur, ideve te cilat para pasqyres duke te bukura dhe gjithashtu nuk nevojitet qe nje njeri i ditur, me horizont te behet ekzemplar pershtates ne cdo perballje.
Edhe vetekopjimi i disa mendimeve te ekzemplareve te shekullit te kaluar, te ben te mendosh se ne kete forum kemi lufte klasash, partia mbi te gjitha dhe kur njeriu nga ndalet, arrin ne mendimet absurde, fikse, abstrakte, pa limit qe cuan Shqiperine ne keto kushte ku ndodhemi.
Edhe vete politika shqipetare mbart ne vetevete disa vecori abstrakte te shekullit te kaluar.
Gjithesesi cdonjeri prej nesh eshte i angazhuar te shprehe ne kete forum, jo ato fjale qe permende ti si pershembull
Megjithate meriton respekt se je i vetmi deputet qe vjen ne Albasoul e komunikon me miletin.. se mileti ne te vertete Brari ne gjuhen shqipe quhen anetare ose aderues te ketij forumi dhe keta njerez qe marrin pjese duke perjashtur disa isheksterritorialiste po shqipetare, sot japin nje drite shprese, ndodhen prane shqipetareve te tyre ne Shqiperi ne menyre virtuale dhe krijojne ato mundesi qe morali i shqipetareve ne Shqiperi te mos shuhet perfundimisht.
Demokracia nuk ka ardhur per nje dite, ne asnje vend te botes dhe se fundi une kam nje fjale urte popullore te fundit per ty per veteveten dhe te gjithe te tjéreve.
Ne qofe se nuk jam per veten, kush do jete per mua?
Ne qofe se jam per veten, cfare jam une?
Ne qofe se jo tani - kur?
Fjale e urte talmudike, MIshnah Abot
Kalofshi nje dite te mire.