PDSH-Xhaferri e Thaçi takohen me Majkon në Ohër

[dodoni]

Krerët e PDHS-së, Xhaferi dhe Thaçi takuan Pandeli Majkon


Ohër, 27 shtator (Kosovapress) Time: 15.31

Me ftesë të Ministrit të mbrojtjes së Shqipërisë, Pandeli Majko, i cili ndodhet në Ohër për të marrë pjesë në Konferencën për zbatimin e Kartës së Adriatikut dhe ndërtimit të sistemit të sigurisë të Ballkanit perëndimor kryetari i PDSH-së, Arbën Xhaferi dhe zëvendëkryetari, Menduh Thaçi kanë zhvilluar një takim pune në Ohër.


Bashkëpunimi ndërshqiptar duhet të jetë në nivelet më të larta.
Përshëndetje

[dodoni]

Ohër: Nis konferenca për zbatimin e Dokumentit të Adriatikut

Majko-Xhaferri: “Kryesore, zbatimi i Ohrit”


B.Hoti

OHËR- Ministri i Mbrojtjes, Pandeli Majko dhe dy drejtuesit kryesorë të PDSH-së në Maqedoni, Arbër Xhaferri dhe Menduh Thaçi e kanë cilësuar si mjaft të rëndësishme zbatimin e Marrëveshjes ë Ohrit, për krijimin e premisave të zhvillimit. Majko gjatë qëndrimit të tij në shtetin fiqnj të Shqipërisë është takuar me dy liderët shqiptarë, Xhaferri dhe Thaçi. Takimi mes tyre është fokusuar në zhvillimet më të fundit politike dhe të sigurisë në këto hapësira, konkretisht në Maqedoni dhe në rajon. Gjithashtu në këtë takim, sipas njoftimeve është diskutuar dhe janë shkëmbyer mendime edhe për dialogun mes Prishtinës dhe Boegradit, i cili është në prag të nisjes. Drejtuesit e lartë të PDSH-së, Xhaferri dhe Thaçi e kanë njohur nga afër ministrin Majko për përpjekjet që po bën opozita shqiptare për të penguar të gjitha devijimet e Marrëveshjes së Ohrit që shkaktojnë pakënaqësi dhe pasiguri te shqiptarët. Ata janë shprehur se “vetëm zbatimi i përpiktë dhe pa dredhi i marrëveshjes do të krijonte premisa reale për një përparim të dukshëm”. Bashkëbiseduesit kanë konkluduar se është nevojë imediate koordinimi më i madh i faktorit politik mbarëshqiptar, gjithnjë në vijë të demokratizimit të procesve dhe zgjidhjes përfundimtare të çështjeve të hapura në rajonin e Ballkanit. Ministri Majko ndodhet në Maqedoni për të marrë pjesë në konferencën për zbatimin e Dokumentit të Adriatikut dhe ndërtimit të sistemit të sigurisë të Ballkanit Perëndimor. Dokumenti i Adriatikut paraqet partneritet ndërmjet Maqedonisë, Kroacisë dhe Shqipërisë, për implementim sa më të shpejtë të reformave dhe aprovimin e standardeve të domosdoshme për hyrje në integrimet evropiane dhe tansatlantike, në radhë të parë në NATO. Ministri i Mbrojtjes i Maqedonisë, Vllado Buçkovski, deklaroi dje se përmes zbatimit praktik të Kartës së Adriatikut, "Maqedonia tregon konkretisht përcaktimin e saj politik për bashkëpunim të fuqishëm rajonal, që është një nga kushtet kryesore për integrimin e rajonit në NATO". Në fjalimin e tij me rastin e konferencës për zbatimin e Kartës së Adriatikut që filloi dje në Ohër, Buçkovski përmendi fushat me interes të përbashkët për të bashkëpunuar, si konsultimet për politikën e sigurisë dhe mbrojtjes, këmbimet në fushën e arsimit ushtarak në të gjitha nivelet, bashkëpunimi ushtarako-teknik, konsultimet për kontrollin e armatimit, bashkëpunimi në kuadër të operacioneve në përkrahje të paqes dhe operacionet për ruajtjen e paqes.



Bashkëpunimi dhe koordinimi i punëve të faktorit mbarëshqiptar siç është cekur edhe në këtë takim është një nga detyrat parësore të politikanëve tanë.

Përshëndetje