Rikthimi i Familjes Mbreterore

[Skenderbegu]

tung Brari,

Me siguri jan armet simbolike te lekes te cillat ja kan dhuruar princat nga arabia nga irani e shum vende te tjera por ka edhe shpata te mbretit ahmet zogut1 te presim se qka po ndodh.
Sod ne lajmet e RTK-se treguan gjirime nga vila e families mbreterore me ka pelqyer shum esht nje vil e stilit te viteve 30 por me se bukuri esht oborri ka shum lule dhe esht nje funtan e vogel esht shtepi shum e bukur.

RRNOFT MBRETI

[Jesushaus]

Leka ne 97-en ne Tirane

[Jesushaus]

Artikull i marre nga "GazetaShqiptare"

Gazeta bën publike dy artikuj të
panjohur të Konicës, politikanit dhe personalitetit të njohur të letrave shqipe, për Nolin dhe rrezikun e përhapjes
së ideve bolshevike në Shqipëri Faik Konica: "Fan Noli, mëndjecekët
dhe bolshevik"
Konica: "Dy udhë ishin hapur
për ne: vazhdimi i përkrahjes së maskarallëkut gjer
sa të bëhej gjak dhe të prishej Shqipëria,-ose të
kthyerit në politikën e parë të Vatrës, e cila
ka qenë të vënët përpara të Zogut si kryetar
i duhur i Shqipërisë. Zumë udhën e dytë. Le ta
shkurtojmë tani në tre fjalë ato që thamë: 1)
Fan Noli, unë, me Vatrën dhe me shokët, që më
1914 gjer më 1922, kush më shumë dhe kush më pakë
kemi mprojtur mendimin se Shqipëra, që të shtrohet, që
të stabilizohe, e të hyjë në udhën e reformave
të qytetërimit, ka nevojë për një dorë të
hekurt dhe si ajo dorë ësht Ahmed Zogu. 2) Fan Noli, nën influencën e Gurakuqit, dhe më vonë nën influencën
e frymës bolshevike, u bint dhe na bindi se Shqipëria munt të
qëndroj në këmbë pa Zogun dhe kundër Zogut. Ngjarjet
i dhanë përgënjeshtrimin ma të plotë, dhe Shqipëria
u shpu një qime afër varrit. 3) Unë me shumicën e shokëve u kthyhem ahere (ndonëse me çape të ngadalëshme
se na vinte keq të çkëputeshim fare nga Fan Noli) te
programi i vjetër i përmbledhur më sipër nënë
numrin 1, kurse Fan Noli u fut thellë e më thellë në
rebelione kundra Shtetit e n'intriga revolucionare"
Dashnor Kaloçi
Konfliktet dhe kontraditat e thella që kanë mbizotëruar
në mes dy krahëve të politikës së sotme shqiptare
të cilat janë acaruar së tepërmi sidomos ditët
e fundit, nuk janë as të panjohura dhe as të paprecedent
në historinë e kësaj politike. Përkundrazi ato janë
shumë të vjetra dhe e kanë zanafillën që nga
koha e krijimit të shtetit shqiptar në vitin 1912. Herë pas herë në faqet speciale të "Gazetës",
janë botuar polemika në mes dy eksponetëve më të
spikatur të politikës shqiptare të gjysmës së parë të shekullit të kaluar, Fan Nolit dhe Faik Konicës,
të cilët janë konsideruar dhe dy prej personaliteteve
më të shquara të letrave shqipe. Pa dashur që të
marrim anën e njërit apo tjetrit, por të nisur vetëm
nga fakti se mbi jetën e veprën e Fan Nolit, (si gjatë
periudhës së regjimit komunist ashtu dhe pas viteve 1990-të)
janë botuar një seri e tërë librash dhe deri korpusi
i plotë i veprave së tij, është e arsyeshme që
të bëhen publike dhe kritikat që janë bërë
në adresë të tij. Në këtë kontekst po pasqyrojmë më poshtë (të plota) dy artikujt e Faik
Konicës, të cilat ai i ka botuar në gazetën "Dielli"
të Bostonit më 6 dhe 15 maj të vitit 1926.
Historia e ca ndryshimeve
"Kur vajta më 1913 në Shqipëri për të
shikuar për s'afërmi punët, zbulova me hidhërim
se shumica e madhe e popullit jo vetëm që nuk i shihte me
sy të mirë idealet t'ona të një Shteti të përparuar,
po s'pëlqente as ndihmën që po na jipej nga rastet dhe
nga bamirësit e fuqive të'Evropës. Është për çudi dhe gjë fare e vërtetë, se shumica e madhe
e popullit të Shqipërisë e priti dhuratën e dhënë
me moskënaqësi, me thartësira dhe me sy të zgurdulluara
nga prapamejtime: që u duk pak më vonë nga kryengritjet
që u bënë njera-pas tjatrës. Duke qenë punët
ashtu, u kuptua shpejt që do mbetej Shqipëria si një
Shtet më vete dhe populli të mbahej me zor i bashkuar që
të hynte në udhën e disiplinës, të punës
dhe përparimit, e vetmja fuqi e duhur ish dora e hekurt po shpëtimtare
e një diktaturi. Kujtuam një kohë se diktatorin e gjetëm në personin e Esad Pashë Toptanit. Dhe Esadi kishte me të
vërtetë disa zotësira për të qeverisur, po
mosha e tij e shkuar nuk i premtonte ta ndryshoja mëndjen e tij
pas ndryshimeve të reja që u bënë në Shqipëri,
dhe ashtu fundi ish që u larguan të gjithë dhe e lanë
të vetëm. Më 1913, u poqa për herën e parë
në Tiranë me Ahmet Bej Zogun (që të përdorim
titujt siç përdoreshin dhe zyrtarisht asi kohe) Vura re
menjëherë fisnikërinë të bashkuar me forcë
karakteri që çfaqej nga sjellja e dhe nga fjalët e
djalit. U interesova dhe pyeta. Dhe nga sa dëgjova s'më mbeti
asnjë dyshim se fati e kish shënuar për të lojtur
një rol me rëndësi në Shqipërin e re. Në
pjekjet që pata më vonë me Mbretin Karol të Rumanisë,
me Kryeministrin rumun Tito Majersko, me Princin Ëilhelm të Ëied-it, dhe diplomatët austriakë dhe italianë,
u përmënda emrin dhe possibilitetet e këtij të riu. Mbaj mënd një bisedim që pata me Turhan Pashanë
në Durrës pasi plasi kryengritja e Shijakurt dhe u rëzua
Esadi. I tregoja Turhanit nevojën që të përdoret
Zogu për të zgjidhur krizën.-"Ahmed Beu është
tepër i ri ", mu përgjigj Turhan Pashai".-"Vërtet"
thash'unë "Po Ëilliam Pitt-i u bë kryeministër
i Inglis kur qe njëzet e tre vjetsh, dhe ka qenë një
nga më të mbëdhjetë kryeministra t' atij vëndi".-"Si
fjaloseni kështu", më thotë Turhan Pashai: "Mund
të barabitim me Pitt-in një të ri të panjohur?"-
"Nuk bëj barabitje" u përgjigja unë: desha
vetëm, me këtë shembëll, ku ju pëmënd
se atje ku ndodhet zotësia, versa s'munt të jetë dhe
s'duhet të jetë pengim". Me këtë mënyrë,
vazhdova së përhapuri mendimin se do t'ish mirë, në
dojim të kishim një Shqipëri të bashkuar dhe të
lirë, t'a përkrahnjim Zogun të merrte një ditë
fuqinë, se ay kish përveç zotësisë dhe katër
të mira që i mungojin Esadit: kuptimin e ndodhjes së
re në Shqipëri pas ndarjes nga Turqia, ndjenjën e kombësisë,
të mos bërët ndryshime në mes Toskësh e Gegësh,
dhe më në funt dëshirën për ta parë Shqipërinë
në shkallë Shteti t'organizuar. Noli u bashkua plotërisht
me mua në besimin që Shqipëria s'munt të qëndrojë
me këmbë pa një diktatori, dhe që Zogu duket njeriu
i duhur për këtë rol. Gjurmat e këtyre mendimeve munt t'i gjeni në shtyllat e "Diellit" në kohën
e luftës dhe pastaj , ku Zogu lavdohet si një hero, si një
idealist, si një udhëheqës që s'munt të barabitet
me Anglo-Saksonët, e tjera. Disa nga këto lavdata janë
të shënuara nga Fan Noli vetë. Kjo politikë vazhdoj
gjer më 1921 dhe përtej. Më 1922, Fan Noli zuri të
lidhet me grupin e Gurakuqit, dhe menjëherë mëndja e
tij e cekët hyri në një udhë të ndryshme. Fan
Noli filloj të na japë lajme jo të pëlqyera për
Zogun: që ky ish bashkuar me reaksionarët, që ish-armik
i një Shqipërie siç e duam ne, që ka humbur tërë
influencën, që s'ka asnjë zotësi, që ushtria
anon me "liberalët", që duhet ta ftohim popullin
ca më tepër nga Zogu, e tjera. Unë me shokët e Vatrës,
siç e desh logjika, siç e desh disiplina e grupit t'onë,
pasqyruam te "Dielli" politikën e re të përfaqësoonjësit
t'onë në Shqipëri, përfaqësonjës i cili
kohët e fundit nuk ish tjatër gjë, veç se fonografi
i Gurakuqit, gjer sa më në funt dolli sheshit dhe komitaxhi
duke shkelur tërë programin t'onë dhe gjithë idealet
tona. Fundi qe një çkatërrim dhe një maskarallëk
pa emër. Çmunt të bëjim? Dy udhë qenë
të hapura për ne: vazhdimi i përkrahjes së maskarallëkut
gjer sa të bëhej gjak dhe të prishej Shqipëria,-ose
të kthyerit në politikën e parë të Vatrës
, e cila ka qenë të vënët përpara të Zogut
si kryetar i duhur i Shqipërisë. Zumë udhën e dytë.
Le ta shkurtojmë tani në tre fjalë ato që thamë:
1) Fan Noli, unë, me Vatrën dhe me shokët, që më
1914 gjer më 1922, kush më shumë dhe kush më pakë
kemi mprojtur mendimin se Shqipëra, që të shtrohet, që
të stabilizohe, e të hyjë në udhën e reformave
të qytetërimit, ka nevojë për një dorë
të hekurt dhe si ajo dorë ësht Ahmed Zogu. 2) Fan Noli,
nën influencën e Gurakuqit, dhe më vonë nën influencën e frymës bolshevike, u bint dhe na bindi se Shqipëria
munt të qëndroj në këmbë pa Zogun dhe kundër
Zogut. Ngjarjet i dhanë përgënjeshtriminma të plotë,
dhe Shqipëria u shpu një qime afër varrit. 3) Unë
me shumicën e shokëve u kthyhem ahere (ndonëse me çape
të ngadalëshme se na vinte keq të çkëputeshim
fare nga Fan Noli) te programi i vjetër i përmbledhur më sipër nënë numrin 1, kurse Fan Noli u fut thellë
e më thellë në rebelione kundra Shtetit e n'intriga revolucionare.
Munt ta vazhdojmë bisedimin në një numër t' afërm.
Po i kemi hedhur këtu miaft yshqim për mejtim djemurisë
së kthiellët (se sa për mejhanexhitë, Maqedhonasit
dhe të tjerë vagabondë që tallen fshehtazi me Shqipërinë, s'bajmë kabull as t'i dëgjojmë) s'di ose harron, por duhet se këtej e tutje ta marrë nër sy se Presidenti Zogu nuk është heroi i ri i Vatrës, por ka qenë
hero i vjetër i kësaj organizate, i neveritur me 1922-24 nga
intrigat e Gurakuqit dhe nën influencën e bolshevismës.
Dhe në qoftë se ësht e zonja të mejtojë duke
thelluar, djemuria e kthiellt le ta gjykojë kush u kthye nga udha-Fan
Noli apo unë?
Propaganda Bolshevike në mes të Shqiptarëvet
Nga letra dhe lajme me gojë të marra në kohrat e fundit,
përmbledhim këtë mi propagandën bolshevike në
mes të Shqipëtarëve: Gjer në funt të Shën-Endreut
1924, propaganda bolshevike në Shqipëri ish në duar të
një Shqipëtari të ritur në Rusi, njeri i hollë,
i zoti dhe siç duket i bindur në mirësinë e theorive
bolshevike. Fan Noli, në këtë propagandë si në
çdo gjë tjatër, ish një fytyrë e sërës
së dytë. E para provë besnikërie që ky grup
i dha Sovjetit, qe fjala qesharake e Fan Nolit në Lidhjen e Kombeve,
fjalë e pëlqyer për Rusinë, por shumë e dëmshme
për Shqipërinë. Me të kthyer të legalitetit
në Shqipëri dhe me të ikur të Fan Nolit, qëndrat
e propagandës bolshevike u transferua natyrisht jashtë. T'ikurit,
sa kohë patnë para nga ato që kishin prurë prej
Shqipërie, nuk u munduan të gjejnë burime të tjera.
Po paratë u mbaruan shpejt: dhe menjëherë nisën
bisedimet me Sovjetin për ndihma, bisedime që muarnë
një funt të pëlqyer. Përveç shumave të
veçanta "për propagandë" që dhanë
dhe u japin ca udhëheqësve të lëvizjes, Bolshevikët
u kanë lidhur rroga dhe disa t'ikurve të porositur nga udhëheqësit:
cave u japin 400 franga ar, (80 USD) në muaj, ca të tjerëve
nga 500 franga ar (100 USD). Pastaj duke marrë në sy shvillimet
revolucionere që turbullonjësit kanë shpresë të
bëjnë më tutje në Shqipëri, guverna Boleshevike
u kërkoj armiqve të Shtetit t'onë nj'a dhjetë djem
shqiptarë që t'i vërë në shkollën e veçantë
të Moskës ku formohen axhentat e bolshevismës. Këta
studentë të çuditshëm u dërguan dhe janë
tani në Moskë, ku nxënë me sistem zanatin e revolucjes
që të venë nesër t'i vënë zjarrin vëndit
të tyre ose të bien në duar të policisë dhe
ta humbasin jetën për dhjamë qeni. Në këto
që thamë më sipër, munt të kuptohet se gatitësit
e prishjes së Shqipërisë janë të kënaqur
dhe prshën (presin). Po jo dhe aq se lodra e tyre ësht e themeluar
mbi dy gënjeshtra, dhe s'munt të zgjatet shumë kohë:
Nga njëra anë u paraqiten Shqiptarëve si patriotë
dhe njerës me ideale kombëtare, nga ana tjetër u tregojnë Russëve përralla, sikur në Shqipëri çdo gjë
qenka gati për revolucjen komuniste dhe u dashka vetëm një
shkrepse që t'i vërë zjarrë vëndit. Këto
të dy gënjeshtra s'munt të vazhdojnë shumë
: e para , ajo që aventurierët u shesin Shqipëtarëve,
ka dalë në shesh prej kohe, dhe ço njeri me kuptim
e ka marrë vesh: gënjeshtra e dytë, ajo që u gatuajnë Russëve, munt ta mbajë dhe ca kohë, se natyra e Russëve
është serioze dhe e padjallëzuar dhe nuk u shkon nër
mënt që janë viktima të një batakçillëku
Ballkanik. Planet e Russëve për në Ballkan duket të
jenë këto: të formuarit e një grupi bolshevik në
çdo Shtet, dhe me anë të këtij grupi të kundërshtuarit
e çdo guverne të sotëme dhe të diskretituarit
e çdo njeriu që ka pak a shumë influencë mi popullin
dhe që e përdor atë influencë për të mbrojtur
kanunin, regullën dhe qetësin: pastaj, të ndezurit e
një kryengritje të përgjithëshme, ku do të
lozin rolin e tyre dhe "studentët" nga Ballkani që
ndodhen tani në Moskë. Sa për gjakun që do të
derdhet çurk dhe më kot, aq u bën Russëve. Dhe
pse ta çajnë kokën në qoftë se popujt e Ballkanit
janë aq të marrë sa të mos kuptojnë rezikun
dhe të ruhen me kohë? Propaganda bolshevike është
e rrezikëshme: se turmës së padjallëzuar, e cila
nuk thellon, bolshevisma i duket si zgjidha e gjithë mundimeve
ekonomike që heq. Kujton se bolshevisma është ilaç
i panjohur dhe i çuditshëm që ka për të shëruar
çdo sëmundje. Të zgjuarit nga ky gjumë budallenjësh
do të jetë shumi i hidhur për Shqiptarët që
do të bëhen skllav pa atdhe dhe pa bukë, të shkelmuar
e të shkelur nga të huajt. Na pëlqen të vëmë
re se shumë nga t'ikurit- si Z. Sotir Peci, Z. Sejfi Vllamasi.
Z. Koço Tasi, Z. Rasim Babameto, Z. Ismail Haki Tatzati, etj,
nuk u bashkuan në asnjë mënyrë me aventurierët bolshevikë, po mbajnë një qëndrim konservativ sado
që nuk janë miqt' e Guvernës së sotme. Janë për t'u lavdëruar për urtësinë dhe kuptimin
politik të tyre, dhe na vjen keq që nuk u gjent një udhë pajtimi të plotë me Guvernën, pajtim i cili do të zbulonte edhe në sy të Rusissë se sa të pakë
janë Bolshevikët t'anë".

[Brari]

E prisja qe "mjeshtrat e punve te zeza" do sajonin ndonji incident familjes mbreterore.
B. Kopliku, ish minister i brendeshem ne kohen e Meksit i shtyre nga "Mjeshtrat" i sajoi LEKES kur erdhi per here te pare incidentin me "pasaporten".
FINO i sajoi incidentin e krismave ne bulevard ku snajperet e futur nga mjeshtrat vran nji simpatizant te Lekes dhe Leken e thirren per ti analizuar gryken e Pisqolles.
Ja dhe sot mbas "buzeqeshjeve" te neveritshme te zyrtareve Mjeshtrat vepruan dhe sajuan incidentin e "12 arkave me municion".

Ja cthote KJ sot.
------------------------
Policia bllokon armet e Zogut
Artur Qorraj Tirane - Policia bllokon nje arsenal te tere armesh, prone e Leka Zogut. Baulet e medha me amre e municion jane bllokuar dje nga uniformat blu te komisariatit Rinas gjate nje kontrolli te listes se sendeve te deklaruara. Jane 11 arka te cilave sot pritet tu behet kontrolli i verifikimit, ndersa nga shoqeruesit e bagazheve te mbretit eshte paraqitur nje liste me sendet e deklaruara. Arkat kane udhetuar per kilometra te tera dhe burime te policise thane se nje pjese e armatimeve kane qene te deklaruara, por gjate zbulimit te njeres prej tyre jane zbuluar dhe amre automatike te panjohura ne Shqiperi, te cilave do tu behet verifikimi. Ne liste jane lexuar arme te tilla si automatike, fisheke, pushke dhe pistoleta, qe policise i jane deklaruar si relike e koleksione te Leka Zogut, por qe do te verifikohen. "Do te ngrihet nje komision vleresimi dhe verifikimi, ku do te mbahet nje procesverbal konkret per te gjitha armet dhe municionet qe do te gjenden te paregjistruara e te padeklaruara ne listen e sendeve te paraqitura dje ne mesdite ne piken e kalimit kufitar te Rinasit", thane burime zyrtare te policise. Nderkohe kreu i Legalisteve, Ekrem Spahia eshte shprehur pas kesaj ngjarje per gazeten "Koha Jone" se "ky eshte nje kontroll normal qe duhet ushtruar nga policia dhe nuk ka asnje problem". Ai e hodhi poshte pretendimin e armeve pa leje. "Ato jane te deklaruara nga shoqeruesit e mbretit Leka Zogu. Jane vecse relike e koleksione te mbretit, te gjitha me leje", tha Spahia. Perpos bagazheve me veshje, piktura, relike e sende te tjera, shoqeruesit e pretendentit per fronin mbreteror Leka Zogu kane patur me vete edhe 11 arka te medha druri e metalike te mbushura me armatim e municion. Nje pjese e armeve jane te deklaruara dhe nuk mund te percaktohet numri i tyre pasi lista e sendeve eshte e gjate, tha policia, por vete fakti i sjelljes ne Shqiperi te nje sasie te tille te armatimeve ka bere te dyshohet ne vertetesine e listes. Sot komisioni prej disa specialistesh do te filloje punen per verifikimin e sendeve qe gjenden ne arka dhe nese do te gjenden te padeklaruara atehere ndaj tyre do te merret dhe masa e bllokimit. Por kjo sipas ligjeve shqiptare pritet te shoqerohet dhe me masa ndeshkimore, kur Leka Zogu eshte i denuar nje here per armembajtje pa leje nga drejtesia shqiptare me dy vjet burg. "Njekohesisht do te behet kontrolli i armeve per te pare nese jane relike te kohes se Ahmet Zogut, apo jane arme te panjohura dhe pa leje qe kane hyre kontrabande", thane burime te policise pas kesaj ngjarje. Arkat jane izoluar ne nje dhome te vecante nen masa te rrepta sigurie ne komisariatin e Rinasit.

Bllokimi

Para ores 12.00 te dites se djeshme, pretendenti per fronin mbreteror, Leka Zogu se bashku me shoqeruesit e tij ka zbritur ne aeroportin e Rinasit nga nje avion Carter. Masat e sigurise kane qene teper te larta dhe vete drejtuesit e policise se kryeqytetit ishin te pranishem. Pasi shpura eshte shkeputur nga aeroporti dhe eshte nisur ne drejtim te Tiranes, uniformat blu kane ushtruar ne piken doganore te aeroportit kontrollin e bagazheve. Ndermjet te tjerave jane vene re 11 arka te medha druri e metalike. Shoqeruesit e bauleve kane paraqitur nje lise te gjate me sendet e prura nga Afrika. Kane vendosur te hapin njeren prej arkave dhe aty kane gjetur automatike te huaj te markave te panjohura me pare dhe municion. Kjo i ka vene ne dyshim dhe ne levizje. "Morem masen e bllokimit paraprak per efekt verifikimi te metejshem, pasi nuk mund te lejonim kalimin e tyre ne nje sasi te tille dhe me rrezik", thane burime te policise. Te gjitha arkat, qe dyshohet te jene te mbushura me armatim e municion te cilin Leka Zogu e mbante dhe ne Johanesburg, gjenden ne qeroportin e Rinasit dhe nuk perjashtohet qe mes tyre te gjenden dhe armatime te paregjistruara e te padeklaruara, ashtu sikurse mund te kete dhe armatime relike te kohes se Ahmet Zogut e koleksion. Gjetja e arkave qe dyshohet te jene me armatim ka vene ne levizje gjithe kreret e policise qe kane urdheruar ngritjen e menjehereshme te nje komisioni verifikues per te gjitha arkat. Sipas burimeve te policise ne liste jane lexuar emrat e armeve te tilla si pistoleta, pushke, automatike dhe fisheke, por qe mund te jene relike te historise se shkuar.

-----------------

kjo eshte "mikpritje" bolshevike e zorraxhijve te Tiranes.

[SUPERSTAR_N1]

Rreth 250 mije dollare ka kushtuar kthimi i Familjes Mbreterore ne Atdhe. Ketu perfshihen shpenzimet, qe nga sigurimi i aeroplanit tip "carter", qe do te bente transportimin nga Johanesburgu deri ne Tirane,, si dhe shpenzimet e tjera te cilat lidhen kryesisht me sigurimin e bazes materiale. Nderkohe burime te besueshme brenda PLL, bejne te ditur se jane dy biznesmene, ata te cilet kane dhene rreth 10 mije dollare, per organizimin e te gjithe pritjes qe i eshte bere Familjes Mbreterore, duke filluar qe nga limuzina e marre me qira, rojet, si dhe pagesat per bazen materiale qe u eshte dashur simpatizanteve te monarkise duke filluar qe nga makinat me qira, flamujt, banderolat dhe shume elemente te tjere simbolik. Ne respekt te historise, Familja Mbreterore, mesohet se ka sjellur me vete nje arkiv shume te pasur me materiale filmike dhe te shkruara, te cilat permbajne historine e familjes, duke dhene hollesi te rralla per periudhen e drejtimit te Shqiperise nga Mbreti Zog.

[Brari]

EDES me qe eshte vajz e re dhe NUhit meqe eshte i Kosoves dhe "vuan" nga trashegemia enveriste!

Ahmet Zogu eshte zgjedhur kryeminister dhe president me Votat e parlamentit te Kohes athershme.
Arsyet pse u zgjodh AI erdhen nga nevoja per nji njeri te forte per te ngritur nga HICI nji SHTET.

Ahmeti i Zogolleve te MATIT kishte treguar aftesi, trimeri e mencuri ne Periudhat me te veshtira qe kalonte vendi yne ne ate kohe. Ai ishte veprimtar i dalluar gjat pamvaresise e me vone deri ne Kongres te Lushnjes dhe per meritat e treguara u zgjodh me deshiren e delegateve minister i brendeshem e me vone kryeminister.
Si Mbret , Ahmeti nuk u be per qejf por per nevoja politike te Atdheut.
Ngjarjet e 1924-es e sollen nevojen per nji autoritet mbi partite per te pushuar grindjet politike te cilat shkaktuan probleme.
Ne fillim u be president i republikes e me von mbret i Shqiptareve
Titulli "mbret i Shqiptareve" kishte kuptimin qe ai ishte edhe i Kosoves e trojeve te tjera jashte kufijve shteterore..
Ishin disa miq te tije dhe politikan te kohes qe ja sugjeruan kte akt dhe kete e ligjeroi Asambleja e ligjshme qe u mblodh per kete ceshtje.
Nuk eshte e vertete se Zogun e donte vetem MATI, krahina e vendlindjes se tije.
Zogu mbante lidhje me te gjithe kreret e njohur te krahinave dhe i njihte ata personalisht.
Kur Zogu u martua kudo ne Shqiperi e sidomos ne Vlore eshte bere nji fest e pa pare deri athere nga populli i krahines se Laberise.
Martesa me nji bij te nji familjeje aristokrate europiane ishte nji tradite e familjeve mbreterore dhe pra konsiderohej nji kusht per te qenit Mbret. Ai e pelqeu Geraldinen hungareze jo vetem se ishte nji femer e bukur por dhe si dicka simbolike qe lidhej me historine.
Skenderbeu kishte qene Aleat me prijesin e dikurshem te hungarezeve, Janosh Huniadin.
Zogu kishte shume nenpunesa te larte qofte musliman, ortodoks, katolik dhe bente nji politik shume afruese me te gjithe.
Zogu trashegonte nga familja e tije ne qender te TIRANES (nena e Ahmet Zogut) nji teritor qe fillon nga SELVITE te ura e rruges Elbasanit qe shkon deri te hotel Dajti...pastaj deri tek galeria arteve e pastaj deri tek busti qemal Stafes afer parlamentit.
Ky teritor qe i perket TOPTANASVE, krijuesve te qytetit te Tiranes me ndertimet qe ishin brenda ketij teritori gjithashtu prone e familjes , sherbeu dhe si Ambjent per pallatin mbreteror dhe seline e zyrave kryesore te Shtetit.
Pra Zogu nuk harxhoi arken e Shtetit per Oborri mbreteror.
Ndryshe nga BLLOKU I POLIT BYROSE se PPSH-se qe ishte nji zone e ndaluar per popullin per 50 vjet me radhe.. Pallati mbreteror i Zogut ka qene shum demokratik ne hyrje daljet e njerzve te thjeshte.
Ska ngelur pa hyre aty asnji atdhetar e fshatar me pak emer i cdo krahine pa hyre dhe u pritur qofte nga Zogu ose Familjaret ose zyrtaret e tije..

NUH .. ne se je ne NORVEGJI pyete Aliun e Mehmet Shehut se a hynte kush ne Bllokun e Enver Hoxhes apo jo??
Ai te sqaron.

Meqe je i Kosoves po te them se edhe Dervish Shaqja qe ska qen kerkushi ne vitet 30 ka hyre sa her ka pas hall tek NANA Mretneshe e eshte ul kembekryq e pritur me respekt.
Barinj nga Delvina ,nga Vithkuqi, nga Mokrra, nga Luma e Terbaci etj kan hyre e kan dale ne Pallatin mbreteror e kane folur me autoritetet pa bere lutje e letra me kilometra ashtu si benin per nji hall ne kohen e Enver e Ramiz Aliut.
Ne Bllokun e PPSH-se As NAIM FRASHERI po te ish gjalle nuk do te kishte hyre dot.
Bile dhe SKENDERBEUN (po te ish gjalle) do ta kontrollonin nga hallatet ca sigurimsa nga Kurveleshi ne se do thirrej per nji kafe nga Enver Hoxha me rastin e 500 vjetorit te Lezhes..
Nejse .. eshte puna me boshe ne bote te lodhesh qe te bindesh nji enverist Kosovar mbi ca te verteta.
Me pare mund te mesosh te shkruaj ne Kompjuter nji gorille afrikane se te bindesh nji drenicak enverist mbi Ca gjera qe kane ndodhur dikur.
Nuh nuk e kam me ty personalisht por me nji kategori kokfortesh kosovare te cilet arriten derisa morren pjese edhe ne Rebelizem te 97-es prej verberise enveriste. Nejse kjo eshte cashtje tjeter..

Sa per demokracine... Ne kohen e Zogut ka pasur demokraci.
Komunistet kane shkruar c'kane dashur..Republikanet ckane dashur..filo Nicejanet c'kane dashur etj etj.
Pluralizem partiak ka pasur..Shtyp te lire ka pasur.
Shqiptari i Kohes Zogut me pasaporten e Zogut me Monedhen e Zogut ka shkuar ne ITALI kur ka dashur pa vize e ka blere fustan per gruan e radio Phanola ne BARI e Rome me paret shqiptare.

Kan munguar kolkozet po eshte e vertete dhe per kete zemrohen enveristet Kosovare qe vete nuk i kane dashur Kolkozet sepse po ti kishin dashur kishin shkuar ne Bashkimin sovietik ose Kube por te gjithe shkuan ne Gjermanin e Zvicren pa kolkoze..
Nejse..

Tash problemi eshte cmund te beje LEKA ZOGU sot..
Te kerkoje referendum per monarki ose republike ose te marre pjese ne jeten politike si lider i LEgalisteve ose te presi zgjedhjet e ardhshme per tu futur ne gare per tu bere kryeminister ose president..
Ky eshte problemi i tije..

Mendimi im eshte qe.. LEKA per nji periudhe 6 mujore "te heshte" politikisht dhe te merret me studimin e gjendjes ne Shqiperi.
Gjate kesaj periudhe Ai te studioi problemet qe ekzistojne tek ne..te njihet me intelektualet e shquar te vendit ..te krijoje lidhje miqesore me atdhetaret ne Shqiperi e Kosove, te mesoje nga ata, te zgjedhe nji shtab pune te mire (sepse tash kto vite neper kembet e tije qarkullojne lloj lloj zorraxhish qe ai nuk i njef mire), te udhetoje ne qytete e fshatra e te bisedoje me pleq e te rinj..djem e vajza e te degjoje hallet e tyre.
Mbas kesaj periudhe Ai mund te filloje te FLASI:

Cdo nxitim per te "dhen mend" tani mund te jete i gabuar..
Provokatoret nuk jane te pakte qe do te kerkojne me cdo menyre per te diskretituar autoritetin e madh qe gezon AI nder shqiptaret e thjeshte e te ndershem.

Ne PS dhe PD dhe ne minipartite e tjera ka shume anti-Leke qe do te kerkojne te sabotojne misionin e tije historik.
Edhe vete ne rrethet zogiste ka lloj lloj plehrash te cilet punojne nen dirigjimin e "mjeshtrave te Sportit"...

flasim me vone perseri..

[klevis2]

Hajde lum miku pse sthua ti qe e paskemi pasur zgjidhjen para syve e se paskemi ditur.Erdhi Zogu e u zgjidhen te gjitha!Hallall he burre po se paskam ditur qe paska qene kaq e squt familja mbreterore! Vetem e mban mend kengen e Salep Sulltanit.Kujtohu ndonjecike or burre!PO nejse te rroje naltmadhnia e tij mbreti Leka megjithe arkat me municione qe ka sjelle se vallahi ne Shqiperi per ato kishim ngelur keq.Nejse kishim trimat nga kurveleshi tani do kemi trimat nga Mati moj kasolle ku na mblodhe.Xhaxhi Leka i 1` malok ka qene e malok ka per te ngelur e sdo ndonje mendjehollesi te madhe ta kuptosh mjafton ta shikosh si sillet se po te ishte ndonje soj i mire shume sdo ishte katandisur te shkonte ne afriken e jugut lumeziu.Akoma te ura ju or miq po si i merrni kallep ato qe ju thone njehere nejse skeni faj ashtu ju kane gatuar.Nejse nejse rrofshi se ne 6-vjet ne Itali skisha degjuar ndonjehere kaq qyfyre e gallata sa ne keto 3 muaj ne Shqiperi.Berisha puthet me Nanon Leka kthehet ne Shqiperi e ka fajin vera mesa duket!

MIrupafshim

[Redi]

Me ate fjalen "Malok" e ndrite fare. Jo 6 vjet, por 600 te rrish ti ne Itali me malok se maloku do te mbetesh.

Perse te mos kthehet Leka ne Shqiperi? Cfare i ka vere Shqiperise ai?
Ne ate vend po rrine krimba e horra plot dhe jo te mos kthehen personalitete qe jo vetem nuk i kane bere gje te keqe, por edhe kane dhene shume per Shqiperine.

Arkat me municion jane pikerisht per te bere per te qeshur "anti maloket", meqe u zgerdhine per 50 vjet me rrenat dhe mashtimet qe degjuan nga goja e xhaxhit ne lidhje me burrat e vertete te kombit shqiptar.

Nuk eshte puna se Leka Zogu po vjen per te zgjidhur hallet e popullit shqiptar, pasi ato nuk duam vete ne ti zgjidhim, por te pakten te vije dhe te jetoje ne vendin e tij, vend te cilin nuk e harroi per gjithe jeten e tij ne mergim dhe ruajti gjithcka qe ka te beje me shqipen, qe nga gjuha, traditat e zakonet.

Dhe jo si nje pjese e mire e jona, antimalokeve qe sapo pame bote me sy, harruam se cilet jemi e nga vime. As shqip nuk dime te flasim me.

Kini me respekt per te tille njerez, per te tille "Maloke".

[elbasan]

Zoti Brari ju lumtë dora për ato që keni shkruar për Zogun!

Me respekt, elbasan

[Petro]

Rofte Mbreti!

[Albo]

Ata qe nuk e njohin historine, ate histori qe e rrefejne ata qe e jetuan, mund te flasin me ate gjuhe tinzare sic flasin disa ne forum per familjen mbreterore.

Nuk do komentoja asnje rresht me ju, vetem do tu ftoja te lexonit me shume histori dhe te mos ta mbyllni jeten tuaj me historine e PPSH-se e shokut Enver. Hapini horizontet tuaja, pasi po i mbajtet te mbyllyr, te mbyllur do tia lini edhe pasardhesve tuaj.

Eshte kenaqesi te shohesh qe koha qe jetojme po korrigjon shume gabime te historise.

[alumni]

Kerkush, deri me sot, edhe Skenderbeu ne kohe te vet, nuk ka pas emrin "Mbret i Shqiptareve" - Ahmet Zogolli e kishte; Ai doli ne krye te vendit ne nji kohe qe Shqipnia ishte si mos ma keq, thuejse inekzistent si shtet.

Mos ishte E. Hoxha, S. Berisha, F. Nano, apo mos keni shprese se A. Moisiu bahet udheheqes i Shqiptareve?

Kerkush deri me sot, nuk ka luejte nji politike (drite-hije) aq kombetare sa ka ba Zogu I.

Sot, kur asht koha me pase nji politike sa ma inkluduese, kur PD-PD bajne paktin "historik" ne prag te ardhjes e trashigimtarit te Mbretit, vemendja e medias dhe e policise na perqendrohet ne armet e gjahut e ato trofe te Lekes?!

Turpet nuk kane te mbarume ...

[klevis2]

Une sngelem me ato te Enverit se kam pasur zakon qe ti shikoj gjerat vetem nga njera ane sic beni ju qellimi im ishte vec tju ngacmoja pak e me sa duket ja arrita dhe ketu hynte edhe fjala qe me qe ra fjala une nuk i urrej dhe as i perbuz sic beni ju kur flisni per e ne pergjithesi nuk kam asgje me mbretin por nuk do ta mbivleresoja ajo qe une dua tju them eshte qe per Shqiperine Zogu nuk sjell asgje qe te meritoj respektin tim si shqiptar sepse nuk gjeta ne mburrjet qe ju i bete atij asje qe ti pernjgjante te vertetes kush nga ju i ka lexuar ditaret e kontit ciano e si shprehet ai per familjen mbreterore per e oborrit mos harroni qe ka ikur nga Shqiperia ne momentin me kritik pra vend per kritika ka sa te duash .A per aftesine e kuadrove ne kohe te Zogut kujtoni episodin Gazepi.Une jam shqiptar e skam rreshtur se qeni i tille ne te gjitha vendet qe kam qene kam punuar e me kane respektuar sic i kam respektuar vetem se menyra se si i shikoni ju gjerat me duket me demprurese se fitimprurese per Shqiperine dhe shqiptaret dhe gjithashtu me duket se pakti Nano-Berisha eshte me teper shprehje e renies konstante te popullaritetit te te dyve dhe e shtrengimeve europiane sesa nje vullnet i mire per te bashkepunuar.Keto jane normale ne politike po para se te shani apo te mburrni dike duhet te mendoheni per konskuencat.

Me respekt

[alumni]

Klevis, aka Antar i Ri,

per ta plotsuar pergjigjen ndaj komentit tand, po ti shkruaj nja dy rreshta per hir te "ngacmimit":

Nuk ka ndonji gja nqs ngacmon per hir te debatit, ndaj nuk ka pse te merret per ters, apo te paragjykohen ato dhe mendime te tjera tuat.

Ne lidhje me Leka Zogun, une shoh nji pritje te zakonte ndaj nji personi, pretendent i fronit, i cili ka pase ekzistuar deri ne 1938, apo jo. Gjithashtu nuk shoh ndonji te keqe per trashigimtarin e fronit te vije ne vendin e vet, pas nje verdallisje te detyruar e jo te kandshme gjate L.II. Bot, gjate regjimit komunist, e fatkeqesisht edhe atij post-komunist.

Une jam thuesje i te njejtit mendim me ty kur shprehesh se " ... pakti Nano-Berisha eshte me teper shprehje e renies konstante te popullaritetit te te dyve dhe e shtrengimeve europiane sesa nje vullnet i mire per te bashkepunuar."

Ne disa pika te tjera nuk jam aspak i te njejtit mendim, sepse ndoshta ke nji perfytyrim jo real te epokes zogolliane. Me ler te kujtoj se ishte ne kohen e Zogut kur u formuan njerezit te cilet u perplasen pa meshire me njeri-tjetrin gjate L.II. Bot, ku Enveri fitoi me djallezite e tij, dhe i sherbeu, sipas interesit te tij jugosllaveve, sovietikeve, e kinezeve, dhe marksiste-leninisteve si Zh. Amazonas e kushedi cfare cmendurie tjeter mund te ndermerrte ai me ate mendje te semure, e ata fare shokesh te birose. Me ata njerez qe u pergatiten ne kohen e Zogut, Enveri ringriti shtetin, e pastaj, me pergatitjen e kuadrove ne shkollat jugosllave, ruse, varshaviste e maoiste, vuri ne sater cfare i desh zemra e tij e zeze, deri edhe bashkepunetoret e tij te ngushte, duke e afruar Shqiperine ne buze te ferrit - lexo Danten.

Kur shprehesh se "... kush nga ju i ka lexuar ditaret e kontit ciano e si shprehet ai per familjen mbreterore per e oborrit ...", desha te te kujtoj se nuk mund te prisje dicka tjeter prej Cianos, si ne planin personal te tij, "evropianizmit" te tij, ashtu si dhe nuk mund te thuhet se familja mbretnore ishte avangarde ne Europe si Enveri shkemb graniti ne Adriatik; vecse nje gja mund te thuhet me siguri: Ahmet Zogu shifte drejt Perendimit, e kjo vertetohet me reformat qe ai nisi qysh kur mori ne drejtim nje pseudo-shtet plot dallkauke e ende me trute e "babes".

"... mos harroni qe ka ikur nga Shqiperia ne momentin me kritik pra vend per kritika ka sa te duash..." - eshte e vertete, por ai nuk ishte i vetmi mbret ne Europe qe mori arratine prej nazi-fashizmit, te cilet u bene pre e lojes te te medhejve ne perfundim te L.II. Bot, per hir te te vertetes historike.

Sa per "... aftesine e kuadrove ne kohe te Zogut kujtoni episodin Gazepi ..." eshte nje gjetje e goditur, e plikueshme edhe per Shqiperine e diteve te sotme, pas 7 dekadash, ne fillim te shek. XXI.

Me po ate respekt,

[elbasan]

Euronews-i dje, kur dha lajmin e kthimit të Familjes Mbretërore Shqiptare në Atdhe, nxorri vetëm ca gra me pankarta dhe disa fëmijë që valvitnin flamunj shqiptarë.

Sot kur mora shtëpinë në telefon më thanë që dje kishin dalë shumë shqiptarë në Rinas për të pritur Familjen Mbretërore. Ato nuk vinin vetëm nga Tirana, por nga të gjitha trojet shqiptare. Nga Elbasani kishin shkuar me autobuzë gra, burra dhe të rinj.

Kjo do të thotë që janë të shumtë ata që e duan dhe e përkrahin Monarkinë dhe që shpresojnë që me kthimin e Familjes Mbretërore dhe sidomos të Lekës në Shqipëri do të ndryshojë diçka.

S'na mbetet gjë tjetër veçse të presim se ç'do të thotë Mbreti Leka I në konferencën e shtypit që do të mbajë së shpejti.

Rroftë Mbreti Leka I!

[Brari]

GAZ.SHQIP.
--------------------
Itinerari i udhëtimit

Orë pas ore nga Johanesburgu në Vilën numër 4


--------------------------------------------------------------------------------

e.ng

Udhëtimi i familjes mbretërore, Johanesburg - Tiranë, zgjati 13 orë. Në orën 23:00 (me orën lokale të Shqipërisë) të ditës së enjte, familja mbretërore shqiptare nisi udhëtimin e saj ajror nga Johnesburgu për të mbërritur pas 13 orësh në Rinas, në orën 11:55. Për arsye teknike dhe shëndetësore të mbretëreshës Geraldina avioni çarter "Boing-727" me familjen mbretërore në bord, bëri dy ndalesa në kontinentin afrikan, për t'u ulur në tokën e ndaluar për 63 vjet. Mbërritja në Shqipëri është festuar nga përkrahësit e monarkisë, të cilët në aeroportin e Rinasit mbushën lokalet dhe konsumuan aq birrë, sa këto lokale konsumojnë për një muaj në ditë të zakonshme.

E Enjte, 23:00 (me orën e Shqipërisë)
Familja mbretërore shqiptare që kishte zënë vendet në poltronat e "Boing-727" të kompanisë jugafrikane, me shkëputjen e kontaktit të rrotave të avionit, u shkëput edhe ajo vetë nga territori i Afrikës së Jugut për të mbërritur në territorin për të cilin pretendon se është sovran. Avioni mori drejtimin nga veriu i kontinentit të zi. 23:00 e ditës së enjte ishte fillimi i mbarimit të rrugëtimit për kthimin në atdhe,i mbretëreshës së Shipërisë. Ky rrugëtim shënon një kohë 3 herë më të madhe nga rrugëtimi i mbretit të Itakës, Odisesë.

E premte, 03:00
Avioni i familjes mbretërore detyrohet të ndalojë pas katër orë udhëtimi në qytetin Lusaga të Zambias. Në aeroportin e këtij qyteti avioni u furnizua me karburant, por ndalesa ka pasur të bëjë edhe me gjendjen shëndetësore të Geraldinës. Lartësia mbi nivelin e detit e përzier me emocionet e kthimit në atdhe ndikuan në rrahjet e zemrës së saj. Pak pushim bën gjithmonë mirë. 30 minuta më vonë avioni la Zambian për t'u drejtuar nga verilindja.

E premte, 09:00
Gjashtë orë pasi avioni kishte lënë Zambian, ai ulet nga lartësia e 9 mijë metrave mbi nivelin e detit, për të prekur territorin e aeroportit të Luksorit në Egjipt. Kjo lartësi e madhe, me ndryshimin e trysnisë ndikon mbi njeriun, dhe këtë e ndien edhe një i ri i shëndetshëm. Për këtë arsye shëndeti i nënës mbretëreshë ekzaminohet sërishmi dhe ndërhyet për të stabilizuar gjendjen. Familja mbretërore pushon përsëri. Avioni rimbushet me karburant. 40 minuta më vonë "Boing-727" shkëputet nga toka për të marrë drejtimin për në Rinas.

E premte, 11:00
Avioni me familjen mbretërore ndodhet në hapësirën ajrore shqiptare mbi ujërat e Adriatikut. Geraldina gjallërohet dhe, me një shqipe të kulluar, nis të tregojë vilën në Durrës. Më pas numëron me radhë malet e Shqipërisë, të cilët dallohen qartë nga lartësia ku ndodhet. "Erdha në shtëpinë time", ka thënë Geraldina, emocionet e së cilës rriteshin në progresion gjeometrik.

E premte, 11:15
Avioni ndaloi në Rinas. Aty kanë dalë ta presin ardhurues të monarkisë, si edhe përfaqësues të politikës. Personi i parë që takon Geraldinën, është gruaja e ish-kryeministrit Meta, Monika Kryemadhi. "Më duket si në ëndërr". Këto janë fjalët e para me të cilat Geraldina iu drejtua Kryemadhit.

[Breshka]

Nderime familjes mbreterore, jo vetem ne nderin e Zogut, por dhe per padrejtesite shume vjecare qe ju bene.
Nuk me duket levizje e matur e legalisteve, kerkesa per referendum. Ne se do te duhet nje i tille, duhet te dali ne drite mbas nje fare kohe dhe sidomos mbasi mileti kolerik shqiptar te qetesohet dhe te shikoje se kush eshte Leka, sa i zoti eshte politikisht, sa i matur e i urte eshte per te patur frenat e pushtetit ne dore. Nuk eshte e lehte te ndrorsh sistemin, dhe nga ana tjeter duhet pune konkrete per te provuar se propaganda 50 vjecare ishte e genjeshter dhe pa baza. Personalisht mendoj se mbeshtetja politike qe ka Leka sot, pra Legaliteti, le shume per te desheruar si nga bagazhi intelektual ashtu dhe elektoral. Le te mos fluturojme me presh ne *****, dhe ti shohim gjerat sic jane. Nuk kemi me kohe per eksperimente dhe as per gabime. Pra le te ftohemi dhe ti ulim kembet ne toke, nuk ka asgje per tu friksuar nga Leka por gjithashu nuk ka asgje tani per tani per tu entuziasmuar. Le tia leme kohes dhe te vazhdojme rrugen me ndryshimet e nisura. Familja mbreterore e Zogut nderkohe, le te shlodhet dhe me kohe te na thote qellimet e saj, shqiperia aty eshte sic ka qene dhe per 63 vjet me rradhe.

Pershendetje.

[Skenderbegu]

tung,

ndegjova se mbreti kish pruar edhe matriale filmike,fotografi,prtrete e shum sende te tjera nga koha e zogut dhe nepermjet ketyre ne tash mund te shohim se si kan jetuar perpara ne shqiperi shpresoj se se shpejti do ti tregojn ato filma

ju pershendes

[Eda H]

Pershendetje. atedheu mbi te gjitha eshte kollaj ta thuash por eshte veshtire ta besh ate fjale e ta mbash ate... kur e thua atedheu mbi te gjitha kur kercet e iken, kur nuk jeton ne te e ritesh neper bote...
me shume respekt
eda

[Brari]

Policia jone e mbushur me enveriste- ramiziste- zylyftariste- e koplikoiste te PD-se e - fadil camaiste e bilbil memoista e Rebela te Ps-se eshte ne krie te detires..
Mbasi i kapen gjithe vjedhesit ..mbasi zhduken prostitucionin..mbasi shpartalluan mafian..mbasi i kthyen vetem Beratit mbi 3000 vajza 15-20 vjecare nga bordellot e milanos e Selanikut..mbasi i futen ne burg vampiret e Divjakes e maskat e Kukesit..nuku i ngeli gje tjater vec te shpetojne Atdheun nga 12 arkat e LEKA ZOGUT.

FUSHATA e djallezuar Anti-ZOG ka filluar qe ne RINAS.
Gazetat e Mafies bucasin per Armet e Lekes.

Shekulli i bie burise..
-----------
Ekspertët e policisë dhe prokurorisë kanë hapur dje arkat e armëve në prani të të dërguarve të Lekës


Armët e Zogut, vendos prokuroria


"Nuk janë bllokuar për vakum ligjor, por sepse nuk lejohet futja e armëve luftarake"


TIRAN Ë- Pretendenti për fron, Leka Zogu nuk do ta ketë të lehtë të dërgojë në rezidencën e tij koleksionin e preferuar të armëve. Tashmë, atij i duhet të merret me drejtësinë shqiptare, për të zhbllokuar 84 armët e llojeve të ndryshme, të cilat janë grumbulluar me kujdes nga njëri shtet në tjetrin, ku ka jetuar familja mbretërore prej shumë vitesh. Zyrtarët e Ministrisë së Rendit Publik kanë "hequr dorë" nga kompetenca për të zhbllokuar arkat brenda të cilave ndodhen lloje të ndryshme armësh, duke filluar që nga çiftet e deri tek kallashnikovët apo armët granatë-hedhëse. "Armët nuk janë bllokuar se në vendin tonë ekziston një vakum ligjor, por sepse nuk lejohet futja e armëve luftarake",-është shprehur një zyrtar i dikasterit blu. Ndërkohë, në koleksionin e Zogut përveç kallashnikovëve janë gjetur pistoleta, mortaja, granatë-hedhëse si dhe një sasi e konsiderueshme municioni. Nga të njëjtat burime policore mësohet se për koleksionin e bllokuar në aeroportin e Rinasit, tashmë do të vendosë prokuroria dhe gjykata e rrethit Tiranë.

Ekspertët
Paraditen e djeshme kanë "zbarkuar" në aeroportin e Rinasit një numër i madh ekspertësh të Ministrisë së Rendit Publik, Drejtorisë së Policisë së Tiranës si dhe Prokurorisë së Rrethit Tiranë. Ekspertë të çarmatimit, të policisë kriminale si dhe të organit të akuzës kanë hapur një për një, të gjitha arkat, brenda së cilave ndodheshin armët e pretendentit për fronin mbretëror Leka Zogu. Burimet policore bëjnë të ditur se janë numëruar 84 armë të lloje të ndryshme, ndër të cilat çifte, pushkë, kallashnikovë, mortaja, granatë-hedhëse, pistoleta etj. Të gjitha armët e evidentuara dhe kontrolluara janë shënuar nëpër procesverbalet e uniformave blu të policisë. Ndërsa verifikimi "një për një" i armëve të koleksionit është bërë në praninë e dy përfaqësuesve të "oborrit mbretëror". Burimet policore bëjnë të ditur se ka qenë vetë Leka Zogu ai që ka kërkuar verifikimin e koleksionit të preferuar të armëve, në praninë e përfaqësuesve të tij.

Hetimet
Evidentimi, numërimi si dhe verifikimi i armëve ka vazhduar deri në orët e mbasdites së djeshme. Më pas, ekspertët e policisë kanë dokumentuar në procesvebal të gjithë raportin për koleksionin e armëve të Leka Zogut. Ndërsa po ditën e djeshme, ky raport i policisë i ka kaluar Prokurorisë së Rrethit të Tiranës, e cila do të vendosë për fatin e mëtejshëm të 84 armëve të kalibrave të ndryshëm, të bllokuara në aeroportin e Rinasit. Sipas zyrtarëve të Ministrisë së Rendit Publik, i takon organit të akuzës të vendosë nëse armët do t'i kthehen Leka Zogut ose do të mbeten të bllokuara. Gjatë ditës së djeshme, ekspertët e prokurorisë janë njohur me procesvebalet e policisë mbi armatimet. Ndërsa pritet që prokuroria të përfundojë shumë shpejt hetimet, lidhur me 84 armët e Zogut, me pretendimet e tij për vakum ligjor në Shqipëri lidhur me koleksionet e armëve si dhe me fatin e mëtejshëm të tyre.

Bllokimi
Koleksioni i armëve është bllokuar pak minuta pasi familja mbretërore ka zbritur nga avioni "Carter 727". Këto armë nuk kanë qenë të deklaruara më parë nga Leka Zogu. Policia ka hapur fillimisht disa prej arkave, brenda së cilave janë gjetur përveç armëve të gjahut edhe kallashnikov apo granatë-hedhës. Më pas ka mbyllur arkat, duke i rihapur ato gjatë ditës së djeshme. Këshilltari i Zogut ka pretenduar se armët janë bllokuar nga vakumi i ligjit shqiptar për koleksionet. Ndërsa zyrtarët e policisë janë shprehur se armët nuk janë shoqëruar nga dokumentacioni përkatës. Madje, ata kanë shtuar se një shkak tjetër për bllokimin e koleksionit të pretendentit për fron, është ligji shqiptar i cili nuk lejon futjen e armatimeve luftarake. Ndërkohë, për fatin e mëtejshëm të 84 armëve të koleksionit do të vendosë drejtësia shqiptare.

------------------------

Mikpritesit dallkauke..