Shkolla e Marubit dhe Arta Dade

[dodoni]

Në shtypin e ditëve të fundit një numër shumë i madh artistësh me në krye Kujtim Çashkun janë pronocuar në lidhje me hapjen e kësaj shkolle për të cilën paska gjetur fondet Çashku por Dada Artë po e pengon hapjen e kësaj shkolle për arsye të panjohura.
Ato fonde artistët thonë se kanë kohë vetëm deri në fund të këtij muaji ti marrin nëse bien dakord me Dadën Artë për me hap këtë shkollë.
Shpresojmë dhe besojmë që ministresha jonë e Kulturës Dada Artë, do ia jepi pëlqimin hapjes së kësaj shkolle sepse ajo duhet ta ndihmoj, përkrah dhe nxis nismat për zhvillimin e kultivimin e mëtejmë të artit shqiptar e jo ta pengoj atë e të digjen fondet pastaj.
Urojmë hapjen sa më shpejtë të kësaj shkolle.

Përshëndetje

[dodoni]

E Merkure, 01 Tetor 2003


PSE E VRATE SHKOLLEN E FILMIT "MARUBI"?!

Nga Kujtim Cashku

Nje heshtje e tille e JUAJA, z. Kryeminister, zbulon ne drite te diellit se Ju nuk doni qe kjo shkolle te hapet.

Institucione te rendesishme nderkombetare si UNESCO, si dhe te shteteve perendimore, nder te cilet Ministria e Jashtme e Frances "mbas kerkeses zyrtare te ministres Uruci drejtuar ministrit Hubert Vedrin, qe dha pergjigje pozitive), e po keshtu qeverite e Gjernanise, te Zvicres, te Italise dhe Departamenti amerikan i Shtetit permes Ambasades ne Shqiperi, kane dhene mbeshtetjen e tyre te gjithanshme "perfshire edhe financiare, edhe akademike me profesore europiane e amerikane) ndaj hapjes se Shkolles MARUBI ne Shqiperi.

Te gjitha keto jane te dokumentuara, tashme jo vetem ne sirtaret tuaj, po edhe ne faqet e shtypit tone te perditshem.

Perkunder ketij angazhimi kombetar dhe nderkombetar, JU, si Kryeminister i Shqiperise zgjodhet HESHTJEN, duke krijuar konflikte qe penguan hapjen e se pares Shkolle Kinematografike ne Shqiperi. Edhe kjo tregon qarte, z.Kryeminister, se HESHTJA JUAJ eshte shprehje e nje vullneti politik te mbrapshte.

JU kam shkruar leter, e JU nuk m"u pergjigjet. JU kerkova takim disa here, e JU asnje here nuk pranuat. U telefonoja vartesve tuaj, e JU i kishit urdheruar te mos me pergjigjeshin. Perseri kjo tregon qarte, z. Kryeminister, se HESHTJA JUAJ eshte shprehje e nje vullneti politik te mbrapshte.

Kur JU heshtni perballe iniciatives se nje kineasti te mbeshtetur nga personalitete te shquara te kinematografise shqiptare, kur JU heshtni perballe nje konflikti te brendshem institucional te qeverise shqiptare, kur JU heshtni perballe nje konflikti mes institucioneve tona dhe atyre nderkombetare, duke hedhur poshte gatishmerine e tyre per te ndihmuar kulturen tone, ahere si te mos e konsideroj heshtjen tuaj nje HESHTJE obskurantiste qe vret kulturen.

Tirane 30 shtator 2003

Per dijeni te opinionit publik, po botoj letren qe i kam shkruar z. Fatos Nano, dhe qe mbeti pa pergjigje duke u varrosur ne sirtarin e tij.

Kjo leter mban daten 10.07.2003.

Zotit Fatos Nano

Kryetar i Keshillit te Ministrave



Pas nje pune intensive prej dy vjetesh per hapjen e Shkolles se Filmit dhe Multimedias "MARUBI" ne mjedise te ish Kino-Studios, ndjehem i bllokuar dhe i paragjykuar.

Kam siguruar bashkepunim me partnere europiane dhe amerikane.

Partneret e huaj i kane ngrire parate e depozituar ne emer te Orafilmit si ze me vete, per shkollen "MARUBI" prane Bankes se Kursimeve.

Institucionalisht, Ministrja Uruci i ka shkruar nje leter Ministrit te Jashtem Franez Vedrin, per hapjen e shkolles "MARUBI". Nga ana e tij eshte kthyer pergjigjia pozitive, duke u celur nje fond i posacem per shkollen dhe profesoret franceze.

Z. Nano, brezi me i ri i kineasteve tane, eshte 45 vjecar. Tashme eshte krijuar nje hendek 20-vjecar brezash, c"ka do beje, qe ky art i krijuar me mundime ne vite, te vdese neser.

Shkolla "MARUBI" eshte e vetmja ide konkrete, ne mjediset e 32 000 m2 te Kino-Studios. Ky mjedis prej 13 vjetesh tragjikisht po vdes cdo dite. "Ide" te tjera s`ka, pervec atyre, qe lumturohen qe jo shkolla, por asgje mos ngrihet ne Shqiperi, ose primitiveve qe duan, ate qe s`e bejne dot vete, mos t`a bej as tjetri.

Une kerkoj, nje objekt 700m2, objekt qe mbart tradite e Histori Kinematografike, ne perputhje me ligjin e huaperdorjes sic kemi rene dakort me Ministrine e Ekonomise. Ky objekt do i mbetet shtetit dhe mbi te do kryen investime. Une s"mund t"u kerkoj partnerve para dhe per qera dhe per investime. Ata duan te ndjejne ndihmen dhe predispoziten e shtetit, perkundruall hapjes se shkolles dhe donacioneve qe ata bejne.

Shpreh bindjen, se si pedagog ju e kuptoni rendesine e shkolles dhe si kryeminister do merrni vendimin e duhur per hapjen e saj, me pare se sa kjo shkolle te ngrihet ne Shkup, Beograd apo Sarajeve.

Tek e fundit, po hapim nje shkolle artistesh me profesore shqiptare, amerikane dhe europiane. Ju e dini, se kjo s"eshte nje shkolle qe ben biznes.

Kete leter, po ju a shkruaj pas nje kohe te gjate mundimesh, pritjesh e zvarritjesh, kur nuk me ka mbetur me asnje hapsire per shfrytezimin e kapaciteteve te mia te akumuluara ne vite dhe lidhjeve me personalitete te kinematografise nderkombetare.

Me respekte

Kujtim Cashku


Mendoj se ky është një vepër absurde kundër artit shqiptar nga Dade e nga Nano.

Përshëndetje

[Brari]

Dodon djali..

Mir e ka Kujtim Cashku.
Objekti ku ai kerkon te instaloje kte Shkollen Marubi eshte Kinostudio "Shqiperia e Re" e cila eshte ndertuar ne epoken e miqesise Envero-Stalin-Hrushov dhe deri para viteve 1990 kjo ndertese ishte vendi ku prodhoheshin filmat Shqiptare.
Me falimentimin e Vendit ( periudha 1980-1990) u lane pa fonde shumica e institucioneve dhe kte fat e pesoi dhe Kinostudio dhe filloi degradimi i saje teknik e moral.
Vitet e fundit me sa di une ky objekt i eshte dhene me Qira (qera) Koco Kokdhimes, miliarderit te Kompanise 2K.

Ka dale nje metode e re Vjedhjeje ne Shqiperi te cilen e sqaronte nje gazetar nje dite ne nji gazet te Tiranes.

Kjo forme vjedhjeje ishte shume "simpatike" dhe funksiononte pak a shume keshtu..

Po e vulgarizoj me nji Shembull me emra te sajuar..

Brari eshte minister i x ministrie.
Kjo ministri e shtetit ka nen hyqem..pra nen administrim mes tjerash dhe objektin y i cili eshte po themi nje magazine e madhe, prone e shtetit.
Brari "interesohet " qe kte magazine ta marre nen perdorim me qera simbolike (1 dollar meter katrori) biznesmeni i njohur Manciste.
Manciste e merr magazinen dhe fut ca jevgj dhe e pastron kte magazine si dhe fut nja dy Gollo (muratora) qe i gjen tek Partizani i panjohur e i ve nja dy tjeglla catise e i paguan kta me nja 200 000 lek te vjetra dhe e ben magazinen xix.
Ministri Leshatori ka nevoje per nje magazine per ministrine e tije dhe i merr shtetit nje fond per te gjetur e paguar nje magazine.
Indirekt Brari i thot Leshatorit...shiko se ka firma Manciste2 nje magazine.
Leshatori hyn ne lidhje me Mancisten dhe i kerkon per nevoja te ministrise nje pjese te magazines.
ok thot Manciste..ja ku e ke ate cop magazine..qe mund ta perdoresh zoti Leshator me qera 100 dollar meter katrori.
Mire thot Leshatori..

Pra Shteti jep privatit nje objekt dhe i kerkon 1 dollar per meter si qera dhe po shteti i paguan kti privati 100 dollar per meter katror.

Kjo eshte vjedhje e bukur shume ..

Ka than Pjeter Arbnori...Keta nuk jane socialista...por specialista..per vjedhje kuptohet..

Pra Cashku e di se mbas Nanos qendron Koco Kokdhima por nuk ja mban te flase.

Dicka te tille sic duket duan te bejne kta Dado-Kokdhimat me Cashkun...

Te shohëm..

[Fringo]

Te forte jan braro, ne mes te dites te vjedhin.
kaq sylesh paskemi qene ne o ti Braro?
Seriozisht e pyes veten, kaq te humbur?
hajde te thuash se na mbyti bolleku pa se kemi mendjen ke politika.
Te gjithe i dime ca behet, se kush luan me ke etj.
Pse kaq te mekur ne?
Se kuptoj dot o Braro, se kuptoj dot.
Nji gje ta garantoj un ama, kur te plasi do plasi, po me sa shof un, PDse do i ngeli prap ne dore dopjogjashta, se do fitoje e do fillojne te njejtat gjera, dhe attehere do kujtohet te ngrihet ai milet (natyrisht me pak nxitje) dhe prap do e haj si ne 97.
Kta birat e kur vave, po e shkatarrojn ekonomine, rendin ngadal ngadal, dhe tani do mbushin valixhet, e do terihqen pa u ndjere, duke ja lene PDse Shqiperine si ne 92, pa buke, pa uje, pa drita, pa rend, ne dore te grekut etj.
Po me duket se dhe Sala e ka kuptuar pak lojen dhe po i kerkon grekut falje qe i ka kthyer llafin, ne Himare, dhe po i thote, na mbeshtet ne, se dhe ne po aq te korruptuar jemi si PSja.
Po veshtire, vertet kam frike se do ju ngeli prap ne dore PDse.
ishalla jo lus zotin qe jo, po ja do e mash men do thush, e parashikoi ai Mancistja kur po boshim muhabet per ate magazinen qe rregulloi me jevgj (lol)

[Brari]

Po vallaj Mancisto..po bejne namin disa andej..

Ka nje tradit ne Shqiperi qe ne nje revolucion ose levizje disa shkojne si ajo pela e artilerise qe ngarkohet rende me arka municioni e terheq ato shtrate te renda topi e ca shkojne kaluar mbi gomar ose kale.

Kur mbaron puna..veshtirsia e qetsohen gjerat vec kur shikon se pelat e sterlodhura ( ose ushtaret e raskapitur) mblidhen ne nje canak e han ca mbeturina e ne Tavolinen mbushur me kofsha dashi jane te tjere qe hane pijne e bejne qejf.

Ne fillimet e levizjes demokratike disa si k..kandari bridhnin me perhap idet e Demokracise e me u perball me fanatiket e PPSH-se
Disa rrinin menjane e benin sehir.

Kur e mori PD vec kur duallen kta minjte e i shfrytzuan "te mirat" e demokracise e u bene milionere dhe u bene vet dhe i bene dhe kushot e kuneterit socialiste milionera.

Ata k.. e kandarit ngelen me lug druri ne dore duke pritur se ...ja dhe pak se Qeveria ka halle e pastaj do te na ndihmoje. Keta te mjere nuk vodhen e nuk plackiten se besonin ne sloganin Pashko-ist te "startit te Barabarte".

Plas nje si Bombe ne Tiran ne Koh te Berishes..diku tek klubet pran Ministrise Mbrotjes e ne gazete u tha se plasi Bombe ne klubin e Lush Perpalit.
U be sebeb Bomba qe une si shqipo i zakonshem te merrja vesh se nen hunde te Berishes benin klube dhe regresiste fanatike sahanlepires te PPSH-se si Lush Perpali i shoqatave te Enverit.
Me vone degjoj se dhe Taku i Brahove kishte Hotele etj etj..

Nuk jam kunder qe te gjithe kan te drejte te bejne biznes por ne Shqiperi akoma jetonin ne Saver te Lushnjes familje qe i dhan voten Berishes e Berisha nuk i gjeti as nje bunker ne Bathore qe te fusnin Koken kta te internuar gjysem shekullore.


Ata qe u majmen ne koh te PD i ben naften PD-se dhe u ben me PS-ne e sot bejne palle ariu.

Tek PS shof se ka nje far interesimi qe atyre qe lehen per PS-ne ajo u dha shperblime.
I vuri doganiera, Polica, Shefa e u dha mundesi antareve socialist qe te bejne rrufeshem biznes.
Pra Nano ndryshon nga Berisha i cili as nuk i di kush jan ata qe u lodhen per ate e shkon e ben ambasadora Mustafa Nanot..kurse Nano i di kush jane te vetet dhe te tereve u var nga nje melci ne qafe ta lepijne.

Edhe me Enverin keshtu ndodhi..

Sa katundare u vrane te mbrojne Enverin dhe mullaqet e tije ( se ai dhe ne lufte peshonte 100 kilogram nga te ngrenat qe bente si pasha) dhe Enveri as qe mori mundimin te dinte se kush u lodh per ate.
Perjashto nje kile molle qe u jepnin familjeve te deshmoreve per 5 Maj asnji privilegj tjeter nuk kishin Nenat e deshmoreve.

Mendo pastaj kur atij i shkrepej te kosiste "armiq" neper plenume dhe vargu i atyre familjeve qe e pesonin me burgje dhe internime nuk kishte te mbaruar.

Keshtu Mancisto..

Pyete babane me qe e ke Oficer..Sa oficera e ministra e hengren kur zbulonte ai grupe armiqesore..

Gjynaff..

Qeverine Meksi e mora inat qe ne fillim sepse nga nje artikull qe ja bente opozita e athershme ku i thoshte se ti Meks ke blere vetura luksi per ministrat dhe Meksi nxorri nje liste ku thoshte se ..jo skam blere aq shume por vetem ca Tojota e ca Rovera a ku di une..

Une athere mendova..

Po mire a nuk jane ne park te Shtetit ato benzat e ish byroistave e ato Fiatet e Volvot e parkut te delegacioneve...Jane sigurisht dhe te mirmbajtura....
Byro ska me as KQ ..Pra cfar e pengon Meksin qe ministrave tu japi Fiata e Volvo te ish ministrave te Hoxhes?
asgje..
Pse u dashka per su-men e Tan Hoxh pederit e Tritan Sheh Prasit e ca mamlukve tjere Vetura te reja qe sipas listes se Meksit kushtonin nga 20-30 mije dollar njera..??

A nuk e dinte Meksi se Spitalet Shqiptare te Ramiz Ver Hoxhes kishin perfundu ne Nevojtore dhe se skishin as carcafa maternitet??

Cjane keta m-uta mendonjam une..qe nuk mund ti vene mullaqet ne veturat e Xhelil Gjjonve e Pal Miskave e dashkan te reja...??

Per mua kaq mjafton te kuptoj sa vlen nje politikan..

Pse eshte i madh MAHATMA GANDI..

Sepse ishte model i njeriut te sakrifices e i Thjeshtesise..
Ishte president i Indise se varfer e sja lejonte vetes luksin..
Nje carcaf mullaqeve mbante i ziu Mahatma e nje dhi per dore..

pse sot nuk kane asnje vlere diktatoret qe jetuan ne luks e dynjane e plasen burgjeve..qe vet u mbyllen brenda Kremlinave e ndrronin cdo nate balerinat dashnore e popullin e ngordhnin urije si Stalini e kopjet e tije ne Lindjen Komuniste duke perfshire dhe Byroistat tane origjin cobanesh..qe mesuan te jetojne 40 vjet ne banxa e Vila me nga 120 sherbetore mbas bi-the..



qashtu Mancist djali..

[dodoni]

Zog i çorientuar apo më keq?


ARDIAN KLOSI

Zotit Stefan Çapaliku
Drejtor i drejtorisë së Librit në Ministrinë e Kulturës

I dashur Stefan,
Të falënderoj si shok e koleg për ftesën që më kishit dërguar para pak kohësh për të marrë pjesë në “Shtegtimet letrare”, takim që zhvillohet këto ditë në Shkodër si një tryezë dhe udhëtim i përbashkët autorësh shqiptarë dhe përkthyesish të tyre në gjuhë të huaja. Ndihem natyrisht i nderuar pse mund të bëja pjesë në këtë grup të zgjedhur dhe e di, nga raste të mëparshme, që je organizator niveli e që s’le njeri të pakënaqur. Mirëpo, i dashur Stefan, kur pashë në programin përkatës se autorët dhe përkthyesit i pret në një darkë mirëseardhjeje ministria e Kulturës, znj. Arta Dade dhe se është po kjo zonjë që të nesërmen i çel „Shtegtimet letare“ me një fjalë përshëndetëse, unë u ndjeva ngushtë, dua të them e ndjeva veten tepër të ngushtuar që do të merrja pjesë në ca shtegtime të prira prej kësaj zonje. Për arsyet që do t’i shpjegoj më poshtë vendosa atëherë të mos i përgjigjem ftesës suaj dhe të mos shtegtoj me kolegët shkrimtarë e përkthyes në fluturime që i çel një zog kaq pendërënë dhe kaq i çoroditur, që e quan veten ose quhet prej kryezogut të saj, nuk dihet për kushdi ç’kombinim rrethanash, Ministër i Kulturës i shqiptarëve. Mund të më thuash se ne mund të mos jemi dakord me aksh apo akcil ministër e megjithatë duhet të marrim pjesë në jetën aktive të vendit. Bojkoti nuk është mënyra e drejtë, e pranoj i dashur Stefan; ne nuk mund t’u kthejmë kurrizin ngjarjeve kulturore në vend pse qëlloi që ndërkohë të kemi këtë ministre. Mirëpo bojkotimin në fjalë unë e bëj sepse më ngjan se personi i veshur aktualisht me ministrimin e kulturës shqiptare sot e ka mbushur kupën e nëpërkëmbjes së kulturës në atë masë sa nuk mban më. E shfrytëzoj pra këtë rast për të tërhequr vëmendjen e lexuesit e të opinionit publik për disa veprime të kësaj ministreje që nuk do mund të përfytyroheshin në asnjë vend të civilizuar të botës, aq më pak në një vend të vogël si Shqipëria, ku risitë dhe prurja kulturore janë kaq të pakta, sa nuk ke si t’u biesh me shqelm edhe atyreve pak që janë, sikurse bën znj. Arta Dade, e kështuquajtura ministre e Kulturës së Shqipërisë.

1. Prej muajsh, në mos prej vitesh kjo ministre bllokon projektin e rëndësishëm të ngritjes së një Shkolle të Lartë të Kinematografisë në ish-ambientet e Kinostudios „Shqipëria e re“. Ky projekt, për të cilin lexuesi tashmë ka dijeni, sepse vetëm në „Shekulli“ disa herë janë botuar protestat e përçuesit të tij të palodhur Kujtim Çashkut dhe intelektualëve të tjerë shqiptarë, është mbështetur ndërkohë me mijëra euro e mijëra dollarë: konkretisht, nga Ministria e Jashtme franceze, që ka rënë dakord në parim të financojë me 300.000 euro kryerjen e tri viteve të para e që ka derdhur ndërkaq 40.000 dollarë, nga Fondacioni Soros që jep 30.000 dollarë për studentët (të gjitha këto të holla janë depozituar në llogarinë përkatëse bankare dhe rrezikojnë „të digjen“ e të kthehen mbrapsht të papërdorura), ProHelvetia jep njëkontribut prej 14.000 frangash zvicerane në formë librash dhe mjetesh të tjera mësimore, ndërsa Departamenti i Shtetit amerikan garanton prurjen dhe financimin e disa mësimdhënësve nga SHBA për vitet e para. Po kështu ka shprehur gatishmëri për ndihmë Ministria e Jashtme gjermane, përmes ambasadës së saj në Shqipëri. Të gjithë këto ndihma e fonde konkrete rrezikojnë të zhbëhen pse ministria jonë e rastësishme e Kulturës, bashkë me qeverinë që ajo përfaqëson nuk duan të japin firmën e tyre për lëshimin me qira të një sipërfaqeje prej vetëm 3000 metrash katrorë në një truall të përgjithshëm prej 30000 metrash katrorë që ka ish-Kinostudioja, e cila vijon dita-ditës rrugën e saj të pandalshme drejt rrënimit dhe kalbjes totale. Librat e destinuar për këtë shkollë, të dhuruar nga Pro Helvetia rrinë të mbyllur nëpër arka, të cilat me sa duket nuk do të arrijnë të shqepen kurrë përsa kohë ministria ose ministrat tanë do vazhdojnë t’i kthejnë mbrapsht ideatorët me ca dokumenta të shqepur që duan të vërtetojnë se „s’e kanë ata në kompetencë“. Bllokimi i një projekti të tillë, i cili do të mund të ringjallte gjininë e kinematografisë në Shqipëri, që mund të quhet praktikisht e vdekur për sa kohë kineastët tanë detyrohen të lypin nëpër gjithë dyert e botës për të realizuar filmat e tyre, qyshse u shemb infrastruktura e filmit tek ne, më vërteton se kjo ministre mund të ketë dashuri për çdo gjë tjetër, por vetëm për filmin e për kulturën shqiptare jo.

2. Para pak kohësh dëgjuam që u mbyll „Biblioteka Britanike“ – „British Library“ një projekt i shkëlqyer i cili tërhoqi prej vitit 1998 në ambientet e QNK (Piramidës) me dhjetëra e qindra fëmijë, të etur për të marrë aty gjuhën e kulturën angleze. Kjo librari, e përkrahur para pesë vjetësh nga ministri i atëhershëm i Kulturës Edi Rama, e ngritur në kujtim të bamirëses së madhe princeshës Diana, sot mund të quhet e vdekur, pasi ministria jonë, natyrisht bashkë me shefat e saj, nuk tregoi asnjë dëshirë që të ruheshin kushtet e qirasë lehtësuese për organizatorët e saj, për t’ia lënë atë sipërfaqe të lakmueshme një biznesi të madh privat që lulëzon ndërkohë një kat më poshtë.

3. Si amator i rregullt i shfaqjeve simfonike e operistike, kam vënë re që kjo ministre prej vitesh nuk duket në asnjë nga premierat e rëndësishme. Apo ndoshta i njeh „Trovatoret“ e „Rigoletot“ kaq mirë sa e ka të mërzitshme t’i ndjekë edhe një herë në skenën shqiptare? Na lind pyetja: kur nuk i intereson as kinematografia, as libri anglisht (ish-mësueses së anglishtes), as muzika serioze, mos ndoshta i interesojnë artet pamore? Shohim më poshtë.

4. S’ka një muaj që u hap Bienalia e Tiranës, një nga të paktat aktivitete kulturore, në mos i vetmi që e vë Shqipërinë në një rang europian, si për nga përmasat ashtu edhe nga ndërkombëtarizmi i pjesëmarrjes. Ministria e Kulturës Arta Dade nuk u shfaq në hapjen e Bienales, madje dëgjova që nuk u duk as në ditët në vazhdim. Me sa duket zhvillimet e artit postmodern europian e botëror e lënë të ftohtë. Ndërkaq jam i sigurt se ajo nuk u mungoi aspak artistëve të kalibrit që prezantuan punët e tyre në Tiranë; por u mungoi padyshim organizatorëve të varfër qesja që ky person përfaqëson dhe që me sa duket e hap ose e mbyll ashtu siç i thonë shijet e saj të kufizuara, ose të diktuara nga faktorë jo- dhe antikulturorë.


Ja pra, i dashur Stefan, që unë ashtu si dhe shumë shokë e miq të tjerë që merren me kulturë, këtë ministre nuk e ndiejmë aspak si përfaqësuese ose zëdhënëse të „Kulturës shqiptare“: ajo u kthen kurrizin edhe atyre pak gjërave që mund ta përlindin këtë kulturë: një Shkolle Kinematografike, një Biblioteke britanike, një Bienaleje. Dhe kur është rasti që të bëjë show, të hiqet si mecene e kulturës e të japë mendime të shkruara, sikurse ndodh tani në Shkodër, del majë podiumesh e mikrofonash pa gjë të keq. Po ta them fare shkurt: si anëtar i kulturës shqiptare e ndiej veten të fyer kur dëgjoj, se këtë kulturë e përfaqëson një ministre e tillë.


I yti
Ardian Klosi




11/10/2003


Plotësisht pajtohemi me juve Ardian Klosi, por kjo Arta Dade a duhet ti jap përgjegjësi ndokujt për punën që bën, apo thjeshtë mund të bëj çfarë të dojë me kulturën shqiptare pamvarësisht dëshirave dhe punës së artistave shqiptar.
Mendoj se kryetari, qeveria, kuvendi duhet të reagojnë menjëherë dhe jo kështu të lënë të shkilen interesat e artit dhe kulturës shqiptare dhe të drejtat për të bërë art e kulturë të të gjithë shqiptarëve.

Tung