Lëkundet koalicioni VMRO-DPMNE-BDI

[Faik]

Lëkundet koalicioni VMRO-DPMNE-BDI

24/04/2009 16:13:39


Zyrtarë nga radhët e Bashkimit Demokratik për Integrim (BDI), hapur kanë shprehur pakënaqësitë rreth pozitës së tyre në Qeveri. Ata vlerësojnë se pozita e partisë së tyre në Qeveri duhet të përforcohet dhe Marrëveshja e Ohrit të merr epilogun

Megjithatë, Nënkryetarja e BDI-së, Teuta Arifi sot i mohoni zërat se brenda kësaj partie po debatohet për braktisjen e koalicionit qeveritarë.
“Në parti nuk po debatohet për çështjen e daljes nga Qeveria. BDI hyri në Qeveri me legjitimitet të plotë të votuesve të saj, por gjithsesi mund të ketë debat në raport me politikat qeveritare”, theksoi Arifi e pyetur për ta komentuar deklaratën e kolegut të saj partiak Rafiz Haliti se partneri i tyre VMRO-DPMNE duhet sa më shpejtë të gjejë zgjidhje për çështjen e emrit përndryshe humbet durimi.
Deputetja Arifi tha se BDI-ja do të nxisë një debat konstruktivë me partnerët e koalicionit për të gjetur sa më shpejtë një zgjidhje për çështjen e emrit. “Nuk mund të them se kemi propozim të përgatitur, por interesi jonë i madh si parti politike dhe si përfaqësues të shqiptarëve është integrimi i shpejtë”, u shpreh Arifi.

Ajo theksoi se pozicioni i BDI në Qeveri duhet të përforcohet dhe se mund të bëhet më shumë në implementimin e Marrëveshjes së Ohrit.
Të enjten deputeti Rafiz Haliti shprehu pakënaqësi për pozitën e partisë së tij në Qeveri.

"Ne nuk mund që të qëndrojë duarkryq kur është në pyetje integrimi i vendit. Jemi të gatshëm që të sakrifikojmë edhe rejtingun tonë, por durimi nuk mund të jetë i pafund, pasi edhe ne kemi presione nga elektorati jonë. Nuk pranojmë të jemi të barabartë në BE, e të diskriminuar në shtëpi", ka thënë Haliti.
Haliti theksoi se Marrëveshja e Ohrit e cila parasheh përmirësimin e pozitës së shqiptarëve në Maqedoni nuk po implementohet në praktikë.
"Jemi të vetëdijshëm se një pjesë e Ligjeve që kanë të bëjnë me Marrëveshjen e Ohrit nuk implementohen në praktikë, siç është përdorimi i gjuhës shqipe në disa komuna, ku shqiptarët janë mbi 23 për qind, pastaj tabelat rrugore edhe më tej mbetën vetëm në gjuhën maqedonase. Jemi të vetëdijshëm për këtë situatë... Kërkojmë me çdo kusht që të gjitha ligjet që kanë të bëjnë me Marrëveshjen e Ohrit, të implementohen në praktikë", ka thënë Haliti. Ai ka theksuar se Kryesia Qendorore e BDI-së do të diskutojë se çfarë duhet të ndërmerret për të evituar këto probleme.

VMRO-DPMENE vlerëson propozimin e BDI-së


Partia VMRO-DPMNE pozitivisht e vlerëson pozicionin e BDI-së se është e gatshme të jap propozime dhe ide shtesë për zgjidhjen më të shpejtë të çështjes së emrit. Ky është qëndrim i partisë VMRO-DPMNE i cili erdhi pas deklaratës së nënkryetares së BDI, Teuta Arifi. Lidhum me implementimin e Marrëveshjes së Ohrit nga kjo parti potencojnë se institucionet duhet të vazhdojnë të punojnë për realizimin e tij, posaçërisht në pjesën e përfaqësimit të bashkësive etnike në institucionet e shtetit. (INA)

**********************************************

Haliti: S’do ta presim gjithmonë VMRO-në
Lexoni komentet poshte linkut...

http://www.lajmpress.com/index.php?f...aqlajm&id=5123

**************************************

Zymberi: BDI të ngrejë zërin për interesat e shqiptarëve

24/04/2009

Për deputetin Abedin Zymberi nga Demokracia e Re, politika e pakuptimtë e qevrisë aktuale për sa i përket vënies së raporteve diplomatike me Republikën e Kosovës, edhe një herë dëshmon se participienti shqiptarë në qeveri BDI vazhdon me politikën e saj të pakuptimtë dhe hutuese për shqipatrët në Maqedoni por edhe në Kosovë. Zimberi gjithashtu ka kërkuar nga partia shqipatre në qeveri, BDI që të mos luaj rolin e kukullave në këtë qeveri, por të ngrejë zërin dhe të qëndrojë në mbrojtje të interesave të qytetarëve shqiptarë të Maqedonisë.

“E rikujtojmë qeverinë se një e treta e popullatës në Maqedoni janë shqiptarë, andaj kërkojmë nga kjo qeveri që të ketë parasysh edhe ndjenjat shpirtërore por edhe lidhjet familjare dhe të biznesit që shqiptarët e Maqedonisë kanë me Republikën e Kosovës. Poashtu kërkojmë urgjentisht nga kjo qeveri që të vendosë raporte diplomatike me Kosovën dhe të jetë promotor për të patur fqinjësi të mirë me të gjitha shtetet fqinje. Kërkojmë që të mos bëj ndarje mes dfqinjëve sepse me këtë politikë kjo qeveri po dëshmon se nuk promovon vlerat e bashkëpunimit qoftë politik ekonomik por edhe kulturor.”, thotë deputeti Abedin Zimberi.

[Faik]

BDI rebelohet, pranon ndikimin e zbehtë në Qeveri

Bekim MURATI

Shkup 23 prill - Pakënaqësitë e Bashkimit Demokratik për Integrim rreth pozitës dhe ndikimit në Qeverinë e Gruevskit çdo ditë e më tepër po rriten.

Duke e parë veten "të izoluar" dhe duke mos mundur të stopojnë projektet qeveritare që dedikohen vetëm në ato vende ku mbisundojnë maqedonasit, zyrtarë të BDI-së tani do të përpiqen që nëpërmjet trysnisë për zgjidhjen e emrit, të fitojnë më shumë hapësirë brenda kabinetit qeveritar. Madje, në Kryesinë Qendrore të partisë po shqyrtohet mundësia edhe e braktisjes së koalicionit qeveritar. Pas rezultateve në zgjedhjet lokale dhe humbjes së dy qyteteve më të mëdha - Tetovës dhe Gostivarit, partia shqiptare në pushtet si duket e ka parë atmosferën e elektoratit shqiptarë, dhe me këtë, BDI mendon se VMRO do të lëshojë pe, vetëm nëse partneri shqiptar i koalicionit heq dorë nga mbështetja për emrin. Afatin përfundimtar që BDI mendohet t'ia dorëzojë VMRO-së rreth problemit me emrin, është qershori. Nënkryetari i BDI-së, Rafiz Haliti, në emër të integrimit, ka deklaruar se partia e tij është në gjendje të sakrifikojë për të ardhmen e vendit, ndërsa durimi i tyre nuk është i pafund.

"Ne nuk mund që të qëndrojë duarkryq kur është në pyetje integrimi i vendit. Jemi të gatshëm që të sakrifikojmë edhe rejtingun tonë, por durimi nuk mund të jetë i pafund, pasi edhe ne kemi presione nga elektorati jonë. Nuk pranojmë të jemi të barabartë në BE, e të diskriminuar në shtëpi", ka thënë Haliti. Ai ka shprehur brengosjen e kësaj partie edhe për zbatimin e Marrëveshjes së Ohrit në praktikë. "Jemi të vetëdijshëm se një pjesë e Ligjeve që kanë të bëjnë me Marrëveshjen e Ohrit nuk implementohen në praktikë, siç është përdorimi i gjuhës shqipe në disa komuna, ku shqiptarët janë mbi 23 për qind, pastaj tabelat rrugore edhe më tej mbetën vetëm në gjuhën maqedonase. Jemi të vetëdijshëm për këtë situatë... Kërkojmë me çdo kusht që të gjitha ligjet që kanë të bëjnë me Marrëveshjen e Ohrit, të implementohen në praktikë", ka thënë Haliti.

Nënkryetari i BDI-së nuk ka dashur të shprehet se deri kurë do të zgjatë, siç thotë ai, durimi i kësaj partie, megjithëse për secilin hap të mëtejmë do të vendosë Kryesia Qendrore. Ndërkohë, në partinë e Ahmetit, sikurse vitet që po kalojnë, edhe kësaj radhe kanë paralajmëruar se deri në fund të këtij viti, do të zgjidhet edhe statusi i familjeve të dëshmorëve dhe invalidëve të luftës. Ndryshe, BDI në shumë projekte që po realizohen dhe disa që pritet të fillojnë, e që kanë të bëjnë vetëm për maqedonasit, por me buxhetin edhe të shqiptarëve, nuk e ka ngritur zërin sa duhet. E "gënjyer" se Ligji i gjuhës do të respektohet, ligj që u vlerësua gjysmak nga analistët dhe opozita shqiptare, pastaj ndërtimi i Kishës ortodokse në sheshin e Shkupit, mosimplementimi i Marrëveshjes së Ohrit në disa institucione shtetërore, ngecja e miratimit të Ligjit për veteranët e UÇK-së, refuzimi i kryeministrit të disa kuadrove të BDI-së në disa institucione shtetërore..., ka bërë që BDI të shqyrtojë pozitën e saj në Qeveri. Madje, këtu bënë pjesë edhe lojaliteti i partisë së Gruevskit kundrejt Serbisë rreth Kosovës. (KOHA)

[Faik]

BDI në krizë, planifikohen largime

27/04/2009 18:30:12

Bashkimi Demokratik për Integrim (BDI) është e përfshirë në krizë të brendshme pas disfatës në zgjedhjet e fundit.

Burime të larta partiake kanë theksuar për televizionin A1, se partia është në prag të përçarjes dhe largimit të një numri të kuadrove të vjetra në kuadër të kësaj partie.

Sipas A1, fshesa partiake do të përfshijë nënkryetarët e partive duke filluar nga Rafiz Haliti, Musa Xhaferi dhe Fazli Veliu. Poashtu janë paraparë edhe ndryshime statutore në këtë parti, por duke mos bërë të ditur detaje më të hollësishme rreth ndryshimeve të paralajmëruara. (INA)

[Llapi]

Partia e Selmanit, afër hyrjes në Qeveri?

Imer Selmani

Demokracia e Re e Imer Selmanit është shumë afër hyrjes në Qeverinë e Nikolla Gruevskit. Rekonstruimi i mundshëm i Qeverisë do t’i hapte dyert Selmanit për t’u bërë pjesë e ekzekutivit, kjo pasi partisë së tij pritet t’i bashkëngjiten edhe deputetët që kohë më parë braktisën PDSH-në, Besim Dogani, Daut Rexhepi dhe tani Flora Kadriu, me çka DR-ja do të mund të formonte grupin e vet parlamentar. Nga DR-ja e Selmanit as nuk demantojnë e as nuk pohojnë zërat për përfshirjen eventuale të DR-së në Qeverinë Gruevski. Zëdhënësi i DR-së Arjanit Hoxha në linjë telefonike për Alsat tha se pas zgjedhjeve lokale dhe presidenciale prioritet për DR-në është strukturimi apo organizimi i partisë. “DR-ja nuk imponohet për të hyrë në Qeveri dhe unë edhe njëherë do duhet të tregoj faktin që ne jemi parti opozitare konstruktive”, theksoi Arjanit Hoxha, zëdhënës i DR-së. BDI-ja e Ali Ahmetit nuk dëshiron të ndajë pushtetin edhe me DR-në. Anëtari i kryesisë së BDI-së Xhevat Ademi, i cili përmendet si emër i mundshëm që do të kalonte në radhët e DR-së, tha se nuk është temë e bisedimeve përfshirja e DR-së në ekzekutiv. “Në BDI, në organet vendimmarrëse nuk flitet për rikonstruim eventual të Qeverisë, aq më tepër për këtë çështje nuk flitet as mes partnerëve të koalicionit VMRO-DPMNE-së dhe BDI-së, kështuqë nuk parapëlqej të prononcohem për situata hipotetike”, shtoi Ademi. I pyetur se a është e pranueshme për BDI-në që të ndajë pushtetin me DR-në së bashku, anëtari i kryesisë së BDI-së Xhevat Ademi u përgjigj: “Ne nuk flasim për këto gjëra, ngase nuk është temë e shtruar e bisedimeve në organet vendimmarrëse të BDI-së, aq më tepër kur sipas të gjitha analizave që kemi bërë ne në parti, koalicioni qeveritar është duke funksionuar pa probleme.” Ndërsa i pyetur se a keni informata nëse partneri i koalicionit Gruevski është duke biseduar me Selmanin, Ademi, shtoi shkurt: “Kemi informata se nuk është duke biseduar.” Kryeministri Nikolla Gruevski tha se për përfshirjen e DR-së në Qeveri nuk ka biseduar as me partnerin e koalicionit Ali Ahmetin e as me Imer Selmanin.

“Për DR-në nuk kemi ashtu bisedime, nuk kemi planifikuar diçka të tillë”, theksoi Gruevski. Ndërkohë, burime brenda partisë së Selmanit thanë për Alsat se nuk janë të kënaqur me rolin e subjektit politik shqiptar BDI-së në Qeverinë e Gruevskit, dhe se këtë sipas tyre e vërteton edhe rënia e besueshmërisë së partisë së Ahmetit. Të njëjtat burime thonë se DR-ja ka marrë legjitimitetin në zgjedhjet e kaluara presidenciale, andaj edhe nuk do të ishte aspak kontestuese përfshirja eventuale e saj në Qeveri.

[Raim]

Forumi eshte per te diskutuar e jo per te na sjelle lajme copy-paste, se i lexojme vete neper mediume.

Thjeshte kush eshte qendrimi dhe mendimi yt Faik ne lidhje me temen qe e ke postu, se per ndryshe tema duket shume e zbehte pa qellim?

[RaPSouL]

Lëkundjet vërehen, më vonë do të shkruaj diçka më shumë në lidhje me çështjen në fjalë.

[RaPSouL]

Lëkundjet vërehen, më vonë do të shkruaj diçka më shumë në lidhje me çështjen në fjalë.

Hajde be RaPSouL djali se te presim

[RaPSouL]

Hajde be RaPSouL djali se te presim

Çe bre Armend djali, do ishte më mirë që të komentosh diçka të vlefshme se sa të meresh me punë skenerash.


Kthehemi tek tema, sa i përket koalicionit të "fuqishëm" VMRO - bdi është afër fundit në fakt nuk ka qenë asnjëher në kulminacion të ndonjë top forme ta quanim por ja që fundi dalngadal po afron.

E gjithë kjo pritej që nga hyrja në qeveri e BDI-së duke shikuar kushtet me të cilat pranoi të futet në qeveri, pra kushtet që ishin asgjëja. Duke rrjedhuar kjo qeverisje ditë pas dite e muaj pas muaji vërehej qart ulja e përfaqësimit të interesave dhe politikës shqiptare në këtë shtet artificial. Moslejimi i ndërhyrjes së partisë "shqiptare" në veprime që ndërmerte qeveria e Gruevskit ishte një nga pikat të cilat qart treguan se BDI-ja në këtë koalicion u fut vetëm për para xhepi e jo për të përfaqësuar popullatën shqiptare në Maqedoni.

Duke mos cekur ndodhit e llojllojshme që nga ndërtimet e kishave në vend të xhamive etj etj...Mospërfaqësimi i shqiptarëve në këtë qeversije u vërejt ende më qart me mos thirrjen e presidentit të Rebuplikës së Kosovës, Fatmir Sejdiut me rastin e përurimit të presidentit të ri të Maqedonisë Ivanovit (që u zgjodh pa votën e shqiptarëve por me fuqin sllave në këtë shtet dhe me ndihmesën që i dha BDI-ja që ta fitoj garën).

Ja edhe Fatmir Sejdiu anuloi takimin meqë u ndryshua mënyra e atij takimi.

Presidenti i Kosovës anulon vizitën në Shkup

Në fakt pritej nga partia shqiptare në pushtet më shumë pritej që të ngrej zërin lart kundër VMRO-s për gjithë këto diskriminime ndaj shqiptarëve, por ndodh e kundërta, përfaqësuas të BDI-së me plot vendosshmëri dalin para mediave dhe deklarojnë se punët po shkojn në regull dhe se gjithçka është ndryshe nga ajo që shihej, me një fjalë realiteti nuk është ashtu, thonin ata të gjorët dhe vazhdojnë të thonë edhe ditëve të sotme nëpër media.

Më ka marur malli që të shoh Ali Ahmetovskin para mediave me ndonjë deklarat reth këtij koalicioni dhe qeverisjes së partisë së tij, por vetëm ndëgjojmë grindjet brendapartiake që kanë dhe asgjë tjetër të vlefshme që do të sillte ndonjë fryt për ne si popull shqiptar në Maqedoni.

Duke përmbledhur gjithë këtë vim në përfundim se BDI-së pasi i mbushi xhepat me para plotë nuk i ka ngelur gjë tjetër përveç dorëheqjes dhe prishjes së koalicionit me VMRO-n ose ka edhe një opcion tjetër që mund të veproj sipas tij është të merr edhe ndonjë partner tjetër në koalicion, si psh DR-n që flitet shumë kohëve të fundit.

Kam vetëm një fjalë për ta përfunduar gjithë këtë, Ali it's over!


Me tmira!

[RaPSouL]

Gjithçka po shkon në drejtim të asaj që thash më lart, opcioneve që i kanë ngelur BDI-së. Me sa duket shumë afër braktisjes së qeverisë jan edhe pse nuk e pranojnë një realitet të tillë.

PS e USHT-së: Studentët të implikuar me partinë në pushtet

Ahmeti: BDI nuk do ta braktisë Qeverinë

PDSH: Ivanov dhe Gruevski lojë të rrezikshme antishqiptare

Qeveria e Maqedonisë keqardhje për Sejdiun

[RaPSouL]

Katastrofale Ali Ahhmetovski shpreh keqardhje për mosardhjen e presidentit Sejdiu e jo të ndërmer ndonjë masë që ka në dorë për të intervenuar politikisht ndaj politikës sllave që po zhvillohet, katastrof katastrof!!

Lexoni me posht..

Ahmeti pas anulimit të vizitës së Sejdiut: Koalicioni qeveritar vazhdon

Partnerët e koalicionit qeverisës VMRO-DPMNE dhe BDI shprehën keqardhje për anulimin e vizitës së presidentit kosovar Fatmir Sejdiu duke shpresuar që një vizitë e tillë të realizohet në një të ardhme të afërt. Lideri i BDI-së Ahmeti nga ana tjetër, tha se BDI do të angazhohet në avancimin e klimës së mirë të raporteve ndërfqinjësore.
“Dua të besoj tek vullneti i mirë dhe dominimi tek të dy presidentët i këtij vullneti që çështjet e vogla të kapërcehen dhe të kenë një qasje shumë më serioze në drejtim të avancimit të raporteve mes të dy institucioneve presidenciale Maqedoni dhe Kosovë. Nuk mendoj që as zoti Sejdiu as institucionet e Kosovës, por as ndonjë institucion tjetër mund të pajtoheshe që BDI ta braktis koalicionin qeverisës në Maqedoni sepse nuk do të ishte në leverdi as të Kosovës as të Maqedonisë”, deklaroi Ali Ahmeti kryetar i BDI.
“Ne shprehim keqardhje për shkak të anulimit të vizitës së presidentit të Kosovës Sejdiu, shpresojmë se në të ardhmen një vizitë e tillë do të realizohet për shkak se Kosova dhe Maqedonia janë partner dhe miq të cilët duhet t’i zhvillojnë marrëdhëniet e tyre në të ardhmen dhe t’i shfrytëzojnë të gjitha perspektivat pozitive që u janë në dispozicion”, tha Ilija Dimovski, deputet i VMRO-DPMNE.
Ndryshe nga shumica, për opozitën, kjo lojë rrezikon marrëdhëniet mes dy vendeve. Sipas subjektit politik shqiptar, qëndrimi i tillë i presidentit Ivanov dhe bashkë me të, edhe i Qeverisë së RM-së është nënçmues për shqiptarët dhe si i tillë përkeqëson jo vetëm raportet me Kosovën, por edhe marrëdhëniet ndëretnike në vend. Vllado Buçkovski nga LSDM-ja opozitare, thotë se marrëdhëniet mes Maqedonisë dhe Kosovës po çalojnë.
“Megalomania e qeverisë dhe me këtë e dhe e këtij Ivanovit, i tejkalon përmasat e shqiptarëve të Maqedonisë, tashmë ky nënçmim ka marrë përmasa katastrofale. PDSH-ja kërkon nga qeveria e Kosovës, Presidenti i Kosovës, qeveria shqiptare, presidenti i Shqipërisë ta rishqyrtojnë qëndrimin dhe të përgjigjen me reciprocitet ndaj këtyre veprimeve megalomane dhe në këtë mënyrë të dalin në mbrojtje të identittetti të shqiptarëve nga kjo lojë e rrezikshme që po instalon Gruevski dhe Ivanovi. Duke marrë parasysh se kjo qeveri veçmë haptas po mbron interesat serbe, do t’iu përgjigjem me një thënie poashtu serbe. “kad nema postovanje, istomerom nisto manje, i od nase strane nema postovanje”. Ne si PDSH apelojmë deri te SHBA-të dhe bashkimi evropian që të ushtrojnë trysni ndaj Gruevkit dhe Ivanovit që urgjentisht të ndërpresin këtë strategji antishqiptare”, u shpreh Imer Aliu, deputet i PDSH-së.
“Presidenti i shtetit duhet të ndërtoj marrëdhënie të mira ndër-fqinjësore dhe në rastin konkret meqë bëhet fjalë për Republikën e Kosovës një akt i tillë jo vetëm që do ti keqësoj marrëdhëniet dypalëshe me Republikën e Kosovës po i keqëson edhe marrëdhëniet ndëretnike në Republikën e Maqedonisë, duke pasur parasysh numrin e popullatës shqiptare që jeton këtu, sigurisht edhe lidhjet emocionale me bashkëkombësit e tyre në Kosovë. Mendojmë se pati mundësi presidenti Ivanov që ta përmirësoj një gabim i cili u bë në ditën e inaugurimit, pati mundësi që të demonstroj se është i gatshëm që të ndërtoj marrëdhënie diplomatike në nivel ambasadorësh me Republikën e Kosovës, megjithatë siç e shohim edhe kësaj radhe ra në provim”, tha Sulejman Rushuiti, deputet i DR-së.
“Sipas mendimit tim vazhdon episodi fatkeq që filloi me inaugurimin e presidentit Ivanov. Duke dashur që tani ta përmirësoj gabimin, kabineti i presidentit vlerësoj se bën edhe një gabim, duke mos pranuar se realiteti është ai dhe se në rethin tonë kemi një fqi të ri. Dhe në rast se veçmë e kemi njohur Kosovën edhe përkundër se akoma nuk kemi vendosur marrëdhënie diplomatike në nivel ambasadorësh, duhet të trajtohet vizita e tij si vizitë shumë e rëndësishme për Republikan e Maqedonisë. Për mua shumë pak ka rëndësi se do të jetë oficiale apo takim pune”. Por vlerësoj se diçka po çalon në marrëdhëniet jo vetëm mes presidentit të ri dhe presidentit Sejdiu, çalojnë marrëdhëniet mes Kosovës dhe Maqedonisë, sepse veçmë kanë kaluar më tepër se 6 muaj që kur e kemi njohur Kosovën, a akoma nuk kemi vendosur marrëdhënie diplomatike, për mua kjo është çështje më e hapur se sa kjo. Këtë do t’ia mveshim mos-përvojës të kabinetit të presidentit të ri”, deklaroi Vllado Buçkovski, deputet i LSDM-së.
Kjo është hera e dytë që komunikimi i Shkupit zyrtar nuk i shkon për shtat marrëdhënieve fqinjësore. Edhe gjatë inaugurimit të Presidentit Ivanov, presidenti i Kosovës Sejdiu u anashkalua, me ilustrimin se ai do të ftohej në një vizitë. Por edhe vizitës, iu ndryshua karakteri, pa solemnitete, gjë që çoi në anulimin e vizitës së Sejdiut.

Alsat