Sipas nje gazete angleze e quajturflitet per bukurine dhe artin e bere nga Edi Rama.
Për herë të parë galeria me famë botërore "The Tate Galeries", buzë lumit Tames në Londër, do të ekspozojë punën krijuese të një artisti shqiptar. Eshtë pikërisht artisti Anri Sala që ka fituar të drejtën e ekspozimit në këtë galeri, në fillim të muajit të ardhshëm. Ai do të prezantohet në një ekspozitë me gjashtë videokaseta, ku shfaqen përpjekjet e kryebashkiakut Edi Rama për të përmirësuar pamjen e Tiranës.
Konceptimi i punës
Do të jenë gjashtë monitorë televizivë që do të trasmetojnë imazhet e fiksuara gjatë periudhës së ndryshimit së pamjes në kryeqytetin shqiptar. Mijërat vizitues do të kenë mundësi të ndjekin nga afër gjendjen panoramike të Tiranës para tre vitesh dhe tani, ku pas një "revolucioni" me lyerjen e pallateve me shumë ngjyra, të iniciuar nga Edi Rama, kryeqyteti shqiptar ka marrë një pamje krejt ndryshe. Pikërisht shumëllojshmëria e tyre ka ngacmuar artistin shqiptar, që në emër të artit modern i cili nuk njeh kufi, të ndërtojë disa kaseta filmike me këto pamje. Aspak çuditërisht për natyrën e kësaj galerie, kjo ide e Anri Salës është pranuar pas disa komenteve pozitive nga juria seleksionuese. Pritet me shumë interes dita e fillimit të shfaqjeve të videos shqiptare, të cilat janë cilësuar si e veçanta e pranimeve artistike moderne për këtë vit. Numri i artistëve nga e gjithë bota që kanë paraqitur punët e tyre për t'u ekspozuar në këtë galeri ka qenë shumë i madh, por ideja e Salës ka qenë e veçantë, gjë e cila ka ngjallur kureshtjen në jurinë seleksonuese të punëve të paraqitura.
Galeria e princit
"The Tate Galeries" u hap zyrtarisht në 23 korrik të 2003 nga djali i madh i mbretëreshës Elisabeta II, prici Charles i Wellsit. Gjatë gjashtë muajve të parë të hapjes kjo galeri u vizitua nga 120 000 vizitorë nga e gjithë bota, dy herë më shumë se sa mendohej. E veçanta e kësaj galerie, ku dominon arti modern, është se ajo është kthyer në pikën më të preferuar për të dashuruarit të cilët gjejnë një atmosferë krejt ndryshe nga bota që i rrethon. Megjithëse një nga galeritë më të vizituara në botë, atje mund të hyhet falas, madje në ballkonin e saj mund të shijosh një kafe duke soditur pamjen magjepsëse të Londrës gjë që ta lejon lartësia e ndërtesës. Disa artistë shqiptarë që kanë emigruar në Britaninë e Madhe e kanë komentuar lajmin e pranimit të Salës në këtë ekspozitë si një sukses të artit shqiptar, në veçanti të atij modern.
Përgjigju Duke Cituar
Krijoni Kontakt