Si vjen bashkimi kombëtar?

[ganoid]

illiriani 01
ilirian kete fjale mbaje mend se do te ta kujtoj shpesh bile aq shpesh sa do merzitesh .

[illiriani]

Nora e ke të drejtën e plotë
të ma kujtosh këtë fjalë gjithmonë
jo që mërzitem, por do të shtohen energjitë - zjarr zemre!

Nderime!

post skript:
zemra ka zjarr
po dhe në varr
që dogji një jetë
vetëm Një Fjalë
për një të vërtetë
- pa halë!

[Lekë Rezniqi]

Të nderuar miq, ju anëtarë të Forumit Shqiptar,

Këto mendimet e fundit mbi monarkinë si "NJËRA" nga zgjidhjet për Bashkim Kombëtar, i përkrah plotësisht. Theksoj se kjo mund të ishte njëra prej mundësive, duke lënë gjithmonë hapësirë për të tjera gjithsesi.

Do të isha shumë mirënjohës sikur ilirian01 i nderuar të ma sqaroje këtë se në Forum shkruhen vetëm dokrra. Të lutem mos më keqkupto nuk jam duke shkruar në ironi, seriozisht ma sqaro.

Dhe së treti, a do të kishit mundur ju të nderuar anëtarë të Forumit të më tregonit diçka më tepër mbi konferencën "Shqiptarët dhe fqinjët" që u mbajt para pak ditësh në Luçernë të Zvicrrës?
Në gazeta këtu shkruajnë, por kisha dashur ndoshta edhe disa hollësi mbi këtë konferencë.

Edhe një gjë për fund. Nuk është marketing.
Sot në mëngjes pashë gazetën ndër më të mëdhajat në Shqipëri "Shekulli" se ka filluar të dalë në shitje dhe në Kosovë. Ju them të drejtën "Zemra ma më është bërë", diçka më tepër ka filluar të ecën përpara në drejtimin e duhur. Pra, mediat filluan një ndërlidhje jo vetëm bashkëpunimi që tani është më aktuale, por edhe individuale. Më duket se më kuptoni.

Leka nga Prishtina

[Puhiza]

Shume interesante kjo ideja e botimit te gazetave edhe ne Kosove e kudo qe ka shqiptare. Madje, dicka e tille duhet te behet dhe me bashkeveprimin e shtepive botuese per shperndarjen e librit, te pakten te atyre qe presupozohet se ndikojne pozitivisht ne krijimin e nje atmosfere me te afert.

[AsgjëSikurDielli]

Te gjitha shtetet e botes ja jane transformuar qemoti ja po transformohen prej monarkive ne republike, ne deshirojme te transformohemi prej republikes ne monarki.

"Zot e djall c'po ndodh me mua..."


StarCraft.

[Brari]

nga trepca.net



Procesi i pavarësisë së Kosovës i ngjajshëm me atë të Shqipërisë?


-------------------------------------------------------------

Dje në Shqipëri Lidhja e Kombeve sot në Kosovë Organizata e Kombeve të Bashkuara, në atë kohë ShBA-të sot SHBA-të, dje Franca sot Franca, dje Anglia sot Anglia, Rusia dje, Rusia sot, dje Konferencën e Ambasadorëve në Paris sot Rambujea. Dje Vilhem Vidi, sot Adminitratori i OKB-së (Hakerupi, Steineri), dje Shqipëria nën Protektorat, sot Kosova de facto protektorat, dje "Statut aoganique de l`Albanie", sot Rezoluta 1244 apo Korniza Kushtetuese e Kosovës, dje "Xhandarmëri ndërkombëtare" sot në Kosovë Policia e OKB-së dhe KFOR-ri

St.Gallen (Zvicër), Nëntor 2002, Zef Ahmeti

Pas dobsimit të Perandorisë Osmane dhe tërheqjes së saj, popujt në e Ballkanit fillojnë të ngrisin shtetet e tyre kombëtare. Organizimi shqiptar për krijimin e shtetit kombetëtar edhe pse me vonesës për shkaqe të përçarjeve brenda shqiptare të asaj kohe ia aritin që me 28 nëntor 1912 të shpallin shtetin e pavarur. Në njohjen e shtetit shqiptar nuk u morën parasysh pikëpamjet etnike në rajon por më shumë ato të interesave të fuqive të kohës.
Shqipëria u njof si shtet i pavarur me kufijtë e sotshëm duke i lënë jasht 50% të territoreve tjera të banuara me shqiptarë.

Në atë kohë ishte dilema nëse shteti duhej të jetë i pavarur e suveren plotë nga turqit apo të çëndroj ende nën obrellën e perandorisë Osamne. Përderisa shqiptarët nuk ia arritnin të merreshin vesh, fuqit hegjemoniste të asaj kohe si Serbia (Jugosllavia) kishte pushtuar Kosovën dhe një pjesë të madhe të Shqipërisë së sotshme dhe përpiqej qe gjithë veriun e saj ta përvetësoj si të vetën. Serbia në atë kohë propagandonte në perendim se Evropa historinë e Ballkanit "duhet ta mësonte nga Serbia", çka edhe ia arrin duke i futur nën pushtetin e saj shumë teritore shqiptare.

Mobilizimi gjithëkombëtar për shtet të përbashkët ishte i vonuar. Njohja e shqipërisë ishte një njohje e Shqipërisë së "trungut" duke i lënë jasht po aq territore tjera të cilat iu dhanë Serbisë, Malit të Zi i cili "nga qëndrimi historik mund të shikohet vetëm si një fëmijë i paedukuar i Shqipërisë", dhe Greqisë.

Pas shpalljes së pavarsisë Shqipëria pranohet si shtet i pavarur më 20 dhjetor 1912. Ndërsa hyrja e saj në Konferencën e Londrës vijon më 29 korrik 1913. Shqipërisë iu sigurohet një autonomi nga fuqit e mëdha të asaj kohe. Për sigurinë brenda vendit ishte thirrur ideja për një "Xhandarmëri ndërkombëtare" për të ruajtur qetësinë. Në bazë të pikave të daluna nga Konferenca e Londrës një komision ndërkombëtar kishte nxjerrë një statut për Shqipërin më 10 gusht 1914 i cili emrohej si "Statut aoganique de l`Albanie".

Me shpërthimin e luftës së Parë Botërore Shqipëria humbë suverenitetin edhe ashtu të brisht mbi teritorin e saj. Në Shqipëri përsëri shfaqen forcat e njëjta që pretendonin pushtimin e trojeve shqiptare. Pos të tjerash si arsye ishte edhe pozita saj gjeopolitike. Pas tërheqjes së trupave të Austrisë, Francës dhe Italisë në fillim të 1920-tës në Lushnjë bëhet një riorganizim i ri i shtetit Shqiptar. Pas krijimit të një Këshilli, Parlamenti dhe një Kabineti në përbëbërje nga Ministrat fillon lufta mes Nolit dhe Zogut për pushtet. Më 17 dhjetor 1920 Shqipëria pranohet në Lidhjen e Popujve. Ndërsa një "njohje e dytë" e Shqipërisë bëhet në Konferencën e Ambasadorëve në Paris. Ndërsa përbërja teritoriale e shqipërisë ishte e definuar në Vendimin e Konferencës së Ambasadorëve më 9 nëntor 1923.
Në procesin e pavarësisë së shqipërisë ishin të involvuar interesat e shteteve të ndryshme si Turqia, Italia, Jugosllavia, pastaj Franca, Rusia, Anglia, Austrohungaria, SHBA-të, pastaj Lidhja e Popujve, Konferencat e Ambasadorëve.

Kosova një shkeull më vonë

Edhe pse Kosova në vitin 1912 i ipet Serbisë ajo kurrë nuk kishte harruar se asaj i ishte bërë e padrejt. Mospërfillja nga Serbia e të drejtës për vetvendosje të popujve që në atë kohë ishte vënë si princip nga presidenti i SHBA-ve Wilson Kosovës iu ishte marrë kjo e drejtë. Pas "betimit" serb se do ta fitonin Kosovën "djepin e lindjes së Serbisë" me të njejtën mënyrë ashtu sikur që e kishin humbur në dy betejat të vitit 1389 dhe 1448 ata pas një politike të fëlliqur ia arrisin ta realizojnë (ri)okupimin. Brutaliteti serb mbi Kosovën dhe masakrat e asaj kohe që po bëheshin mbi shqiptarët ishin gjykuar nga gazetat austriake e që sot mund të gjenden në arkivat e Vjenës.

Gjendje tragjike e shqiptarëve vazhdon mëtutje pas luftës së Dytë Botërore me Rankoviçin dhe Qubrilloviqin e për të arritur kulminacionin me Milosheviqin. Pakënaqësit e shqiptarëve demonstroheshin me demonstratat që bëhen në vitet e 60-ta me kërkesën për Republikë.

Pas përpjekjeve të shumta Kosova me kushtetutën e `74 bëhet njësi e barabartë e Jugosllavisë. Pas vdekjes së "shokut Tito" një vit më vonë fillojnë demonstratat e kosovarëve ku kërkohet përsëri e drejta legjitime e tyre që iu ishte mohuar, pra për Republikë. Natyrisht se kjo nuk i shkonte interesave të Serbisë. Pas brutalitetit serb në Kosovë duke shpallur "gjendjen të Jashtzakonshme" që në atë kohë ishte ngritur kundër ligjit të aplikueshëm kushtetues, nga mesi i viteve të `80 Serbia nxjerr në shesh një memorandum nga "intelektualët dhe juristët serb" për "çështjen serbe" ku shprehet pakënaqësiae Serbisë për "diskriminim e Serbisë brenda Jugosavisë".

Pas ardhjes së Milodheviqit në krye të partisë socialishte(komuniste) fillon "realizimi i kthimit të Kosovës në Sërbi". Bëhen ndryshimet kushtetuese në vitin `89-90. Heqet autonomia e Kosovës dhe ajo kalon si pjesë e pandashme e serbisë. Natyrisht populli i Kosovës nuk i pranoi këto akte si të vetkuptueshëm. Si kundërreakcion shqiptarët shpallën Kosovën Republikë dhe më vonë edhe shtet të pavarur për të vepruar 10 vite me radhë me organet paralele përballë atyre të instaluara me dhunë nga Serbia. Pas përpjekjeve dhjetëvjeqare për ta zgjidhur çështjen në mënyrë paqësore kosovarët u detyruarn ta ndërrojnë strategjinë. Eskalimi i situatës pas daljes së UCK-së në luftë kundër ushtrisë serbe. Cështja e Kosovës po hynte dhe po aktualizoje edhe më shumë në arenën ndërkombëtare.

Pas masakrave serbë në Kosovë, zoti e din për të satën herë gjatë historisë, shtetet dhe organizatat ndërkombëtare fillojnë edhe njëherë të merren me çështjen shqiptare e cila ishte injoruar deri në atë kohë.

Kështu në vitin 1998/99 shfaqen gati të njetit aktorë në çështjen shqiptare në Kosovë si një shekull më herët në procësin e pavarësisë së Shqipërisë.
Në atë kohë Lidhja e Kombeve, sot në Kosovë Organizata e Kombeve të Bashkuara, në atë koshë ShBA-të sot SHBA-të, dje Franca sot Franca, dje Anglia sot Anglia, Rusia dje, Rusia sot, dje Konferencën e Ambasadorëve në Paris sot Rambujea. Dje Vilhem Vidi, sot Adminitratori i OKB-së (Hakerupi, Steineri), dje Shqipëria nën Protektorat, sot Kosova de facto protektorat, dje "Statut aoganique de l`Albanie", sot Rezoluta 1244 apo Korniza Kushtetuese e Kosovës, dje "Xhandarmëri ndërkombëtare" sot në Kosovë Policia e OKB-së dhe KFOR-ri

Edhe një dhekull më vonë Shqiptarët po ballafaqohen me aktorët pothuajse të njetë. A do të përfundoj fati i Kosovës njejtë sikur me atë të Shqipërisë një shekull më herët, pra me pavarësi?


..........................................

Shkrim i mire.. shkurt e qarte.

Rruga e mire ka nisur..e dasht zoti e Kosova behet e pamvarur.

[Lekë Rezniqi]

Të nderuar miq, ju anëtarë të Forumit Shqiptar,

Së pari Starcraft,
e pse të mos bëhet shteti i Bashkuar Shqiptar monarki e moderuar, apo monarki republikane, apo ndonjë tjetër, në sistemin e vendeve ndër më demokratiket si: Britania e Madhe (e cila aq shumë e respekton Mbretëreshën Elizabeth 2 dhe familjen mbretërore britanike), apo Spanja e cila poashtu respekton shumë Mbretin Huan Carlos, apo holandezët, danezët, suedezët, etj.? E pse vetëm ne Shqiptarët duhet të mos e respektojmë Mbretin tonë dhe familjen e tij? A është e drejtë të varroset me aq zymtësi Nëna Mbretëreshë Geraldina, e cila tërë jetën iu përkushtua Shqiptarëve edhepse ishte e lindur hungareze? Vetëm bëje dallimin në mes varrimit të dy Nënave Mbretëresha Britanike dhe Shqiptare.
Madhështia e varrimit të Nënës Mbretëreshë britanike Elizabeth ishte për lakmi dheçdo lëvdatë. Kurse NM Geraldinë nuk iu lejua as të varroset në trollin e Familjes Mbretërore Shqiptare, të zyrtarizuar që moti.
Dhe, ky është vetëm njëri prej shumë gabimeve të bëra nga ne.

Së dyti Brari,
me të vërtetë kështu është. Historia po përsëritet. Ja se ç'na kanë bërë enveristët e titistët. Po na përsërisin historinë e para një shekulli.
Prekëse se çfarë fati po kemi ne Shqiptarët. Por, më mirë të na përsëritet historia e pavarsisë së Shqipërisë sesa të jemi nën serbët.
Shpresoj që Kosova të kërcejë periudhën e diktaturës komuniste, me një zhvillim demokratik dhe ekonomik. Po t'i lëmë tani këto.

A mendoni se do të mund të arrihet Bashkimi Kombëtar deri më 28 Nëntor 2012? Kur mbushet një shekull nga Shpallja e Pavarsisë?
28 Nëntor 1982 - Shqipëria kishte të ftohura marrëdhëniet me tërë botën.
28 Nëntor 1992 - flitet ndryshe për Shqipërinë, tani flitet për Shqipëri post-komuniste dhe më demokratike.
28 Nëntor 2002 - Kosova e lirë me institucione të njohura ndërkombëtarisht.
28 Nëntor 2012 - a mendoni se mund të flitet për një Shqipëri të Bashkuar?

Leka nga Prishtina

[plumbi]

Përshëndetje për të gjithë lexuesit e këtijë forumi….Të përshëndes shoku im Leka nga Prishtina…kam qenë pak i zënë dhe nuk jam futur në këtë forum gati 10 ditë, dhe sot lexova postimin tuaj Lekë. Vërtetë duhet ta përmbyllim, por mos mendo se i kam thënë të gjitha që kam për t’i thënë, sepse këtu nuk është as vendi dhe as koha për t’i thënë. Sa për ate se mendon se nuk banoj në Kosovë, e ke gabim. Unë vërtetë jam nga Ilirida, por më tepër kohë të jetës sime po e kaloj në Prishtinë, sepse jam student në fakultetin e Ekonomisë në Univerzitetin e Prishtinës. Banoj në Breg Diell përballë fakultetit teknik që prej përfundimit të luftës në Kosovë. Pra, 3 javë ri këtu, një javë në shtëpi, që don të thotë, jam i zhytur fortë në ngjarjet e Kosovës sime të dashur. Unë nuk kam cka të shtoj më tepër se nuk kam dhe kohë, se duhet të përgadis diçka për iftar, se kemi problem me rrymën, po nejse… Një gjë është e vërtetë: “Bashkimi Kombëtar vjen vetëm me Shqipëtarë të Bashkuar.”

[AsgjëSikurDielli]

Vecse Leke,

Britania e Madhe nuk i la asnje fuqi Mbretereshes pervec qenies se saj Udheheqese e Kishes Britaneze...

e njejta ndodh me Holande, Spanje, etj etj...


E une frikohem qe ne nuk do e kuptojme se keto mbreteri ne ato vende jane simbolike sa per ta ruajtur traditen, dhe do ti pervishemi punes e te kthehemi ne kohen e Zogut...

Nuk na duhet edhe nje diktator...

Perqendrimi i tere fuqise absolute ne nje njeri eshte Monarkia, Leke. E ajo eshte totalitarizem.

A s'vujtem boll prej tij deri tash?

Free Your Mind!

[Lekë Rezniqi]

Të nderuar miq, ju anëtarë të Forumit,

StarCraft,
e pse pra vendet perëndimore monarkike (edhe pse monarki simbolike) janë ndër vendet më demokratike? Pse të mos bëhet edhe Shqipëria e Bashkuar, një shtet demokratik me "Monarki simbolike" sikurse shtetet e përmendura perëndimore?
Pse duhet të gjitha shtetet të jenë demokratike me sisteme të llojllojshme qeverisëse dhe vetëm shqiptarët duhet ta marrin me aq pesimizëm?
A kështu paska humbur shpresa për ndërtimin e shtetit demokratik në këto troje?
Të kemi kujdes. Shpresa e madhe ekziston se herët a vonë do të bashkohen trojet shqiptare në një shtet, apo jo?
Por shpresat për qeverisjen demokratike si duket qenkan shuar.
Pse?
Me të vërtetë jemi lodhur nga krijimi i pushtetit shtetëror në prona personale dhe pushtetarët luajnë me popullin si të ishte populli skllav i shtetit dhe jo shteti në shërbim të popullit i cili e ka zgjedhur. Por, duhet të shpresojmë për të mirë. Tani festohet 90 vjetori i Shpalljes së Pavarësisë dhe ne duhet të qëndrojmë të bashkuar dhe t'i tregojmë botës se me të vërtetë jemo faktor stabiliteti në Ballkan, ku trazirat shkaktohen për të pushtuar trojet shqiptare. Dhe me njohjen ndërkombëtarisht të shtetit të Bashkuar Shqiptar, mendoj se do të pushojnë luftërat dhe tensionet në Ballkan.

Leka nga Prishtina