Si vjen bashkimi kombëtar?

[Anton]

Ju pershendes,

si mendoni te veprojme?

Ne jemi nje grup qe po mundohemi qe te punojme ne kete drejtim.

O me shkruani me jepni adresat t´ju shkruaj.

Anton

[fitims]

E-mail adresa ime eshte:

fitims@sonaq.com (pune)
fitims@hotmail.com (private)
fitims@fsmail.net (private)


ju pershendes

Fitim Skenderi

[Agim Doçi]

Postuar më parë nga Eni

......Pra me shume besoj ne nje zhvillim disi te ngadalte e te vetvetishem qe do te na mundesoje ne shqiptareve bashkimin kombetar.

Por kjo gjithashtu eshte ne teori, pasi de facto, nga te dy palet, si ne Shqiperi e Kosove shikoj pengesa, ekziston nje kaos idesh e nje rremuje legjislative, politike, ku "qerres sone i kane vene shume shkopinj nen vete" e te parat qe duhen eliminuar mendoj se jane keto shkopinj, ku faj ne venien e tyre kane dhe politikanet shqiptare, qe duket se nuk rruajne ne zemrat e tyre vetedijen kombetare e me shume rrotullohen nga fryn era...

I dashur ENI.
Të lexova dy herë me vëmëndje dhe u tremba vetëm nga "ngadalsia apo zhvillimi i ngadaltë dhe i vetvetishëm që mundëson bashkimin kombëtar...." - kështu më përgjigjeshe apo jo?!
Ato zhvillimet e ngadalta dhe të vetvetishme kanë të bëjnë me utopira që nuk kanë zgjidhje kurrë! Ki mëndjen tek një fakt: askush nuk ka kërkuar bashkimin e kombit gjerman-folës! Apo jo!? Austria dhe Gjermania janë shtete më vehte dhe flasin gjermanisht! Bashkimi i kombit shqiptar është krejt tjetër gjë! Po spiegohem më qartë: Jemi i vetmi KOMB NË BOTË që na kanë ndarë dhe coptuar në 5 shtete! Pra tani në vitin 2002 mos vallë duhet të shpërthejë Lufta e Tretë Botnore me temën: BASHKIMI I SHQYPTARËVE?.....Jo! Aspak jo! Sepse askush prej nesh nuk e kërkon një "luftë" të tillë, por ama kemi të drejtë që Europës ti kërkojmë të na KTHEJ BORXHIN!!
Përse kam marrë vizë apo të të marr vizë për të "dalë jashtë shtetit" (Mal i Zi, Greqi, ishjugosllavi, Maqedoni) kur faktikisht jam brenda Atdheut! Pra si të duket ty ENI që për të shkuar në Tetovë, Strugë, Ohër, Ulqin, Janinë, Artë, apo ku e di unë duhet të marr vizë tek të tjerët?!
Po pasuritë që u përkasin shqiptarëve që ndodhen në TROJET E VETA si në Kosovë, Mal të Zi, Maqedoni, Greqi, ku t'i lemë!? Nëse ka kaos idesh midis politikanëve shqiptarë, (larg qoftë) për Bashkimin Kombëtar, ti mendon që populli duhet të presë deri sa gjërat të "shkojnë në vendin e vet....". Pse t'a ha mëndja që të kthen Greku, malaziasi, maqedonasi, sllavi avash-avash, ato që të ka përlarë me vendimet e Europës!? Kurrën e kurrës! Po nè çfarë të bëjmë sipas teje? Të presim që "koha të bëjë të sajën"!? Jo more ENI!
Nuk ka asgjë të keqe nëse përpiqemi të sensibilizojmë që të kemi unifikim të pares - EURO!
Nuk ka asgjë të keqe nëse unifikojmë ABETAREN, mësimet dhe programin mësimor nëtë gjitha nivelet!
Nuk ka asnjë të keqe nëse mblidhemi në Prizren (u mblodhën para 3 muajve një Liga Botnore e Shqyptarëve me përpjekjet e dy vëllezërve Kushnini - që janë shumë atdhetarë por sëbashku dy vëllezërit kanë 4 klasë fillore!).
A ka ndonji të keqe nëse ELITA E KOMBIT shqetsohet për këtë dhe ndërgjegjësohet edhe më shumë!?
Pra hajt të mbështesim nismën e Lekë Rezniqit, apo të Skënderit, atë që Anton Ashta prej kohësh po përpiqet t'a themelojë BANKA E BASHKIMIT KOMBËTAR!
Nuk asht pa gja ajo që shkruan Antoni se ne mblidhemi 200 shqiptarë, ebrenjtë mbledhin 200 miliard dollarë(!!)
Bisedojmë e lexohemi prap nesër ENI!
Mirë u pafshim
Agim Doçi

[Rycki2001]

Pershendetje Agim dhe juve te tjereve.
Per bashimin kombetar ? Po. Dhe te gjithe ketu e pranojne nje gje te tille. Te ndryshme jane "strategjite". E drejte ajo qe thote Agimi qe ne duhet te bashkohemi me te drejten legjitime te jemi bashke. Por ajo qe ne kemi ne dore sot dhe qe nuk varet nga askush perveç shqiptareve eshte bashkimi shpirteror qe do te thote bashkepunimi i gjitheanshem, ekonomik, kulturor, arsimor etj etj qe bashkimi i neserm edhe "de facto" apo shteteror mos te na duket çudi por nje proces natyror. Anton me kohe ka propozuar rruge qe te çojne aty? po çfare ngelet. Paraqitja e nje plani konkret. Dhe tek e fundit nese pritet diçka e tille nga qeverite (te pakten dy shtete shqiptare ne Ballkan kane qeveri...) harrojeni bashkimin kombetar. Sidomos qeveria shqiptare eshte e zene me ndarjen e pasurive te shqiptareve dhe nuk po i jep dot fund ketij procesi. As nuk pritet ndonje ndryshim ne nje te ardhme te afert. Keshtu qe ngelet qe shqiptaret, vet shqiptaret te veprojne. Se te qenit shqiptar fatmiresisht nuk varet nga ta qe kane pushtetin.
Rycki

[Agim Doçi]

Po i dashur Rycki
Por nëse rrimë në shpresë të qeverisë na morri dreqi!
Unë të falënderoj për gatishmërinë
Gjej kohë nesër e bashkëbisedpojmë me gjatë
Agim Doçi

[xhelil]

Te nderuar bashkatdhetare kudo qe punoni dhe jetoni me gezon fakti qe disa prej nesh jane te gatshem qe te kontribojne edhe monetarisht per mua kjo eshte nje gje shume e madhe e madhe se sic kam thene edhe ne shkrimin me larte ne vertete jemi per bashkim por deri tani po kontribojme vetem me idera.
Kur neve do arrijme qe te krijojme nje fond monetare qe sado simbolike te jete ne fillim per nga vlera ekonomike, ai do te jete me nje rendesi te jashtezokonshme per sa i perkete vlerave historike.Duke futur edhe veten time ne kete aktivitete qe te kontriboje me sasine 200 euro.
Por dua gjithashtu qe te shpreh edhe nje mendim qe shqiptaret jane te angazhuar totalisht per bashkimin e tyre dhe se ajo dite nuk dote jete e larget por duhet pak kohe qe te arrihet me nje rruge naturale se sic e dime cdo gje don kohen e vete per tubere.
Bashkimi shqiptare nuk do te behet me kontributin qe mund te derdhin ne (behet fjale per ate monetare) por ashtu sic ka nje vlere te jashtezakonshme komunikimi ndermjet nesh ne forum ashtu me kete kontribute nemund te zgjojme edhe me shume shqiptare qe akoma flene apo jane te pashprese per nje Shqiperi te bashkuar e te nderuar nda mbare bota.Gjithashtu tek brezi i ri qe vjen te kultivohet ndjenja e krenarise shqiptare.
Do ta gjykoja me te drejte qe fondi monetare te kishte nje specifike te vecante per angazhimin monetar ne ceshtje si:RRITJA E INTERESIT TE SHQIPTAREVE NDAJ ATDHEUT TE TYRE TE DASHUR.
EVOKIMIN E HISTORISE TONE TE LAVDISHME(SKENDERBEU-UCK-SHQIPTARET NE MAQEDONI)
Me 28 qershore Naltmadhenia e Tij vjen ne SHQIPERI qe eshte nj kontribute jashtezakonishte imadhe persa i perkete SHQIPERISE ETNIKE.
ATDHEU FILLON NGA SHTEPIJA JOTE.
RROFSHIN E QOFSHIN SHQIPTARET QE PUNOJNE PER SHQIPERI.

[Rycki2001]

Agim, të them të drejtën nuk kam patur shumë kohë këto ditë dhe ende nuk kam por... për një pergjigje qe ia vlene gjendet koha. Te them te drejten ne qe kemi kohe qe frekuentojme kete forum jemi mesuar te shohim nofka (nick name) nga me te çuditshmit qe nga figurat me te rendesishme te historise sone kombetare, letrare e gjer tek ato botërore etj.etj. Keshtu qe kur pash emrin tuaj mendova mos ishte i njejti avaz. Keshtu qe ndonese nuk para i shoh profilet e anetareve te forumit ne rastin tuaj mu desh ta shikoja dhe aty u sigurova qe nuk ishte dikush qe kishte marr persiper te bente Agim Doçin por Agim Doçi dora vete. Por nese ne ju njohim ju nuk keni fatin ti njifni te gjithe qe shkruajne ketu, jo nga nofkat por sepse sigurisht qe ne nuk jemi te njohur ne boten shqiptare sa dhe Ju. Keshtu qe ne lexojme me me vemendje mendimin tuaj.
Me falni qe dola nga tema per te bere kete hyrje kaq te gjate. Per çeshtjen ne fjale, sigurisht, jo une por pjesa me e madhe e shqiptareve jane ndergjegjesuar tashme se nese presim nga qeveria ndonje zgjidhje per problemt me te rendesishme qe kalon populli yne kemi mbaruar. Po ju them vetem kaq qe ne po punojme. Une nuk do te rrija te tirrja llafe nese do te ngeleshim ne kuadrin e llafeve. Permenda zotin Ashta ne mesazhin e meparshem sepse e di qe ai ka kohe qe kerkon mendimet e te tjereve per nje aksion konkret. Duke ditur qe ai dhe miqte e tij e kane treguar qe dine te realizojne konkretisht diçka une jam gati ti mbeshtes. Vetem kjo mbeshtetje do jete e madhe kur te gjithe te jemi te ndergjegjeshem qe 12 vjete pas "renies" se komunizmit Shqiperia ndodhet ne ditet me te keqia te saj. Kush di te vleresoj perparimin e nje vendi nuk ka nevoj te numeroj numrin e makinave qe futen ne vend (si mund te numerosh pa drita?!) apo tregues te ketij lloji, por gjithe produktin qe ajo shoqeri nxjerr, perfshi mentalitetin e saj. Per çeshtjen kombetare do te na duhej ne radhe te pare nje Shqiperi e forte. Nese ka progres ne realizimin e nje pjese te aspiratave kombetare, merita nuk i takon ne radhe te pare shqiptareve. Shqiptaret kane qene faktor dytesor. Po te ishte per shqiptaret, (flas per ata shqiptar qe vendosin) Kosova do ishte ende Jugosllavi. Çështja eshte nga ta fillojme. U dha mendimi te krijohet nje fond. Ne nuk na duhet vetem nje fond. Ne duhet ta fillojme nga organizimi. Dhe si shqiptar dhe qytetar qe e ndjejme qe ata qe na perfaqesojne (sigurisht pa deshiren tone...) nuk jane ne gjendje te mendojne per te tashmen por sidomos per te ardhmen tone kemi nje detyrim moral: vetveprimin pra veteorganizimin. Une shpresoj qe dhe keto shkembime mendimesh i sherbejne ketij qellimi.
Shpresojme te shihemi se shpejti ne nje kuvend ku vendoset perveçse diskutohet.
Rycki

[Lekë Rezniqi]

Të nderuar miq, ju anëtarë të Forumit Shqiptar,

Desha të ndërlidhem me këto dy mendimet e fundit të dy anëtarëve të Forumit.
Pra, si iniciativë e parë për të vepruar në aspektin e bashkimit Kombëtar, duket se kemi krijimin e fondit për mbështetjen e shkollave shqipe në mbarë Trojet Shqiptare, por patëm edhe mendimin e fundit i cili thotë se së pari të mbahet Kuvendi.
Të gjitha këto tregojnë se plani-ide i paraqitur nga i nderuari anëtar i Forumit z. Agim Doçi ka gjetur përkrahjen e shumicës nga ne, pra anëtarët e Forumit Shqiptar.
Çka dua të them është kjo.
Edhe unë mendoj se së pari duhet të mbahet Kuvendi në Prizren, duke u bazuar në projektin e z. Doçi, ku do të formoheshin të gjitha fondet dhe do të aprovoheshin idetë të cilat do paraqiten në Kuvend.
Ku dhe kur?
Që Kuvendi të mbahet në Prizren është një ide shumë e mirë paraqitur nga i nderuari z. Agim Doçi, se të gjithë e dimë se Prizreni paraqet simbolin e Kuvendeve Shqiptare ku shqiptarët deklaroheshin për veprim dhe mbrojtje të të drejtave dhe kundër coptimit të Trojeve Etnike Shqiptare. Lidhja Shqiptare e Prizrenit, Lidhja e Dytë e Prizrenit, etj. dhe së fundi Kuvendi i Lidhjes Shqiptare në Botë.
Dhe kur të mbahet Kuvendi kjo mbetet çështje që duhet ta vendosim ne anëtarët e Forumit Shqiptar pasiqë e tërë kjo çështje shtjellohet më së tepërmi në mos vetëm këtu, në Forumin Shqiptar.
Pra na mbetet ne të vendosim kur.
Sa më përket mua më konvenon në çdo kohë.
ndoshta do thonit se pse nxitoj, por duhet të lëvizim sa më shpejtë.

[Agim Doçi]

I nderuari dhe i dashuri Rucky2001!
Ju falënderoj nga zemra për fjalët e respektin në adresë timen! Jam tepër i vogël para madhështisë së FORUMIT¨Por me gjithë shpirt dua që ky FORUM të ketë vend edhe për mendimin tim, sado vlerë të ketë! Përshëndes Antonin dhe Lekën, më vjen keq që nuk shoh ndonji Janaq, Kristaq, Fotaq, Dhimtraq apo ndoshta gaboj se janë fshehur prapa nofkave (nickut)!
MBAJE MEND, nuk zgjidhet asgja përsakohë dalim në tema kaq madhore endè me NICK!!!????
A pse kujton se ishte e lehtë për mua të dilja me emrin Agim Doçi!? Jo i dashur vëlla! Kam shumë dashakeqas edhe unë! Por kjo le të shërbejë për të gjithë si GARANCI që unë nuk e kam biznes çashtjen kombëtare!
Përfundimisht mbështes nismën fuqimisht! Nuk heq dorë nga mendimet e mija! Kryeqyteti Shpirtnor dhe Natyror i Shqyptarëve asht PRIZRENI!
Ju lutem lexojini edhe një herë mendimet e mija dhe bisedojmë ma gjatë sëshpejti!
Agim Doçi

[Eni]

Po nè çfarë të bëjmë sipas teje? Të presim që "koha të bëjë të sajën"!? Jo more ENI!
Nuk ka asgjë të keqe nëse përpiqemi të sensibilizojmë që të kemi unifikim të pares - EURO!
Nuk ka asgjë të keqe nëse unifikojmë ABETAREN, mësimet dhe programin mësimor nëtë gjitha nivelet!
Nuk ka asnjë të keqe nëse mblidhemi në Prizren (u mblodhën para 3 muajve një Liga Botnore e Shqyptarëve me përpjekjet e dy vëllezërve Kushnini - që janë shumë atdhetarë por sëbashku dy vëllezërit kanë 4 klasë fillore!).
A ka ndonji të keqe nëse ELITA E KOMBIT shqetsohet për këtë dhe ndërgjegjësohet edhe më shumë!?
Pra hajt të mbështesim nismën e Lekë Rezniqit, apo të Skënderit, atë që Anton Ashta prej kohësh po përpiqet t'a themelojë BANKA E BASHKIMIT KOMBËTAR!
Nuk asht pa gja ajo që shkruan Antoni se ne mblidhemi 200 shqiptarë, ebrenjtë mbledhin 200 miliard dollarë(!!)

I nderuar Z.Doçi,

nuk jam aspak kundra fjaleve tuaja, mbi unifikimin e abetares, monedhes - euro apo organizimit te elites kombetare ne te mire te bashkimit kombetar.

Por nisur nga realiteti ku jetojme sot, hedhur syte majtas e djathtas, une verej tek shqiptaret nje moskokeçarje dhe perqendrim vetem tek hallet e jetes se perditshme.
Dhe elita shqiptare nuk po ndihet, isha ne tetor ne Tirane dhe bisedova me disa njerez qe mund te konsiderohen patriote, pjese e elites shqiptare jokomuniste, dhe ndjeva tek ta nje marraz qe asgje s'po ndermerrej ne kete drejtim. U thashe po pse nuk organizoheni vete atehere ?
Pergjigja ishte = nje ngritje supesh...

Une besoj Z.Doçi ne nje zhvillim te vetevetishem te dy aneve te Shqiperise, ku zhvillimi ekonomik, arsimor, legjislativ, social, politik, do te mundesoje qarkullimin dhe komunikimin e lirshem mes shqiptareve.

Te jemi realist; shqiptaret mund e duhet te organizohen per te arritur bashkimin kombetar. Kjo nisme eshte e domosdoshme, por ama realiteti na ben qe nismen per bashkim duhet t'ia perqasim dhe kerkeses per referendum per kete bashkim.
Pra nqs jane pjekur kushtet e situata eshte ne favor te nje bashkimi te trojeve tona,flas per ato me Kosoven, se me Maqedonine, Malin e Zi apo Çamerine, kjo me duket vertete nje "enderr e bukur";atehere duhet te kerkohet qe shqiptaret ne te dy anet te vendosin, duan apo nuk duan te bbashkohen ne nje shtet te vetem am shqiptar.

NUk jam kundra asnje nisme ne kete drejtim, elita duhet te beje punen e vet dhe nqs eshte e zonja te bindi nje popull te tere te bashkohet.

p.s.
une jam nje nga ato Janaqet, mqs jam ortodokse