Klintoni, clirimtari i Kosoves ne Prishtine.

[Brari]

nga trepca.net


...........

Presidenti Rugova u takua me ish-presidentin Bill Klinton


------------------------------------------------------

Prishtinë, 19 shtator 2003 - Posa përfundoi një takim i veçantë i ish-presidentit amerikan Bill Klinton me Presidentin e Kosovës Ibrahim Rugova në mjediset e Universitetit të Prishtinës.

Ky takim zgjati rreth 40 minuta dhe u zhvillua me dyer të mbyllura. Ndërkohë pritet të fillojë edhe ceremonia e shpalljes së Klintonit doktor nderi të Universitetit të Prishtinës.

Ndryshe para Fakultetit të Filologjisë janë mbledhur me mijëra qytetarë të kryeqytetit dhe nga viset e tjera të Kosovës që kanë ardhur për të përshëndetur ish-presidentin amerikna Bill Klinton dhe për ta falenderuar atë për të gjitha që ka bërë për lirinë e Kosovës si President i SHBA-ve.
Mediat e Kosovës po i kushtojnë publicitet të madh kësaj vizite të Klintonit në Prishtinë. Kështu TV Kosova dhe RTV21 po transmetojnë direkt vizitën e Klintonit në Prishtinë. Ndërkaq të gjitha gazetat e përditshme në faqet e para i kanë njoftimet për vizitën e Klintonit.



Ish-presienti amerikan Bill Klinton mbërriti sot në mëngjes në Prishitnë

Prishtinë, 19 shtator - Sot në Prishtinë, rreth 8.00 të mëngjesit, mbërriti ish-presidenti amerikan Bill Klinton, i cili do të qëndrojë për një vizitë njëditëshe në kryeqytetin e Kosovës, ku do të nderohet me çmimin doktor nderi i Universitetit të Prishtinës.

Ish-presidentin Klinton në aeroportin e Prishtinës e priti dhe i dëshiroi mirëseardhje Presidenti i Kosovës Ibrahim Rugova, shefja e Zyrës amerikanë në Prishtinë, Mersi Ris etj. Në aeroportin e Prishtinës Klintonin e përshëndetën edhe disa qindra qytetarë.

Ish-presidentit Bill Klinton në një ceremoni solemne që do të zhvillohet në amfiteatrin e madh të Fakultetit të Filologjkisë do të shpallet "Doctor honoris causa".

Poashtu Klinton gjatë ditës do të ketë edhe aktivitete të tjera.

[Llapi]

Kosovë: Klinton: Gjithnjë do të angazhohem për të ndihmuar Kosovën


Ish presidenti amerikan Bill Klinton u nderua sot me titullin " Doctor Honoris Causa". Këtë titull, Klintonit ia dorëzuan rektori Zenel Kelmendi, Arsim Bajrami, prorektor dhe Hajredin Kuçi, drejtor për marrëdhënie me jashtë i Universitetit të Prishtinës. Titulli “Doktor Nderi i Universitetit të Prishtinës” iu dha Klintonit për kontributin e madh që ai i dha zhvillimit të shkencës, popullit të Kosovës dhe njerëzimit. Pas marrjes së titullit, Bill Klinton falënderoi Universitetin e Prishtinës, dhe në një fjalim drejtuar pjesëmarrësve dhe qytetarëve, premtoi se gjatë tërë jetës së tij do të angazhohet për të ndihmuar Kosovën. Ish kreu amerikan i shtetit vlerësoi arritjet dhe ndryshimet në Kosovë, që pas vizitës së tij të parë atje, por shtoi se për të ecur përpara problemet duhen zgjidhur pa dhunë. Sipas tij, nga urrejtja duhet hequr dorë, pasi ajo nuk sjell asgjë të mirë. "Kosovën nuk mund ta ndërtoni mbi hakmarrjen. Ai premtoi ndihmë dhe mbështetje për popullin kosovar nga SHBA. Ish presidenti deklaroi se tani është koha për pajtim, ardhmëri dhe drejtësi, sepse pajtimi është arritje drejt stabilitetit të vendit. RTK ka transmetuar drejtpërdrejt vizitën e ish presidentit amerikan Klinton, arritjen në aeroportin e Prishtinës si dhe ceremoninë e dhënies së titullit doktori nderi në ambientet e Fakutetit Filogjik të Universitetit të Prishtinës.

19 shtator 2003, ora: 14:06 CET

[dodoni]

Ish-presidenti amerikan u nderua sot me tutullin Doktor nderi të Universitetit të Prishtinës


Klinton: "Besoj në vetëvendosje dhe dëshiroj që ju të arrini ta ndërtoni ardhmërinë tuaj"

Prishtinë, 19 shtator - Ish-presidenti i SHBA-ve Bill Klinton në një solemnitet të organizuar sot në Fakultetin e Filologjisë në Prishtinë u shpall Doktor nderi i Universitetit të Prishtinës.
Me këtë rast foli rektori i UP Zenel Kelmendi, i cili tha se titulli "Doktor Honoris Causa" u jipet personaliteteve më të njohura për rezultate në shkencë dhe për të mirën e njerëzimit.
Rektori Kelmendi pastaj foli për historikun e shkurtër UP dhe
i uroi mirëseardhje zotit Klinton në Prishtinë, siç u shpreh: "Udhëheqësit që pëkrahu paqen kur ajo ishte e rrezikuar, drejtësinë kur ajo ishte e mundur, lirinë kur ajo ishte e shkelur dhe kur po bëhej spastrimi i madh etnik në Kosovë", tha Kelmendi, duke përkujtuar fjalët e Klintonit më 14 qershor 1999 para refugjatëve shqiptarë: "Koha e khtimit është afër, ju do të jeni në shtëpitë tuaja".
Dhënia e çmimit Doktor nderi për Klintonin, tha Kelmendi është ngjarja më e shënuar në UP.
Pastaj për jetën dhe figurën e ish-presidentit amerikan Klinton foli prof. Hajredin Kuçi, i cili me fjalë të zgjedhura vlerësoi punën dhe aktivitetin e Klintonit.
Ndërkaq diplomën e dokrort të nderit të UP zotit Klinton ia dorëzoi prof. Arsim Bajrami.
Presidenti Bill Klinton, duke u falënderuar për titullin që iu dha nga UP, tha në fillim se është shumë mirënjohës që si President ka pasur mundësinë të bëjë gjëra për të cilat u fol sot. Klinton bëri të ditur se është duke e ndërtuar një bibliotekë presidenciale në Litëll Rok në Arkanzas, ku kjo doktaranturë do të jetë aty që ta shohin lexuesit nga mbarë bota, si pjesë e historisë për Kosovën, për përpjekjet në Ballkan, për dramën e madhe të konflikteve fetare e kombëtare në fund të atij shekulli në Ballkan.
Klinton pastaj falenderoi të gjitha ata që po ndihmojnë në ndërtimin e një Kosove të re: nga OKB-ja, bashkësia ndërkombëatre, nga Universiteti amerikan që do të hapet dhe falenderoi ata që e emërtuan një bulevard në Prishtinë me emrin e tij. Klinton si në mahi tha se tani nuk merret me politikë, por bashkëshortja e tij Hilari si senatore nga Nju Jorku më shumë i përfaqëson shqiptarët në Senat. Ai foli edhe për shqiptaro-amerikanët si njerëz ndërmarrës e të vyeshëm në Amerikë.
Në memoaret që do t'i përfundojë, tha Klinton, do të jetë krenar që do të shkruajë për heroizmin e popullit të Kosovës që u ngrit kundër spastrimit etnik dhe tiranisë.
"Edhe unë, edhe ju duhet t'i falenderojmë ushtarët amerikanë dhe të tjerët që rrezikuan jetën e tyre për t'ju mbrojtur dhe për t'ju dhënë të drejta për t'u kthyer në shtëpi dhe për të jetuar të lirë", tha Klinton, duke cituar presidentin Bush që ka thënë se "amerikanët erdhën në Ballkan me aleatët e tyre dhe do të dalin së bashku".
Klinton pastaj i hodhi një vështrim terrorizmit në botë, i cili siç tha, ka sjellë shumë të këqija njerëzimit, si dhe tragjedive në Lindjen e Mesme më dhe në vendet e tjera të botës.
"Keni luajtur një rol shumë me rëndësi në historinë e njerëzimit, Këtu në këtë vend të vogël, Millosheviqi u bë shkatërruesi i civilizimit, një shkatërrues i jetëve... por tash ai është në Hagë për krime kundër njerëzimit", tha Klinton.
"Herën e fundit, kur isha në Kosovë, e pranova se ju nuk mund të harroni kurrë çnjerëzimet dhe padrejtësitë që u janë bërë. Askush nga jashtë, pra as unë, nuk mund t'ju shtyjë që të falni, por duhet të mundoheni, jo për ata, por për veten tuaj. Dua që ju të jeni të lirë", porositi Klinton.
Ish-presidenti amerikan tha në vazhdim:
"Duhet të bëni gjëra praktike, ta zëmë të vendosni rregull të njëjtë për të gjithë. Unë e urrej dhunën që e ushtroi Millosheviqi ndaj shqiptarëve. E urrej dhe kam bërë çfarë kam mundur për ta ndërprerë atë. Por, ju nuk duhet t'ia ktheni tani shpinën dhunës që drejtohet në anën tjetër. Të gjithë ju, duke kujtuar të kaluarën, duhet të flitni kundër vrasjes së dy të rinjëve serbë. Rendi dhe drejtësia duhet të vlejnë për të gjithë, njësoj sikur të bëhej fjalë për pozicione të ndryshme etnike. Ju nuk mund ta ndërtoni një Kosovë të re me dhunë e me hakmarrje".
Duke iu drejtuar presidentit të Kosovës, Klinton tha:
"Z. President, mendoj se ju keni bërë mjaft për vendosjen (respektimin) e rendit e ligjit, pasi ju ishin i goditur nga dhuna shtetërore. Mendoj se ju keni bërë shumë, por ka ende shumë për t'u bërë".
Ai premtoi edhe ndihmën e mëtejshme për Kosovën, duke thënë: "Po merremi vesh. Ju bëni pjesën tuaj të punës, kurse unë dhe miqtë e mi amerikanë do ta bëjmë pjesën tonë, sepse jua kemi borxh", tha Klinton.
Ndërkaq, duke folur për aspiratat e popullit të Kosovës, Bill Klinton tha se beson në formulën e vendvendosjes. "Unë e kam mjaft mirë të njohur dëshirën tuaj për të ardhmen politike. Unë besoj në vetëvendosje dhe dëshiroj që ju të arrini ta ndërtoni ardhmërinë tuaj. Por, çështje e vetme është se si ta arrini këtë", tha Klinton.
Duke folur pçër për dialogun midis Beogradit e Prishtinës, ai tha se në këto bisedime do të diskutohet për çështje praktike dhe se nuk mund të zgjidhet gjithçka brenda natës. Por, ai beson se kjo mund të ketë efekte pozitive, tha mes tejrash ish-=presisdenti amerikan Bill Klinton sot në Prishtinë.




Klinton dhe SHBA ishin në një front me UÇK-në


Prishtinë, 19 shtator (Kosovapress) Time: 17.56

Dhjetra mijëra qytetarë dolën të premten rrugëve të Prishtinës për të pritur ardhjen e ish-presidentit amerikan Bill Klinton, të cilët e konsiderojnë si një vizitë historike për Kosovën.


Klinton: Gjatë gjithë jetës sime do të angazhohem për Kosovën


Prishtinë, 19 shtator (Kosovapress) Time: 15.10

Ish-presidenti amerikan, Bill Klinton, të premten ka ngazëllyer mijëra qytetarë të Kosovës, duke i shtërnguar duart me ta, në Prishtinë, pas ceremoniesë së dhënies nga Universiteti i Prishtinës të titullit të nderit “Doktor Honoris Causa




Më cuditi shumë deklarata e Rugovës se ai është për pavarësi kurse 'grupet ekstremiste' sipas tij për bashkim me Shqipërinë, dhe nëse nuk arrihet pavarësia atëherë do të bëhet bashkimi nga ana e ekstremistëve sipas tij gjithmonë.
Ky është një gabim shumë i madh i Rugovës por jam i bindur se do ta korrigjoj dhe sdo ta përsëris më, sepse jam i bindur se i di interesat shqiptare por edhe zgjidhjen më të mirë të çështjes së Dardanisë që është bashkimi me Shqipërinë e për këtë zgjidhje janë të gjithë shqiptarët, sepse është në interes të tyre por edhe të gjithë të tjerëve sepse sjell paqe, siguri dhe stabilitet afatgjatë në rajon, shumë e rëndësishme kjo për proceset integruese të rajonit dhe që është më e rëndësishmja investimet e huaja.
Vizita e Klintonit sot është një ngjarje shumë me rëndësi, do të kisha thënë historike në vazhdën e marrëdhënieve shumë të mira e vëllazërore shqiptaro-amerikane, e cila u raportua edhe nga CNN.
Deklaratat e Klintonit sot si kjo se do të angazhohet gjithmonë për Dardaninë dhe se është për vetvendosjen që dtth bashkimin me Shqipërinë dëshmon edhe njëherë marrëdhëniet më shumë se vëllazërore shqiptaro-amerikane.
Është për tu vlerësuar dhe çmuar shumë edhe pritja më shumë se madhështore dhe më shumë se të merituar që populli dardan i bëri Klintonit, dalja e dhjetëra mijëra njerëzve në rrugë për ta pritur e gjithë ceremonitë tjera na bën gjithë shqiptarëve kudo që janë të ndihen edhe më krenar për përkatësinë tonë kombëtare.
Sipas disa informacioneve që sapo më arritën ka mundësi që Hillari Klinton të kandidoj për presidente dhe nëse po atëherë shansat janë shumë të mëdha që do të fitoj dhe kjo është edhe më pozitive për raportet shqiptaro-amerikane edhe pse ne kemi marrëdhënie shumë të mira me gjithë amerikanët dhe kushdo që të vij do të jetë pothuajse njësoj për ne.

Përshëndetje