C'na duhen zgjedhjet?!

[karaburuni]

Përsëri zgjedhje. Lokale kësaj radhe (apo si të doni vendore, bashkiake). Me fushatë zgjedhore 1-mujore, me mitingje, me takime me zgjedhësit, me spote televizive, me seanca autografesh si staret e Hollivudit, me premtime, me gënjeshtra, me sharje, me fyerje, me faqe interneti, me debate televizive, tamam një fushatë si "të jashtmit".
Por përveç zhurmës 1-mujore dhe miliona lekëve tä harxhuara, çfarë do t'ju sjellin këto zgjedhje shqiptarëve? Le t'i marrim me radhë:
- Partive të mëdha zgjedhjet lokale do t'ju tregojnë tendencën politike për zgjedhjet e ardhshme parlamentare. Do ta mbajmë dot pushtetin apo jo? Do ta fitojmë dot apo jo? Për liderët e këtyre partive kjo ka shumë rëndësi sepse tregon a do të mund të jenë ministra apo kryeministra me të mirat dhe "vështirësitë" që kjo nënkupton.
- Kandidatët janë këtu më të interesuarit. Nëse bëhen kryetarë bashkie apo komune hallet e tyre marrin fund njëherë e mirë ( me një vilë të vogël, një makinë edhe një biznes në emër të kushuririt në horizont )
- Militantët nuk kanë objektiva kaq të mëdha. Oreksi i tyre shkon deri tek një hall i veçantë, një leje ndërtimi, një vizë, një bursë apo edhe ndonjë post i vogël apo ndonjë punë. Helbete militanti ka sakrifikuar për kandidatin dhe do të ishte mosmirënjohëse që të mos shpërblehej.
- Votuesi i blerë ka pretendime akoma më të vogla: 50 mijë lekë apo edhe një thes me miell, bereqaves. Për atë gjynah që nuk ka zgjedhje më shpesh, mundësisht çdo muaj.
- Votuesi kopjac. Ky voton për një parti X sepse 1) ia ka lënë amanet i ati, ose 2) vdes për liderin e partisë X, ose 3) shoku i tij i ngushtë voton për partinë X, ose 4) për gallatë.
- Kameramanët dhe gazetarët kanë pak punë në këto zgjedhje dhe mund të fitojë edhe ndonjë bakshish.
- Artistët gjithashtu mund të fitojnë diçka në mitingjet politikë-zbavitje.

Pra mund të thuhet se nga zgjedhjet përfitojnë më pak se gjysma e partiakëve, gjysma e kandidatëve, një pjesë e militantëve dhe të gjithë votuesit e blerë si dhe të gjithë kameramanët dhe artistët pjesmarrës në koncert-mitingje.
Ndoshta edhe votuesit kopjac kanë një përfitim shpirtëror.

Kurse të gjithë shqiptarët e tjerë nuk përfitojnë asgjë. Dihet që asgjë nuk do të ndryshojë sapo të kalojnë ethet e fushatës, vetëm ndoshta koka matanë tavolinës së kryetarit. Por mesa thuhet në mizerjen ku jeton shqiptari i thjeshtë, bukuria nuk është në rend të ditës.

Atëhere, përse të votojnë shqiptarët? Po t'i shtosh kësaj edhe ndonjëçik dru që mund të hash rastësisht nga SHISH apo policia? Më mirë të rrinë në shtëpi dhe të shikojnë zgjedhjet në televizor me ngjyra.

[Albo]

Vetem sklleverit nuk votojne!

Kujt i pelqen jeta e skllavit, le te rije ne shtepi, ne kafene dhe duke u ankuar dite e nate qe nuk kemi uje, nuk kemi drita nuk kemi ate e nuk kemi kete.

Kush eshte burre dhe shtetas i pergjegjshem, jo vetem voton por e mbron deri ne fund voten e tij. Te mbrosh voten do te thote te mbrosh lirine, te mbrosh te ardhmen me te mire.

Albo