Angli, shqiptarja mbyt foshnjën

[Orku]

Arrestohet në flagrancë nga policia, gjykata e le në burg pa fat

skema e ngjarjes

Çifti Shala përpara se të dalë në shëtitje beson foshnjen te fqinja Gjyle Hoti.
Gjyle Hoti, pas të qarave të bebes, e përplas atë duke e goditur në kokë dhe pastaj e braktis.
Fqinja pakistaneze e Gjyles, e cila sheh skenën, lajmëron menjëhjerë policinë.
Një gjykatë e Londrës jep masën burg pa afat për 65-vjeçaren shqiptare, megjithë lutjet e saj

Angli

Një grua e moshuar shqiptare është akuzuar dje nga Policia e Londrës për vrasjen e një foshnje të sapo lindur. Gjyle Hoti, 65-vjeçe, është denoncuar për goditjen në kokë të fëmijës, pasi është parë nga një fqinjë e saj me kombësi pakistaneze.

Viktima është fëmijë i një çifti shqiptar, të cilët e kishin lënë nën kujdestarinë e së moshuarës për një orë. Ngjarja është zhvilluar në pak minuta, në një banesë të vogël në lagjen "New Southgate" të kryeqytetit anglez, Londër. Çifti Shala, ka dashur të dalë për një xhiro shooping, kështu që kanë kërkuar kujdesin për foshjen e tyre te e moshuara e njohur që banonte pranë tyre. Shqiptarët kanë rënë dakort që e moshuara të kujdesej për foshnjën disa ditëshe, për një kohë prej një ore, pas së cilës do të ktheheshin për ta marrë. Por, dy prindërit e rinj, nuk e dinin se pas kësaj do të ndodheshin përballë një tragjedie të vërtetë. Ndërkohë, që ata bënin xhiron e tyre nëpër qytet, kujdestarja është paditur nga një komshie e saj me kombësi pakistaneze për vrasjen e bebit. Në numrin e policisë lokale "Scotland Yard", gruaja ka sinjalizuar se 65-vjeçare Gjyle Hoti, kishte goditur në kokë një foshnjë, e cila është hedhur më pas në dyshemenë e shtëpisë. Lajmi është konfirmuar edhe nga zyrtarë të policisë, publikuar në të përditëshmet angleze. Sipas dëshmisë së fqinjes së 65-vjeçares Hoti, bebja është goditur me një mjet të fortë në kokë, nga kjo e fundit. Megjithë ndërhyrjen e menjëherëshme të policisë, bebja është dërguar në spital, por dëmtimet e shumta në kokë e kanë bërë të pamundur mbijetesen e saj. Mjekët kanë konfirmuar se fëmija kishte dëmtime shumë të rënda në kokë dhe nuk kishte asnjë shpresë për të jetuar, i cili më pas ka vdekur në spital. E gjithë kjo rrjedhë e ngjarjes është zhvilluar, ndërkohë që prindërit e vogëlushit shëtisnin të qetë nëpër qytet, pa pasur fare idenë për tragjedinë që u kishte ndodhur. Kur janë kthyer në shtëpinë e plakës për të marrë vogëlushin e tyre, kanë parë policinë. Ka qenë tepër e vështirë për policët që të qetësojnë dy prindërit e rinj, madje, për të ëmën është dashur edhe kujdesi mjeksor, pasi ka kaluar në gjendje të fikti. Policia ka mundur që të arrestojë menjëherë gruan, e cila, menjëherë është akuzuar për vrasjen e foshnjës dhe është shoqëruar në qelitë e policisë lokale, ku është marrë në pyetje nga agjentët e "New Southgate". Gruaja, sipas policisë, dyshohet të jetë me probleme psiqike, pasi edhe përgjigjet e saj kanë qenë tepër konfuze. Gjatë pyetje- përgjigjeve në zyrat e policisë, e moshuara nuk ka mundur të thotë asgjë rreth asaj që ka ndodhur. "Gjatë gjithë kohës, ajo dridhej dhe qante me ngashërim",- deklaroi një zyrtar i policisë. Ndërkohë që gruaja, e cila kishte bërë denoncimin, kur është pyetur nga policia ka deklaruar se kishte parë nga dritarja e saj fëmijën e gjakosur në tokë, pasi ishte goditur, sipas saj, nga e moshuara 65-vjeçare Gjyle Hoti. Kjo ka bërë që plaka të akuzohet zyrtarisht, për vrasjen e foshnjës 6- ditëshe.


Vendimi
Në 6 tetor nis gjyqi

Për më shumë se dy muaj, Gjyle Hoti do të jetë e detyruar të qëndrojë në qelitë e burgut, sipas vendimit të Gjykatës. Më datë 6 tetor ajo do të rikthehet sërish me pranga në duar në të njëjtën Gjykatë që ishte dhe dje, për të asistuar në fillimin e proçesit në ngarkim të saj. Akuza e ngritur nga prokuroria është ajo e vrasjes në kushte të rënduara, për shkak të moshës së mitur të viktimës.


Lutja e Gjyles: Mos më futni në burg

Gruaja 65-vjeçare Gjyle Hoti ka dalë krejtësisht e shpërfytyruar dje paradite para Gjykatës Kriminale "Woolëich Croën Court", për të marrë masën e sigurisë. Gjatë gjithë kohës, ajo është parë të qajë dhe të kërkojë familjarët në sallën e gjyqit. Avokati i Hotit, ka pretenduar për një masë të butë ndaj klientes së tij, pasi, siç është shprehur ai, mosha e të pandehures e bën të pamundur largimin e saj nga Anglia. Mbrojtësi i 65-vjeçares, kërkoi masën e sigurisë me arrest shtëpie, por kjo gjë nuk është marrë fare parasysh nga ana e gjykatës. Gjykatësi i çështjes, pasi ka dëgjuar avokatin mbrojtës, i cili tha se klientja e tij vuante nga disa sëmundje e nuk dëgjonte mire, ka vendosur masën më të lartë të sigurisë, duke e lënë në burg pa afat. Gjykata nuk ka marrë parasysh as moshën e thyer të gruas, si dhe as garancinë financiare të ofruar nga familja e saj. Ndërkohë që përkthyesi shqiptar i Gjykatës, lexonte vendimin e firmosur nga gjykata, Gjyle Hoti ka filluar të qajë dhe duke iu lutur gjykatësit, që të gjykohej e lirë dhe të kishte pranë të birin që kishte ardhur në sallë për të ndjekur vendimin. Policët e shoqërimit janë detyruar që ta marrin me forcë të akuzuarën duke e kthyer në qelitë e burgut të grave, disa kilometra larg Gjykatës.

[Living in Vain]

po he mo pra se na cuditet fare. Si ishte dhe njehere kjo ngjarje? Ka ndonje tjter gojedhene?

[Reina]

Kur isha ne high school ndodhi dicka e till me nje nga mesueseve te mija, baby sitter ja hodhi femijen nga shkallet. Me vertete te dhemb shpirti, e kam pare kete gje te ndodh shpesh here ketu ne Amerike. Prinderit duhet te jen me te kujdesshem se kujt ja len femijet, duhen te marrin shume te dhena. Sa per ate grua qe kryeu kete krim..... vetem nje i cmendur mund ta bej dicka te till, keshtu sdi si ta gjykoj ndryshe.

[Toni222us]

Te ndodhte edhe mes shqipetareve skisha degjuar

femija eshte gjeja me e shenjte

[DeuS]

Ky qenka rast i tmerrshem por nuk duhet te perjashtoni faktin qe femija mund ti kete rene nga duart ne nje menyre te atille qe duket sikur e leshoi me qellim. Mallkuar qofte nese e ka bere nje veprim te tille sepse femija eshte qenia me e pafajshme qe egziston......nje qenie qe se ha as ujku.

Rasti me i keq dhe makaber qe kam degjuar ketu ne Angli ishte i nje Xhamajkaneje e cila kishte perdorur femijen e vogel per te transportuar droge ne Angli. E di qe mendja ju shkon qe ajo e ka fshehur drogen neper rrobat e femijes por gaboheni..

Femija ishte mbytur perpara dhe ishte mbushur ne trupin e tij plot droge. Duke qene qe femijet flejne gjume shumicen e rasteve askujt nuk ja kishte marre mendja qe femija ishte i vdekur por vetem nje stjuardese e cila kishte dashur ta puthte e kishte vene re kete gje dhe kishte lajmeruar policine. Zezakja e cila mbante femijen te lidhur ne kurrizin e saj eshte akoma ne hetim e siper per te zbuluar rrjetin e mafjozeve qe cuan ne nje krim te tille c,njerezor.

[Living in Vain]

wow, te varet pak e ka!