Alergjite!

[ChuChu]

Po alergjive ndaj njerezve si ju behet halli?

Artikulli i meposhtem eshte marre nga revista Spekter

Zbulo kurat për alergjitë ushqimore

Ushqimi

Çdo të thotë të jesh shumë i ndjeshëm ndaj një ushqimi? Çfarë do të thotë të jesh alergjik? Sot një person në dy mendojnë se një pjesë e madhe e shqetësimeve të tyre vjen nga ushqimet që konsumojnë. Përpiquni të kuptoni se sa është e vërtetë kjo dhe se çfarë mund të bëni për të qenë në paqe me organizmin tuaj. Përse alergjtë janë një problem gjithnjë e më i pranishëm?

Sëmundje të mëdha dhe të vogla që fillojnë që në tavolinën tonë.
A ka mollë tek sallata e frutave? Të vjen keq në qoftë se nuk e ha ëmbëlsirën me çokollatë? Jo faleminderit, djathin nuk e ha që prej dy muajsh. Para se të ftoni dikë për darkë në ditët e sotme duhet të pyetet se çfarë nuk mund të hajë. Pyetja është e domosdoshme për të mos shkaktuar një gjendje të padëshiruar në personit të ftuar. Vitet e fundit është shtuar shumë numri i personave që deklarojnë se janë alergjikë ndaj një apo më shumë ushqimeve. A është tërësisht e vërtetë kjo? Mjekët thonë se një pjesë e pacientëve para se të bëjnë një kontrroll të plotë në se janë alergjikë apo jo, flasin për ushqimin si të ishte një virus që sulmon organizmin e tyre. Në të vërtetë janë të pakta rastet kur sistemi imunitar reagon me një inflamacion që shfaqet në forma të ndryshme, me urtikarie, ekzema apo kolit.

Përse është një problem gjithnjë e më i pranishëm?
Në vitet e fundit në mjeksi ka përparuar mjaft "mjeksia e evidentimit". Çfarë është?
Është një hetim që i bën mjeksia vetvetes. Edhe në rastin e alergjive më se fundi po hidhen mjaft pika të qarta. Akademia Europiane e imunitetit dhe e alergjive ka përcaktuar një herë e mirë se cilat janë ushqimet që kanë mundësi më të madhe për të shkaktuar alergji në organizmin e njeriut. Emërtimi i tyre është "big eight" pra tetë të mëdhatë.
Cilat janë?
Qumështi, veza, lajthitë, legumet si soja dhe kikiriket, peshku drithërat, guallorë, sulfitet dhe më pas i ndjekin sinapi, susami, selini dhe frutat.
Ku përfunduan çokollata, vera e kuqe dhe djathërat e stazhonuar të akuzuar shpesh se shkaktojnë dhimbje koke, gjendje lodhjeje dhe irritime të fytit dhe fryrje të barkut?
Në rastin e çokollatës duhet të saktësohet që shkaktar i alergjive është qumështi apo drithërat që ajo përmban dhe jo kakao e çokollatës, ndërsa vera e kuqe dhe djathërat mund të çlirojnë në organizëm istaminë, një substancë që shkakton një gjendje të keqe vetëm në qoftë se në organizëm ka një mungesë enzimash që e dobësojnë atë.

Ndryshimi në mes alergjisë dhe jotolerancave ushqimore.Zbulo kurat për alergjitë ushqimore.
Ja cilat janë veprimet që na bëjmë të dallojmë refuzimin ndaj një ushqimi, pra të kemi jotolerancë ndaj atij ushqimi dhe si të gjejmë mënyrën më të mirë për t'u kuruar. Në mjekësi alergjitë janë ndikuese tek njerëzit e paracaktuar gjenetikisht. Për ta zbuluar nuk është gjithnjë e lehtë, por duhet t'i nënshtrohesh testeve specifike të herëpasherëshme dhe analizave të gjakut. Ndërsa jotoleranca ushqimore është një fenomen më i vështirë për t'u përcaktuar. Tek alergjitë lidhja shkak-pasojë është shumë e shpejtë dhe efekti është i menjëherëshëm. Personave alergjikë ndaj vezës i mjafton të hanë një vezë dhe të mbushen menjëherë më njolla të kuqe në formën e urtikarieve. Ndërsa jotolerancat ushqimore janë shpjegimi i atyre shqetësimeve që pa një shkak të përcaktuar shfaqen tek shumë njerëz. Bëhet fjalë për dhimbje koke, pagjumësi, njolla në lëkurë etj.
Po përse një ushqim shndërrohet në armik?
Mjekët thonë se problemi nuk qëndron tek ushqimi, por tek zakonet tona të këqija. Të hash shumë dhe vazhdimisht, në të vërtetë shton mundësinë e intoksikimit të organizmit tonë. Dhe marrja e ushqimeve të ngjyrosura apo të konservuara ndihmon në zhvillinin e një apo dhe më shumë jotolerancave ushqimore. Një gjendje refuzimi ndaj një ushqimi mund të ndodhë kur organizmi është "i ngopur".
Mjekët thonë se kjo mund të ndodhë pas një kure të gjatë me antibiotikë ose me kortizon, pas një periudhe të gjatë stresi apo dhe një ndërhyrjeje kirurgjikale. Por të gjitha jotolerancat ushqimore mund të kurohen. Zgjidhja? Një dietë me rotacion për një periudhë nga 3-6 muaj. Tre ditë në javë nuk konsumohet fare "ushqimi armik" dhe një ditë të vetme hahet lirshëm dhe kështu me rradhë për javët dhe muajt e ardhëshëm.

Alergjia më serioze? Ajo e glutinës.
Një sëmundje që mund të shfaqet në çdo moshë. Ja si mund të përballemi duke ndjekur këshillat e ekspertëve.
Ndërmjet alergjive ushqimore, alergjia e gluditës është më e rënda. Ai që vuan nga kjo alergji përgjatë gjithë jetës së tij nuk mund të marrë më ushqime të përditëshme si buka, makaronat, ëmbëlsira dhe pica. Tek ata që vuajnë nga kjo alergji, glutina shkakton një veprim të fuqishëm në zorrën e trashë. Ajo shton prodhimin e linfociteve të cilat godasin muret e zorrës së trashë të cilët pas një farë kohe atrofizohen dhe nuk veprojnë më. Ja pse në një kohë të shkurtër personat alergjikë ndaj glutinës fillojnë të vuajnë dhe nga mungesa e kalciumit, hekurit dhe vitaminave.

Simptomat më të dukshme?
Dobësim apo një shëndoshje e papritur, gastrit, diare, dhimbje koke, lodhje të pashpjegueshme,dhëmbë dhe thonj të dobët. Më të goditur janë fëmijët në fëmijërinë e parë dhe gratë mbi 35 vjeç. Tek gratë mund të ndodhë pas shtatzanisë dhe lindjes, dy ngjarje stresuese për trupin.

Si ta njohim dhe të fitojmë kohë për ta mjekuar...
Tek fëmijët është më e lehtë njohja sepse mungesa e vitaminave nuk lejon rritjen normale të tyre. Ndërsa tek të rritur është më e vështirë dhe shpesh dyshohet për anemi apo osteoporosi, dobësim të kockave. Dhe problemet e fertilitetit, ciklet menstruale jo të rregullta dhe dështimet e përsëritura të bëjnë të mendosh për një alergji të glutinës, pra sinjalet janë të shumta dhe të ndryshme, ja përse të dallohet kjo lloj alergjie nuk është e lehtë dhe as e menjëhershme. Në raste dyshimesh mjeku para së gjithash duhet të kërkojë një analizë gjaku dhe në qoftë se kjo rezulton pozitive, atëherë pacienti duhet t'i nënshtrohet një biopsie intestinale. Është një tub i hollë që futet në gojë dhe merr një pjesë nga mukoza e fillimit të zorrës së trashë. Është një ekzaminim i sikletshëm, por zgjat pak, nga 3-10 minuta. Në qoftë se prindërit vuajnë nga kjo alergji, fëmija ka dhjetë për qind mundësi për ta trashëguar atë. Por diagnostifikimi tek një i porsalindur nuk është akoma i mundur. I sëmuri duhet të ndjekë një dietë të veçantë.

Ku duhet të bëhet pazari? Në qoftë se në shtëpi keni një alergjik nga glutina, duhet të bëni kujdes nga kontaminacionet e ndryshme ushqimore. Për të pregatitur ushqime pa glutinë duhet të përdorni: lugë druri, enë gatimi dhe kulluese makaronash të veçanta për të mos rrezikuar ndikimin e ushqimit të pjestarëve të tjerë të familjes tek ushqimi i personit alergjik. Dyqanet me produkte bimore janë një variant i mirë për rastin tuaj.

[Bledari]

o Kuqaloshe po une qe jam Alergjik ndaj Stineve...
Sa her qe vjen Marsi deri ne fund te Prillit mbaroj nga te shtimat kam rrjedhje hundesh edhe vetem syri i djathte me loton po ashtu pastaj ne Shtator deri ne fund te Tetori po e njejta gje por per kete ka ndonje mjekim?

[MisCongeniality]

Bledi,
Mjekimi per ty: ALLEGRAAAAAAAAAAAAAA (fexofenadine)

Pak me ne thellesi per kurimin e alergjise sende. Kaq di une:

1) Antihistamines: benadryl apo allegra
2) Leng me pikatore per hundet: Cromolyn, Beclomethasone
3) Steroide: Vec ne raste urgjente dhe per nje perdorim me kohe shume te shkurter.

Kjo lloj alergjie vjen e zvogelohet me rritjen e moshes por s'e di nese zhduket komplet apo jo.

[sirena_adria]

Ndërlidhje Temash :


https://www.forumishqiptar.com/threa...si-mund-ta-heq

Alergjia si mund ta heq?

[sirena_adria]

Alergjia Ndaj Ushqimeve të Detit – Alternativat e Sigurta për të Marrë çdo Vitaminë

Rreth 2 përqind e njerëzve në botë janë alergjikë ndaj molusqeve dhe ushqimeve të detit.

Këtu futen të gjithë llojet e guackave, karkalecë, peshk, kallamarë e shumë të tjera.

Ndonëse shumë të shijshme për disa njerëz ato mund të provokojnë sëmundje serioze, helmim e alergji të ndryshme.

Alergjitë më të rreziskshme e më të përhapura janë ato ndaj molusqeve dhe të gjithë llojeve të guackave.

Simptomat

Alergji të tilla çlirojnë disa kimikate në trup si histamina të cilat sulmojnë imunitetin.

Kështu krijohet një zinxhir reaksionesh që çon në simptoma si fryrje e fytyrës, krurje e lëkurës, ekzemë, vështirësi në frymëmarrje, dhimbje barku, diare, të vjella apo marrje mendësh.

Këto simptoma fillojnë menjëherë dhe mund të kthehen në një rrezik për jetën.

Si t’i trajtoni

Mënyra më e mirë për të shpetuar nga ky problem është eleminimi i plotë i këtyre ushqimeve nga dieta juaj.

Mjekët sugjerojnë që as të mos i prekni apo t’ju merrni erë këtyre ushqimeve nëse jeni alergjikë.

Gjithësesi egzistojnë disa mënyra se si mund te rrisni sistemin imunitar duke konsmuar ushqime si:

Probiotikët

Probiotikët të cilët rrisin bakteret e mira dhe i shtojnë mbrojtjen organizmit ndaj alergjive.

Kokrrat për tretje

Nëse merrni kokrra për tretje apo enzima të tilla e ndihmoni trupin të tresë më mirë proteinat të cilat shkaktojnë alergjitë ndaj molusqeve.

Vitamina B5

Vitamina B5 mund të jetë e dobishme për njerëzit që vuajnë nga alergjitë apo astma sepse përmirëson funksionin e veshkave.

Kjo vitaminë është e rëndësishme kundër bllokimit të hundëve, tretjen e mirë dhe rrit sistemin imunitar.

Ushqime alternative

Në mënyrë që të mos ndiheni asnjëherë të rrezikuar nëse vuani nga kjo alergji, mbajini ushqimet që e shkaktojnë atë larg.

Megjithëse janë të pasura me plot vitamina e minerale dhe kanë një shije të mirë, çdo gjë që ju duhet për një trup të shëndetëshëm mund ta gjeni edhe në ushqime të tjera.

Provoni të konsumoni më shumë biftek apo mish viçi pasi vetëm 80 gramë ju jep 10% të dozës ditore të hekurit që ju duhet.

Pula dhe mëlçitë e pulës janë gjithashtu burime të mëdha proteine që mund t’i përdorni në shumë receta.

Për më shumë fibër provoni të fusni në ditetën tuaj fasulet e zeza dhe thjerrëzat.


/ AgroWeb.org

https://agroweb.org/shendet/alergjia...-cdo-vitamine/